Author:
BEM (tegenung kediri)
|
[
Next Thread |
Previous Thread |
Next Message |
Previous Message
]
Date Posted: 20:33:28 04/18/08 Fri
Author Host/IP: NoHost/124.13.13.87
In reply to:
Paderi
's message, "Amat munyi ticak" on 17:31:23 04/18/08 Fri
Terima kasih unggal Paderi ketegal feedback nuan ti cukup manah. Dulu aku minta ampun ngagai semua forumers ka enggau berandau ditu lalu terang aku madah ukai tuju ati aku kitu ngelaya sapa-sapa.
Kasih meh ka bansa kitai! enggai ka bansa Iban terus diketawa ka bansa bukai ti nemuai kitu. Nya alai leboh aku macha posting ti enda menuku ditu jampat aku deka nimbal. Randau enggau penemu kitai ti manah ditu tau nyadi reta 'intellect Iban' nya kebuah kitai beguna ka buah runding enggau penemu ti manah laban kitai ukai agi rebak Iban ti dikumbai sida Cina Foochow 'Lakia' kelia.
Amat bisi sekeda kitai beguna ka ruai tu berandau ka utai ti manah tang kitai sigi ngenggai ka sekeda posting ti sengapa lalu bejaku enda menuku ditu laban pengawa bakanya enda bertanggung jawap lalu meri image ti enda manah ngagai kitai bansa Iban ba bansa bukai. Kadang-kadang aku geram amat enggau sekeda forumers ti enda mereti ka tuju sida Pegari nyendia ka ruai tu. Patut semua kitai beterima kasih ngagai sida iya ti udah enggau lempung ati 'sponsor' mayar sewa server web tu ninting bulan.
Nya meh unggal Paderi, nyau asai ka tatuk meh aku mesan ngagai kitai sebuat terus besampi ka roh jai iya ka balat nanchang kitai Iban ari kelia - 'Roh Belaya'. Roh nya ukai warisan ti ditemegah ka kitai laban Tuhan deka kitai bebaik enggau semua urang, nya ajar Bup Kudus ngagai kitai ti percaya ka Iya. Pelaba aku ukai utai ti bangat pedis ngetas ikat nya ari ati kitai mensia enti kitai sanggup nesal ka pengawa ti enda betul nya. Laya ti nadai pengujung deka ngemerat ka singkang pengidup bansa kitai enggau urang nuju wawasan 2020. Ingat! semina tinggal 11 taun da agi taun 2020, endur menua kitai Malaysia dikumbai menua maju. Bakani ko pendiau lalu dini endur kedudukan kitai Iban maya nya ila? Enda ka malu anak Iban lebohnya ila agi ngembuan ulah pendiau bala aki ini ti dibai Raja James Brooke ngayau kelia.
Kepenudi, ni unggal Antu Kerapa lama iya nadai pansut enggau kitai betunga ditu. Nama rita iya kini? Kati business kebun kelapa sawit iya udah mansut ke hasil pelaba aku loaded iya diatu.
Nya aja, mupuk dulu aku.
[
Next Thread |
Previous Thread |
Next Message |
Previous Message
]
|
