IYEP 日本之旅 -- 我思我想

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2] ]

[ Next Thread | Previous Thread | Next Message | Previous Message ]

Date Posted: 29/12/03 0:42:45
Author: 我
Subject: IYEP 日本之旅

呢兩日係咁預備去日本d野: tones of souvenirs, photo album, present…..
係旺角超勁多人, 又嘈,拎住一袋袋既野真係頭都痛埋,
再一次證明我係唔鐘意 shopping 架,短期內唔使旨意我再出旺角.

到last moment 先搞掂d 野,所以出去恰下恰下果陣狀態唔係幾好,
又因為要7點去到機場,所以睇左陣燈飾就嗌走,掃大家興真唔好意思…

一早起身出發去機場,由於好多野預備,又驚有咩出錯,真係一d 興奮既感覺都冇.
去到東京逗留左一陣又要轉機去鹿兒島, 見到徐克呢.
擾擾攘攘終於見到接待我地既日本人,
佢地拉哂橫額咁歡迎我地,要佢地舉咁耐真係唔好意思.

去到酒店食個晚飯就rehearse 聽日既present , 搞搞下都兩點,
不過我有個好玩既同 Trury, 三點都仲同我出去癲,
兩個人周圍行下,影下電話亭,仲食左杯好好味既紅豆雪糕..
到呢一刻,我先feel 到自己去緊旅行,好 relax 呀~~

起身就去左政府大樓度聽野,之後welcome party ,
跟住就去左參觀活火山啦~~ 要坐渡輪先去到, 又要行若干路,
最慘仲要著住套suit ,因為仲要返去present .
成日笑人著 suit 遊海洋公園,我地笑話其實佢地都係被逼唔想架,
以後唔好笑人啦…

返去present , 終於搞掂啦, 搞左咁耐,可以鬆一口氣.
但係我host family 既媽媽全程都冇面露笑容, 不苟言笑既樣,
死啦,我今晚就要去佢度訓,點算點算…
好彩相認之後佢讚我地 well performance, 又見到佢笑,開始冇咁擔心..
wow ~~日本人既屋企呀.同d 日劇一樣架,勁開心.
不斷搵野講,間中用下翻譯通咁,雞本上我地既溝通都冇咩問題.
跟住爸爸就返黎啦,佢係鹿兒島大學教授.好彩,佢都好nice.
不過有d 問題真係考起我囉,eg What do HK people think about Japan Government sending soldiers to Iraq ? 嘩,真係考起我.
跟住媽媽整左好精緻既晚餐, 水準極高,超好味.
飯後果係士多啤梨, 一人一碟. 我唔食架, 但係又唔好意思,
就硬食左一碟~~

食過晚飯, 繼續我地既閒談.
媽媽仲拎左佢後生時佢媽媽親手做既和服俾我著, 好簡動.
件和服勁多件野,著左勁耐,不過真係好開心.
再傾多陣佢地講下將會帶我去邊.
講會去一間外國酒廠, 佢問我知唔知係邊個國家,
又拎埋地圖,但我真係唔知, 為免糾纏,我點頭扮明,
點知俾媽媽發覺左, 笑住推左我一下…
傾傾下都夜啦. 跟住就訓,榻榻米呀! 我唔使三秒就訓著左.
第二朝既早餐一樣咁豐富. 同樣既精緻.同樣既 full~
然後就出發去玻璃屋.途經一個郊野公園,好大好綠油油既大草原,勁鐘意~
去到潼本公園,果度有個小瀑布, 又有小溪.佢地話附近有campsite tim ~~
十個靚呀.跟住入去玻璃屋,燒熔左d 玻璃黎整頸鍊.好好玩.
由於好貴,佢地又唔肯俾我自己比錢,所以都唔敢整多條.
呵呵,愈睇就愈唔捨得比人~~

再上去參觀下溫泉館,就去全日本唯一一間既Czech 餐廳食野.
食完就周圍睇下, 跟住佢地就返屋企print out d 相俾我.
佢地真係對我好好. 好唔捨得tim.
爸爸話佢本來有 conference 黎香港.因為sars delay 左,
延至最近台灣一單sars 又再一次delay.
不過唔緊要,佢黎我一定帶佢周圍去.

夜晚又係魚生餐呀,cool ~~ 再夜d 出左去玩.
去左打波子機,又行左便利店同一間有成四層既書局.
諗住日本會有d 靚schedule , 點知都唔靚既…
除左呢d 野開到十二點之外,其他野就關哂lu
返酒店發下癲,討論下聽日行程,我地決定一早自己搭的士去附近一間神社.
訓左兩個幾鐘咋,起身果下都幾係野.
落到去同個的士司機用地圖指手劃腳一番,就出發.
神社好大好寧靜呀.除左我地都冇其他人.
果度好搞笑,有翻譯左成英文既籤,我抽左支十二號既好籤, 跟住放左落個架度.
我地學人淋下水潔淨, 又差d演變成水戰.家琪仲搞笑,問影埋相先玩得唔得.
呵,水戰呢家野有得等架咩,真搞笑.
再買左d 護身符就要趕返酒店.
一日既旅程仲未開始,我地已already 玩到攰哂.

今日參觀大學,先去圖書館,勁先進,
叫我試下個system, 點知唔停既,向住我夾埋黎,
不過我相信點都唔會有事既,佢地問我真係有意外呢
well 邊驚得咁多架.
坐低聽野果陣死撐住,真係好眼訓.
然後睇d 學生表演日本傳統音樂,個mc 好鬼搞鬼.
我地仲有得試玩. 我仲彈左幾句聖誕歌.
之後去campus 入面既canteen lunch, 個搞笑mc 坐我隔離呀~~
仲問我試唔試下佢d 納豆,天佑話quite good 我咪試下.
原來都ok 難食.天佑先至話唔通係人地面前話唔好食咩,受騙了~~

飯後參觀校內既動物醫院,連CT , ICU 都有,超齊備.
附近有個農場 tim.
另一方面,呢間大學d science 都好勁,尤其marine science.
仲有科 navigation training , 出海實習兩個月,真係好響往~~
間大學都幾靚,條林蔭大道尤其靚,謀殺我唔少菲林.

跟住又趕去一間 youth center 度玩劍道. 十個好玩.
可以劈頭啦, 劏肚~ 打果陣仲要大嗌 “manu “ 打得好開心.
阿德大力到人地頂唔順,我地話佢終於有機會發洩下d 怨氣.
所以起勢咁打. 我都打左唔少下,cool~~

之後去左另一間酒店, check in 左就試左個黑沙浴.
全身俾d 沙埋住,得番個死人頭,好搞笑.
原來唔打算浸溫泉,始終打破唔到心理關口除哂衫.
不過果度太靚,本著咩都要一試既心態,結果露天,室內既都試過.
衝出窒外果下都真係激凍,不過露天溫泉真係好relax.

夜晚有頂級黑豚肉食,呢幾日勁食好野,
我地都話返香港短期內都唔會想食日本野.
食完後周圍影相, 同日本學生傾下計,之後仲一齊count down,
交換禮物, 之後玩 truth or dare, 我要落lobby 搵領隊攞錢,
點知佢係度結識緊女孩子,仲叫我地停機唔好影.
呵呵,罪證呀~~ 快d 俾遮口費.
佢話唔好亂講呀. 影響到那女仔就唔好啦. Okok 我地識做.

散左之後我地幾個繼續玩. 今晚笑料不斷.
Trury 貼左張「獨居無懼,老有所依」既 sticker 係schedule 度,
我地話你好有同感 ? 唔使驚bor ,你老左一定會探你既.
林善敏成日都嚷住要玩com 棉枱, 佢話d 朋友反應慢,
未盡興過,所以死拉住我地玩,仲話終於嘗到輸既滋味.
佢仲話身邊既同學都唔玩得,都ok 堪苛下.
仲有好多好多低b 笑話,
玩到3點幾,我地想玩 cards , 問 reception, 佢唔明,
就劃左隻煙士俾佢睇. 佢周圍搵,
搵左副上面寫住: 仁美……(一段睇唔明既日文)…… J
好似係xmas present 咁,我地話3點幾咁打攪人,
仲拎埋人地份禮物,勁唔好意思….
咁又癲左一晚………

原以為參觀老人院會係最悶既,點知係我最難忘,最開心既一個地方….
一齊鎚打d 米黎整 rice cake, 整好再加d 麵粉,再用bbq 爐燒黎食.
老人家好熱情,窒左好多俾我地. 我就係剛食過早餐既情況下梗左兩個.
早餐已經食左一碗飯~~
跟手又話lunch, 雖則係大草地度,好野餐feel, 應該好胃口,
但係一小時內食左碗飯+兩個 rice cake ,真係食唔落.
諗住扒幾啖就算,坐我隔離既老人家竟然拎支竹蜻蜓黎玩,
仲用 body lang 話我食哂就送個比我.
大整蠱呀,又唔單聲,等我早餐唔好食咁飽呀.
家下真係食到想嘔呀,d 老人家仲抵死到係咁嗌奸爸爹,
呢個竹蜻蜓真係得來不易…

跟住有個老伯表演魔術俾我地睇.我地又唱歌俾佢地聽.
可能係大草地度唱,氣氛又好,我覺得呢次係我地練左咁耐唱得最好既一次,
even好過 present 果日. 最後我地以跳日本古代民族舞作結, 好開心~~
佢地最後整左條人龍隨道俾我地穿過.我地上哂旅遊車佢地仲揮手揮到我地架車開走為止, so touching…

返去exchange center 又以為係悶野啦.點知有層類似香港既科學館~
當然高科技過香港好多好多. 玩到唔願走~
又睇下佢地d drama setting , disabled facilities ……..
一座building 有咁多野睇.真係估佢唔到….

Farewell party 前有兩個日本學生帶我地去天文館度行,
得個幾鐘, 只係走馬看花咁睇下.
Farewell party 食日式燒. 本來我地都唔打算飲酒.
個日本人問我, 我話 depends on you ,佢就order 左一杯俾我試.
一試上隱,連飲三杯,點知佢話仲有其他味,問我試唔試, 結果又飲多三杯…….
呵,如果唔係florrie 叫我唔好去咁盡,真係會繼續飲.因為真係唔覺佢有酒精…

呢幾日過得好快.以前去旅行會累,會有呀,返香港了的感覺.
今次呢, 唔覺呀,好似剛出發就要走咁.
我真係好興幸識到班好友,大家黎自唔同u ,
但都一樣咁玩得,咁爽,希望可以keep in touch
唯一不足係同當地學生交流既時間比較短,
沒develop 到上次與韓國人既感情.
Anyway, 呢次旅程遠比我想像中開心,得著既更多.

[ Next Thread | Previous Thread | Next Message | Previous Message ]