7/12 鄭秀文現在活得好開心 --

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

Subject: 7/12 鄭秀文現在活得好開心

Author:
k@

[ Next Thread | Previous Thread | Next Message | Previous Message ]

Date Posted: 21:43:11 12/06/02 Fri

鄭秀文現在活得好開心

　鄭秀文在娛樂圈十二年，期間有開心，有不開心。但到了今日，她可以肯定的對大家說：「我現在的日子過得好開心！」

　或者大家會認為女人如何開心都及不上有自己的家，有一段好好的感情，所以幾乎每隔一段日子，就有各種不同的報道是關於Sammi的感情事，外人比起當事人更緊張，而每篇報道，都好似比當事人所知道的更加多！就連某某大師為她測算都可以令大家相信，以為事情真的是發生過！

　到底她與安仔的種種，幾時才可以叫停？是分手還是好朋友這個話題太悶了，是否要到結婚那一日才水落石出？

相信自己就冇痛苦

　Sammi說：「未必，到時大家亦會再追另一個話題，而我就算結婚都未必同大家講，在圈中多年，好多事我會坦坦白白向公眾交代，就只有感情事我係好堅持，唔需要講。（就連好朋友都唔講？）我都唔會問朋友嘅感情事，因為人哋話好與唔好都唔應該影響自己嘅睇法，只要我感受到對方真正對我好就得！」

最近許志安有首《女人之苦》，表達女人的內心。不過，Sammi現階段沒有這些苦。她說：「今日我得到嘅已經好多，還要怨甚麼？依家我感覺好舒服。」她回贈自己的新歌《相信自己》給大家，這就是她的心聲。

好運要懂得珍惜

　不過，在娛樂圈十多年，不覺得疲倦嗎？而且傳過她想退休。

　「在身體不適及哮喘發作的時候，就想退休，不過想到自己其實比起好多人幸福，就覺得要懂得珍惜，能夠做到自己喜歡的工作已經很好。現在我只不過要將我嘅工作重新調整，選擇性去做。（當然啦，小富婆，聽講你嘅片酬好似升到六百萬噃？）哈！邊度有呀，不過依家係愈來愈鍾意拍戲就係真嘅！」

　女人太叻，男人會妒忌？

「其實我唔係好叻，說到底女人又點及得男人叻呢！大家睇到嘅係我工作上嘅成績，待人處事我未必及得上，大家見到今日我所得到嘅一切，係因為我好運。」

　如果要從頭再揀又會不會入行？

　「或者我會揀去讀書，或者教幼稚園啦，小朋友天真無邪，同佢哋一齊好開心，不過既然自己揀咗參加新秀大賽這條路，一直行到今日，我就忠於呢個角色。（唔覺得付出太大嗎？）我得到亦不少，值得嘅。」

減壓方法睇書、砌Puzzle 最新推介《兩性之間》

Sammi其實都是一個好易滿足的人，對於娛樂圈好多人喜歡熱鬧，Sammi就好少加入，最多是約朋友去飲杯嘢傾吓偈，但並不頻密。「去Wet嘅生活唔啱我嘅！」不過對於有些人喜歡去Wet，她覺得亦未必是壞事，每個人的Life Style不同而已。

Wet嘅生活唔啱佢

　有人覺得去Wet可以減壓，原來Sammi減壓有另一種方法。

　「人生好多事唔好睇得咁大就得啦！我減壓會睇書、睇VCD囉，重有砌Puzzle！」Sammi個人紀錄是兩日砌完一千塊Puzzle。她一副着魔的口脗說：「真係好開心㗎，我可以一日乜都唔做，埋頭埋腦砌九、十個鐘！（你幾時開始愛上砌圖？）兩年前有朋友送咗千塊Puzzle之後開始。（咁砌圖對你有冇得着？）有！當中都練到對事物嘅專注，就正如畫畫都係練到專心，而且砌圖嘅時候好Relax，可以減壓。」

愛看知識性讀物

　睇書呢？還以為Sammi喜歡睇愛情小說。原來大錯特錯，Sammi說：「我鍾意睇知識性書籍。（你唔係睇如何做個成功人士啩？）嘻！我鍾意睇有啟發性嘅題材，有時遇到一些自己解決不到、同人傾又冇用的問題時，就會在書本上尋求答案，都幾得㗎。」

Sammi最近有甚麼好書介紹？

　「最近我睇緊嗰本係《兩性關係》！（你有兩性相處問題諗唔通？）咪亂諗啦，呢本書講男人、女人在社會體系上擔當甚麼角色，當女人成為妻子嘅角色又點呀……（你角色有變咩？）唔係，只不過本書講到人與人間關係都幾有趣。（你唔識同人相處？）相處……我識！如果唔識我就係自閉啦，只不過圓滑就唔係！（但呢個圈有很多人做到圓滑，而你都算係有脾氣嘅人？）係呀！但我冇諗過因為做呢行就要去圓滑，呢樣嘢唔可以同我工作掛鈎，我相信只要默默耕耘，信自己做嘅嘢就會有成功嘅一日。」

不懂得表達自己

　說起Sammi待人接物，她確實唔叻，與記者交手過無限次，她依然在某些問題上不知如何應對，換來就是：佢又黑臉！不過，了解她就知道她是不識去表達而已，她說：「大家可能唔知道，其實我都好驚，對某些無無聊聊的傳聞，唔知點回答至可以令記者交到差，點至令大家滿意。」所以她有時選擇不回應，望大家可以體諒。

最了解她是家人

說到最了解Sammi的人，其實是她的家人，到今時今日她依然與家人共住，Sammi 說她想過要獨立，想過搬出來住。但家人一直對她照顧得好好，她明白哪有一個父母不想仔女在身邊，溫暖的家帶給她安全感。

　早前，Sammi的爸爸中風，現在仍要按時做物理治療，Sammi說進展不錯，而爸爸身體有毛病之後，她更加珍惜與父親的相處。她說：「可能因為係中國人嘅關係，由細到大都唔識點去表達對爹哋嘅愛，好多說話唔會開口講，但依家唔同啦，我同爹哋講多咗好多嘢，溝通多咗，唔會有太多收埋。如果星期六冇特別事做，大家就會返屋企一齊食飯，好開心！」

Sammi最享受家庭樂。

[ Next Thread | Previous Thread | Next Message | Previous Message ]