| Subject: 贏得精彩,輸得核突 08 MAY 2002 vs Man Utd |
Author:
steve
|
[
Next Thread |
Previous Thread |
Next Message |
Previous Message
]
Date Posted: 23:23:19 05/08/02 Wed
這一個topic其實係ashley叫我寫,
點樣先可以唔好變成惡意中傷曼聯而又唔好太驕傲地讚揚阿仙奴呢?
等我苟筆試試.
先講輸得核突,
其實昨晚曼聯有兩點真係輸得頗為核突.
上半場其實發展過程係可以預料,
因為阿仙奴一定希望先求穩守,
唔好出錯,
而曼聯初段其實都顯得好有鬥心,
希望以快打慢,
但出奇地佢地竟然完全做唔出一次精彩既攻勢,
以往的曼聯甚少會出現這個情況.
昨晚佢地高波又唔得,
地波又唔掂,
令阿仙奴在防守上變得十分輕易.
而在下半場,
隨著時間都消逝,
佢地既球員顯得愈來愈急,
阿仙奴更在此時憑韋托特先入球.
此時曼聯急於希望板平,
但卻有心無力,
反而令阿仙奴可以將個波左猜右猜.
阿仙奴昨晚既控球力實在好好,
成個既猜波過程,
曼聯球員根本波皮也不能觸及.
阿仙奴既做法有兩個好處,
因為猜波的確可以合法地浪費好多時間,
而更好的,
是能夠進一步地打擊曼聯的信心,
消弭佢杜既戰意.
昨晚曼聯做得出靚既攻勢只有一次,
可惜布朗又唔係擅攻球員,
最後曼聯可說是全無威脅地終結比賽.
而另一樣輸得核突舷,
是出奇地曼聯竟踢起茅波.
一直以客觀角度睇,
佢地陣中只有畢特及堅尼有時會比較過火,
但昨晚曼聯的球顯得沉唔住氣,
一次有一次對阿仙奴球員作出愚者才會做既攔截.
若非昨晚球證的不濟,
史高斯理應被逐離場.
而唔止史高斯,
菲臘仔的攔截其實都好難睇
但姑念佢都係想去波,
球證出示黃牌可能是合理的.
亦都真係要讚阿仙奴球員控制情緒既能力,
雖都有幾次被曼聯球員侵犯後覺得好嬲,
但之後亦沒有作任何報復性既行為,
特別是基昂,柏奴亞平時比較惹火既球員,
雲加在此方法想必曾下苦功吧.
不過,
都係果句,
曼聯在奧脫福既呢場波真的是輸得核突,
在佔盡劣勢下輸波,
亦都係合理既戰果.
贏得精彩可以寫番好多對阿仙奴比較正面既野.
在半場時我講過,
上半場球員唔算超水準,
韋托特,簡奴控球時間更加係好少好少,
但我當時話佢地係踢出部署,
因為半場唔失波,
下半場機會便黎了.
果然到下半場,
阿仙奴更步步進迫,
先將波猜過半場,
根本嘗試入禁區,
柏奴1亞嘗試傳中,
到下半場十分鐘,
終於憑龍格堡一次機緣巧合,
撞下撞下將波燙射遠柱,
門將救出不遠,
韋托特乖巧地射入.
阿仙奴入左呢球,
愈來愈順,
講既唔係攻勢一浪接一浪,
而係個控球權,
曼聯球員的左撲右撲,
都不能奪回控球權,
令佢地多次沉唔住氣地犯規.
特別要鬧既係現今受高度評價的雲尼斯達羅,
冇波在腳下去打龍格堡,
其實唔可以叫打,
係撞一撞,
球證當時係睇到過程既發生,
因為鏡頭曾捕捉佢係望住雲斯達羅的,
但不濟球證再一次沒對雲尼斯達羅的行為作任何處罰.
其實佢先前已經有一次插水,
但球證既執法尺度係唔會俾牌插水球員,
既然佢有呢個執法尺度,
呢一個又唔見球證有甚麼問題,
只顯出雲斯達羅的人格.
下半場簡奴有幾下波都好得意,
乎是沒有人可以做得到的動作佢都做到,
何輝更謂簡奴好鍾意熱鬧,
面對愈多人,
更能俾到波,
呢一點真係比其他足球員稍為不同.
韋托特其實全晚的好努力,
作為前鋒的他昨晚都安份,
而因為冇左控球力高的柏金與亨利,
韋托特施故技,
多作撮要,
雖然效果比不上亨利,
但都有努力過.
施文全晚既接波都係送既,
對手實在沒有威脅俾到佢,
所以施文昨晚只有睇波慶祝的份兒,
對球迷來說,
這個可會是好事.
羅倫面對的似是仔斯,
又似是施維斯達,
因為昨晚傑斯不只在左路,
更成日在中路及右路,
奈何佢狀態唔好,
去到邊都插翅難飛.
羅倫面對傑斯還是施維斯達,
都應付自如,
沒有問題.
蘇金保基昂昨晚面對曼聯寥落既攻勢,
亦都沒有問題,
雖然史高斯,堅尼甚至是雲尼斯達羅多次挑釁,
基昂都冇踢番佢地,
基昂昨晚的演出雖不至於話好好,
但勝在穩定.
蘇金保更加做到指揮後防的工作,
好多波都係由佢包,
所以儘管蘇斯克查及科蘭如何努力都係徒然.
高爾昨天有良好演出,
傑斯,華朗,菲臘仔都冇佢乎,
反而佢仲有機會推至曼聯禁區,
與龍格堡作簡單配合施射,
可惜將波食死.
柏奴亞昨晚真的是攻守都有.
雖然攻既質素唔好,
但勝在可與隊友駁腳配合,
而且昨晚佢有幾次既傳中,
質素亦比 以 往 好,
可惜無人搶點.
在守上,
好多時都會退後與羅倫互助,
令曼聯左左路根本做唔到野.
韋拉伊度上半場其實已經打得唔錯,
特別是二人都曾被粗野攔截,
而仍然奮力抵抗.
到下半場,
亦只係幫助球隊猜下波,
分左分右,
所以佢地兩個既配合昨天亦都唔錯.
龍格堡雖然冇波入,
但所入的一個入球亦係佢努力得來的成果,
白蘭斯mark佢唔住,
俾佢入到禁區,
巴夫斯本已投降,
但個波個位唔算太盡,
僅僅救出,
韋托特執雞亦令巴夫斯束手無策.
簡奴昨天表現普通,
沒有突破.
不過在下半場幾次特別既動作至今仍記得清楚.
不過佢咁既表現真係未夠,
唔知佢幾時可以番到最好狀態.
韋托特上半場沒有輸送,
掂波少屬正常,
而昨嶜缺少亨利柏金,
佢多左帶波上腳亦是無可厚非.
在執雞的一球,
亦顯示佢跟上比賽,
最終協助球隊取得全場一個入球,
令在奧脫福睇波既阿仙奴球迷笑逐顏開.
迪臣入場,
掂波次數不多,
不作評論.
昨晚阿仙奴打出漂亮一仗,
沒有上季大敗之影響,
而球員打出部署,
上下一心,
令阿仙奴再次成為雙料冠軍,
作為阿仙奴的主席,領隊,職球員及球迷,
都感到十分興奮.
今年英格蘭超級足球聯賽比 以 往 更 加精彩,
阿仙奴實在功不可沒,
亦再一次在此恭喜阿仙奴再次成為雙料冠軍,
更期待下一屆保持精彩演出.
[
Next Thread |
Previous Thread |
Next Message |
Previous Message
]
| |
Feedback: 