Author:
減輝
[ Edit | View ]
|
Date Posted: 20:43:54 10/10/04 Sun
話說,果日我地好大班人去左KFC食野,咩form都有,咁KFC梗係唔夠位啦,要等。好啦,等下等下,有個form 1仔唔知咩事走左埋去一班有男有女既度坐低,當個女仔返黎果陣,當然鬧到個form 1仔傻左,佢就梗係走開啦...哎,等我介紹下果班人先,大概十個到,有男有女,勁冇禮貌,有一個男人著綠色衫勁似龍珠咁樣...過左一陣,果班野無啦啦問梁偉盛同學佢咩學校,仲問佢學校咩電話等等,跟住又係咁爆粗...佢地當然無回應啦,仲一路唔敢講野,唯有啞忍。再過一陣,果位龍珠先生竟然走左出去敲當時坐係靠玻璃窗邊既肥農同莫建廷佢地...當時大家都好唔妥果班野。點知,過左一陣,果班友仔竟然係KFC門口同大概十多個濟記同學發生口角,當時情況危急,坐係裡面既嘉輝,肥農,b仔等,立即出去了解事情,點知愈黎愈多濟記同學,成一百個人。果陣個女人扮曬野咁同麥同學理論,當然,佢又冇唔見野又要係度嘈一大倫,個女人仲屈一個高d既同學偷佢野,又指唔出邊個,當佢地再冇理由係度嘈既時候,成百個濟記同學就開始散喇,有一個人帶頭起哄,點知起下起下全部人一齊起,果陣時濟記同學一直向麥當勞散,果班友點知call左馬係下低有十幾個衝上黎幫拖,仲跑過黎'捷'住我地,仲有三個人圍住潘廣彥同學,有一個仲打左佢一巴...當時,濟記同學機警,麥同學報警,而另一位同學就打俾黃sir...過左一陣,事情終於可以暫告一段落。
|