Author:
會考仔 三號
[ Edit | View ]
|
Date Posted: 00:25:02 04/28/03 Mon
多謝關心呀~~
"番屋企"不過係我平時講慣既口頭禪, 講真啦, 我呢排除左番濟記問書同去搵試場之外, 都無乜點出街, 因為始終都要修心養性一下嘛, 而且我係好唔鍾意去網巴gar! 可能因為我對online game 無乜興趣啦, 所以你唔駛擔心會o係網巴見到我著住校服打機喎~
另外呢, 由於好耐無上九濟堂, 所以完全唔知發生咩事, 不過在我個人角度, 點樣留言先叫客觀呢? 我覺得係篇野你即使面對面對住其他人都係咁講, 而唔會改語氣內容。加上每打完一篇偉論之後, 去飲杯水、洗個面, 俾自己個腦醒下, 再check 一次, 如果過得自己果關既。我諗就算唔係絕對客觀、公正, 最少都可以言之有物, 更甚令人信服。
而且o係呢度留言, 我覺得有時唔需要追求"絕對既客觀"law, 假設有日公sir 話我乖, 記左個大功俾我, 咁我o係呢度勁讚公sir 靚仔, 咁其他人無可能因為公sir唔合乎古希臘人為靚仔所訂下眼耳口鼻既比例就話我既留言唔客觀啦!
又或者前排last day, 好多兄弟上o黎留言話好感動, 唔捨得, 完全係個人主觀感覺啦~~ 只要唔點樣攻擊其他人, 有時唔係好夠客觀, 都可以接受呀。最緊要唔好互插就perfect 啦~~
順帶一提: 根據古希臘人個奇怪標準, 湯告魯斯係完美既靚仔
|
Feedback: 
mut你而家仲係網巴咩？