[ Next Thread |
Previous Thread |
Next Message |
Previous Message
] Date Posted:09:01:35 08/13/04 Fri Author Host/IP: spare-ip-7.edsamail.com.ph/210.16.72.7
Talent fee ni Regine V., nakakalula
8/13/2004 10:55:00 AM
Kabayan Online
Nakakalula pala ang talent fee ng tinaguriang Asia's Song Bird na si Miss Regine Velasquez sa mga show niya.
Bulung-bulungan ngayon na umabot sa apat na daang libo ang siningil niya nang mag-show siya sa Mimosa Holiday Inn Hotel sa Clark Angeles, Pampanga, kung saan nagkaroon ng isang birthday party doon ang bilyonaryang si Vivien Fermin (malayong kamag-anak ni Cristy Fermin) na nagbakasyon dito sa Pilipinas para dalawin ang kanyang mga matatalik na kaibigan dahil matagal siyang namalagi sa Los Angeles kung saan siya naka-base.
Para raw maging bongga ang nasabing party kinuha nito ang serbisyo ni Regine para mag-aliw sa kanyang mga bisita at gusto niya ring mapakinggan at makitang mag-perform ng live si Regine dahil matagal na niya itong hinahangaan.
Noong una ay hindi kami makapaniwala sa mga sitsit tungkol sa presyo ni Regine dahil nga hindi pa namin ito nasusubukang kunin sa mga show. Pero nang sabihin mismo ng bilyonarya na apat na daang libong piso ang ibinayad niya kay Regine katumbas ng apat na kanta, naloka kami. Agad naming kinuwenta kung magkano per song ang singil ni Regine. Doon namin nalamang tumataginting na isang daang libong piso ang sinisingil niya.
Sa panahon ngayong tag-hirap hindi pa rin pala nagbaba ng talent fee itong si Regine, kaya nasasayang lang ang panawagan ng iba niyang kasamahan sa industriya na magbaba sila ng talent fee para makatulong sa mahihirap na producer na gustong mag-produce rito sa atin para matulungan ang naghihingalong industriya.
Alam kaya ng Bureau of Internal Revenue ang sinisingil na talent fee ni Regine at idini-declare kaya niya ito nang tama sa kanyang annual tax declaration tuwing magbabayad siya ng tax? Nagtatanong lang po.
Kabayan Online