| Subject: "阿"洲之龍~第四集 |
Author:
力蘇
|
[
Next Thread |
Previous Thread |
Next Message |
Previous Message
]
Date Posted: 17:26:41 07/21/02 Sun
精采的下半場
於球員休息室內:
兵工廠長:"依家兩隊都打少個中堅,預計佢地唔會加強防守,仲可能加強攻力!咁我地就會變陣!肥平打清道夫,中堅由簡奴仔拍盧茲尼!咁右翼衛由steve打,左面就Ivan_chan!!咁阿健就會入替亞liam,阿健打防守中場拍住柏金,前面樂與路會代替阿衡,主要用頭槌攻門,咁愛柏金就係後上支援!有冇問題?"
兵工廠長:"肥平,會左件衫佢,泰來頭先即場做o架,o岩著o拉掛?"
肥平:"Fit晒!泰來o係邊殊?"
兵工廠長:"觀眾席o羅!(大叫)所有正選,依家出去!"
肥平:"今日一定要贏!!"
謝菲斯:"雄龍出來o拉喎!"
東東:"多左兩位新力軍添!!5號o既安全健阿健同埋樂與路入替左!!"
謝菲斯:"應該係換出左亞liam同阿衡喎!!"
東東:"咁介紹下樂與路先,佢曾經o係英格蘭超級聯賽隊伍阿仙奴效力,雖然只係做執波仔,但係跟得多呢班大球星,唔多唔少學到D野,3年前佢轉會到巴西o既熱帶青蛙隊,該隊教練正是兵工廠長,樂與路仲係巴西地區聯賽頭槌王!!"
謝菲斯:"咁o岩南華又少個頭槌王o係後面,會唔會係針對性部署?"
東東:"南華都出場,下半場即將開始!"
謝菲斯:"南華並冇作出任何調動喎!"
xenos:"必必!開波!!"
謝菲斯:"見o岩o岩開波就介紹下呢位球證伍銅,原來佢同陸索(羅拔皮利斯 )一齊被喻為中國最佳球證!!"
東東:"佢今日吹得唔錯喎~"
47分鐘:
謝菲斯:"李健和o係右面hold住個波先,ivan_chan睇實佢,潘文迪右路follow上,李健和俾佢..............唔係原來和仔呃過ivan_chan,再放個直線俾死火倫,好la,半單刀狀態,勁抽一腳,入左..............觀眾席!"
東東:"呢條友真係...........book..........!"
球迷老頑童:"金毛仔,我好日都唔睇次本地波,你家陣省我?"
兵工廠長:"頂你!咁都俾佢射到,好彩佢廢o者,下次換我D咁o既質素,入左la!!"
肥平:"俾D心機,唔輸得o架!!"
ivan_chan:"長毛狗,下次唔會俾你再過到!!"
52分鐘:
東東:"南華圍住攻,丘建威都引球過半場,大腳斬上去,大B出來打手槌,禁區外30碼,又係郭文迪?搞掂!二比二!"
謝菲斯:"郭文迪連入兩個世界波喎!!!"
阿健:"係時候反攻!"
兵工廠長:"(激動)steve周ivan_chan企前到中線,簡奴仔必要時上前助攻,樂與路企6碼內衝頂!"
55分鐘:
謝菲斯:"李健和右路斬中,慘la,肥平手球,球證俾唔俾先?"
東東:"俾左呀!南華獲一十二碼!!"
謝菲斯:"唔好俾阿倫射呀!!"
東東:"郭文迪射呀!睇來有機會連中三元!"
xenos:"必必!"
謝菲斯:"三比二!郭文迪射死角添!"
東東:"大B捉出路,如果唔係有機會救到!"
兵工廠長:"(激動)搞錯!10分鐘就俾入反超前!"
肥平:"上前呀!上前呀!"
xenos:"必必!開波"
謝菲斯:"嘩!steve一開波笠蕭國基!"
東東:"可惜力水爭D!出界!"
steve:"頂!"
67分鐘:
謝菲斯:"南華會換人,陳豪文入替歐偉倫!另外,15號譚偉國入替楊正光!"
東東:"陳豪文係個速度好高o既前鋒!"
謝菲斯:"絕對贊成!"
東東:"譚偉國係一名好中場!"
謝菲斯:"我又贊成!"
東東:"南華領先三比二!"
謝菲斯:"(心諗)你想我點答?"
75分鐘:
謝菲斯:"steve用技術過正康仔,面對住阿邦,挑起個波過埋,丘建威殺到,角球!!"
東東:"呢個波簡直有D似我當年.................."
謝菲斯:"(心諗)又想當年?"
謝菲斯:"角球又steve去開!"
東東:"角球一開,GOAL!三比三!!"
謝菲斯:"助攻o既肥平追平!!!!!!"
東東:"睇真D,原來用patpat撞入!
謝菲斯:"唔係用手就得!"
肥平:"(鍚左旁證一啖)泰來,我得左o刺!"
兵工廠長:"Yeah!Yeah!Yeah!原來見過面.............."
94分鐘(4分鐘補時)
謝菲斯:"最後一分鐘,睇來和局居多!"
東東:"最後一擊ivan_chan引球出擊,左路大腳斬入禁區,樂與路一頂,大陸基撲出,steve執雞......................失敗!"
謝菲斯:"離門3碼都可以炒高?唔入仲難過入呀!"
xenos:"必!必!必~~~完場!"
steve:"(含淚光)對唔住各位!"
謝菲斯:"今場比賽結果係三比三打成平手!今日節目完畢,多謝大家收看!"
更衣室:
兵工廠長:"今日大家表現十分出色,亦令我感到自豪,你地表現出自已好o既一面,o係打少一個情況下可以追平,係十分難得o既經驗!好,隊長,到你講!"
steve:"好簡單一句,今日大家表好好!肥平,到你!"
肥平:"賽前個個都估我地輸,家陣和波,己經好好!記者會o拉,出去la!"
記者會:
盧費高(Luis Figo ):"你好!我係阿婆日報記者盧費高,我想問下雙方隊長對今日球隊表現有乜感想?"
丘建威:"贏唔到梗係唔開心,但係雄龍表現亦值得和波!"
steve:"輸唔到梗係開火,但係南華表現真係應該輸波!"
吳信人(信羊 ):"我係冬瓜日報記者吳信人,請問肥平件波衫點解爛o既?"
肥平:"(有點驚)呢個問題..........問得好, 件波衫點解爛呢..........就不如球員訪問先答你^^"
信羊:"好,好提議!"
Bonnie Bergkamp(BB):"我係足球雜誌Twins記者BB,我想問下雞雪被逐有乜感受?"
雞雪:"(仇視)關你鬼事!"
記者繼續問問題....................直至完結
集訓場:
兵工廠長:"今日我地會有三位外援加盟,佢地分別係喀麥隆中堅羅美(羅倫美呀),日本全能球員根本英俊(Japanese ),同埋英格蘭鴨森(Upson)!另外,我地o既後備龍門力蘇將會到倫敦升學,順便加盟溫布頓青年軍三隊,繼續佢o既職責----後備!我地一齊祝福佢!"
力蘇:"多謝大家對我支持,5年內我一定係英超球員!"
泰來:"領隊,電話!"
兵工廠長:"我都知呢個係電話,搵邊個先得o架?
泰來:"搵你ar!"
兵工廠長:"喂~"
球會主席(阿仙奴之友):"你老闆ar,有個鬼佬o係會議室等你!"
兵工廠長:"即到!"
會議室:
matt:"你好!請坐!"
阿仙奴之友:"領隊坐la!"
matt:"(同兵工廠長握手)我係阿根廷乙組球隊鰻魚o既球探馬特,身邊呢位係主席Mr.Batistuta!"
Batistuta:"Hi,Lee ho!"
兵工廠長:"快D入正題!"
matt:"果然快人快語,我地希望收購你地o既山貓!"
兵工廠長:"冇得傾!"
阿仙奴之友:"唔係,唔係,有得傾,你地出價幾多?"
matt:"(Batistuta講)你願意出幾錢?"
Batistuta:"(阿根廷語)100000 美金!"
matt:"(想呃錢)100000港幣!
兵工廠長:"冇得傾!佢係我地主力,老闆,走!
阿仙奴之友:"唉!咁就冇左100000蚊................"
集訓場:
兵工廠長:"我地請三位新外援介紹下自己先!"
羅倫美呀:"(英文)我係喀麥隆中堅羅美,我沒有六尺高,但我會待你地好,我會接受教練一切的改造!"
Upson:"(英文)我係鴨森,前威爾士14歲以下國家隊門將!"
根本英俊:"我媽媽係香港人,所以我識廣東話.我係前日本東京日視o既球員,我可以踢任何位置!"
兵工廠長:"好!羅美穿上12號球衣,鴨森20號,根本19號!"
兵工廠長:"開始練習!"
三位外援能否和球隊融合?
下集待續!
隨集附送肥平訪問集^^
點解你件衫爛左?
我都唔知呀!相信各球迷同傳媒都知我個名叫肥平! 而我同球隊助理泰來又有少少仇口,佢成日都叫我做死肥平,又無喇喇叫我減肥,我身形都唔係好肥o者,點減呀?又有可能係新黎個22號仔,妒忌我踢波勁過佢,所以扯爛我件衫,咁佢就名正言順有正選踢,呢條友仔妒忌心重,各位球迷同傳媒小心d呢條友喇!
今場波你入波,有乜感受?
我都唔知點講好,咁羞怪!o個時我企o係小禁區度,咁o岩個波飛得好勁,我有少少餚底,驚整痛自己,跟住我諗住走走走,點知個波都係飛埋黎我身邊,我唔知點算好,咪背住個波lor,點知個波耍左落我PATPAT度,仲飛埋入網窩tim,我事後都覺得好驚訝,不過今場之後,我會轉型打前鋒,希望各位球迷支持我!我日後會再俾驚喜大家
今場俾自己幾分?
我唔敢評分!我覺得自己o係球隊係球技最差的一人,相信大部分球迷都唔贊成我做球隊副隊長,甚至覺得我做副隊長根本係侮辱足球,但唔緊要,我今日開始會苦練球技,希望日後能獲得各方o既認同,亦希望自己可以代表香港出戰世界盃決賽週!
成隊邊個係你老友?
只得阿衡,山貓,ivan,力蘇
泰來係你邊位?
佢係我仇人
咁你末來目標係乜?
去海外球會踢球!但依我現時o既實力來看,係無可能發生的!因為我在隊中是實力最弱的一位!但我會繼續努力,讓一些睇死我o既人大跌眼鏡
傳聞力蘇離隊,有乜睇法?
力蘇曾經代表校隊出賽!實力自然有返咁上下!如果離隊可以使他更上一層樓!我都會祝福佢的!
泰來曾批評你,你有乜感受?
其實球隊唔止佢一個批評我,甚至場外都有球迷對我不滿!可能我技術太過差勁吧
足球同友情,你揀邊樣?
要變得更強,就要捨棄一切
我會選足球!如果可令我技術提升,我願意捨棄所有o野!包括親人!
你有冇信心擊倒丘建威,成為香港第一清道夫?
嘻~嘻~唔講你唔知,丘建威其實係我偶像,可能同姓o既關係吧!但係我在球隊係踢右閘,我諗自己永遠都做唔到香港第一清道夫,除非教練俾我踢其他位喇!
[
Next Thread |
Previous Thread |
Next Message |
Previous Message
]
| |
Feedback: 
