| Subject: 足總盃冠軍??!! 4 MAY 2002 |
Author:
steve
|
[
Next Thread |
Previous Thread |
Next Message |
Previous Message
]
Date Posted: 03:07:04 05/04/02 Sat
今年足總盃戰至此時此刻,
無論係雲加,雲尼亞里,
都唔會想將冠軍寶塵拱手讓人,
所以這場比賽不存在甚陰謀論,
優者勝,劣者敗.
當然我希望阿仙奴是優者,
因為若能奪得足總盃冠軍,
就可以繼續向雙料冠軍邁進,
亦能重溫98年的風光,
亦要令傳媒們自打嘴巴,
因為在傳媒眼中,
阿仙奴一向都唔係最強,
但如果我地有獎盃作證,
到時佢地必然轉晒口風
阿仙奴球迷諗起都心涼.
賽前就像是一個預兆一般,
阿仙奴迷被抽中在幸運看台睇波,
球員被抽中在幸運更衣室更衣,
種種既預兆似在告訴大家阿仙奴要奪冠了,
大家都期待這一刻的來臨.
主席甸恩,領隊雲加,所有職球員,球迷甲,球迷乙,
對這個失落幾年的冠軍都抱絕大的信心,
而阿仙奴有份落場的球員自然希望成就球迷的期望,
在卡迪夫千禧球場揚名立萬.
施文,阿當斯,基昂,迪臣處退休之齡,
所以如果今年能奪冠,
佢地將能夠在光榮的一剎那退下,
而奪冠亦新星,新球員如高爾,伊度,胡禮有很大的鼓舞.
當然賽前令雲加感頭痛的,
是應該派甚麼球員落場,
個個都咁好,個個都咁有狀態,個個都有好感情,
但名額只有十六個,
邊個要正選,邊個踢後備?
當然要加大名額是冇可能的,
如雲加所說,
他們派出最有可能最得冠軍的十一人落場,
冇得上陣既球員不用氣餒,
因為若然奪冠,
球迷不會忘記你們都曾經努力過.
受傷中的雲邦賀斯,皮利斯,厄遜,
肯定冇得出場的泰萊,
所有所有都為阿仙奴付出良多,
所以奪冠是一整隊的,
大家上下一心,互相鼓勵,
將兵工廠的名字帶到世界有足球的國家.
施文今場波會被雲加倚重,
這次足總盃決賽有可能是他個人最後一次,
所以佢會係好希望球隊奪冠,
為自己帶來一個美好的回憶.
施文今屆決陣的三十一場波,
好多時見佢抱住他的囡囡觀看比賽,
佢要在囡囡面前表現出威風八面,
高舉獎盃的光榮境況呢!
羅倫繼續擔任右後防,
佢今天將面對對手的辛頓,
辛頓狀態一直不能上揚,
所以羅倫預計可佔盡優勢,
但當然不能掉以輕心.
阿當斯基昂有可能會繼續夾擋,
當然佢兩個都俾到球迷好好的信心.
即使事但一個要退居後備而讓位俾蘇欲6,
對後防線亦冇影響,
近十一場比賽只失三球,
呢個成績真係令人驕傲,
但當然陣中後防球員都係有經驗球員,
自然不會因表現好而自大.
對手哈索賓基趕及復出,
阿當斯,基昂甚至蘇金保出場都要打醒精神.
高爾面對干查,
對手轉數甚快,
當然高爾亦係一個好快速既守衛,
只要演出水準都應該唔會出現太蝦碌既鏡頭.
右中場會係韋托特,
上場佢有波入,
狀態係咪番黎我不敢肯定,
但佢一直係有鬥心既球員,
今場面對脾氣暴燥的飯索斯,
話唔定憑佢既腳法惹到拿索斯出埋場添.
韋拉伊度如無意外會繼續拍擋,
當然不論是伊度還是柏奴亞都表現不俗.
但其實伊度最近狀態稍稍回落,
所以雲加都可以諗下柏奴亞是否可以代他披甲.
當然柏奴亞千萬別拎手信,
近幾場佢都冇食牌,
希望如果佢有機落場都唔會突然發作.
而韋拉與比堤將正面交鋒,
當然今時今日,
比堤實力已不及韋拉了,
始終十年人事幾翻身,
韋拉也想不到比堤跌watt跌得咁快吧.
鴻運當頭的龍格堡繼續踢左中場,
但當然亨利常在左邊出波,
龍格堡正可搵位做番個攝石人既本色.
佢同柏金最近成日眉來眼去,
但今日要突破都唔係咁易,
因為對手泰利都係好快速既守衛,
加埋閱讀球場能力甚高的迪西里,
相信我們都要努力鑽營才能打破悶局.
柏金最近繼續擔任出色的二傳手,
佢既直線傳球實在準確,今日有韋托特,亨利及龍格堡三個入鍥目標,
佢既直線傳球相信又可繼續發揮.
亨利最近都唔係咁順腳風,
但上場佢休息,
今場體力自然較好,
而且以佢既速度,
體力好既話一定跑得更快.
但對手米茲洛甚至泰利都有好好既追截速度,
亨利的腳法又要再次發揮了.
車路士呢隊波應付盃賽有一定的能力,
所以阿仙奴都要小心應付.
特別是古莊臣有唔錯既腳法,
加埋比堤既長傳及干查的擾攘都會有一定既威脅.
當然阿仙奴始終實力,信心都較好,
今場波仍值得看高一線.
陣容預測:
阿仙奴:
亨利 柏金
龍格堡 伊度 韋拉 韋托特
高爾 阿當斯 基昂 羅倫
施文
後備:迪臣 蘇金保 簡奴 謝菲斯(柏奴亞)
車路士:
哈索賓基 古莊臣
辛頓 比堤 林柏特 干查
拿索斯 迪西里 泰利 米茲洛
古迪仙尼
後備:迪高爾 加拿斯 達拉保拿 史坦歷 蘇拿
估計阿仙奴以2-1勝出
[
Next Thread |
Previous Thread |
Next Message |
Previous Message
]
| |
Feedback: 