Author:
BEM (kelalu tusah ati)
|
[
Next Thread |
Previous Thread |
Next Message |
Previous Message
]
Date Posted: 20:55:38 06/05/08 Thu
Author Host/IP: 52.60.in-addr.arpa.tm.net.my/60.52.14.199
Baru berapa ari kitai udah ngintu Gawai Dayak 2008...tang mayuh kitai ngasai ka pengaga ati ngerami Gawai taun tu udah padam saritu. Nama kebuah? Saut iya, ketegal rega minyak enggau beras kelalu balat niki rega. Penusah idup kitai udah tu ulih dijangka ketegal minyak enggau beras niki rega. Enti suba kitai bansa ngintu Ari Gawai nyau ka sepemanjai bulan 6, nadai hal tang diatu mayuh kitai enda ulih agi bakanya. Kos pengidup kitai ngepun ari saritu deka nambah 45-50% niki.
Saritu, 5-6-2008 perintah menua udah niki ka rega minyak petrol 0.78 sen seliter lalu diesel RM1.00. Taun nyin suba rega minyak niki 0.30 sen kitai rakyat balat ngeransi laban rega semua barang niki. Diatu kitai meli petrol seliter RM2.70 lalu diesel RM2.58. Aku enda nemu nama bakani kitai deka nerus ka pengidup pegila lusa. Sigi enda dipelaba ka semua rega utai dijual bala Cina niki datai ka 100% mar ari ngelamatu. Nama penyadi rakyat ti seranta baka kitai tu. Naka ni pengasih perintah ka kitai rakyat, sama meh kitai nganti.
Beras. Mayuh kitai makai dua kali sehari. Empai lama bisi kitai digerah makai segegam asi, mayanya suba rega beras amat bisi mar rega tang enda baka rega beras jam kediatu. Peda kitai diatu rega beras udah kelalu mar. Kati sanggup kitai diasu makai segenggam asi lalu semina diasuh makai sekali dalam sehari. Cunto, beras wangi hancur (10 kg) iya ke dijual RM22.50 suba diatu dijual kedai enggau rega RM50+. Amat bisi beras iya ke disubsidi perintah enggau rega RM18 (10 kg) tang enda cukup ba negeri besai. Agi pen beras iya ka bisi subsidi kelalu jai quality, ukai jaku sombong bala ukoi, bala mayau pen enda tentu kenyang leboh makai asi laban dipeda aku nyau kuning gamal sigi stok lama menua Vietnam tauka Thailand dijual ngagai menua kitai.
Agi mayuh utai ka dikerandau enggau bala ditu, tang awak ka naka tu dulu meh sekali tu. Mupuk aku.
[
Next Thread |
Previous Thread |
Next Message |
Previous Message
]
|
