[
Next Thread |
Previous Thread |
Next Message |
Previous Message
]
Date Posted:06:35:07 08/19/09 Wed
Pesta Berbulang…sadar onjob sadar…pesta tey suda penakod banca jati Bisaya..muka mato banca lain yang jati tey wujud p Limbang..p Malaysia maya p dunia tey..aku roso gayo genao maya terimo kasih timo jelama yang mencetus idea maya ani yang ngemulo setarus no merealitikan pesta jati itey..
selapas pesta berbulang..akan aro komen moncoi.. aro komen onjob moncoi..aro yang bersimba tuntut..aro yang siau..aro yang ngalap genao..aro yang kelogos..maya macam- macam lagi..sebonor no pekara itey aro “LUMRAH” nak ka kajun abai..onjob aro yang sempurna..sabab no, na ka kajun jati bisaya lagi “ULU NGANO SAMA ITOM, GENAO LAIN-LAIN..” jati harus paham maya nerimo pekara itey..lain jelama..lain pendapat no..lain pikiran no..kalau lom iba tuntut no jati harus “BERPIKIRAN TERBUKA..BERPIKIRAN MATANG”...
sepatut no..komplen yang moncoi ino lan jati jadikan semangat jati..komplen yang raat @onjob moncoi ino harus lan jati ngerikin bonor-bonor..aro ka lurus komlen ino?..onjob ka?kalau aro lurus no lan jati pakaion untuk namba moncoi lagi pesta jati itey..kalau onjob, adang no naak@ nyimba maya tuntut raat..adang no ngalap genao..adang no kan siau..adang no lomogos..kalau jati mcm ino,.. jadi idea maya bua pikiran maya ani cadangan yang buli namba moncoi pesta itey akan onjob mikot @ saboi li jati..sabab no.. jelama ramai andi beliau berkunci sabab yoro andi beliau ngerongau simba tuntut raat..jati ani yang rugi.. timo jelama ramai yang onjob setuju..aro roso kekurangan pesta itey..adang naak tuntut raat maya kasar..kalau jati kan komplen no ngana katab tuntut@ bahasa yang moncoi..jati tey banca beradat.. kalau buli..berbalik lagi na ka tuntut ku kumai jati harus berpikiran matang..berpikiran terbuka..supaya jati ain ka saja kalap namba moncoi pesta jati itey..tapi kalap ngalap narik perhatian banca-banca lain mikot ngintong..setarus no memeriahkan lagi pesta jati itey..
sebonor no..lom pengalaman aku la.. semakin suang komplen semakin moncoi..sabab no yang pertama..jati akan kalap idea atau bua pikiran agu untuk namba moncoi pesta itey..yang keduo, komplen2x ino menunjukan li p jati jelama suang prihatin..bersama jati..maya ani nyukung jati..ketalu no..jati harus sadar yang kejayaan ngajor bilang2x taun nganjor pesta itey lain ka kejayaan penganjor saja..tapi jati selied..ontob menteri saboi no anak diok yang manau nyambut maya memeriahkan pesta itey.. kalau penganjor nganjor semoncoi ombo pun pesta tey kalau jelama ramai onjob mikot..onjob jadi ani..
jadi lom iba tuntut no.. jati harus “SEGENAO”…adang ngano SEGENAO stakat pi logo persatuan bisaya ngano…tapi antara jati harus SEGENAO..baru no jati kalap SEPANAU..baru jati akan CEMERLANG..GEMILANG...TERBILANG..!
ba..saboi p tio ngano untuk kali itey..aku arap muyun kalap ngerikin tuntut ku itey..Aku taak map no pi muyun yang teroso..tersinggung atau duol genao ngerongau katab tuntut ku..aku onjob beniat na ka gaya ino..ngano aku beliau jati selied kalap ngelaang maju seiring maya banca-banca lain selalom aan pekara ani bidang...
[
Next Thread |
Previous Thread |
Next Message |
Previous Message
]