| Subject: Ukai Enggai ke BN |
Author:
Kerubung Tuntung
|
[
Next Thread |
Previous Thread |
Next Message |
Previous Message
]
Date Posted: 09:43:20 02/17/09 Tue
Author Host/IP: bkj-cache1.jaring.my/61.6.163.20
In reply to:
Apai Jugah
's message, "Enda Manah Klalu BAM ANAK/UCHU!!!" on 06:43:22 02/17/09 Tue
Tabi Apai Jugah,
Enda ga bangat enda setuju diperintah BN unggal tang kitai mesti berunding ka bansa diri kelalu mayuh dipenyatek orang kiba kanan. Enti perintah ti megai bebagi samarata enda ga aku nyemana ka tang ti dipejurai ka ngena randau panjai utai tu enda ulih abis. Semua kitai bela nemu penimpang ti nyadi disepi bansa kitai tang meh ketuai kitai enggai enda enggai meh ngidup ka periuk diri empu. Nya ukai ga salah sida, ka pen sida enda baka nya tegal kitai tu enda ulih digempung sida ari suba-suba. Ti sida ulih ngempung alu kitai sekupak serunding, bansa kitai ulih nyadi bansa ti kuat ukai mina ari segi politik aja tang meh ari pemujur pengidup.
Ambika banding. tegal BN ti empu kuasa, alu kitai enda ulih bejako nama-nama. PPM di sekula kitai ia ke mayuh nya bala orang bukai pia mega ustaz enggau ustazah diatu dikenatai ka ari Kelantan enggau Terengganu dianjung ngagai menua kitai tgal bisi dua tiga iko anembiak Islam. Alu ke pengujung ia ila, nama penyadi bansa kitai? Nya endang cara sida JAKIM berdakwah awak ka bansa kitai muka ati ngagai pengarap sida lama kelama tegal sida nemu pengarap Kristian kitai mina nyilu kuku aja.
Enti rebak British rebak Jipun kelia, kitai diperintah ngena cara kasar beperang kin kitu. Tang maya ari tu kitai diperintah ngena untak punggal. Baka ni ka pengujung bansa kitai ba taun 2010? Bansa bukai mayuh amat lenggur pemansang udah diadu kelebih agi bansa Bidayuh ti jauh mimit ari kitai. Enda ibuh disebut bansa Melayu. Nama skil ti bisi ba kitai? mayuh skil kitai tang enda dikemaju lalu enda expose baka bansa bukai. Ok kitai pandai ngaga arak langkau. Lapa enda ngaga kilang? lapa enda ulih? nama Cina ulih? Ok kitai pandai betupi betanam. lapa bangat pedis ka bulih lesen? Nama bansa bukai senang bulih lesen. Bedau dikira penanyi bansa kitai ti mengkang bepanggai ba kompeni Cina.
Oh klalu mayuh randau aku. Mupuk dulu punggal.
Kerubung Tuntung
[
Next Thread |
Previous Thread |
Next Message |
Previous Message
]
| |
