| Subject: Re: 皇帝唔急太監急 |
Author:
02' 5B(30)
| [ Next Thread |
Previous Thread |
Next Message |
Previous Message
]
Date Posted: 21:56:06 05/01/04 Sat
In reply to:
公仔佬
's message, "皇帝唔急太監急" on 23:21:08 04/30/04 Fri
>眼見同學如此積極發言，對老師、同學的表現口誅筆伐、窮追猛打、鍥而不捨，使我感觸無限。
>
>那邊廂有學友在跟我討論「求學是不是求分數」；這邊廂同學卻不斷提醒我「求學旨在求氣」。
>
>師兄在抱怨升學難、搵工難、與上司相處更難；學生則只會投訴學校衰、同學衰、老師則是最衰。
>
>有誰可以告訴我，究竟是什麼出了問題？
公仔佬, 或者我嘗試解答你的問題.
先說一點點題外話, 記得阿爸阿媽話過, 佢地當時生活環境唔好, 一家十口, 住既地方好妯, 幾兄弟姊妹訓一張床, 有書讀已然好好彩, 仲要係幾兄弟姊妹分一本書用, 番學放學要行路冇車搭, 係為左儲錢, 放學要即番屋企幫手做野賺錢, 之後先溫書.
而家, 生活環境好了好多, 人人有書讀, 父母為了滿足子女, 言計聽從, 要乜有乜, 所有野得黎太容易, 根本冇人珍惜眼前所擁有既野......
我都?歷過中學階段, 我都唔係好學生, 我都試過話邊個阿sir唔好, 邊個miss教得差, 但諗清楚一樣野, 老師唔係你阿爸阿媽, 老師冇必要當你係仔咁成日話你, 逼你讀書. 老師咁做都係為你好, 想你死既, 好容易, 點解要用盡九牛二虎之力黎勸你地??
到左一日, 你番學, 成績差, 唔交功課, 遲到, 都冇老師理你, 咁你番唔番學已經冇意思, 唔通你地好想咁樣 ?
記得你地所講既'R陳', 佢form3教我maths, 佢好堅持要全班靜晒先講"Good Morning", 個時我唔明點解, 都係一句野, 快快取取講完上堂好過, 但佢話, 呢句說?係代表對大家既尊重.
你地要老師聽你地講, 至少你地都要聽老師講, 唔係有你講, 冇佢講, 己所不欲, 勿?於人, 你地唔鍾意俾人話, 老師都一樣. 更何況你地講既野係幾咁不知所謂. 明白嗎? 尊重別人, 好多人識, 有幾多人做到 ?
而家既青少年, 什麼都太容易得到了, 冇人會珍惜, 往往失去了先懂得後悔. 但係你地睇住每年有幾多師兄中五, 中七唔得, 而為前途而憂慮, 你地仲係咁樣既?, 係咪有唔生性呢?
一個好既學生唔係一定要成績好, 但至少言行舉此似番個學生, 粗口大把人識講, 衝口而出一定有, 但往往好似失去理性咁互相指罵, 或者群起怒罵一個人, 好好玩? 難到真係太悶? 定係為左引人注意? 抑或唔抵得人地好 ? 好好諗清楚.
至少中五, 中七既同學, 我都係講個句, 呢個世界咁多野, 唔係淨係得大學生先叫叻, 先可以有工做, 有能者居之, 聽過了吧.
失敗左, 接受現實, 如果真係上唔到, 試下其他野, 你地有既就係年青, 唔通到老左先黎學第二樣野, 從新黎過??
要成功唔係得一條路, 條條大路通羅馬, 都聽過了, 唔好諗埋一別.
搵工難, 而家既社會環境, 的確唔容易搵工, 就算有, 可能嫌人工低, 但係如果唔做, 連個少少人工都冇, 點解唔做住先, 可能做得好, 發展落去唔錯呢. 同埋個個人一出黎做野, 由低做起都係正常呀, 跟住就要努力向上爬, 到時, 就會有較好既待遇.
同上司相處難, 想想, 初時係中學一樣同老師關係唔好架, 但最後都可以做到朋友一樣. 做到你阿頭, 一定有原因, 試下了解佢多d, 或者你會明白佢既個人之處.
中五畢業左兩年, 回頭睇番聖芳濟, 呢間學校的確好好, 珍惜你地眼前所擁有既一切.......
[
Next Thread |
Previous Thread |
Next Message |
Previous Message
] |
|
Feedback: 