關於甘國亮的文章 - 提及deanie姐 -- Deanie Yip Discussion Forum

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

Subject: 關於甘國亮的文章 - 提及deanie姐

Author:
ellen

[ Next Thread | Previous Thread | Next Message | Previous Message ]

Date Posted: 07:48:24 01/09/06 Mon

在何厚鏵的一節內提及deanie姐. 有D字display唔到, 請見諒.
**************
東周刊, 4-1-06
Title: 覆雨翻雲　甘國亮

十二月三十一日。

這是一個回望的好日子，但甘國亮是一個不愛回頭的人，他的頸很硬很痛，之前一天剛做過針灸，還得返回最後兩天上班的新城電台，處理文件的簽署事宜。

臨別當天，他沒有回公司執拾細軟，捧一盒兩袋做騷般讓記者拍下依依一刻，反而驅車來到赤柱，和我望蓮塘景色，說這個除夕夜，他將會是獨在家中度過。

離愁，甘國亮說他老早已從字典中刪除，只有功利的東西才能納入記憶系統。父母離婚自小口吃嘟嘟分手《輪流轉》腰斬，統統往事早已變成出土文物。談起新城的戰功，他侃侃而談喜上眉梢；問及時不我與，他說是「知難而退」；琅琅辭鋒時進時退，盡見一代傳媒猛人覆雨翻雲的風範。

只是當甘國亮側躺在牀上作狀看書拍照，他架起自備的老花眼鏡時，才驚覺，歲月就在眼前。

「我怕死，因為好多朋友早死。」

五十五歲，孤身再上路。江闊雲低，赤柱的海風，這天吹得很涼。

在一年况的盡頭，十二月三十一日，離開一個工作了近六年的地方——新城電台，甘國亮說，很多同事嚷着搞惜別會，朋友又紛紛致電約食飯，但他統統說不。

「我又不是離開人世，只不過不在那一個環境上班而已。我離開一個地方，不會帶任何一份感慨，我不是這種人。」

對於為何突然離開新城電台，甘國亮這樣闡釋：「我已公開講過，離開沒有私人理由，我在自己任期已交晒成績，我認為自己應承了做的事，亦已做多了，是時候知難而退。

「難是一旦收支平衡，便要肯定往後有無增長率。這些年來，我扶掖了這麼多人，其實是時候看一看，哪些人是能征慣戰？哪些人恨鐵不成鋼？」

只是有人的地方，總會有閒話。不怕坊間有人私語他不是功成身退，而是黯然離去嗎？甘國亮開始將話題扯到下一代的教育問題。

「我使乜諗咁多嘢，中國大陸發展咁快，香港人如果文化水平係咁，對下一代會荼毒得好緊要，佢哋會無基本生存能力，判斷不到是非。試想像一個人，自細都是唱卡拉ＯＫ大，會點𡦃？無人去卡拉ＯＫ學鋼琴嘛。

「我不是迴避你問題，問題在於你是否重視那樣東西。

「坦白說，我離開新城，有無唔捨得？我無感覺！有些東西是我從來自己掌握，自己知嘛，我最大壓力反而是太多人問我跟住點，跟住使乜點啫，又不是每三日遭遇一次（離職）。」

話雖如此，甘國亮在離職當天，發了一封信給新城所有員工，信中說到「我從來都很關心你們每一個個體，冷暖自知」，卻見不無感慨。彷彿欲在離開以後，留下一抹雲彩。

「咁老竇錫唔錫你，你實知㗎，你唔會話感覺唔到嘛！」

豬肉獎

這個新城「老竇」，能否令到每個員工暖在心頭，我不知道。但對在樂壇一眾長青樹或生力軍，每到年尾，一定笑逐顏開。○五年新城勁爆頒獎禮，頒了破天荒一百二十一個樂壇獎項。

甘國亮在任期間，好像幾乎識唱歌的歌手都有獎坃，不少人揶揄為「豬肉獎」。

「因為有其他頒獎禮扮公正扮有制度，全港都知流行音樂已死，全部歌手都係靠年底總成績表，去睇明年仲可唔可以繼續生存。只要有一個機構肯令佢哋皆大歡喜，就可以製造到生命力令佢哋生存。

「我不會顧忌媒體揶揄，點解一定要揀十首金曲先？上帝創造世界用了七日，你人類得十隻手指，就選十首金曲，點解唔選七首𡦃？你話上帝叻啲定人叻啲？

「咩叫幾乎識唱歌都有獎，你知唔知呢啲頒獎禮獎項令幾多人『死冲』，幾多識唱歌嘅人係無獎呀！李克勤最紅時夠冇獎，劉德華可以幾年喺同一個頒獎禮都冇獎，點解我呢個party唔可以叫多啲朋友嚟高高興興『食飯』先？」

何厚鏵

離開新城電台，有說甘國亮將放眼澳門，更有說他是澳門特首何厚鏵的兒時同學，更一起打過band。

「我要澄清，我哋識於兒時，只因有一個中介朋友崔樂其先生，他的公子先至係我同學，因為他，我哋三個先至成日一齊玩。

「其實何先生從不打band，他只是很鍾意在花園拍八米厘影片，而我只是有幸遙望，因在六十年代可以有膠卷去玩電影，對我是一件奢望的事。

「早幾年在澳門一次活動，何先生走過來我面前問候我：『你外婆點呀？係咪葬了在舊西洋墳？』先至令人知道我哋識於兒時。」

甘國亮說，兒時的記憶甚至近年的片段，他很怕忘記，惟有教曉自己，只記取有用的事，刪除多餘和不愉快的片段。

「我是一個功利的人，不開心的事我會盡快令它變得蕩然無存，不納入記憶系統。

「打從做新城開始，我有一個憂慮，係好驚自己忘記晒所有的事，所以我有好多嘢要寫落個palm，或者要靠一張張short note去提醒自己身邊發生甚麼事，有甚麼重要事。

「好似一個黑色喜劇咁，我似活地阿倫，好驚自己係咪患上老人癡呆症。好恐懼，我太多朋友四十幾歲就已橫死暴斃，既然每一年都已經賺緊，我會計一計自己仲有幾多時間可以用，仲會唔會用咁多時間瞓覺，仲做唔做愛。人唔應該嘥時間，所以我做嘢好急好快。

「即使我同朋友傾電話，好似打畀葉德嫻咁，我哋個暗號係第一句就問：『講唔講得嘢？』然後就入正題，從不講廢話，講完幾乎連拜拜都唔講，就三二一收線。」

叉燒與例湯

甘國亮是一個實際的人，他不需要朋友，愛獨處，不容許有第三者闖入他的私人空間。

「我好憎屋企多一個人喺度，任何情況我都唔鍾意，鐘點工人喺度打掃，我一定會出街；我連有人來屋企坐過，留有那種氣味我都唔鍾意。

「每朝早起身，我一定會執拾好牀鋪，洗好晒碗碟，沖好廁所才出門口，令到自己夜晚回來的感覺不會是一團糟的家。」

長年獨居的甘國亮，自小已享受寂寞，亦因有嚴重口吃和極度害羞，養成極端的性格。他在中學時長年只食同一款碟頭飯，即使今天亦只愛到福滿樓光顧那况的叉燒和例湯，年月未變，從不試第二味餸。

「我非常鍾意獨處，我一生都冇乜朋友，朋友結婚我唔會去，撞車斷腳亦唔探病，我這方面是好放任。但我揀所有工作都是群體工作，我要同群體相處，這個就是極端的我，我要用極端方法去克服自己的難處。

「以前我最怕蛇，拍第一套電影要同好多蛇演對手戲，我同自己講，要為自己爭取到這個角色，就一定要克服佢戰勝佢。順利拍完之後，我又會驚番蛇。我發覺，我是可以催眠自己，去解決任何難題！」

打靶

自小令自己變得強悍的甘國亮，從來未嘗過何謂親情，只知人要靠自己雙手尋找快樂。

「我同父親一直係死敵，在我眼中，孝義對我是不合時宜。好多父母每當感情出現問題，就向仔女數落另一半，我覺得呢啲人要拎去打靶！你人海茫茫找到另一半，你冇把握就唔好生呢個人類出嚟，你仲要對住佢投訴。我媽媽經常對住我數落我爸爸，我同佢講：『你嘅丈夫唔係我介紹你識蕂！』佢聽完即刻撻落地啦！

「又冇人監你生佢哋，生佢出來仲要話佢，或者話個衰爸爸，關佢乜事先！」

甘國亮愈說愈激動，更說自己連遺囑也寫了，指明死後不需要任何喪禮，不用朋友帶淚哭別。「如果冇衛生條例，堦在垃圾桶都得，我唔介意，如果真係咁鍾意懷念我，用啲錢去請親戚朋友飲茶，唔使捐錢郁啲做善事咁偉大。」

但如今父母已逝，他更加知道，所有時間心血金錢，投放在自己身上，總比押注在愛情身上，來得快樂和安全。

「我餘下一生都唔想要個伴。時間令到我變成咁，我有好多嘢已經唔記得，今日的我已經是修正冲的記憶。」

人變得恍似全無七情六慾，甘國亮說他連眼淚也不會流。「喊呢啲咁戲劇化字眼，我好討厭。喊嚟做乜啫，做人好講功能，我唔需要喊這種表達方式，對我冇乜功能可言。」

同性戀

這些年來，甘國亮說得沒錯，他的生命全投放在事業上，情路的過客只有鄭裕玲，但已是塵封的章節。近年在他身旁出現的，就只有任職室內設計師的王姓男性密友。

甘國亮，你到底是不是同性戀？

「呢樣嘢唔重要蕂，人海茫茫，如果遇到咁嘅人，有咁嘅需要，我就會義無反顧。但今日我真係好坦白同你講，我已經接受唔到同另外一個人的相處關係，我唔要同人共處分享。因為人生時間太唔夠，我呢方面好自私，我要擺時間畀自己重於一切。」

不羨慕早前艾頓莊和同志戀人結婚嗎？

「點解要羨慕？革命是要為國家民族主義而做，不是為革命而革命。我以前笑過關錦鵬，come out（企出來承認）不是一種事業，唔需要為應付傳媒而公開分享，你是否好強壯地生存，先最重要。」

今時今日，甘國亮即使口口聲聲說不要同居或終生伴侶，但他卻不抗拒被人鍾愛。

「睇有冇人追求我啦，性愛呢方面，要講興之所至先喇，追求我係一種虛榮，追求我嘅精神資產或者係胴體，通常一個人喺呢方面會容易就範，咁先至有意思，佢鍾意我嘛，我冇話拒絕佢呀，我覺得做人都要有基本禮貌。」

甘國亮話說很快，問一句，可以馬上答上五十句。

記者說他性格孤僻，可能是因為自小缺乏父母所愛，他即反駁：「你唔使咁樣分析我，我啲長輩從來冇認為係呢個原因。」

提到故友黃霑，他強調霑叔其實想身後事從簡。「你哋鍾意去大球場懷念佢，但我深信佢係冇嚟到，請佢啲親

戚朋友唔好冤枉佢。」

大除夕離職當日，朋友紛紛致電邀約晚膳，掛線後他不屑地說：「使乜迫埋今日食飯，又唔係唔再見，不如畀多啲現金，我自然有辦法用。」

五呎十一吋的甘國亮，發覺近年竟無端矮了半吋。

人生苦短，難怪寸寸進迫愈寸愈強。

[ Next Thread | Previous Thread | Next Message | Previous Message ]

Replies:

[> Subject: Re: 關於甘國亮的文章 - 提及deanie姐
Author: carmanng [ Edit \| View ]	Date Posted: 06:16:45 01/10/06 Tue Thanks!!

[> Subject: Re: 關於甘國亮的文章 - 提及deanie姐
Author: carol [ Edit \| View ]	Date Posted: 06:28:12 01/14/06 Sat ellen: 十分多謝你~!!!