VoyForums: 小珊子的安樂窩

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Main index ] [ Post a new message ] [ Search | Check update time | Archives: 1, 2, 3, [4] ]

新年快樂~~
長洲Camp照片(Last updated 9/1/06)

Subject: 我也有那個需要 by Sammi .........好聽!

Author:
小珊子
[ Edit | View ]

Date Posted: 20:03:53 12/20/02 Fri

再度重逢時　太多的驚喜
似是新相識　從頭認識你
不得了　說起舊事未怕少
衷心的笑　卻不懂得對焦

約會很小心　要再犯錯了
怕照樣沉迷然而又一次觸礁
有個心魔未退消
創傷　怎可當做絃耀

刺激淡去了　試過烈火中燒
沿路高高低低轉轉折折很累吧
如若你輕輕張開兩臂不想說話
看著兩眼我已心照

變得實際了　語氣就算輕佻
其實一呼一吸之間
引發洪水般的愛情
早已決定了
我也有那個需要

是時候被愛了　你也別再輕佻
其實一呼一吸之間　引發洪水般
的愛情
不講太白了　你也有那個需要

Subject: 相信自己
Author: 小珊子 [ Edit \| View ]	Date Posted: 20:03:11 12/13/02 Fri 若有不死的勇氣眼前看來要走三千七百里這片絕地　踏平後也會見生機我和你和每一位都很美我們要來下決心創造驚喜活著是應該相信自己

Subject: 發覺自己比以前膽小了.....
Author: 小珊子 [ Edit \| View ]	Date Posted: 19:34:11 12/13/02 Fri 以前敢做的事,依家都唔敢做.......可能是我怕會失敗吧!!

Subject: 傻傻的女孩子
Author: 小珊子 [ Edit \| View ]	Date Posted: 20:21:21 12/12/02 Thu 女孩子有愛情時,永遠會覺得自己是全世界最最最幸福的人.... 但當失去後,才會知道自己的天真!

[> Subject: Re: 傻傻的女孩子
Author: walter [ Edit \| View ]	Date Posted: 21:56:27 12/12/02 Thu 那不是天真而係每個拍拖的人在那時總相信對方

[> [> Subject: 相信對方之餘,
Author: 小珊子 [ Edit \| View ]	Date Posted: 19:24:49 12/13/02 Fri 還以為自己是全世界最幸福的人.... 那不是天真是什麼?!

Subject: 昨天見到李彩嬅在我們學校對面拍MTV.......
Author: 小珊子 [ Edit \| View ]	Date Posted: 19:14:57 12/05/02 Thu 不過都冇人搵佢簽名......而我覺得佢個樣有D寸囉~~

[> Subject: Re: 昨天見到李彩嬅在我們學校對面拍MTV.......
Author: ~閒雲野鶴~小逵~ [ Edit \| View ]	Date Posted: 00:50:19 12/06/02 Fri 有冇攪錯呀,見到李彩嬅都唔幫我拎個簽名,你真係丫......>.< RAIN~~~RAIN~~~RAIN~~~ 正正正~~~~~~~~~~~ 下次記得幫我問佢拎簽名喇~~~ 呵呵~~~~~~~~~~~

[> [> Subject: 李彩嬅你都啱?!
Author: 小珊子 [ Edit \| View ]	Date Posted: 20:16:30 12/12/02 Thu 唔係化~~佢真人同上鏡都係麻麻咋喎~~ 我見到佢那時佢休息緊,坐在樓梯上.... 比我較早走的同學們之前見佢拍MTV跳緊舞,佢地話以為佢拍緊蚊喎~~

[> Subject: Re: 昨天見到李彩嬅在我們學校對面拍MTV.......
Author: 佳 [ Edit \| View ]	Date Posted: 20:39:30 12/09/02 Mon 我唔覺佢樣串喎剩係覺得佢樣殘姐

[> [> Subject: 佢當時比我覺得佢個樣寸啫~~
Author: 小珊子 [ Edit \| View ]	Date Posted: 20:10:58 12/12/02 Thu

Subject:

驚嚇~~~~~~~~~~~~

Author:
小珊子
[ Edit | View ]

Date Posted: 19:32:02 12/05/02 Thu

睇住我地學校有個女仔被車撞倒,那一刻個心真係"砰砰"咁跳,事後都好驚......

而個女仔訓左在地上唔動,好似昏左.....個身捲埋左,隻腳又屈埋,直到我上左巴士,都一直保持同一位置......

我地三個女仔都好驚,大家都說個心都跳得好快,但另一個女仔friend 就好定,我地說她勇,佢仲話"有咩好驚啫?!"而且佢目擊到成單意外的過程,見到架車行得好快,跟住點撞佢......嘩~~~~咁都唔驚,真係勁!!!

Subject: 終於挨過了.........
Author: 小珊子 [ Edit \| View ]	Date Posted: 20:18:36 11/29/02 Fri 辛苦死人啦~~依家鬆晒!!!!!!

Subject: 今日伍晃榮來我地學校講talk......
Author: 小珊子 [ Edit \| View ]	Date Posted: 22:56:32 11/22/02 Fri 我去左食飯,因仲有三堂下午要上....所以冇聽...... 但係上完早上既堂,在休息室見到佢,佢真人比上鏡瘦好多喎!!

[> Subject: Re: 今日伍晃榮來我地學校講talk......
Author: Sunny [ Edit \| View ]	Date Posted: 00:45:24 11/23/02 Sat 又唔叫佢簽名比我?!

[> [> Subject: 有幾個學生做緊訪問,
Author: 小珊子 [ Edit \| View ]	Date Posted: 14:51:24 11/23/02 Sat 唔通我衝入去咩?!

[> [> [> Subject: Re: 有幾個學生做緊訪問,
Author: kai [ Edit \| View ]	Date Posted: 00:45:11 11/25/02 Mon 係門口等佢麻！

[> [> [> [> Subject: 傻架你~~
Author: 小珊子 [ Edit \| View ]	Date Posted: 20:14:35 11/29/02 Fri 趕住去食飯嘛~~

Subject: 鼻上的暗瘡沒完沒了.........
Author: 小珊子 [ Edit \| View ]	Date Posted: 22:47:39 11/15/02 Fri 起完一粒,謝左,又起一粒新既,只不過不同位置,但都係在鼻上!!!

[> Subject: 你之前唔係話用檸水加鹽好咩?
Author: 玉林 [ Edit \| View ]	Date Posted: 13:16:13 11/20/02 Wed

[> [> Subject: 呢個係洗黑頭.......
Author: 小珊子 [ Edit \| View ]	Date Posted: 22:51:09 11/22/02 Fri 對暗瘡冇咩用~~

Subject:

原本我同我個朋友都有共識...........

Author:
小珊子
[ Edit | View ]

Date Posted: 22:46:28 11/11/02 Mon

係唔會蝕比馬會既~~但係......無可奈何.....掛住職員証既套爛左,成日要擔憂個証會跌出來......所以今日還是趁早買了個栗子公仔掛頸套,咁起碼可用耐D,抵返D嘛~~不過我相信我個朋友始終唔肯屈服的~~她說就算爛晒都唔肯蝕比馬會~~果然係慳錢專家,我都應該要向她學習一下~~哈~~

但係事後又有少少後悔.....點解唔加多四蚊買個大口仔套呢?!好似靚D喎~~

Subject: 小題大做!
Author: 小珊子 [ Edit \| View ]	Date Posted: 22:31:25 11/10/02 Sun 今日老豆為左D芝麻綠豆既小事罵了我一頓......(以我既性格,必然會博嘴啦~~),跟住阿媽睇唔過眼,又罵了我老豆一頓..... 今日成個下午我已經返左馬會啦~只係夜晚一齊食餐飯啫~~已經咁小時間見,都要搞到嗌交收場既?!難以想像我將來搬返去同佢地一齊住既後果.......

[> Subject: 就我自己而言
Author: 玉林 [ Edit \| View ]	Date Posted: 09:38:01 11/11/02 Mon 搬到宿舍後，和家人的關係好像比以前好多了。不知道與人長大了有沒有關連，可能真是「相見好，同住難」吧~ 也可能是大家少了時間見面，反而更加珍惜相聚的時光。

[> [> Subject: 對我而言.......

Author:
小珊子
[ Edit | View ]

Date Posted: 22:15:24 11/11/02 Mon

我都覺得分開住我同佢地關係會好一點,以前試過小學搬返去住了幾日,已經哭著說要回婆婆家,或者時間耐了,我反而嚮往依家既生活...

"相見好,同住難"呢句說話我絕對同意,因為一齊住大家會為好多好少既事而吵起來......就算我同婆婆阿姨住一樣會有吵鬧,只不過因為大家都同住成二十多年了,所以成了習慣,對著只係一星期見一次的老豆,當然是冇咁習慣了.....

Subject: 羽毛球後遺症
Author: 小珊子 [ Edit \| View ]	Date Posted: 17:13:36 11/09/02 Sat 昨日我舅舅說不要打太久,因第二日會手痛....... 果然今日訓醒覺隻手臂真係有D痛,連膊頭都痛埋.......

[> Subject: Re: 羽毛球後遺症
Author: 佳佳 [ Edit \| View ]	Date Posted: 21:35:02 11/09/02 Sat 幾年打一次，係人都會痛啦！你呢d 城市人，好日都唔運動一下，緊係體弱多病啦！

[> [> Subject: 難道你不是城市人?!
Author: 小珊子 [ Edit \| View ]	Date Posted: 22:23:47 11/10/02 Sun 咁我都知太耐冇打.....咁都要有人得閒陪我打,有人想打先得架~~ 只係痛一日,今日冇事啦~~

[> Subject: 會手震添喎!!
Author: 玉林 [ Edit \| View ]	Date Posted: 14:23:13 11/10/02 Sun

[> [> Subject: 手震?!
Author: 小珊子 [ Edit \| View ]	Date Posted: 22:24:56 11/10/02 Sun 咁又冇咁誇!!!!!!!

Subject: 哎~~好肉酸~~
Author: 小珊子 [ Edit \| View ]	Date Posted: 17:24:34 11/09/02 Sat 唔知係咪呢排食得太多朱古力呢......個鼻好多暗瘡......

Subject: 今日......
Author: 小珊子 [ Edit \| View ]	Date Posted: 22:33:24 11/08/02 Fri 同舅舅去左留下打羽毛球,好耐都冇打過,好似自從F7之後就冇打過.....好彩仲識開波啫~~ 雖然只係打左四十分鐘,但係出左一身汗,感覺......好好啊~~

Subject: 呢D野.......我唔會強求既~~
Author: 小珊子 [ Edit \| View ]	Date Posted: 23:15:00 11/06/02 Wed 暫時都唔太想.......因我怕別人會成為了代替品...... 總之順其自然就最好啦~~

[> Subject: 或許你說得對,
Author: 小珊子 [ Edit \| View ]	Date Posted: 23:22:26 11/06/02 Wed 我只是喜歡那種感覺而已。

[> Subject: Re: 呢D野.......我唔會強求既~~
Author: 佳佳 [ Edit \| View ]	Date Posted: 09:47:39 11/08/02 Fri 最怕到時你又後悔咋~ 連係咪將人當做代替品都分唔到..... 太差啦！雖然我都係咁....

[> [> Subject: 我唔係講緊以前喎~~
Author: 小珊子 [ Edit \| View ]	Date Posted: 22:20:32 11/08/02 Fri 我講緊將來啫~~ 以前我當然分到啦~~你咪亂講野,佢有睇架~~ 你成日都係識話人唔識話自己!!

Subject: 連續兩星期有連續四日假期!!
Author: 小珊子 [ Edit \| View ]	Date Posted: 22:01:35 11/06/02 Wed 不嬲都係星期一Dayoff,所以每星期六,日,一有三日假,剛剛下星期二12號係孫中山先生壽辰,所以學校放假,咁我就有連續四日假.....再下星期二我考琴要請假,又有四日假啦~~嘿嘿~~

Subject: 開親收音機就聽到呢件事........
Author: 小珊子 [ Edit \| View ]	Date Posted: 17:01:51 11/04/02 Mon 全香港既人都討論..... 成為了大眾茶餘飯後的話題..... 當大家都在罵東周刊點唔道德,點衰時,偏偏又有好多人去買三周刊喎~~ 如果唔係有咁大demand,又點會有人supply o丫~~

Subject: 好驚呀~~睇完張相........
Author: 小珊子 [ Edit \| View ]	Date Posted: 23:16:52 11/02/02 Sat 慘不忍睹.......... 好有罪惡感掂~~早知唔八卦去睇啦~~

[> Subject: Re: 好驚呀~~睇完張相........
Author: 佳佳 [ Edit \| View ]	Date Posted: 23:14:51 11/03/02 Sun 咁鬼八掛架雖然我都有睇...... 使唔使我post 張相係度呀！?~ hahaha

[> [> Subject: Re: 好驚呀~~睇完張相........
Author: ～閒雲野鶴～小逵～ [ Edit \| View ]	Date Posted: 00:12:49 11/04/02 Mon 快d post 上黎比我睇=_="" 佳.....月中搵你出下黎傾計....

[> [> [> Subject: 你就梗係想佢post 出來啦~~
Author: 小珊子 [ Edit \| View ]	Date Posted: 16:53:45 11/04/02 Mon 要睇你地自己私底下send,咪搞埋我個forum!! 好心你約人自己send ICQ messages啦~~

[> [> Subject: post 你個頭!!你夠膽就post 你自己張裸照囉~~
Author: 小珊子 [ Edit \| View ]	Date Posted: 16:49:37 11/04/02 Mon 咪搞到我個broad 變左三級呀!! 不過我真係好同情佢,張相仲在網上傳來傳去......真的很可憐!

Subject:

上環大笪地

Author:
小珊子
[ Edit | View ]

Date Posted: 20:51:59 11/03/02 Sun

今日同屋企人下午去行,乜都冇買,因為好多野都唔係咁啱買,好似九龍城那個多野賣D,而且又迫又多人,檔口又密,行得都幾辛苦...但係就食左好多野,有條街成條都係食野既,大部份都係食海鮮.....

我地食左炒蜆,但係我地買那檔不是太好食,因為要行返去前面買好遠,好多人又迫,而且我地既位係最後,所以咪是旦去左檔買囉~~$20 一碟,大部份都係得個殼,而且好辣....我媽咪同婆婆就食左條粟米,$6,佢地話幾好食喎~~我食左一個西米布甸,$10,其實都幾貴,但因為只得一檔有得賣,所以勁好生意...

之後我地去左一檔賣炸鯪魚球,呢樣係推介,最抵食又好食,$15有8粒,仲勁多人排隊.....食完之後又覺得口渴,又飲左盒375ml 檸檬茶....走時覺得好飽,到左夜晚食飯都唔係食得好多......簡直係為食野而去咁~~

Subject:

手掌的老毛病又發作了~~

Author:
小珊子
[ Edit | View ]

Date Posted: 22:57:33 11/01/02 Fri

每一年既秋天,我隻手都會起泡泡,之後開始甩皮,就好似蛇咁,要甩晒先好返......好可惜每年呢個時間都係我考琴既時間,隻手痛到死都要彈.....
上次我阿媽在大陸買左枝野比我搽,人地介紹說好好,今年我見一有小小水泡即刻搽,冇左水泡又甩皮.....我一定要制止佢繼續擴散下去!!不過支野勁大藥味,昨晚搽完,成個被窩都係藥味,自己都頂唔順!!

Subject: Strawberry On the Shortcake
Author: 小珊子 [ Edit \| View ]	Date Posted: 22:29:49 11/01/02 Fri 今日終於有時間睇埋第7隻碟,但係一放落去狂跳,仲hang 左好多次機,激死我,明明上次睇冇事架嘛~~但後來睇睇下又得~~好彩~~ 我以為深田宮子會死掂呀~~嚇死我~~好彩係happy ending 啫~~個故事都幾搞笑,不過有少少無厘頭囉~~

Subject:

昆蟲奇遇

Author:
小珊子
[ Edit | View ]

Date Posted: 20:38:53 10/29/02 Tue

今日放學同兩個同學一齊搭地鐵,當講野講到興高采烈之際,突然有隻好大既昆蟲出現,嚇到我地死死下,因那隻野停在一個女人頭上.....
後來那隻野走左,我地又再傾,傾傾下發現前面個男人頭髮上有那隻野,我地即刻走去第二卡,點知那隻野仲飛過來我地那卡,嚇到我地三個即刻縮低,瘀到爆,因好多人望住我地.......好彩我地在金鐘轉車,先冇比那隻野跟住....

[> Subject: Re: 昆蟲奇遇
Author: ～閒雲野鶴～小逵～ [ Edit \| View ]	Date Posted: 22:47:18 10/31/02 Thu ＝ˍ＝””””白痴．．．．．．．．．

[> [> Subject: 死仔呀~~
Author: 小珊子 [ Edit \| View ]	Date Posted: 22:19:10 11/01/02 Fri 我地第二日再講返都心有餘悸...... 你唔係女仔梗係唔驚啦~~當時地鐵裡有幾個女人仲大嗌掂呀~~我地冇大嗌已經好好!!

Subject: 那有人會說自己不自私呢?!
Author: 小珊子 [ Edit \| View ]	Date Posted: 16:22:20 10/31/02 Thu 就算真係,都係呃人!

Subject:

成個腦都係Gigi!!!

Author:
小珊子
[ Edit | View ]

Date Posted: 21:22:16 10/28/02 Mon

昨晚去會展睇梁詠琪既拉闊concert,由於我地坐得都幾後,所以我連Gigi 個樣都睇唔到,只係睇到佢件衫.....好似睇電視咁,只不過D音樂大聲好多.....好似唔係睇緊concert 咁.....所以我成日忍唔住笑出來,隔離個朋友唔知我笑乜,想砍我咁滯架啦~~(嘿嘿~~)

其實初時個show 都幾悶,我發現自己唔係好識Gigi 既新歌.....後來有莫文蔚出來唱左兩首歌.....好彩佢冇顛到又除衫啫.......到左好後先有李克勤出來,佢唱得好好啊~~講野又快又搞笑.....到左個show 接近完時,我地諗住行定出去,可以走快D,而且我好想去toilet.....點知出到門口Gigi 仲講緊野,我諗佢仲會唱多一兩首先走掛.....事後都有D後悔,早知睇晒先走啦~~搞到個朋友都冇得聽埋最後首歌,我都唔好意思掂~~

昨日搭巴士聽到Gigi首新歌,仲諗可能晚上個show 佢會唱(因為首歌都幾難聽架~~),但係佢冇唱到.....夜晚搭小巴,聽到收音機又播佢首歌.....今日搭巴士,一來一回都聽到佢首新歌,佢D歌不停在我腦海裡迴盪.......救命呀~~

Subject:

大發現呀~~

Author:
小珊子
[ Edit | View ]

Date Posted: 21:13:29 10/28/02 Mon

昨日去灣仔,第一次發現有條街係賣玩具既,竟然比我發現到有間店有平既Qoo野賣!!! 上次超市要買兩支大Qoo先送既Lemon Kiss 間尺,在這兒只需$4!!!!! 咁就唔洗飲咁多啦~~我仲買左塊磁石都係$3,又幫朋友買左間尺,仲買左一套隔熱墊同圍裙套裝($30),最衰我十年都唔煮一次野食啦~~如果唔係我都買一套.....不過得好少款,所以只係買到兩樣野....但係都好開心,等我隔一排放左學再去睇下有冇新野先......

Subject: hihi
Author: pc dog [ Edit \| View ]	Date Posted: 23:08:47 10/21/02 Mon pc 你好啊,係唔係好奇怪我會留言啦,你唔好唔開心,無論點你都要"勇敢生存",haha講笑,唔好唔開心啊.有d野未經歷過又點成長啦^^

[> Subject: 你都冇留名?!
Author: 小珊子 [ Edit \| View ]	Date Posted: 23:20:47 10/21/02 Mon 如果我冇估錯,你應該係沈偉!!有邊個會咁叫我而且會講D咁既野呀?!你幾時改左名叫PC Dog 呀?! 我好左好多啦~~開心唔開心都要面對,都要生活,我明白架喎~~你都係啦~~似乎你唔開心仲多過我喎~~

[> [> Subject: Re: 你都冇留名?!
Author: u are bc dog [ Edit \| View ]	Date Posted: 22:28:32 10/25/02 Fri ok la bt i think i better than u ar.cos u are first time to facing ma. i am not la.and my break time is longer than u ma be happy ar, support u^_^

[> [> [> Subject: BC Dog?! 打咩呀你~~
Author: 小珊子 [ Edit \| View ]	Date Posted: 20:48:42 10/28/02 Mon 你梗係飛人飛得多啦~~修心養性啦~~ Anyway,多謝你的關心~~

Subject: 好新奇呀~~
Author: 小珊子 [ Edit \| View ]	Date Posted: 22:10:00 10/25/02 Fri 今日聲韻學去左電腦room 上,由於坐位唔夠,要分兩班去,我地聽住headphone,而另一邊係第二位同學,大家一齊練發音.....阿sir 會無那那偷聽,所以都幾驚嚇架~~上完個幾鐘,到第二批同學上,我地返上課室無枉管,傾計傾到放學,真係正到爆~~嘿嘿!!

Subject:

昨日是我阿姨生日,

Author:
小珊子
[ Edit | View ]

Date Posted: 22:04:48 10/25/02 Fri

我另一個阿姨請左我地一行六人去寧記食火鍋buffet,那兒曾有好多明星去過,出面貼左好多報紙話邊個邊個來過,而且仲好似係明星開既掂~~最出名係食麻辣火鍋,但屋企人唔食,所以叫左律白豆腐清湯底同沙o爺湯底,基本上我全部野食都係用沙o爺湯底打,而且都幾辣,昨晚食完,今日已經起暗瘡.....

昨天我狀態大勇,當個個飽到唔想食時,我仲可以食,我都唔知點解昨日既我比平時大食,食左勁多肥牛,平時我唔食牛既(除左肥牛之外~~嘻嘻~~),而且那兒既肥牛好好食,冇乜肥既邊.....食完之後我仲可以去M記食一杯大ice-cream,我都佩服自己.......

不過夜晚起左少少風籟,可能食得太多牛,真係攞黎衰.....

Subject:

星期三我終於坐到正式的Express 位啦~~

Author:
小珊子
[ Edit | View ]

Date Posted: 22:03:45 10/25/02 Fri

真係歎到爆,比平時出面少勁多call,開跑後二十五分鐘內得兩三個call入,只係最尾五分鐘先不停有call 入,我地得閒到成日同隔離位傾計~~不過我都好緊張,怕人地買得大我買唔切嘛~~全晚我只係接到三個大額戶口電話,而且得好少錢又買千多元only,我仲以為佢地會買幾十萬掂,不過有個戶口得二萬幾都係大額,可能佢之前用晒掛~~反而D特快既call 就買幾大,有個人買左每駐一萬~~我幾驚打錯D零位呀~~

我仲填左form 轉C組,如果轉到,每次我都會比依家返早一個鐘左右,一方面可以搵多D,而且坐到Express 位既機會都大D~~嘻嘻~~

Subject: 生活....
Author: 佳佳 [ Edit \| View ]	Date Posted: 00:25:10 10/20/02 Sun 選擇自己認為最快樂最適合自己的生活吧。任何傷感都會隨時間而去。當傷感過去，所有回憶都變成美好。或者只要由心底相信所有事情其實也有其美好一面，傷感便會逝世。

[> Subject: 我都同意既~~
Author: 小珊子 [ Edit \| View ]	Date Posted: 22:56:13 10/21/02 Mon 時間的確會沖淡一切既...... 估唔到我會步你後塵........

[> [> Subject: Re: 我都同意既~~
Author: 佳佳 [ Edit \| View ]	Date Posted: 02:27:23 10/23/02 Wed 點止你呀？成千上萬人添啦！

Subject: 呢排忙於看日劇......
Author: 小珊子 [ Edit \| View ]	Date Posted: 23:14:40 10/21/02 Mon 一定要盡快睇,因為借左人地好耐.....都唔好意思...... 今日睇緊"草莓蛋糕物語",一口氣睇左三隻碟,仲有四隻.... 奸爸爺!!!

Subject: 拿著舊日合照,想起我在撒他嬌......
Author: 小珊子 [ Edit \| View ]	Date Posted: 00:07:34 10/20/02 Sun 唔開心既時候,真係唔好拎返D相簿出來睇,太多既回憶會不停湧現出來......不過,已經冇前幾日咁感觸啦~~ 所以都係唔好影太多相啦~~

Subject: SPIRIT
Author: 小珊子 [ Edit \| View ]	Date Posted: 23:57:47 10/19/02 Sat 如今我失去做女友資格無法獨個兒看不速之嚇唯恐我側邊有人微笑教我何以獨自活到五更.... 我一定要克服黑夜!!我信我做得到既!!

Subject: 有冇人最近想唱K呀?!
Author: 小珊子 [ Edit \| View ]	Date Posted: 17:48:30 10/19/02 Sat 想搵人陪我去唱K,我都好耐冇唱啦~~最好可以唱幾個鐘,比我盡情唱幾十首歌.....雖然我知道陪我既人將會好慘..... 不過,就我一次好嗎?!

[> Subject: Re: 有冇人最近想唱K呀?!
Author: Sunny [ Edit \| View ]	Date Posted: 18:15:14 10/19/02 Sat 如果我唔係呢排唔得閒,我都可以陪你去唱o既,請埋你唱又點話! 見到你開始好番,我都鄧你開心~前排o既你真係令人擔心...唔好令咁多人擔心你先得o架~呢個世界有好多人都關心你~

Subject:

昨日的留言板壞了~~我有野想留都唔得,真激氣!!

Author:
小珊子
[ Edit | View ]

Date Posted: 17:46:31 10/19/02 Sat

昨天紅雨,原本下午要上三堂聲韻學,點知唔洗上,我同朋友去左銅鑼灣shopping,買左兩隻大嘴鳥,我之前已經有一隻架啦~~再買多隻比自己,一隻打算送比媽咪,因佢見到都想要。

之後去左Ettusais買野,一舊Acne soap再加支Toner就買左二百幾蚊,加埋上次既Sebum remover,發覺自己都花左幾多錢買呢隻牌子既野!!其實我都係聽朋友講話好先買.....希望舊Acne soap真係幫我去到D暗瘡印啦~~

有人提意我化悲憤為食量,我就寧願去買野,當用左D錢買左好多野返屋企,睇返D戰利品都會好開心.....

昨日見美心有第二款Qoo錶換啦~~今日即刻同朋友去食,今次隻款冇上次咁好.....返到另一邊屋企,先發現隻錶後面爛左,嚇死我,幾驚幾個鐘頭先去換返佢唔肯呀~~好彩個收銀好好人,即刻換比我!!而上次爛左那隻,我拆左條錶帶換左去第二隻錶到,再將電池換左去第三隻錶到,只係留返個錶玉留念....咁起碼佢對其他錶有用,都算死得有價值既~~

Subject: 我決定向右走!!
Author: 小珊子 [ Edit \| View ]	Date Posted: 17:44:20 10/19/02 Sat 還好我懂得抬頭走更不須人援手直到我遺忘你那碗粥比親吻燙口今天愛過你的日後成為誰密友離合不講理由甜蜜不必持久多少情人日夜相處仍淪為朋友天大地大並沒多少快樂時候來來回回寧願在你掌心中向右走尋覓我未相識的摯友

Subject:

...........

Author:
小珊子
[ Edit | View ]

Date Posted: 22:33:21 10/17/02 Thu

呢兩日好左D,最起碼我依家上堂仲有聽書,仲抄到notes.....

昨晚十二時自己一個搭live,已經幾年冇試過自己一個咁夜搭,返到屋企真係有D唔開心,感覺上好似已經冇人理我咁,得自己一個....

如果唔想起,平時既我會係同平時冇咩分別,只係有時自己都覺得自己強顏歡笑.....當一個人獨處時,就會胡思亂想.....

呢幾日我都數不清自己喊左幾多次,無奈自己天生是個喊包,每次喊既時候都安慰自己:梁佩珊,堅強D啦~~好快捱過架啦~~

但願如此。

Subject: 今日既我,
Author: 小珊子 [ Edit \| View ]	Date Posted: 21:47:57 10/15/02 Tue 上堂都冇心機聽書,掛住傳紙仔.....梗係啦~~一早滿口普通話既老師,聽到都唔想聽~~下午就好一點,因那科我較有興趣..... 上上下堂無那那隻心愛既Qoo錶跌了下來,爛左,無得整...... 一個人黑起上來樣樣都黑,真係黑開有條路!!

[> Subject: Re: 今日既我,
Author: 西瓜 [ Edit \| View ]	Date Posted: 19:34:59 10/16/02 Wed 放鬆d, 唔好咁執著, 人生就係會有起有跌

Subject: 我認,
Author: 小珊子 [ Edit \| View ]	Date Posted: 22:59:46 10/13/02 Sun 我有時係過份左D.... 唉~~我都唔知可以講乜,可以點解決,人地唔聽我都冇計,我只係比意見啫~~當然,我梗係想佢做先比意見佢,但係就係為左D小事而搞到大家都唔開心,都唔知為乜....... 我都有D後悔,呢D野真係要考慮清楚先得!!!

[> Subject: Re: 我認,
Author: 小朋友 [ Edit \| View ]	Date Posted: 00:04:24 10/14/02 Mon 無論點都好凡事都要三思唔係好易後悔ga 為咗自己為咗別人唔好衝動.....但自己開心最緊要

[> [> Subject: 做人最緊要開心,我都知
Author: 小珊子 [ Edit \| View ]	Date Posted: 18:44:00 10/14/02 Mon 當然,我已經想了好耐,問左好多人既意見啦~~再係咁,大家都唔開心....... 我不敢說我將來會否後悔,但至少現在的我冇後悔!

Subject: 今日係Family Day
Author: 小珊子 [ Edit \| View ]	Date Posted: 22:06:51 10/13/02 Sun 今晚同媽咪去大家樂食火鍋,上次已經想食,上星期見到有東星班帶子鍋,好可惜病左冇得食....今日六點幾去,竟然冇左啊~~只有食左醉雞肥牛鍋,都幾好食架喎~~不過六點幾已經好多人,差一點要等位~~

Subject: 返左學差不多成個月,
Author: 小珊子 [ Edit \| View ]	Date Posted: 18:45:45 10/07/02 Mon 但係都好似冇返學咁,好得閒..... 當人地在第二間學校已經辛苦咁趕緊畢業論文,Final Year Project既時候,我仲係好得閒,依舊好似暑假咁睇小說,聽歌,上網,睇電視...... 不過,空閒既日子好快會過啦~~

[> Subject: Re: 返左學差不多成個月,
Author: ～閒雲野鶴～小逵～ [ Edit \| View ]	Date Posted: 22:15:53 10/07/02 Mon 咁係咪你成班同學都係同你一樣先,如果唔係,....唉~~~~~~~咁你就要好好咁檢討一下自己喇=_=""" 最近攪d咩呀?我放左8日大假呀,2號-9號.d大假放得真係快過倒水,話咁快,又得番2日咁大把,但8日對於我黎講,真係好足夠了^.^v

[> [> Subject: 放假係咁快過架啦~~
Author: 小珊子 [ Edit \| View ]	Date Posted: 23:38:23 10/11/02 Fri 我個暑假成幾個月都咁快過左啦~~ 梗係唔係我一個得閒啦~~係全部人都得閒.... 不過十一月就唔得閒啦~~已經有mid-term exam!!!!不過只係一科要啫~~好彩!!!

[> [> [> Subject: Re: 放假係咁快過架啦~~
Author: ～閒雲野鶴～小逵～ [ Edit \| View ]	Date Posted: 23:37:36 10/12/02 Sat 得一科exam,咁即係忙極都有限啦一o一"""""

[> [> [> [> Subject: 咁點都唔夠你得閒既~~
Author: 小珊子 [ Edit \| View ]	Date Posted: 21:54:51 10/13/02 Sun 得閒記住請食飯!!

Subject: 另一個Katie要走了~~
Author: 小珊子 [ Edit \| View ]	Date Posted: 20:15:50 10/12/02 Sat 馬會的Katie 今日同我講做埋今日唔做了,因為實在太多野做喎~~ 又少左一個識既同事了.....

Subject: 百佳有Qoo既鍊換.....
Author: 小珊子 [ Edit \| View ]	Date Posted: 18:49:18 10/05/02 Sat 剛上去些Qoo既網,見到人地話百佳有Qoo既手鍊同頸鍊換喎~~不過好多人都話換唔到.....唔知乜樣既呢~~ 以前Qoo既官方網有講幾時換乜,依家冇左呢個,搞到我搵料都好唔方便,去左好多個網先睇到人地討論緊..... 等我明天去百佳睇下先~~

[> Subject: 百佳有Qoo既手鍊換.....但我冇換到啊~~
Author: 小珊子 [ Edit \| View ]	Date Posted: 18:21:17 10/07/02 Mon 我去睇左,牛記那間有,不過要問左兩個counter 先有人知..... 不過我最後都冇換到,因為唔係咁靚囉~~我初以為係好似銀鍊咁,但其實係一條類似牛仔布既野,上面有個銀色既Qoo頭..... 買一支大Qoo加$9.9,而頸鍊係比手鍊早出既,所以應該冇啦~~

Subject: 哈迪斯有Qoo杯換呀~~
Author: Kimmy [ Edit \| View ]	Date Posted: 11:37:21 10/04/02 Fri 你有冇換呀?佢有4隻款架,一星期換一款,我換左第一款,遲d再換多款!!

[> Subject:

Re: 哈迪斯有Qoo杯換呀~~

Author:
小珊子
[ Edit | View ]

Date Posted: 18:07:20 10/05/02 Sat

我知有得換,但係我有幾可去哈迪斯呀?!

美心有兩款Qoo錶換,我換左第一款,但唔知幾時出第二款,我打算再去睇下再換多隻.....因為錶對於我來講好有用~~反而杯就唔需要啦~~但如果去開哈迪斯都會順便換既~~

上次我去大家樂都有Qoo既毛公仔匙扣換,但係我見到個公仔有一句中文字吊住,類似係好運之類既字....唔係好吸引,所以冇換....事後都有D後悔,因為反正都去左大家樂食囉~~順便啫~~

不過佢寫住著校服先換得......唔知有學生証又得唔得呢~~

[> [> Subject: Re: 哈迪斯有Qoo杯換呀~~
Author: Kimmy [ Edit \| View ]	Date Posted: 23:35:44 10/06/02 Sun 美心換Qoo錶既方法係點架? 係咪食滿幾多錢加幾多錢就換到?

[> [> [> Subject: 換錶之方法....
Author: 小珊子 [ Edit \| View ]	Date Posted: 18:14:34 10/07/02 Mon 美心換Qoo錶既方法係Lunch time 食一個日式便當餐($26),再加$23便可得到....不過我上次再去睇下,第一款已經換完,依家我都等佢換第二款,如果個款靚我都換多隻~~

Subject: 大獲啦~~
Author: 小珊子 [ Edit \| View ]	Date Posted: 19:07:05 10/02/02 Wed 今日行左旺角成個下午,都唔記得幫老豆去恆生拎套水晶豬豬!!!!

Subject: 哈哈~~我阿婆都幾醒~~
Author: 小珊子 [ Edit \| View ]	Date Posted: 18:30:03 10/02/02 Wed 我阿婆見到我買左新鞋,佢竟然冇"哦"我,只係說"又買鞋?!" 跟住佢仲講"唉~~又洗幾百啦!!"..........!!!!! 我以為佢唔會知依家波鞋既價錢掂!!! 不過買完之後,我又變窮光蛋啦~~依家銀包得返一舊水!!!!!

Subject:

我今日終於買到對波鞋啦~~

Author:
小珊子
[ Edit | View ]

Date Posted: 18:20:37 10/02/02 Wed

睇左成幾個月架啦~~不過好可惜唔係買之前睇中左既Nike灰紫色Dunk low....因為實在炒得太貴,我唔捨得買......

今日行波鞋街,見到好多間都有賣Nike Ace83 既橙色同紅色,價錢好抵,但係我去左個商場買左對貴百二蚊既深粉紅色,好開心,因為隻色好少店有得賣,我行晒成條波鞋街,得一間有,(而且我仲買平左一百蚊!!),比較特別囉~~唔洗出旺角就同人撞鞋.....其實我係今日去睇就即刻買,連考慮既時間都冇乜架~~因我驚好似上次咁,唔買佢一無貨就炒高晒....所以都預左比屋企"哦"架啦~~

Subject: 近排都有野開心既........
Author: 小珊子 [ Edit \| View ]	Date Posted: 18:32:11 09/30/02 Mon 就係我昨日去美心換到隻Qoo錶啦~~ 隻錶都幾靚,又夠大,因為我鐘意D大既錶既~~佢仲有一款,但係未Show 出來係點樣既.....如果靚我都會再換多隻!!反正屋企既錶唔係冇電就係條錶帶爛左.... 不過個餐既味道就........

Subject:

唉~~

Author:
小珊子
[ Edit | View ]

Date Posted: 18:27:57 09/30/02 Mon

原本今日先去睇醫生既,但係昨日好頭痛,結果去左一個好耐冇睇既醫生到,因為睇開那個星期日休息既~~

睇下張診証卡,對上一次睇佢係2001 年10月!!!再對上一次係2000年2月!!!!每次都係一年先睇佢一次~~睇醫生時,佢問我有冇比蚊咬,有冇去馬灣睇樓,佢梗係懷疑我有登革熱啦~~

明天係公眾假期,睇開個醫生又唔開,所以我今日未食晒D藥就要去睇多次啦.....個醫生好多人睇既,我今日11時打電話去登記,成一點佢先打來叫我去睇!!!好彩都係在屋企等啫~~

希望快D好返就好啦~~

Subject: 好多年冇去過啦~~
Author: 小珊子 [ Edit \| View ]	Date Posted: 13:18:43 09/28/02 Sat 細個時爸媽帶我去鯉魚門食海鮮,即刻買即刻比酒樓煮,真係新鮮到爆,同出面既海鮮冇得比!!! 今晚同屋企人共6個一齊去,真係好開心!!!都唔記得有幾多年冇去過,我想都有7,8年啦~~ 不過不幸地有傷風,所以今日精神不是太好!!

[> Subject: Re: 好多年冇去過啦~~
Author: kai [ Edit \| View ]	Date Posted: 18:48:27 09/28/02 Sat 次次上黎都見你話病咁架喎！~ 無得救架啦你！

[> [> Subject: 我都唔想病架~~
Author: 小珊子 [ Edit \| View ]	Date Posted: 18:16:20 09/30/02 Mon 都唔知點解咁黑仔,一波停左,一波又起......

Subject: 好慘呀~~
Author: 小珊子 [ Edit \| View ]	Date Posted: 20:48:40 09/27/02 Fri 上年已經知道聲韻學呢科好難,但唔知道難成咁..... 今日要練發音,個個音都差唔多,但其實有高低分別,不停"呀呀"聲咁叫~~遲D仲要考Oral,真係想死~~ 今日開始有D o侯o龍痛,以我既經驗,不出數天我將會傷風.....又病,真係慘~~

Subject:

驚嚇........

Author:
小珊子
[ Edit | View ]

Date Posted: 20:49:40 09/24/02 Tue

今日放學打算去旺角買書,點知地鐵銀行中心個出口封左,我出左對面,行左好耐先有隧道過返來,見到街上面有好多人睇野,以為有人拍戲.....

望去對面發現條街D鋪關晒門,封晒路,有兩個警察在一個閘門口望入去,隻手按住腰上既槍,我在對面行,有勁多人圍觀,跟住個警察叫D人反方向走,不要停留....原本我向前走打算去田園,但係前面好多人塞住行唔到,而且我驚對面有賊,所以最後都係掉轉頭走返屋企......

那時個心真係有D驚,驚"無那那"發生槍戰~~哈~~買唔到書好過比槍射瓜嘛~~

[> Subject: Re: 驚嚇........
Author: ～閒雲野鶴～小逵～ [ Edit \| View ]	Date Posted: 01:44:10 09/25/02 Wed 你做得好好,若果你繼續低係度睇野,而真係有持槍賊人既話,真係好危險,你試諗下,比d賊見到你,我真係驚佢地會嚇到忍唔住,即刻向四周亂槍掃射............. 但都有好既方面既,佢地見到你,可能會吞槍自殺,自行了斷,幫警方省下不小時間呢........ 呵呵~~~~~~^o^v~~~~~~哈哈~~~~~~~~~~

[> [> Subject: 死仔逵.........
Author: 小珊子 [ Edit \| View ]	Date Posted: 20:40:49 09/27/02 Fri 你講到我好似恐龍咁!!!!! 後來我先知那天發生咩事,原來係有人報假案,話打劫.....真係搞笑~~不過虛驚一場又買唔到書.....

Subject: 唉.........近排愈來愈多問題......
Author: 小珊子 [ Edit \| View ]	Date Posted: 21:02:16 09/24/02 Tue 究竟係我對人要求高,抑或是人地對自己無要求?!

Subject: 唔知點解???!!!
Author: 小珊子 [ Edit \| View ]	Date Posted: 22:34:30 09/22/02 Sun 唔知點解,有女仔既地方就特別多是非..... 有女仔既地方就有紛爭.... 有女仔既地方就有小圈子....... 有女仔既地方就一定有人被排擠....... 雖然我都係女仔.......但有時真係唔明白...... 各位女仔/女士,唔該大方D啦~~

[> Subject: Re: 唔知點解???!!!
Author: 佳佳 [ Edit \| View ]	Date Posted: 00:05:19 09/23/02 Mon >唔知點解,有男仔既地方就特別多是非..... >有男仔既地方就有紛爭.... >有男仔既地方就有小圈子....... >有男仔既地方就一定有人被排擠....... >雖然我都係男仔.......但有時真係唔明白...... >各位男仔/男士,唔該大方D啦~~

[> [> Subject: 無錯~~
Author: 小珊子 [ Edit \| View ]	Date Posted: 20:35:19 09/24/02 Tue 男同女都係一樣咁!!! 不過我始終覺得女仔多D會咁喎~~

[> Subject: Re: 唔知點解???!!!
Author: ～閒雲野鶴～小逵～ [ Edit \| View ]	Date Posted: 08:11:02 09/23/02 Mon 好簡單,女人小氣囉,呢個係事實,但d女人就呢世都唔會講出口同埋唔肯認,但得番自己個時就會用"小氣"黎安慰自己,但......這才是女人 ,呵呵~~~~~~~~~

[> [> Subject: 我承認女仔有時係小氣左D.....
Author: 小珊子 [ Edit \| View ]	Date Posted: 20:39:24 09/24/02 Tue 但很可惜有時男仔仲小氣過女仔!!! 這就是男人,呵呵~~~~~~~~~~~

Subject: 十萬個不明白
Author: 小珊子 [ Edit \| View ]	Date Posted: 22:24:37 09/22/02 Sun 不明白點解明明個口話無錢,仲要花錢去玩..... 不明白點解明明個口話好累,仲要三更半夜都唔訓..... 不明白點解明明個口應承左人地既野,永遠都唔肯做...... 問題一早已經存在,但係大家都無去面對,唔係,應該說連傾談既機會都冇乜.......再係咁,我都頂唔順!

Subject: 中秋快樂嗎?
Author: Sunny [ Edit \| View ]	Date Posted: 21:52:38 09/22/02 Sun 今晚追月喎~有冇去玩呀? 追月快樂~

[> Subject: Re: 中秋快樂嗎?
Author: 小珊子 [ Edit \| View ]	Date Posted: 22:18:10 09/22/02 Sun 今年中秋不快樂...... 邊度都唔想去,有人約都推左..... 追月同阿媽食完飯"娜娜臨"返左屋企睇電視,因為有講學校既節目,點都要捧下場既~~

Subject: haha
Author: 佳佳 [ Edit \| View ]	Date Posted: 03:13:03 09/22/02 Sun haha~happy Mid Autumn Festival ar ! ~ don't boil candles ar!

[> Subject: Re: 佳
Author: 小珊子 [ Edit \| View ]	Date Posted: 22:13:15 09/22/02 Sun 今年乜都冇玩~~所以一定唔會犯法!

Subject: 染o左都冇人覺.........
Author: 小珊子 [ Edit \| View ]	Date Posted: 22:29:39 09/20/02 Fri 又唔可以太重手........ 唉~~真失敗!!!!!!!

[> Subject: 應該看到的人看不到,
Author: 小珊子 [ Edit \| View ]	Date Posted: 22:12:00 09/22/02 Sun 不應該看到的人偏看到...... 那個不應該看到的人就是........ My Mum!!!!!!

Subject: 上半場+下半場+總決賽
Author: 小珊子 [ Edit \| View ]	Date Posted: 22:28:19 09/20/02 Fri 三合一套裝,特惠價發售只是$86,抵到爛~~

Subject:

好左一D啦~~

Author:
小珊子
[ Edit | View ]

Date Posted: 18:40:46 09/17/02 Tue

已經成個禮拜冇食飯啦~~
只係靠食粥,麵包為生~~
今晚食麵,開始正常返一D,都算好~~
當睇第三次醫生時,我轉左另一個醫生,諗住睇下會唔會好D,點知那個黃綠醫生都唔知我乜事,寫藥時仲要睇住本書,求其開左一隻藥比我.....真係信唔過~~
好彩今日冇咁痛.....但係個肚仲係唔舒服~~希望快D好返啦~~

[> Subject: Re: 好左一D啦~~
Author: 佳佳 [ Edit \| View ]	Date Posted: 12:24:20 09/19/02 Thu 仲痛緊呀？注意多d 啦！我會幫你祈禱架啦。＼　／　ˍ ～

[> [> Subject: 乜你係基督徒咩?!
Author: 小珊子 [ Edit \| View ]	Date Posted: 22:16:33 09/20/02 Fri 痛左成個幾禮拜......昨日終於冇痛,其實我都唔知點解"無那那"又好返~~不過我都係食晒三次既藥先好既~~無事我已經好開心~~今晚是我兩星期以來第一次食返飯!!! 成兩個星期都係食粥,麵同麵包.....

Subject: 其實我真係幾擔心架~~
Author: 小珊子 [ Edit \| View ]	Date Posted: 21:02:11 09/13/02 Fri 醫生說是輕微的腸炎..... 但係食左藥都係依然肚痛......仲係冇停過那隻....... 都唔知乜事~~死啦~~

[> Subject: Re: 其實我真係幾擔心架~~
Author: 佳佳 [ Edit \| View ]	Date Posted: 02:30:34 09/14/02 Sat 話明係發炎就緊係痛架啦你唔係以為一食藥就會好翻掛？

[> [> Subject: Re: 佳佳
Author: 小珊子 [ Edit \| View ]	Date Posted: 18:35:15 09/17/02 Tue 我都知發炎,但真係冇理由痛咁耐...... 差一點就要去照腸啦~~

[> Subject: 唔洗擔心喎~
Author: Sunny [ Edit \| View ]	Date Posted: 11:39:23 09/14/02 Sat 無事嘛你?既然睇了醫生,你都無須擔心既~ 希望你早日康復啦~

[> [> Subject: Re: 唔洗擔心喎~
Author: 小珊子 [ Edit \| View ]	Date Posted: 18:33:47 09/17/02 Tue 睇左三次醫生,成個幾星期啦~~ 今日已經好左一點,多謝晒~~

Subject: 我出左時間表啦~
Author: 佳佳 [ Edit \| View ]	Date Posted: 10:42:52 09/13/02 Fri 慘無dayoff 呀....

[> Subject: 冇Dayoff 又真係幾慘既........
Author: 小珊子 [ Edit \| View ]	Date Posted: 20:58:01 09/13/02 Fri 不過都係我依家慘D...........

Subject:

八號風球的日子

Author:
小珊子
[ Edit | View ]

Date Posted: 21:16:20 09/11/02 Wed

昨晚肚子痛,今朝學都冇返,九點幾打去醫生到掛號,搞到十一時先打來叫我下去.....十二時看完,就話兩個鐘頭內掛八號啦~~

腸胃炎試得多,通常都係會成晚嘔或柯,今次就無,但係就成晚肚痛!!

今日成日都係食白粥加鹽,食到口淡淡......明天都係食粥,不過好彩係食瘦肉粥!!

平時食咁多野,今次真係有咁耐風流,有咁耐折墮!!!

[> Subject: 冇啖好食真係諗起都慘~~~
Author: 玉林 [ Edit \| View ]	Date Posted: 03:40:14 09/12/02 Thu

[> [> Subject: 冇啖好食唔算最慘..........
Author: 小珊子 [ Edit \| View ]	Date Posted: 20:56:15 09/13/02 Fri 最慘係連續幾日都肚痛....... 都唔知係乜事......好驚~~

Subject:

開學第一天..........

Author:
小珊子
[ Edit | View ]

Date Posted: 21:12:13 09/10/02 Tue

今日晨早起身返學,Total 要上六堂,上午三堂既老師係一個由北京大學來的教授,我一聽他滿口普通話,我就知道我會重滔Year 1 既覆轍.........上堂發白日夢!!!

下午那三堂因是第二個老師,所以我都有聽書!!!

今日返學校有勁多免費雜誌拎,有"進階網絡"(書面寫住本野要成$30!!),"E-Magazine","i.shop".....今次仲有一冊兩本既台灣"Holiday"拎!!!!再加上兩本學校出既雜誌.....今日成個書包唔係裝書,而係雜誌!!!!!!而且唔只我一個,好多同學都好似我咁,滿載而歸!!!!!!

Subject: 件衫冇啦~~~~~~~~~~~~~~~~~~~~~
Author: 小珊子 [ Edit \| View ]	Date Posted: 19:21:11 09/09/02 Mon 今日勁唔好老皮,同阿婆吵大獲....... 我勁鬧佢,佢又勁鬧我........ 無計,因為我實在太激動啦~~

Subject: 開學啦~~
Author: 小珊子 [ Edit \| View ]	Date Posted: 18:42:34 09/09/02 Mon 原本今日開學既,但係星期一Dayoff,又多一日既暑假~~ 明天開學了~~三個多月的假期終於完了...... 聽到好多朋友/同學說暑假太長,好想快D返學~~講真,今個暑假我真係完全冇希望想快D返學呢個念頭,只係想暑假唔好咁快過!!!或者我太懶啦~~

Subject: 所謂人言可畏,
Author: Sunny [ Edit \| View ]	Date Posted: 00:39:50 09/08/02 Sun 朋友既說話真係影響幾大!

[> Subject: 無錯!!!
Author: 小珊子 [ Edit \| View ]	Date Posted: 18:37:07 09/09/02 Mon 朋友既說話影響力不嬲都好大架啦~~ 有時買野,都會問下身邊既朋友意見,朋友話好睇,有時睇睇下,自己都覺得幾好...... 不過有時返到屋企,又會覺得唔係太好喎........

Subject: 有感而發
Author: 小珊子 [ Edit \| View ]	Date Posted: 19:22:31 09/06/02 Fri 有人說他肥,咁又係事實既~~ 有人說他不是太高,咁都係事實既~~ 有人說他個樣不是太好,咁我都冇話佢好靚~~ 有人問我點解,話我應該有能力選擇好一點既....... 看似說笑的語氣,但我聽後真的有點兒唔開心..... 如果我連幾個缺點都容納唔到,咁連我自己都過唔到自己!!

[> Subject: Re: 有感而發

Author:
佳佳
[ Edit | View ]

Date Posted: 01:13:47 09/07/02 Sat

我就唔覺得呢d 係缺點啦~
佢又唔係大肥仔，少少肥咪幾可愛~
佢既高度咪同你幾襯！咁高做乜姐~
我個人認為佢五觀過得去之餘，幾有格～

點為之「好一點」？外表好一點？
外表好有乜用丫，而且老實講句佢外表都唔係差丫，
最緊要都係對你好！又有幾多個可以對你咁好？

[> [> Subject: Re: 有感而發
Author: 小珊子 [ Edit \| View ]	Date Posted: 15:42:19 09/07/02 Sat 你都幾睇得起佢架喎~~ 總之,多謝晒你既意見~~

[> [> Subject: Re: 有感而發
Author: 小珊子 [ Edit \| View ]	Date Posted: 15:49:18 09/07/02 Sat 詳細情形唔方便在這兒說....... 有機會在ICQ見到先講啦~~

[> Subject: Re: 有感而發
Author: Sunny [ Edit \| View ]	Date Posted: 14:37:09 09/07/02 Sat 唔洗為左d小事唔開心喎~有些人就是這樣,只懂得批評人,無想過自己其實有更多的事可以比人批評! 不要理會他人,相信自己的眼光,相信自己的決定!

[> [> Subject: Re: Sunny
Author: 小珊子 [ Edit \| View ]	Date Posted: 15:46:32 09/07/02 Sat 咁又唔可以怪人....人地只係把意見講出來,係我聽完之後耿耿於懷啫~~ 咁我都知,我都相信自己既決定架~~我都話比自己聽佢人好咪得囉~~ 但係聽到人地咁講,始終都有些少唔開心囉~~

[> [> [> Subject: Re: 小珊子
Author: Sunny [ Edit \| View ]	Date Posted: 00:47:48 09/08/02 Sun 唔洗唔開心喎~各花入各眼o者~ 你想想他對你的好,就已經遠勝過外表了~ 批評的那些人,是否唔抵得你先咁講呀?一係就係女仔唔抵得你咁好,一係就係男仔嫉妒呀?哈~

[> [> [> [> Subject: Re: Sunny
Author: 小珊子 [ Edit \| View ]	Date Posted: 18:29:27 09/09/02 Mon 我冇事喎~~唔洗擔心~~ 我知,我明白的,只不過比人問到口啞啞,所以先發下囉囌啫~~ 你唔好咁講啦~~那些都是我的朋友,我唔會因這些小事而嬲佢地既....況且人地只係將自己既意見講出來.....呢個世界有言論自由架嘛~~

Subject: 有時D野,外表係次要,最緊要係個心啫~~
Author: 小珊子 [ Edit \| View ]	Date Posted: 23:57:35 09/05/02 Thu 聽完都有D唔開心架........不過我諗佢既壓力比我仲大既~~ 唔好以為我好似好完美咁,其實自己知自己事,我有時都會亂發脾氣,蠻不講理......我諗唔係人人都忍到架~~要包容埋一個人既缺點,都唔係咁易架~~ 但係......佢做得到囉!!!!

[> Subject: Re: 有時D野,外表係次要,最緊要係個心啫~~
Author: 佳佳 [ Edit \| View ]	Date Posted: 05:37:48 09/06/02 Fri 無錯，「完美」呢兩個字唔應該係形容你既時候出現。得啦，唔使講，形容我既時候出現得最多既係「.....」。

[> [> Subject: 哈哈~~
Author: 小珊子 [ Edit \| View ]	Date Posted: 19:11:50 09/06/02 Fri 其實邊有人係完美架?! 我想表達既係我並不是別人眼中咁好啫..... 形容你,唔係"....."最好,而係熊貓!!!!

Subject:

名叫"髮達廊",個名都幾衰...........

Author:
小珊子
[ Edit | View ]

Date Posted: 23:49:47 09/05/02 Thu

今日去左土瓜灣剪頭髮,上次經過見到佢幾好樣,咪去試下囉~~
外面寫住洗剪吹$99,我打算焗埋油,見到佢寫住焗油送埋洗剪吹都係$100,心想冇理由加一元就可以焗油架~~於是入左去,佢話要$150,原來要睇長頭髮加多$30--$50 既,諗住$150都唔算貴,咪話好囉~~

那間野都幾大,而且新開既,裝修好靚,好古典咁~~全間野得四個人,一個係剪髮既,一個係洗頭仔,仲有個女仔係幫手,收錢那個男人好似係老闆咁款......得幾個客人.....洗完頭聽到有個大陸口音既客罵人,話染髮既顏色唔係佢要那隻,最搞笑係個老闆仲話"多謝$230",個女人好似唔想比錢咁,噪左好耐,當冇晒聲我以為個女人走左時,無那那又聽到佢繼續罵人.....不過我冇帶眼鏡而且剪緊頭髮,睇唔到乜事,後來個客走左,仲聽到老闆話再唔係打999喎~~好似搞到好激咁....我已經心想不妙,怕佢地可能服務不太好.....但已經洗濕了頭都冇計.....跟住個師傅幫我剪髮,梳頭髮時大力到死,痛死我,洗頭那個都冇佢咁衰......把梳仲梳埋落我隻ear同個面到,痛死人~~

剪好之後焗油,完全感覺唔到有熱力既......下次一定唔會再幫襯~~

Subject: 嘻嘻~~
Author: 小珊子 [ Edit \| View ]	Date Posted: 23:26:48 09/05/02 Thu 襯住婆婆去左大陸,我同兩個阿姨,姨丈,媽咪去左食Dinner buffet!!!(因我阿婆唔鍾意食buffet 既~~) 好正,個主題係"中日韓魚翅海鮮自助餐",有一煲煲既煲仔翅食,我食左3煲!!!!! 三文魚都好肥美,我食左8件,Smoked 既食左5件!!!! 仲有勁多甜品........

Subject: time table 有排都未出呀......
Author: 佳佳 [ Edit \| View ]	Date Posted: 22:20:16 09/05/02 Thu 最快我諗都要等到9/9 先出到呀.... 連final year project 都未出呀.... 上年8 月就出左架啦！今年到而家乜野都未出，效率奇低！

[> Subject: Re: 佳佳
Author: 小珊子 [ Edit \| View ]	Date Posted: 23:00:16 09/05/02 Thu 未出咪好囉~~唔洗開學住嘛~~

Subject: 哼!!!
Author: 小珊子 [ Edit \| View ]	Date Posted: 19:00:31 09/02/02 Mon 唔知點解無那那少左個號碼,攪到我今個暑假要忍辱負重左咁耐!!! 依家一天都光晒啦~~

[> Subject: 咩鬼號碼咁誇張呀?
Author: Sunny [ Edit \| View ]	Date Posted: 22:26:48 09/02/02 Mon

[> [> Subject: Re: 咩鬼號碼咁誇張呀?
Author: 小珊子 [ Edit \| View ]	Date Posted: 22:58:15 09/05/02 Thu Citylink plus個password!!!!!!!好緊要架嘛~~

Subject:

YEAH~~

Author:
小珊子
[ Edit | View ]

Date Posted: 17:12:35 08/29/02 Thu

今日返去交學費,Timetable 出左,我終於又有Dayoff 啦~~Year 2 時星期一到星期六都要返,今年我星期一同星期六都Dayoff~~不過我可能add多科,所以都要睇下點......不過我依家都唔知add 乜好,如果同我既dayoff 撞,我就唔add 啦~~因為我依家都要讀六科.....

原本今年九月九開學,但因為係星期一,所以又放多一日~~去年係九月一號開學,6月1號放暑假既~~今年就9月10號開學,5月28號放暑假,所以又多左一個星期多既假~~真係唔錯~~

[> Subject: 哈~
Author: Sunny [ Edit \| View ]	Date Posted: 18:36:11 08/30/02 Fri 咁咪好囉~有Dayoff,可以玩下啦~ 得閒叫你出來啦~

[> [> Subject: Re: 哈~
Author: 小珊子 [ Edit \| View ]	Date Posted: 18:56:56 09/02/02 Mon 你成日都係咁講架啦~~但係你日日都咁忙既~~想搵時間聚下都好難~~

[> [> [> Subject: Re: 哈~
Author: Sunny [ Edit \| View ]	Date Posted: 22:17:45 09/02/02 Mon 時間唔合....遲d會好d架啦~

[> Subject: Re: YEAH~~
Author: kaikai [ Edit \| View ]	Date Posted: 20:53:37 08/30/02 Fri 斕憩疑徽衄dayoff.....扂笯帤眭�timetable 挼.... 垀眕飲蜁眭衄剠dayoff...

[> Subject: Re: YEAH~~
Author: kaikai [ Edit \| View ]	Date Posted: 20:56:35 08/30/02 Fri 你就好啦有dayoff.....我仲未知個timetable 呀.... 所以都唔知有無dayoff...

[> [> Subject: Re: 佳
Author: 小珊子 [ Edit \| View ]	Date Posted: 18:58:34 09/02/02 Mon 你仲未有timetable?你幾時返學架??

[> Subject: Re: YEAH~~
Author: 阿邊個 [ Edit \| View ]	Date Posted: 00:40:17 09/05/02 Thu Add普通話啦呵呵~~~

[> [> Subject: Re: 無名氏
Author: 小珊子 [ Edit \| View ]	Date Posted: 22:56:14 09/05/02 Thu 阿邊個即係邊個???Do Do????? 打死都唔add 普通話,得一分,做就做人地六分既野......

Subject: 自由,真好!!!
Author: 小珊子 [ Edit \| View ]	Date Posted: 19:06:35 09/02/02 Mon 由明天起,有一天半既自由......雖然都唔係"冇旺管",但起碼都少左一個人管,哈哈~~ YEAH~~~~~~~~~~~~~~~~

[> Subject: Re: 自由,真好!!!
Author: Sunny [ Edit \| View ]	Date Posted: 22:20:07 09/02/02 Mon 點解既?屋企無人?

[> [> Subject: Re: 自由,真好!!!
Author: 小珊子 [ Edit \| View ]	Date Posted: 22:45:28 09/05/02 Thu 我阿婆去左大陸旅行...... 不過仲有個阿姨o係度.....

Subject:

昨晚,

Author:
小珊子
[ Edit | View ]

Date Posted: 16:53:02 08/29/02 Thu

我的祖母生日,要去將軍澳食飯,由太子到坑口MTR只係半個鐘,車費好平只係$2.7,因為依家平一蚊嘛~~
我都唔知幾耐冇返過去食飯,但昨晚唔齊人,不過都有12個人!!
見到表妹,仲見到個勁煩既表弟......
我有好多野都唔食得,又有好多野都唔想食,所以食完都唔係咁飽~~不過最尾有一封禮是收,哈~~

Subject:

............

Author:
小珊子
[ Edit | View ]

Date Posted: 16:46:24 08/29/02 Thu

星期日同我阿媽出去飲藥,佢地煲完會將D藥放在保溫瓶內,所以我係唔會見到D渣既,只係有時有D好細粒既先見到,飲飲下發現有D野近住嘴邊,我咪冇飲囉,睇下個杯先發現係一條黑色好細既野,我以為係藥材,但係睇真D好似有D好細既毛,叫我阿媽睇下,佢話有毛,仲有觸覺既!!係蟲!!跟住我睇睇下都覺得有D似.....
我話可能要放呢D藥材先得呢~~我阿媽話未必,話可能係D藥材惹出來架喎........

不過我最後都要照飲架啦~~~~~~~~~~~

Subject: 濫用精神科中藥
Author: ～閒雲野鶴～小逵～ [ Edit \| View ]	Date Posted: 23:40:02 08/27/02 Tue 哈哈~~~~睇中醫醫你d虐待狂呀?冇得醫架喇~~~~~~ 你呢d係精神病黎,要好好咁調理下你既情緒先得, 唔好再濫用呢d中藥,呢個世界係冇人用中藥醫精神病架,優瓜!!! 哈哈~~~~~~~~~^o^ 快d好返喔~~~~~~~~<==呢句最真,之前個d......仲真.....呵呵~~~~

[> Subject: Re: 濫用精神科中藥
Author: 小珊子 [ Edit \| View ]	Date Posted: 16:37:40 08/29/02 Thu 你用就合適啦~~not me~~ 哈哈~~你先係傻瓜!!!!!

Subject: 唔睇啦？
Author: 佳佳 [ Edit \| View ]	Date Posted: 17:40:37 08/25/02 Sun 中醫呢家野，要持之以恆架喎！~ 未好哂點可以唔睇架？！反正你都睇到慣哂啦....

[> Subject: Re: 唔睇啦？
Author: 小珊子 [ Edit \| View ]	Date Posted: 16:35:16 08/29/02 Thu 唔係我唔想睇......不過睇左5次,飲左14日藥,情況雖然好左D,但連個醫生都唔知道我可以幾時好......依家已經用左幾百蚊,再係咁用幾千都唔掂啦~~如果情況仲係咁,我都有可能轉去睇西醫試下既~~ 最麻煩係我要日日出去太子飲藥.......遲D開左學就更麻煩.....

Subject: 藥煲
Author: 小珊子 [ Edit \| View ]	Date Posted: 20:24:00 08/24/02 Sat 已經睇左四次中醫啦~~呢幾排日日都出去飲藥,我已經飲左成10次啦~~情況已經好左好多,但間唔中都會出下咁囉~~ 飲埋明天,我唔睇住啦~~睇下點先再算~~飲藥都飲到怕怕啦......

[> Subject: 會唔會就此功虧一貴0架???
Author: 玉林 [ Edit \| View ]	Date Posted: 10:47:29 08/25/02 Sun 搏唔搏得過呀????

[> [> Subject:

Re: 會唔會就此功虧一貴0架???

Author:
小珊子
[ Edit | View ]

Date Posted: 16:29:09 08/29/02 Thu

第三次睇完醫生食完三日藥後,情況好左D.....
第四次睇完醫生食完三日藥後,情況又冇咁好啦~~
於是我"甲死"都要去睇第五次,同個醫生講,上次D藥唔係咁得,再上一次D藥得D,佢話唔關D藥事,係如果我有風籟呢種基因(?!),就會出來,仲話呢D一係就食幾次就好,一係就食到....要用月計喎~~

今日我返左學,所以冇去睇.....如果發覺唔食情況真係差左,就去睇啦~~

Subject: 小珊子癲架#_#"
Author: ～閒雲野鶴～小逵～ [ Edit \| View ]	Date Posted: 07:32:56 08/23/02 Fri 嚴重警告:版主-小珊子-有嚴重虐待傾向,係個人未有充分準備前,跟小珊子唱Ｋ,只會自尋死路.......~_~"" <==受害人--小逵

[> Subject: 死仔呀~~
Author: 小珊子 [ Edit \| View ]	Date Posted: 20:19:59 08/24/02 Sat 你唔好在我既留言板亂散播流言先得架~~我唔係有嚴重虐待傾向,只係我個人禮讓啫~~ 唱K 梗係咁架啦~~在當時既情況下,一係我唱,一係你唱,一係佢唱,咁我唱完,梗係到你架啦~~ 從來都好少見到呢個情況,通常都係D人爭住個咪既~~試問唱K 邊有人唔肯唱歌,要人迫先肯唱架?!

Subject: 好正呀~~
Author: 小珊子 [ Edit \| View ]	Date Posted: 00:11:51 08/23/02 Fri 今日原本由11:30am 唱到2:30pm既,點知佢3 點幾都未cut,有人走入來,我地問佢,佢話可以去到4點!!!!! 我點左好多Spice Girls,不過冇人可以陪我唱......我諗我地可以組Aqua 就得既,Spice Girls 就唔得啦~~ 冇左你,一個人做唔到和音,都係差咁D野既!!!!

[> Subject: 嘿!
Author: 玉林 [ Edit \| View ]	Date Posted: 12:46:45 08/23/02 Fri 當然!!!! 記住下次我地一齊去一定要點哂所有Spice Girls既歌!!! 要唱得哂為止!!!!!!!!

[> [> Subject: 好~~
Author: 小珊子 [ Edit \| View ]	Date Posted: 20:13:33 08/24/02 Sat 下次唔好再去Greenbox啦~~試下其他K有冇Spice Girls 其他既歌!!! 約定你~~ 不過唔好唔記得我既手信呀~~

Subject: To: 琳
Author: 小珊子 [ Edit \| View ]	Date Posted: 14:29:38 08/17/02 Sat 在此祝你一帆風順~~ 下年再見~~(下次記得買手信呀~~)

[> Subject: 有心有心~~~
Author: 玉林 [ Edit \| View ]	Date Posted: 12:45:27 08/21/02 Wed 哈哈!!講真,我今次又真係冇買手信喎~~!! 不過我次次返都買既話都幾"啦利"!!! 今次乜都冇係因為返黎個時心情都不大好,又點會諗起話要買手信呀~~~ 好啦, 下次記得預你一份啦!!!

[> [> Subject: Re: 有心有心~~~
Author: 小珊子 [ Edit \| View ]	Date Posted: 23:27:43 08/22/02 Thu 我就有心,你就冇心啦~~ 你唔只呢年冇買手信,係年年返來都冇!!!!! 下次記得補返幾份比我啦~~話晒我都幫你在香港做左好多野呀~~

[> [> [> Subject: 嘻!
Author: 玉林 [ Edit \| View ]	Date Posted: 12:50:35 08/23/02 Fri 你都好奸喎~~~~

[> [> [> [> Subject: 嘿嘿嘿~~~~~~~~~~~
Author: 小珊子 [ Edit \| View ]	Date Posted: 20:11:18 08/24/02 Sat 你識我咁耐依家先知......太遲啦~~

Subject:

好邪呀~~

Author:
小珊子
[ Edit | View ]

Date Posted: 23:57:58 08/22/02 Thu

昨晚到馬會返工,只係返去practice,不停咁聽帶,不停打飛,不停自己覆飛,成個百痴咁~~
中途仲整埋停電,電腦故障比我地實習.....好搞笑.....
最後仲走火警,仲有得早放~~

坐在我側邊既女仔,我認得佢又係上次一齊briefing既,不過我地中間隔左條柱,想傾計都唔得......走火警時一齊走,先知道佢都係叫Katie!!!!!!!

Subject: 你地今日去唱k ?
Author: 佳佳 [ Edit \| View ]	Date Posted: 15:47:05 08/22/02 Thu 哎呀.... 原本我都想出黎，但係勁眼訓呀..... 今晚仲要返工，唯有下次再出黎啦

[> Subject: Re: 熊貓佳佳
Author: 小珊子 [ Edit \| View ]	Date Posted: 23:32:11 08/22/02 Thu 你真係名副其實既熊貓佳佳!!!!!! 今日下午原本想找你,但係我地都唔會留到夜晚,所以費事叫你出來一陣我地又走啦~~而且見你通宵做野咁辛苦,你都係休息下會好D~~ 記住搵錢重要,身體一樣重要啊~~

[> [> Subject: Re: 熊貓佳佳
Author: 小珊子 [ Edit \| View ]	Date Posted: 23:34:45 08/22/02 Thu 重有一點唔記得講,唱左4個半鐘,佢地唱到好似就死咁~~哈哈~~我卻很開心啊~~

Subject:

澳門之旅第二日

Author:
小珊子
[ Edit | View ]

Date Posted: 18:49:35 08/16/02 Fri

2002年8月14日

今朝去左一間西餐店食早餐,我食左咸牛肉芝士飛碟,再加一杯凍朱古力,都係$20,仲好好食...我媽咪食左個set,係雞扒包再加飲品,都係$14,佢話個包仲好食過昨日個豬扒包喎~~原本昨晚都見到呢間野,但見裡面一個人都冇,而且有兩個伙計"灘"係度......今朝就有幾個人來食,所以先敢入來。

之後去左初一十五街買手信,全街都係賣食品手信既,個個都在店既門口比D豬肉乾我地試食,有D人仲用手扯住我地,好可怕....我地去左3間店買左D野食返香港,買左成$200左右,但係我覺得D野都唔係好平,尤其是有老字號既店,有少少"掠水".......

放低D野之後,我地去左賭場,今次係我第一次入賭場,以前去旅行,在雲頂都有賭場,但那時我未夠18歲.....一入去就要除袋比佢睇,那個人叫我地拎護照出來,我地咪拎身份証出來,我媽咪比佢地睇,佢地先話佢唔洗,只係我要,因怕我未夠18歲!!哈~~我說我夠架啦喎~~佢地先話個樣年輕D先要查...入到去比我想像中好,冇煙味,因唔比人食煙,但係環境就比想像中殘....我彈琴Miss之前同我講如果一個人第一次入賭場,賭第一次一定贏,叫我玩下,但我始終冇玩,因為我覺得自己冇咁好彩.....我媽咪又叫我玩老虎機,但我見到4個公仔簡直勁難中,所以都冇玩囉~~

去完賭場返左酒店食lunch buffet,是酒店送埋既,但得好少野食....
食完去左新八百伴行街,在Starrywood買左件衫,買左之後先諗起其實可能香港會平D掂呀~~不過算啦~~因為係阿媽比錢既!!!

我地搭6:30pm船走,見仲有時間,去左新馬路行來行去,去到一條巷仔,竟然見到本書介紹既"瑪嘉烈餅店",好開心,因為本書都話勁難先可以搵到既,估唔到我地亂行都可以搵到...見到有好多人坐在出面食酥皮葡撻,我都買左一個,$5.5一個其實都幾貴,但係唔知係咪心理作用,又真係好食過香港既....

之後拎返D行李搭船走lu~~今次既旅程都幾好玩,有機會我都會再來既.....不過澳門又曬又熱,仲熱過香港!!!

[> Subject: Re: 澳門之旅第二日

Author:
玉林
[ Edit | View ]

Date Posted: 13:02:01 08/21/02 Wed

澳門的陽光簡直係直哂落黎架!!!又點會唔曬唔熱呀~~~~
我上次去,熱到係山邊行左兩步都已經想放棄啦!!!

我上次同阿堂去,冇話睇過的咩書呀~~~自己摸咋!!
所以冇乜特別收獲......
淨係去左一間食葡餐既餐廳,OK咁啦~~
可惜我地只係去一日咋,都冇過夜,食少好多餐!!!!

不過我入睹場就有睹喎!!!我有玩老虎機囉!!!羸左成二百蚊到呀!

[> [> Subject: Re: 澳門之旅第二日
Author: 小珊子 [ Edit \| View ]	Date Posted: 23:24:52 08/22/02 Thu 其實去澳門唔洗書都得,只不過有左書就可以知道邊度有好野睇,好野食咁囉~~ 你呀~~將我個澳門之旅第一日同第二日分開了..........

Subject: 還記得我嗎?
Author: 何卓賢 [ Edit \| View ]	Date Posted: 20:49:34 08/20/02 Tue 你好嗎??? 今天去vivian's messageboard 才知道是你!!! 我來了australia 讀書呀! 我地都好似有幾年沒有聯絡了!!! please contact me la!!! my icq no. : 150632635

[> Subject: Re: 還記得我嗎?
Author: 小珊子 [ Edit \| View ]	Date Posted: 23:20:53 08/22/02 Thu 我當然記得你啦~~Tracy 姐嘛~~ 你睇Vivian 個broad,唔知我叫小珊子呢~~不過佢最近將我全名打左出來!!!!! 咁都做就左你知我係邊個........ 你生活如何呢?真的很久沒聯絡了.........

Subject: 心大心細............
Author: 小珊子 [ Edit \| View ]	Date Posted: 20:32:53 08/20/02 Tue $700 一對Nike復刻版波鞋,值唔值呢? 我唔係咁捨得囉~~之前見到只係$549,可惜依家好多間都賣晒啦~~但我又幾鍾意.....心大心細.....想問問大家既意見........

Subject: 無乜變.....
Author: 佳 [ Edit \| View ]	Date Posted: 09:37:45 08/18/02 Sun 尋晚見到你地，覺得你地個個都無乜點變..... 基本上比我感覺都係差唔多。

[> Subject: Re: 無乜變.....
Author: 小珊子 [ Edit \| View ]	Date Posted: 17:09:25 08/19/02 Mon 其實大家都有變,樣子不同了......而且在思想上,我都覺得有D唔同左...... 不過我覺得你都係差不多,同以前一樣都係咁大個黑眼圈.....

[> [> Subject: Re: 無乜變.....
Author: 佳 [ Edit \| View ]	Date Posted: 01:51:55 08/20/02 Tue 應該點講呢....諗野既方式可能唔同左，外貌上其實就差唔多，最重要我覺得你地既本質都無乜變囉

[> [> [> Subject: 洗乜講~~哈哈~~
Author: 小珊子 [ Edit \| View ]	Date Posted: 20:27:55 08/20/02 Tue 我地既本質不嬲都係咁純良架啦~~

Subject: 蘇州過後無艇搭
Author: 小珊子 [ Edit \| View ]	Date Posted: 17:39:52 08/19/02 Mon 很久以前已經睇中了,又心大心細,依家冇得賣啦~~ 激死!!!!!!!!!!!!!!!!!!

Subject: 久違了~~
Author: 小珊子 [ Edit \| View ]	Date Posted: 17:37:02 08/19/02 Mon 已經有幾年冇去過Bar 飲野,差一點連大話骰都唔記得點玩.....星期六和舊同學聚舊,真係有舊地重臨的感覺..... 我唔飲酒既,都係飲左杯 Pussy fruit 啫~~有朋友叫左杯熱奶茶,o係咁黑咁噪既地方飲熱奶茶,好正呀!!! 不過去完之後,把聲沙左,可能嗌得太大聲啦~~

Subject:

澳門之旅第一日

Author:
小珊子
[ Edit | View ]

Date Posted: 18:47:02 08/16/02 Fri

2002年8月13日

今朝一早五點幾起身,因為搭八點船。成隻船大部份都係大陸既Tour,搞到我好似去左大陸咁...去到酒店未有得check-in,我地放低左行李後就周圍行。我地住既酒店係"新世界帝濠",都幾好,又大又近市區。(不過晚上洗澡時發現個花灑唔可以拎出來既,好唔方便...)我地首先去左大馬路,見到義順,入去食左碗雙皮奶,但冇香港既咁好食...之後check完in,去左一間叫"上海灘"既地方食lunch,好有懷舊風味,D環境仲好high咁,價錢都唔算貴,D 鍋貼好大隻,$21有5隻。

下午去左氹仔,那裡冇乜人,突然見到有間野坐左勁多人,後來先發現是本書介紹既"大利來記咖啡室",有出名既豬扒包食,本書寫下午3點半出壚,原來是3點就出,我剛去到,於是即刻排隊,$10 一個,特別既地方係用古法柴壚焗製,都幾好味,但係要坐在出面,熱到死~~

之後又去左最出名既大三巴影相,去左本書介紹既"禮記士多",有各式各樣既雜果杯賣,我飲左杯木瓜汁雜果杯,我原本想飲芒果汁底架~~但驚出風籟...我媽咪叫左,勁好味啊~~$16,成杯都係生果,抵過許留山,不過冇位坐,要坐在店既出面一張椅上...原本本書仲有介紹一個地方有好味既紅豆餅,但搵極都搵唔到,原來執左啦~~

晚上去左一間飯店食,D野都幾平,$30左右就有一個餸,比香港平囉~~呢一日行左大半個澳門,所以隻腳勁累~~睇完 ER 就訓囉~~

Subject: 好搞鬼既Qoo~~
Author: 小珊子 [ Edit \| View ]	Date Posted: 18:23:02 08/12/02 Mon 嘩~~呢個掂呀~~

Subject: 嘻~~
Author: 小珊子 [ Edit \| View ]	Date Posted: 18:20:39 08/12/02 Mon 明天去澳門玩兩日,好耐都冇同媽咪去旅行啦~~對上一次係Form 5 去日本!!! 成四年前!!!感覺上真係好耐!!!!

Subject: weiwei~~
Author: Carmen^.^ [ Edit \| View ]	Date Posted: 22:58:02 08/11/02 Sun weiwie~~ is me ar~~~ first time to leave message here~~ long time haven't seen u ar ~~ when we go out ??? do we date on 17th ar???? or........another date ???? have time then call me la........^^

[> Subject: Re: Carmen
Author: 小珊子 [ Edit \| View ]	Date Posted: 18:12:29 08/12/02 Mon 我都好耐冇見你啦~~ 一定係17號夜晚架啦~~我咪問過你囉~~唔再等第二日啦~~已經改左一次,又要就其他人放假時間..... 時間我再約你~~

Subject: 昨晚,
Author: 小珊子 [ Edit \| View ]	Date Posted: 22:33:46 08/10/02 Sat 去左見家長...... 好好餸,有蝦,有蜆,有魚,有生菜,有雞,有排骨...... 樣樣我都鍾意食既.... 不過好奇怪,無湯架喎~~

[> Subject: Re: 昨晚,
Author: mc [ Edit \| View ]	Date Posted: 23:05:42 08/10/02 Sat 醜家婦終需見家翁~~ 咁早有得見真係幸福^_^

[> [> Subject: Re:可惡的 Do 哥
Author: 小珊子 [ Edit \| View ]	Date Posted: 23:20:49 08/10/02 Sat 死啦你~~講到我咁差... 又唔係第一次見....今次已經係第三次啦~~ 不過對上一次已經係年幾之前..... 今晚我connect 唔到ICQ,見到你既留言,知道你都係呢個時間上緊網,但係偏偏就講唔到野,真係慘!!!

[> Subject: 嘻嘻!! 有蝦你都冇得食!!
Author: 玉林 [ Edit \| View ]	Date Posted: 03:17:49 08/11/02 Sun 有冇出醜呀??

[> [> Subject: Re: 琳
Author: 小珊子 [ Edit \| View ]	Date Posted: 18:09:24 08/12/02 Mon 去了之後一日先去睇醫生,所以之前都食左好多蝦!!! 不過婆婆生日(昨晚),我都要忍口...... 梗係無出醜啦~~我會咁水皮既咩?!

Subject: 好悶呀~~
Author: 小珊子 [ Edit \| View ]	Date Posted: 23:39:48 08/10/02 Sat 十一點幾,竟然全家都難得地"訓"晒,冇晒電視聲,冇晒人聲,冇得玩ICQ...... 得我一個在廳玩緊電腦.....靜得可怕..... 幸好,還有佢!!!都係早一點 offline 打電話好過.....

Subject: testing
Author: 小珊子 [ Edit \| View ]	Date Posted: 01:29:54 08/08/02 Thu

[> Subject: Re: testing
Author: 小珊子 [ Edit \| View ]	Date Posted: 23:14:35 08/10/02 Sat

Subject: 今晚ICQ connect 唔到既....
Author: 小珊子 [ Edit \| View ]	Date Posted: 23:12:07 08/10/02 Sat

Subject:

今日,

Author:
小珊子
[ Edit | View ]

Date Posted: 22:44:41 08/10/02 Sat

去左睇中醫,醫生說我體內有風,有毒,所以先會成日起風癩.....

今日飲左一次藥,好彩都唔算太苦,明天仲要去多一次飲藥.....

要戒口,唔可以食蝦(我昨日食左好多!!),蟹(要忍下啦~~),燒鵝,荀(好彩呢兩樣野我唔食既),仲有唔可以食凍野(慘!!)....

今日仲要同家人去飲茶,連我最鍾意既蝦餃都唔可以食.....明天我阿婆生日要去飲,又唔可以食蝦....慘無人道呀~~~~~~~~~~~~~~

Subject: 唉~~
Author: 小珊子 [ Edit \| View ]	Date Posted: 23:58:20 08/08/02 Thu 我真係覺得,有時D野唔洗講到咁明,人地都會明白既..... 點極都唔明時,就唔好怪我心直口快,hurt 到人!!!

[> Subject: Re: 唉~~
Author: 稀客 [ Edit \| View ]	Date Posted: 19:17:38 08/10/02 Sat 咁人地唔明時你都唔好怪人地蠢喎~

[> [> Subject: Re: 稀客
Author: 小珊子 [ Edit \| View ]	Date Posted: 22:31:08 08/10/02 Sat 下次留言唔該留名呀~~ 我講左好多次啦~~

Subject: 匪夷所思.....
Author: 小珊子 [ Edit \| View ]	Date Posted: 23:10:20 08/08/02 Thu 真係匪夷所思呀~~ 不過事情已經解決左啦~~成個人鬆晒!!!!

Subject: 終於搞掂啦~~
Author: 小珊子 [ Edit \| View ]	Date Posted: 01:44:23 08/08/02 Thu 想貼在個broad 既heading到,整極都唔得...... 原來貼錯位~~真烏龍......

Subject: To: 琳
Author: 小珊子 [ Edit \| View ]	Date Posted: 00:06:33 08/08/02 Thu 唉~~ 一出親街就一定洗錢架啦~~冇得避既.....

[> Subject: 係~~~
Author: 玉林 [ Edit \| View ]	Date Posted: 00:48:06 08/08/02 Thu

Subject: 奇蹟呀~~
Author: 小珊子 [ Edit \| View ]	Date Posted: 00:28:32 08/08/02 Thu 真係估唔到佢今晚會同我一齊上網!!! 但係我講十句佢先一句囉~~

Subject:

好好玩~~

Author:
小珊子
[ Edit | View ]

Date Posted: 00:01:46 08/08/02 Thu

今日我自己包左7個水餃呀~~雖然形狀不像平時的水餃.....我包的有方形的,也有長形的....但真係好好玩~~好彩煮熟了都冇散開....

翠媽整既餃子材料好豐富,有蝦,白菜,豬肉,冬菇,仲有瑤柱!!!真係好好味~~我們最初用水煮熟就算,因為D餃子本身已經有味....等到翠媽回來,佢用左o的黃豆同埋o的菇整左o的湯底來煮水餃~~簡直勁呀~~不過翠媽話我地包得太多材料在餃子內,如果是賣餃子的就蝕本啦~~哈~~其實我地最主要唔係食層皮......最鍾意都係裡面既野啫~~

Subject:

好搞笑....

Author:
小珊子
[ Edit | View ]

Date Posted: 00:00:26 08/08/02 Thu

今晚收到個電話,說要做一個關於流動電話既問卷調查,我聽佢把聲,好細個,估應該是暑期工,咪幫佢做囉~~

問左好多關於手提電話既問題後,佢話最後一堆係關於私人既問題,For example 我鍾意聽音樂既程度,會否嘗試新科技.....最搞鬼係問埋贊成賭波合法化既程度......同手提都冇乜關係既,問左好耐,我都有些不耐煩....問佢幾時做完....佢話會盡快.....我心想他們做這些問卷調查的,如果唔完成一整份是不會有人工的,於是只有繼續答佢囉~~

後來先知道,我阿姨說我做了足足半小時!!!

你可以說我好人,也可以說我傻既.....

Subject:

哈~~真幸運~~

Author:
小珊子
[ Edit | View ]

Date Posted: 19:23:44 08/06/02 Tue

今日同琳小姐去左Green box 唱K,原本係十一點半唱到兩點既,我地點左好多,唔係,係間K所有既Spice Girls 既歌,但係超耐都唔出一首....到左就快兩點時先出....點知佢過左兩點都未cut 歌,我地咪繼續等Spice Girls 既歌囉~~唱到兩點九先Cut~~勁開心~~

跟住在旺角行街,原本我打算唔買衫架嘛~~但又破了戒....返到屋企又發現件衫既領cutting 不太好....又晒左一百蚊.....不過我都係買左幾樣野啫~~用左二百多元左右....琳小姐就勁shopping,買到冇晒錢仲要借....用左成六百.....哈哈哈~~

晚上原本約左7個開平同學聚舊既,之前有一個話臨時要做project, 都算啦~~點知仲有3個甩底,病左喎.....我諗有D係真有D係假掛~~

[> Subject: 啦啦啦~~
Author: 玉林 [ Edit \| View ]	Date Posted: 23:54:17 08/06/02 Tue 可惜仲有兩首Spice Girls歌唱唔到!! 如果唔係就真係完美啦~!! 0個間0野今日打0黎話有得拎啦件衫!!不過我都未知幾時去! 哈哈!! 我今晚又食0左日本0野呀! YEAH!

[> [> Subject: Re: 買野琳
Author: 小珊子 [ Edit \| View ]	Date Posted: 13:23:43 08/07/02 Wed 如果唔係我之後見唔到你,我都可以幫你去淘大幫你拎既~~ 有機會既話我地再去唱Spice Girls既歌....不過我相信,我地一定會再去既~~ 下年再見啦~~

[> [> [> Subject: 我今晚去0左拎件衫啦!!
Author: 玉林 [ Edit \| View ]	Date Posted: 23:57:46 08/07/02 Wed 又洗0左錢~~~

Subject:

好好玩~~

Author:
小珊子
[ Edit | View ]

Date Posted: 23:47:09 08/07/02 Wed

Subject:

好正~~

Author:
小珊子
[ Edit | View ]

Date Posted: 13:40:50 08/07/02 Wed

今日係會考放榜,也是我學校放榜的日子...
好彩都考得OK,唔洗補考or retake....大家都放下心頭大石啊~~

依家去左人地屋企開大食會....好正~~佢媽咪係煮野食高手...有好多芒果既布甸....有佢媽咪自己整豆沙的糯米糍....好好味~~

等佢媽咪返來,仲有其他野食.....真係好多謝佢媽咪啊~~

Subject: 今天好煩阿
Author: 台灣的憂鬱先生 [ Edit \| View ]	Date Posted: 22:51:51 08/05/02 Mon Katie....我今天終於分手了..... 哀......好煩唷.................

[> Subject: Re: 幽默先生
Author: 小珊子 [ Edit \| View ]	Date Posted: 18:57:33 08/06/02 Tue 唉~~又係你話想換換對象既....現在分了手又煩惱.... 不過我都同情你既~~ 但我諗你好快又可以找到另一個女仔啦~~

[> [> Subject: Re: 幽默先生
Author: mc [ Edit \| View ]	Date Posted: 23:48:41 08/06/02 Tue >但我諗你好快又可以找到另一個女仔啦~~ KATIE姐姐不錯哦 MC

[> [> [> Subject: Re:死仔MC
Author: 小珊子 [ Edit \| View ]	Date Posted: 13:19:32 08/07/02 Wed 咩呀~~叫我Katie姐姐咁老~~我細過你架喎~~ 咪亂講野呀你~~

[> [> Subject: Re: 幽默先生
Author: mc [ Edit \| View ]	Date Posted: 23:49:02 08/06/02 Tue >但我諗你好快又可以找到另一個女仔啦~~ KATIE姐姐不錯哦 MC

Subject: ～閒雲野鶴～小逵～
Author: 小逵 [ Edit \| View ]	Date Posted: 01:23:25 08/05/02 Mon 顏色e+好睇左好多喇，呢d顏色先係人睇架嘛～～～～～～～～我好靚仔呀～～～～－.－ｖ記得約齊ｄ人呀，唔係到時我放飛機唔好怪我．．．．．呵呵～～～～～～～～～～～～～～～～～

[> Subject: Re: ～閒雲野鶴～小逵～
Author: 小珊子 [ Edit \| View ]	Date Posted: 18:43:53 08/06/02 Tue 你咪唔係人囉~~你都說自己係雀囉~~ 你又唔搵?!我是旦搵幾個就算架啦~~ 你搵呀曾俊啦~~我冇佢電話...

Subject:

Re: 打簡體字那位人兄

Author:
一頭無緒小珊子
[ Edit | View ]

Date Posted: 18:38:41 08/06/02 Tue

終於睇完簡體那個message.....
很抱歉,真的不知是邊個,又唔寫名.....只知是開平的同學吧!!
四年前去過西九龍,我成日都去,點知係同邊個去喎~~
又話我唔add 你,你如果add我唔講邊個,我係唔會authorize 你的!
不如你大方一點,用繁體打比我,仲要光明磊落一點,留埋真名,等我知你係邊個,我自然會add你架啦~~

Subject: 今天好煩阿
Author: 台灣的憂鬱先生 [ Edit \| View ]	Date Posted: 22:50:20 08/05/02 Mon

Subject: 祥眭祥紒掩朡咭賸
Author: �棯斕€��腔� [ Edit \| View ]	Date Posted: 09:04:51 08/01/02 Thu 婓昹嬝�珨�e眳摽ㄛ撩�船蜁嗣侐爛��ㄛ傖剽�飲��梑�扂ㄛ衄�衱�衄肮笢𡦀腔��篌��(肮𠵼悕腔荎恅靡珨畭)ㄛ笯棯��蜁眭�S��ㄛ垀眕珂奻鐯笮斕��﹝ 閉閉閉閉閉ㄛ麐�笯𩂰衄��𩂰燴扂﹝ 閉閉閉閉閉﹝

[> Subject: Re: 祥眭祥紒掩朡咭賸
Author: 小珊子 [ Edit \| View ]	Date Posted: 23:24:33 08/01/02 Thu 嘩~~邊度人士呀??非洲?!! 完全read 唔到........

[> [> Subject: 斕麐�蚚☆�闚★0暫encoding蕻殿挼!!

Author:
迶輿
[ Edit | View ]

Date Posted: 02:42:09 08/03/02 Sat

祥眭祥紒掩朡咭賸 -- �棯斕€��腔�, 21:04:51 07/31/02 Wed

婓昹嬝�珨�e眳摽ㄛ撩�船蜁嗣侐爛��ㄛ傖剽�飲��梑�扂ㄛ衄�衱�衄肮笢𡦀腔��篌��(肮𠵼悕腔荎恅靡珨畭)ㄛ笯棯��蜁眭�S��ㄛ垀眕珂奻鐯笮斕��﹝
閉閉閉閉閉ㄛ
麐�笯𩂰衄��𩂰燴扂﹝
閉閉閉閉閉﹝

[> [> [> Subject: 我話你應該用「簡體」0既encoding睇返呀!
Author: 玉林 [ Edit \| View ]	Date Posted: 02:47:25 08/03/02 Sat

[> [> [> [> Subject: Re:琳
Author: 小珊子 [ Edit \| View ]	Date Posted: 21:35:50 08/03/02 Sat 點睇先得架..... 我硬係形住是有人玩野.......

[> [> [> Subject: Re: 斕麐?蚚☆?闚★0暫encoding蕻殿挼!!
Author: 小珊子 [ Edit \| View ]	Date Posted: 21:47:01 08/03/02 Sat 如果你真係有心留言比我的話,不如你打英文,咁我睇得明既機會會大一點.....

[> [> [> [> Subject: 你0係個IE度選「檢視」(0係上面工具欄呀)
Author: 玉林 [ Edit \| View ]	Date Posted: 04:31:22 08/04/02 Sun 之後選「編碼」0既「簡體中文GB」應該得0架啦!! 咁你會睇到淨係呢個message係「正常字」that you can read! 睇完之後將「編碼」改返做「繁體BIG5」就搞掂!!

Subject: 我係稀客
Author: 佳佳 [ Edit \| View ]	Date Posted: 22:47:57 08/03/02 Sat 我都知佢成日in 人架不過我呢排要考試，又要返工麻..... 我都有係web 度登記，不過一次都無打過黎試過有一次去埋in 呀，原來都只係叫人填form 咋....

[> Subject: 咁又真係幾倒霉既.....
Author: 小珊子 [ Edit \| View ]	Date Posted: 22:58:25 08/03/02 Sat 都好少咁黑仔架喎~~不過你依家都有工返,洗鬼做馬會咩?! 你可以暑假完左之後再試,依家暑假個個搵工,佢有大把選擇嘛~~ 暑假後去試,易入好多架~~ 暑假你都要考試既咩??!!

[> [> Subject: Re: 咁又真係幾倒霉既.....
Author: 佳佳 [ Edit \| View ]	Date Posted: 00:53:33 08/04/02 Sun 唉.....要補考丫麻.... 有兩科唔合格呀

Subject: 吹呀吹,讓這風吹~~
Author: 小珊子 [ Edit \| View ]	Date Posted: 23:03:14 08/03/02 Sat 今晚成晚都聽到窗外不停有好大既風聲,吹呀吹....聲音都幾恐怖... 颱風,真係令人不寒而慄~~

Subject:

新的任務

Author:
小珊子
[ Edit | View ]

Date Posted: 22:45:44 08/03/02 Sat

今日11:15返到馬會,12時開始賣六合彩,做到死死下....有些人打來買,每次買5蚊5蚊,買成幾百蚊,買幾十條飛,而我就要覆幾十條...覆到口都乾埋....而且D人又講得好快,有時真係打唔切架~~辛苦死人....

做到成5點幾,終於叫我去briefing,計埋我有成10個女仔/女人去,原來要做滿一季以上(唉~~不知不覺我已經做左成年幾兩年啦~~),冇被人投訴過,冇賣錯過飛,有OK既attendence 先會被選中,我都算好好彩lu~~

不過,工作上接既call 會唔同左,我依家就係接普通既,幾十蚊注既call,做左Express之後就會接三種call,第一種就係大額戶口,即開出來有成幾十萬的.....第二種就係特快專線,要第一注飛$500以上,第三種係Toll Free,即係大陸打來的,就要每注都要$200以上....而大額客戶係最大既,買幾多錢都得,幾十蚊又得,幾萬又得...冇受限制

最攪笑既係,有個女人聽完之後話唔想做,話壓力太大喎~~咁事實上責任又真係大左,投注額大左,人都要好小心....但個組長同佢講選左佢唔可以唔做~~不過冇人工加既,好處只不過係會得閒一點,尤其係開跑前十五分鐘,冇乜人會打來,最多人係開跑前5分鐘...當然,在趕頭趕命之下賣飛,就更加要小心會入錯飛啦~~所以壓力又真係大左既....

希望我都可以勝任啦~~

Subject:

好開心呀~~

Author:
小珊子
[ Edit | View ]

Date Posted: 17:57:13 08/02/02 Fri

今朝早收到馬會打電話來,叫我明天返工,話我有potential做大額投注(佢真係咁講架...),叫我明早回去做六合彩,下午接受briefing....唔知洗唔洗考試呢~~不過都好開心,做Express 位少好多call,因為第一注飛一定要$500 以上先可以接受投注,而且又有特定既位坐....唔會好似依家咁,次次唔同位,又多call,做到死死下~~不過就一定要留心好多,大額落錯飛會好大獲....

但係有一樣野唔係咁好既就係同我一齊做馬會既friend 收唔到電話,以後我們可能要分開啦~~

依家學校仲未有Timetable,希望返工既時間唔好同返學時間撞就好啦~~如果唔係就浪費左呢個咁好既機會.....

[> Subject: Re: 好開心呀~~
Author: Sunny [ Edit \| View ]	Date Posted: 19:06:13 08/02/02 Fri 你個Broad 轉O左色喎~幾好呀~個feel好女仔~ 升職咪好囉~你恨O左好耐啦~記住請食飯...不過你都唔洸為O左個朋友O既事耿耿於懷O既,世事邊有咁完美?又唔係你決定O既~做好自己本份咪算囉~

[> Subject: Re: 好開心呀~~
Author: 佳 [ Edit \| View ]	Date Posted: 20:21:24 08/02/02 Fri 你就好啦我連in 既机會都無..... 改左色順眼好多喎~

[> [> Subject:

Re: 稀客佳佳

Author:
小珊子
[ Edit | View ]

Date Posted: 21:43:37 08/03/02 Sat

係咩??我見馬會又train 左好多人喎~~仲不停請人....

你要留意下報紙先得架~~好多時佢公開招聘,任何人在指定時間內都可以去interview 既...仲有一個方法,就係網上登記,佢會打比你叫你去in,但時間會耐好多,那時我已經睇完報紙,in完,搭緊火車返工佢先打來問我係咪在網上登記左.....

Subject: 傾聽專家
Author: 小珊子 [ Edit \| View ]	Date Posted: 00:15:03 08/02/02 Fri 唔知佢點解會"無那那"唔開心喎~~我都有點兒驚.... 只係知道,今晚要煲電話粥,要半夜先有得訓......

Subject:

日文開課了!!

Author:
小珊子
[ Edit | View ]

Date Posted: 00:10:00 08/02/02 Fri

今日係日文中班第一日上堂,睇落去個個都係出來做野咁....連個Miss 都話教我地學生日文點講,但睇我地全班都唔似喎~~似乎最年輕得我同我個friend 炸~~

個Miss 教得好快,我地都跟唔上~~真係要溫返初班既先得啦~~

返到屋企九點,冇飯食啦~~食左一大碗李錦記既醬爆肉丁麵,有好多肉丁,平時見到太貴唔會買,但同阿媽買就唔同啦....$10.9一碗,都幾好食既...不過咸左D....原來係台灣做既......唉~~好掛住台灣既美食啊~~

Subject:

Spice Girls Fans 二人組!!!!!!

Author:
小珊子
[ Edit | View ]

Date Posted: 18:37:43 07/31/02 Wed

昨日同左某位朋友(哈哈~~)去佐敦Greenbox唱K,又話可以由11時唱到4時,呃人既~~都係只可唱到2時之嘛~~仲要係1:55分即刻cut 歌,驚死我地唔走咁......

不過又好難得有人識唱咁多Spice Girls 既歌....應該說冇人可以陪我唱Spice Girls 咁多歌.....除左佢!!!!

當年參賽的歌曲,點可以唔記得點唱架~~真係有D過份....

之後去左尖沙咀,買左好多野,都幾開心....

銀包最後只剩下一張一百元,如果唔係有一件一百元既貨品用左EPS,恐怕銀包裡一張錢都冇!!!!!

唔得啦~~八月份真係要慳D!!!出少D街!!!

[> Subject: 嘻嘻~~~

Author:
玉林
[ Edit | View ]

Date Posted: 00:50:15 08/01/02 Thu

你要知道喎!! 我由我0地參賽之後都冇再聽過首歌啦!! 中四~~~幾年呀?? 五年啦!!!!(原來我0地都識0左好耐啦喎)

呢邊0既情況咪一樣~~~都冇人識唱Spice Girls0既!!
雖然0的歌好多唔係話一個人唱唔到，不過話明係組合歌，有人一齊唱先似樣嘛!!
重有係要真係識首歌0既人先可以玩到和音嘛!!!

我又唔覺得我0地買0左好多0野咋喎!!! 我自己淨係數得出0個"Ang" Avon保濕0野!!(for myself)
哈哈~~咁又係，我又冇買"咩"!!

[> [> Subject:

Re: 嘻嘻~~~

Author:
小珊子
[ Edit | View ]

Date Posted: 23:48:02 08/01/02 Thu

咁其實我都好耐冇聽Spice Girls 既CD....不過話晒係比賽既歌,點都會記得既....你那時還在我的紀念冊內叫我永遠記住,估唔到係你唔記得左先喎~~

我地係F2開始識既....成7年啦~~真係時光飛逝,光陰似箭....唉~~

你唔係冇買"咩",係睇中左但又不合心水啫~~我都買左好多野....Avon 那支野啦....Revlon 那盒Mask 啦...一條裙啦...等等....嘻嘻~~不過愈買得多野,就愈洗得多$啦~~依家我要慳D先得啦~~

Subject:

黑仔.......

Author:
小珊子
[ Edit | View ]

Date Posted: 18:48:15 07/31/02 Wed

今日返左牛記練琴,3點幾覺得有些肚餓,於是落街買八爪魚丸...
點知返上去開唔到木門,都唔係第一次架啦~~用盡晒全身既力都開唔到,出晒大汗,好狼狽...結果我叫左個絲奶幫手,都係開唔到....只有返婆婆家...

落街時好彩有帶銀包,手提....都好彩熄好晒燈...不過琴蓋未關好,琴書又未放好,還遺漏了介指,梳,小說兩本,仲有偷偷買既MD 機.....比阿媽見到就慘啦~~有排"哦"......

唔知係咪出力過度,回到家個膊頭好痛,隻手又痛,隻手指仲因為太大力整個門把而腫左....

Subject: 我來了！
Author: 嘿嘿~~~~我是憂鬱先生 [ Edit \| View ]	Date Posted: 13:47:15 07/26/02 Fri Katie...你上一次的板壞掉.. 害我不能留言....因為最近比較忙.. 所以沒辦法回信給你..真是不好意思... 你過的怎樣阿... 多介紹一些朋友給我認識吧！ccc....

[> Subject: Re:幽默先生
Author: 小珊子 [ Edit \| View ]	Date Posted: 17:50:15 07/26/02 Fri 我的留言板壞了.....害到我無左台灣之旅的精華片段..... 不要不好意思,你有空才回信給我吧~~ 介紹朋友比你識??點介紹呀?? 啊~~你想識女仔!!!!!! 下年你來香港我介紹一班靚女比你識!!!!!!(但我怕你的女友打我呢~~)

[> [> Subject: Re:幽默先生
Author: 幽默先生來囉 [ Edit \| View ]	Date Posted: 10:33:30 07/31/02 Wed >我的留言板壞了.....害到我無左台灣之旅的精華片段..... >不要不好意思,你有空才回信給我吧~~ >介紹朋友比你識??點介紹呀?? 啊~~你想識女仔!!!!!! >下年你來香港我介紹一班靚女比你識!!!!!!(但我怕你的女友打 >我呢~~) 不會拉...我想換換對象拉....cccc...

[> [> [> Subject: Re:幽默先生

Author:
mc
[ Edit | View ]

Date Posted: 14:18:17 07/31/02 Wed

>>我的留言板壞了.....害到我無左台灣之旅的精華片段.....
>>不要不好意思,你有空才回信給我吧~~
>>介紹朋友比你識??點介紹呀?? 啊~~你想識女仔!!!!!!
>>下年你來香港我介紹一班靚女比你識!!!!!!(但我怕你的女友?>?>>我呢~~)
>
>不會拉...我想換換對象拉....cccc...
呵呵呵
我都說文昱想換對象啦
katie還說不信呢~~

[> [> [> [> Subject: Re:可惡的MC......Do Do
Author: 小珊子 [ Edit \| View ]	Date Posted: 18:25:23 07/31/02 Wed 你幾時有同我講過呀?!咪亂吹水先得架~~

[> [> [> Subject: Re:幽默先生
Author: 小珊子 [ Edit \| View ]	Date Posted: 18:22:23 07/31/02 Wed 唔係呀?!好好的為什麼換女朋友啊?!

Subject:

很大雨啊~~

Author:
小珊子
[ Edit | View ]

Date Posted: 23:37:31 07/29/02 Mon

今日等少一點雨才出門口,到等車時突然超大雨,上車後又冇乜雨,激死人啦~~有傘都濕晒....
去沙田既目的最主要係去Ettusais同無印,但係在無印又買唔到野,在Ettusais 又買唔到想買既野(應說說貴到唔捨得買....),結果在那兒買左d自己都覺得其實唔係太需要既野(情況都幾複雜架~~)....返到屋企真係覺得有d晒錢既感覺....

仲有一樣野買到,就係去左西田既supermarket 買左四杯yogurt同埋
o加o里雞肉包心魚旦!!!好搞笑....

[> Subject: 咦!

Author:
玉林
[ Edit | View ]

Date Posted: 02:02:55 07/30/02 Tue

我今日都去0左Ettusais同無印,但係就唔係沙田個兩間，我去0左銅鑼灣0既~!!
冇0係Ettusais買0野，見到佢0既2002 Limited Edition都幾吸引，不過都係冇買。
分別為[Acne & Boydy Care Kit] 同[Whitening & Body Care Kit]
$300有一個七樣0野0既package，每樣都係袖珍0既，好靚!!

0係無印就買0左三樣0野啦，其實去得無印就預0左破財......

[> [> Subject:

Re: 大家都係為買野而煩惱既琳

Author:
小珊子
[ Edit | View ]

Date Posted: 18:19:55 07/31/02 Wed

真係好橋~~其實我都有打算去銅鑼灣的...不過始終較喜歡去沙田...
我去Ettusais既主要目的,係想買Whitening 既精華素,但係貴到嘔....$250 得好細支,所以唔太捨得買...但一場去到冇理由唔買野架....於是買左那套黑頭組合~~但係好似都唔係太有用.....

我決定暫時唔可以再買護膏品住啦~~今個月超晒支,用左成7,8百蚊來買護膏品!!!!!!不過唔係一次過買,係次次百多元咁買,睇落冇咁心痛(自欺欺人.....)

Subject: 仲有兩日.....
Author: 小珊子 [ Edit \| View ]	Date Posted: 00:22:02 07/30/02 Tue 日文中班....但係連初班的也不記得了.... 知道要溫,但係又冇乜動力....

Subject: 幻變無常,就係女人!!!!!
Author: 小珊子 [ Edit \| View ]	Date Posted: 00:38:58 07/29/02 Mon 人家說,女孩子脾氣變幻無常,一分鐘前仲可以笑臉迎人,一分鐘後就變了黑炭咁既樣.... 無錯,女仔既心情真係可以變得好快....變臉係女仔既特權!!!

[> Subject: 冇錯!
Author: 玉林 [ Edit \| View ]	Date Posted: 02:23:13 07/29/02 Mon 呢一分鐘我可以對住你笑，下一分鐘難以擔保我唔係嬲到七情上面，仲可以喊埋出0黎!! 有時都有0的佩服自己，覺得自己都可以考慮投考藝員訓練班。

Subject: 突然感慨
Author: 小珊子 [ Edit \| View ]	Date Posted: 00:30:27 07/29/02 Mon 次次都比人呃,一直等待等待....無奈我又相信...... 哎~~

Subject:

久違了的慈雲山

Author:
小珊子
[ Edit | View ]

Date Posted: 00:20:37 07/29/02 Mon

今日係一星期一次的Family Day,每次我多數都會同媽咪周圍去,今次就和媽咪去了慈雲山行街街...
大判燒餅十元三個,不過味道都可以既....媽說紅豆太甜了....
去了吉之島的supermarket,我們不停的試食,而且試親都覺得好味,試親都買,如是者,買了很多食物回家....
晚上去左大家樂食田螺帶子鐵板餐....田螺唔好食,如果去一定要選另一款前菜,有隻很大的大蝦!!!!!不過,我想我試一次便夠了...
今天,蠻開心的!!!

Subject: 青春...........

Author:
小珊子
[ Edit | View ]

Date Posted: 18:49:04 07/27/02 Sat

最近樂壇上出現了很多新既女子組合....Twins,Cookies.....全部都係十多歲既少女.....
sell 既 point 就係"青春"
有時都幾羨慕十多歲既女孩子咁有活力.....覺得自己確實是"年老"了,有時著得"o靚妹"一點,會覺得同自己既年齡好似唔多配合....我已經不可以再成日跳跳紮紮,會覺得好"支力".....依家挨一晚通宵,第二朝就好似一個冇靈魂既驅殼咁.......種種跡象顯示我的體力已經大不同前......可能你會覺得我講得太誇,但事實上一過左20歲,個人都好似去左另一階段咁......

哎~~青春無限好呢!!!

[> Subject: Re: 青春...........
Author: 佳 [ Edit \| View ]	Date Posted: 00:17:59 07/28/02 Sun 唔係得果廿歲就嗌哂老呀！雖然我而家都同你一樣，通晚頂簡直想死..... 你又可以著到幾o靚妹呀？你唔好著到咁老餅添呀！如果唔係係街見到唔知叫唔叫你呀！～ p.s. 如果有机會約出黎玩，唔該有咁低b 著到咁低b 丫～多謝合作。

[> [> Subject: Re:稀客佳佳
Author: 小珊子 [ Edit \| View ]	Date Posted: 23:59:10 07/28/02 Sun 二十多歲相比起十多歲,已經老左好多架啦~~ 唔.......你想玩咩先?! 咁我係咪要著BB既"甲那衣"出來先?! 咁你咪要著尿片出來?(記著,要赤著上身啊!!!)

Subject: 小學聚會

Author:
小珊子
[ Edit | View ]

Date Posted: 18:22:49 07/27/02 Sat

今日在Pizza Hut 由十二時坐到四時!!!!!!!
發現大家思想上,價值觀都有些不同了.....好像只有我沒有改變....其實小學同學每一年都可聚會一次,已經好好,因為我有好多朋友,都好奇怪我仲有同小學同學見面....我會好好珍惜架啦~~
托福,我仲有同以前既小學,中學同學聯絡.......
希望出年大家不會因工作而忘記了一年一次的聚會啦~~

Subject: ～閒雲野鶴～小逵～
Author: 小逵 [ Edit \| View ]	Date Posted: 17:41:11 07/27/02 Sat 你個留言版我自問真係睇唔明,不過對於要求低既你黎講,我諗都冇咩所謂啦^o^ 可唔可以轉底色,黃色好難睇我又要係你個留言版再講番同一句說話喇: ～～～～～～～我好靚仔呀～～～～～～～死未? 一.一v

[> Subject: Re: 小逵,你係咪中國人呀?!
Author: 小珊子 [ Edit \| View ]	Date Posted: 18:12:57 07/27/02 Sat 中文都睇唔明,唔係化?!枉你是中國人!!!!! 總之我覆人地既messages,就會在那個留言下面,而且有>這個符號~~ 黃色合晒你啦~~同你諗既野一樣.....

Subject: Hi~~~
Author: 好燒翅膀.... [ Edit \| View ]	Date Posted: 13:02:02 07/27/02 Sat 我來看看你ㄉ留言板......還不賴.....

[> Subject: Re: 台灣既ICQ朋友
Author: 小珊子 [ Edit \| View ]	Date Posted: 18:09:20 07/27/02 Sat 你有些字我都看不明..... 總之要多來啊~~

Subject: 留言板的不好處
Author: 小珊子 [ Edit \| View ]	Date Posted: 18:00:17 07/26/02 Fri 發現每次一覆messages,整個messages 的次序便會不同了....使看的人看不明白,或是看不到留言的連貫性....

[> Subject: 可以自己教0架!!
Author: 玉林 [ Edit \| View ]	Date Posted: 01:59:49 07/27/02 Sat 應該0係general display

[> [> Subject: Re: 可以自己教0架!!
Author: 小珊子 [ Edit \| View ]	Date Posted: 18:07:47 07/27/02 Sat 我好似已經較左....哎~~我都唔肯定...

Subject: 好英呀~~
Author: 小珊子 [ Edit \| View ]	Date Posted: 18:40:11 07/26/02 Fri 剛剛聽到阿婆開的收音機,說南海附近有一個強烈熱帶風暴------ 名叫"風神"!!!!!!!

[> Subject: "風神"起0左好耐啦喎!!!!!!!
Author: 玉林 [ Edit \| View ]	Date Posted: 01:56:10 07/27/02 Sat

Subject: 好耐冇見
Author: 你估下啦 [ Edit \| View ]	Date Posted: 18:58:49 07/26/02 Fri 喂~好耐冇見!知唔知我係邊個?我個名都好太陽! 我都好耐冇上網,上次去過你舊的留言板看,你的台灣之旅好似好好玩啊~很羡慕! 但下次再上時已經壞了...現在有新的仲好啦~我會多來啊~

[> Subject: Re: 好耐冇見...我都好耐唔見你!!
Author: 小珊子 [ Edit \| View ]	Date Posted: 23:47:09 07/26/02 Fri >喂~好耐冇見!知唔知我係邊個?我個名都好太陽! >我都好耐冇上網,上次去過你舊的留言板看,你的台灣之旅好似?>n好玩啊~很羡慕! >但下次再上時已經壞了...現在有新的仲好啦~我會多來啊~ 我知你係邊個.....我以為你唔記得左我呢個"兄弟"!!! 得閒多來啊~~

[> Subject: Re: 好耐冇見...我都好耐唔見你!!
Author: 小珊子 [ Edit \| View ]	Date Posted: 23:48:12 07/26/02 Fri 我知你係邊個.....我以為你唔記得左我呢個"兄弟"!!! 得閒多來啊~~

Subject: 好煩惱~~
Author: 小珊子 [ Edit \| View ]	Date Posted: 23:38:48 07/26/02 Fri 要一個地方坐得耐,食野又平,又可以好多人一齊坐,一齊傾計....去邊度搵呢?! 這就是一班人出來聚舊的煩惱了.....偏偏這煩惱要我去解決.... Any suggestion??!!!

Subject: 好時光....我很喜歡的歌

Author:
By Kelly Chen
[ Edit | View ]

Date Posted: 18:35:59 07/26/02 Fri

共你那一晚玩煮晚飯餐單全是我揀但見你嘲笑我太花時間
再嘉獎一句甚麼湯這樣咸
發夢也估不到能成熟有多好大家過多個學年各自上路回頭仍做朋友我們原來做不到年年大個罐頭湯亦失去味道連談電話
也需要預告
*為何沒法回到年少的好地方一起傾談螢火怎麼發光如荔園可以再度長年開放我與你卻已再抽不到數十分鐘傾講無法回到年少的好時光已經不可回你家一起渴湯我在這裡發現如今公幹日子的扎幌在當天暑假才好看*

Subject: 廣告
Author: 小珊子 [ Edit \| View ]	Date Posted: 18:03:38 07/26/02 Fri Lotte 出的 Zero 朱古力,無糖都可以咁甜咁好味.... 好神奇呀~~

Subject: 黃色~~像太陽!!!
Author: 小珊子 [ Edit \| View ]	Date Posted: 23:50:00 07/25/02 Thu 經過了三次,明白到太美的東西會太快消失.... 所以.....都係簡單一點好!! 冇花巧,冇做作,冇公仔..... 大家覺得怎樣?!

[> Subject: 車!!! 黃色~~~~學我之嘛!!
Author: 玉林 [ Edit \| View ]	Date Posted: 01:46:27 07/26/02 Fri 嘿嘿嘿~~ 唔係冇公仔可以整0既~~~ 有心就得0架啦!!!

[> [> Subject: 唔同色架喎~~
Author: 小珊子 [ Edit \| View ]	Date Posted: 17:44:33 07/26/02 Fri 你隻黃色邊有咁Sharp 呀?! 我原本用藍色既,但後來見到有呢隻黃咪用囉~~ 唔係個個都咁有心機整公仔架嘛~~

Subject: okr ryo
Author: ogg [ Edit \| View ]	Date Posted: 01:21:04 07/26/02 Fri 人生應是這樣美好的事總嫌少

[> Subject: Re: okr ryo
Author: 小珊子 [ Edit \| View ]	Date Posted: 17:40:57 07/26/02 Fri 請問聲呢位兄台是誰?!

Subject: 正確
Author: 小朋友 [ Edit \| View ]	Date Posted: 00:34:38 07/26/02 Fri 人生是這樣美好的事總太少

[> Subject: Re: 正確
Author: 小珊子 [ Edit \| View ]	Date Posted: 00:59:51 07/26/02 Fri 你又好似講得灰左d.........

Subject: 靠得住?!信得過?!
Author: 小珊子 [ Edit \| View ]	Date Posted: 23:41:22 07/25/02 Thu 友人A說:男人,都係靠不住!!! 友人Y說:男人,都係信唔過!! 又唔可以話晒世界上每一個男人既..... 不過,靠得住又信得過既男人又真係幾少既......

Subject: 新的開始
Author: 小珊子 [ Edit \| View ]	Date Posted: 16:06:57 07/25/02 Thu 舊的留言板壞了,只有整個新的,想起打了幾個鐘既台灣之旅精髓,真的心痛得很...... 今次呢個留言板,我想不會像以前的會成日壞掛~~

[ Main index ] [ Archives: 1, 2, 3, [4] ]

Forum timezone: GMT+7
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.