Show your support by donating any amount. (Note: We are still technically a for-profit company, so your
contribution is not tax-deductible.)
PayPal Acct: 
Feedback: 
Donate to VoyForums (PayPal):
| [ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1] ] |
| 男女拍拖吵架分手，本是平常。 分手後要索回拍拖時的“紀念品”，為什麼不可以？ 因為雖不能天長地久，但要曾經擁有？ 因為現在是二十一世紀，拍拖分手均要灑脫？ 因為如果把禮物要回，會很CHEAP？會將感情跟物質中間劃上等號？ 有感情時什麼都可以，分手了，所有東西均要索回。 ========================================================== 我想，我應該再為大家講解一下事件中各人關係。 （當然係由我的角度，所以少不免會主觀了一點，希望大家見諒） ---------------------------------------------------------------------------------------------------- A小姐，家中小女，外貌中上，性格活潑天真，口沒遮攔，浪漫主義者。 雖年事已高，奈何仍一副赤子之心。 有點小姐脾氣，喜歡對男友兇，實質刀子嘴，豆腐心。 與B先生相戀（？！）近十年，卻好像有點不甘心嫁給初戀情人。 ---------------------------------------------------------------------------------------------------- B先生，外貌普通，性格有點古板，不擅長說好聽的說話。 年紀較A小姐小，不過單從外表看不出來。（A小姐外貌很年輕） 對A小姐死心塌地，關懷之舉比比皆是，奈何很少說出口。 從商，條件不錯，非A小姐不娶。 應對C先生之事有懷疑，但並不確定。 ---------------------------------------------------------------------------------------------------- C先生，外貌樣衰，性格貪慕虛榮，要面子，充大頭。 教育程度極低（小學未畢業，而A小姐已大學畢業）。 有嚴重自戀狂，常常跟A小姐說自己有條件做明星。 但年紀比A小姐小很多。應對B先生之事全不知情。 （C先生資料除外貌一欄全由A小姐提供） ---------------------------------------------------------------------------------------------------- G小姐（我菇菇喇），外貌中上（有夠主觀）奈何身材中下。 性格有點八卦，喜歡說道理（我講的就是道理），喜歡抱打不平。 為人和藹可親（咳....），做事講求條理，要求身邊所有人反應快。 脾氣好，但忍受不了過份蠢的蠢人。討厭麻煩，卻常自找。 與A小姐認識六年，最近開始覺得應該讓她孤獨終老（她才不會）。 ---------------------------------------------------------------------------------------------------- ========================================================== 應該由邊處講起呢？ 話說有晚，A小姐突然打電話俾我。佢話佢好激氣，決定點都要欏番0的野。 當時已經九點幾，佢話要等C先生番屋企，然後欏番晒佢0的野。 （A小姐已經響C先生屋企門口） 我知道要叫佢唔好欏野，已經冇用， 只係怕佢一個女仔半夜三更響人地地頭等，就算俾佢等到又點， 分分鐘A小姐俾C先生溶左條屍，或者整埋叉燒飽都冇人知。 於是乎我改勸佢一早去等， 我話我怕聽到第二朝新聞報告話有一女子疑感情糾紛伏屍男事主家。 不過，我0既說話似乎沒有什麼說服力。 A小姐堅持等，我唯有堅持唔收線，陪佢等。 一邊傾，我一邊每隔半個鐘就叫佢走，唔好等，危險。 佢心口畫個勇字我亦冇辦法，結果一點幾，佢叫我收線，去訓， （我第二朝一早要番工）不過佢會繼續等。 我冇晒辦法，我知道C先生仍與家人同住， 估計C先生就算要殺A小姐，家人點都會阻止掛， 要不然A小姐大嗌，隔離鄰舍都會聽到掛。 我唯有去訓，希望C先生唔番屋企，A小姐會乖乖地番屋企。 呢一刻，我只係覺得，東西已經唔重要，分手何必要搞到WEE爛塊面。 東西要唔要得番無所謂，安全最重要。 第二日，A小姐打番俾我，我問佢搞成點，佢話等到兩點幾C先生至番， 但欏唔番0的野。 問題二︰如果分手，一方已要求要索回所有物品， 身為另一方的你（假設），你會否歸還所有物品？ 老實說，如果對方真係咁厚面皮問我欏番0的野，我實兜口兜面劈番俾佢。 咁又好老實，呢個真係關乎到要求的一方是男是女，說分手的又是誰。 我識咁多男仔，未見過一個會要求欏番0的野既。 通常都係個女仔（未被要求下）將0的野俾番男方。 請記著你的答案和原因。 《待續》 |
|
Forum timezone: GMT+7 VF Version: 3.00b, ConfDB: Before posting please read our privacy policy. VoyForums(tm) is a Free Service from Voyager Info-Systems. Copyright © 1998-2019 Voyager Info-Systems. All Rights Reserved. |