最美的中五(6-8) -- 九濟堂

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

Thu, Jun 06 2024, 21:15:51

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4, [5], 6, 7, 8, 9, 10 ]

Subject: 最美的中五(6-8)

Author:
火仔

[ Next Thread | Previous Thread | Next Message | Previous Message ]

Date Posted: 20:21:01 11/23/03 Sun

第6集:但願人長久
.....................................................................

我細細個就好鐘意睇漫畫,可惜我沒什麼繪畫天份,要不是一定會畫漫畫。不過升

上了中學之後就少了看,也沒什麼多餘錢買。阿康知道我鐘意,所以就成日上網

Download漫畫燒落CD度比我。我近期看了一套,男主角某天到學校的天台,一開天

台度門就見到一個穿草莓內褲的女孩重天而降....。我成日會幻想漫畫中的情節

會不會發生在自己身上,答案是會。雖然情節不同,但感覺是一樣。重天而降,原來

是一種運氣。

我回過神來,把面側過一邊,不敢正視。(其實我是想見多一面)我心跳己經超過

二百,我腦裡面都不知道自己該想什麼。2秒後...

女孩:"唔好意思.其實...裡面..有隻蜘蛛。"(邊到裡面?)

我一聽這把很軟的聲線,再看到她腳足爭貼了2塊膠布...啊..石寶意。腦袋又

亂起來。我在做什麼..?冷靜,要冷靜!沒錯,是冷靜。(你冷靜夠沒有)

我很冷靜地說:"啊..誒..無咩,o下..哦..蜘蛛。"(這叫冷靜)

我望了她一眼,又不敢望了,她整塊面都紅透了,四個字"可愛到極"。

我:"我..我,入去幫你整走佢。"

寶意她低著頭,讓開了。我就急急地走進浴室,找那隻嚇得寶意花容失色的蜘蛛。

呵!找到了,我脫下拖鞋,就拍下去。我雖然不喜歡殺生,但是你偷窺寶意洗澡,必死

無疑。這種有手心般大小,有腳毛的蜘蛛,不算太敏捷,一下就死了。我在身後拿了

一格廁紙將那屍骸未走了。

我:"啊,我攪掂o左隻o野。誒..唔好意思。"

她害羞地點了點頭,便匆匆地走回去浴室。...什麼也沒說。

我腦海出現了一條問題...我在幹什麼?短短十秒間發生了這麼多事,給大家會

會如何處理。等我組織一下先,首先..有沒有其他人看到?窗口..沒人;廚房..我一

個人。其他人都在耍樂..看不到的..我猜。(這是典型犯罪者第一時間會想的東西

)之後..我看到什麼?啊!沒,我該是什麼也沒看到才對。嗯,沒看到。(自欺欺人)那

...寶意就是那個大眼美女,原來她一直被那老花鏡掩蓋了。真是浪費了,糟!剛才

她什麼也沒說..難道我被討厭了?!哎呀..她不會以為我是Reaper色魔吧?呵呵..

我崩潰了。些時有人走進來廚房。

我:"啊! ! !"

原來是思慧,她難道看到了。

思慧:"你做咩大叫?我見你頭先重打自己個頭。"

我:"啊,無,我諗緊o野。嘿嘿。"

思慧:"你好得意~誒,係呀我想飲啖水,要凍。"

我:"你等等。"

其實思慧真係好好人,不過平時就對人冷冷淡淡,依家就可愛好多啦。跟據數字

統計,今日係我同思慧交談次數最多的一次,所以..適合表白。(剛剛才想起要表白

,呵呵,我真是想太多了)

我:"o拿,你如果重要的話都有。"

思慧:"唔該你。咦,你未洗完碗呀?"(思慧第一次咁關心我)

我:"啊,係呀,就洗完啦。"

思慧:"佢地嚮出面玩緊蠟燭啦,你洗完出來食月餅。"

我:"哦,好啊,我諗都雪凍o左。"

氣氛太好,思慧都受到感染,剛才重對我笑。我估今次成功都唔定。

"頭先唔該你呀。"寶意突然從後說。(嚇死我)

我:"唔洗..你出去玩住先,一陣食月餅。"(好在,沒事。)

現在從屋仔望出去就見到個八月十五好圓,剛好又沒有雲,所以好個月光都幾光

孟。照落田到有一層白色的光,班大細路又點蠟燭玩。這樣才叫真正賞月,希望人月

兩團圓啦。

盈盈:"你洗完o拿?"

我:"嗯,洗好啦。切月餅啦~"

瑤瑤:"喂,影相好唔好。借個手提比我啦~"

賞月之前,校長來了一個小型祈禱會(學校是天主教,校長是教徙)。氣氛認真

一流。燭光,月光加多個大自然氣息,差D以為自己發緊夢。大家真係好開心。這時

候我覺得校長說的一句話很對"享有生命其實是一種福氣,嘗試珍惜身邊的事和人,

你會覺得你的生活會更精彩。"我許了一個願,不是希望自己可以擁有些什麼,而是

希望大家都開心快樂。嗯,這已足夠。

社工:"問大家一個問題4舊月餅點分比十五個人食?"

業記:"一人一啖!"(你就想)

江仔:"一個月餅分4份。"

另一個同行女生:"重多左一份啵。"

社工:"咁我地玩個遊戲,輸o左要拎剩番果份月餅比住嚮村口個婆,重有要對

婆婆唸首唐詩,祝佢中秋節快樂,好唔好?"

校長:"好提議~黎姑娘(社工姐姐姓黎,校長叫她黎姑娘)個遊戲點玩?"

校長都話好,難道大家會話唔好。

社工:"咁大家圍埋一齊先。好,個遊戲係咁玩,大家輪流諗一個可以比十

五個人玩o既遊戲,每人都要諗一個,然後同大家玩。但就唔可以有

色情,暴力成份。人人都玩過果D,即係好經典o既捉迷藏都唔接受。"

瑤瑤舉手:"社工姐姐,咁點先算輸。"

社工:"不愧為長的學生,Good Question。如果邊個諗唔到或者經投票後

最唔好玩o既遊戲就算輸,大家重有無咩問題。"

原來思慧嚮社工姐姐話圍埋果陣,就坐o左嚮我身邊,可能見我咁出力幫手,自動

加分。我偷偷地看了她一眼,不敢相信自己竟然和最喜歡的人坐在一起。幸福原

來可以很簡單。

校長:"我呢面開始先,一路輪住去。"

盈盈:"大家為校長鼓掌^^"

說起玩遊戲,我都識2~3個好玩o既,不過做人o既o野,都係留一手。

業記:"邪哥仔,到你啦~"

我:"我唔係太識o架(扮o野),唔好玩大家唔好打我。就咁,我依家變o左

做神槍手(屈起手指,做出一個手槍的形狀),我就向大家開槍,嚮一

亂槍數射之後,大家就估邊個中槍身亡,只有一個人會死。"

註: (呢個遊戲表面上係估邊個中槍,對大家開槍一輪之後問"死邊個"。

死o既原則唔係中槍次數,唔係第一個中槍,都唔係最尾。其實呢個遊戲

係估"中槍的原則"

我:"好大家準備好未?砰..砰砰..砰..砰.砰砰砰(向著大家開槍),死邊個?"

玩了七八次雖然有人估中,但都係撞。大家都意識到中槍的人係有一個原則

,知道中槍者有某一條件。最後都要我開估,就係當我問"死邊個",第一個開口說話

的人就是中槍的人。其實都幾好玩,估一樣原則。

思慧(細聲):"哎呀,到我啦~未諗到,點算。"(我當然要挺身而出)

我:"等我幫你諗o下啦,就係咁..咁,無錯就係咁。"

思慧:"哇~好勁呀你。"(又加分了)

我:"都唔係,我以前聽森美小儀(電台節目)教。"

到了半夜3點大家就要出發去天光墟(菜市場)。從小屋走了30分鐘左右就會到,

沿途有好多野狗,對著我們吠。路上會有好多小動物,例如田雞,蟲仔,兩棲類生物

等等。燈光暗淡,幸好我們一行有十五人,要不是嚇都嚇到傻。天光墟,墟如其名,

半夜3點都人頭湧湧,大射燈照落去好真的很像白天。社工話其實這樣的市場其實

是品流複雜,背後是有某個社團控制,表面卻看似很太平。其實現實的社會,總有

黑暗面,不是沒有,只是大家看不到。接著我們在天光墟外的大排檔食早餐。

這是一個不錯的體驗。在由天光墟回小屋中,我都是在想如何表白,可能是我想

得太過複雜...真接按計劃說就行了。剛才出來的時候盈盈就已經很怕,回去的時

候,她只是(只是?)緊緊地抓著我。可能其他人眼中,我們好像很親暱,但其實不是

大家所想的,這點我很清楚。業記就在路上不斷嚇女仔,其實他自己是最怕的那一

個,我指在地上,大叫:"哇~好大隻田雞。"業記就立即跳上江仔的背上,接著大叫

...。大家都笑他沒用,這樣一來緊張的氣氛,則變得輕鬆起來。回到小屋大家都很

累,校長是第一個睡的。有部份人,再玩了一會兒都睡了。由於房間不是太多,有些

人要睡在大廳,伏在圓桌上睡了。寶意比其他人遲睡,要睡大廳。

寶意:"呀,你重未訓?"(剛才的事,她好像忘記了)

我:"係呀,我唔洗訓。咦,你要訓廳?"

寶意:"無晒房啦。"

我:"你用我個枕頭,來之前我洗乾淨左,你訓枕頭會舒服D。"

寶意:"嗯嗯,多謝你。"

寶意脫下老花眼鏡,就伏在枕頭上睡了。美麗的人,什麼時候都是美的。

現在沒睡的只有思慧,跟一直用我手提電話拍照的嘉瑤。

思慧一個人在屋外看星星,瑤瑤就說要拍下大家的睡姿。等等,這不就是表白

的最佳機會。沒有共其他人。我硬著頭皮,走了出外,就站在思慧的旁邊。

誰不知思慧先開口了:"你仲未訓咩?"

我:"哦,係呀,未訓住。"(好順利的開場白)

思慧:"D星星好靚,嚮出面(市區)睇唔到。"

我:"嗯,真係好靚。"

思慧:"你係唔係有o野同我講?"

女孩子感覺特別敏銳,像看穿了我。還主動問我是否有話想說。那我也要拿出

勇氣。說2年來也不敢說的話。說出我的感覺。一時間,所有的情感都一瀉而出。

我不想再拖,不想再騙自己的感覺。說就說,

"反正不會死"!

衝口而出:"我一直都好鐘意你。"

~完~

...........................................................................

加插小段:關於嘉瑤
...........................................................................

我可能在其他人眼中是一個壞女孩。4個月之前,我在外面認識了一個男孩,那個

男孩跟我說很愛我。被喜歡,被人哄,被疼愛,哪個不想。我接受了他。雖然,他不

喜歡讀書,但是他真的很疼鍚我,所以我不介意。他常常說要養我一生一世,當時我

以為已經找到我自己所追求的東西。爸爸不喜歡我跟那個男孩在一起,每次回到家

裡,就只是罵,所以我討厭有這個爸爸。姐姐比我聰明,考上了大學,媽媽想我用心讀

書,不要常常跟朋友去玩,像家姐一樣。我其實是有掙扎過,但比起來,我寧願要一個

愛我的人。暑假一到我便離家出走,到了那個男孩家住。爸爸十分氣憤,說以後不要

再管我;而媽媽每星期也會給我生活費。那男孩是跟他媽媽一起住的,他媽媽不反對

我住在他家中。每次只有我們兩人在家時,他就會擁著我,強吻我。我沒有反抗,這

是情侶常常做的事情。那個男孩會砌單車,有時晚上他會用單車載我兜風。我覺得

那就是浪漫,一生一世的幸福,彷彿我已抓緊了。從背後擁著他是我最喜歡的事情。

沒多久,他問我借錢,到黃金(電腦)商場,購了一台電腦。之後他就迷上玩網上,

遊戲。一整天都在玩,琥足不出戶。他也叫我一起跟他,他幫我開了新人,一直教我

練等級,我真的是不太會。我們拍拖的地點是網吧,每一次也是。他帶著我在遊戲世

界裡四處走,打物。我趴了的時,他就很生氣,說我沒用。之後就跟朋友去練了。看

著他們,我不知道可以說什麼。他們都是談及遊戲中的事情,我只好看著自己的人物

,重複又重複地打低等的怪物。即使如此我仍是喜歡著他,他是有優點,他很專一的。

有一晚9時左右。

我:"喂,我餓了,我地好不唔好去食飯?"

男:"哎呀,我頭先先同人組O左隊練,遲D先啦~(繼續對著螢光幕)"

我:"我今日好肚餓,早餐到而家都未食過..."

男:"得啦,好煩,玩多陣先(一面在鍵盤上打字)。"

我不介意跟他一起花媽媽給我的生活費,。網絡遊戲的點數卡,我也願意買,他住共

公屋村,地方狹小,沒經濟能力。他問我借我完全沒所謂,吃飯的錢也是我的。因為我

相信他是愛我的。我呆著看無聊的電視節目,一直到十時。

我:"你玩完未呀,十點啦。"

男:"唔好糟住先,頂!死o左啦...."

我聽到這一句,我的心要碎了,眼淚就湧了出來。我走過去,把電腦狠狠地關上。

男:"你發咩神經啤呀?"

我哭著說:"你覺得比遊戲入面o既寶物他同錢我,我就會開心咩?"

我只是一面流淚,一面看著他。

我:"或者,你咁做就覺得對我好好,但係我唔係要D咁o既o野。

點解你覺得網上面o既事物比現實o既一切重來得重要?

唔通你係入面飲支紅水,你現實就會飽...。你唔再愛我啦?"

男捉著我的手:"對唔住,係我唔著,你原諒我啦,我頭先大聱o左,伙打番我啦。"

之後那天晚他跟我去吃,我最愛的車仔麵。回到他家裡,他說要跟我一起洗澡,

接著又像凡平常地吻我,摸我。然後又做一些大人做的事情,他問我舒不舒服。雖

然我不喜歡做那種事情,但是為了令他快樂,我甘願。

不到一日,他又是一整天對昔著電腦。

一次,我用他的人物上線。一上到線有個女孩子做型的玩家就走了過來,好說

:"親愛的,你有想著我嗎?"接著便做了一個親吻的表情。我呆了呆,鼻子一酸。

我捂著心口....很痛。淚就不停地流..我覺得完全呼吸不到。把電腦關上了。

他說那只無聊認識,網絡上怎會玩認真,叫我別介意。

"夠了!"

我說了:"分手。"

我很討厭自己,比不不上遊戲裡面的人物可愛。我輸了,我輸了的不是現實,

而是一個網絡遊戲。我再沒有什麼希望。都沒了。最後我只好為我自己的可憐的

傻打上了休止符。

在社工幫助下我搬回家裡去。

那一天起我看世界好像不同了...都是灰黑色的。

心中常常聽見"絕"這首歌。

" 寧願滯留在此處寧願叫時間中止

我不會再信未來我不要再看歷史

還能活才是諷刺故此不用做傻事

讓痛苦輪迴千次彰顯那快樂有盡時

曙光全部熄滅殺掉我影子

我只能獨處背後全沒有支柱

甚麼叫絕望抬起眼望望

如今我在你面前呈堂隨便收看

靈魂被抽乾殘留著軀幹

從此與未了願同存亡地老天荒

還不夠絕望尚可更絕望

留給我日後用來形容前面境況

能夠這樣謝謝你幫忙

將僅有願望都風光殮"

以為可以戀一世的愛..不到四個月就碎下來了。

直到了開學時,決定忘記所有。我想我跌到痛了,,太痛了!我不想再戀過。

當我看到那個重讀生...我看到的世界,灰色慢慢褪下來。

~完~

第7集:我怕我會愛上你

..........................................................................................................

說完之後,她看著我。然後便低下頭,沉默了一會。我正想開口。

"無膽鬼。"她冷冷地說。

這..是什麼意思?我來不及思考,自我保護意識驅使下便說了一句。

:"對唔住,我其實係...."

沒有等我說完要說的話,她轉身走回去了。

這表示了什麼...。遺憾地,所有計劃都落了空。遺憾地,兩年的的希望不單只

是白走一回,還送你多一個膽小鬼。我其實是被人拒絕了嗎?從她的神情我知道了

。幸好我不是傻到在大庭廣眾說,不然就正如大家所想的糟。大家可能會記得我所

說的"淡忘",原來想像跟現實是兩碼子的事情。我做不到。我想為自己編個藉口.

但我想不到。可能大家遇到糟事情時,大家腦海曾經會想到世界上最可憐的人便是

自己。現在我也是有同樣的想法。就連想追求的東西也捉不住,接著就會開始討

厭自己,然後一段自我責難後,便想逃避,再來就是自暴棄。這便是我從小以來,面

對挫折時的方法。我會選擇等人救我。

我坐下來,就坐在剛才思慧坐的長木椅。感受她留下來的餘溫。大家可能問我

為什麼不追上去說清楚。我給自己有兩個借口;第一,追上去又怎樣,結果會有什麼

轉變嗎?沒。第二,如果驚動了入面的團友,情況只怕變得尷尬,我不是怕自己受罪。

怕的是傷害了思慧。沒意義的事,我不想做,即使剛才就做了一件。

午夜四時半,這兒有斷續的蟲叫,其他的都靜得可怕。在這睡眠不足,大受打擊

的情況下,一個人是最脆弱的。

嘉瑤坐了在我身旁...

嘉瑤:"仲唔訓?四點幾啦。"

我:"唔想訓。"

嘉瑤:"我影完啦,比番你。"

我:"咁好唔好玩?"

嘉瑤:"我聽到晒..."

我:"咁夜重有人打比我?"

嘉瑤:"我聽到你同伍思慧講Do野。"

我看了她一眼,之後又低著頭,我不知道該說什麼好。

嘉瑤:"你好Down...不如講比我聽,可能會舒服D。"

我:"我無o野..掛.."

嘉瑤:"唔好咁啦,唔似平時果個辟邪。"

我:".......你唔好咁。咁樣我會重辛苦。"

嘉瑤停了下來,開了收音機。各位可能不知半夜四點收音機會有什麼播。

是不停地播歌。

收音機:"想笑來偽裝掉下的眼淚點點頭　承認自己會怕黑....."

嘉瑤:"咻比嘟嘩首世界未日..幾好聽。"

我:"..嗯。"

嘉瑤:"你咪話我隻錶好得意o既?"(換個話題都好)

我看著嘉瑤的手。

我:"我記得係你媽咪送。"

嘉瑤:"其實我講大話。"

瑤瑤將粗粗的錶帶解開,雖然只有暗淡的街燈跟月光,但是我看得很楚。

嘉瑤:"我其實係為o左摭住呢個紋身先會帶。"

我:"好似..半個心。"

嘉瑤:"係呀,。我同男朋友一人有半邊。"

我:"你男朋友呢,唔見過佢o既?"(原來瑤瑤已經有男友)

嘉瑤:"..我地散o左。"

我:"o下,點解散?"(你問了一個不應該問的問題)

嘉瑤好像心事重重:"其實..因為..."

我:"啊,對唔住,我唔應該咁問。"

嘉瑤:"唔緊要...其實係我想講..."

她看著我。我們又沉默了一會。

我:"對唔住..我就係咁無用。"

嘉瑤:"唔係你諗咁樣。你好好,真係好好。"

我:"因為我無用,所以先..。我唔識點講。"

嘉瑤:"其實你識好多o野,又細心,又肯幫人,心地又好,讀書又叻..."

我:"你講大話。"(我也不知道自己會這樣說)

嘉瑤搖搖頭:"我唔係講大話。我知道你好盡力。"

我:"咁又點樣。最後自己鐘意o既人咪又唔係鐘意我。"

嘉瑤像有心事。

我:"對唔住...我唔應該對你講呢Do野。

嘉瑤:"所以我話你真係好好...."

我:"多謝你...聽我講D唔開心o野。"

嘉瑤:"....你對我好好。"

"我怕我會愛上你。"

世界就是這樣的奇妙,你在選擇別人,別人也會選擇你。當你很專注一樣東西,

你可能會忽略了其他。而且是比起你所渴求的更要好,幸福就這樣一點一滴流走。

我:"唔好。"

因為我怕我也愛上你。我不是要找替身,也不要別人可憐我。

收音機:"早上五點半。"

嘉瑤:"呀...睇日出,我想睇o下日出。"

我:"嗯。大陽嚮....呢邊......"

發生了很多事的中秋節寮屋一日終於完了。有得有失。不過我不會一直讓自己

不開人下去。最多1日。大家一早起都好精神,解散的時候也是鬧哄哄的。這樣的感

覺真好。嘉瑤說的:"我怕我會愛上你"比起思慧說的:"無膽鬼,更令我煩惱和疑惑。

在乘車回家途中。

盈盈:"尋晚點呀?"

我:"我無訓到。"

盈盈:"我知呀,我問你同思慧點?"

我:"我無講呀.."

盈盈:"o下,做咩唔講。"

我:"你重緊張過我。我知道呢Do野唔可以夾硬。"

盈盈:"你..有無事。"

我:"真係無。"

電話嚮.....

子騖:"(電話中)喂,攪成點呀?好唔好玩"

我:"o下..咩話?"

子騖:"係我呀。子騖啊"

我:"子騖,做咩?"

子騖:"問你溝女溝成點?"

我:"頭先盈盈先問完。你問佢啦。"

盈盈接過了電話。我不想他們擔心我一個人的無聊事情,就這樣說就好了。我

退還有一點接受不到。但跟嘉瑤談了之後,好像想通了一些東西。我知道是什麼原因

..但確是輕鬆了。

如人類世界沒了感情會怎麼?可能會簡單得多。信佛教的人認為人世有八苦:生'老'

死'僧恨'感情雜盛'愛別離還有求不得。求不得的東西總是求不得。是時候

該死心了。放得下,不單只是勇氣。

盈盈:"子騖話今晚去食壽司,阿康都去,之後佢地話要落bar。"

我:"無聽佢地話鐘意落bar。"

盈盈:"同班有個女仔好似話去果度做part time,佢地兩個話去睇o下。"

我:"你放心佢地?"

盈盈:"咩放心?"

我:"我話子騖,你唔怕佢去識女仔?"

盈盈:"唔知呀...係呢,你影o左D咩相,比我睇o下。"

我:"唔好扯開話題。"

盈盈:"我又可以點?

世界上有些事是你控制不到的...

我:" 我會去,不過我要返屋企抖下。呵欠~

~完~

第8集:向左走,向右走
................................................................................................................

子騖同阿康兩個人都很早熟,雖然才十八歲出頭,但是看來有二十多歲。這是他們

的魅力所在吧。

阿康:"你遲到十三分鐘。"

我:"訓過龍..呵欠....盈盈咪..重遲過我。"

子騖:"哇,好似鬼叫啊。盈盈去搵位。"

阿康:"行啦,佢一個人等o左好耐。"

我:"你地咁黑人憎,要一個女仔搵位。"

子騖:"盈盈自己話要等位先,唔係你遲到盈盈都唔洗等咁耐。"

我:"係我唔著。你今日好似咁燥。"

阿康:"佢尋晚玩ICQ,無點訓到。"

子騖:"快D行啦..."

行到壽司店,都好多人排隊輪位,節日始終都比較多人。

盈盈:"重有一個就輪到我地,好快。"

我:"Sorry,盈盈我遲o左。"

盈盈:"唔緊要啦,你成晚都無訓~"(都係你最體貼我)

阿康:"係呀,你今晚落唔落bar?"

我:"落bar?怪唔得你兩個著晒老西咁。"

子騖:"盈盈無同你講咩?我地出尖咀呀。"

我:"o下,果D地方會唔會好雜。你地唔好帶壞盈盈。"

盈盈:"我諗我都唔去....你地去啦。"

我:"我唔去,我重想訓多陣。"

子騖:"我都估你地唔會去。(你又會知)不過辟邪,有好多靚女,你諗o下。"

盈盈默言不語。

我:"唔啦,我一陣送盈盈返去。"

阿康:"有位啦,入去再傾。"

我覺得我們四個人好似走遠了一點,可能大家常常分開,而且都有自己的事情

忙。人成長了,舊時的玩伴會不變得不再重要呢?

盈盈:"你地食咩?呢度D鰻魚定食好似幾好。"

子騖:"咁我食鰻魚,要多個三文魚刺身。(真有錢)"

盈盈:"阿康呢?你食咩。你喉嚨痛唔好食天婦羅。"

阿康:"我無所謂..唔..都係你幫我點。"

盈盈:"咁我同你簡個牛肉飯。可能唔夠,再幫你叫幾件壽司。"

阿康:"咁好,唔夠再要。阿邪你要咩o野?"

我:"果個好似好正...(流口水)"(識望著門口)

子騖:"唔係呀化?阿婆你都鐘意..咦...重流口水,你唔係被人拒絕之後就傻

鬼o左..."(你傻我都未傻)

阿康:"哎呀,我點樣賠番個仔比伯友(母)。"(阿康黯然流淚)

我:"邊個話我比人佢絕,我話放嚮門口果個超豪華極級刺身拼盆好正。

你先傻。"

阿康:"阿呢陀佛,好在佢重識食o野。"

子騖:"講開又講,你係咪衰o左?"(你重八個D八婆)

盈盈:"咁我落單先。"

原來叫o野食都可以看出大家不同個性。阿康係最無所謂的一個。盈盈會為別

人設想。子騖就有自己一套。我?我喜歡D大size,我係指食物。

本來想開開心心食餐飯,可惜..

我:"我無同佢講.."

子騖:"你其實比佢拒絕o左,係唔係。"

我:"真係無,因為我知道講o左無用。"

子騖發惡:"講大話..你估我信唔信你?之前你攪o左咁耐,盈盈係背後做o左好多o野,

係知唔知?學生會D人鬧盈盈唔公平,比晒D位你果班。你同講我咩都無?!"

我:"我唔想係你地擔心..."

子騖:"你由細都係咁樣,成熟D啦!一睇你個死樣就知你衰o左。"

我:"(情緒低落)我同思慧講o左.佢話我無膽鬼...我就係咁。"

子騖:"咩就係咁?你知唔知唔係淨係你一個煩呀。我地3個都好想你好。"

我:"咁..有咩辦法,佢都唔鐘意我。"

子騖:"你唔係話自己諗通o左,依家衰o左又死狗咁。"

盈盈:"子騖,你唔好再鬧佢,佢都唔想。"

子騖:"今日點都要鬧醒佢。辟邪我覺得你好無謂,兩年你一直搵藉口。我唔

知佢有咩好,但係我知佢對你來講好緊要。依家你自己都知你地無可能

,重拖咩?世界上唔係淨係得佢一個人,其他人都對你好好。你自己轉牛

角尖,唔該你顧o下其他人感受。"

我:"連我自己都好憎自己...點會有其他人鐘意我。"

子騖:"唔通一定要拍拖?世界上無話無o左邊個唔得。你追求自己o既o野果陣,

就唔理其他人。"

我:"我...其實.."

子騖:"你醒o下啦!我都唔知點解盈盈會鐘意你!"

我看著盈盈..她..什麼也沒說。她在迴避我的視線。子騖,要醒的是你。

盈盈心入面一是你。你這樣說,她一定很難受。你才是令她傷心的那個人。

大家都沉默了,但都算冷靜下來了。

我:"對唔住。"

子騖似乎知道自己不該說的話:"你知我就係咁,唔好當我鬧你。"

阿康:"喂,你兩個都抖o下,飲杯水...成間o野D人都望住你地。"

盈盈:"係o羅,o野食來o左,大家開開心心食多餐。辟邪乖,子騖都乖,食o野先。

o拿,最多姐姐餵。"(還是覺得你最好)

食完飯兩個人就出了尖咀,今日盈盈明顯少了說話。她其實是在想什麼,我也

不知道。但在我們面前總是笑足一百分。可能是錯覺,盈盈。看來很孤單。自從

昨晚我對思慧說了那一句,遇到的事情總是不開心。子騖的責罵,嘉瑤的安慰,雖

性質不同,但大概是不想再沉入去不快之中。子騖說得對,我總忘了別人。因為我

從沒想過自己的重要。我太自我中心了,或者是自卑感作祟。看看四周,其實只要

肯找,總會有出路。像我這樣子,不努力是不行的。

中秋節過去了,又要上學。就在走上學校的斜路,我遇見了嘉瑤。她把頭髮剪

短了,還把頭髮電曲了,比以前更要吸引。她仍帶著那個手錶。

嘉瑤:"早晨啊~終於追到你。"

我:"早~你抖順條氣先。咦,你剪o左頭髮,好靚。"

嘉瑤:"真係?我都好鐘意。"

我:"食唔食早餐?"

嘉瑤:"無呀,一早就出o左門口。我平時都無食。"

我:"朝早唔食Do野會唁健康。請你食,oliver吞拿魚三文字。"

嘉瑤:"哇,好大塊。我都唔知食唔食得落。"

我:"咁我同你兩份,重有我媽咪嚮台灣帶返來o既洛神花茶,幾好飲。"

嘉瑤:"o下,兩份?啊...我唔係咁意思。我係話..好。"

我:"返課室食,咁早無人捉。"(課室裡吃東西是不對的)

想不到跟嘉瑤一起吃早餐可以很開心,她常常笑,我說什麼她也很有反應。我對

她沒有什麼壞印象。我總覺得她是感情豐富的那一類人。雙程路比單程路來得要好

。人一世,物一世,開開心心過會精彩一些。

吃完早餐,便要落樓下集隊,聽早會。業記一返到學校便大談去camp經歷,重有

女人經。他說有七成是假的,希望大家不要盡信。一個開心的早上,我相信是好的開

始。咦?子騖在早會宣佈學生會事情。

子騖:"學生會將於下一個星期四舉行校內拉闊音樂會,詳情請參校內海報。

請各位頂力支持。"

現在的學生會真多活動。不過這不是一件壞事。想太多了,要專心上堂。

寶意在小息時,把椅子調轉,將文學書放在我的桌上。

寶意:"我想問你少少關於文學o既o野,得唔得?"

我:"好,你想問咩?"(希望她忘了寮屋的事)

寶意:"我想問詞解,文言文我唔係好識。"

我:"係介唔介意我寫落去?"

寶意:"哦,你寫啦,唔緊要。"

寶意把視線注視在書本上,她把面貼近過來。我看了好一眼。腦子裡就想起那件事

,嗚...真糟糕。不知,不覺。世界上的確不只一個選擇。(你太花心了)我竟又再去選擇

。我一邊寫,好一邊看。這情境...真怪,卻來得很自然。

在吃午時我看到盈盈跟一個陌生的男同樣走出校門。她明明說有事不跟我們一吃,現

在又..。好事成雙,子騖又說要跟學生會會長談關於音樂會的公事又說不來了。那個女學

生會會長人長得好看,可以說是才女。跟她談了數次話,覺她為人不錯。阿康,我們兩個去

食M記啦。三喜臨門,阿康,說要留在學校Test。好,你們三個獨自去偷歡。我一個人自己

去食。

寶意:"喂喂~辟邪等等我地~"

我:"哦,你兩個出來食氯飯?"

嘉現:"係呀,一齊去啦。"

我:"都好,我一個人。"

我在想那個和盈盈一起的神秘男子到底是誰?

~完~

[ Next Thread | Previous Thread | Next Message | Previous Message ]

Replies:

[> Subject: Re: 最美的中五(9-11)

Author:
火仔
[ Edit | View ]

Date Posted: 20:22:59 11/23/03 Sun

第9集:配角

..........................................................................................................

就走在學校門口的斜路,我突然像是受到大眾的壓力,男同學總是很兇地盯

著我。而女生則是以驚奇的目光注視著我。難道一個男人,不可以同時跟兩個女

孩撐臺腳?吃不到午餐原來是酸的。(自大地奸笑中)

我:"你地兩個鐘意食咩?不如去食咖哩好唔好?"

業記:"(從後殺出)喂~食咖哩點可以唔預我?"(不如我死先預你)

嘉瑤:"(耳邊細聲說)來O左個麻煩人。"

我:"(耳邊細聲說)咁我地買甩佢。"

業記:"寶意,我一個人食LUNCH好慘,你地同我一齊食啦~(欲哭)"

寶意:"哦...好呀。咁多個人商量,會多D意見。"(可惡,你向寶意下手)

我:"嗯?咩商量?"

寶意:"我地一陣間一邊食一邊商量。"

嘉瑤:"係呀,所以先叫你一齊去。"

我:"噢,原來係咁。"(好像被人利用)

嘉瑤:"辟邪我唔係話你,我話佢(業記)。"

業記:"哦,你兩個一定有路,一定係去Camp果時...咩咩咩!"

嘉瑤又面紅。似乎想起那晚的事。

我:"你同鄭欣兒先有路,下次唔好問我借功課抄!"

業記:"唔好,千祈唔好,我以後唔敢講啦~"

我:"重唔去咖哩屋搵位,搵到先考慮。"(嘿嘿)

被業記提一提...又勾起那晚瑤瑤說的那句話。究竟她說的是認真的還是

...。算了吧,沒可能的事是沒可能發生的。還是安心吃飯。

業記才吃下一口飯,就噴了出來:"咩化,可餓泥剪洪,化工二里?!"(譯:咩話,

果個黎展雄,話鐘意你?!)

寶意:"嗯,我依家好怕。所以要搵你地幫手。"

嘉瑤:"我收到可靠消息,話佢會嚮便服日果日同寶意示愛。"

業記:"哇,個收變態佬咁變態。"

我:"哎呀~講起又覺,佢日上上o下堂無端端另轉頭對住寶意傻笑。"

業記:"係呀,佢一定係變態。"

我:"咁你諗住點?"

寶意:"我同嘉瑤商量過,不如搵個男仔扮我男朋友去拒絕佢。"

嘉瑤:"係呀,我地重簡好o左人選。你話係唔係好計呢?"

業記:"好呢個重任就放心交比我啦~我會做到最好~"

嘉瑤:"你個樣好似無咩說服力...."

我:"我諗都Ok掛,有個男友嚮度就算佢幾變態都有所顧忌。"

寶意:"嗯,我都係咁諗。所以..我想..搵你幫手。"

我:"o下,唔係掛,我唔得過啵。"

嘉瑤:"你幫o下寶意啦,你嚮班到個樣最殺食~"(殺食?!)

業記:"你唔幫,我來幫,嘿嘿。"(係都唔輪到你)

嘉瑤:"你都唔想寶意屈服係個變態佬o既淫威之下,幫o下寶意啦。"

(這句話迫使挺身而出)

寶意:"對唔住,我諗係我地太突然.........."

另一邊廂...

謎之男:"咁突然約你出來食Lunch會唔會好怪?"

盈盈:"哦,唔會。我都想搵機會多謝你比o左咁多意見我,等個拉闊音樂會

有機會推出。"

謎之男:"我希望可以幫到你啦~有需要可以再搵我。"

盈盈:"呵呵,嗯,我會。"

謎之男:"點解你男朋友咁衰無約你o既?"

盈盈:"你話子騖?我地係好朋友,但就唔係男女朋友果種。"

謎之男:"呵呵,我誤會o左添~"

盈盈:"嘿,係講開我又奇怪,點解你無女朋友?"

謎之男:"你唔好笑我啦~...."

我覺得世界就好像一大舞台,人們一生出來便擔然著自己的角色。你有你的台

詞,遭遇。我有我的動作,命運。但大家總會是連繫在一起,不是獨立的。你做的

事可能會影響別人。別人的也可能影響到你。由於我們很難控制別人,所以我們

要好自己。這個舞台劇才可以演下去。我有自己選擇。

我:"好,唔洗講。我就幫你啦~"(其實係你執到)

嘉瑤:"就咁一言為定啦。"

寶意:"唔晒該你啦~"

業記:"大家唔洗望住我,我會守祕密。"

我:"咁就咁決定先啦。係wo,大家有無諗住去拉闊唱歌?"

寶意:"有呀,我想~"

嘉瑤:"我都諗住我去。"

業記:"哇,叫班入面o既F4去~仔仔唷~"

我:"講真我又覺得佢地幾似。咁我地食完去報名。"

業記:"不如你同寶意扮情侶合唱。"

我跟寶意同聲:"o下?"

再另一邊廂....

學生會會長MEKO:"好在有你唔食Lunch都來幫手,唔係我一個人一定攪唔掂。"

子騖:"客氣客氣,份內事。何足掛齒。"

MEKO:"嘿,你份人都幾得意。唔陪盈盈o既?你地鬧o左交?"

子騖:"哦?梗係唔係。你唔好誤會,我地係朋友,但就唔係男女朋友果種。"

MEKO:"呵,我重以你地兩個拍緊拖添。"

子騖笑著搖了搖頭:"如果無o野o既話我交落去比校長先。"

世界上總會有好多陰差陽錯。就算你不認也好,即使可以騙得過別人,但卻騙

不到自己的心。盈盈跟子騖就是這樣的,所以兩人才會離得更遠。

入到課室,燈都熄了,有人用投影機,大銀幕同電腦玩wining(足球遊戲)。

真係夠膽死...。阿仙奴入波,全班高呼~(Band 1 中學...)

我走到在看得入神,F4中心人物仔仔身旁。

我:"睇緊波?"

仔仔:"對啊~(普通話)"

我:"那我想問你便服日是在何時呢?(普通話)"

仔仔:"什麼?聽不到啊~(普通話)"

我:"(你奶奶)我是說便服日。(普通話)"

仔仔:"在拉闊音樂會的同一日。(普通話)"

我:"哦,謝謝你,那你們有沒有參加呢?(普通話)"

仔仔:"你好煩~自己去睇啦,係咁用普通話講o野~"

我:".........."

註: (在報名表上...F4..演出歌曲..絕不能失去你...)

結果,大家都去了報名。呵..寶意話要同我夾日與夜。還約了大家星期六去卡啦OK

練歌。大家可能有興趣關於我跟寶意扮情侶的事情,其實我重未知道詳情,又唔知我

自己入唔入戲。大家千萬唔好下巴輕輕拍心口話幫人,依家攪到我好煩。今日放學時

我看到盈盈跟子騖鬧大交。好像是因為音樂會一些細節意見不合。他們兩個好像...

關係變得惡劣。唉~我這個做朋友的,手背是肉手心是肉。可以幫誰,所以還是不加意

見較好。這一場鬧大交,他兩關係似乎亮起了紅燈。

當晚...

阿康:"(電話)喂,我呀?攪緊咩?"

我:"講緊電話。"

阿康:"哦~係咩。你拉闊果日替我做司儀O唔OK?"

我:"你要去做咩,我報o左名唱歌。"

阿康:"我要去Test,你報o左都做得司儀,一樣都唱得~"

我:"咁鬼多Test,做咩搵我先?"

阿康:"你個樣攪鬼o羅。"(攪鬼?!)

我:"無所謂啦,我去做。"

阿康:"好,Thx~。喂,你係唔係同個女仔合唱?"

我:"係呀,唔得咩?"

阿康:"無話唔得o既。你女友仔呀?"

我:"估錯,係佢叫我扮佢男友仔,去拒絕另一個變態追求者。"

阿康:"年輕人o既o野咁複雜...你小心D啦~"

我:"小心D咩,我行得正,坐得正。"

阿康:"四個字,戲假情真。"

我:"唔會掛?!"

~完~

第十集:這漫長的路,還有多少泥濘?
.....................................................................

我也不知道自己何時成了這樣糟糕的人。我在想要跟寶意扮成情侶的事情,

不需疑問寶意的確是一個好女孩。大家吩咐她工作,總是任勞任怨。她也會不

時問我功課,讀書上的東西。她是很積極的。她就坐在我的不遠,她戴著厚重的

眼鏡常常會滑下,她有趣的小動作是托眼鏡。當看東西看累的時候,就會脫下

眼鏡,揉一揉眼睛。她知道我是在看著她的,於是便會轉過頭來對我笑一笑,而

後便再戴上眼鏡,專注上堂。漣漪...就是因為她的一點一滴而在我心盪開去。

我想寶意大概只希望把那個不喜歡的人,拒於門外。我只是一個可利用的條件

。我有種想去報復的罪惡感,因為...我曾是被拒絕的那一個角色。我沒試過戀

愛,所以想去拖著自己喜歡的人的手;所以想試試什麼叫擁抱;所以想親吻她的

臉。彼此擁有,對我來說好像不再奢侈,縱然是不是真實的。對,我真糟糕。

下雨的時候是最多東西想的,緊閉著窗子,雨水就是慢慢地由上流下來。聽不

厭的雨聲,就伴著我。

嘉瑤:"喂,今日你做咩粒聲都唔出,淨你係望住出面o既。"

我:"無呀..唔知點解D雨聲好聽。我太入神..對唔住。"

嘉瑤:"你成日都同人講對唔住o既?你又無做錯。"

我:"唔知呢?可能我擁有o既o野好少,所以..我好珍惜。唔想無o左。"

嘉瑤:"你真係唔同平日,今日好似好愁善感。"

我笑了笑:"唔係啦~我玩o下,唔好咁認真。"

嘉瑤:"你總係想令人開心o既。你真係好人o黎。"

那又有什麼用...?

我:"哎呀,落咁大雨一陣點番屋企,把摭咁細。"

嘉瑤看了看窗外的大雨:"哇,真係好大,聽日都唔知去唔去到練歌。"

我:"你話唱K?我諗都係過雲雨,一陣睇o下黃昏果時個天紅唔紅,唔紅o既

話聽日就多數無雨落,今晚再打電話約實啦。"

業記:"真係大雨防...不勝防。"

我:"喂呀,人地嘉瑤女仔來,你唔好成日講D核突o野。:

業記:"好好,我想知聽日有幾多人去?"

我:"你啦,我啦,嘉瑤,寶意,F4四個人,重有女班長都話要去玩o下。

有9個人。"

業記:"邪哥仔,你都幾大影響力,咁多人去。"

我只能無奈地笑了笑。

嘉瑤:"呀係呀,今日寶意無帶摭,不如你放學送人地番去。"(你不說我也想)

業記:"(小聲)係呀,便服日都就到,你係時候要做D成績,唔係個變態佬....

你自己心照。"

我:"嗯,橫掂寶意都唔係住好遠。"

這時寶意吃完午餐回到課室。嘉瑤向寶意招手,示意有事商量。"

業記:"寶意係今日係唔係無帶摭。:

寶意:"係呀,今日出門口好急,無帶到,一陣都唔知點番去。頭先要嚮學

校食。"

我:"咁放學我摭你番去...(小聲)我意思係如果要扮情侶,咁就不如今日

開始。我怕...人地會唔信。"

寶意:"咁..好。我諗會唔會麻煩到你。"

嘉瑤(用力拍我的背脊):"佢唔會介意啦。"

大家都笑了起來,但我總覺得嘉瑤有些心事。

放學的時候,寶意說有些東西要交給班主任,所以叫我在門口等她一會。

盈盈看我在校門口發呆,拍了拍我。

盈盈:"你做咩有摭重唔走?"

我:"我等緊人,你呢?'

盈盈:"我都係,你係唔係等緊阿康講果個女仔?好似話你地重會嚮拉闊合唱。"

我:"係呀。我地係暫時扮情侶去呃人。你地聽日去唔去唱K?"

盈盈:"哦.我知,我聽阿康提起過。我聽日有事,子騖佢要番學校攪學生會D

o野。阿康星期一有大測,我諗我地都唔去得。:

我:"我都知,我隨口問。算啦,唔好放嚮心上。"

盈盈:"辟邪...其實有人追緊我。"

我:"係唔係果個男仔?"

盈盈:"嗯,佢對我好好,同佢一齊好舒服。不過..."

我:"我知你想講咩,不過我覺得你應該選擇自己喜歡o既事情。我比唔到咩

意見你。(因為我自己也很亂)但係你想o既話,幾時都可以打比我。"

盈盈:"嗯..佢來啦,我要走先。咁...再聯絡啦。"

謎之男走了過來,禮貌地向我點了點頭。便撐著雨傘,和盈盈一起走了。也許

盈盈該選擇自己喜歡的事情。或許隨時間過去,以往的人份量變得不再重要。

子騖'盈盈'阿康,你們究竟在想些什麼?

寶意:"唔好意思,我遲o左..。你係唔係諗緊o野?"

我:"唔係..我地行啦。"

我第一次跟女孩子在雨中撐著傘漫步。我其實是有點...害羞。

寶意:"你行埋少少啦,你半邊身都濕晒。"

我:"對唔住。(走近一步)我份人..好怪。"

寶意:"唔係呀..(輕聲)你對人好溫柔。"

就在學校門口的斜路上,我拿著雨傘的左手輕輕擦過寶意的溫暖和柔軟右手。

這是第一次。感覺是很舒服的。

我開始動搖了。

我會不會愛上這樣的寶意?

這樣的情形,再不說話一定很尷尬。

寶意:"聽日你會去練歌,係唔係?"

我:"嗯,我會去。"(又沉默起來)

我:"寶意,我諗呢把摭太細,唔夠摭兩個人。(你唔係諗住要寶意淋雨呀話?)

所以呢...好對唔住。我要走先。(我捉起寶意隻手,放到雨傘上的柄

上,然後便放開雨傘,快步地走進雨中。)

寶意:"喂,做咩呀,你會淋親o架..."

我:"把摭你用,我番去屋企先...今晚打電話再約..再見啦..."

我一直在雨中往前跑,直到寶意在我視線中消失。便停下來,慢慢在大雨

中前行,任雨水打在我身上。可能大家奇怪我為什麼不一口氣跑回家。我其

實覺得也沒有什麼關係,反正前面都是下著雨。你想躲也躲不過,但我卻在做

相反的事情,逃避。

第二天沒有下雨。我以為我是最早到的那一個,寶意比我更早。

寶意:"你好~咁早o既?"

我:"HiHi~嘿,你重早過我。"(不知道寶意會不會介意尋日放學o既事)

寶意:"你尋日有無淋親?"

我:"哦,我係怕你淋傷風,所以先...."(電話嚮)

我:"等等,我接電話。"

業記:"係我,你到o左未?

我:"到o左啦,你呢?"

業記:"我同F4,重有嘉瑤搭果班巴士塞車,有排先出到來。你同寶意去唱住

先?"

我:"你又知寶意嚮度?"

業記:"呢個問題...嗯...我覺得佢係好守時果種人。

嘉瑤:"(電話裡的爭吵聲)死蠢..比我聽..."

我:"喂~"

嘉瑤:"喂,我係瑤瑤啊~我地有排都未到。寶意係唔係嚮度,你地去練住

先。我地到o左就打比你。"

我:"咁好,我地入去先,你地到就打我手提。"(收線)

寶意:"咩事呀?"

我:"佢地話塞緊車,要一陣先到,叫我地入去唱住等,好唔好"

寶意:"嗯,你話事啦~"

我:"咁好啦,我地先去夾一次練o下。"

哎呀...死火,咁咪一男一女共處一室?!請不要胡思亂想,我們入到K房,雖然

只得兩個人。但我們坐的位置相佢有一個身位。

我:"不如我地先自己各自唱一次再來夾。"

寶意:"咁好,我先。"

寶意不單止講說話把聲好聽,連唱歌都好好聽。拍手掌支持。我唱歌都係一

般,無走音或者甩咀,不過同寶意夾過一次之後就真係覺得自己好掂。開頭寶意

有少許緊張,但之後就唱得好投入。寶意唱了一會意便去了洗手間。看看手錶,

寶意去了五分鐘還沒有回來。我有點擔心便出去看看。原來我是應該擔心的。

寶意在走廊給兩個頭髮染金的人攔著了,一個人把手放在牆上不讓寶意通過。

另一個把面臉近寶意。

金毛甲:"喂,比你個電話我,好唔好?"

金毛乙:"小妹妹,唔洗驚到震晒。我地無惡意。"(會有人信嗎?)

金毛甲:"不如來同我地唱首歌。我地間房嚮..."

寶意沒有戴眼鏡,果然引來了兩個咸濕佬。如果大家想像沒錯,我是正要做

粵語長片中的英雄救美。

我:"喂~寶意你朋友啊?"(大家是不是無話可說)

寶意:"(小聲)辟邪~我唔識佢地,佢地..."

金毛乙:"靚仔,係唔係做o架兩。"(點睇我都靚過你地)

我:"哎呀...好在我報o左警,重以為我冤枉好人。"

金毛甲:"信唔信我郁你?"

我:"你鐘意啦~不過就要快,依家D阿sir效率好高。"

金毛乙看看金毛甲,說:"你好o野,你小心D?"(轉頭從後樓梯逃去)

我:" 好,我會。你地小心後尾果幾年。"(我把口是可以很毒的)

我走過去寶意身旁。"

我:"喂,寶意你有無事?"

寶意搖搖頭,不過就像是想哭的樣子。

我:"佢地兩個走o左,唔洗驚。"

寶意:"嗯,好在有你。不過佢定會唔會搵你麻煩。"

我:"唔洗擔心我,我識點處理。下次有人敢攪你,你就大聲叫,你如果你表現

得越驚佢地就越大膽。知唔知?"

寶意點點頭:"我都唔知點多謝你。"

我:"我搵機會再教你點保護自己。依家我地返去先。"

這時就在樓梯的轉角位傳來兇神惡殺的一句...

"啊?佢地係唔係嚮到?頂你個X!......"

~完~

第11集:兩封信
..........................................................................................................

聽了這由轉角位傳來的一句,寶意再被這一嚇,已經花容失色。她緊緊捉著我的

衣袖。難道真的這麼邪...兩個金毛竟然叫來了動物界的王者-斑馬?等等,這樣的

語氣好像在哪裡聽過...。

兇神惡殺的男人:"o胡..都係撥個輪比佢地!"(什麼,再來多幾個?!)

腳步聲漸近,聲音告訴我他們一行有五至六人。寶意不敢發出任何聲音,緊貼著

我背後。我們兩個不是二打六,而是我一打六,一出事寶意要立即逃離現場。

突然...褲袋裡的手提電話嚮起來了。

我:"喂..你邊個。"

這時走廊的轉角和電話裡傳來同樣的說話:"我係業記,你地嚮邊呀?問過個服務

員,佢話你地嚮果間房,但又唔見你地。頂!架巴士係咁樣塞,而家又被人昆,好唔順

,重有添呀....."(鬼整咩,嚇得我...=.=)

我:"好,我知。你佔o左好多對白,我地嚮你地前面。"

我掛了線,說:"你望邊,我嚮度。"

我交待了一切之後,大家便到房裡繼續唱K。大家雖然認識時間不太長,但房中

已經很熱鬧。

F4四子搶咪唱歌...

眾人:"好o野~"

嘉瑤:"F4好勁呀!超似F4。"

孝天:"我地簡直係餅印啦~學期尾比賽,合唱團體組冠軍一定係我地。"

業記裝作專業地說:"我睇未必,辟邪加寶意呢對情侶重有機。"

嘉瑤暗地撞我手臂,說:"係呀~我諗大家都未知,不如比個咪佢地講啦。"

業記醒目地拿了咪給我。

我接過咪,大家一時間安靜下來,都注視著我。我一時間不知如何是好。

我:"o下?我..查實要講D咩...."(無用鬼)

我:"其實,我同寶意已經拍緊拖。無錯!就係咁,我地行緊。大家有問題

可以舉手問。"(我都唔知嚮咁情況下,可以講些什麼。)

女班長搶先問:"喂~你兩個好襯,你地幾時開始o架?"

我:"首先..好多謝你。..然後..都有一段日字。"(希望順利過骨)

仔仔:"哇~簡直係郎才女貌。"(o下?!)

孝天:"你兩個鬼馬啦~"

...........

就這樣你一句,佢一句。

我尷尬地點頭,再看看寶意,在暗燈之下仍可以知道她臉頰通紅,但還在微笑。

天啊,如果這樣的女孩真的是我女朋友就真的要了我的命。不過,即使現在是假

裝也不錯。第一步計劃算是成功了吧,公開了給大家。

嘉瑤知道我兩人尷尬..

嘉瑤:"不如要佢地合唱啦~我幫你兩個揀。"

我:"啊~好..嗯,就來合唱。"(我看看寶意)

寶意:"嗯。"(唔知我突然咁講,寶意會唔會嬲o左我)

又來了一輪鼓掌和叫囂。唉....都唔點收科。

我一看MV開頭,就心知不妙。合久必婚..

我:"我大概未算學懂保護別人,才無名無份以致我們拖拉至今,令你未放心全

程做我一世情人,彷彿還未夠相襯。"

寶意:"大家忙多麼漂亮理由.."

我:"愛不夠只不過是借口.."

不知道何解,第一次跟寶意唱這首歌,但是..總覺得很夾。算吧,都是跟歌詞

唱已矣。我不知道這應不應該,會不會過了火。難道真的有必要扮情侶嗎?希望賽

意不會就此討厭我。今天大家都唱了很久,結帳時都要無人四十多元,寶意我那一

份當然是我出(幸好不是四百)。要不然大家怎會信我們呢?

在回家的巴士上...

女班長:"唔知你兩個知唔知,共實班入面重有人鐘詫寶意。"

寶意點點頭:"嗯,所以我都唔知點算。"

嘉瑤:"係唔係果個姓黎o既變態佬呀。"

孝天:"咦?呢個我收到料。你地要唔要聽o下?"

我:"好,講o黎聽o下,我都想睇o下佢想對寶意點。"

業記:"(對我奸笑)係啵,人地男友嚮度,寶意唔驚啦~"

仔仔:"聽朱仔(孝天)講埋先。"

孝天:"可能呢個故仔已經有少少部份傳了出來。呢個變態佬一上到中學之後就

開始瘋瘋癲癲。好似因為中一果陣,佢向班中女同學示愛失敗,佢心靈上打擊極大。

有人見過佢搵界刀肢解小動物。上H-bio堂解剖果時,被佢綞經手o既老鼠...變o左

肉醬。近來佢不斷收習寶意o既相,又成日嚮Lunch果時剪報紙雜誌,睇來佢想搵剪

落來D單字貼封情信出來。重有呀~佢銀包入面收埋佢同寶意張合照..."

我:"等等先,你話寶意同佢有合照?"

寶意:"o下.我無同過佢影過相,佢點會...?"

孝天:"你地聽我講落去,果張相係佢自己搵電腦Key上去。雖然話係自己合成,

但像真度都好高,所以有時就算上緊堂,佢都會拎出來,對住傻笑。唉,真係好恐怖

。"(梗恐怖啦,你講到好似鬼故咁樣。)

業記:"我重聽人講過,佢襯無人果時拎o左寶意件P.E.衫來聞,又靜靜跟寶意番屋

企添呀。"

我:"有無咁誇張呀,你地講到寶意都震晒。算啦,最知唔聽。"

仔仔:"你唔聽我都要講埋少少,條友會嚮便服日當日示愛,你地好自為知啦~"

我:"唉,個變態佬真係好煩。"

跟著他們各人有各人密針。

我:"寶意,你係唔係見凍,你打晒冷震。我比件外套你嬲住先。"

寶意:"嗯,唔該你。"

我:"你唔好介意佢地講果Do野,我睇都唔知有焦一半係真,(有一半都夠你死)

你可以放心,我諗有我嚮度,佢都唔會(係唔可以)對你點。"

寶意:"我其實係有D擔心..好在有你。我都唔知點多謝你。你總係對人好好。"

我:"嘿,其實我都唔知,不過你開心我就可以啦..哎..我係話你地..."

寶意:"啊~唔緊要..."

下了車,我便送寶意回家。班人重叫我拖住寶意隻手,講真,如果可以的話,我會拖

。兩個人走在街,現在我也不覺得太尷尬,我跟寶意有講有笑,彷彿就是一對初戀的情

侶。大家都習慣下來了,或者不可以用習慣,而是大家都喜歡這樣的感覺。

之後的數天我會跟寶意一起吃午飯,上學放學都也在一起,如果不知道內情,相信

一定以為我們是熱戀中。寶意現在常常都會展露出殺死人的笑容,而且有時候連眼

鏡有時也不帶。水汪汪的眼睛,剛剛好到肩膀的頭髮,可能這就是我的Puppy Love。

大家一定會覺得我很花心,一時這個一時那個。而且時不時的曖昧,但人與人之間

的感情可能是這樣猜來猜去,一時進一時退。但我會將自己保持在一個安全的地方。

因為思慧的關係,我的勇氣所剩無幾。如果你問我學業會如何處理,我一定說現在我什

麼也拋諸腦後...一天溫習的時間只減少到三小時。不過重讀生怎麼說都有三斤釘吧。

我擔心的是自己的腦海中,寶意佔了我大部份記憶體。我不是會..唉,糟透了。明天就

是拉闊音樂會加便服日,那變態佬雖然平時都沒什麼,但聽過他們說他的變態史之後,

我背脊也冷了一冷。金毛可以用常理來對付,但變態佬的說話是沒有常理的。可能明

天他會帶著利器,遇神殺神,佛阻殺佛..不敢想了。有心理學家說如果你越怕,更能激

起變態殺人狂的獸性。明天我要做的確定是寶意的安全,阻止變態佬,還有盡量不令寶

意難受。希望一切順利吧。

到午飯時間,班中最少有十個人在M記,一起討論。

業記:"你兩個唔洗愁,你地拍拖全個中五都知啦(有無咁誇)。佢可能會知難而

退掛.."

同學丁:"未必~如果咁係咁容易佢唔叫變態佬。"

女班長:"我今日見佢個袋放o左扎花...,係菊花。"

嘉瑤:"哎呀~佢好認真咁,寶意你點呀。"

寶意:"我..我嚮櫃桐到搵到呢封信..."

寶意拿出一封用紅色底,用報紙同雜誌的單字貼上而成的...情信。

仔仔:"嘩,這是恐嚇信嗎?(普通話)"

業記:"死啦,重用紅色信紙,邪哥仔你可能聽日見報。"

孝天:"o車,咪聽佢亂講,我地全班都好撐你地。"

我:"多謝大家先,我會處啦,大家食o野先啦。"

我:"寶意,唔好擔心啦。有我嚮度,佢唔會敢亂來。你擔心一陣唔好走音重好

啦~"(我其實真的不懂如何逗女孩子高興)

寶意:"嗯,你總係會令人好放心。你食o野先啦。"

我成了大家心中羨慕的人,成了受大家歡迎的人,成了一個幸福的人。但之後我

該繼續扮作寶意的男友,還是..?
我其實應該不要想太多,只要好好享受這簡單的小幸福。足夠了。

到了放學時...

我:"寶意,我依家要做司儀,咁一陣學生會D人話比你點做。你叫埋F4,嘉瑤佢地

落去天井等啦。唔好咁張啦,萬事有我,信我。呵呵~"

寶意:"嗯嗯..你加油啊~"

我:"好,我會,你小心個變態佬呀~"

這個拉闊音樂會是在學校的天井舉行,個天井就好似沙田新城市廣場噴水池的

位置。一至六樓的走廊都可以望到落去天井,由於是例行大活動,所以一到放學大約

六七百師生都已經湧在近天井的位置,在地下看不清楚的人都堆到三四樓。和我拍

擋的司儀是女學生會主席MEKO。她真受歡迎一出場便全埸在叫喊。我的壓力真不

少。

MEKO:"大家好~大家係唔係等o左好耐?"

全場:"係~~~"

MEKO:"真係?比D掌聲聽聽先..."

全場鼓掌。

我:"既然大家咁開心,我地請第一隊為我地唱歌o既樂隊先~"(照台詞讀)

MEKO:"樂隊?我地學校有學隊咩~"

我:"梗有啦~就係最受少男少女歡迎o既 ~F4~"(照台詞讀)

就在F4班人在唱的時候MEKO跟我私下說。

MEKO:"你第一次做司儀呀?"

我:"係呀,第一次所以有少少緊張。"

MEKO:"都唔係,你做得好好~"

我:"其實有D擔心,因為我班入面有個傻佬話要同個女同學示愛,我怕會影響

到個音樂會。"

MEKO:"嗯?邊個女同學?係唔係同你合唱果個女仔,我見你地同班。"

我:"Bingo,就係佢,壬我重扮緊佢男友。"

MEKO"呵,怪唔得子騖話你好鐘意幫人啦。唔使咁擔心,一陣執生。"

於是就這樣很順利,沒什麼異樣。

MEKO:"大家聽o左咁耐夠未呀?"

全場:"未~~~"

MEKO:"咁我叫我地另一個司儀唱好唔好?"

全場:"好~~~"

從天井看看到三樓看到我同班的同學拉橫額,重要灑紙碎,叫埋口號。真俾面。

寶意從人群中走了出來,準備和我合唱。剛剛走到我身邊,說時遲那時快,變態佬黎展

洪突然手持鮮花衝了出來,還搶了MEKO手上的咪。他身穿,紅色T-shirt,牛仔短褲,

白色及滕長襪還有黑色學生皮鞋。更殺食的是他把衣服束在短褲裡,還有用髮膠弄

了個賭神髮型。好...有殺氣。這樣一個程咬金殺出來,全場在驚呼,議論紛紛。我想

只有少數人知道發生了什麼事。寶意一看見他已經躲在我身後。終於要來吧!你

真會挑時間。

變態:"大家靜靜,聽我講少少o野,我其實暗戀石寶意同學好耐,今日我要同佢講

我愛你~"

全場人在尖叫...好像到了不可以控制的地步。

我:"呢位歌迷,你係唔係要送花,送完你可以走啦。"

變態:"寶意你接受我啦!"(單腳跪下)

我:"我諗唔係幾好意思,佢呢..點講好?佢已經有男朋友。"

全場再次呼叫。

變態:"男朋友?我唔信,我對寶意咁好,佢唔會有第二個。你呃我!"

我:"我講真,因為我就係佢男友,你死心吧啦。"(我對全場七百人說了...)

全場人拍掌大叫,情緒高漲。"

變態:"啊~無可能,寶意你出聲,話比大家聽,佢係亂講啦~"(佢好激動)

寶意在我身後不住搖頭。

全場人都在議論,中間不時夾雜了"收皮"同"慳D"。

我:"你自己有眼睇,我知你係想攪氣氛,你送完花就可以了"(我比o左位你好

落台,快走)

變態:"寶意,你可以唔鐘意我,但唔可以阻止我鐘意你(莎士比亞名句)。"

這個人已經揭斯底裡,失控了,衝過向寶意。我使勁推開了他,卻不小心被他抓傷

了。業記已經率領班中猛男,衝出來製服了他,好像拖了他到男廁的方向,之後...。

我:"各位唔好意思,依家小弟就為大家送上一曲。"

全場人都為我們鼓掌,足足有兩分鐘。

到了六點左右音樂會圓結,大家開始散去。感覺輕飄飄,一時間成了校中的名人。

寶意:"哇,頭先嚇死我,你隻手有無事呀?"

我:"哦,無事,我唔緊要,我怕你比佢嚇壞。"

說完這句我兩個突然又沉默下來,因為不知道要說什麼才好。

嘉瑤和業記走了過來...

嘉瑤:"喂,辟邪你頭先好型。"

我:"唉,攪到好亂,不過都算係過o左去啦。"

業記:"你係我偶像...好!男性典範。"

我:"唔好笑我,我有D腳軟,企o左好耐。果個人依家點樣"

業記:"呵呵,訓導室。"

我:"嘿。嘉瑤你同寶意返屋企先,業記都一齊。"

嘉瑤:"咁你呢"

我:"唔洗理我,我留o左Do野嚮課室,重有我可能要搵一搵陳sir(訓導主任)"

業記:"咁好~你小心D啦~我地走先。"

寶意面紅:"等等,你可唔可收o左佢。"(是一封信)

我:"(接過信)好,咁我走先啦。"(我想是Thankyou卡之類)

幸好課室沒有鎖門,銀包重嚮我個位度。這時候我踏到一張紙,順手拿了起來。

本想再順手拋落垃圾筒。一看,原來像是一封信,是給我的,字體粗糙。卻沒不知是

誰寫的。咦?!情信。

~完~

[> [> Subject: Re: 最美的中五(12-13)

Author:
火仔 icq:145213421
[ Edit | View ]

Date Posted: 20:30:09 11/23/03 Sun

第12集: Puppy Love
.......................................................................
我拿起丟在地上的那一張紙,不認真地看了兩行,從內容及字眼,認定是一封情

信。收信人是我,發信人的位置卻是空的。看看手錶都有六時多,由於四周都沒開

燈,黑得很,沒法子站在這裡看下去。我拍拍剛踩上去的鞋印,順手摺了摺便放進

口袋裡。這時候我的心入面的雀躍,像拾到的是銀紙,不是信紙。我回家了。

那個變態佬?我才不管(奸)。

走在學校門口的斜路,今天只有我一個人,腦海裡又會想起寶意。昨天是我跟

她一起走過的。哎呀~怎麼又想起了寶意。自從跟寶意說好扮情侶的那一天開始

,寶意的份量漸漸地增加。我有時候會想:今天跟她談什麼話題?一會兒去哪吃午

餐?我該走近一點嗎?分得這麼開不太像情侶。還有一個嚴重問題!剛才我在全校

六至七百人面前說了"因為我就係佢男朋友...",那不是要跟寶意一直扮情侶?!

如果攪不好的話,可能真的會戲假情真......

黎展洪:"你等等!唔好走咁快!"

我從背後突然感覺到一份殺氣,是那個變態佬。環看四周只剩我們二人,我其實

希望自己有七十歲命,現在還不能死。啊~怎辦?冷靜,要冷靜下來。我止住了腳步

,轉身看著他。

黎展洪:"頭先好對唔住,係我衝動。"

我:"我按受你o既道歉,不過你重會唔會騷擾寶意?"

黎展洪:"我頭先見到寶意其實係鐘意你,你對佢都好好。"

我:"咁你唔好再騷擾佢。"

黎展洪:"我知道應該點做。"

(咁你就唔好發晒癲咁撞過來,重整損我隻手,寶意可能有陰影添)

我:"我要返屋企,我行先。"

黎展洪:"我想問你可唔可以比到幸福寶意?"

我對這點..抱了些猷疑。

我:"嗯..."(我就靜靜地走開了)

同一晚的十時半,我書台上放了兩封信。一封是地上拾到的,一封是寶意的

。寶意的那一封,我還不敢打開。雖然知道大概是Thankyou卡之類,但是卻又希

望是封情信。那先看看地上面拾回來的。

不知道是不是第一次自己收情信的關係,我一邊看會一邊緊張心跳。之前看

見其女孩給子騖(較多)和阿康(較少)的情信大多千篇一律,來來去去都是那些東

西。但這張殘破的信紙上,給我一種溫暖,一種壓力。從字裡行間透出來的,我

跟本不會相信是從地上拾回來。我曾經想過會不會是惡作劇,但惡作劇的人是不

可能寫出這一紙的感情。字體雖然粗糙,但卻是真摯深刻。看真一點那紙上,還

有兩點淚痕。我看了三遍。可能我比較碎弱,說真的,我被這張紙打動了。很奇

怪,這令我突然想好好的愛一次。我很想見一見寫這封信的人。但是只知收信人

是我,誰寫的卻不知道。

就這樣腦海裡又亂了一會,看看殘破的信,再看看寶意給我的。我拿起了寶

意的,小心地打開了。當我把信紙拿了出來,我聞了一陣淡淡的薰衣草香。女孩

子就是這樣細心,討人可愛。男孩怎可能不心動。寶意寫的字總是整整齊齊又帶

一點圓潤。

咦...?!

咦?!

為何會這樣的?寶意信和地上拾到的幾乎一樣!是真的一樣!我把兩封信對照

過一次,是完全一樣的。啊~是怎樣的一回事。......等等,可能這是寶意的草稿

,但...像是有怪。......再等等,那不即是說寶意給我的是情信?!...嘿..嘿嘿,

一定是在做夢,是幻覺來的。"啪!"我自己打了自己一記耳光(你是有病嗎?)。嗚

...痛。不是在發夢,我高興得跳了上書桌。(你一定是瘋了)寶意...原來是喜歡

我。還約我在明天下午到M記,爽死了!

當你一直渴望的東西怎樣也得不到,在你很心灰意冷的時候,上天卻要送給

你,這樣的心情就是現在我的心情。命裡有時終需有。

媽媽:"仔呀,你嚮房入面咁嘈做咩?有個女仔打電話搵你~你聽唔聽呀?"

咦?!女仔?!寶意?!唔會咁快就打比我掛?!我無心理準備,呵呵。(你好cheap)

我:"阿媽,你hold住先我即刻出來。"

我把手上的兩封信小心地收好在櫃筒裡。

我深深吸了一口氣。拿起了聽筒...

我:"喂~我知你會搵我..."

"喂,你係唔係辟邪?我係MEKO(失望,驚奇)。"MEKO有點焦急地說。

我:"我係呀,有咩可以幫到你?"

MEKO:"子騖佢飲醉o左酒,係度亂講o野,我驚佢再係咁會得罪人,你可唔可以來

幫手?"

我:"哎,點會咁o架,你地嚮邊我即刻過來。"

我第一時間趕到去MEKO提及的酒吧,見到MEKO扶著搖搖晃晃的子騖坐在路邊的

石階上。

我:"我到啦~佢點呀?嘩..我都未見佢醉到咁。"

MEKO:"Sorry呀,我嚮佢個手提搵到你個電話,所以就打o左比你,我唔夠力扶佢..."

我:"唔緊要,我地扶佢去打的,邊行邊講。"

MEKO:"嗯..小心佢個頭。"

在的士上...

我:"司機,唔該帝豪山莊。"

看見子騖軟軟地躺在MEKO身,但MEKO卻沒有什麼。

我:"係呢,做咩佢飲到咁醉,重去埋酒吧?"

MEKO:"唉..我地原先一大班人話去食飯。食到咁上下,子騖佢接o左個電話。佢好

似有D心事,跟住就話落吧,走o左六七個人,我驚佢有事就跟埋去。"

我:"哦,跟住呢?"

MEKO:"跟住佢就係咁飲。飲o左七八杯,我叫佢唔好飲咁多,佢話唔緊要。後來就同

隔離台嘈o左兩句,我驚真係出事,就諗到搵你。"

我:"真係麻煩晒你,佢呢排都唔知做咩,一時就好好地,一時就發老脾。"

(幾順口)

MEKO:"都唔係,佢都唔係成日係咁,可能係頭先個電話。"

我:"或者啦~我一陣問o下佢。係呢,你咁夜怕唔怕屋企人擔心?"

MEKO:"哦,唔緊要.我打o左番去,我可以送埋佢上去都未遲。"

我:"好在係睇住佢唔係出o左事都未天光。"

子騖迷糊中說:"啊~我重想..飲..。潔盈....嗚...."

司機:"你朋友點呀,唔好嘔落車度。"

我:"唔緊要,佢未要嘔(我諗)。"

我看見MEKO,用手摸子騖的額頭,子騖嚮迷糊中叫盈盈個名,我就覺得MEKO會好酸。

不過佢都幾偉大。五分鐘..

司機:"轉入去定前面落?"

我:"轉入去門口度落,唔該。"

我兩個人就這樣扶了他回去,他全家都外出,近期都是他自己一個人住這間大屋。

我們把這埋爛泥放到他的大床上。

我:"我幫佢除o左對鞋,你去幫佢濕條毛巾。"

MEKO:"嗯,洗手間嚮邊?"

我:"好似嚮近門口果度。"

子騖突然拉著MEKO隻手:"啊~唔好剩低我..唔..呃..."

我:"哎呀~佢似係想嘔,唔好比佢嘔住,我拎個袋比個嘔。"

當我搵到個袋,一入到房到子騖已經嘔o左少少出來,MEKO就用手幫子騖捂著口。

我:"嘩,嘔落去呢度。你隻手比佢整污糟o左,你去洗手先,呢度有我。"

MEKO:"我唔緊要,你睇住佢,我去洗洗手。"

子騖吐完之後,又迷糊過去。我替他躺好身子,MEKO洗完手重濕o左條毛巾,幫子

騖擦面。呵護備至,就是這種。

我:"我地出廳坐,比佢休息。"

MEKO:"嗯。呼,都成點幾。"

我:"係呀,你要返去未呀,呢度我可以攪掂。"

MEKO:"都差唔多,重可以坐多一陣。"

我:"好少女仔學你咁叻,比第二個一定掉低佢。"

MEKO:"唔係,其實..我好鐘意佢。"

大家靜了一靜。

我:"佢好好彩,有你咁關心佢。"

MEKO:"我再入去睇O下佢。"

我站在房間出面,看到MEKO用手心輕輕地撫著子騖的前額。很溫暖,卻又帶點殘酷

。良久,MEKO才走了出來。

MEKO:"(輕聲)我要走啦。"

我:"咁夜,你一個女仔怕唔怕?"

MEKO:"唔緊要,我可以搭的士。"

我:"送你出去。"

MEKO:"嗯,唔該晒你。"

出到走廊...

MEKO:"係呀,唔記得同你講,你今日嚮音樂會好犀利。"(過O左12點,係尋日)

我:"唔係,我頭先唔覺意先講O左出來。"

MEKO:"嘿。都幾好,個女仔一定好SWEET。"

"叮~"升降機到了,機門打開。

MEKO:"我想問你一個問題。....子騖係唔係鐘意果個叫潔盈O既女仔?"

我想了兩秒:"我唔識點答你..."

MEKO:"我知道啦,Anyway 多謝你~"

她向揮一揮,走進了升降機。升降機一直向下。

我難道說錯了話?如果答是,MEKO會唔開心;如果答否,那就是我說慌,傷心的是盈盈。

男不壞女不愛,用來子騖最恰當。明天寶意還約了我(是今天,過了十二時),想到這裡

我又忍不住興奮。我越想越累,在子騖家的大龐中的沙發上,睡著了。

子騖:"喂,你做咩攤O左嚮度,醒O下啦。"

我被子騖叫醒了:"啊?你醒啦,依家幾點呀。呵欠~"

子騖:"四點幾~我頭先起身,沖O左個涼。"

我:"係啵,換O左衫添。呀學生會長同我拖你番來。你頭先重嘔。"

子騖:"我有印象,啊~個頭重有D痛。"

我:"呵,真係難為O左MEKO姐,依家係朝早定下午?"

子騖:"凌晨四點,去同我落街食D O野,我有D餓。"

我:"嘩~四點幾重有O野食?!"

子騖:"有啊,雲吞麵,去唔去?"

我:"嗯,我去洗個面先。"

子騖樓下不遠通宵街邊麵檔...

我:"想飲檸茶,有無呀?"

子騖:"有啦,你都係食雲吞麵,係唔係?伙計,唔該兩個雲吞麵一杯檸茶,一杯

咖啡。"

遠處的伙計:"好兩個細蓉,一杯咖啡,一杯檸茶,好快到。"

我:"呵欠,有D眼訓。"

子騖:"MEKO佢有無講咩?"

我:"有,佢問你係唔係鐘意盈盈。"

子騖:"你點答呀?"

我:"我唔知點答,無答佢.."

子騖若有所思,皺了皺眉頭。

我:"喂,你頭先做咩飲咁多酒。"

子騖冷冷地說:"盈盈,話同個男仔拍緊拖...."

我:"O下?盈盈拍拖,我唔知O既。"

子騖:"我都係食晚飯時候先知。"

我看看子騖:"你地嘈交呀?"

子騖:"無,唔想提。"

我:"唉,你地自己解決啦。不過個MEKO好似鐘意你。"

子騖用右手托著腮,說:"你覺得佢點?"

我:"不論外在或者內在我都比佢九十幾分。不過最緊要係你自己點諗。"

子騖:"DO野到,食住講。"

我:"我地好少咁一齊食。"

子騖:"係呀,你有你忙,我有我忙,佢地有佢地忙。"

我:"啊~我收到...封情信。"

子騖:"男定女?男就唔好話比我知。"

我:"梗係女啦,我唔係同志。"

子騖:"邊個?同你唱歌果個?"

我:"嗯..你有去睇咩,唔見你。"

子騖:"我有呀,我見你重玩英雄救美,對住成間學校人講:我係佢男朋友!"

我:"咪鬼扮我講啦。"

子騖:"你大個仔O左。"

我:"嗯..可能啦。"

子騖:"封信講咩?我想知。"

我:"唔講你聽,不過個女仔嚮封信到約我去M記見面。"

子騖奸笑:"哦?咁快手。不過其實你自己點諗?"

我:"我諗我幾鐘意佢掛..."

子騖:"你好似唔係幾肯定...你唔好浪費個女仔對你一番好意。

個女仔都幾靚。不過你就差D,嘿。"

我:"我..有D亂..."

子騖:"佢約你幾時呀?重有時間,你棟高枕頭諗清楚啦,再同佢講清楚啦。

唔好拖泥帶水。我覺得呢個係好餐屎(CHANCE機會)。"

我:"嗯,我會盡量做好D。"

子騖:"你今次好認真,加油唔好衰比我睇,嘿嘿~"

我:"你等我好消息,嘿嘿"

兩個傻佬,你一句我一句,在大排檔說著男人的心事。這便是我的友情。

還有期待著跟寶意的約會。我的Puppy Love~

~完~

................................................................................................................

加插小小段:零碎的日記
................................................................................................................

九月二日

今天是開學日。由於九月一日是星期日,所以遲了一天才開學。

...阿康就不斷在我耳邊自誇自己的審美眼光..說今年的女同學

不是太好...自我介紹環節...我被那個28號的女同學吸引著...

她名字是伍思慧。

九月十三日

...今天收班會費,也是我第一次跟她說話,她當上了財政。...

她走了過來,就站在我身旁。

思慧:"收班會費,十蚊"

我:"嗯,呢度,我四號。"

我把一個十元硬幣放進她手心。

這便是首次對話。

十月四日

...天氣轉涼,學校旅行快到。她今天代表學校男球隊出賽。

聽別人說是因為她完場前令別人犯規,最後射入了兩個罰球,

反勝了。差不多放學時,她才回校,我看她笑容滿面。...

....美麗的一天。

十月二十日

...今天學校旅行...一直我都在留意著她。..

集體遊戲...我跟思慧一組...我永遠記得我背她走過二十多米。

在沙灘上我兩的腳印本是有兩對,但這二十米只有一對腳印。

...奇蹟的一天。

十一月十八日

在早上於學校前的斜路遇見了她...

我:"早晨啊~今天真係好凍。"

她:"早啊,你有無搵中史今日TEST。"

我得意忙形地說:"有啊,尋晚我一早溫完啦。"

她冷冷地說:"係咩。"

之後再沒有說話,直至走到校門口,遇見常常跟她一起談笑吃飯的

男孩,她們一見面便談得很高興。..我的出現是錯的。

我說:"我行先啦~"便一直跑回班房。我像是偷偷佔有了別人東西

的小偷。我想逃。

十二月十日

在班房中我看見她們坐在一起,圍著同一條頸巾在看書。他們是情侶嗎?

他會送她上學及回家,還有...梳理頭髮..握著手。

我只坐在班房中的角落偷偷地看著自己喜歡的人。

一月二十五日

學界運動會,令人人都多了半天假。...她們都有參加。....

我坐在觀眾席上看看著她們。...跑道上,她盡力地跑。可惜卻輸了。

她慢慢地從終點走回來,她很累,很失落。他上前安慰,她又再次笑了。

看著看著,我只可以坐在這裡,什麼也做不到。

二月二日

今天有人弄哭了思慧。他去教訓那個人,再去安撫泣不成聲的她。

我覺得自己只是可憐的小角色。只會發呆。

三月二十一日

班中流言她們分手了,她現在常常孤單地看窗,眼角脫了色彩。

...她變得很暴力,會動手打人。幾乎不再笑了....

我仍然只是一個旁觀者。

六月十三日

聯歡會,她今天很開心,所以我也很開心。她替我盛了一碗馬豆糕。

我想這一定是世界上最美味的東西了。....

我跟她一起清理垃圾..一起離開學校..

之後到中五的每一日我也在想著她。

一年後..

八月八日

我還以為再也見不到思慧,想不到在重讀中五的名單上看到她,而且是同一班。

失望之中卻有點希望...還是要努力吧。

~完~

第13集:一眨眼間。
................................................................................................................
回到家裡,都快六時了。太陽都快出來,由於太累的關係,我只是擦了牙,洗過面

,便去了睡,休息前還把寶遂給的信看了一遍,確認了寶意約了我的時間是在下午

七時。之後便我便打個呵欠,倒頭睡過去了。

我記得從小,大人都不太喜歡我這個孩子,不是我不聽話,而是我長得不可愛。

我某程度上會很羡慕表哥表姐,因為他們都討人喜歡。表哥手上總會有最新款的

變形金鋼機械人,年紀小小的我已經知道妒嫉的味道。表姐總會有很多可口的糖

果,我卻沒有,就連偷雪櫃裡的冰糖吃也會被媽媽鬧。大人們都喜歡拿我們去比較

,我總是給別人比下去。這便是我的童年。

小學的時候先認識阿康,再來是子騖。

小學的時候,總是給班中的惡霸欺負,被迫借功課他們抄或是要我請他們飲汽水。

想起也好笑,有好幾次我被欺負得口水眼淚鼻涕混在一起,阿康,子騖總會突然出

現,對付那些惡霸。那一個時候我會看見他們兩個的頭上有光環。下一個鏡頭便

看見我們在被罰在教員室前企。而汽水就是他們喝。這就是我的朋友。

在我小六的那一年,我做了一件荒唐的事,我喜歡上由鄰校調過來的插班生。

是班花,校花的類型。她竟然是坐我隔離。她其實比我還年長一歲,長得像混血

兒,由於我常常會跟她聊天,所以班中便有傳言,說我不配這個女孩云云。原來交

朋友是有分配和不配。那個女孩是鬼妹性格,沒太理會這些。不過這樣更令我更

加卻步,由小到大,我都很有自知之名。那個女孩其實都沒對我有什麼興趣,只是

普通到不普通的普通朋友。只是很喜歡和我談話。到了那一年的五月十一日,她

要移民到美國,留給我的只有一個地址,一張在海洋公園纜車上影的獨照,一個記

憶。相片和地址都在大掃除中被母親大人掃去了,只有記憶尚在。因為這是我第

一對愛情有憧憬。雖然我只是一廂情願。

擦乾小孩的眼淚鼻涕,上了中學。

我夢就這樣無聊...

我被手提電話吵醒了...咦?手提電話放哪裡了?..好亂..啊~找到了。

我:"喂~"

阿康:"你重訓緊呀?"

我:"唔係,我醒o左啦。"

阿康:"打去子騖到,佢又係訓o左,你地尋晚做賊來?"
�

[> Subject: Re: 最美的中五(14-15)

Author:
火仔 icq:145213421
[ Edit | View ]

Date Posted: 20:36:20 11/23/03 Sun

第14集:進和退
................................................................................................................

看到寶意走進了大門之後,我才離去。那種感覺是很真實的,我是指那個吻。

以前在街上見到一雙一對的情侶,總不禁有一種孤單的感覺,一個人走, 有點悶,

有點不安。那時很奇怪,在路人總是一對對的。不過現在我不再是一個。

第二天,星期日。我不由自主地到了那一間賣水晶的小店。老闆是一個三十

多出頭的女人。

老闆娘:"歡迎~"

我給老闆娘的熱情嚇了一跳:"呃,你好~"(咁好禮貌o既?)

老闆娘:"想買o野比女友呀?有無咩睇中D咩?"

我:"我想買門口果條頸鍊,黑色繩。"

老闆娘:"哦,係唔係呢條。"

我:"嗯,無錯。我其實想送比女朋友。"

老闆娘:" 呢條鍊係我嚮羅馬旅行買,賣呢條鍊地攤專都係賣飾物。"

我:"咁呢度D飾物係唔係全部嚮外國買?"

老闆娘:"一DD啦,有D係我旅行買,有D就係批發入貨。"

我:"唔洗包啦,包住好似有D怪,比個袋我就ok。"

老闆娘:"你來之前有個女仔都好似想買,但睇o左陣就走。"

我:"(我諗係個價錢...)噢..I see。老闆娘都幾好傾。"

老闆娘:"哈哈,成日屈嚮間鋪都有時幾悶。個地攤個佬講,呢條鍊係人手整,全

球限量2條。"

我:"嗯,唔該。"(唔怪得咁貴)

老闆娘:"得閑再來啦,再見啦。"

想不到一條小小頸鍊就用去了一個月吃午飯的零用錢。也沒關係,因為值得,

價不是問題。本來打算一早做好功課,都留到星期日。不過只要想到明天一大清

早就可以見到寶意,就不算什麼了。

星期一,七時三十五分,我就在寶意的樓下。我比通常會比寶意較早來到。因

為我想在遠遠就可以看到她,看見她眼睛在尋找我的可愛樣子。這是被需要的感

覺。諉差不多到了約定的時間,寶意還沒出現。

電話突然嚮起,我忘了較無聲,幸好不是在上堂嚮起。

寶意:"小邪(點解會咁叫我?),我感冒可能要睇完醫生先返到學,我媽咪打o左

電話去學校請半日假。"(聲音疲倦)

我:"你病就休息o下啦,唔好返學。"

寶意:"我其實想見你...你係唔係嚮我樓下?"(甜到溜)

我:"係呀。你..小心身體啦。"

寶意:"嗯,你返學先啦,我睇完醫生就會返學。"

我:"好,咁我走先,你得閑打比我。"(手提爆分鐘都唔緊要)

寶意:"ByeBye~"

我:"再見。"

雖然有些失望,但是都是小問題。我抬頭看了看寶意的住處,便轉身回學了。

由於現在還是很早,所以不太多學生回校。在學門口的斜路,我一眼就看見頭髮

捲曲像海浪的嘉瑤。我走上前打招呼。今天要精神地過!

我:"早晨啊,瑤瑤。"

嘉瑤:"啊~早晨。"

我:"你做咩成個熊貓咁,尋晚溫書做功課做到好夜呀?"

嘉瑤:"唔係,我..夜o左訓。"

我:"你傷風?個鼻有D紅。"

嘉瑤:"嗯,有少少。"

我:"來,請你食個醒神早餐,蛋牛治。頭先新鮮整,重好暖,就比我買o左。

呵呵~"

嘉瑤有點猶疑。

我:"你唔鐘意食?"

嘉瑤:"唔係...但係.."

我:"你羅住暖o下隻手先,今日有D凍。"

嘉瑤:"多謝你..."(欲言又止)

我:"咁樣,我上去(圖書館)還書先,一陣見。"

嘉瑤:"啊..等等..."

我:"咩事呀?你又要還書?"

嘉瑤:"唔係...我想問..你同寶意係唔係拍緊拖。"

我笑了笑:"係呀,拍緊啦。"

嘉瑤像是有點落莫,仍笑了說:"哦,我知啦。你上去還書先啦。"

不知道是不是我過份敏感,嘉瑤這一陣子像是有些心事。

想不到...我一進課室...

業記:"嘩~界女王番啦~"

女同學甲:"比我係寶意一定霖死啦~辟邪。"

孝天:"今日唔見寶意,你有新女LA?"

我:"寶意,今日病o左...無番.."

我這時想起了一句說話..橫眉冷對千夫指。唉...

我回到坐位,坐我右面的嘉瑤正在吃蛋牛治。

嘉瑤:"寶意今日病o左咩?"

我:"係呀,你兩個咁Friend都唔知?"

嘉瑤:"唔知呀,佢都無打比我。"

我:"咦?果本薄d紙橙色咁得意。隻色好熟眼。"

嘉瑤:"呢本?文學Notes。"

我:"哦?文學,好似上堂我無抄到。"

嘉瑤:"咁借比你番屋企抄。"

我:"Thanks。"

在學校裡,差不多每個人也會認識我..總是有點不習慣。

在小息,盈盈第地走到我班房。

盈盈:"辟邪嚮唔嚮度。"(樣子有點急)

我暫時放下了手上的習作,說:"喂,我嚮度。"

盈盈:"辟邪我想問你去唔去BBQ。"

我:"好~幾時?"(咁急搵我BBQ?)

盈盈:"我諗下個月到啦。重有..我想..."

我:"你講啦,你唔係D吞吞吐吐o既人。"

盈盈:"我想問你借錢。"

我:"好,你要借幾多。"

盈盈:"你可以借幾多?"

我:"等我睇o下先,我銀包有六百,留二百食Lunch,有四百,o拿。"

盈盈:"嗯..唔該你。"

我:"你慢慢,我唔急用,你係唔係有急事。"

盈盈似乎有事隱瞞,說:"誒..唔係,重之唔該你。"(說完之後就匆匆走了)

嘉瑤:"盈盈問你借錢做咩?"

我:"唔知啊~佢都好少問我借錢。唔知點解佢今次好似好急。"

嘉瑤:"哦~ 喂,呢條數點計?我唔係好識。"

我沒想太多便繼續教嘉瑤同業記計數。,不久業記也從我言談間知道我跟寶意

的事情。幸好我平時有儲蓄,夠錢買頸鍊同借比盈盈,還有錢吃午飯。不知為何,

阿康總是笑我很婆也母,不過儲蓄是美德,請大家效發,呵呵。

我拿了放在口袋裡的頸鍊出來看了一看,說來那條頸鍊本想在早上送給寶意,

可惜她去朋了看醫生。但願她一切安好。

寶意在吃午飯的前一節課回來了..

我:"(小聲)嘩~你有無事?睇o左醫生未呀?"

寶意:"(小聲)嗯,睇o左啦,一陣食飯時食第二次藥。"

我:"(小聲)醫生點講呀?"

寶意:"(小聲)醫生話有D感親,食藥無事。一陣一齊食飯,好唔好。"

我:"(小聲)好,不如叫埋業記,嘉瑤佢地,好唔好?"

寶意若有所思,說:"(小聲)都好,你鐘意啦。"

我:"(小聲)唔...咁不如我地兩個去算吧。"

寶意:"(小聲)好,專心上堂先。"

到了食飯時間,我們兩個等到離校的人潮慢慢退去,才外出。幸福可以是兩個

人在一起,以一致的步伐走著同一級梯級,說著笑著。過去尋找不到的東西,現

在可以跟自己喜歡的人一起擁有。不知道可以怎樣形容現在的感覺,總言之是

好到不得了。我開始不太去理會身邊的煩擾,想著的是如何跟寶意好好相處下

去。和寶意一起吃飯,就似兩夫婦撐台腳。我大概是想得太遠,而且有點得意

忘形。這時候我忽然想起要把頸鍊送給寶意,但又不想直接給她,我要給她一

些驚喜。

我:"寶意,我去一去洗手間。"

我不是去洗手間,而是出去士多買了一支水,倒了少許水出來,把頸鍊洗乾淨

後放入樽裡,然後對寶意說我買了水給你送藥,她一看到頸鍊一定很高興。呵

呵~

我:"寶意,我返來啦。你食o左藥未呀?"

寶意:"我頭先食o左啦。"

我:"咁你口唔口渴?"

寶意:"我唔口渴,頭先食藥果陣飲到成肚水。,做咩事啊?"

我:"哦,無。(衰o左o者,唔緊要,下次先。)我想去多次洗手間。"

寶意:"你有無事呀?"

我:"無..真係無,你再等等我。

我到了洗手間,把水倒掉,拿回頸鍊。

我對著頸鍊說:"頸鍊呀頸鍊,你又要陪多我一陣啦。"

把頸鍊擦乾後,又放回口袋裡去。

我:"寶意,我地返去啦,差唔多夠鐘lu。"

寶意:"小邪..."

我:"o下?咩事,你唔舒服?"

寶意:"唔係..我突然想叫下你。"

再這樣甜下去的話,我一定血糖過高。

我:"哈~行啦。"

不經意地我又再牽著寶意的手。(大家穿著校服請勿拖手仔!)

就在同一晚,我又想著寶意,很想現在就要上學,因為可以見到寶意。我對

生活的看法變了,寶意竟漸漸成了我生活的中心。想了很久,才開始攸功課。

我拿了嘉瑤那本橙色紙的文學筆記出來。咦?橙色,我翻出那張地上拾到的那封

沒有發信人名字的情信...是一樣的橙色,連大小也一樣。我把筆記翻了一次。

在最後一頁有撕過的痕跡。跟那張紙側邊的痕跡一對,顯然是從這筆記撕下來

的。再看看粗糙的字體,跟嘉瑤的很相似。墨水顏色是一樣的。(偵探小說?!)

我呆了呆,只能不要叫自己亂想。感覺像是在鋼線上走,走歪了就會粉身碎骨。

~完~

第15集:越美麗越短暫。

................................................................................................................

"啪!"我給了自己狠狠地打了一巴。其實我自己一個人在胡思亂想也沒用,

再真實的事情也可能不是事實。而且我這樣猜疑,像是背叛了寶意。。現階段

我只能這樣想。你問我嘉瑤如何?我會說她很好,總會為人著想。那封信不知覺

地成了一根刺。

放下了問題,繼續工作。我的心尚有一點悸動。為了令自己再安心,我主動

撥了個電話給阿康。

我:"喂~阿康,你得唔得閑?"

阿康:"喂~我都幾得閑,不過就只係呢一兩日。"

我:"做咩?你好忙呀?"

阿康:"無,都係讀o下書。"

我:"我問你D問題..."

阿康:"好,你問啦。"

我:"我拍緊拖.."

阿康打斷我的話:"哦!奇蹟~同邊個?上次個女仔?!"

我:"............."(應付別人打岔話題,插咀等,最好方法便是沉默)

阿康:"Sor,你繼續。"

我:"你講中o左,就係上次個女仔,寶意。佢寫o左封信比我,跟住我地就開始

啦今日係第二日。就嚮頭先我發現,佢比我封信可能係由另一個女仔

寫。所以,我係太識處理,想問你意見。"

阿康:"唔..你覺得封信重唔重要?"

我:"都幾重要。"

阿康:"如果封信唔係寶意寫,你重會唔會同寶意拍拖?"

我:"我唔知...。"(好難答)

阿康:"或者我咁問,除o左寶意之外,你對其他女仔有無意思?"

我:"梗係無啦~我好專一o架。"

阿康:"咁你就唔好諗咁多啦,你鐘意人地,人地又鐘意你,其他都唔重要啦,

理佢情唔情信,邊個寫。好現實咁講句,封信係由人地寫,唔表示D咩

。"

我:"但會唔會對寫信個人好殘忍。"

阿康:"殘忍?唔覺,可能人地好鐘意寫,殘忍係你主觀感覺。"

我:"唔...."(或者係啦)

阿康:"一對開始拍拖o既情侶需要o既係了解,唔係猜疑。"

我:"唔,我明啦。"

阿康:"嘿,第一次拍拖,呢D少問題。你諗點係拍拖同讀書搵平衡重好啦。"

我:"嗯,我好好多啦。你好似白姐姐。"

阿康:"你身痕?!"

我:"講笑,我要去沖涼啦。"

阿康:"好啦..等等.."

我:"嗯?"

阿康:"傻妹有無問你借錢呀?"

我:"有啊,好似借o左四百。做咩?盈盈出o左事?"

阿康:"唔係,唔...我會處理,你去做自己o野。Bye~"

我:"嗯,再聯絡啦。"

掛了線。嗯..了解而不是猜疑嗎?也對。可能我對寶意不是認識太深吧。幸好現在

還是剛剛開始。有的是時間。把東西收拾了一下,功課完成了就算,習也沒心機溫。

無驚無險又一天,寶意的感冒也好了不少,今天跟阿康和子騖吃午飯,當然有寶意一

起去,介紹給他們認識。唯獨不見了盈盈,問他們又十問九唔應。寶意是善解人意的那

種女孩,明知道我兩個朋友突別麻煩,也願意跟他們一起吃午飯,還說他們兩個健談。

阿康近期沒有什麼活動,一直是坐著工作,開始有車呔,今天吃東西時竟露出..?!

雙下巴。唉,真教傾慕他的女孩心碎。

到放學的時候看到盈盈和謎之男走在前面,不過和寶意一起,才沒有追上前。

寶意:"你今日講Do野好笑。"

我:"都唔係,我其實唔係好識講笑。"

寶意:"哈~頭先業記話你D笑話整到佢笑爆o左個咀。"(唔知點解呢句話出自寶意就

唔會覺得粗魯。)

我:"哎呀~"(突然醒起無帶頸鍊送比寶意,又要留下次。)

寶意:"嗯?你做咩?"

我:"哦,無。早知唔叫佢兩個一齊食飯,煩到死。"

寶意:"都唔係?你兩個Friend都好Nice。"

我:"哈,一時時啦。"

寶意:"小邪~"

我:"嗯?"

寶意:"不如我地今日搭巴士。"

我:"好,但係點解要坐巴士。"

寶意:"因為坐巴士可以見你耐D。"

我已經不能自拔了。

坐在我身旁的寶意,像是小孩子一樣,看看窗外的景物,再對我笑笑。

我:"寶意,我可唔可以問d關於你o既o野。"

寶意:"你問啦。"

我:"我想知道關於你o既o野,好似屋企啦,興趣啦。"

寶意:"嗯..我爹D其寶係個填詞人,我爹D好叻o架,佢填好一首詞就會有五位數字o既

酬勞。我媽咪個媽咪,即係婆婆係日本人,不過我就唔係好識日文。係呢一排

先學。唔識就要問你啦。"

我:"我知啦,唔怪得你唱歌咁好聽啦。我見你成日搵係張台到彈下彈下,好似真

係彈緊琴咁樣,你係唔係識彈琴。"

寶意:"我細細個爹D要我學,我彈琴,佢就一邊彈結他,填詞,有時重會作曲。"

我:"咦?咁咪好似李雲敵。"

寶意:"李雲敵?哦,果個repeater。"

我:"係呀~嘿嘿~。"

我們就是因為這樣不好笑的事情,也會笑到半死。可能這就是屬於我們的純和真。

寶意正經地問:"小邪,如果我做錯事你會唔會原諒我?"

我:"嗯,我會。而且你都唔僧做錯事啦,係唔係?"

寶意:"咁如果我唔嚮你身邊你會點?"

我:"o下?你今日問Do野好深,唔...我會好掛住你,不過唔緊要,第二日就可以見到

你。"

寶意:"我係話,如果要分開好耐,要分開幾年咁果種呢?"

我:"嗯...我都唔知,我諗會好寂寞。點解今日咁如果o既?"

寶意:"無呀,我都想了解你多D。"

我:"我其實最憎人講大話,同埋砌我生豬肉。"

寶意:"o下,咩豬肉?"

我:"係砌生豬肉,你唔知咩?"

寶意搖搖頭:"嗯,我唔知。"

我:"即係生安白造咁解。"

寶意:"哈~我重以為你唔鐘意食豬肉添。"

說來也好笑,我們所乘的巴士是遁環線,我們兩個就在車子上晃了差不多一小時。

寶意沒有說話,靜靜地把頭倚放在的肩膀上。她輕聲的唱著。

寶意:"很想要求你會三更半夜陪著我,然而我怕,我的聲音你已聽得太多。

怎麼可能要你每次開心快樂全為我,還怪你,你跟知己也見得比我多。

期待你的花會開,其實自己也都討厭期待。恐怕正式真實戀愛,痛恨明

日也許分開......"(她不再唱下去)

我:"嗯...好聽。哈~"

寶意也笑了。這個真是我的女朋友嗎?好得不能夠令自己相信。當1我聞到寶意頭

髮上的香味,我不再懷疑。這種坐巴士的感覺像是自己在看Music viedo。我漸漸地

感受到戀愛的甜味。幸福是兩個人能在一起。

又到晚上,這晚眼光光,睡不著。打開了收音機,隨意一個台,音樂節目。"

收音機:"依家全亞洲的藝能界合作作舉辦o左一個亞洲區o既新秀大賽,有200多名來

自香港,台灣,新加波,日本,中國等地參賽新秀角逐冠亞季新人王寶座,頭三

名除o左可以獲得現金獎之外,更加可以,免費到日本藝能訓練學校接受兩年

訓練同經理人合約,唱片合約各一份......."

我心想,寶意唱歌咁好聽,如果去參加呢個比賽無第二都第一。才拍拖不過一星期,

但是現在已經日夜想著她,不知道我會不會有一天生厭。我件睡在床上,聽著音樂,

手上拿著頸鍊,不經意地睡著了。

三日之後,子騖特地找我。

子騖:"辟邪,你記唔記得阿康佢就來生日?"

我:"記得,十一月十五。咦?咪就到。"

子騖:"係呀,盈盈話去BBQ,你覺得點?"

我:"盈盈都去?佢好似提過話去燒o野食,都好。"

子騖:"咁好啦,一係唔攪,一係攪大佢(咩攪大佢呀?)。你叫多幾個人去。"

子騖對坐我旁的嘉瑤說:"寶意,你都一齊去啦。"

我:"你老啦~呢個係嘉瑤(嘉瑤揮揮手),坐前面先係寶意=.="

子騖:"都一樣o者,總之你叫多幾個去啦。"

我:"OK,我會叫啦。今日去唔去食必勝嚇?好多人去。"

子騖:"唔好啦,我學生會重有D事做。"

我:"會長Meko?"

子騖笑著說:"你唔好理啦。要叫多D人去呀。"(他走了)

我:"寶意,瑤瑤,你地去唔去?"

嘉瑤:"嗯,我應該得閑。"

寶意:"十一月十五日..如果夜晚都應該可以,朝早就...."(日抖有事?)

我:"我遲D問o下日抖燒定晚黑啦。業記呢?"

業記:"等等,我抄埋呢一題先....好,咩事?"

我:"燒o野食,去唔去。"

業記答得很爽:"有女一定去!"

我:"早知唔叫你...."

業記:"咪咁小器,一睇就知我講笑啦~預埋我去。"

雖然看不見的未來不知道是怎樣,但我相信會是美好的。

~完~

[> [> Subject: Re: 最美的中五(16-17)

Author:
火仔 icq:145213421
[ Edit | View ]

Date Posted: 20:37:33 11/23/03 Sun

第16集:同一個天空,不同的世界

................................................................................................................

一個星期了,今個星期六本來想約寶意在晚上到海洋公園玩,不過寶意要練琴,

於是去不成了。不過來日方長,總有機會的。說真的,這時的我像是對將來充滿憧

憬。我打算將來要找一份好的工作,辛苦一點不要緊,但必需令寶意過些幸福的生

活。儲錢買樓,再有時間就帶寶意環遊世界,看盡世界上的日出日落,直到我們變了

老公公,老婆婆,仍然像現在一般的幸福。雖然我們只是開始了一個星期,我卻想得

有點遠,但是這是我的目標,我的希望。人對只要明天有希望,今天才會更快樂。在

旁人眼中或者我是太幼稚了。

在我拿著頸鍊睡著的那一晚,那條頸鍊不知怎的而不見了。我猜可能是我在睡

著時不小心丟到床下面。如果要那回的話要把整張床搬開才可以。我在無可奈何

之下唯有讓那條頸鍊擱在床下底,漸漸塵封著。

一天早上寶意打電話來...。

寶意:"喂~小邪早晨啊~"(充滿活力)

我:"喂~呵欠~早晨啊~"

寶意:"我有無糟住你呀?"(梗係無啦)

我:"無,我都起o左身,做咩今日咁早o既。"

寶意:"係咁o既,我媽咪今日有事做,一早出o左去,所以我要湊我個妹返幼稚園

,所以..今日唔可以同你一齊返學呀~>.<~"

我:"唔緊要啦,咁我自己返學先,嚮學校見啦。"

寶意:"嗯,學校見。"

在我腦入面有一條等式:上學等於見到寶意。我很喜歡上學,也很喜歡讀書,因為

寶意有不懂的地方我就可以教她。想也想不到拍拖竟可以成為我讀書的推動。姑

勿論動機如何,這是件好事。

這一天,我回學回得很早,學校大門也是剛開。我緩緩地行上斜路,看到在校門外

有一對男女。男的穿著我學校的校服,而女的則是別的學校,像是區內某一間Band5

的學校,在報紙上說這間學校的人恐怖,會抓人到廁所進行酷刑,而且常常發生毆打

事件。

在路上幾乎只剩我們三個人。男的比女的高少許。女把手擱在男的膊頭,

男的把手放在女的腰間。很明顯,他們正是在"衣泣"。

那個男的似乎發現了我的存在,怒目注視著我,那個女的也因為男的舉動知道

我看見了他們。我繼續走向學校的大門,看清楚一點....原來...

男向我怒罵:"靚仔,啤咩啤。做啤開你拖呀!"

我的反應是嚇了一跳,原因不是我怕被開拖,是那個男人就是常常跟盈盈的男

友--謎之男。按照推測,那個男的一定是認不出我是誰,才會說這句話。剛巧寶意

不在,要不是他是盈盈的男朋友,我一定跟他沒完沒了。(什麼沒完沒了?)

我騷騷耳朵,裝作不理不采,照走我的路。他也沒有再說什麼。走到進學校裡

,我回頭一看。那個女剛剛走了,男的似乎意猶未盡。我心想...幹!狗男女。

這件事令我擔心盈盈的事,怕她會發生什麼事。在小息時,我放棄了跟寶意談

談情的時間,去了找盈盈。我在盈盈的班房門外,發覺盈盈不在,只是看在角落伏在

桌子上的子騖,這時手上提著一大疊Notes的阿康在我身後面走過。

阿康:"辟邪,你嚮度睇咩?"

我:"o下?我諗住搵盈盈。"

阿康:"傻妹好似有事落o左去Staff Room。你搵佢做咩?"

我:"發生o左Do野,都好似幾大件o架。"

阿康:"咩事?..你等等我放好Do野,再同你針。"

阿康提著一大堆Notes走進了隔壁的課室,把東西放在教師桌上。再走出來,拉

我到較少人的走廊。搭著我的腑頭,在我耳邊正經地問....

阿康:"究竟咩事?"(好凝重..)

我:"係咁o既...(我把早上發生的事告訴阿康)...所以呢,我諗住問o下盈盈

咩事。"

阿康:"唉..估唔到攪成咁..睇來都係時候,要話比你知。"

我:"o下?...你講啦。"(吞口水)

阿康:"(收細音量)你知唔知傻妹條仔咩來頭?"

我:"可唔可以唔用個"條"字同個"仔"字..好粗魯。

阿康看著我。

我:"我...唔知。"

阿康:"o拿,以下落來o既o野,你聽過就好啦,唔好同人亂講。知無?"

我:"OK..."

阿康:"黑社會你聽過未?"

我:"黑社會?"

阿康:"即係三合會,黃賭毒果D。"

我:"嗯,睇古惑仔聽過。"

阿康:"咁黑社會有好多幫會,例如新X安,14J果D..."

我:"係唔係洪興果隻..."

阿康:"你咁樣唔係可愛,係白痴...都叫你唔好睇果D戲,教壞晒你,無洪興o架。"

我:"Sor,你繼續..."

阿康:"盈盈個男朋友個花朵叫螳螂,係新X安o既成員。"

我:"o下,佢嚮新X安老院到做?!"

阿康重重地打在我頭上,說:"咪玩,講認真。"

我:"Sor..你再繼續..."(好痛 >.< )

阿康:"子騖就係因為盈盈識埋D咁o既人同盈盈嘈,依家佢地重冷戰緊。唉....

無眼睇。你記唔記得傻妹問你借錢?"

我:"記得,四舊水。"

阿康:"佢果日都問我借,我一個仙都唔借。"

我:"點解?你破產呀?"

阿康:"你破產我都未,盈盈個男友要幫佢大佬籌期,問盈盈手羅呀。"

我:"o下!?咁PK?...其實咩叫籌期..?"

阿康:"你唔知就唔o下咁大聲,籌期係黑幫術語,即係佢大佬比人告,要籌錢請律師

打官司咁解。"

我:"哎呀,點解D人咁謊謬?"

阿康:"..黑社會就係咁謊謬。"

我:"唔得我一定要救盈盈,我最多打999。"

阿康:"白痴!你咁可能害o左盈盈。....呢Do野你最好唔好理。"

我:"但係唔通由得盈盈....."(我的說話給阿康打斷)

阿康:"唉,所以我一直唔同你講...你聽過就算。唔好加隻腳落來。我盡量諗辦法

。唔講咁多啦,我去溫書..。"

我:"...我應該點?"

阿康:"你做好你自己o野就OK..你對你女朋友好D。"

我:"我會..係呀你生日果日係唔係去燒o野食。"

阿康:"係呀..都好。你返落去啦,小息就完。"

不知到何解,阿康今天十分Man。

聽過阿康這一番話,我更加擔心盈盈。我竟有點迷失的感覺。一切就像是

在不知覺間變了質。回到班房,看見笑面迎人的寶意在編織頸巾...

寶意:"小邪,你返來啦?搵唔搵到盈盈?"

我:"啊..佢唔係度。"

寶意:"你做咩面色咁難睇?你唔開心?"

我笑了笑:"唔係,我好好。咦,你織緊o野?"

寶意:"係呀~織緊頸巾比你。"

我:"哈~我估一定好暖。"(心甜)

寶意:"嗯..一定會。"

寶意的眼角像是脫了點色彩,昨晚一定很夜才睡,難道是為我織頸巾?不管如何,

她總像是有點心事。我想我要再努力才可以給這個女孩多一點幸福。

上最後一節課的時候,我看看窗外很少雲的藍天。無意間看到坐窗邊的思慧,

我想我們都活在這一個天空之下,但每人都有自己的情感,自己的煩惱,自己的故事。

而盈盈就卻似是掉進另一個世界。奈何,幸福不是必然的事。

這節中文課上到最後...

老師:"大家聽住,今次中文功課係要大家作廣播劇劇本,大家要3個人一組交一

份劇本。詳情貼o左嚮度。依家大家分組.."

嘉瑤:"喂,我同你地一組。"

我:"哦,好~寶意都一齊。"

寶意:"嗯,我地搵張紙寫名先交出去先。"

嘉瑤:"我有..你地等等。"

嘉瑤翻出那本橙色紙的文學筆記。這又勾起了我的不安感。看看嘉瑤,看看寶意

,總有點奇怪。我又是想太多了。嘉瑤撕下了一張,填上了我們三個的名字就交上去

了。由於是三個一組的關係,F4的仔仔被迫要跟手臂比我的脈還粗,而且十分殘忍的

手撕雞女同學一組。成了一時佳話。由於我那一班只有37人,多了一個人出來。就

是平時口花花的業記。我見他沒人要也,滿可憐的。再想想自己都有沒人要的時候。

我舉起手。

老師:"係~"

我:"Miss,業記無人要,我地可唔可以加埋佢四個人呀?"

老師:"唔...因為係計考試分,我諗你地四個人會對其他同學唔公平,所以..."

我:"哎呀~咁樣...."

不知道寶意是看他一個人可憐,還是報答他幫忙對付變態佬,定係見我說要讓他加

入...

寶意:"Miss,我可唔可以join佢。我同業記一組。"

老師:"OK,無問題,咁你地分開兩組。"

打鐘放學...

老師:"大家起立...."

事後...

寶意:"小邪,我頭先咁做係咪唔係咁好?"

我:"哈~唔緊要啦。咪當我地四個做兩份,我唔介意。"

說完了,寶意把手放在我的面上..

寶意:"我好鐘意你,係真。"

~完~

第17集:沉默

................................................................................................................

班中的人漸散...

嘉瑤:"喂~我有D事,咁我走先,今晚打比你地。"

我:"嗯,再見。"

如果不是學校方圓十里一律禁止鍚鍚,我一定會吻吻寶意。寶意用放在我面上的手

輕輕地搣了一下。

寶意:"行啦,傻佬。眼定定望住我。"

我:"嗯,傻婆。"

寶意:"o衣~你蝦我。"

我:"o下?我幾時有呀。"

寶意:"無人話要做你個傻婆。"

我:"咁你做傻佬,我做傻婆。"

寶意:"都唔制啊。"

我:"呵~咁我搵第二個做啦。"

寶意:"o車~衰人。"(寶意輕輕地打了我肚子一下)

這時我突然胃痛....

我:"哎呀..."(捂著肚子)

寶意:"你重玩,我唔睬你啦。"

我痛苦地說:"唔係..我胃痛...."

寶意緊張地說:"小邪,你有無事呀?我係唔係大力過頭?"

我痛得了坐了下來:"唔係..係我自己..."

寶意:"哎呀,你塊面好青,重流緊冷汗。我去搵Miss好唔好?"

我:"唔洗...我坐陣無o野,我呢排都係咁。"

她就一直握著我的手,替我印乾冷汗。

約十分鐘左右校工正要進來替班房清潔。

寶意看著握著我的手,說:"哈,我隻手都出晒汗。"

我:"我好D啦,我地走啦。"

寶意:"我唔係趕時間,你唔洗就我。"

我:"我真係好好多,行啦。"

寶意:"你捉住人地隻手點行,校工姨姨睇住啦。"

我:"我同你玩個遊戲,要跑o既~"

寶意:"o下,咩來?"

二話不說,我便拖著寶意的手,走出班房,穿過走廊,跑落樓梯,經過Staff Room,

通過食堂,直到走出了門口才停下來,當然這樣跑法,引來了很多人的注目,包括訓

導--老陳。明天可麻煩了。此舉令我的胃痛加劇,我怕寶意擔心,所以裝作若無其

事。

寶意一面喘氣一面說:"嗄...嗄。呢個咩遊戲,我就快無氣。"

我:"嗄..,我都唔知,就叫二人四足啦,要拖住手先玩得。哈~哈~"(快閃黨?!)

一邊跑,一邊拉著寶意手,在視中的景物不斷快速的向後移動,像是跟寶意走過了

世界每一段路。自己喜歡的人和自己一起做傻事,感覺特別傻,特別有趣。(我不是

指那一種傻事)

以前在電視看見別人打情罵俏,總覺得反感。但是當跟寶意你一句我一句時,就

會不自覺地樂在其中,有點像抽煙一樣。在別人的眼中看來極之無聊的玩意,

我跟寶意就認為是幸福的體現。這時的我忘了胃痛,還有盈盈的事。

晚上吃了胃痛藥,正打算倒在床上休息的時候,嘉瑤打電話來...

嘉瑤:"喂,嘉瑤呀。"(她說得有點生硬,像是在背台詞)

我:"喂,你搵我有咩事。"

嘉瑤:"聽日放假,不如我地約出來寫劇本,好唔好。"

我:"我無所謂,做咩要咁早做,好似無咁早交啵。"

嘉瑤:"你無睇過果張詳情咩,要嚮下個星期一先交大綱。"

我:"哦~好咁幾點嚮邊度,我全日都free。"

嘉瑤:"嗯,就朝早7點半返學校課室啦。因為我下晝有D事。"

我:"OK,咁我約寶意同業記..."

嘉瑤:"唔洗..唔洗,業記佢...佢話唔番,寶意..我約o左啦。"

我:"哦,咁好。唔該晒你。"

嘉瑤:"我唔同你傾啦,我要去飲,聽日見。

我:"好,BYE~"

嘉瑤:"再見。"

嘉瑤又會這麼急收線,那個業記真愛躲懶。

業記:"乞嗤,邊個講我壞話?"

近排不知何解,胃常會突然痛起來,呵~可能是太用心讀書之過。

嘉瑤收線不夠一分鐘,寶意就打來了。我躺在床上,會著手提電話..

寶意:"你點呀?個胃重痛唔痛?"

我:"嗯,食o左止痛餅好o左好多啦。係呀~聽日返學寫劇本。"

寶意:"嘉瑤佢打o左比我啦,係唔係八點?"

我:"o下,佢同我講7點半,可能佢講錯o左。"

寶意:"哎呀~7點半咁早,我重想同你食早餐添。"

我:"你有事,唔緊要啦。"

寶意:"咁我買早餐比你食啦,你食咩呀?"

我:"我要食餈飯同豆漿。"

寶意:"嗯嗯,See you 。"

第二天,我回到班房,嘉瑤已經在桌上寫字,我把背囊放在椅子上。

我:"早晨啊,你好早。"

嘉瑤:"都唔係..寶意呢?"

我看看手錶:"唔,我諗佢未到。尋晚諗住打比你,你無人聽。"

嘉瑤:"哦,我..出o左去。"

嘉瑤看著我..沒有說話。我有點不自在。

嘉瑤:"辟邪,我有Do野想同你講。"

我:"啊..你講。"

嘉瑤:"我鐘意o左個男仔..,但係佢有女朋友。"

我:"o下,咁你諗住點?"(唔會係我掛?!)

嘉瑤:"我都唔知,如果你係我會點做?"

我:"我會..放膽去鐘意,同個男仔講。我其實都唔係好識,不過你咁正,個男

仔聽到一定暈晒浪啦。比我一定會受添,哈~哈..."(我開始語無輪次)

嘉瑤:"嗯,我..知點做。"

我:"咁就好。係呢,個男仔係邊個?"

嘉瑤:"其寶個男仔就係.."

"啪!"

門外傳來東西掉下來的聲音。

往半開的門外看,寶意呆站在門外,手上的早餐掉了在地上,豆漿倒到一地。

我:"寶意..."

寶意聽到我叫她的名字,她突然轉身就跑。究竟發生什麼事?我完全沒有頭緒。

直覺叫我去追回寶意。

我叫道:"等等,寶意!"

我馬上動身跑了出去。怎料一出門口,就跟業記撞個正著。

我:"哇,好痛。業記,你唔係話唔番咩?!"

業記:"o下?嘉瑤叫我..."

我:"哎!比你累死啦!"

寶意看見我跌在地上,之後退了兩步,似是猶疑,然後便再轉身走下樓梯了。

我起身,用盡所有氣力追著寶意。我不知為何,我只知道害怕。怕失去寶意。

怕寶意這樣一逃,便會逃離我生命的范圍。

我拼命地叫著:"寶意,唔好走~"

像瘋子一樣地在街上追著,但我怎樣也跟不上寶意。寶意轉了入火車站。

死!銀包都留在課室,我只好在入閘機門外團團轉。

仔仔:"喂!邪哥,你係度做咩?"

我:"太好啦~八達通,借比我!"

仔仔:"o下?咩事呀?(咩事我都唔知,我一手便搶了仔仔凡八達通)做咩搶

我張八達通呀?喂..喂!"

我:"我盡快還比你,唔該晒!"

跑到上月台,剛好有火車來,我左望右望,尋找寶意的蹤影。我一邊漫無目的地住

前走,一邊在月台和車箱內張望。在堆中找著看著。喘著氣地尋找。

"嘟...嘟"列車開走。留下不知所措的我跟被北風吹得冰冷的月台。

好端端的一個早上,弄得一團糟。

在二十步的距離,寶意站著。

我:"寶意..."

寶意看著我,掉了眼淚,我第一次看見寶意流淚。

她轉身再跑,我不會讓我最喜歡人離去,直到乘客止步的那個牌前,我拉緊了寶意

的手。

我:"你做咩走,我唔知我做錯咩事,但我令到你喊...對唔住。"

寶意欲語還休:"嘉瑤..其實..."

我:"唔好講。"

我抱緊了寶意,任由寶意在我懷中抽泣著,她的淚水沾濕了我的外衣。她也緊緊地

摟著我。

我:"我只有你...只有你一個。對唔住...你可唔可以唔走?"

寶意就哭得更厲害了。

~完~

[> Subject: Re: 最美的中五(18-19)

Author:
火仔 icq:145213421
[ Edit | View ]

Date Posted: 20:40:31 11/23/03 Sun

第18集:不要看我哭
..........................................................................................................

我:"喂,業記,你地嚮邊呀?"

業記:"你而家先打比我好似遲o左D..。嘉瑤佢話有事,走o左啦。"

(死.嘉瑤唔通嬲o左我?!)

我:"咁你呢"

業記:"我?重嚮學校呀,都諗唔到寫咩好。唉,你同寶意呢?"重番唔番來?"

我:"我同佢逛o左陣就送o左佢番屋企。"

業記:"咁咪即係唔洗做..星期一交啵。"

我:"唔洗驚,重有我,我一腳踢啦~我諗好o左寫D咩。"

業記:"係?咁神奇。點o架,講來聽o下。"

我:"o拿,第一個劇本就根據以父之名個故仔,話主角細個果時見住個黑幫大佬殺

o左自己老豆,跟住黑幫大佬就養大主角,而主角大個之後就搵餐屎(chance)

報仇,同時主角同黑幫大佬個女發生o左感情。第二個呢,就講個後生仔嚮同

女友求婚果陣比雷劈死o左,落地獄做part time月老,想搵D幸福比自己在

生o既女友。大致上係咁,掂唔掂先?"

業記:"好..長。不過都幾掂,有諗頭,你唔做編劇認真o徒料。"

我:"呵,客氣。睇睇個鐘....兩點半,你食o左lunch未?"

業記:"未呀,我一路都嚮學校等,又唔知你地番唔番來,打極手提又唔通(越說越激動)

今朝撞到我又鬼咁惡死...."

我:"哦,好好好。你留嚮學校等我,我最多請你食飯,得未?"

業記:"哼,算你似番個人,不枉同你相識一埸。話時話,你地真係無o野o麻?頭先嘉

瑤見你衝o左出去,最尾好似聽o左你講果句比你害死之後,就粒聲唔出,好鬼

恐怖。"

我:"哎..。寶意都應該無事,聽你咁講嘉瑤...算啦,一陣先傾。我個背囊重嚮唔嚮

度,黑色果個。"

業記:"嚮度呀,你無帶?"

我:"咁OK,我依家返來,三個字後到。"

業記:"ok,bye~"

呼,真的要命。就好似坐完過山車,所有事都來得很急。我只是個中五生,只是思

考如何去面對也弄得我一頭煙。寶意在火車站的時候,捉到我實一實,而且什麼話也

不說,只是在哭。才不到一個月,我們已經弄到如此田地,寶意不知為何一直在跑,雖

然追得上,她也哭得死去活來。第一次拍拖,我真的攪不清楚是不是我傷害了寶意,

難道這是表示我們的感情亮起了紅燈?我不知道我跟寶意可不可長久下去。不是我

對寶意沒有信心,而是我對自己沒有信心。看見自己的父母,結了婚也有二十多年,

基本上他們很少關心對方,談話的內容都離開股票,錢銀之類。他們可能已經把叫

做"家"的東西,當作一所不用付錢的酒店,他們同樣只是住客。或許時間一長,他們

就會把結婚時的誓言忘記得一乾二淨。不只是我父母,世界上的人,比比皆是。

我不想成為我父母的影子,我討厭這個。

我沒有像其他男孩一樣,向自己的喜歡的女孩許下什麼誠諾,或者是一生一世

,永遠之類。因為我不知道自己能不能做到,如果可以的話,到了我快要死的時候(

百年歸老),我才對寶意說:"寶意.我已經愛o左你一生一世啦,家o下我做到。"不知

道寶意有什麼反應呢?

嘉瑤的背境都很神秘,因為經常在上常的時候有社工找她出去,有點像以前的盈

盈。不過嘉瑤看來很開朗,她時常被我引得捧腹大笑,有時笑得連眼水也出來。說回

正經的,沒猜錯的話,寶意的信是她的代筆,至於她對我說喜歡上一個有女朋友的男孩

也是事實。即使這是事實也跟我和寶意毫無抵觸。但是如果嘉瑤所說的男孩是我的

話...我不知道可以怎麼辦。要是可能,我寧願不開心的只有自己。也許我該想想如

何去面對嘉瑤。姑勿論嘉瑤如何,我只喜歡寶意一個,起碼現在是。再說,嘉瑤也沒

有說那人就是我。看,我就是這樣糟糕。

在當天晚上,剛好把星期一要交的大綱寫好了。電話嚮起...

媽媽:"你呀,搵你o架,聽唔聽?"

我:"聽,我來啦。"

媽媽:"呢排咁多女仔打你o既?"

我:"都唔係...喂~"

嘉瑤:"辟邪,你..可唔可以出來,我係海濱公園。"

我:"o下,都咁夜重去果度?"

嘉瑤:"我其實..有Do野想同你講,我嚮公園門口等你。"

我:"咁呀..我依家過來,唔見再約。"

有些事情始終要面對,逃避或者反而不好。

我:"呀媽,我依家出一出去,今晚唔好鎖門。"

媽媽:"咁夜重去邊?小心D呀。"

一個人走在路上,越近和嘉瑤約好的地方,我越覺迷茫。如果嘉瑤是個大怪物,或

是我最討厭的人,那就好辦了。可惜她不是。她是個很好的女孩。比寶意還要好?

我回答不到。現在也差不多到十二時。,街上很靜,而且有點冷。這個時候我看見了

盈盈和那個男的,就在對面街...

我:"咦,盈盈?喂,盈盈...."

他們似乎看不到我,就上了的士。記得自盈盈在中二認識了我們之後便一直很少

出夜街。在那時候,我知道盈盈剛剛學抽煙,後來子騖對她說過之後,便沒有再抽了

。我不想盈盈再變回以前的壞。事與願違,盈盈與我們疏遠了,還是我們疏遠了好?

我:"唉,又走o左。"(自言自語)

嘉瑤:"喂,辟邪..."

我:"啊?點解你係度o既,唔係話嚮門口等?"

嘉瑤:"我知道你會行呢條路,所以我來呢度等你。"

我:"嗯...."(唔知講咩好..)

嘉瑤:"我想行o下,邊行邊傾,好唔好?"

我:"好。..今朝我走o左去,sorry呀。不過兩份劇本大綱我都寫好,唔洗擔心。"

嘉瑤:"我無介意。..係呢,你記唔記得我同你講過我以前有過男朋友?"

我:"哦,以前?記得。"

嘉瑤:"佢頭先打來搵番我,佢話想同我係番埋一齊..."

我:"咁,你點諗?"

嘉瑤平靜地說:"我..對佢死心..。佢以前...(嘉瑤說了一些她以前男朋友的事

,大家可以參考之前的加插小段)...所以我覺得,無可能。"

我:"(點解同我講?)對唔住..."

嘉瑤:"唔係你o既錯,唔洗講對唔住。"

我:"我...唔識點講。我覺得如果一個人成日去記住D唔開心o既事,會好辛苦。"

(我淨係可以咁安慰嘉瑤)

嘉瑤:"或者係。...我咪同你講,話我鐘意o左個拍緊拖o既男仔。"

我:"嗯..朝早我未聽晒就走o左。"(吞口水)

嘉瑤:"我係唔係好傻.."

我:"唔係啦,我覺得鐘意一個人係無錯..."

我走前了兩三步才發現嘉瑤停了下,當我正轉身之際...

嘉瑤:"唔好擰過來...唔好望住我。"

我:"o下?做咩呀。"

一雙手從後面擁過來,嘉瑤從背後緊擁著我。我整個人呆了,我不道該不該反抗。

或者用"反抗"不好,我是不懂該怎樣反應。

嘉瑤:"其實果個男仔就係你...你唔洗答我,我知道答案。對唔住..我一直都好

想咁樣。(她的聲線漸帶沙啞)..你好暖..好安全。"

我想用手拉開嘉瑤,說:"嘉瑤..."

嘉瑤沒等我說下去,沙啞地說:"就咁樣多一陣,只係..一陣。"

我們都沉默了下來,只剩下心跳,呼吸及嘉瑤強忍著淚水的聲音。良久...

嘉瑤:"我會走...但你唔好望我,千祈唔好。當咩都無發生過..之後一切都照常..

好唔好?....再見。"

說完了,嘉瑤的手慢慢地鬆開,她身子也輕輕地離開。當我轉過身的時候,她已經

不見了,像灰姑娘的一樣..走了。街上只有我。我原地站著,我可以給個什麼反應

?剛才我看到嘉瑤的手腕上的紋身,那是只剩半個碎掉的心,更像一團火,滾燙地

烙在她的手上,怎麼也擦不掉。我竟然還想把她推開..我很殘忍,就像是一個劊子

手。她該是在流淚,但她卻不讓我看見,我可以感受到她的心跳,一直在淌血。

嘉瑤身上淡淡的煙草味道在我腦海,揮之不去。她常常食香口膠,是因為要蓋住香

煙的味道。很多不合理的事情只要加上感情就會變得合理。

回到家裡,我跟本睡不著,一閉上眼就想起了嘉瑤所說的話。我不斷在苦思,我喜

歡的是嘉瑤還是寶意;我要去平復嘉瑤的創傷,還是繼續寶意的幸福,我該選擇哪

一項?自嘲的說句,瘦田無人耕,耕開有人爭。

我大概把事情想得太簡單了,想兩全其美,畢竟有點難度。

忐忑,左右,對錯。

嗚...>"<。睡不到。

~完~

..........................................................................................................

加插小段: 錯
..........................................................................................................

寶意:"我只是很喜歡小邪,那有錯嗎?"

嘉瑤:"沒..但我也是跟你一樣。"

寶意:"那我該選擇放棄。"

嘉瑤:"放棄的該是我。"

寶意:"所以你替我寫信?"

嘉瑤:"我不知道,我只是用我的感情去寫..."

寶意:"但名字卻是用我的。"

嘉瑤:"我覺得我自己不應該再這樣下去。"

寶意:"你看見我跟他在一起的時候,很不自然。你跟本放不下他。"

嘉瑤:因為我都想找自己想擁有的東西。可惜...."

寶意:"可惜?"

嘉瑤:"可惜我比你差太遠,他喜歡的是你。"

寶意:"我很亂..不知道..."

嘉瑤:"看我的手腕..我有一個痛苦的過去。"

寶意:"或者,我跟他不可能長久..."

嘉瑤:"但在今天你還是在跟他戀愛。"

寶意:"這地方,可能很快不再屬於我。"

嘉瑤:"你害怕?"

寶意:"應該是,所以我要珍惜。"

嘉瑤:"畢竟..我和你們真的是差太遠。"

寶意:"你一直介意著你的過去。"

嘉瑤:"對,我介意,而且是不可以挽回的錯。"

寶意:"或許,退出的是我。"

嘉瑤:"我需要的不是可憐。"

寶意:"還可以多久,我不知道..或者我們愛的都是一個壞人。"

嘉瑤:"不對,我們只是同樣愛錯人,他不是壞人,不可能是。"

~完~

第19集:小風波
................................................................................................................

反反覆覆,我都得不到任何結論。一想起那一晚,要我去做決擇,可以說是難上

加難。到了星期一我也沒有她們的電話。我於我和寶意平常約好的上學的時間'

地點等待寶意出現。雖然寶意不會知道那晚的跟嘉瑤的事,但是在某程度上,我覺

得我是背叛了寶意的。我盡量不將喜怒形於色。看見寶意從不遠處走過來時,她

腳步有點浮,面色也不太好,身體看來是有點不適。

我:"早晨啊~寶意。你做咩呀?今日睇落唔係好精神。"

寶意揉揉眼睛說:"嗯,今日唔係幾舒服,尋晚..有D事,訓唔著。"

我:"o下,咁洗唔洗去睇醫生或者同學校請假?"

寶意:"我諗都唔洗啦,我唔會死頂o既。"

我:"嗯,咁我地行啦。"

寶意:"小邪~"

我:"咩o野啊?"(奇怪)

寶意:"你有無帶果兩份大綱?我想睇o下。"

我:"哦,係度。你等等。"

當我正要把大綱從書包拿出來的時候,我忽然感到有樣暖暖的東西圍在我的頸上。

寶意笑著說:"你纜住佢啦,今日凍呀~"

我:"嘩~條頸巾織好啦?"

寶意:"係呀~我想早D比你o麻。"

我:"你唔係尋晚連夜...."

寶意沒有回答,她拉著我的手,笑笑地說:"行啦~"

天啊,我減壽十年都可以。我覺得自己從未試過這樣幸福,畢竟寶意才是我的女朋

友。不過這只是令我更難為。這條灰黑色的頸巾,真的要了我的命。

回到課室,嘉瑤正在靜靜地坐著,托著腮。比平常的她要靜。我嘗試跟她談話,當然

寶意不在場...

我:"嘉瑤你要唔要睇o下份劇本?"

嘉瑤平淡地答:"嗯,好。"

我:"你今日唔多講o野o既?係無事丫o麻。"

嘉瑤:"o下,我會有咩事?"

我:"哦,無..無。"(你越話無事我反而重驚)

嘉瑤:"你要唔要香口膠?"(說完便放了一粒入口)

我:"嗯,THX~"

很明顯,嘉瑤是在躲避我的視線。不過這樣還好,就正如嘉瑤那天晚上說的,像什麼

也沒發生過。她或許是極力壓抑自己的感情。..呼,平靜中的不平靜。

上到第五節課的時候,寶意的臉色越來越蒼白,而且不時捂著小腹。我問她是不是

肚子痛,她一直說沒有事。到了放吃下午飯的時候,Miss要大家起立說再見,坐在我

前面的寶意勉強地撐起身子。我終於意識到是什麼一回事。寶意的校裙後面紅了

一片。嘉瑤也是看到的。我連忙用雙手按著寶意的膊頭,讓她先坐下,而寶意見我

這樣做也發覺了。偏偏在這時,業記正走過來...

業記:"喂,今日一齊起食啦。"

我:"啊...,我唔..去啦。"

業記:"點解呀?樓下開o左間拉麵店,去試o下啦。"

我:"誒...都係唔啦。"

嘉瑤替我解圍,說:"業,今日我同你食啦,唔好阻住佢同寶意二人世界。"

(這句話好像有點...骨。)

業記:"咁好啦~我將將就就啦。"(唉,難為o左嘉瑤,雖然我知係講笑)

驚魂未定,等到班中的人漸漸散去,我才把自己的椅子拉到寶意旁邊,輕聲說...

我:"你重話無事。你係唔係好辛苦?"

寶意:"我重可以..."

我:"唔好啦,我同你請假早走。"

寶意:"(小聲)邊有人咁請假早退o架?"

我:"...點算好....你係度等我。"

我把毛衣脫去,蓋在寶意的大腿跟小腹上。

寶意:"你重著緊夏季,出面咁凍你重去邊?"

我:"放心,我有條頸巾。你等我,我好快返。唔好亂郁,你悶就睇o下書,或者抖

o下。"

我在抽屜內拿出我平時在最悶的西史堂,用來消磨時間的書--藍寶石的夜空。放

在寶意的桌子上。

我:"有事打手提搵我。"

說完,我便一支箭的衝了出去。在大門口不遠,我遇上了MEKO。

MEKO:"咦,辟邪做咩走咁急。"

我:"撞到你真係好。..點講好,你得唔得閒?"

MEKO:"無,子騖去o左搵位食O野,我去緊join佢。"

我:"咁呀..."

MEKO:"唔緊要,我打個電話比佢,你講o丫。

我:"係,就咁,我..女同學唔係..係女朋友就..女仔一個月廿八日果D呢。咁就

整污糟o左,我想幫佢...買著係裡面果D來替換。我唔好意思買,所以想你

幫忙。"

MEKO:"哦,Underwear,你女朋友著咩size?"

(果然好o野,我講到一舊舊都識聽,MEKO姐真係挑通眼眉)

我:"o下?!(流汗)我諗中..細,細中,中細果D size。"

MEKO:"嗯,你放心,你重要D咩呀?"

我看看手錶:"我要去果邊藥房買PANADOL,同...M巾(好難開口)重有校裙。"

MEKO:"咁我行商場呢邊,四個字後係番呢度門口等。"

我:"好,唔該晒你。"

跑到藥房,看到一包包又藍又綠,又有超薄,又日用,又夜用,重有咩護翼同壓線,

我個心當堂跳埋出來=.="。不可以逃避...

我咬著咀脣地說?:"老闆娘唔該我想要盒必理痛同一包衛生巾!"

站在我旁邊抱著小孩的中年婦人用驚訝中帶鄙視的目光看著我。藥房中的人也

以尖銳的目光投向我。這一刻,這間藥房是鴉雀無聲。

老闆娘以半咸淡的廣東話問:"你要邊個牌子呀?"

我鬼知咩牌子咩,最好果隻就係啦!

我:"我要最好果隻,唔該。"

匆匆付了錢便走,急步走向下個街口的校服公司,由於這時正值換季,小學的上午

校又剛放學,這間校服公司裡也有不少家長和學童。我告訴售貨員我想要一套我學

校的夏季校服。

註: (由於我就讀的學校在下個禮拜才正式換季,寶意今天穿的是很淺色的夏季

所以那個...很明顯。)

售貨員:"阿弟,你個身形..16號半得唔得?褲呢?"

我尷尬地說:"唔好意思,我係要女裝。"

此話一出,全間校服公司的人又像剛才..死寂一片。站在我附近的家長們,立刻

用手作勢保護自己的兒女,我那袋...剛巧被撞跌,掉了在地上。大家都注視著我,

雖然他們沒有說出口,但在眼神交流之中收到一個強烈的訊息:"死開啦~咸濕變態

佬!"禍不單行...淚。

售貨員:"咁你要咩尺碼?"

我鬼知咩尺碼咩,寶意著得落就係啦!

幸好,我知道寶意的膊頭大概有幾闊,裙的長度大概有幾長。付錢後即刻走。

剛好從學校出來有三個半字,半個字跑回學校,我的效率其實也不差。趕快,趕

快。不知道寶意會不會覺得我像班中的變態佬呢?衣著方面,確實有點怪..短袖加

頸巾,手上又拿著女性用品。Anyway今年興玩Crossover。回到學校門口MEKO已經

在等我..

我:"嗄~唔該晒你。"

MEKO:"o拿。你掂唔掂?"

我點點頭,快斷氣了...

MEKO:"ok,see you later。"

我:"啊~我遲D比番錢你。"

MEKO:"唔洗啦,我行啦,子騖等緊我。"

我:"嗯,bye。..係呀,你去唔去燒o野食?"

MEKO:"阿康生日?我會去啊~"

我:"哦,無o野,你快D行啦。"

又上到班房,寶意在看書..

寶意:"嘩,你買咁多o野.."

我:"細聲D,你食o左止痛藥先。我倒水比你。"

寶意:"你成頭汗啦~"

我:"所以話唔洗著外套。"

寶意:"小心凍親呀。"

寶意吃完了藥,我看看出面。還好,沒有太多人。

我:'寶意,你重行唔行得,我扶你去更衣室換o左件衫。"

寶意:"你重買埋校服?"

我:"係呀,來起身先。"

寶意站了起來,我把我的外套縛在她的腰間,剛好摭了那片紅色。我小心地扶了

她出去,此際...一個傳說中最乞人憎的領袖生出現...

領袖生:"呢位同學,唔該除番件外套落來,學校唔可咁樣縛。"

我壓制自己的怒火,一切寶意要緊,說:"Five D 三號(我座號),你記名啦。"

我一手推開他,拉著寶意走。

領袖生:"喂,等等,記完都要..."

我指著天空說:"嘩,有人跳樓呀!"

領袖生:"邊度呀?"

我已和寶意走到女子更衣室。

我:"你入去換,換完去飯堂等我,我去買粥比你食。"

寶意:"你重去?咁你呢?"

我笑著說:"你快D去換,唔洗理我,一陣D麻煩人又糟。"

說完,我又跑落學校樓下賣粥。當買好了回校時,領袖生又攔著我...

領袖生:"午餐時間過o左,唔可以帶o野食入學校。"

我:"(不爽!)唔係化,o野食都唔比帶,咩規矩呀?你定o架。"

領袖生:"o拿,如果你唔合作o既話,我會通知訓導處老師。"

我:"超,Five D 三號呀,記名啦!"

我正要去找寶意,你敢阻我?可惡啊!

領袖生:"等等,記o左名都要..."

我:"嘩,睇波餅呀。"

領袖生:"你今次重想呃我?!"

"呯!"

無眼睇..一個時速二百幾公里運行的籃球,真接擊中他的後腦....

我快步走向飯堂找寶意。

我:"寶意,食o野啦~"

寶意:"咁你呢?"

我:"頭先我食o左啦~"

寶意:"嗯,D粥好好食呀。"

我:"重覺唔覺痛?食完我幫你拎o野上去。"

寶意:"嗯..唔該你。"

我:"嘻嘻,你睇熱呀。"

一個挑戰體能,智力極限的一下午。到放學時,寶意始終堅持要跟我坐巴士。

在巴士,寶意的樣子像忍忍作痛。我不記得在哪裡學到,把手掌搓到暖暖,再放在

寶意的小腹上。(唔算越軌掛?)

寶意:"我今日係唔係好肉酸呀?"

我笑著搖搖頭:"唔係丫,你日日都好靚。"

我覺得有陣時戀愛不一定要很浪漫。我記得我小時候,姑丈患上了骨癌,行動不

便,要躺在病床上。我姑媽就每天守候在床邊,替我姑丈清潔身體,料理排泄物。這

個情境浪漫嗎?絕不。但我深信,他們卻很愛對方。我學習著這種不浪漫的浪漫。

時間流逝,轉眼就十月十四日,明天就是阿康的生日。

~完~

[> [> Subject: Re: 最美的中五(20)

Author:
火仔 icq:145213421
[ Edit | View ]

Date Posted: 20:41:56 11/23/03 Sun

第20集:吸引

..........................................................................................................

開了學才兩個半月,雖然時間不是太長,但卻發生了很多很多的事情。太多的甜酸苦

辣都濃縮在這兩個半月。還以為一切都可以平常地過,但事實卻又是另一回事。

星期五,上了一整星期的課,大家的Holiday mood都跑了出來。畢竟受夠了。業記

的那一邊也真夠誇張,四個人圍在一起玩鋤大2,再後少許有大富翁中學大戰版。我只

可以說一句,無奈。對,這的確是一所Band1中學。如果鏗鏘集有派人來採訪實況,可

能會有一番大回響。

我伸了伸懶腰,拍拍寶意...

我:"一陣放o左學去唔去買聽日燒o野食Do野呀?"

寶意:"我..唔去啦。我爹D今日會來學校。話想見o下Miss Chan(班主任)。"

我:"o下?!咁大件事。做咩唔見你提起?"

寶意:"誒,唔係唔係。係我爹D想了解o下我讀書Do野。無事,唔洗擔心。"

我:"哦,咁唔緊要啦,買o野果度就交比我啦。

寶意:"嗯...."(欲言又止)

我:"我夠手拎o野o架啦,你放心啦~"

寶意:"我又陪唔到你。"

我:"都話唔打緊。o拿,聽晚見番補數o羅。"

雖然只要一返學就可以見到寶意,但在假日就甚少可以約到寶意。即使如此,能在聽

筒或是在留言信箱可以聽到她的聲音,我都很滿足了。(含笑九泉)

我:"咦,瑤瑤。咁你去唔去買o野呀?"

嘉瑤:"哎,無o左件事添。我今日要去選拔呀。"

我:"咩選拔呀?"

嘉瑤:"田徑。要去運動場o架,要業記好似都報o左名話去。唔知佢陪唔陪到你去,我

其實可以唔去田徑。你問o下佢啦。"

我:"咁呀,我幫你買埋。"

嘉瑤:"咁唔好,我都係同你...."

我:"哎呀,你睇你連PE衫都帶埋來。我都係幫你買埋啦。"

嘉瑤:"咁好啦,唔該你。"

我:"呵~"

我:"喂~喂~....喂...!業記。'

業記:"等,鋤埋先。...大2,34567,結。仔仔抄雙,YEAH,今次重唔到番我贏。"

我:"喂....."

業記:"係!有咩幫到你?"

我:"無,想問o下高進(賭神)你去唔去買聽日BBQ D野?"

業記:"呢個問題...我其實要去田徑....我自己遲D去買啦。"

我:"咁你知唔知要去買D咩o野..."

業記:"呢個問題....就係...燒o野食do野。"

我:"算吧啦..我自己去..."

業記:"唔好發皮四。o拿,我最多即刻同你去..."

我:"唉,算吧啦,你衫褲鞋襪都帶齊。我抵諗d幫你買埋。"

業記:"所以話呢,係你先咁有義氣。真係o架,兄弟呢家o野就有今生,無來世..."

我:"夠,停!你好鬼煩。"

業記:"ok,我遲d再比番錢你。"

我:"點敢啊。今晚再聯絡。瑤瑤,我今晚再打比你。"

嘉瑤:"嗯。"

順帶一提,我已經還o左張八達通比仔仔,重有請o左佢食飯。

放了學,大家都散去了。

在離開學校的時候,我始終還是放心不下。到了教員室走廊的一角,看到了寶意。

還有她身邊年約四十,身材高大,穿著西裝,帶了一副深藍色鏡片的太陽眼鏡,還有少

許鬚根。(現代artist look)相信是寶意口中的爹D。(岳父大人?!)Miss Chan,同寶

意爹D聊了一會,連校長都來了。他們四人一同進了校長室。寶意一直都是低頭不語

。難道?!難道寶意父親要反對我跟寶意來往?!連校長都要來插手。擔心...。不過

還是等今晚寶意打電話來再算。

才走出了校門,手提電話便嚮了起來。哎,我竟然連電話也沒有關上..

我:"喂~搵邊位?"

子騖:"搵你呀。"

我:"o下,你係邊個?"

子騖:"邊個?子騖呀。"

我:"哦,你咁耐無打來我都認唔到你。你嚮邊?"

子騖:"望過來你左後方,8點鐘位置。"

我:"邊呀?"

子騖:"左呀~左右不分。

他已經追了上來。"

我:"嘩,你電話費好平咩?"

子騖:"o車,反正用唔晒。"

我:"呃...."

子騖:"做咩今日無人陪,孤獨老人..."

我:"呵...."(刺痛)

子騖搭著我的膊頭,說:"點呀,呢排攪緊咩?"

我:"唔...無呀。諗住返屋企抖陣跟住去買o野,聽日燒o野食。"

子騖:"噢...係唔係同拖友仔嘈交。"

我:"唔係..係呢你買o左野未。"

子騖:"買晒啦。做咩呀。"

我:"無..."

子騖:"你個死樣,就來死咁啵。"

我:"嗯...。係呢,你近排點。"

子騖:"我?咪忙o下學生會Do野。"

我:"你同MEKO點樣?"

子騖:"唔講你聽。"

我:"有寶咩?"

子騖:"咪幾好。"

我:"咁...盈盈呢?"

子騖一邊走一邊看著地下,想了一回,說:"無..同佢嘈完之後就...係咁樣。我唔想理

佢do野。"

我:"喂,但係..."

子騖:"我行呢面...聽日見。"

我:"喂~..越叫越走。唉...."

我其實很懷疑阿康有沒有去處理盈盈的事情,子騖又這樣愛理不理的樣子。這樣算是放

棄嗎?我想了又想,走到家門口。我看見一個十多二十歲的女孩站在我家門口,由於全棟大

廈都停電,我看不清楚她的樣子,以為是陌生人。所以不以為然。進了家門口,才閉上了大

門,門鐘便嚮起。我回首開門。我是我花心,但這個女孩真的很美,一頭咖啡色及肩的長髮,

水汪汪黑明分明的眼珠,樣子很甜。如果你在街上看見一定會看多兩眼。

我:"小姐,搵邊位呀?"

她:"搵你啊~"

我:"o下?!"

這個時候家中電話嚮起..

我:"小姐你等等..."

她:"喂~"

我拿起聽筒,是家父...

父親:"你番o左屋企啦。"

我:"係呀,唔係我都聽唔到你o既電話。"

父親:"我之前唔記得講你聽,你家姐來o左。"

我:"o下,真o架?"

父親:"係呀,佢來玩兩三日。"

我:"唔早講..."

父親:"佢應該來o左。"

我:"o下,係邊?"

父親:"來o左啦。"

我:"o下?!哎呀!"

父親:"唔好o下啦,我重有o野做。今晚唔番來食,我放o左二百蚊嚮電視機面,今晚你同

家姐去食,家姐來o左,你就打比我。阿媽都唔番添。"

我:"好煩呀。"

父親:"我多o野做,你處理啦,係咁。"

重CUT我線=.="。我放下聽筒走到門口...

我:"Sorry,小姐請問貴幹啊?"

她有點生氣:"我好煩咩?"

我:"o下?!.....蝶衣家姐!

蝶衣:"呵,重唔請我入來坐。"

蝶衣是我堂家姐,跟她大概沒見了三,四年。連我也完全認不出她了,想不到自己也有這

樣漂亮的家姐。蝶衣是住在廣州,聽家父說家姐是入讀中國某間強勁的大學學府。她這次

來港是為了shopping。雖然家姐是住在國內,但她不會是大家所想的"大陸化"。她廣東話

比我說得還好,而且言行舉止..一切都很好。

我:"咁你一即係一個人來?"

蝶衣:"係呀,你要帶我去買o野。"

我:"啊..我聽日要去燒o野食..."

蝶衣:"咪帶埋我一齊去。"

我:"嗯,好。你..今晚住酒店呀?"

蝶衣:"唔住啦,我訓呢度。"

我:"喂,果張床係我..."

蝶衣:"你今晚就個廳長啦。"

我:"你...鐘意啦。"

蝶衣:"講真,你真係高o左好多啊~"

我:"呵,都成三四年無見啦~"

三四年沒見原以為會很陌生,結果時間像是流回小時侯,這個感覺很好。給家姐安放好

行李(兩個大袋都是空的,她說是用來放買回來的東西)。談了一會,到播新聞的時間,電話

嚮起...

我:"喂,有咩可以幫到你。"

阿康:"出來食晚飯。"

我:"康?好。不過你無人陪咩?"

阿康:"係呀,屋企人去o左飲。"

我:"哦,好。咁係邊度等?"

阿康:"7點搭3,嚮火車站新出口等啦。"

我:"嗯,一陣順便買聽日Do野。"

阿康:"咁一齊啦。"

我:"哎.."

阿康:"咩事呀?"

我:"無。"(奸)

阿康:"講啦。"(不爽)

我:"你一陣會知。"

收線...
我:"家姐,你介唔意同我個Friend食晚飯?"

蝶衣:"唔呀,我都想識o下你D朋友。"

我:呵,咁我換件衫就出去。"

不知道突然出現了一個很靚的家姐,總想去炫耀一下。如果阿康見到她,會有些什麼反

應?從遠處看過去,阿康已經在等,我一個箭步走上前。

我:"喂。"

阿康:"喂,咦?果個女仔好靚呀!"

我:"o下,邊個啊?"

阿康:"呢,後面。紅色衫。行緊埋來,行緊埋來。"(你好..咸濕)

家姐走了過來,站在我們面前。阿康眼定定看著她。"

阿康:"(小聲)辟邪,你識佢o架?"

我:"咳,我來介紹,我家姐蝶衣。呢位,就係我個死黨,阿康。"

蝶衣笑了笑:"HI~你好。"

阿康:"係,你好。咦,你個名好特別。第一次見面,請多多指教。"

我:"嘿,行啦。"

結果我們一行三人,"無啦啦"出了旺角。看來這棵十月芥菜已經對我家姐動了凡心。

在乘火車途中,阿康不同平日的他,他有少許怕醜。第一見他有這樣的表現我當然要..

玩o下佢。

我:"喂,阿康你依家有無拍拖?"

阿康:"哦,無。梗係無啦。點會有呢。"

我:"咦,咁家姐呢?"

蝶衣:"你幾時變得咁八卦o架。我話比大伯知。"

我:"算,NEXT。阿康,咁你覺得我呢個家姐點?"

阿康:"o下...唔...好,幾好,唔錯,好好。我唔識講..."(他半隻耳仔都紅了)

我:"你隻耳仔好紅啊。"

我家姐看著阿康,笑了出來。阿康騷騷頭,笑了笑。

我:"係呀,阿康,我地去邊度食?"

阿康:"食...自助餐。"

我:"o下?!"

阿康:"嗯,就咁決定!"

我:"(小聲)我唔係帶得好多錢。"

阿康:"放心我有。"(充闊佬)

蝶衣:"細佬,我都有。唔洗擔心,家姐請。"(你一定唔夠我家姐有錢)

我:"唉,富貴人家。啊~家姐你唔係話買o野咩?"

蝶衣:"係啊~我最想買對Boxing boot,重有衫呀,好多o野。"

我:"咁一陣叫阿康帶你去行o下。"

阿康:"嗯,包係我身上啦。"

到了旺角,阿康就帶著我們逛了幾間鞋店。家姐選了一對限定版紅色的Boxing boot(我

第一次知道這些東西有限定版)。價錢:夠我食一個月。之後便出了尖沙咀一間酒店食

buffet,每位價錢:夠我食半個月有多。其間,阿康變身成為一位食家介紹每款食物。重

要遘意大利文同法文,介紹。雖然我完全不懂,但我家姐卻是明白的。而且更用唔知咩

文回應阿康。從他們說話中保留下來的中文生字,我知道他們還是中國人。阿康這一回

可以說是深藏不露,沒想到他不只對食物如此有研究,他更涉獵到歐陸建築風格,更對酒

店的裝潢有一番見解。我家姐似乎對阿康的言論有興趣,結果我只好看著他們你一句我

一句,我沒有說話的餘地。阿康這次出了真正的實(食)力。

之後他又帶了我們到了某間名店,為什麼我知道這間是名店?從價錢牌可見。

阿康:"嗯,呢個款都唔錯,不如去試o下。"

蝶衣:"我都覺得係。"

在一旁的sell士姐姐說:"請呢邊。"

家姐去了試衫,阿康說:"喂,估到你有個咁靚o既家姐。"

我:"我都估唔到你識咁多o野。"

阿康:"失禮晒,你家姐都識好多。"

我:"呵,我堂家姐讀緊X華大學。"

阿康:"咩話?"

我:"唔記得同你講,我家姐係上面落來旅遊同shopping。"

阿康:"o下,咁佢住邊?"

我:"原先住廣州,但要讀書,去o左北京住。"

阿康:"咁,咁佢係唔係要走?"

我:"玩兩三日。"

阿康:"嗚...咁快?"(若有所失)

我:"你..."

阿康:"我..."

蝶衣:"喂,好唔好睇?"

家姐已經換衫走了出來,轉了個圈。

我:"嘩~"

阿康:"嗯,都幾好。"

我:"我覺得...好成熟。"

蝶衣:"幾好呀o麻?"

我:"你自己鐘意啦,我就覺得唔錯。"

賣完件衫,家姐又話要去買條窄身牛仔褲,話要襯對鞋。

我:"重去呀,不如咁。叫阿康同你去買,我要去買聽日燒o野食Do野。"

蝶衣:"嗯,咁你自己去先啦。"(一手拋下我>.< )

阿康:"你去超級市場買o架啦,咁我地買完再打比你。"

我:"ok,你睇住我家姐呀。佢唔識路..."

蝶衣敲了我頭一下:"多事幹。"

看見他們的背影,又真的很像一對情侶。我不禁笑了笑。結果到我買完東西他們還沒

有買完。我一個人拿著四五袋東西,又炭又蒸餾水。站在百佳門口等了他們有二十分鐘,

他們才慢步走來。

我:"啊..好重啊..."

蝶衣:"你做咩咁傻拎住,放嚮地o麻。家姐幫你拎一袋。"

我:"唔該。"

阿康:"來,比do既重我。"(平日你一定理得我死)

我:"Thx。"

蝶衣:"好,番去o羅。"

我:"係呢,你地買唔到o野。"

蝶衣:"嗯,買o左兩條褲。"(洗唔洗咁耐)

阿康:"行o左幾間。"

我:"哦。"

蝶衣:"係呢,聽日燒o野食阿康去唔去o架?"

阿康:"咦,你又去。"

蝶衣:"係啊,歡唔歡迎我先?"

阿康:"嗯嗯嗯嗯嗯嗯。"(6個嗯)

坐火車回到來都10點幾,阿康本來是要在前一個站要下車,結果他就送到我樓下才肯走。

在火車上,阿康又大談時裝'品牌'設計這一類似是深奧的東西。他這次真的是什麼法寶

也出了。家姐對這一類題目又感興趣,對阿康自然加分。

回到家裡,家父家母正在嘆電視,家母一看見家姐,就讚不絕口...

家母:"哎呀,蝶衣家搊姐靚o左咁多。"

蝶衣笑了:"伯娘。大伯。"

家父:"真係女大十八變。"

家母:"你重一碌木企係度缺咩,幫家姐放好d o野。"

我:"哦。"

家父:"順便沖D茶出來。

我:"哦。"

家母:"一陣洗埋D碗佢。來,蝶衣坐低先。"

蝶衣:"唔該伯娘。"

我心心不忿,暗道:"好O野!"

家父說要不回來吃晚飯,結果又剩這麼多碗要洗。洗碗途中,父母跟堂家姐寒暄一番,

那是家中少有的談笑聲。不過,我才是你們親生。可憐我...。寶意打個電話來,她沒有

題及下午的事情,只是說明天再聯絡。聽語氣,她該是在忙事情,而且像有點低落。匆匆

的數句,又掛了線。我自然又是擔心,卻又怕打電話給她。唉...。洗完碗,便聯絡了所有

人一次,確定一下。父母都去了睡,家姐洗完澡便在大廳看書。最後才到我洗澡,浴室內

滿是玫瑰花香,是家姐用的沐浴露。我對香味不抗拒,反而頗喜歡這種香味。

我一面擦乾頭髮,說:"家姐你唔訓,重睇書?"

蝶衣:"嗯,我等個頭乾。"

我:"我同你換o左床單,被單同枕頭套,你隨時可以訓,我訓出面。

蝶衣:"你一直都係咁細心。"

我:"呵。你睇緊咩書?嘩,咁厚,重全部英文。"

蝶衣:"世界名著,孤星淚。"

我:"比我睇一頁都死。"

蝶衣:"我副修文學所以要睇o下。"

我:"Oh~"

蝶衣:"你都要比心機讀書,第二時要養老婆。"

我:"啊,我知道。"

蝶衣:"係呢,做咩聽日要去BBQ?"

我:"阿康生日,頭先果個。所以咪出來玩o下。"

蝶衣:"哦,原來係咁,我都唔知你朋友聽日生日。"

我:唔係聽日,係今日,剛才過o左12點。"

蝶衣:"扣分!"

我:"o下,咩扣分?"

蝶衣:"你咁對女仔唔得o架,知無?要溫柔D。"

我:"呃..。係呢,你覺我阿康點?"

蝶衣:"唔..幾好啊,識好多o野。個人又識 (乙水)人開心。好Nice。"

重有..."

我:"重有咩?"

蝶衣:"重有佢好過你。^^"

我:"偏心=.=。"

蝶衣:"唔講啦,聽日再傾。"

我:"嗯,呵欠~"

忙碌的一天,睡著之前,還是想著寶意。

~完~

[> Subject: Re: 最美的中五(21)上

Author:
火仔 icq:145213421
[ Edit | View ]

Date Posted: 20:44:30 11/23/03 Sun

第21集(上):可以有理由嗎?
................................................................................................................

我:"嗚...邊個一早嘈..。啊,家姐。"

蝶衣:"成八點幾重早。做咩唔開隻窗,焗住晒。"

家姐推開窗子,一陣冷風吹誰來。

我:"(震)好涷...."(拉高被子)

蝶衣:"(雙手插腰)唔準咁懶訓o架,快D起身。"

我:"(我看著她)嘩,家姐你咁涷重著短袖。(還有點零亂)"

蝶衣:"我又唔太覺。喂,唔好拉開話題,起身。"

她一手便奪去我的被子...真無情。

我:"嗚..我要訓,我要訓,我要訓...."

蝶衣:"蝦,成十八歲重好似個細路哥。o拿乖乖地,一陣家姐拉你去食早餐。"

註:這個"拉"字是方言來的,意思是"同"。

我:"唔...我條頸好痛,唔知係'訓禮頸'。"

蝶衣:"可能係涷親D神經線,又訓得唔好,一陣搵暖水敷o下。"

我:"關涷親D神經線事o架咩?"

蝶衣:"係呀。快D擦牙洗面啦。"

我:"呵欠...眼訓。"(半邊身已經走了洗手間)

家父家母一大清早就去了上班。只剩下我兩。記得小時候,暑假一到,我便會到廣

州的二層高的祖屋住上一兩個星期。那時大人都外出了,我兩小淘氣常會關在大屋內

,不許外出。大人說是怕有"手另子佬"會捉小朋友。現在想起來,還不知是真是假。

於是那間大屋便成了我們的遊樂場,跑上走下,亂跳亂撞。相信大家都知道結果,對,

這次是我打破了魚缸,而且滿地是水。我沒有被責罰,因為是家姐替我頂了罪。(大家

千萬不要學,這是妨礙司法公正,大罪!)那時流行體罰,家姐自己替我吃了五記藤條,

而我看見了,卻哭個半死。是家姐反過來安慰我。

就是剛才,又勾起我的回憶。沒想到我們都這麼大了。真的想回味撒嬌的感覺,再

試試被呵護的幸福,可惜現在的年齡不容許了。我該常去記起曾有這樣的一個女孩子

,痛惜過自己,呵護過自己。現在要去面對這過份複雜的社會,以前不珍惜的,現在大概

挽不回來。

帶了家姐去了風月堂吃早餐...

蝶衣:"喂,一陣幾點去?"

我:"o下?約莫5點到。做咩?"

蝶衣:"我想買Do野?"

我:"買咩先?又係衫果D呀?(唔好掛)"

蝶衣:"估錯!不過就算係,你都要帶我去,呵呵~"

我:"(好在)咁去買D咩?"

蝶衣:"唔係阿康生日咩?唔洗去買禮物?"

我:"o下,唔洗掛,咁熟?"

蝶衣:"咁你去唔去?"

我:"去。"

蝶衣:"都唔知你點諗。"

我:"咩點?"

蝶衣:"成個人傻o下傻o下咁。"

我:"唔係,不嬲都係咁。"

蝶衣:"尋日阿康話你平時好多o野講,但係尋日個人就好悶。"

我:"(發惡)佢點會同你咁遘!"

蝶衣:"..你有心事。"

我:"...唔知呢?..食o野啦,一陣去買o野比阿康。"

沒錯,我昨晚確實是悶了一點,不多說話,但我不是有心事。家姐來了,我開心也

來不及,哪有什麼心事。那個阿康又自作聰明說我什麼有事,不過可能我剛才反應又

寶在是大了一點。但自昨天,見到寶意爹D來到學校,情緒就上上落落,但不是因為寶

意的關係,我想。(真複雜=.=)

我只是說了一句阿康喜歡看較深奧的漫畫,家姐又一整個上午逛漫畫店,結果買

了一整套(十八本),說要送給阿康,出手之闊綽...不與置評。

我:"衰人阿康,你唔生日我就唔洗拎餐死。"

蝶衣:"o拿,咁咪有番D朝氣。陪我行多陣。"

我:"咦...又話唔買o野。"

蝶衣:"你平時同女朋友行街有無咁多怨言?"

我:"無o架。"(我都唔知點解?或者無咩機會同寶意行街街。)

蝶衣:"咁咪當的係你女朋友。o拿,訓練開始,行啦!"

我:"唉..."

回到家中,已經是下午二時多了,折騰了一個上午,體力下降了25%。

家姐正在整理戰利品的時候,阿康打電話來...

阿康:"你頭先係唔係出o左去?打去你屋企無人o既?"

我:"係啊~同家姐出o左去行o下街,買o下o野咁囉。做咩?"

阿康:"無重想叫你去食lunch。"

我:"定係想叫我家姐?"

阿康:"殊...細聲。"

我:"呵呵,係呢一陣點。"

阿康:"你五點半到出門口,跟住真接去大尾篤。"

我:"洗唔洗早d,我驚多人無位燒。"

阿康:"唔洗擔心,我去搵爐先。"

我:"咁好死?"

阿康:"呵呵~"

我:"哦,我知啦!"

阿康:"殊...細聲。o拿,咁你就約你果面D人,我就約我果面,到時見。"

我:"Fine,see you."

阿康:"等等,再確定多一次,你家姐去唔去?"

我:"你話如果佢唔去,個BBQ生日party係唔係攪唔成呢?"

阿康:"無o野,收線。(嗚..恐嚇我?!)"

我:"好啦,到時再聯絡。"

司馬超之心..不用多說。與業記,嘉瑤聯絡過,他們都說自己去。我打了電話去找

寶意,結果是沒人在。記得她曾說今天早上有事情,要晚一點才到。到了下午三四時

左右。我沒有什麼事情好做,只是望著窗外發呆。重讀以來,都很少這樣的空閑。有

時間去發呆。家姐說要洗個澡,換過另一件衫才去。她真愛洗澡。

我開始滿腦子都是寶意,突然想起在之前買了一件頸鍊寶意,我拿著它睡覺,結果

就跌了落床下,一直都交不到寶意手上。

於是我便伏在地上,看看床下面有沒有那條頸鍊。

我:"咦,有啦。"

叮噹,叮噹,門鈴嚮起。"

我:"邊個呢?"

我本想起身...

"呯!"

一頭撞了去床板。嘩,好痛。

我趕去應門,一打開門...

我:"咦?盈盈。"(一個漸變陌生的面孔)

盈盈:"喂,好耐無見啦~"

我:"(拉開鐵閘)做咩上o左來o既?入來先。唔洗除鞋啦。"

盈盈:"無呀,行o左陣,有D悶所以咪上o左來,諗住join埋你去燒o野食。"

我:"哦,你要唔要飲Do野。"

盈盈:"我自己得啦。"

我:"嗯,你坐o下,我搵緊o野。"

我拚命把手伸長..還差一點,啊!拿到了。

盈盈突然尖叫:"嘩.."

我家姐也同時尖叫:"嘩.."

我很自然起身,看看發生什麼事。

"呯!"

禍不單行..第二次。又撞了床板。我走出去看過究竟。

盈盈:"辟邪,有個女仔唔著衫走o左出來。"

我看了一眼家姐..對,的確是沒穿衣服。

我:"嘩,家姐...你咁涷淨係嬲住條大毛巾,因住冷親呀。"

蝶衣:"都唔覺。啊,換衫先。"

她轉過頭就進了房間。

我:"啊...其實都無咩...你坐啦。....唔好咁望住我...我會..怕醜。"

盈盈:"我頭先...重以為...咩添。"

我:"唔係...佢係我家姐,堂家姐。"

盈盈:"哦,不過你家姐真係幾靚,都唔似你。"

我:"哈,OK啦~"

可能跟盈盈有一陣沒有見,不知說什麼好。

我:"你..呢排點啊?"

盈盈:"你o既意思係?"

我:"果個男仔...即係同你拍拖果個..點啊?"

盈盈:"阿康佢搵我傾過。"

我:"o下,咁點?"

盈盈:"咪一切都正常。" (可以說是正常嗎?)

我:"咁個男仔對你點?"

盈盈:"無咩o野,都幾好?" (幾好?)

我:"咁佢同子騖邊個好?"(你都問得幾尖銳。)

盈盈:"(猷疑了一會)呀,我同子騖係普通朋友咋。(笑)"

以前你不是這樣說的,我記得....

我:"但係你...."(說話被打斷)

蝶衣:"喂,HEllo,你好~(指著我)我係佢家姐呀,咦?你係唔係佢女朋友呀?"

家姐轉眼間已經換好衣服...

盈盈:"啊~你好。我唔係佢女朋友,係佢...女性朋友,好好果隻。"

蝶衣:"唔洗怕醜,係唔係佢蝦你呢?"

我:"我點會蝦佢呀!(服o左你)"

盈盈:"哈~其寶我真係唔係。因為佢有o左女朋友之後就唔理我地D friend啦。"

蝶衣:"咦,聽係咁講佢女朋友點樣o架?估唔到呢個傻仔..呵呵~"

我:"唉...你地兩個慢慢傾住先。"

盈盈:"你去做咩?"

我:"我入房執o野。(小聲)真係家門不幸。"

她兩就像他鄉遇故知,兩個女人三分之二個墟。想不到她們連對方名都不知已經

可以談得如此投契。盈盈突然來訪,令我有點不知所措。本想跟盈盈好談談(差點忘

了),可惜那個家姐又....。唉,不過見盈盈真的像沒有事,所以我沒有再提起,我相

信阿康比我更能解決她的問題。不開心的,免提!

我已經看了天氣報告,知道今天晚上天氣晴朗。我看天氣報告做什麼?呵~我打找

個機會和寶意單獨相處,然後....

然後就是談談情啦~相信今晚的月亮都會幾圓,再在月光下把這條鍊交到寶意手

上。對白也想好了,單是想想我已經笑了出來。不過,那條鍊看見卻差一點才拿到。

蝶衣:"喂~喂。小笨邪~"

我伏在地上應道:"係~咩事。"

她兩個擠了進來...

盈盈:"你做緊咩呀?"

我:"我...執緊...啊,執到啦。"

終於拿到了,萬事俱備。來吧,寶意!(傻了)

蝶衣:"你訓係度幾個字就係為o左執條鍊?用o野掃出來呀o麻,傻仔。"

我:"唔係呀,我驚整花o左佢。"

蝶衣:"咁緊張,女朋友送o架?"

我:"(剛好相反)你理得我~呵呵~"

盈盈:"你個樣好sweet。"

我:"啊~(扯開話題)我去洗洗佢先。咦?就要出門口o羅。"

在前往大尾篤途中,那個阿康不厭其煩地又撥了數個電話來。

其他人也約好了,唯獨是寶意......

~續~

[> [> Subject: Re: 最美的中五(21)下

Author:
火仔 icq:145213421
[ Edit | View ]

Date Posted: 20:45:50 11/23/03 Sun

第二十一集下:可以有理由嗎?
..........................................................................................................

跟據阿康那個電話,他只說了三個字:"最入面。"我找到了他們。嘉瑤坐了

在爐邊。

我:"搵到你啦。"

阿康:"你早o左。"

我:"咁我去行陣先再來。"

阿康:"遘笑咋。"

盈盈:"喂喂,阿康。"

蝶衣:"今日你生日,重要係搵位,辛苦你啦~"

阿康換了帶磁性的聲音:"唔緊要,你坐下先。"

我:"阿康,子騖未來......"

"Hi~各位靚女。"一個在透爐的男仔說。

蝶衣家姐可能因為他誇張的post,不禁笑了出來。

他一腳踏在爐邊,看似是多餘,或者是一種裝模作樣的表現。不過他樣子也不

錯。

蝶衣:"你係?"

"先容許在下做個自我介紹,小姓李,單名一個傲字。你可以叫我英文名LEO~"

蝶衣:"(不耐煩)哦,幸會。"

李傲:"未請教?"

蝶衣:"你叫我阿衣得啦..."

李傲:"阿姨?唔得。"

蝶衣:"唔係阿姨...係衣服果衣。"

阿康:"好,自我介紹完...大家坐。"

我:"(小聲)當我透明...."

我坐了跟嘉瑤的同一張長椅。嘉瑤坐近了我,把身靠近我...

嘉瑤:"喂~"

我:"喂~你來o左好耐呀?"

嘉瑤:"都唔係。"

我:"業記呢?未來o既。"

嘉瑤:"洗唔洗比個電話佢?"

我:"我之前打過一次,打唔通,以為佢來o左。"

嘉瑤:"哦。個女仔(看著家姐)好靚,佢係..?"

我:"唔記得同你講添,佢係我家姐。佢來探我,要我帶佢來玩。"

嘉瑤:"你兩個都唔似樣。"

我:"哈,堂家姐可能有d唔似樣。"

嘉瑤:"都無聽你講過o既。"

我:"呵呵~"

(係呀,好多人都咁講。)

嘉瑤看著火爐的人說:"(小聲)果個人好煩。"

我:"o下?(小聲)對面透緊爐果個?"

嘉瑤:"佢都透o左成半個鐘。"

我:"唔係掛?"咁耐。(o車,得個樣。)"

蝶衣突然在她身邊出現:"啊~呢位一定係小邪女朋友啦~"

嘉瑤來不及回應。

我連忙答道:"唔係啦,嘉瑤唔洗理佢,成個傻大姐咁。"

嘉瑤只是一笑置之,什麼也沒有說。

蝶衣:"返到去你就知死。啊~買比阿康Do野哩?"

我:"係果個袋到。"

在這裡有六個人,還有四個還沒有到。在我幫忙之下,花了一分鐘多少許,就

已經把爐透著了。阿康收到家姐送他的東西,自然是笑到見牙不見眼。那個李

傲始終沒有跟我正面說過一句說話,一直就纏著我家姐喋喋不休,阿康拉開了他

說了兩句,他便轉移目標向嘉瑤下手,說過不停,而且不時又向逗盈盈談話。我

對他的好感已經所剩無幾。

蝶衣:"我同辟邪坐。"

盈盈:"我要同辟邪家姐坐。"

阿康:"(小聲)傻妹!讓我一次咁多,比我同辟邪家姐坐。"

盈盈:"你坐果邊啦~"

阿康:"唔好啦,咁我坐你側近。"

李傲:"咁我坐呢度。"

李傲坐了在嘉瑤身旁。

嘉瑤:"(小聲)辟邪同我調位,我唔想同佢坐。"

我:"嗯,無所謂。"

當我一起身,李傲便以閃電的速度坐了我原先的位置。

李傲:"咦,你去洗手間呀?我幫你坐住先。"

我:"啊....唔係。"

李傲:"唔係?你開大?果度有廁紙。唔好望,再望我驚你...嘿。"

我是一個忍耐力很強的人,我不想破壞今天這個開心的曰子。我會忍,

放心,不過我很記仇的。我一句話也沒有出,坐了向對面。

盈盈看見便說:"五個人坐埋一齊好迫。不如,男o既坐另一邊,女仔坐呢面。"

盈盈還是這樣善觀人面色。

阿康附和著說:"係囉唔好坐咁迫。"

阿康拉了他過來,而且故意隔開我和他。

蝶衣:'好啦,燒o野食先。"

阿康私低下對我說:喂~辟邪,唔好介意,佢份人係咁,無o野o架。你唔like佢,

下次無佢分。"

我:"無所謂,大家來玩都係想開心,佢份人都Ok呀。"

阿康:"你真係無o野呀?"

我:"唔好望住我啦,放心,我無o野。"

阿康:"咁Ok啦。"

我:"我想問o下,佢係咩人?"

阿康:"哦,佢係我果班,成日同子騖打波,所以都識子騖果班D人囉。"

我:"OH,I see。你幫我家姐穿o野食燒啦。"

阿康:"呢個係理所當然o既事實。"

從大家喜歡坐誰人身邊可以知道,大家對大家的好感有幾多。

那個李傲..太招績啦。跟據我觀察,他不時會"借D椅"攪女仔。有次我重見佢

攪盈盈條bar帶。

到了七八時左右,子騖跟MEKO,就打電話來。沒多久就來到了。業記和寶意不

知道去哪了,打電話又不通。我有點擔心寶意會不會來。

子騖:"喂~阿康,辟邪。"

我看見他們手上的生日蛋糕就知道他們為什麼遲到。

我:"嘩~情侶裝。"

阿康看看嘉瑤,示意我轉移話題:"(小聲)邪!"

MEKO:"邊係呀?咁個色有D似。"

我:"嗯。啊~同你介紹,呢個我家姐。"

蝶衣:"你好,你好~叫我阿衣得啦。"

子騖:"啊~阿康尋晚成日提起你。"

蝶衣:"o下?"

阿康掩著面把頭另轉了。

MEKO:"你好,呢個係子騖,辟邪D死黨,佢地三個好Fiend O架。你叫我MEKO得

啦~"

蝶衣:"嗯,我都有聽佢(即係我)提起。一路坐一路傾啦~"

MEKO:"嗯。"

子騖對我跟阿康說:"係呢~D人來晒未呀?"

我:"唔..重差兩個。"

子騖:"咦?係啵~寶意重未來。我重估話我兩個係最遲添。"

我:"嗯..."

阿康:"我諗佢地好快來,個蛋糕等唔等得?"

子騖:"等得o既。"

阿康:" 咁等埋先切啦。喂,快D幫手食o野,買o左好多。"

子騖同MEKO來到之後,盈盈就變得很少出聲。反而MEKO主動跟她談話,她又只

是說了一兩句話。可能那幫人玩得太過開心,所以盈盈的孤寂,顯得不覺眼。

自從那晚嘉瑤約我出來之後,我對她感覺總是怪的,現在見她玩得如此開心,我

該相信"什麼也沒發生過"這句話。不知道是誰提議要落水玩,他們幾個也就下

了水。我站在岸邊,看著他們,也滿開心的。

嘉瑤走了過來...

嘉瑤:"你好似好悶,唔落去玩o既?"

我:"唔係,我怕濕身。"

在下面玩水的子騖向我們潑水。

嘉瑤:"啊~佢地真係玩得好顛。"

我:"係呀~可能呢排都多O野做,無咩點玩。有機會咪玩番夠本。"

嘉瑤:"嗯。咦,寶意呢?"(她似乎故意這樣問。)

我:"嗯,唔知啊~佢之前話有D事遲D來。"

嘉瑤:"哦..."

我:"係啊,(從袋裡拿出一支涼茶,不慎掉了頸鍊落地)o拿,請你飲。燒o野

食好熱氣,飲o左唔會喉嚨痛同爆暗瘡。呵~"

嘉瑤:"嗯,多謝。你跌o左o野呀。"

我:"咦,係啵。(彎腰拾起)"

嘉瑤看著我手上的頸鍊,若有想思說:"條頸鍊好靚。"

我:"係呀,我諗住送比寶意。"

嘉瑤:"嗯..,我諗寶意一定好鐘意。"

我:"哈,我估都...."

電話嚮....

嘉瑤:"你電話嚮,聽o左先。"

我心想一定是寶意。

我:"喂~"

業記:"喂,辟邪啊?"(很急)

我:"係呀,你做咩呀,又唔開電話。"

業記:"大件事啊!"

我:"o下?咩事?"

業記:"你地係邊?我係巴士站。"

我:"哦,你一路行入來最入,亭果度。"

業記:'嗯!"

嘉瑤:"無咩事o麻?"

我:"哦,無。係業記,又唔講咩事。佢行緊入來。"

不消一會,他就氣來氣喘跑過來。

業記搭著我的膊頭:"嗄.嗄嗄...嗄..嗄.."

我:"你無o野呀?抖順條氣先。慢慢,唔好急。

業記:"嗄..寶意,我見到...寶意嚮..咳..."

我:"咩事呀?寶意點?"

電話又嚮....

我:"我聽o左電話先,喂~"

寶意:"小邪。"

我:"寶意,你係邊?"

寶意:"我係出面巴士站。"

我:"我出來接你。"

寶意:"喂~"

我:"係~"

寶意:"唔..都係無o野。"

我:"咁我出來,好快,你等等。"

我:"我出去接寶意,業記,你抖下先。"

業記:"嗄...."(唔理我!)

業記這樣急跑來,我還以為寶意出了事。

太興奮啦,又可以見到寶意,我走快了兩步,希望可以早一些見到寶意。

在遠處我就看到寶意,她今次穿得很漂亮,而且還化了一個很美的淡妝。

殺死人!

我:"喂,寶意~"

寶意:"小邪。"

我:"你今晚好靚呀。"

寶意:"嗯。對唔住,我遲o左。"

我:"唔緊要啦~佢地去晒入面。"

寶意:"嗯。"

寶意今晚似乎有些心事,她說的每個字都拉長,而且有點重。

我:"啊,今晚個月光好靚。"

寶意:"係啊~好靚。"

我:"我帶你去睇DO野。"(順勢拉著寶意,成功^^)

寶意:"o下?"

大尾篤之上有一個水壩,那兒很空曠,今天晚上沒有雲,而且月光又美。在水壩

上看夜景,會很舒服。沿行車路一直上會有個直昇機停機坪,再走入少許便是。

寶意:'嘩~好靚~"

我:"嘻嘻,係啊~"

寶意:"我好耐無見過咁大個天空。"

我:"嗯,呢度無樓摭住,又無樹。我幫你拎個袋,扶你上去坐。"

寶意:"嗯..唔該。"

我:"呢個view好正,所以我一定要帶你來。"

我跟寶意背對背坐著。

我:"你睇個月光照落去水塘到幾靚。"

寶意:"嗯,好靚...不過唔係成日見到。"

我:"嗯.."

就這樣我們背對背,安靜地看著同一個風景。很平靜..

過了一會...

我:"寶意,我送樣o野比你。"

寶意:"嗯?......呢條鍊.."

我:"呢條鍊做咩?你唔鐘意。"

寶意:"呢條鍊....係嘉瑤好鐘意。"

我:"o下?"

寶意:"佢果日同我行街...係個舖頭到睇o左好耐...。"

我:"咁唔緊要啦...."(我連忙把它放在褲袋裡)

心碎了一角。

我:"啊~係呢,業記話你有事,我見你今晚好似唔係好開心..."

寶意遲疑了一會:"嗯..我..有Do野想同你講。"

我:"o下...?你講啦,我會好留心聽,呵~"

寶意轉了身過來,看著我,又低下頭,良久才道出:"我..要走。"

我:"你...係唔係唔舒服?我送你番屋企。"

寶意:"唔係(她聲音又沙啞起來),係..."

我:"你唔好喊住。"

她反而哭得更厲害。

寶意:"我下個星期要去日本。"

我:"你...去日本旅行?"

寶意拭去眼淚,搖搖頭:"係去好耐..唔知幾時番。"

我低下頭,沉默了下來。我還以為...一切都很好。

寶意:"..不如我地好似..以前咁,做番..普通同學。"

我看著寶意:"我可唔可以講..唔好。"

寶意:"對唔住.."

我:"對唔住..你可唔可以唔同我講對唔住。"

寶意:"我..我唔想你係我走o左之後唔開心。"

我:"所以要做番普通同學?"

寶意:"我...唔想咁自私。"

我搖搖頭,說:"你..太好,所有都係最好。"

寶意:"我一早就唔應該...."

我:"可唔可以問點解..。"

寶意訴說著我未可以接受到的...理由。

寶意父親早前來學校是替寶意退學,寶意其實一早便知道要走,那是因為她

父親從小便希望她加入娛樂圈。她今天是參加亞洲區新透的選拔賽,她如果

勝出便會到日本的藝能訓練學校受訓。大家可能以為她只要故意輸掉便沒有

事。但即使她輸了,她父親也一樣會送她到日本。她父親本身是音樂人,有一

定影響力,評判可以說會給幾分面子他。她勝出了,可以免費受訓之餘,更可以

有兩份合約。寶意很愛她父親,不想逆她父親的意思。她每個星期六,日也要

去練習。她一真都想告訴我,但話說不到一個字,就再說不出來。她有好幾次

想離開我。在火車月台的那一次,當我問她可不可以不再走,難怪她哭得更要

厲害。那何必當初?她到了不可以再拖的地步,才狠下心對我說出.寶意很喜歡

唱歌,而且唱得很好聽,她拿了個亞軍。突如其來,翻天覆地,事與願違,我可以

給一個什麼回應?業記是在電視上看到寶意在下午的錄影。他看完了才急急地

走來告訴我。寶意本來今晚沒可能來到,是她在比賽後苦苦哀求她父親讓她

來,她趕到來了,但我希望她不要來,不要告訴我。我想像不到寶意的心有多痛

,因為我不知道自己的心情有多難受,對我來說,太多了。

~完~

[> Subject: 個故仔幾好睇bor~~
Author: @o@ [ Edit \| View ]	Date Posted: 01:18:43 11/24/03 Mon 掂丫~ 依篇應該係我第一篇會追既愛情小說丫~ 唔知幾時會出下集呢~?

[> [> Subject: Re: 個故仔幾好睇bor~~
Author: next [ Edit \| View ]	Date Posted: 20:29:30 11/24/03 Mon >掂丫~ >依篇應該係我第一篇會追既愛情小說丫~ When will have 下集?

[> Subject: Re: 最美的中五(6-8)
Author: Good [ Edit \| View ]	Date Posted: 21:15:51 11/24/03 Mon 13集個度係咪冇左一d.......(好似怪怪地)

[> [> Subject: Re: 最美的中五(6-8)
Author: good [ Edit \| View ]	Date Posted: 22:45:44 11/24/03 Mon good 但係點解叫最美,結局未呀??

[> [> [> Subject: Re: 最美的中五(6-8)
Author: aaa [ Edit \| View ]	Date Posted: 15:32:19 11/27/03 Thu >good 但係點解叫最美,結局未呀?? 推~ XDDDDD

[> Subject: Re: 最美的中五(6-8)
Author: 無聊 [ Edit \| View ]	Date Posted: 00:30:06 11/29/03 Sat 無聊