怒髮衝冠 -- SFXC forum

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, [4], 5, 6, 7, 8, 9, 10 ]

Subject: 怒髮衝冠

Author:
嘰嘰

[ Next Thread | Previous Thread | Next Message | Previous Message ]

Date Posted: 08:35:41 05/15/03 Thu

圖書館有四舊閉路電視，分別係借書處、還書處、近窗口同埋雜誌架上。但係，有多餘錢點解唔用黎買多d書呢？用學校既錢係唔係應該同家長同學講聲呢？
第二，就係點解要安閉路電視。我作出下列的假設：
(1)有人偷書，所以要睇住
唔通我地真係貪學校d書舊咩？又唔可以戴書包入去既，咁又點偷呀？門口又有人check書既，所以我認為這不能成理由。
(2)控制秩序
學校圖書館成日打交咩？秩序想算理想。如果話唔安閉路電視就控制唔到秩序既話，咁我就話應該係廁所樓梯課室同地理室安左閉路電視先。
(3)圖書館管理員唔洗行黎行去
喇，開始中point啦，d圖書館管理員唔洗行黎去就見到後門有冇人坐係地下。但係咁都懶既我冇野好講。我地圖書館幾千呎地咩？
(4)驚圖書館管理員偷錢
你地去公共圖書館睇下，就知閉路電視大多會放係圖書架附近。但係我地學校就將2舊閉路電視放係借書處同埋還書處，明眼人都知咩事啦。但係有冇人偷個十幾二十蚊都成疑問‧‧‧

下面就係我今日見到我既野
圖書館管理員A：(向圖書館管理員B，指住閉路電視)嘩，你睇下個條友係到撩鼻屎呀‧‧‧
圖書館管理員B：哈哈‧‧‧

我嘰嘰在此要求圖書館解釋「閉路電視事件」！！！

[ Next Thread | Previous Thread | Next Message | Previous Message ]

Replies:

[> Subject: 你所提出的理由有問題
Author: Clock姐姐 [ Edit \| View ]	Date Posted: 09:00:42 05/15/03 Thu 你所提出的理由似乎有錯誤和有點不合羅緝.......

[> Subject:

小小意見

Author:
人一個
[ Edit | View ]

Date Posted: 10:10:27 05/15/03 Thu

用學校o既錢要同家長同學講聲嫁咩？應該唔洗呀？
如果要，咁學校買一樽漂白水都要派通告？
至於安裝閉路電視係唔係用多餘錢，咁就睇下呢o的閉路電視o既真正用途係咪多如喇。
對於你o既四個假設，我不能回應，因為我唔係負責人，既然我唔知答案，所以講多都無謂。

[> Subject: Re: 怒髮衝冠

Author:
蔡進步
[ Edit | View ]

Date Posted: 11:19:19 05/15/03 Thu

有人偷書...是鐵一般的事實,有其他防偷書之法,亦不代表沒有人偷書啊~~~書是殘d,同學可能是順手牽羊的心理吧(我去借本書,遲左比罰款,好似私德有虧咁/.\同學叫我去"羅".....我想起<<孔乙己>>既...讀書人的竊書)
用d$$黎買書唔係唔好....不過,我地學校既讀書風氣,好似都冇偷書風氣咁盛行wor~~成日買d書冇人睇,不如守住d有人偷既書先啦~
如果我負責睇個閉露....見到有人撩鼻屎...我都會笑下.....有人識笑即係有人望個screen而唔係裝左唔理啦

[> Subject: 嘩!乜你d假設咁搞笑既?!

Author:
@o@
[ Edit | View ]

Date Posted: 04:40:38 05/16/03 Fri

>第二，就係點解要安閉路電視。我作出下列的假設：
>(1)有人偷書，所以要睇住
>唔通我地真係貪學校d書舊咩？又唔可以戴書包入去既，咁又點
>偷呀？門口又有人check書既，所以我認為這不能成理由。

我都假設你好天真無知，唔知d人可以將本書放係身上帶出圖書館。
另外高form既同學有空堂而會係圖書館我假設你唔知圖書館管理員唔係24小時on-duty

>(2)控制秩序
>學校圖書館成日打交咩？秩序想算理想。如果話唔安閉路電視?>N控制唔到秩序既話，咁我就話應該係廁所樓梯課室同地理室安
>左閉路電視先。

你自己都識咁講lor, 咁依個會唔會係安閉路電視既理由呢??

>(3)圖書館管理員唔洗行黎行去
>喇，開始中point啦，d圖書館管理員唔洗行黎去就見到後門有?>N人坐係地下。但係咁都懶既我冇野好講。我地圖書館幾千呎地
>咩？

係好有趣wor...圖書館管理員日日上書行咁多轉都係咁行啦，
而且你依句"開始中point啦"好明顯係對一開始己經圖書館管理員有偏見啦。
你自己都識講啦"我地圖書館幾千呎地咩？" 你唔好係度作一d咁無謂既假設好wor

>(4)驚圖書館管理員偷錢
>你地去公共圖書館睇下，就知閉路電視大多會放係圖書架附近?>C但係我地學校就將2舊閉路電視放係借書處同埋還書處，明眼人都知咩事啦。但係有冇人偷個十幾二十蚊都成疑問‧‧‧

你依個假設真係可圈可點。唔該你解釋下呢句"明眼人都知咩事啦"係咩意思。
用一句"明眼人都知咩事啦"想錯誤引導我地濟民!?未免丸小看我們吧?!

[> Subject: 回應

Author:
圖書館
[ Edit | View ]

Date Posted: 04:48:10 05/16/03 Fri

就閣下提出的問題，本人或許可以提供一些參考答案及原因，希望閣下不要作胡亂猜測。首先聲明，安裝閉露電視雖然不是一朝一夕的事，但因為圖書館管理員事前是不知情的，而且和大部份同學一樣，是近日才知道的，所以他們很多也感好奇，以至出現閣下所說的情況。其實安裝閉露電視並不是圖書館自己獨自處理的，在SU的真情對話中已有提出，當時並沒有同學對此表示反對，而且是得學校在防盜門及閉露電視兩者中選擇的。

(1)有人偷書，所以要睇住
呢一個係理由之一，因為圖書館失書問題非閣下想像般少。可能本校學生喜歡閱讀，有部份同學空堂見沒有管理員，都愛把書拿出圖書館看，但都沒有手尾，例如有一些書居然可以在CSA找到，而且是未經外借。圖書館本想裝防盜門，但是學校資源有限﹝每隻門要成十數萬，另外每本書要一元安裝磁條﹞，而且安裝時，每一本書都要做一定功夫，恐怕一兩年才可以使用。就正如閣下所言，資源應用在書上，安裝閉露電視只是提醒同學自律而已。

(2)控制秩序
呢個只是讓Miss Wong或Brother 知道沒有老師在場，有那些同學專門生事或不是在使用圖書館資源。

(3)圖書館管理員唔洗行黎行去
圖書館有幾大？圖書館管理員日日去書架上書及掛書，都不下十數次吧。

(4)驚圖書館管理員偷錢
呢個純閣下的意見，也許是安裝後才使人想到這個作用，原意不是這樣。

其實另外一個最主要的原因，是因為本年開始，有部份同學過期還書一段時間後，對Miss Wong說他們的書已還，Miss Wong 只好叫他們在書架上找，他們都找到了，但其實都不知道是否他們真的還了，還是管理員出了錯。故此在兩個counter 都安了閉露電視，讓圖書館知道該同學是否真的還了書。

另外，圖書館的影印機早前亦被同學破壞，但是沒有人知道是誰破壞的，故此安裝閉露電視可以作一個監察用途。

本人深感同學的疑慮，希望上列答案可能滿足閣下。

至於校方會否通知同學相關事情，我相信學校會有安排。而圖書館亦會盡快張貼相關告示。