兄弟，大功告成，收Band喇！ -- SFXC forum

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4, [5], 6, 7, 8, 9, 10 ]

Subject:

兄弟，大功告成，收Band喇！

Author:
7B27

[ Next Thread | Previous Thread | Next Message | Previous Message ]

Date Posted: 04:15:14 04/26/03 Sat

支持濟濟精神等如宣揚賭博？

請先看看以下的資料：
支持 = 關注、欣賞、祝福、吶喊、係屋企睇電視、入馬場參觀、下小注、下大注……
濟濟精神 = 一隻馬、老校友的愛校愛師的精神、濟記的投射、賭博的工具……
賽馬 = 運動、比賽、嘉年華會、國際盛事、博彩活動……
宣揚 = 大聲講、公開講、登廣告、派傳單、印書仔……
賭博 = 合法的（賽馬、六合彩、打麻雀、鋤大D、賭波（就黎）、打賭Summer同獨眼龍今年會考邊個A多0的……）；非法的（輪盤、番攤、牌九、show hand……）
馬會 = 合法的機構、慈善的機構、博彩的機構、僱請龐大員工的機構、每年進貢政府很多的機構……

以上每一個set都有很多不同elemenets，任何element均不可能代替完整的Set，正所謂「白馬非馬」，如硬要把兩者對等，便是以偏概全。現在由每一個set中抽取一個element，來代表同一set中的另一element或整個set，組成一句判斷句，用來代表完整的sets所包含的另一些elements甚或全部elements的概念，就更加不可能。大家用排列組合的方式看看以上所列可以提供多少個可能性？

根據上文的資料，Summer可以得出支持濟濟精神等如宣揚賭博的結論；我們也可以得出欣賞老校友的愛校愛師的精神等如宣揚犯法的（事情）的結論。我們在向Summer提問時，不斷要求他考慮一個概念所能包容的其他可能性，用意正是如此。

我們可再舉一例，我們認為「支持濟濟精神等如宣揚賭博」不能成立，正如前提1是「Summer是聖芳濟學生」；前提2是「獨眼龍是聖芳濟學生」，因此，「不喜歡Summer一味批評別人」不等如「不喜歡獨眼龍一味批評別人」也不等如「不喜歡聖芳濟學生」又不等如「打倒聖芳濟」一樣。

以上所談到的，並唔止係simple logic，因此Summer永遠點極都唔明；而且是rational，更加是legal。

再者，對世間上既野既認識，客觀條件是否容許我地搜集晒「所有真確的資料」，俾我地作出誰對誰錯的判斷？我地問Summer一句，法官和陪審團會不會作出錯誤的判決？我們看報，間唔中會覺得法庭判某些案件太輕或太重，那是否法官或陪審團判錯呢？其實，這牽涉到證據不足、法律過時、法律程序僵化、辯方律師的詭辯、案例等影響（偏私、貪污已不在討論之列）。因此，縱使是殺人、盜竊等大是大非的事情，法官和陪審團判案也要考慮完很多因素和證據才做判決呢；縱使如此，也不擔保不會判錯！那有好似你咁一看見是「殺人」，便判人家死刑呢！正如辛亥革命，你先到圖書館看看各家各派有關辛亥革命的研究，你再發表你的偉論吧！唔好咁膚淺啦！

我地7B班呢次在九濟堂集體發言，目的是做一個實驗，只是想引Summer出黎，示範給各位濟民睇，如果我地發言時不能自律，不能互相尊重，措詞太強硬，想攪寸九濟堂個party實在易過借火。這次我地只用了四天的時間，情況便已惡劣如此，最後攪到大家不歡而散，咁樣九濟堂又要付出摺埋一段時間既代價。其實，係米不以避免既呢？

老實講，九濟堂已經係我地校園生活既一部分，濟記留給我地既回憶，除左上堂、校園、老師、同學、測驗考試、打波同課外活動外，大監獄、大笪地到而家既九濟堂，可以話係陪伴住我地呢一屆中七成長既老友記。但眼見去年自Summer一出場之後，成個九濟堂立刻走晒樣，不是無厘頭既罵戰，便是拍晒烏蠅，我地由日日上九濟堂變成隔日上，隔兩日上，到後來索性唔鬼上，冇眼屎，乾淨盲。宜家考完AL，得閒D，上黎睇見呢位老友記係度扯緊蝦，成個中左非典肺咁既衰樣，便諗出呢條橋，希望盡下師兄既責任，呼籲大家珍惜九濟堂呢個園地，好好保養佢，等我地第時仲可以得閒黎坐下，順便「問候」一下公仔佬。

講開公仔佬，佢今次真係無辜辜，無啦啦走黎搭訕。其實，我地覺得佢只係想出黎扮下中立，提醒下我地注意發言既態度同禮貌，多從不同角度思考問題，不要把自己的說話當做真理，講真佢講既野有mud唔妥？但都一樣比Summer鬧到PK，話佢講野無point屎、討好壞學生、枉為德育老師、影衰濟記、叫佢收皮。老實講，如果公仔佬咁都叫做唔盡責教學生，不配做老師，是濟記既冗員，你問下人，我地7B邊個教英文你先至講啦！

Summer話公仔佬唔表態，但有一樣野大家都忽略左，就係同九濟堂0個個公仔佬太熟，你地根本唔記得左佢係公sir，正所謂佢在明，我地在暗，我地係九濟堂點樣亂吹甚至爆粗，都唔會傷身入肉，但公仔佬一講野就唔同，佢發言除左代表佢自己既立場外，仲代表（德育）老師既身分，有時仲代表埋校方係呢度放風，你諗下佢咁多顧忌，但每則留言都仲水蛇春咁長，會用左幾多時間去準備？仲有，佢係九濟堂討好過邊個呀？講得衰D，佢米又係成日好似Summer咁，窒頭窒細，得閒挿下D靚，唔俾佢地肺up。

各位師弟，你地鐘唔鐘意我地呢班師兄今次既實驗都好，我地真係好希望九濟堂好似舊時咁和平，百花齊放，扮演做濟民喉舌既角色（唔係好多學校俾攪D咁既野架）。

公仔佬：唔好意思，攪寸你個場。我地臨走都幫你撐住個九濟堂，都算唔話得卦！Good-bye Sir!

[ Next Thread | Previous Thread | Next Message | Previous Message ]