| Subject: 邁向成功 21 APR 2002 vs Ipswich Town |
Author:
steve
|
[
Next Thread |
Previous Thread |
Next Message |
Previous Message
]
Date Posted: 23:36:24 04/21/02 Sun
這場主場對葉士域治的比賽,
球迷都擔心不能攻入葉士域治的大門,
不過最後阿仙奴亦以勝利令球迷盡興而歸,
亦重回榜首位置.
距離奪冠決定性的比賽還有四場,
只要在四場比賽贏多三場便肯定奪冠,
阿仙奴,努力呀.
其實昨天出現了預料之內既情況,
就係葉士域治全軍退守,
我們則是控制節奏,
但明顯因為球場細而人多既關係,
我們既攻勢只係隔靴搔癢,
不能做出極有威脅既攻勢.
最有睇頭果次就係柏金交予亨利既半單刀,
但亨利勁射食死左個波,
略門出界.
而一次阿仙奴角球攻勢不能延續,
令葉士域治取得絕佳的機會.
佐治芬尼迪右路快速推進,
明顯羅倫身位上已經輸蝕,
俾佢出到埋黎中間,
球迷都掩頭掩面,
意圖避過令人失望既時刻,
雷沙一頂,
以為要中場開波,
但失望得冇咁早,
高貝利的門柱救了阿仙奴一命.
而葉士域治經過這次攻勢後,
又再陷入捱打狀態,
以下分析各球員的表現.
施文全場所受既威脅唔係太大,
不過葉士域治其實有一球極為美妙,
妙射遠柱施文飛身擋出,
而除此之外,
施文都只係做駁手駁腳既工作.
羅倫,
其實全晚表現尚佳,
不過以上提及一次葉士域治撞柱彈出的機會當中,
佢不能壓贏對手反而被對手殺入禁區,
其實羅倫呢次真係有點出錯.
不過幸好大難不死,
否則阿仙奴形勢就更危了.
基昂阿當斯這個組合明顯愈來愈可愛,
基昂在一次角球機會當中,
頂中皮球,
以為直入死角,
睇真D,
皮球再次撞柱出界.
而阿當斯亦多次引球推進,
所造出的威脅其實唔算少了,
須彊\係一名中堅.
而佢在後防指揮若定,
佢在隊中既位置係無可取替的.
高爾復出的第一場,
表現絕對不差,
在左路與亨利眉來眼去,
亦解釋了阿仙奴攻勢多在左路發難有關.
柏奴亞始終不擅打邊,
佢技術真係令佢只適合做一些破壞性既工作,
佢在右路不能造出威脅,
但佢唔會上腳太多係佢既好處,
知道自己技術唔算好,
便多做駁腳好了,
佢有好多既駁腳傳送,
而令球隊既進攻得以維持,
當然佢既傳送好多都係向後,
令攻勢更加迂迴.
佢既傳中技巧實在差勁,
好似冇目標一樣,
求其一腳傳中便算數似的,
最終兩次都失之交臂.
韋拉及伊度,
韋拉踢得比較好啦,
佢負責球隊在防守變進攻既節奏變化.
而伊度對比之下就比較失色了,
誤傳頻頻,
表現比先幾場大幅滑落,
希望佢可以快點投入番比賽.
龍格堡其實在未入球前,
已經十分努力鑽營,
但出盡九牛二虎之力都未竟全功.
而昨晚佢幾肯嘗試遠射,
雖然命中率不高,
但面對密集防守,
遠射亦係其中一個破門之法.
入球的時刻,
全場為此嘩嘩地叫,
將高貝利,酒吧既場面帶到高峰,
大家都在興奮的大叫,
更加累我撞親個頭,
不過呢個入球絕對令球會高層,雲加,球迷鬆一口氣,
因為葉士域治今場既部署做得唔錯,
我們一直都破門不得法,
呢個入球令我們如釋重負「堡堡,i love u」
第二個入球其實取於對手門將慌失失,
當然龍格堡既頭鎚係好有力咁頂埋去啦,
而華素爾再度失手,
令葉士域治不能翻身,
阿仙奴便得以重回榜首.
柏金,
睇佢踢波真係一大享受,
下半場一開賽,
佢便有射門機會,
度準個位ban得,
皮球一直飛,
觀眾隻眼早已跟住個波,
皮球越過華素爾,
球迷興奮地迎接比賽的第一個入球,
到了,
到白界了,
「噹」一聲,
球迷的心被此聲喚醒,
撞內柱彈出,
全場球迷都感到可惜,
幸好我們仍憑龍格堡的入球先開紀錄,
否則柏金呢個撞柱波就令人更加惋惜了.
亨利是很努力發動攻勢的一人,
左中右皆有佢既足跡,
而葉士域治當然亦派出兩至三個既球員恭候亨利的破關,
而亨利亦有為隊友製造到機會,
可惜一一錯失.
簡奴的入替當然今次不是為拉布,
但佢既出場如果係剛剛打開電視機,
真係唔會發現見到佢,
表現得好靜好靜,
當然可喜的是沒有夾硬地去,
多左傳球.
基文迪實而不華既本色再次指得出,
入到場便有助攻了,
一個助攻令龍格堡射入第二粒,
奠定勝局.
總而言之,
阿仙奴在這場比賽,
實在唔算贏得太乾脆,
攻勢做得比較迂迴,
當然出現呢個情況是因為葉士域治後防球員出色的演出吧.
但發現的是,
比賽中球員都不敢起腳埋門,
只有柏金,伊度,龍格堡肯多點起腳,
可見球員目前實在面對好大既心理壓力.
高贏不勝寒,
雲加絕對要想辦法減低球員既壓力,
因為比賽已進入直路,
如果唔係輸俾利物浦,唔係輸俾曼聯,
而係輸俾理力既話就十分不值了
不過,
阿仙奴的贏波令球迷番屋企都帶著燦爛既笑容,
已是球迷最好的禮物了.
[
Next Thread |
Previous Thread |
Next Message |
Previous Message
]
| |
Feedback: 