| Subject: 皇者之戰 08 MAY 2002 vs Man Utd |
Author:
steve
|
[
Next Thread |
Previous Thread |
Next Message |
Previous Message
]
Date Posted: 11:43:22 05/08/02 Wed
一季英超三十八場,
其中有兩場阿仙奴對曼聯,
每有對碰,
必然地大肆報導.
今天阿仙奴打破慣例,
在這天的作客比賽被看好至少奪一分奪標,
可見阿仙奴在此時此刻實在予人信心.
究竟今日阿仙奴作客曼聯會否來一個火燒奧脫福呢?
其實呢個可能性出現既機會都唔算係冇,
因為在這場比賽,
壓力確係在曼聯的一方,
因為只要他們今日不能攻破我們最近築成的鋼鐵後防,
今天佢地就會甚麼也得不到了,
所以佢地既壓力應該比我們更大.
而且曼聯有一個弊病是在強攻時,
後防往往比 以 往有更多的空位,
這樣便造成阿仙奴有機火燒奧脫福的機會了.
當然阿仙奴採取既會先行既穩守突擊,
而唔會刻意搶攻,
如果我們可以憑韋拉,柏奴亞取得中場優勢,
相信未戰已經強弱勝負已判.
對手今天有華朗缺陣,
曼聯用畢特與堅尼扼守中場既中路,
正好是柏奴亞與畢特的正面交鋒.
但柏奴亞狀態大勇,
只要如過去三場般唔食牌,
表現有望更好.
韋拉一向是世界級中場,
近來又俾人惡意中傷,
話佢會離隊,
至於這種傳言既真假,
大家都應該有適當既判斷能力,
是誰發放這個消息.
當然韋拉清者自清,
表現豈會受此影響?
反而會更加落力,
演出身價,
令惡意中傷既傳媒閉嘴.
龍格堡近況大勇,
再次成為阿仙奴取分既熱門人物,
今日如果佢再有入球,
肯定繼續受傳媒抬舉了.
施文復出後,
一直係贏波既功臣,
他屢次的精彩演出,
除左為佢帶來一個入國家隊既機會,
更再次被稱讚為寶刀美老,
對一個曾飽受批評的人來說,
真的是很大的鼓舞.
今日面對死敵,
更加有當年對他射入網頂波的傑斯,
是報仇的好機會.
當然報仇既方法唔係要施文入波,
而係唔失波!
羅倫看管傑斯本來可能存在一定問,
但傑斯態沉,
令體力好既羅倫不見劣跡,
而且羅倫近來防守意識又再改善,
面對傑斯,
只要步步緊貼便可安枕了.
蘇金保,阿當斯,
繼足總盃後繼續拍擋,
佢地二人今屆時有傷患,
但每逢出場都有演出保證,
我認為英格蘭國家隊因阿當斯退休真係失色不少.
近來佢領導後防指揮若定,
令球隊的後防回穩,
有回昔日的感覺,
阿當斯實在見證了阿仙奴的一切.
高爾面對史高斯,
在速度上稍勝,
高爾今天應該將佢進攻與防守既時間稍為調整.
過去佢有六成時間防1,
四成時間進攻,
今天大可用七至八成防守,
二至三成時間進攻,
這會令後防人手更加充足,
因為始終對手鬥心強,
而且他的邊衛施維斯達一直有上佳演出,
高爾適合在後場逗番住防守上的盲眼位,
咁防線就更加是固若金湯.
柏奴亞打右邊,
一方便希望佢多做駁腳,
另一方面是阻擋施維斯達既後上.
一直強調柏奴亞是一個好體力既球員,
今天自然是大派用場.
速度上不輸蝕予施維斯達,
而且今天施維斯達又要顧助攻,
又要顧慮防守,
但施維斯達始終喜愛進攻,
即使話唔上,
最後都會受不住誘惑,
這點對阿仙奴的快速反擊是有一定的著數了.
韋拉伊度同是用波之人,
反觀對手的畢特往往只能做破壞既工作,
無疑伊度是稍為會有突破既一位.
但今天球隊希望睇到既唔係有d乜野世界級既腳法,
而係希望演出穩定,
幫球隊搶到個勢,
伊度實在雖然多做一些以往皮利斯放開既直線了.
佢本身傳送技巧是唔錯的,
但近來受狀態的影響,
成日都斷攬,
今天復甦與否對佢個人既前途都會有所影響.
因為現在聯賽只餘兩場,
如果伊度表現持續低沉,
而雲加真的決心再買中場,
伊度下季隨時被迫繼續打後備.
龍格堡最令對方頭痛的,
是根本唔知佢打既係乜野位,
排出黎佢係打左中場,
所以mark佢既照計係右後防,
但佢成日都不在左路,
反而將成條左路既進攻線俾左高爾,
而龍格堡就往往走圍走,
對手既後防有極多既走漏機會,
所以佢既入鍥往往能擺脫對手.
今天龍格仕再有著數,
因為曼聯的右後防是艾雲,
這名老將又要上去助攻,
但可怕的是上左去落唔番黎,
因為體力的問題,
今天有高爾及龍格堡不斷在佢身邊快放,
看來老人家又要體力用盡情況下2換出了.
柏金上場被人嚴密的看緊,
自己亦無法扣關成功,
但這樣起碼令佢唔駛鋒芒太露,
有利默默耕耘.
對手既球員只要放鬆一球,
代價便是即付的了,
何況對手是容易受傷而且常有錯漏的布朗.
其實我一直話佢潛質好好,
但往往是其他球員累死佢,
如果佢有一個如史譚般的拍擋,
對佢個人既成長肯定有幫助.
韋托特還是亨利?
其實直至而家,
都仲有少少覺得亨利受傷係一個煙幕,
但既然連阿仙奴亞洲都話佢會倦勤,
姑且信住先.
不過韋托特最近演出順利,
雖然唔係場場有波入,
但同龍格堡一樣,
通場走,
時右時左時禁區,
今天如無意外佢對住既係拍擋白蘭斯,
白蘭斯的體力又受到嚴峻的考驗了.
今晚阿仙奴在比賽初段,
應該先不要急,
等曼聯去急,
因為如果4!野心太大,
1落後時更加無法面對,
所一開始應以慢打快,
得到中場者咪有著數.
即使中場不幸俾曼聯控制,
我們仍有穩健的後防及努力防守的中場球員,
所以在陣型的變化會以阿仙奴較大.
當然雲加比任何人熟悉阿仙奴既踢法戰術,
佢既決定會影響今晚阿仙奴既一切.
而如果進入中段,
我們的勢仍然不錯,
就可以將眼光放遠少少,
多點參與進攻,
若能成功攻入一球,
這場比賽可能已經可以決定聯賽冠軍得主誰屬了.
估計陣容:
阿仙奴:
韋托特 柏金
龍格堡 伊度 韋拉 柏奴亞
高爾 阿當斯 蘇欲6 羅倫
施文
後備:胡禮 迪臣 基昂 簡奴 謝菲斯
曼聯:
蘇斯克查 雲尼斯達羅
傑斯 畢特 堅尼 史高斯
施維斯達 布朗 白蘭斯 艾雲
巴夫斯
後備:卡奴爾 菲臘尼維利 科東尼 查域克 科蘭
估計阿仙奴以1-1賽和曼聯,
奪得聯賽冠軍
[
Next Thread |
Previous Thread |
Next Message |
Previous Message
]
| |
Feedback: 