Author:
路人甲
[ Edit | View ]
|
Date Posted: 09:28:17 01/25/08 Fri
>
>href="http://johnmayhk.wordpress.com/2008/01/03/fun-%e5
>%b1%88%e6%a9%9f/">http://johnmayhk.wordpress.com/2008/0
>1/03/fun-%e5%b1%88%e6%a9%9f/
屈機是一個香港及周邊區域所用的遊戲機術語。早期用於遊戲機中心內指對戰中的挑戰者利用一些由遊戲程式作者有意無意間製造出來的漏洞，使玩者在先達到某種條件或進行某行為之下，可輕易地（有點不正常地）達到遊戲內某種目的，從而戰勝被挑戰者。這些漏洞，一向被認為是禁忌招數，在遊戲機中心內的對戰是禁止使用的。
後來，這個詞語漸漸融入香港的流行文化中的俚語，泛指任何使用建制上的漏洞而使事件得以達成的手段，都被統稱為「屈機」。
廣義的「屈機」，是指被強橫方式硬逼，覺得無可反駁，無法還手，譬如遇上明顯比自己強的對手或形勢，毫無招架能力，只好無奈接受。
屈機的情形，其實較常出現於格鬥遊戲中，當中以Capcom的街頭霸王及SNK的拳皇系列等最為普遍看到。主要的問題是其中一方的玩家，可能會不斷反覆使出同一招技能或直接將對手推至牆角，再不斷以技能或特技攻擊對手，結果對手或電腦角色在沒法迴避及反擊的情況敗陣，此為屈機最常見的情況。然而在香港的遊戲機中心之內，有一種不成文的規定稱為「讓Round」，假如其中一方的玩家使用這樣的方法勝出，有可能會招致對手的不滿，嚴重者可能會招致被人毆打報復，因此屈機的情況多數只適用於面對電腦角色。以下為兩個應用的例子：
「嘩，你都好屈機喎！」—用作形容詞
「好心你唔好屈機啦！」—用作動詞
例子: 如果有個人，佢個肚腩可以大到坐o係到果陣將兩隻手擺在上面，而佢同你講:「你得唔得?」的時候，你就可以同那人講:「你真係屈機！」
屈機之另一用法，是一方在對賽中以大比數擊敗對方，稱為「屈佢機」。
『屈機』一詞的起源
70年代尾、80年代初, 當時既街機設計比較簡陋, 有好多設計上既漏洞或者bugs. 唔小玩家為左果一蚊雞抵玩d, 係咁不繼循環利用呢d漏洞(or bugs), 有人甚至可以一蚊由朝打到晚. 呢種做法叫左『打 Formula』, 又簡稱『打方』.
經典例子 : 有d遊戲入面某d位會有"2UP"食, 一食左會獎兩隻. D細路就諗到食完即刻自殺, 好多遊戲會係死左之後fallback番一小段路, 咁再經過"2UP"位又再食, 又再自殺. 不繼循環直至有九十九隻先至離開! D細路真係醒!
機鋪老細當然唔容許你咁做, 早年好多機鋪會寫住"嚴禁打方, 違者熄機"
去到80年代尾、90年代初, 街霸誕生, 好多人打電腦既時候都會『打方』, 久而久之, 呢種方法被稱為『屈方』(用Formula去屈)或『屈機』 (用Formula去屈部電腦/遊戲機).
e.g. 你打街霸, 對電腦係咁屈(屈波升, 屈撻), 可以叫『屈方』或『屈機』. 但你打對戰時, 用formula屈對手, 只可以叫『屈方』, 唔可以叫『屈機』. (因為你唔係屈緊電腦, 係屈緊人.)
及後, 『屈機』一詞大為盛行, 甚至冇人再用『屈方』呢個term, 無論屈人定屈電腦都統一叫『屈機』, 打街霸第二集對打時如果對手係咁屈你, 你會話 : "喂! 唔好再屈機啦下!"
再及後, 『屈機』一詞成為普羅大眾既詞彙, 仲進化到可以用黎做形容詞.
形容詞使用例子 :
"嘩! 你好『屈機』姐!"
"利物浦出高佬高樂治, 然後不斷斬高波入禁區真係好『屈機』喎!"
注解
1.街霸 - 街頭霸王(Street Fighter) 對戰格鬥遊戲既鼻祖.
2. 屈波升 - 起源於街霸2, 要用阿隆或阿Ken, 迫對手埋角, 係咁出波動拳, 對手一跳埋黎即刻出升龍拳. 如是者不繼循環使用. 日本方面叫呢招做鳥籠.
3. 屈撻 - 起源於街霸2, 因春麗行得最快用呢招最屈. 以中拳打中對手, 如對手擋, 利用對手擋完之後既硬直時間行前再用中拳撻佢. 如是者不繼循環使用.
來源自wiki
|
Feedback: 