Author:
7c Cyrus
[ Edit | View ]
|
Date Posted: 10:26:33 06/06/03 Fri
我地呢排聯絡左好多間酒店, 全九龍既酒店都比我地聯絡得7788, 原因就係因為前o個排a班話$400太貴, 我地要重新去搵間價錢平d既酒店, 等我地可以減低個成本,我地每搵一間, 就計一次成條數,目的係想minimize個費用,等大家唔使比得咁吃力,而家我地左減右減,減到$330,每人減左$70,加加埋埋就成5千幾蚊!我地重覆計左好多次先至可以做到呢個價錢,事實上成個function既財政都好緊拙,我地都好想收多少少等財政方面可以鬆動d,唔好話收$400,收$350我地都已經好做好多!我地而家收$330,的確係冇鬆動既資金,wolf同學知唔知道我地計條數計得幾辛苦,辛苦唔係因為成日要對住部計數機,而係因為要左度右度,將條數減到最低,仲要承受埋"負資產"既風險,如果wolf同學咩都唔知但又話唔信我地財政緊拙,咁我地仲可以講咩?!
$100係用黎請老師一齊食一餐,當然,一餐飯又點能夠報答老師之恩呢?謝師宴既目的只係希望師生一齊開開心心食餐飯,當係一份心意,亦係一個回憶,如果wolf同學你認為呢個只係個slogan而否定謝師宴既意義,咁我地唔需要再傾,謝師宴方面我地根本冇討論既餘地,就當我地對你唔住,之前阻你咁多寶貴既時間!!
羅同學,正如7A monitor所講,揀26/6係因為酒店o個邊27/6冇期,我地都唔想,我地都知對你唔fair,令到你黎唔到,不過其實揀27/6都有同學唔得閒黎,咁咪又係對佢地唔fair!100個人裡面我地真係好難就到一日係全部人都得閒,同時,仲要考慮埋酒店比我地既期,希望你明白我地既苦處,對於揀左26/6令你黎唔到,抱歉!!
最後,好多謝o個幾位唔去grad din但都肯付出$100黎支持呢個謝師宴既同學,為我地免卻好多麻煩,感激不盡!
|