VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Main index ] [ Post a new message ] [ Search | Check update time | Archives: [1] ]

[ Next Thread | Previous Thread | Next Message | Previous Message ]

Date Posted: 14:02:57 02/19/02 Tue
Author: Nijat("Teklimakan"din elindi)
Subject: Insanning Kulpetlik Teqdiri Nadanliqtin Tughulidu

Eskertish: Bu maqale esli "www.makanim.com" da chaplanghan.

Insanning kulpetlik teqdiri
nadanliqtin tughulidu.Mushu menidin eytqanda,herqandaq xelqning nadanliqtin
qutulmay turup,kulpetlik teqdirini ozgertelishi mumkin emes.

Tarixning sitirelkisi 21-esirni korsutup turuptu.
Shubhisizki,21-esirde insaniyetning oz mewjutliqini saqlap qelish we rawaj
tepish uchun elip bardighan kureshliri tehimu dehshetlik we tehimu rehimsiz
bolidu. Korgen-bilginimiz az bolsimu, eniq hes qilip yettuqki, yer sharidiki
turluk irqlar,doletler we milletler 2-esirning bosughisida turup, kelechigi
ustide texirsizlik bilen izdenmekte. Ularning bu heqtiki suren-shawqunliri
quliqimizgha anglinip turuptu.

Shundaq,xelqler we milletlerning oz teqdiri ustide
oylinishi,ozlirining qalaq,namrat we ajiz ehwalini ozgertishning kuyida
bolushi,yashashqa we tereqqiyatqa intilishi gunah emes,eksiche izdinish we
riqabet bilen tolghan bu dunyaning hayatliq qanuniyetlirige uyghun. Mushu
menidin,yeqinqi zaman tariximizgha nezer salsaq,bu hil intilishning biz uchun
izchil gunah bolup kelgenlikini korimiz. eksiyetchil hokumranlarning nadanliqta
qaldurush siyasiti we put-qolimizni boghup qoyghanliqi tupeyli, teqdirimiz tuz
suyidek achchiq bolup keldi.

"Menggu Tash"lar neme meqsette tikilgen? "Turkiy Tillar Diwani"
neme meqsette yezilghan? "Qutadghubilik"chu?

Biz nadanliqimiz tupeyli,ming yillardin beri mana mushundaq
alemshumul engushterlirimizning mahiyiti bilen tonushush bextige muyesser
bolalmiduq. Talay shir yurek erkeklirimiz bilen ot yurek mutepekkurlirimizning
yalqun kebi istekliri tarixning bipayan etikide qum boran'gha komulup qeliwerdi.
Biz bolsaq yol belgisi yoq yollarda,eghiz-burnimizni qan qilip kitiwerduq.
Kormigen kunimiz qalmidi. Qanlirimiz sudek aqti. Songeklirimiz taghdek dowilendi.
Beg bolidighan oghullirimiz qul boldi. Xanish bolidighan qizlirimiz dedek boldi.

Bir zamanlarda,Asiya quruqluqning bipayan baghrida
arghimaqlirining tuyaqliridin ot chachritip, seyyarilerdek erkin we bimalal
yashap otken, shundaqla kozni qamaxturdighan medeniyet mojizlirini
yaritip,turkum-turkum meripet yultuzlirini chaqnitip,medeniyet asminni bizigen
bu helq,"Yipek yoli"ning cholderishi bilen teng koturulgen esebiy
ishanchiliq,diniy xurapatliq,mute'essip nadanliq,demkote-qulchiliq,tugimes hem
erzimes tebriqchiliq,shundaqla zulum-zalalet quyunliri ichide qara teqdirning
quchiqigha yiqildi. Shuning bilen mustehkem milliy igilik teltokus gumran bolup,
meripet munarliri ghulap cushup,putkul tarim wadisi zulmet ichige gherq bolup
ketti,tengritagh ana gheplet uyqisigha patti,dolqunluq ili deryasi un-tunsiz
aqidighan bolup qaldi......

19-esirning axiri we 20-esirning bashlirigha kelgende,eytawur
bashqa ellerde yangrighan meripet qongghuriqining sadasidinmu yaki oz
qerindashlirining dehshetlik xorek awazidinmu bezi eqli-hushi we iman-etiqadi
sezgur kishiler baldur oyghunup,xelqning haligha qarap chochup ketti. Shuning
bilen atush,ili,qeshqer,kucha,turpan wadilirida,Bahawudunbay,Husenbay,Abduqadir
damolla,Qutluq shewqi,Tashaxunum,Mexsut muhiti,Hamut haji qatarliq
milletperwer,meripetperwer yol bashlighuchillirimiz xelqni kulpettin
qutuldurushning yolliri ustide izdinip,yengi mektep ma'aripini yolgha qoyushqa
tutush qildi.

Mektep xasiyetlik koldurma. U ozining yangraq awazi bilen
gheplet uyqisigha gherq bolghanlarni chochutup oyghutidu.

Mektep nurane mesh'el. U zulmet ichide tinep-temtirep
yurgenlerge parlaq menzilni ayan qilidu.



"Memtili ependi" namliq eserdin elindi.

[ Next Thread | Previous Thread | Next Message | Previous Message ]
Forum timezone: GMT+6
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.