| Subject: 阿仙奴之感! 08 MAY 2002 vs Man Utd |
Author:
肥平
|
[
Next Thread |
Previous Thread |
Next Message |
Previous Message
]
Date Posted: 23:11:20 05/08/02 Wed
如果穿著曼聯球衣去街,一定大把球迷爭住同你講波經!但著阿仙奴球衣出街,一定會被人當作是一種恥辱.今屆阿仙奴奪得雙料冠軍,且看這景象能否改變吧!
言歸正傳!今屆阿仙奴表現非常出色!前中後線實力相當平均,雖然曾有安歷卡,比堤,奧華馬斯,馬斯,施雲奴離隊他投,但雲加買入了皮里斯,雲邦荷斯,亨利,韋托特,謝菲斯,史迪派洛夫斯,蘇金保,李察胡禮彌補空缺!可見雲加在擴軍方面,做得異常出色!雖然以上球員起初是唔起眼o既球員,但雲加將佢地塑做成有用之材.並在買入比堤,奧華馬斯後,翌年奪得雙料冠軍!可見雲加的執教方法與別不同.用三言兩語就可將一個球員成材,就好似亨利咁,佢以為係擔任翼鋒,但效力阿仙奴之後,雲加覺得佢唔係好掂,於是乎索性將佢轉型,踢正前鋒的位置,轉型成功後,亨利頻頻取得入球,阿仙奴終於找到新一代的[兵工廠快車],更是繼伊恩胡禮,安歷卡之後,阿仙奴最出色的前鋒!
講完亨利,當然講下韋拉喇!相信大家開頭都睇呢個球員唔出眼!話佢茅又話佢唔係踢波,係踢人.所以當年比堤可說是獨木難支.比堤教路後,韋拉的名字亦開始冒起,現在的他和比堤是平起平坐的球員,亦有人可以話韋拉勁過比堤o既,不過問題唔係出於這裡,兩人邊個較強都是見仁見智!但韋拉比比堤更優勝的地方就是青春,比堤年過三十,可能踢埋呢屆2002年世界盃就無得踢了!但韋拉就只得o個廿五六歲,仲可以踢多屆世界盃!講到長傳,當然是比堤好D喇!但攔截方面,應該是韋拉較好,可能他腳長吧!韋拉近日又再傳出離隊的消息,雖然暫時仍未屬實,但相信他留在阿仙奴的日子亦不會長久!不過阿仙奴有這長腳蜢一日,相信阿仙奴一定有朝一日可稱霸歐洲!當然個人不想韋拉離隊,韋拉在隊中的貢獻並不下於阿當斯,施文,柏金等老將,下屆這位新一代隊長,將會是球隊的重要棋子!
阿當斯下屆就會光榮引退!他由出道到現在都是效力兵工廠,對球隊內層外層都相當熟悉,故此他對球隊一定有深厚感情!但阿仙奴至今還未找到他的接班人,相信在季尾雲加一定會機關算盡,物色有潛質的後衛,以彌補阿當斯退休的空缺!相信大家都不會不認識阿仙奴年青中堅厄遜,此球員除了可踢中堅位置外,亦可客串踢左後衛,更一度被公認為阿當斯的接班人,可惜厄遜經常受傷,以致影響其發揮.希望未來一年他可以磨練自己,使自己更強壯,這麼受傷的機會就會降低!
小弟的感想巳經寫完!雖然文筆唔係咁好!但巳經盡力寫好o左!今屆能夠見證阿仙奴再奪雙料冠軍,真係好似發o左一場夢一樣!我唔知自己仲可以再講d咩,但我覺得阿仙奴冠軍之路現在剛才剛開始,希望阿仙奴下屆會更努力,以奪取四冠王努力!我雖然唔知自己下屆仲可唔可以在這個chatroom見證阿仙奴奪取四冠王,但在此提早祝福阿仙奴能夠在這十年內揚名立萬!
[
Next Thread |
Previous Thread |
Next Message |
Previous Message
]
| |
Feedback: 