Author:
撐miss fan 既人~4D~
[ Edit | View ]
|
Date Posted: 22:31:49 11/15/04 Mon
我由form 1識miss fan到而家,都覺得佢係一個好好既老師.
某某話佢點點點,but首先你自己點樣先?話人地唔再mention d乜乜乜,阿生,我想問下你,你有冇認真聽過書?點解人地聽到你聽唔到?人地知你又唔知?唔好將d 錯推落人地度,miss fan 串你d 乜野唔好講住,你有聽過書既話, 以我被miss fan 教過2年咁耐,我敢肯定佢一定會將d野講幾次,而你所講既寵幸者都話你唔聽書,講過幾次都唔知,好明顯係你個人既問題,個老師講左你都唔知,你留心極都有限~!
其次,你話miss fan 只識得留意佢班寵幸者,我又想問下你,點解你唔係個一群人呢?寵幸者不外乎成績好、品行好、或者課外活動叻，致少上堂留心聽書唔搞事，但你做唔到呢群人，我諗你應該自我檢討一下。但係以我上左2年miss fan堂，我既感覺係佢係有教無類law,班班都有壞份子，但我眼見miss fan 每次都忍佢地，到到無法忍受先罰既!而我亦親眼見到miss fan同d曳分子都傾得好投契，係班上亦唔見miss fan成日話佢地。我覺得你用『寵幸者』呢個名詞只係你唔抵得人地同miss fan咁熟先咁話人地law!咁我諗成班卅幾人都係miss fan既寵幸者啦~!
miss fan扮睇你唔到,唔show你呀?喂!大佬~得你先可以唔得閒，人地唔可以唔得閒既?同班人傾偈你又知唔係正經事?你行過埋去八過離呀?話人地當你透明，首先你問既問題係咪有建設性先?你問之前人地有冇講過既先?既然有,你問離做乜?你唔係要個先生晒全班既時間離向你重覆講過既野下嘛?你未免太自私啦掛?
話人地串你~我又想問下你,你有冇串過miss?學生串老師，老師串返同學，成日都見嫁啦，一d都唔出奇，咁耐既野你都記住，男人老九咁小氣我都係第一次見~唔通你串個老師，個老師成年都記住你?得鬼閒理你啦~你係皇上咩?
你遲交功課冇帶書呀成,miss fan有冇話郁d就罰你,你地d籍口都係話唔記得呀個d嫁啦,miss fan咪又係叫你地share.計上年，我參加左個英文班際比賽，miss fan係我班既英文先生，佢為左幫我地訓練，星期6、日都返離幫我地練，日日lunch自己唔食飯都離幫手練.到最後我地個班拎左個亞軍，miss fan又請晒我地十幾個人食金加利~!俾左4百幾蚊~!~!有份食個d有d仲係『不被寵幸者』，個獎係我個班拎，但係miss fan貼時間之餘仲要貼錢，大家可想而知；仲有，次次d人d project都遲交(包括我),miss fan都話延遲多幾日先交，唔扣分~!我想問，呢d先生係邊度搵?你就淨係記得人地點對你唔好，就永唔記得人地點對你好~好心你撫心自問，佢係咪下下針對你，定係針對事?讀到中學都唔識分是非，怪唔知得人地咁對你，你冇得怨人，怪就怪你自己做唔好~!
P.S.你成績差係因為你自己唔努力，張成績表係你既，老師教得唔好你可以自學，而且我被miss fan教得d成績都好好，你唔掂係你既事，唔好賴人~!
|
Feedback: 