VoyForums: 小珊子的安樂窩

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Main index ] [ Post a new message ] [ Search | Check update time | Archives: 1, 2, [3], 4 ]

新年快樂~~
長洲Camp照片(Last updated 9/1/06)

Subject: 今日其實都唔係行左好耐......
Author: 小珊子 [ Edit \| View ]	Date Posted: 20:52:38 07/03/03 Thu 又曬又熱,真係唔多想o係條街到行....買左都算多野既~~唉~~又洗唔少~~ 下午接近六點落左車,太陽都可以好似十二點幾咁曬.....今日差唔多成34度,真係痴線架~~

Subject: 覺得自己好頹廢.......
Author: 小珊子 [ Edit \| View ]	Date Posted: 22:00:21 06/25/03 Wed 六月尾,放左假成個月了~~仲係好無聊咁過左,工又未搵,錢又冇乜,坐食山崩..... Form 7那年的暑假,那個非常積極搵工的我去了那兒?!

[> Subject: scare.....
Author: walter [ Edit \| View ]	Date Posted: 10:26:18 06/27/03 Fri 我都好lazy ar 想再找工卻lazy...........

[> [> Subject: 你都要搵工??唔係做緊份既咩?
Author: 小珊子 [ Edit \| View ]	Date Posted: 18:29:33 06/27/03 Fri 呢兩日我都有去interview,不過,都係要等無上一次一去見就請咁好彩了

Subject: 突然想起.....
Author: 小珊子 [ Edit \| View ]	Date Posted: 13:59:10 06/23/03 Mon 我F5時都收過一份幾出位既禮物,係一個幾熟既女同學送比我的.... 不過對於我來說一些作用都冇,都唔知點解佢送比我.... 雖然份禮物我仲未扔.....不過唔知放左去邊呢^o^"

Subject:

今日收到份遲來的生日禮物呀~~

Author:
小珊子
[ Edit | View ]

Date Posted: 21:49:53 06/19/03 Thu

不過有心唔怕遲既~~嘿嘿~~係一份都幾特別既野,係朋友親手整既一個圖章,刻住"小珊開心"!!真係好勁喎~~都唔知點樣可以整到,真係好野喎~~多謝晒~~不過我以前有既印台唔知去左邊,所以都無得印出來~~如果我印比人,我諗都會幾搞笑!!

印象中以前收過三份人地親手整既禮物,一份係一盒手摺既玫瑰,另一份是朋友摺左一晚通宵既幸運星,第三份係用手聯既豬仔圖案....而我咁多年覺得最難忘既禮物,就係中學時有幾個同學送左一大個紙皮箱既零食比我,搞到我那幾個月都送左好多零食比人,同食左好多....不過箱內好多都係糖,如果多返幾包薯片仲好(嘿嘿~~)要說一份我最鍾意既禮物,就係收到一個雪姑七友既音樂盒,那時和朋友行街時無意中見到覺得好靚,估唔到生日時竟然收到.....到依家個音樂盒我仲有好好保存....

好奇怪,通常有心機自己整黎送比人既都係男仔喎~~女仔就相反懶好多,好似我咁,人地生日我都係現成買的.....真係唔會花時間同心機去整.....又或者係男女既觀點唔同,男仔整野,係整來送比朋友,而女仔肯整野,送比的那人通常都係很重要既人又或者係男朋友....因為如果係普通朋友,真係無咁既動力去整.....

不過,其實買既,整既禮物我都一樣會咁鍾意,只要送既人有心,任何禮物都會是一份感人的禮物

[> Subject:

其實係~~~

Author:
印章製作人
[ Edit | View ]

Date Posted: 00:02:52 06/20/03 Fri

其實石上的那四個字應該是"開心小珊"啦
說厲害也不是厲害
只是興趣而已－－－我有一整套刻圖章工具呢
加上送禮物給朋友總得花一點兒心思
我又不懂得買甚麼禮物，只好自己做囉
美中不足的是在刻完拿去擦乾石上的粉末時
不小心掉在地上
所以有一點點的缺口
不過不明顯就是了
妳喜歡就好

[> [> Subject: 哦~~~~~
Author: 小珊子 [ Edit \| View ]	Date Posted: 13:43:05 06/23/03 Mon 因為我唔見左個印台,所以印唔到,只係睇,唔知道字掉轉左..... 怪不得個印有一忽冇左啦~~原來你跌左落地!! 不如你送埋個印台比我啦~~嘿嘿~~ Anyway,多謝晒~~

Subject: 今朝原本約左人去唱K架~~

Author:
小珊子
[ Edit | View ]

Date Posted: 13:42:30 06/17/03 Tue

今朝起身時,成個人都好累,隻眼得返條線,洗洗下頭,有電話,先知取消左唔去.....真係幾激氣架~~

激氣在於唔去既reason 都幾ridiculous!!
激氣在於昨晚打機打到太夜,同埋打得太耐,今日勁眼訓同隻手勁累!!
激氣在於昨晚人地以為我好早訓,所以無通知我!!
激氣在於我已經洗濕左個頭,想再去訓都唔得!!
激氣在於婆婆諗住我唔o係度食飯,所以出左街,勁耐都唔返來煮飯...

不過算啦~~我呢排都係咁黑仔架啦.......

[> Subject: 小心d wor
Author: walter [ Edit \| View ]	Date Posted: 01:48:18 06/18/03 Wed 咁近都唔打比我?? 話我知ar ma 可以陪妳食黑氣好快就過!!!!

[> [> Subject: 費事阻住你做野嘛~~
Author: 小珊子 [ Edit \| View ]	Date Posted: 21:37:13 06/18/03 Wed 如果我下下一悶就找你,我一星期都唔知要搵你幾多次.......

[> [> [> Subject: 我都係好悶..................
Author: walter [ Edit \| View ]	Date Posted: 14:17:11 06/19/03 Thu 妳咪找多我幾次lo 我有時悶到想死ar 不過怕妳有野做唔得閒jar ma 妳知我幾lazy....ga la hehe

[> [> [> [> Subject: 我其實都好矛盾~~
Author: 小珊子 [ Edit \| View ]	Date Posted: 21:25:11 06/19/03 Thu 呢排未搵到野做,所以都唔想出去玩太多晒太多錢..... 不如你搞些活動,係唔洗花太多錢又好玩既,就叫我去啦~~

[> Subject: 有幾悶呀？發臭未呀？
Author: 佳 [ Edit \| View ]	Date Posted: 23:43:46 06/18/03 Wed 哎呀~ 唔緊要囉~ 我考完試陪你去唱過啦！等下啦.....等下啦......

[> [> Subject: 等得你來都蚊訓啦~~
Author: 小珊子 [ Edit \| View ]	Date Posted: 21:27:30 06/19/03 Thu 而且,你就算考唔考試,我都覺得你都係咁忙.......

Subject: 唔知點解.......

Author:
小珊子
[ Edit | View ]

Date Posted: 14:49:25 06/17/03 Tue

呢排勁多野想講,勁多野想留.....可能少左同人傾計,所以有大把說話想講出來.....

今朝早有少少發脾氣,D語氣唔係咁好....如果你看到,我就在此說句抱歉吧~~

呢排心情變幻無常,我都覺得自己有D問題......

暑假定的大計,有好多都未實行,唔知why好似冇咩動力咁....有時得閒在家上下網,睇下電視,食下野,訓下覺,咁又一日,真係有D頹廢....

Subject: 哎~~~~~~
Author: 小珊子 [ Edit \| View ]	Date Posted: 22:58:49 06/15/03 Sun 終於改完個forum啦~~係咪耳目一新呢? 搞咁耐係最初D messages 一個個連住冇線分開,好亂,但我整左D線之後,又有D有線有D又冇,總之試左好多次更改,先整到依家呢個一格格分開既版本!!希望大家入到來都好似有去左森林既feel啦~~

Subject: 有朋友說,

Author:
小珊子
[ Edit | View ]

Date Posted: 21:32:57 06/15/03 Sun

看人家的留言板可以看到別人心情的變化,可以看到那人由唔開心過渡到開心的過程,或者由開心到唔開心的變化
我想我都係呢D咁既人,喜怒哀樂是凝於色的,唔可以呃到人
其實大家有咩唔開心真係唔好焗在心中,up up 下真係會搞到人都顛,唔開心既事人人都有,如果肯講出來,就算人地可能幫唔到你,但起碼說出來心情也會好一些了,有人分擔,總好過獨自承受

Subject: 你地今日又點同老豆慶祝?

Author:
小珊子
[ Edit | View ]

Date Posted: 21:21:35 06/15/03 Sun

今晚老豆去同爺爺食飯,我同媽咪唔去,所以只有下午可以同老豆食飯.....媽咪問起我送咩比佢,佢就說"慳返啦~~".......口不對心!!如果我唔送野比佢,我相信佢一定會唔高興~~

後來我將份父親節禮物放左在桌上,媽咪同老豆講:"有人送野比你呀~~"雖然老豆口中只說:"邊個送野比我呀~~"但是他臉上的笑容出賣左佢,我知道佢心中是很高興的

Subject: 有朋友問我暑假打算怎樣,未來打算怎樣.............

Author:
小珊子
[ Edit | View ]

Date Posted: 23:10:07 06/14/03 Sat

這真是一個好問題.....
首先我要去搵多份part-time做,要學日文,要去玩,仲要去找些暑期活動搞下,可能去做下義工,我唔可以比我最後一年既暑假白白浪費

既然以前的事過去了,我應該要面對未來,而不是緬懷過去,而我也不應該對自己的決定動搖,既然我是作出了決擇,就應該無悔!!

這陣子感覺到朋友們對我的好,真感謝你們~~自問自己對朋友都唔算特別好,都係一般,有時又會講野太直,傷到你地都唔知,但你地在我有事或唔開心時都咁支持我,在此我要感激你們!!小珊子會努力面對將來,你地都要努力呀~~一齊奸巴爺~~仲有,唔好只係我有事先搵你地傾,你地有事都要搵我傾,咁先係真正既朋友,有事隨時打比我都得,不過梗係唔好半夜兩三點啦~~

Subject: 勞氣的一天

Author:
小珊子
[ Edit | View ]

Date Posted: 22:09:59 06/14/03 Sat

今日一早返到琴行,那個女人(其實佢在琴行既是老師,又話得下事既)問我今年要考試既學生,我有冇教佢地其他歌,叫我唔好只係教考試歌,佢地好多在年尾考...但我之前問過她們都是在8,9月考,都剩下唔係太多既時間,那女人就說邊係呀~~係年尾......又說自己通常15分鐘教考試,其他時間教其他歌......
後來我問返D學生,真係8,9月考,如果依家唔同佢地搞考試既野,佢地唔合格又係關我事....其實我心諗關那女人咩事?我點教佢地係我既自由,況且學生既程度我知,教佢地其他歌只係附助性,考試點都緊要些掛~~我都唔明那女人點解連呢D都管埋.....

學生中有一個成日唔練琴,彈得好差既,今日佢又彈一首歌錯晒,已經彈左第三星期,彈到斷斷下咁,聽到我差些訓著,搞到我又好勞氣,話佢彈到錯晒聽到人眼訓,如果想似返首歌就要多練.....可能語氣重左,平時個o靚妹寸寸地既,今日都冇聲出....

其實我都唔想罵學生既,因為學琴唔同補習,只是興趣,我唔想逼得佢地太勁,但佢實在太離譜,真係佛都有火啦~~

Subject: 唉~~一切plan 都要擱置了~~
Author: 小珊子 [ Edit \| View ]	Date Posted: 19:08:12 06/13/03 Fri 海水公園,唱K,行街,睇戲...... 不過,身為朋友,梗係知道份工緊要過去玩啦~~玩幾時都得,但係難得搵到份工就一定唔可以放棄,你唔洗內疚promise 左我喎~~ 第二時真係請左你,記住請食飯!!!

[> Subject: 日日找我都得tim ar!!!!haha
Author: walter [ Edit \| View ]	Date Posted: 09:40:53 06/14/03 Sat 真係可以得閒就找我去玩lo 冇工返......................

[> [> Subject: 傻啦你~~
Author: 小珊子 [ Edit \| View ]	Date Posted: 21:09:37 06/14/03 Sat 日日出街,我邊有咁多$呀~~ 況且依家冇左一份工,真係唔可以成日都咁大洗

Subject: 忽然發傻
Author: 小珊子 [ Edit \| View ]	Date Posted: 18:45:48 06/12/03 Thu 前排有一晚訓唔著,個腦不停諗埋D無謂野..... 諗到如果我不幸死左(大吉利是!!),除左屋企人之外,仲有冇人會為我喊呢?!

[> Subject: 我都諗過呢個問題
Author: 強 [ Edit \| View ]	Date Posted: 19:38:27 06/12/03 Thu 話唔定有人會笑添..... 不過, 我死左, 我又睇唔到, 理得佢了.......

[> [> Subject: 有人會笑?!
Author: 小珊子 [ Edit \| View ]	Date Posted: 21:38:54 06/12/03 Thu 我諗唔會真係有人咁黑心掛?!就算係憎恨你既人,可能都只係說"啊!他死了?!",我諗唔會真係笑出來咁變態掛~~

[> Subject: 原來妳都諗過...............
Author: walter [ Edit \| View ]	Date Posted: 09:39:40 06/14/03 Sat this Q i think 過long time ago la i ask myself if one day i die who will cry for me?? and who will appear in my 葬禮 the ans is i dun want any show unhappy lo......

[> [> Subject: 我一早就想過這問題啦~~
Author: 小珊子 [ Edit \| View ]	Date Posted: 21:05:57 06/14/03 Sat 不過依家先講之嘛~~ 真係估唔到原來咁多人都好似我咁無聊,諗埋D無謂野.....

Subject: 失業了!!
Author: 小珊子 [ Edit \| View ]	Date Posted: 18:43:16 06/12/03 Thu 仲要唔好意思同我講唔補,"炸炸帝"說下星期唔得閒,打比我再約時間.... 好彩我Miss 一早話我知..... 好狗呀~~ 要努力搵份新工啦~~ 呢排霉氣總是跟住我走@_@

[> Subject: ~~me too~~
Author: walter [ Edit \| View ]	Date Posted: 09:36:58 06/14/03 Sat 有我陪.......next week 我都冇工返齊齊找工 yeah~~

[> [> Subject: 講野啦你~~一星期之嘛~~
Author: 小珊子 [ Edit \| View ]	Date Posted: 21:04:24 06/14/03 Sat 而且你前排搵定咁多...... 唔洗do都得啦你~~ 搵咁多又唔請我食飯~~唔食飯我都要食雪糕架!!!!

Subject: 呢個星期日日都下大雨呀~~
Author: 小珊子 [ Edit \| View ]	Date Posted: 19:12:54 06/13/03 Fri 真係無一日見到係天晴架~~次次出去都要帶傘.....這樣的天氣真令人討厭呀~~ 前排無意中找返個"京皮袋"出來,點知個面發左霉!!!拎去洗都唔知得唔得!!都說霉菌成日跟住我,遲早連我都發埋霉架啦~~

Subject: 其實不是我刻意地想忘記什麼........
Author: 小珊子 [ Edit \| View ]	Date Posted: 21:57:58 06/12/03 Thu 只是.....原以為可以忘記的事,其實是忘記不了我想忘記,是因為人不能總是緬懷過去,要向前望最心痛的是聽到人說:"你忘記XXXXX吧!!"聽完個心真係覺得好難受,為何是出自你的口?!! 要明白,忘記一些事需要時間,有些事更是沒可能忘記,正如人怎會忘記自己幾時出世?!

Subject: 講就容易,做就難
Author: 小珊子 [ Edit \| View ]	Date Posted: 18:36:24 06/11/03 Wed 如果一個人可以"選擇性"地失憶,你說多好呢!!

[> Subject: 其實唔難
Author: 強 [ Edit \| View ]	Date Posted: 20:53:54 06/11/03 Wed 你忘記唔到只因你唔想忘記考試背左咁多野, 考完試第二日就會唔記得曬點解? 因為根本唔想記住佢

[> [> Subject: 忘唔忘記到一D野,
Author: 小珊子 [ Edit \| View ]	Date Posted: 18:40:03 06/12/03 Thu 有時唔係我決定的..... 好似上學期背既聲韻學,唔知點解我依家仲記得....反而下學期既就唔記得,你話死唔死~~ 有D野,發生左就係發生左,一世都唔會唔記得

[> [> [> Subject: 時間
Author: 強 [ Edit \| View ]	Date Posted: 19:43:11 06/12/03 Thu 會沖淡一切真的..... 除非你真係太在意果樣野........ 另外, 人既心態會改變心態改變左, 在意既野唔同左, 又會忘記左一D你以為唔會忘記既事但永遠都會有條刺係到又真係改變唔到既.....唉....... 唔順心既事, 太多了, 全部都要記住佢, 會死人的.....

Subject: 男仔同女仔咪又係一樣!!
Author: 小珊子 [ Edit \| View ]	Date Posted: 13:44:04 06/09/03 Mon 女仔去shopping 多數都係買衫,鞋,袋,護膚品架啦~~ 而男仔都一樣會買野,只不過買既野唔同,男仔鐘意買D貴野,音響呀~~新科技呀~~手提呀~~咪仲貴過女仔買既野!!

[> Subject: 男女既分別
Author: 強 [ Edit \| View ]	Date Posted: 20:51:16 06/11/03 Wed 男人買野, 買自己需要既野就算貴, 都會買女人買野, 會買一D自己唔需要既野有時只會因為"平", "減價", 而去買

[> [> Subject: 我又唔同意喎~~
Author: 小珊子 [ Edit \| View ]	Date Posted: 18:35:58 06/12/03 Thu 女仔都要有用既野先買,除非真係好有錢如果係必要既,就算唔減價都會買.....當然,減價就會更買得多啦~~

Subject: 今日大出血!!
Author: 小珊子 [ Edit \| View ]	Date Posted: 20:25:33 06/06/03 Fri 女仔錢,真易賺!!耳仔軟,講幾句又比人呃到!! 唔明點解D化妝小姐自己既皮膚都唔係好,又要狂踩人~~

[> Subject: 你又買左d咩呀?
Author: Kimmy [ Edit \| View ]	Date Posted: 13:08:45 06/07/03 Sat 今個星期得唔得閒呀? 去唱k行街丫~~ 我仲未搵到野做>_<

[> [> Subject: 那天同朋友去荃灣行街嘛~~

Author:
小珊子
[ Edit | View ]

Date Posted: 13:33:17 06/09/03 Mon

都買左幾多野呀~~去左just@100,佢勁sell 我一set 豆腐護膚品,比佢試落隻手到,又拍左好多下,幾痛呀~~不過整完比較起另一隻手又真係好左好多!!但係我都冇買....要$75一支,仲要係六支一set 架~~要諗下先~~結果買左佢一包新出既mask,$75,她說個個用完都說勁,咪試下囉~~

後來又入左去Clinique,我個朋友上次用左支野,D黑頭少左好多,我咪入去問下囉~~佢話冇隻咁既野,可能我朋友那支就係磨沙膏,於是個化妝小姐介紹左一支磨沙膏叫"7 day scrub cream"比我,頭一次用要連續用7日,之後就一星期用兩次,仲叫我買埋一支深層清潔既mask,計埋要三百幾,我冇比佢昆到,不過就買左支磨沙返去試下囉~~用左幾日黑頭好似真係少左~~

前排唔夠訓D皮膚差左好多,又有黑頭,又有暗瘡,黑眼圈,連面色都唔多好,依家真係要勤力D補返~~

唱K 我下星期都去唱,唔唱住啦~~行街就去...打比我啦~~

[> [> [> Subject: 支磨沙幾多錢呀?
Author: Kimmy [ Edit \| View ]	Date Posted: 14:03:56 06/09/03 Mon 都係買左兩樣野姐,你話大出血,以為買左四五百蚊~~ 我宜家行過d護膚品部都識點做,唔會咁易比佢地tum到~~ 講起磨沙,我覺得我用緊o個隻幾好喎,幾溫和,磨完塊面即刻白左,d死皮慢慢冇左,唔錯~~有興趣可以試下~~

[> [> [> [> Subject: 大出血是因為那天我唔只買護膚品嘛~~

Author:
小珊子
[ Edit | View ]

Date Posted: 18:33:08 06/11/03 Wed

仲買左其他野.........零食,手飾.......
支磨沙有10% off,特價$144
用左幾日果然少左黑頭~~嘿~~
我唔試其他磨沙住啦~~剛買了支新的,有排都未用完啦~~而且屋企仲有支去死皮膏未用完.....
Clinique呢個牌子既潔面產品真係幾好,我有幾個朋友都用佢,有個朋友個面本身好敏感,用左其他牌子都甩皮,只係用左Clinique既野就冇事,而且我今次用呢隻都覺得幾好,你得閒可以去留意下,也不是太貴

[> Subject: no methord........人傻ar ma
Author: walter [ Edit \| View ]	Date Posted: 22:47:45 06/07/03 Sat haha 我估當然係護膚品la 又比人扼......... 快d找我去玩la......

[> [> Subject: 嘻~~你真了解我喎~~
Author: 小珊子 [ Edit \| View ]	Date Posted: 13:37:28 06/09/03 Mon 咩傻啫?!我唔算勁架啦~~我有朋友入親去Clinique,人地講兩講佢又買,佢一次買600幾都係咁啦~~我都係買左一支百幾啫~~我都算控制到架啦~~而且如果好用,試下都無妨既~~ 你玩咩呀你~~返工啦~~

Subject: 呢兩個星期好似成個世紀咁長.........
Author: 小珊子 [ Edit \| View ]	Date Posted: 19:18:16 06/03/03 Tue 終於挨過了...... 明天開始,就係暑假的開始!!!!

Subject: 驚魂記

Author:
MC
[ Edit | View ]

Date Posted: 19:15:38 05/27/03 Tue

今天早上考文心雕龍
昨晚讀到兩點多(其實天天都是讀到兩點多)
今天早上卻累得聽不到鬧鐘響(不像妳一聽到鐘聲可以馬上起床)
還好有人打電話來家裡找奶奶
起來接電話才知道己經九點十五分了
把我嚇得只用五分鐘就梳洗完了
還好不是住九龍或新界
不然一定遲到
引而為戒
而記之

[> Subject: 呢排溫書溫到咁夜......

Author:
小珊子
[ Edit | View ]

Date Posted: 09:39:21 06/02/03 Mon

其實我都有點兒怕早上累到聽唔到鐘聲.....不過好彩未有此情況發生,因我用電話,好大聲,又唔驚個鐘冇電唔響,而且我阿姨都要返工,如果見我唔起身一定叫我,不過我次次都係自己晨早彈起身,可能太緊張,訓都訓得唔好
考埋明天炸~~不過好辛苦,依家仲有大把野未背,想死.......

Subject: 生日無咩願望..........

Author:
小珊子
[ Edit | View ]

Date Posted: 16:17:05 05/27/03 Tue

只係希望快些考完試.....實在太辛苦,最尾考那科最難,睇左一份notes都唔明,星期五那天真的要惡補一下先得,如果唔係真係會fail.....
明明今次已經早左開始溫書,但係溫左都好似冇溫過咁.....日日都成2點先訓,6點幾又起身,隻眼出到去見到陽光都好似打唔開咁....

唔知點解,今年既生日我冇好似以往咁會可惜自己又大一歲,又老一年...可能早已經當左自己係22,其實21同22都只係數字上既改變,要說改變,我覺得自己都冇乜,唯一既係覺得自己無以前咁玩得,咁講得笑,對人同對事都認真左,都唔知係好定壞.....仲有係覺得自己真係勤力左,上到來同form6,7時好唔同,以前真係日日放左學都唔願返屋企,日日都同同學去行街飲野,放假就一定走出去玩,考試都唔太溫書,依家既我會對學業緊張左,因為都唔想得過且過就畢業,要畢業唔難,最難係要考得好咁樣畢業......媽咪呢幾年幫我交學費,都知佢辛苦,知道佢工作上受左好多老闆既氣,比著以前既佢晨早走左做第二間公司....但因為時勢同要交學費,所以都頂硬上要做呢份工,都唔想浪費左佢既金錢同對我既期望~~依家既我變得"痴家"左,我諗呢D都係一件好事!!

Subject: 喂~~
Author: 玉林 [ Edit \| View ]	Date Posted: 12:37:12 05/22/03 Thu 你去0左邊呀?

[> Subject: 傻瓜!!
Author: 小珊子 [ Edit \| View ]	Date Posted: 15:17:13 05/27/03 Tue 都說要考試囉~~ 6月3號先考完呀~~ 明天不用考試,所以上來relax 下~~

Subject: 大家笑下

Author:
mc
[ Edit | View ]

Date Posted: 00:21:41 05/14/03 Wed

生活壓力大，找出陳年笑話讓大家開心點
（懂得普通話會覺得好笑點）
語文老師在講台上很有表情地為大家讀了一首題為「臥春」的詩,
要大家寫在筆記本上:

《臥春》
暗梅幽聞花,臥枝傷恨底,遙聞臥似水,易透達春綠.
岸似綠,岸似透綠,岸似透黛綠.

沒想到一位同學的筆記竟然是這樣學寫的:

《我蠢》
俺沒有文化,我智商很低,要問我是誰,一頭大蠢驢.
俺是驢,俺是頭驢,俺是頭呆驢.

一笑~~~

Subject: 呢排真係好大壓力呀~~

Author:
小珊子
[ Edit | View ]

Date Posted: 00:53:37 05/12/03 Mon

星期六同老闆請假,說24號我早上要考試,上午返唔到,之前都知佢煩架啦~~點知佢同我照肺足足照左成半個鐘!!!
跟住家長又比壓力我啦~~連學生都有壓力,佢地考試搞到我好緊張,自己都要博命練....好似我去考咁.....
學校又就考試,一些都未溫,有些科仲難到阿媽都唔認得,真係唔知點死~~
有時又會胡思亂想......以前我有事都會找他傾,有時仲會拎佢來發脾氣,依家好似連搵人支持下都冇,朋友好多都關心我,但問題係有事時,除非真係好大件事,我先會搵朋友幫手,都唔想煩到人....
我都想relax,但無奈我暫時做不到

[> Subject: 苦~~
Author: walter [ Edit \| View ]	Date Posted: 02:51:02 05/12/03 Mon 太緊張都冇用ga la 反正一切如遊戲太大壓力只令自己唔好受人生如戲ma

[> [> Subject: 我就係唔想自己樣樣野都好似玩遊戲咁~~
Author: 小珊子 [ Edit \| View ]	Date Posted: 12:51:08 05/12/03 Mon 遊戲時遊戲,工作時工作,我分得好清楚的可能唔熟我既朋友會覺得我平時成日好似玩玩下咁,其實某程度上我覺得自己都幾認真去對每一件事

[> [> [> Subject: 苦~~
Author: walter [ Edit \| View ]	Date Posted: 02:19:17 05/13/03 Tue 凡事都太認真會很苦好似我而家份工唔係做野時我係傻傻地ga 但一真係做野就會正常返不要在每一點都太認真只需在該認真的認真

[> Subject: 你宜家既情況真係好辛苦喎~~
Author: Kimmy [ Edit \| View ]	Date Posted: 19:21:17 05/12/03 Mon 又要應付自己考試,又要顧住班學生, 仲要對住個老闆,真係好大壓力, 你想搵人傾訴,可以搵我丫, 雖然我未必幫到你,但係你呻左出黎會舒服d, 冇咁大壓力~~ 得閒搵我傾計啦~

Subject: 今個月上埋今晚,
Author: 小珊子 [ Edit \| View ]	Date Posted: 22:46:39 05/11/03 Sun 5月份就唔會再上網了,24號考試,依家一點都未讀,真係唔可以再成日去玩啦~~要修心養性啦~~有咩事可以打電話比我,或者留言在這forum內都得....不過最好唔好留messages 在ICQ,我唔會開架啦~~我唔想下次一開就好多野爆出來 6月3號之後再見啦~~

[> Subject: 考試比心機喇~~
Author: Kimmy [ Edit \| View ]	Date Posted: 00:00:29 05/12/03 Mon 你考完試,我地再出街,唱k crazy啦~~

[> [> Subject: 暑假唔知仲有冇咁平呢~~
Author: 小珊子 [ Edit \| View ]	Date Posted: 00:19:50 05/12/03 Mon 同埋唔知有冇得比咁多時間我地...... 仲有,你搵左工就唔得閒同我出街了~~

[> [> [> Subject: boring...........
Author: walter [ Edit \| View ]	Date Posted: 02:48:23 05/12/03 Mon hahahaa 我係超級無敵大閒人可以找我去玩

[> [> [> [> Subject: 你已經有工做啦喎~~
Author: 小珊子 [ Edit \| View ]	Date Posted: 12:45:24 05/12/03 Mon 仲成日說悶?!

[> [> [> Subject: 暑假應該有lunch k,差唔多價錢...
Author: Kimmy [ Edit \| View ]	Date Posted: 19:13:52 05/12/03 Mon 不過,唔會唱得耐囉~ 我宜家都寄緊信架喇,希望盡快有得返工, 不過宜家搵工好難,太多人同時間競爭, 未必咁快有人請~ 順其自然啦~~

Subject: 明天又要去睇牙醫啦~~
Author: 小珊子 [ Edit \| View ]	Date Posted: 00:26:25 05/12/03 Mon 呢排成日去,第四次啦~~原本唔洗覆診既,但係我上排牙齒中有隻門口不嬲都有少少崩,醫生叫我補返,三百蚊都唔算貴啦~~所以去整返囉~~ 唔知點解我天生既牙好細隻,人地笑只係睇到上排既牙齒,我笑就連下排既都睇到!!! 以後笑都唔會再比人睇到我崩牙啦~~Yeah~~

Subject: 呢排覺得自己似一舊朱古力!!!!
Author: 小珊子 [ Edit \| View ]	Date Posted: 00:07:18 05/10/03 Sat 唉~~真慘~~冬天做的事,原來一到夏天就無用

[> Subject: 你講緊美白呀?
Author: Kimmy [ Edit \| View ]	Date Posted: 00:26:05 05/10/03 Sat 其實,冬天係咪可以慳返唔使做美白,留返夏天先做呢?

[> [> Subject: 我就係知夏天易曬黑.......
Author: 小珊子 [ Edit \| View ]	Date Posted: 22:33:26 05/11/03 Sun 所以冬天先勤力D,點知所有功勞被太陽奪去了!!

[> [> [> Subject: 夏天美白會好d
Author: Kimmy [ Edit \| View ]	Date Posted: 23:56:00 05/11/03 Sun 我覺得任何季節都會曬黑,爭在多定少, 夏天會比較曬,所以夏天要多d美白, 不過冬天都一樣要,美白左夏天再曬都唔會咁易曬黑~~

[> [> [> [> Subject: 我都知
Author: 小珊子 [ Edit \| View ]	Date Posted: 00:17:36 05/12/03 Mon 但係夏天我有時懶,唔搽防曬,而且搽左個面好油.... 我係曬一陣就黑既人,真係慘~~

Subject: 呢幾日大飽口福呀~~
Author: 小珊子 [ Edit \| View ]	Date Posted: 22:32:20 05/09/03 Fri 嘿嘿嘿~~

[> Subject: 有份工時薪超高ar!!
Author: walter [ Edit \| View ]	Date Posted: 23:40:31 05/09/03 Fri 我有份新工la!!!!!! 好開心ar

[> [> Subject: 咩工咁好?!
Author: 小珊子 [ Edit \| View ]	Date Posted: 00:04:34 05/10/03 Sat 喂~~介紹埋比我啦~~

[> Subject: 點解?
Author: Kimmy [ Edit \| View ]	Date Posted: 00:28:02 05/10/03 Sat 你食左d咩?

[> [> Subject:

呢幾日都不停出街食野......

Author:
小珊子
[ Edit | View ]

Date Posted: 22:41:10 05/11/03 Sun

星期五同婆婆,家人賀母親節,去左酒店食buffet
星期日同阿媽賀母親節,去左食雲南米線同氣鍋雞
明天同屋企一大堆人去Pizza Hut 食dinner,同我賀生日,因為我有張coupon,生日月份有免費大pizza 一個,我有pizza card咁多年都唔記得去食,今年終於記得去
下星期日老豆同媽咪又會再同我食多餐正式賀生日~~
Yeah~~~~

[> [> [> Subject: 嘩~~好正喎
Author: Kimmy [ Edit \| View ]	Date Posted: 23:50:44 05/11/03 Sun 不過,你敢去食buffet? 本來我都想用下我d coupon去酒店食,不過諗諗下好多人圍住晒d食物,一路夾一路講野,會有好多飛沬~~怕怕

[> [> [> [> Subject: 唔係我提意去食架~~
Author: 小珊子 [ Edit \| View ]	Date Posted: 00:13:15 05/12/03 Mon 係我阿姨說去食的..... 那天那酒店仲勁多人去食,而且仲有一班少林功夫既人去食,好搞笑~~

Subject: 回應朋友的留言板既message,都想在此記下

Author:
小珊子
[ Edit | View ]

Date Posted: 23:03:33 05/11/03 Sun

知己真係唔需要多....只係兩,三個就夠
我都覺得朋友有好多種,有些只是普通既同學,食下飯,講下功課合作下,有些比較要好的,就會說多些自己既事.....知己不同,真係乜都可以講,唔會懷疑那人是否假,會將自己的事說出去.....
人愈大見得世面愈多,真係覺得好多人依家識朋友都唔係講"心",有些真係害左你都唔知,所以我都學習了要多保護自己,不可以對人有100%既信任,不過,如果世上個個都以真對人,就會更美好!!

Subject: 今日開工了!!

Author:
小珊子
[ Edit | View ]

Date Posted: 18:43:56 05/03/03 Sat

自從有了肺炎之後,我已經三星期冇去琴行返工.....由於鋼琴班有好多學生都冇黎,所以佢唔洗我再教班,今日係我第一日教個別既學生,應該係有個老師走左,先會排到咁多學生比我....由早上10點半教到下午4點半,教左成八個學生......都幾累......
依家先發現原來教琴都好大壓力,尤其是有幾個學生仲要今年考琴...

不過,整體上感覺都幾好,因為真係感到自己好似一個老師!!

[> Subject:

其實真係排得幾密架~~辛苦~~

Author:
小珊子
[ Edit | View ]

Date Posted: 19:10:03 05/03/03 Sat

第一個學生 10:30---11:15am
第二個學生 11:15---12:00am
第三個學生 12:00---12:30pm
Lunch Time 12:30---1:00pm
第四個學生 1:00---1:45pm
第五個學生 1:45---2:30pm
第六個學生 2:30---3:00pm
Break Time 3:00---3:15pm
第七個學生 3:15---4:00pm
第八個學生 4:00---4:30pm

唔好以為Lunch and Break 既時間會計錢.....其實唔計架~~幾cheap 呀~~真係冇咩琴行會咁賤!!真係唔頂佢都唔得!!

整體上D學生都幾乖,除左有一個寸寸地說自己好忙冇時間練琴又彈得好衰之外,其餘的都幾聽話~~

[> [> Subject: 真係好密喎~
Author: Kimmy [ Edit \| View ]	Date Posted: 23:55:58 05/04/03 Sun 我以為你做半晝,原來差唔多成日, 對住d學生咁多個鐘,辛唔辛苦呀?

[> [> [> Subject: 依家先體會到鋼琴老師既辛苦......
Author: 小珊子 [ Edit \| View ]	Date Posted: 19:06:53 05/05/03 Mon 基本上真係冇得抖,一個走左另一個即刻入來.....連去洗手間既時間都冇乜呀~~ 同埋有些學生要今年考琴,覺得都幾大壓力,因為自己唔可以馬虎做事,真係要教得佢地識同明先得

[> Subject: 有工返等如有$$$haha
Author: walter [ Edit \| View ]	Date Posted: 01:32:38 05/07/03 Wed wa............又真係幾密wor 咁鬼多ge 搞到我都有點怕怕tim 最怕教唔識人地 hahahaha

Subject: 今日好有懷舊feel 呀~~
Author: 小珊子 [ Edit \| View ]	Date Posted: 19:09:20 05/05/03 Mon 間唔中去relax 下都真係幾好!! 六個鐘,Yeah~~

Subject: 一星期打一次果然好些!!!
Author: 小珊子 [ Edit \| View ]	Date Posted: 19:10:07 04/30/03 Wed 昨天又到留下球場打波,今次冇帶身份証落去啦~~嘿嘿~~ 今日隻腳只係有些累,隻手臂冇乜痛~~幾叻^o^

Subject:

好大頭蝦呀~~

Author:
小珊子
[ Edit | View ]

Date Posted: 13:41:14 04/28/03 Mon

上星期二打波落樓下球場打,所以我費事帶銀包,叫舅父幫我袋住個身份証.....
昨天要填form,要中文電碼,我先發現張身份証仲在舅父到!!!即刻打比佢,但佢係男護士,在醫院做緊野,今日又要返night,所以要在宿舍訓,明天先返屋企!!

我只好約佢明早在地鐵站拎返......已經成個禮拜冇帶身份証出街@_@(如果我唔係昨日要填form,都唔知幾時先發現自己冇身份証!!)

[> Subject: 我都有類似既經驗~~
Author: Kimmy [ Edit \| View ]	Date Posted: 00:54:35 04/29/03 Tue 有一晚eddie同我一齊搭車,之前我叫佢幫我袋住個電話,而佢早過我落車,當佢落左車之後,我先醒起個電話o係佢度,但係已經太遲喇,架車已經開走左,o個時唔知佢會點做,我返到屋企之後,佢打黎話拎返比我,哈哈~~我好大頭蝦,唔記得拎返個電話~

[> [> Subject:

好彩你漏了在Eddie 到.........

Author:
小珊子
[ Edit | View ]

Date Posted: 19:05:30 04/30/03 Wed

如果漏左在街上仲衰......
大頭蝦既事我都試過唔少,中二那年陸運會我去M記買外賣做Lunch,點知漏低左銀包在那兒,再回去時我已經搵唔返,喊左好耐,同學and 老師都幫手去搵都搵唔到.....仲唔見左我舅父借比我既教協証,搞到佢依家成日都唔肯借我.....這是我第一次唔見銀包,希望也是最後一次

另一次在中學(開平)時個銀包既錢比人偷左,得二十蚊都要偷,只係剩下幾蚊比我,勁cheap 呀!!!後來過幾日搭地鐵,先發現張百達通都比人偷埋,連按金也沒有了..........

Subject: 好累
Author: ｍｃ [ Edit \| View ]	Date Posted: 00:30:25 04/29/03 Tue 用了一天的時間寫完楚辭的功課超累的昨晚才做完珍姐的年終功課今天又趕祥榮的功課就快死了還有駢文、文心雕龍沒做天啊今年怎麼這麼多功課呢？？？？ *** 不想在自己的版面發這些牢騷借妳的地方一用囉當然妳也可以來我的網頁吐口水

[> Subject: 都叫左你假期做架啦~~
Author: 小珊子 [ Edit \| View ]	Date Posted: 18:56:43 04/30/03 Wed 我覺得肺炎呢個假期某程度上都幾好,如果唔係佢,我想我都會好似你咁,趕到死死下~~ 不過我呢排都勁懶,好唔想做功課,雖然楚辭,文心大致已做好,但仲未執好個尾,份份都係咁,駢文仲一句都未做,真係難到爆,完全唔知點入手...... 文心一千多字,以你的才能,好快完成的,放心~~

Subject: 間歇性情緒低落

Author:
小珊子
[ Edit | View ]

Date Posted: 18:50:42 04/26/03 Sat

今早睇戲笑到肚痛,下午在家竟然"無那那"喊左一場,可能呢排太大壓力,加上有好多不如意的事發生,所以先會咁......
不過同朋友食完Tea 後,心情已經好左好多....有時唔開心唔一定要朋友開解,只要有人在我身邊陪下我,同我傾下計講下笑已經好足夠

成日話人地情緒化,睇黎自己都要好好學習控制情緒!

[> Subject: 我都試過...
Author: Kimmy [ Edit \| View ]	Date Posted: 23:22:39 04/26/03 Sat 壓力太大真係會好辛苦,諗諗下d眼淚就不自覺咁係咁流, 其實我都係一個易哭的人,都好情緒化,無啦啦都會發下脾氣, 我都要學下控制情緒~~

[> [> Subject: 某程度上我覺得我同你有些相似架~~
Author: 小珊子 [ Edit \| View ]	Date Posted: 13:13:09 04/28/03 Mon 可能真係"同姓三分親"啦~~

[> Subject: 誰沒試過呢？

Author:
昨日看電影的人
[ Edit | View ]

Date Posted: 12:47:03 04/27/03 Sun

情緒低落，誰沒試過。
有時心情不好反而是件好事
我倒不認為時時刻刻控制自己情緒是個堅強的表現
人總有懦弱的時候
我一年也會有幾次情緒不好
那是沒由來的情緒
總無法一年三百六十五日都開心吧
人總是有七情六慾
有喜有悲才是做人的樂趣
只要不過份，為何要去抑制它呢？
做人已經很辛苦了
如果連發發小脾氣都不行
那實在太痛苦了
另，
和妳看電影是我的榮幸，何需感謝？
嘻

[> [> Subject: 嗯~~
Author: 小珊子 [ Edit \| View ]	Date Posted: 13:22:40 04/28/03 Mon 我明白你所講的,但係有時真係覺得自己太容易喊...... 睇戲是你的榮幸??太誇張啦~~如果唔係你講起,我都未必可以去笑一餐了.....所以要多謝你囉~~

[> Subject: 我都會有ga
Author: walter [ Edit \| View ]	Date Posted: 21:20:56 04/27/03 Sun 下?? 做咩心情唔好ar???? 我都會好似妳咁ga之前不過唔會喊只係覺得好煩好煩我同我個fd話好似女仔的M到咁lor 得閒就會來一次ga!!! 不過妳有咩壓力都可以找下我ge 我地住得咁近 haha

[> [> Subject: 我都知你周不時都唔開心架啦~~

Author:
小珊子
[ Edit | View ]

Date Posted: 13:32:28 04/28/03 Mon

我都係有時一個人在家胡思亂想先會唔開心.....有時又會覺得有事都冇人在身邊支持我,但係事實上都有好多朋友支持,只係有時我唔開心真係唔想話人知,所以那天搵左你食野,雖然你唔知咩事,但係有人陪下我,我已經覺得好好~~

總之多謝你成日都陪我無聊地過日子!!今日又係啦~~你又陪我去買野,真係唔好意思啦~~

Subject:

Johnny English真係好好笑呀~~

Author:
小珊子
[ Edit | View ]

Date Posted: 18:47:25 04/26/03 Sat

原本諗住冇得去睇架啦~~點知咁橋有人講起......總之多謝晒啦~~

估唔到早場加上肺炎事件都仲有咁多人睇戲.....都幾爆呀~~而且觀眾氣氛好好,大家一齊笑,有些人仲笑到拍手掌.....整套戲都好好笑,無咩冷場,差唔多有頭笑到落尾,完場之後仲有少少肚痛,因為之前笑得太多啦~~
話時話,呢幾年好似得呢套戲可以令我笑得咁開懷,印象中對上一次覺得好好笑既笑片係喜劇之王!!

[> Subject: 我都睇左呀~~
Author: Kimmy [ Edit \| View ]	Date Posted: 23:19:16 04/26/03 Sat 不過我覺得麻麻,可能我期望太高啦~~ 對上一次覺得好好笑既戲係乾柴烈火~~

[> [> Subject: 我覺得好好笑喎~~
Author: 小珊子 [ Edit \| View ]	Date Posted: 13:09:06 04/28/03 Mon 可能我地意見不同啫~~ 我無睇乾柴烈火啊~~

Subject: RE:Kimmy
Author: 小珊子 [ Edit \| View ]	Date Posted: 00:26:23 04/26/03 Sat 我喜歡在留下公園打,因我同舅父近嘛~~打完即刻回家沖涼~~ 唔鍾意book 場不是錢的問題,而是要限定打一個鐘以上.....而且以前同朋友去book場打,因有冷氣,反而覺得好唔舒服..... 各人有不同喜好嘛~~

Subject: 個個都說打波!!
Author: 小珊子 [ Edit \| View ]	Date Posted: 00:03:21 04/26/03 Sat 你地講過既唔好唔算數呀~~

Subject: 羽毛球後遺症 2
Author: 小珊子 [ Edit \| View ]	Date Posted: 18:15:02 04/23/03 Wed 睇返forum,對上一次去打原來係十一月!!中間因為發生太多事,所以我地都冇閒情去打..... 昨天又去打,今次手臂冇痛,不過到左今日隻腳勁"支力",唔知係咪跑得太勁呢~~如果keep住一個月打幾次,我想遲些不會痛我要擁有強壯的身體!!!!

[> Subject: 我打完羽毛球都會咁~~
Author: Kimmy [ Edit \| View ]	Date Posted: 21:15:51 04/23/03 Wed 原來你都鍾意打羽毛球架,不如一齊book 場打丫,我想減肥呀,呵呵~~

[> [> Subject: 搞錯呀~~
Author: 小珊子 [ Edit \| View ]	Date Posted: 22:52:15 04/23/03 Wed 我不嬲都鍾意打羽毛球架,那時仲約埋阿Lee一齊打,你唔記得左啦咩?!我仲鍾意打乒乓波掂~~ 你想約我打無任歡迎,不過我鍾意在戶外打,唔鍾意book 場

[> [> [> Subject: 戶外?
Author: Kimmy [ Edit \| View ]	Date Posted: 23:53:01 04/25/03 Fri 唔係呀?公園打呀? 我多數book場打,雖然要錢,但係星期一至五5點前有半價~~

[> Subject: 犯賤
Author: walter [ Edit \| View ]	Date Posted: 23:00:08 04/25/03 Fri 好心妳就唔好次次一打就搞成咁la 唔通唔打到痛就唔開心?? hahaha wei wei 仲有得閒就一齊打下波la 我悶到發顛ga la

[> [> Subject: 我每次都係打少少炸喎~~
Author: 小珊子 [ Edit \| View ]	Date Posted: 23:35:31 04/25/03 Fri 鬼知第二日會痛既咩~~ 好呀~~我地住得咁近,去留下公園打最方便.....不過要等我考完試先啦~~依家勁多功課做......

Subject: 相
Author: 小珊子 [ Edit \| View ]	Date Posted: 18:33:53 04/23/03 Wed 昨天舅父幫我同上次嘉年華win 既Teddy bear 同加菲影左幾張相.....嘿嘿~~ 要睇問我拎啦~~

[> Subject: 好大wor
Author: walter [ Edit \| View ]	Date Posted: 19:13:31 04/23/03 Wed 隻公仔好大ar 妳就抵玩la 不過做咩妳矮左ge hahaha

[> [> Subject: 哼~~
Author: 小珊子 [ Edit \| View ]	Date Posted: 22:47:38 04/23/03 Wed 係隻公仔大,所以影出來好似同我一樣咁高之嘛~~ 我一早說佢好似成個人咁高架啦~~係你唔知之嘛~~

Subject: 其實呢排我唔係冇上網架~~
Author: 小珊子 [ Edit \| View ]	Date Posted: 17:46:30 04/23/03 Wed 只係在老豆家上網,因為打唔到中文,所以冇post 新野,又覆唔到你地,那兒冇裝ICQ......始終唔係自己電腦,所以都唔係好想搞到太"個人化",都係用來check 下mail,換下forum 既顏色,睇下網站等,反正佢用幾多都係比咁多月費,而且load得快D

Subject: 總覺得自己樣樣野都做唔好!!
Author: 小珊子 [ Edit \| View ]	Date Posted: 18:27:56 04/19/03 Sat 每樣野都係得半桶水......怎麼辦?!

[> Subject: 半桶水,怎麼辦?
Author: Kimmy [ Edit \| View ]	Date Posted: 23:05:23 04/19/03 Sat 其實你都發覺到自己有咁既問題啦,所以幫你解決呢個問題既就係你自己,當你知道自己有咁既問題存在,應該比自己動力去改,每樣野都盡力去學去做,想放棄既時候,不停叫自己唔好放棄,而身邊朋友既鼓勵同支持亦好重要,亦比到好大既動力比你~~希望我解答到你既問題啦^0^

[> [> Subject: 我覺得係樣樣都"掂"d.......
Author: 小珊子 [ Edit \| View ]	Date Posted: 17:39:19 04/23/03 Wed 但係又唔會好精.... 而且某些我要做的事我很容易一鼓作氣想完成,但到頭來就三分鐘熱度~~

[> Subject: 好事
Author: walter [ Edit \| View ]	Date Posted: 02:12:37 04/21/03 Mon at least 妳知自己有問題ar ma 咁就去改lor 我dye jor hair la 不過竟然比人知道左最出奇就係佢地唔話我wor 奇奇奇

[> [> Subject: 你說你染左髮?!
Author: 小珊子 [ Edit \| View ]	Date Posted: 17:41:02 04/23/03 Wed 最近我都去剪左頭髮,整左游離子.... 整完之後阿媽見到我,問我係唔係染左髮?!!!

Subject: 介指的故事

Author:
小珊子
[ Edit | View ]

Date Posted: 23:02:11 04/17/03 Thu

有一日不見了隻介指,我緊張地四周圍找尋,阿姨看著我,笑說:"隻介指係咪你個friend 送,所以咁緊張?"

其實關鍵不是在於隻介指是某某人送的,而是我對我所擁有的物件都會好緊張,所以我一唔見左野就會失晒魂,發晒顛咁搵,就算隻介指唔係人送而係我自己買,我唔見左一樣會好心痛,因為帶左咁耐始終有感情

幸好,最後也給我找到了

[> Subject: me too
Author: walter [ Edit \| View ]	Date Posted: 02:09:56 04/21/03 Mon 哈哈我都係咁ga 一唔見野就失哂魂真係要改先得

[> [> Subject: 我一唔見野就會周圍走........
Author: 小珊子 [ Edit \| View ]	Date Posted: 17:37:10 04/23/03 Wed 好難改......由細到大都係咁....以前小學試過有次唔見手冊便哭起來

Subject: 反叛的定義
Author: 小珊子 [ Edit \| View ]	Date Posted: 18:33:20 04/19/03 Sat 有時有些事,如果老豆阿媽唔係叫我去做,我可能會自願做的.....但當他們迫我做時,我就會偏不做,像和他們作對一樣~~ 其實我唔係想唔做,只係唔想人地叫我做既野我就要聽晒佢地講跟住做這算唔算叫"反叛"?!

Subject: 你估有冇人傻到晨早九點幾衝入去髮型屋啦?!
Author: 小珊子 [ Edit \| View ]	Date Posted: 23:53:10 04/17/03 Thu 呢個明天會咁做的傻瓜就是我!!!!!!!

Subject: Re: Burberry Baby Touch----幾香喎~~
Author: 玉林 [ Edit \| View ]	Date Posted: 12:43:15 04/14/03 Mon 我0係聖誕0既時候已經買0左啦!!好正呀!!

[> Subject: 我好少去這些counter 買野.......
Author: 小珊子 [ Edit \| View ]	Date Posted: 22:53:39 04/17/03 Thu 好像怕counter 的小姐會食左我一樣!!

Subject: 所以........有時都係唔睇好過睇@_@
Author: 小珊子 [ Edit \| View ]	Date Posted: 00:38:39 04/14/03 Mon 現實永遠是殘酷的

Subject: 唉~~
Author: 小珊子 [ Edit \| View ]	Date Posted: 00:00:03 04/14/03 Mon 考試延遲,生日想慶祝也不能了......

[> Subject: hehe
Author: walter [ Edit \| View ]	Date Posted: 16:11:28 04/16/03 Wed 咁妳都係要比心機考試wor!!

Subject: 又一次覺得.......
Author: 小珊子 [ Edit \| View ]	Date Posted: 15:52:43 04/12/03 Sat 身邊既人不停向前行緊,只有自己還在原地踏步..... 定係你地覺得係我行前緊,你地停留o係原地呢?!

Subject: 高危呀~~

Author:
小珊子
[ Edit | View ]

Date Posted: 18:52:18 04/10/03 Thu

由淘大到牛頭角下村,我已經知道遲早德福也有事,因為好多淘大既人冇地方買野都會過去,現在真的有問題了,唔知幾時會去到我既屋苑......因為淘大既人都會去我留下既超市同街市買野......

不過我都係一星期去兩次左右,雖然驚但都唔係好緊張....依家最擔心的,是日日都係那邊既爸爸媽咪!!

[> Subject: 唉~~
Author: 小珊子 [ Edit \| View ]	Date Posted: 19:08:28 04/10/03 Thu 依家連我住那兒都有,真係避無可避...... 阿姨訂了口罩回來,成100個!! 另外舅父都在醫院訂左....真係誇~~

[> [> Subject: 等死既感覺
Author: 阿強 [ Edit \| View ]	Date Posted: 03:33:16 04/11/03 Fri

[> [> Subject: 等死既感覺
Author: 阿強 [ Edit \| View ]	Date Posted: 03:35:14 04/11/03 Fri 唔知點解, 最近睇肺炎新聞有一種等死既感覺唔知幾時燒到自己果區, 幾時燒到自己既屋苑幾時燒到自己果座, 幾時燒到自己........ 好鬼無奈, 而且好鬼悲.........

[> [> [> Subject: 下個禮拜就復課
Author: 阿強 [ Edit \| View ]	Date Posted: 03:38:15 04/11/03 Fri 如無意外, 下個禮拜就復課希望唔好係學校中招~~~~ (好奇怪......而加明明係四月十一日凌晨三點半, 但個message紀錄時間係四月十日下晝四點半.......)

[> [> [> [> Subject: 拜託你.......
Author: 小珊子 [ Edit \| View ]	Date Posted: 23:10:46 04/11/03 Fri 千萬不要把病毒帶去學校就好了!!

[> [> [> Subject: 你之前明明唔係好驚架喎~~
Author: 小珊子 [ Edit \| View ]	Date Posted: 23:08:51 04/11/03 Fri 依家知道事態嚴重呢~~

[> [> [> [> Subject: 感覺同驚唔驚無關既
Author: 阿強 [ Edit \| View ]	Date Posted: 02:37:07 04/12/03 Sat 感覺同驚唔驚無關既...... 今日我出街走黎走去, 完全無諗過呢D野......... 不過我唔喜歡成個社會都係呢D無助既感覺.......

[> [> [> [> [> Subject: 冇計架~~
Author: 小珊子 [ Edit \| View ]	Date Posted: 15:49:42 04/12/03 Sat 因為依家真係冇咩方法可以控制到無人再病.........

Subject: 精選下午茶
Author: 小珊子 [ Edit \| View ]	Date Posted: 23:26:05 04/11/03 Fri 在寧靜的餐廳裡.......聽著柔柔的音樂......吃著香滑美味的 cheese cake........ 喝著淡淡幽香的熱咖啡.........和友人悠閒地談天說地........還有什麼生活比這更寫意?

[> Subject: 幾時可以再去一次呢?!
Author: 小珊子 [ Edit \| View ]	Date Posted: 15:51:01 04/12/03 Sat

Subject: Burberry Baby Touch----幾香喎~~
Author: 小珊子 [ Edit \| View ]	Date Posted: 23:23:34 04/11/03 Fri Head Notes: Verbena,Mandarin,Orange Zest,Wild Spearmint,Rhubarb Jelly Heart Notes: Jasmine,Orange Flower,Lily of the Valley,Cyclamen Base Notes: Milky Mist,Vanilla,Tree Moss

Subject:

★好想快些到夏天!!★

Author:
小珊子
[ Edit | View ]

Date Posted: 14:02:16 04/08/03 Tue

夏季裡每個清晨煩惱誰會過問還漫步下雨天可增加一點的氣氛
熱盪每處也奔騰溶化情緒高溫還踏著浪細沙愛上了清風真怡神

晚風身邊輕撫我我懶理工作與真確我不思索

無論由天邊跟海角放低束縛無須因你放棄太多
滿天星小雨傘開心一晚天已晚遺下了悶與歎息蒸發分散

秀髮配上彩雲無拘無束的心斜路上大樹蔭飲杯清水冰我身
沒有了你的殷勤無須來電慰問炎夏日獨個瀟灑像片清風跟白雲

夏季配上了彩雲微風和暖接近凝視著夏季天空我的心高聳入雲

速速讓熱氣驅散收起了無謂嗟嘆不需要歎息感嘆
沒理由青春全浪費追悔不返

[> Subject: T_T
Author: walter [ Edit \| View ]	Date Posted: 13:26:49 04/09/03 Wed 老lu老lu.........

[> [> Subject: 你講邊個先?!
Author: 小珊子 [ Edit \| View ]	Date Posted: 18:47:55 04/10/03 Thu

Subject: 肺炎幾時先會停止?

Author:
小珊子
[ Edit | View ]

Date Posted: 13:17:16 04/04/03 Fri

呢排日日看新聞,也是報導肺炎增加的個案,先是威爾斯親王醫院,接著是淘大整棟大廈,現在又到聯合醫院.....好像沒完沒了

肺炎已經對香港經濟有很大的影響,旅遊,零售,飲食.....現在連商業活動也大受影響,有很多朋友今年也大學畢業,個市咁差,對搵工一定有影響,希望佢地快D搵到工啦~~

今日媽咪打比我,說屋企的大廈管理員也有人染病,叮囑我冇咩事都唔好返去......又說唔知係咪淘大的事惹埋過來......肺炎已經是我切身的問題了

希望呢種病會快點離開香港

[> Subject: 八成人
Author: 阿強 [ Edit \| View ]	Date Posted: 15:12:53 04/04/03 Fri 當八成人都有肺炎既時候咁肺炎既威脅就消失到時, 大部分人都會有抗體唔使驚

[> [> Subject: 又要再說多一次"痴線!!"
Author: 小珊子 [ Edit \| View ]	Date Posted: 17:29:47 04/04/03 Fri 如果我是其中那八成人既一份子咁點算?!

[> [> [> Subject: 其實唔使太驚

Author:
阿強
[ Edit | View ]

Date Posted: 21:06:49 04/04/03 Fri

呢個病只係傳染力極高
但唔係死硬的
注意個人衛生
保持身體健康, 唔好擔心太多

調查:三分二人對肺炎感不安[18:48]

2003/04/04

港大一項調查發現，三分二市民對非典型肺炎感到不安或造成心理威脅，感到害怕及緊張亦有四成人。

香港大學醫學院社會醫學系以電話訪問了850名市民，了解他們對非典型肺炎的反應。

結果顯示，三分二市民對非典型肺炎感到不安或造成心理威脅，感到害怕及緊張亦有四成人。

另外，有三分一受訪者認為自己有可能及非常有可能會感染，而四分三受訪者不知道患者可以有九成的生存機會。

[> [> [> [> Subject: 傳染性極高.........
Author: 小珊子 [ Edit \| View ]	Date Posted: 23:59:42 04/06/03 Sun 已足以令人擔心了不過我又唔係真係勁擔心,只不過比平時小心一點吧了

Subject: 其實........

Author:
小珊子
[ Edit | View ]

Date Posted: 13:08:10 04/04/03 Fri

姑婆的事對我有很大啟發.....前排為了她的離去而傷心,但最令我感到不安的,是想起現在和我一齊住了二十多年的婆婆.......

婆婆今年已經75歲,年紀已不少了,由細到大都是她照顧我的起居飲食,有時覺得她像我媽咪多過我真的媽咪.....難以想像我失去了她的日子會怎過,有時夜晚在床上胡思亂想,已經傷心到流起淚來,單是想想,已經有非常痛心的感覺,到那時可能我會瘋狂起來也不定.....

姑婆的事除了令我更加珍惜身邊的人和事,也帶給了我一點憂慮.....或者是我太過杞人憂天,希望這陰霾會快點過去

Subject: 很驚訝.......
Author: 小珊子 [ Edit \| View ]	Date Posted: 00:16:28 04/04/03 Fri 唔知點解E-mail address 會外傳了出去.......可能是某人比某人的吧~~幸好只是forward 了一些冇乜野既郵件比我....不過,心入面總是有些不安.....

Subject: 呢幾日都可以訓十小時以上........
Author: 小珊子 [ Edit \| View ]	Date Posted: 22:26:26 04/03/03 Thu 感覺精神飽滿,皮膚就算吃了很多熱氣野都好多了!!

Subject: 學校勁狗呀~~
Author: 小珊子 [ Edit \| View ]	Date Posted: 23:17:22 03/28/03 Fri 我下星期五有書夠期要續借,但要再下星期二先返學,我問圖書館既人點,他們說圖書館照開,所以都係要罰錢..... 不過罰錢都平過車費既~~冇計啦~~但係無那那比佢罰真係唔抵~~

[> Subject: 哈哈哈！
Author: 佳佳 [ Edit \| View ]	Date Posted: 10:36:30 03/29/03 Sat 我下星期二就到期啦，不過我可以係網上面續借！唔使罰錢囉！ yeah

[> [> Subject: 嘿嘿嘿~~
Author: 小珊子 [ Edit \| View ]	Date Posted: 17:54:17 04/03/03 Thu 聽同學講,依家學校唔計罰款啦~~總之開了學去還就得~~

[> Subject: 豪俾佢
Author: 阿強 [ Edit \| View ]	Date Posted: 23:50:09 03/30/03 Sun 果少少錢都要賺真係無人道既學校我豪俾佢, 當施捨俾乞衣

[> [> Subject: 兩本書就話啫~~
Author: 小珊子 [ Edit \| View ]	Date Posted: 17:57:37 04/03/03 Thu 佢依家再放,我遲些又有另外四本書要還,加埋成六本,放幾星期點只小小錢呀~~ 不過依家應該唔洗計了~~真好~~

Subject: 恐怖肺炎........

Author:
小珊子
[ Edit | View ]

Date Posted: 21:44:35 03/26/03 Wed

日日睇電視都係報導肺炎既新聞,每一日都有上升既數字.....已經成三百幾單....連淘大都有人中招,幾近我屋企呀~~仲要今日我都有返去,真係恐怖.....

依家婆婆仲要日日去醫院,我阿姨已經買左D口罩比佢用,如果情況再惡化下去,恐怕我都要帶出街....

今朝搭地鐵鬼死咁迫人,下午搭時對面有個大叔又狂咳,如果有事,都真係幾易中!!

[> Subject: 自有天命
Author: walter [ Edit \| View ]	Date Posted: 00:49:53 03/27/03 Thu 要中招的就逃不了

[> [> Subject: 但如果避得既,
Author: 小珊子 [ Edit \| View ]	Date Posted: 23:03:58 03/28/03 Fri 就盡力避囉~~

Subject: 根據統計,
Author: 小珊子 [ Edit \| View ]	Date Posted: 18:04:33 03/24/03 Mon 打仗死傷人數中一成是軍隊既人, 九成都係平民百姓死傷..... 都唔明白點解咁都要打一餐

Subject: 要努力搵工!!!!!!
Author: 小珊子 [ Edit \| View ]	Date Posted: 22:58:56 03/23/03 Sun

[> Subject: why?
Author: walter [ Edit \| View ]	Date Posted: 01:22:17 03/24/03 Mon

[> [> Subject: 最簡單既原因-----我想搵多些錢!!
Author: 小珊子 [ Edit \| View ]	Date Posted: 17:54:05 03/24/03 Mon 因為依家補習四月份開始只係補星期四,教琴只係星期六,想返多一日工.......

Subject: 覺得自己愈來愈衰啦~~
Author: 小珊子 [ Edit \| View ]	Date Posted: 18:06:17 03/11/03 Tue 以前就算發夢都唔會咁張揚,依家星期二早上那三堂我擺明拎其他野出來做,連我隔離位也一樣,我想老師是知道的,因為我們坐得好前,但佢都隻眼開隻眼閉........

[> Subject: 都大學生啦
Author: 玉林 [ Edit \| View ]	Date Posted: 19:49:58 03/11/03 Tue professor仲邊會理呀~~~~

[> [> Subject: 你要明白.........
Author: 小珊子 [ Edit \| View ]	Date Posted: 19:50:11 03/14/03 Fri 我經常覺得自己好似還身置在中學內....... 有些老師是會理的.....以前就有個老師脾氣好燥,經常拍桌椅罵我們.......

[> Subject: 我都係
Author: 阿 [ Edit \| View ]	Date Posted: 21:44:15 03/18/03 Tue 我今日公然係前排訓覺小息時同教授仲有講有笑佢都唔理的~~~~

[> [> Subject: 係你唔尊重你個老師啫~~
Author: 小珊子 [ Edit \| View ]	Date Posted: 19:32:42 03/21/03 Fri 我呢D乖學生黎架嘛~~

[> [> [> Subject: 話時話,你係邊個?!
Author: 小珊子 [ Edit \| View ]	Date Posted: 19:40:08 03/21/03 Fri 得個"阿"字炸喎!!!!

[> [> [> [> Subject: 打漏左個字
Author: 阿強 [ Edit \| View ]	Date Posted: 23:52:52 03/22/03 Sat

Subject: 最近香港有很多肺炎個案..........
Author: 小珊子 [ Edit \| View ]	Date Posted: 19:52:04 03/14/03 Fri 我都有些擔心,總覺得自己是高危人士之一

[> Subject: 唔會咁好彩
Author: walter [ Edit \| View ]	Date Posted: 00:45:38 03/15/03 Sat 咁妳每逢有醫院附近的地方妳就走遠d la 離開50呎就差不多

[> [> Subject: 咁唔一定醫院先有........
Author: 小珊子 [ Edit \| View ]	Date Posted: 21:48:38 03/16/03 Sun 人多又迫既地方都好易......而且我舅父是在醫院做男護士的,最怕佢惹左返來傳比我........ 往往好彩既事冇我份,唔好彩既就會有!!!

[> Subject: 高危人士
Author: 佳佳 [ Edit \| View ]	Date Posted: 23:20:46 03/19/03 Wed 我差唔多有齊哂d 病徵我睇黎都係唔得架啦....

[> [> Subject: 不如你去醫院檢查下好過啦~~
Author: 小珊子 [ Edit \| View ]	Date Posted: 19:34:14 03/21/03 Fri

Subject: 好邪~~~~~~~~~~
Author: 小珊子 [ Edit \| View ]	Date Posted: 22:38:15 03/16/03 Sun 在琴行又見到另一個中學同學!!!!! 不過是隔離班,唔識的,只是認得,冇打招呼仲有,前排成日在小巴上見到中六時隔離班的同學!!!

[> Subject: 因為香港夠細??
Author: walter [ Edit \| View ]	Date Posted: 17:01:29 03/17/03 Mon 我近來都撞到好多人bor.... haha

[> [> Subject: 我都覺得好搞笑......
Author: 小珊子 [ Edit \| View ]	Date Posted: 19:31:02 03/21/03 Fri 有時識得某朋友,原來某朋友又識我其他的朋友!!

Subject: 唱K
Author: TT [ Edit \| View ]	Date Posted: 09:44:10 03/17/03 Mon 等我趕完這份Project不如去唱K哎. 呀係呀.. 阿樹都走了差不多一個月啦, 你知唔知有相睇未呀? ＞< ~

[> Subject: 好係好........不過,你幾時做完project?!
Author: 小珊子 [ Edit \| View ]	Date Posted: 19:37:04 03/21/03 Fri 我團體既project做好,只是個人的論文未做,不過未咁快交住既....... 你說上次影既相?!你都唔洸旨意佢會放上網.....我上左咁多日,一次都冇見過佢.....

Subject: 其實

Author:
mc
[ Edit | View ]

Date Posted: 22:23:55 03/09/03 Sun

其實我並不怎麼生氣
只是覺得做事方法有問題
我自己本不是個太努力的人
如果組員比我更不努力
那功課怎麼辦???
我不是會幫他們做的那種人
如果是個人功課
甚麼時候做是他的事
但現在影響的是全組
很討厭太多的埋怨
如功課太難等等
不如用埋怨的時間想想怎麼做得好
工作早已安排了
卻到討論的時候都還沒做
妳說我該怎麼做?
能力差不是借口
不懂的早該去問問別人
向懂的人請教
而不是在最後的時間來罵老師給的題目難
如果題目容易
我們又可以學到甚麼?
~~~~~~~~~~~~
katie對不起
借妳的地方發牢騷了

[> Subject: 我明白你的感受.........

Author:
小珊子
[ Edit | View ]

Date Posted: 19:09:36 03/10/03 Mon

但有時也很難要求別人跟自己的方式走......團體就是這樣,每個人也有自己做事方式,很容易產生問題,但老師安排我們一組人去做一件事,除了要交到功課之外,還要我們學習怎樣和別人相處,怎樣運用團結的力量去達到要求.......

雖然我不是和你一組,但可以說給你聽每一組也有這些人,如果你真的忍受不了,不妨認真的和組員相量,不過凡事以和為貴為上,這樣才不會令整組人不開心

[> [> Subject: 世人多如此
Author: walter [ Edit \| View ]	Date Posted: 00:34:12 03/12/03 Wed 一起工作並不但求別人做多點只要做好自己那一份已經很好可惜偏偏太多人就是不負責任........

[> [> [> Subject: 最近比我發現左一樣野..........
Author: 小珊子 [ Edit \| View ]	Date Posted: 19:47:10 03/14/03 Fri 有些人直情會旨意某些勤力既人做晒所有野,而完全不負責任,但偏偏意見多多........

Subject:

今日經過尖沙咀快圖美.......

Author:
小珊子
[ Edit | View ]

Date Posted: 21:31:46 03/09/03 Sun

見到買一支細Qoo加$12有一個Qoo 既Mouse!!!上次要$30,所以冇換.....咪即刻買囉~~仲幫左兩個朋友買,下午到夜晚仲同阿媽去新世界百貨同千色店行街,買左四大袋野,拎左成日.....返到屋企好累~~不過好開心,買左好多零食,仲有個Mouse,計埋屋企既電腦套同Mouse pad,我已經集齊一套Qoo電腦系列,依家用電腦都開心D!!!!

夜晚去左間好細既日本食店,個老闆係日本人,又係侍應又係煮野食既,仲唔係太識講中文,我媽咪同佢講日文,好搞笑.....好似去左日本食野咁~~D麵仲同普通既好唔同,好好食~~

[> Subject: 剛好舊的Mouse 成日甩珠.......
Author: 小珊子 [ Edit \| View ]	Date Posted: 21:57:41 03/09/03 Sun 返到屋企立即換左新既,手感好過以前的好多呀~~

Subject: 下午第一天去琴行上班

Author:
小珊子
[ Edit | View ]

Date Posted: 23:09:50 03/08/03 Sat

今日首先要付責兩堂鋼琴班,個衰人老細完全冇教我點教佢地,只係是旦用10分鐘同我講下個形式.......頭一班有三個細路,下一班有兩個....他們程度有分別,所以教既時候都幾麻煩......幸好他們比我想像中乖....最主要我是教他們睇譜同彈小小歌,又要同佢地玩下遊戲,唱下歌等佢地對學琴有興趣......做做下都覺得自己好似變埋細路仔咁.......

其中有個細路仔好Cute,好靚仔又醒目,雖然佢多野問,但係教佢我好開心,上完兩個鐘我講到口水都乾,但覺得這份工作都蠻有趣的!

[> Subject: thats a good beginning
Author: walter [ Edit \| View ]	Date Posted: 18:52:43 03/09/03 Sun 原來妳係一班咁教ga?? 咪好好玩lor~~ 真係就就就快考試la.................T_T 連口口口都震埋.......

[> [> Subject: 唔係........
Author: 小珊子 [ Edit \| View ]	Date Posted: 21:20:48 03/09/03 Sun 只係初初我冇經驗,教住鋼琴班先啫~~下次應該要開始教單獨架啦~ 咩好好玩呀~~都幾難教架~~有個學生已經學到第二本書,有個那天是剛剛學,程度唔同,都幾麻煩囉~~ 不過好彩佢地都幾乖......

[> [> [> Subject: 我都知你考試大壓力架啦~~
Author: 小珊子 [ Edit \| View ]	Date Posted: 21:55:31 03/09/03 Sun 但係太大壓力反而唔好.....我都唔可以幫到你乜野,總之...... 盡自己能力就得了,take it easy!!

Subject: 這兩天所經歷的事,
Author: 小珊子 [ Edit \| View ]	Date Posted: 23:03:02 03/08/03 Sat 我想我這一世也忘不了..... 不過,事情總算告一段落

Subject: 明天天氣會突然轉冷.........
Author: 小珊子 [ Edit \| View ]	Date Posted: 20:29:06 03/06/03 Thu 令人心情更加悲涼........

[> Subject: 點解咁悲呀
Author: walter [ Edit \| View ]	Date Posted: 22:09:59 03/07/03 Fri 就快考試.............我都悲........怕

[> [> Subject: 因為...........
Author: 小珊子 [ Edit \| View ]	Date Posted: 23:00:46 03/08/03 Sat 呢兩日出席既場合會令我想起很多傷心既事......

Subject: 今日補習我罰個學生抄書..........
Author: 小珊子 [ Edit \| View ]	Date Posted: 20:53:25 03/06/03 Thu 佢太壞,成堂不停講野,又唔肯聽我講書......我已經比左好多次機會佢,係佢唔珍惜...... "I need to pay attention in the class"一百次佢喊,我睇見都有些心軟,但係我唔可以讓佢,因為佢實在太衰啦~~

[> Subject: 抵佢死
Author: 玉林 [ Edit \| View ]	Date Posted: 08:44:53 03/07/03 Fri 0的細路係唔縱得0架!!你咁做絕對冇錯!!!

[> [> Subject: 我罰佢,自己都覺得唔好受......
Author: 小珊子 [ Edit \| View ]	Date Posted: 22:59:42 03/08/03 Sat 但唔罰下佢,佢以後都咁放肆,我都唔洗旨意教得佢掂~~ 所以事後我都覺得自己是對的!!!

Subject: 今日有間保險公司既人借左我地十五分鐘堂來宣傳...........

Author:
小珊子
[ Edit | View ]

Date Posted: 17:42:34 03/05/03 Wed

叫我地畢業後apply 佢地既職位......那個經理是拍M&M 廣告既男人,不過勁寸,真係以為我地讀中文系既會唔識英文.......比我既同學笑死佢.....

不過最搞笑係,佢講完一大堆野宣傳後先發現我地唔係Final Year,仲要講完先知我地係中文系,初以為係同那行有關既Econ,BBA,Account那些系.....仲狂叫我地做保險.....我地成班人根本唔係那行,又冇興趣,佢知道左其實應該走啦~~仲要阻住我地放學,又寸親我地班既同學,搞到比人寸返,幾無隱呀~~

[> Subject: 今日見到那衰人個廣告重播.......
Author: 小珊子 [ Edit \| View ]	Date Posted: 20:27:58 03/06/03 Thu 唔係M&M,係麥提莎先o岩!!!!

Subject: 很激氣!!
Author: 小珊子 [ Edit \| View ]	Date Posted: 17:07:28 03/05/03 Wed 十個老細有九個都係衰人!!!!!!!

[> Subject: 呵呵～～～
Author: ~閒雲野鶴~小逵~ [ Edit \| View ]	Date Posted: 23:47:47 03/05/03 Wed 錯~~~~ 十個老細有九個都係好人!!!!!!! 不過..... 十個老細有十一個都係搵員工笨!!!!!!! 這就是現實＼______／"

[> [> Subject: 我又唔覺得D老細好人喎~~
Author: 小珊子 [ Edit \| View ]	Date Posted: 20:26:14 03/06/03 Thu 差唔多我次次遇到都冇個好人

Subject: 可能我對"好朋友"一詞的定義唔同啦~~

Author:
小珊子
[ Edit | View ]

Date Posted: 17:30:02 03/05/03 Wed

我心目中的好朋友,唔係只係同我玩同我傾開心野就係好朋友,要同我講自己既煩惱,同我分擔自己的憂愁,這些先算係真正既好朋友,如果只係開心野先同我講既,我覺得似"Hi Bye Friend"或者酒肉朋友先係咁!!

自問自己都係拎個心出來對待朋友,有咩事我都會說出來,無論開心或唔開心的......我鐘意聽秘密,除左因為我八卦之外,最主要原因是有朋友講秘密比我知,我會覺得佢信得過我同當我係好朋友先同我講.....明明在我面前都隱瞞我,這樣的人我會覺得他/她不當我是朋友!!

Subject: 今日去interview.......

Author:
小珊子
[ Edit | View ]

Date Posted: 17:52:55 03/03/03 Mon

好緊張,佢問完我一大倫野之後,就叫我彈兩首歌......都彈錯左少少,跟住佢又狂話我冇經驗,唔係好識教呢樣o個樣.....我諗住佢唔請架啦~~
點知佢又拎張合約出來......要做一年,中間唔可以唔做......雖然人工好少,但我要從中累積經驗,所以少錢都冇計......不過簽完都唔係好開心,反而有些擔心,因為覺得個老細都幾麻煩......而且請假是很麻煩的......好彩一星期都係做一日而已

後來先發現原來間琴行我個中學同學都o係度教,仲要大家都係教星期六~~以後成日見到啦~~

[> Subject: 我好八
Author: 玉林 [ Edit \| View ]	Date Posted: 00:18:30 03/04/03 Tue 邊個呀?

[> [> Subject: 中學同學有幾多個教琴呀~~
Author: 小珊子 [ Edit \| View ]	Date Posted: 17:06:01 03/05/03 Wed 咪Ceci 囉~~

Subject: 不過,有得必有失

Author:
小珊子
[ Edit | View ]

Date Posted: 17:58:26 03/03/03 Mon

我要quit馬會份工啦~~雖然琴行份工既人工只係高馬會少少.....但係我唔可以次次星期六日都請馬會假,所以要走啦~~
真係唔捨得,一來Express 位真係好正,好少call,又可以狂傾計.....
二來都唔捨得藍點既同事....大家次次約埋一齊返工放工,一齊食野一齊傾計......不過都冇辦法,希望大家仲可以keep in touch 啦~~

[> Subject: congratulation
Author: walter [ Edit \| View ]	Date Posted: 18:52:53 03/03/03 Mon 終於做miss la wor haha 幾時開始唔做馬會ar??

[> [> Subject: 唉~~
Author: 小珊子 [ Edit \| View ]	Date Posted: 17:04:32 03/05/03 Wed 真不知是喜是悲..... 早知我去第二間interview,呢間實在太麻煩,而且人工真是少得很,仲少過我份補習好多!!!不過我冇經驗,而且做琴miss 又係我興趣就算囉~~ 馬會我應該做埋星期三(12/3)就唔做,依家星期六比左佢,想唔辭職住都唔得

Subject:

咁大個女頭一次遇到這種事.......

Author:
小珊子
[ Edit | View ]

Date Posted: 17:19:48 02/24/03 Mon

我初以為我睇見會好驚,但睇到時一點也不怕,只是覺得很悲哀....她像是睡著了,直至等人員放她入箱,我們一起陪伴入電梯,看著在我身旁的箱子,才真真正正感覺到她已離開我們很遠很遠了

看見媽咪一來到醫院就大哭的樣子,看著阿姨默默流淚的樣子....再看到表姨哭成一個淚人,憔悴的樣子......我真的真的很難過,但又是這麼無能為力.....我只能站在一邊,陪她們流淚而已

[> Subject: 她只是去了另一個世界生活
Author: mc [ Edit \| View ]	Date Posted: 19:10:32 02/24/03 Mon katie 我不能叫妳不要傷心雖然生老病死是人必經之路我們了解卻無法理解我不知道另一個世界是如何但我相信它一定比我們現處的世界更美好妳姑婆一定在那個沒有飢餓沒有戰爭的世界裡微笑的看著妳們沒錯，就在那個和平的公平的善良的世界裡

[> [> Subject: 前兩天你唔開心.....

Author:
小珊子
[ Edit | View ]

Date Posted: 18:06:14 02/25/03 Tue

依家到我......
今日返學,情緒已經比昨日好多了,最起碼今天沒有哭....可能是我有幾個好朋友逗我開心吧~~

屋企人都知她快不行了,但我只是想不到這麼快.....星期日洗禮那天情況還很好的,有時也懂得開著眼,心跳也由60幾升到70幾....估唔到夜晚就不行了.....她洗了禮,我想她大概去了天堂吧!

MC,你已經報答了我啦~~

[> Subject: 看來不用為你擔心
Author: 佳 [ Edit \| View ]	Date Posted: 21:40:25 02/26/03 Wed 對於她的離開，難過是必然，不過你身邊看來有著一班會支持你的朋友看來我可以很放心了。我不會說些什麼，希望你的心情能快點回復過來。

[> [> Subject: 心情已經好多多了......
Author: 小珊子 [ Edit \| View ]	Date Posted: 20:04:40 02/27/03 Thu 不過下個星期,我都覺得可怕..... 朋友們都對我好好.....當然,這也包括你在內,多謝~~

[> Subject: take it easy
Author: walter [ Edit \| View ]	Date Posted: 00:57:41 02/27/03 Thu 我只覺得人總有離開的一天離開時太多的悲傷並沒有意義可能我有點冷血吧不過不久之前我的公公才離開了.........

[> [> Subject: 又令人想起傷心事.......真不好意思
Author: 小珊子 [ Edit \| View ]	Date Posted: 20:02:28 02/27/03 Thu 當朋友知道了,總是想起自己的親人也是這樣......

[> Subject: 至少，她有了信仰
Author: 玉林 [ Edit \| View ]	Date Posted: 05:50:00 02/27/03 Thu 我外公身體很差，不知會怎樣........

[> [> Subject: 而且,她挨苦多年了.....
Author: 小珊子 [ Edit \| View ]	Date Posted: 19:59:51 02/27/03 Thu 或者這樣會好一點...... 一講親呢D野,都會影響埋他人的情緒......你不用擔心,我家也有很多老人家

[> [> [> Subject: forget any unhappy
Author: walter [ Edit \| View ]	Date Posted: 20:18:19 03/01/03 Sat 可能離開是解脫或者會更少一點痛苦

Subject: 知人口面不知心啊~~
Author: 小珊子 [ Edit \| View ]	Date Posted: 20:19:35 02/28/03 Fri 很多人,難以單看外表而知道是邊類人結果,往往令人很驚訝!!

Subject: 看了你的info.......
Author: 小珊子 [ Edit \| View ]	Date Posted: 18:16:36 02/25/03 Tue 令我很感動......多謝妳.....不過,妳這樣說會令我流淚的..... 放心,我相信那個惡夢一定唔會發生在你身上!!

[> Subject: 是的，那只是個夢
Author: Ada [ Edit \| View ]	Date Posted: 14:35:20 02/26/03 Wed 我不知怎樣安慰你，因傷心是必然的。只有靠時間去沖淡吧! 第一次面對這情況是難受的，但這是必經階段。可幸的是你不需一個人面對，你還有家人和朋友的支持! 記住!無論何時何地，你還有我的支持和鼓勵。

[> [> Subject: 你對我實在太好了!!!!!
Author: 小珊子 [ Edit \| View ]	Date Posted: 19:56:59 02/27/03 Thu 很感動啊~~

Subject: 謝謝
Author: mc [ Edit \| View ]	Date Posted: 22:39:47 02/23/03 Sun 謝謝妳的鼓勵我其實沒甚麼只是發發牢騷罷了為了報答妳我以後會好好對妳的嘻嘻

[> Subject: 要明白,朋友的功用正是這樣.......
Author: 小珊子 [ Edit \| View ]	Date Posted: 23:33:42 02/23/03 Sun 不用謝了,只是幾句說話而已....... 不過,我最關心的,是你怎樣對我好先?!嘿嘿~~

[> [> Subject: 未知
Author: mc [ Edit \| View ]	Date Posted: 15:49:50 02/24/03 Mon 未知啊等我想到再告訴妳~~~~

Subject: 心裡很難過..........
Author: 小珊子 [ Edit \| View ]	Date Posted: 23:47:54 02/23/03 Sun 雖然和姑婆的關係不算是勁close,眼淺的我,看著躺在病床上的姑婆,不禁流淚了..... 情況不是太樂觀,吸唔到氣,要吸100% 氧氣,又食唔到野,要插住 o侯.... 希望佢可以捱過呢關

Subject: 成績
Author: 阿強 [ Edit \| View ]	Date Posted: 00:31:22 02/23/03 Sun "3.78 的GPA令我很失望,yr3 sem B 的目標是 -0.1" 你有3.78既GPA, 仲會失望嗎? 呵呵~~~~

[> Subject: 3.78既GPA,
Author: 小珊子 [ Edit \| View ]	Date Posted: 23:29:45 02/23/03 Sun 我想我成世都唔會拎到...... 真係勁爆......可惜佢份人太招積!

Subject: 早晨
Author: 阿強 [ Edit \| View ]	Date Posted: 01:42:49 02/20/03 Thu 早晨而加係清晨兩點九個字掛住你, 所以訓唔著......... 唔........ 其實剛剛打完機, 無聊上黎post D野0者~~ 呵呵~~~ 不過好鬼慢, 用左我成分鐘既時間先load到入黎...... 轉個server啦~~~ 諗諗佢~~~

[> Subject: 口不擇言啦你!!
Author: 小珊子 [ Edit \| View ]	Date Posted: 21:55:32 02/20/03 Thu 咪亂講野....... 係你load 得耐之嘛~~我用不知幾快!! 呢D野.....睇人既啫.....

[> [> Subject: 嗚~~~好殘忍
Author: 阿強 [ Edit \| View ]	Date Posted: 01:33:13 02/21/03 Fri 嗚~~~~唔好對我講D咁殘忍既野啦我用緊IMS 3M寬頻架點會慢呀................. 你咁講野, 我又會訓唔著架喇~~~~ 嗚嗚~~~~ (不過今日係為MP3機煩~呵呵~~)

[> [> [> Subject: 知你勁啦~~"爛醒!"
Author: 小珊子 [ Edit \| View ]	Date Posted: 22:45:20 02/21/03 Fri 我老豆最近買左個新電腦,夠有用寬頻啦~~只不過我冇返去住之嘛~~ 唔該你,唔好再在我個forum 亂講野,影響我既聲譽呀嘛~~~嘿嘿嘿~~

[> [> [> [> Subject: 嗚~~~好殘忍
Author: 阿強 [ Edit \| View ]	Date Posted: 00:41:34 02/22/03 Sat 小珊子趕客~~~~~~ 好惡呀~~~~ >_<

[> [> [> [> [> Subject: 我冇惡喎~~
Author: 小珊子 [ Edit \| View ]	Date Posted: 00:48:19 02/22/03 Sat 我只是有話直說啫~~ 識我耐既朋友都知我係咁架啦!!

Subject: 個"o靚妹"愈來愈衰啦~~
Author: 小珊子 [ Edit \| View ]	Date Posted: 22:02:41 02/20/03 Thu 呢兩堂我都好火滾,死左好多個細胞......食幾多都補唔返..... 今日叫佢抄默書改正二十次,佢唔肯....後來講到抄十次,佢都唔多肯,我唔理佢,佢竟然喊,仲唔認自己喊!!!

Subject: 身邊既人不知不覺隨著時間轉變了很多.........
Author: 小珊子 [ Edit \| View ]	Date Posted: 10:11:06 02/16/03 Sun 好像只有我,仍在原地踏步

[> Subject: 仍有我....
Author: 佳佳 [ Edit \| View ]	Date Posted: 17:28:02 02/17/03 Mon 都唔係呀仲有我陪你原地踏步丫！~ 應該話我直情坐左係度添啦~

[> [> Subject: 而且....
Author: 佳佳 [ Edit \| View ]	Date Posted: 19:04:01 02/17/03 Mon 我唔止陪你原地踏步，而且仲陪你腳腫腳痛喎！~ 幾好朋友呀~ -_-"....

[> [> [> Subject: 唔......呢樣野.......
Author: 小珊子 [ Edit \| View ]	Date Posted: 21:51:22 02/20/03 Thu 我都唔想你陪喎..... 真係大吉利是!!

[> [> Subject: 你都有行前幾步既.......
Author: 小珊子 [ Edit \| View ]	Date Posted: 21:49:17 02/20/03 Thu 只是你自己唔覺啫~~

Subject: Italian Tomato 既芝士蛋糕好好味呀~~
Author: 小珊子 [ Edit \| View ]	Date Posted: 10:05:06 02/16/03 Sun 其他反而一般炸喎~~

Subject: 好煩............舊病復發
Author: 小珊子 [ Edit \| View ]	Date Posted: 19:27:25 02/14/03 Fri

[> Subject: 生病了??
Author: mc [ Edit \| View ]	Date Posted: 01:12:35 02/15/03 Sat 又病了? 這種天氣很容易生病的特別是妳這種多病的人~~~更要小心不會是腳的問題吧? 記得去看醫生哦

[> [> Subject: 真係比你講中.......
Author: 小珊子 [ Edit \| View ]	Date Posted: 09:53:53 02/16/03 Sun 真的是腳既問題........ 前兩日發現左腳有些唔妥,發現有少少腫,行路都有D痛,不過昨日又好似好左D,依家出街要帶"腳cool"囉~~ 不過冇睇醫生,除非好嚴重先睇,因為我唔想少少事又去睇.....總之就好煩......

[> Subject: -_-"....
Author: 佳佳 [ Edit \| View ]	Date Posted: 01:31:36 02/15/03 Sat 沒大礙吧？希望你沒事啦！~ 雖然我不知你什麼病，但你既然一向体弱多病，就要在平時也多注意點啦！~ 不要太過放縱啊！

[> [> Subject: 放縱?!!!!!!!
Author: 小珊子 [ Edit \| View ]	Date Posted: 09:58:39 02/16/03 Sun 你估我去disco狂跳咩?! 呢排比起以前真係少左好多傷風,可惜變了身體其他地方出現問題.....腳的問題,好像沒完沒了,令我最煩惱,也令我最擔心

[> Subject: ^ ^
Author: walter [ Edit \| View ]	Date Posted: 01:09:26 02/16/03 Sun 又病?? 唔係ar ma?? 真係小心d 好wor

[> [> Subject: 我都唔想架........
Author: 小珊子 [ Edit \| View ]	Date Posted: 10:02:09 02/16/03 Sun 最近見你都冇事架~~ 都唔知咩事......我阿姨隻腳又係有事,成日耐唔耐痛,依家既我學左佢一樣!!

Subject:

匪夷所思...........

Author:
小珊子
[ Edit | View ]

Date Posted: 22:30:27 02/11/03 Tue

今日下午食食下飯無那那覺得個袋放在大脾上有D熱,打開個袋又唔覺有咩唔妥,發現有D唔對勁,於是我同學打開我個袋既暗格睇下,點知佢一伸隻手入去就燙親,原來係我MD舊電同條鎖匙發熱,我摸下條鎖匙,熱到爆....我諗係舊電漏電,無那那都會咁,我地都覺得異常奇怪!!!而個暗格就熱到穿左個小孔!!不過好彩發現得早,如果唔係連個袋同我條裙都燒埋!!!!!!!!!!

[> Subject: .....
Author: 佳.... [ Edit \| View ]	Date Posted: 23:25:14 02/12/03 Wed 嘩...燒埋條裙咪.... 呵呵呵！~

[> [> Subject: 燒埋你個頭仲好!!
Author: 小珊子 [ Edit \| View ]	Date Posted: 19:26:04 02/14/03 Fri 黑心鬼!!!

Subject:

Happy Valentine's Day

Author:
小珊子
[ Edit | View ]

Date Posted: 22:35:13 02/11/03 Tue

情人節對於我來說都係當平常一樣咁過,在以前,我地唔會出來吃情人節晚餐,又唔會話去邊度浪漫既地方,基本上係唔會出來慶祝,只是大家會送份禮物比對方.....
諗諗下,舊年連禮物都冇收到.......
所以今年既情人節,對我來說冇咩咁大不了,只是少收了一份禮物,以及少了一個情人。

祝大家情人節快樂!!

Subject:

開平舊同學聚會

Author:
小珊子
[ Edit | View ]

Date Posted: 22:32:51 02/11/03 Tue

雖然呢班舊同學暑假先見過,有D行年宵時都見過,但感覺上好似好耐冇見咁....每次呢D聚會比我既感覺都係好warm,大家都講返以前中學既事,又會講下阿邊個邊個依家點,邊個邊個同邊個拍拖......但係都會講得好開心,通常大家都可以開懷大笑一番~~

不過有好多人,如果佢地唔題起,我都唔會記得有呢個人既存在,原來在忙碌的生活中,我們遺忘了很多人和事。

Subject: 感到好榮幸!!
Author: 小珊子 [ Edit \| View ]	Date Posted: 23:20:46 02/09/03 Sun 今晚無意睇個朋友網頁,竟然發現有我個名在內,覺得好開心..... 因為我覺得有時我都唔係太了解朋友......有時又會覺得人地未必當你係朋友.....所以.....總之有D意外,不過都好好,因為佢都當我係朋友!!

Subject: 昨晚訓唔著呀~~攪到成四點先訓到!!
Author: 小珊子 [ Edit \| View ]	Date Posted: 21:56:15 02/08/03 Sat 腦裡面不停想起玩機動遊戲既野.....想想下合埋眼都有少少頭昏!!好似玩緊咁~~~~~~~~~ 最開心其實唔係得到隻大熊仔,而係開心自己咁幸運!!這是買不到的快樂!! 到依家想返都覺得不可思議!!!不過其實我最想得到係跳跳虎~~嘿嘿~

[> Subject:

好好玩呀^o^

Author:
~閒雲野鶴~小逵~
[ Edit | View ]

Date Posted: 23:38:22 02/08/03 Sat

有人玩到又話暈,又話胃痛,,,,,,,,,好屎.........
有人話識人,叫人個陣人地比你既返應......好似唔識你咁.....
不過真係好好玩~.~
隻熊既外型,同xxx個身形好似,你得閒可以對住隻熊........
你得到隻熊,要記住,係幸運
我掟到隻加菲貓,更加要記住,係實力~,~v
返到屋企,發玩褲袋度有個"金幣" =_="....大鑊,,,留番黎做咩好呢.......

[> [> Subject: 哼~~~~~~~~

Author:
小珊子
[ Edit | View ]

Date Posted: 22:18:44 02/09/03 Sun

咁我不嬲都唔太玩得轉既野架嘛~~轉完幾十個圈暈一陣(幾分鐘之嘛之後都冇事啦~~)係正常既~~~不過我胃痛又真係瘀左D既......

我叫佢,佢有應我呀~~佢趕住跳出來,所以先冇揮手之嘛~~笨蛋!!

XXX係邊個先??????咁你夠似加菲啦~~唔通........

你都係要阿佳扔一球先得之嘛~~我一個人碌四球贏呀~~點都係我有實力過你啦~~

個金幣留返下年玩(阿佳說),約定啦~~

Subject: 今日去東海堂買蛋糕做明天早餐,
Author: 小珊子 [ Edit \| View ]	Date Posted: 22:08:24 02/08/03 Sat 個收銀問我洗唔洗訂定情人節蛋糕...... 我笑著說不用啦~~心裡面幾灰呀~~

Subject: 講得好!!!
Author: 小珊子 [ Edit \| View ]	Date Posted: 22:49:21 02/05/03 Wed "摘不到的星星，總是最閃亮的溜掉的小魚，總是最美麗的錯過的電影，總是最好看的失去的情人，總是最了解我的" 吃不到的葡萄可能是酸的，但那又是另一種滋味，另一種體驗

[> Subject: 葡萄???
Author: walter [ Edit \| View ]	Date Posted: 20:36:34 02/08/03 Sat 本人覺得吃不到的葡萄是最甜的因為永遠也吃不到

[> [> Subject: 吃不到怎知是甜定酸?!
Author: 小珊子 [ Edit \| View ]	Date Posted: 21:48:16 02/08/03 Sat 或者吃下去是爛的也不定!!

Subject: 恭喜發財囉~
Author: 佳 [ Edit \| View ]	Date Posted: 20:39:16 02/06/03 Thu 我鐘意呢隻紫色多d ~

[> Subject: 新年轉下個forum 嘛~~
Author: 小珊子 [ Edit \| View ]	Date Posted: 21:43:04 02/08/03 Sat

Subject: 一場誤會
Author: 小珊子 [ Edit \| View ]	Date Posted: 21:47:31 02/05/03 Wed 令你誤會了我info 說的人是你......嘿嘿~~不用擔心,我說的不是你啊~~唔洗驚喎~~

Subject:

已經好多年冇去睇現場既煙花啦~~

Author:
小珊子
[ Edit | View ]

Date Posted: 21:44:29 02/03/03 Mon

以前細個成日同老豆阿媽去睇,依家已經好少了.....(今年我老豆同阿媽去左大陸旅行都唔理我啦~~唉~~)

昨晚同朋友去灣仔睇煙花,都唔係太迫人,而且仲睇得勁清楚....開始時真係好唔慣,因為勁大聲"砰砰"聲,好似放炮杖咁,朋友仲笑我唔洗掩住耳仔.....唔知呢,總是覺得這才像看現場的煙花.....

唔知係咪灣仔多些大人睇,唔係好多人嘩嘩聲,以前我同老豆阿媽睇,那些嘩嘩聲唔係特登嗌出來既,而係真係D煙花靚而發自內心既讚嘆,依家睇反而唔會嘩嘩聲,可能依家既煙花冇以前既咁靚,又或者依家大個左冇做細路仔時睇得咁興奮掛~~

PS.睇住D煙花o個陣,想起了F4既"煙火的季節"(流星花園2插曲)唔知點解,可能係想起個MTV裡面F4抬頭望煙花的情景吧!

Subject: 昨日去拜年.......

Author:
小珊子
[ Edit | View ]

Date Posted: 21:42:45 02/03/03 Mon

一早比我阿婆叫醒去油麻地飲茶,趕頭趕命的走去洗頭,著衫著鞋,到出門口時我另一個阿姨先打電話來叫我地等埋其中一個阿姨搭的士去,早知唔洗咁趕啦~~

下午去了表姨屋企拜年,因為姑婆入左醫院,所以得佢一個......去完之後又去了醫院,見到姑婆訓在床上,佢已經唔多識應人,記得舊年去拜年佢已經唔多出聲,不過精神仲好好,今次見到佢,佢精神好似不太好,成日想訓覺咁,好似唔認得我地咁,又瘦左好多,我睇見個心都有D唔舒服,有D難過,記得我細個生日時姑婆仲買玩具比我玩,以前我去拜年又成日問我野,依家佢都八十幾歲,睇住佢一年比一年差....我睇見都有D唔開心.....希望佢今次可以快D出院啦~~

Subject:

昨晚去維園見到好多搞笑野.........

Author:
小珊子
[ Edit | View ]

Date Posted: 21:37:59 01/31/03 Fri

唔知係咪經濟唔好,D人都燥D......
見到有個阿伯同個賣花既女人吵架,仲有一個女人衝出來好似想打個阿伯咁.....我地梗係即刻走啦~~

跟住又見到兩個絲奶各自帶住個細路女,因為碰撞問題而出口大罵...

搭小巴時,個司機又用粗口慰問另一個私家車既司機.....

其實將近新年,大家都係和和氣氣,少D吵鬧好過啦~~

[> Subject: 我見到有人打交添
Author: 肥強 [ Edit \| View ]	Date Posted: 23:10:45 01/31/03 Fri 30號去尖沙嘴碼頭, 見到有鬼佬俾人追斬打傷有三架警察車同兩架救傷車係到正宗鬼打鬼

[> [> Subject: 嘿嘿~~
Author: 小珊子 [ Edit \| View ]	Date Posted: 22:54:36 02/01/03 Sat 係咪真架?!

[> [> [> Subject: 我見到有人打交添
Author: 肥強 [ Edit \| View ]	Date Posted: 20:40:27 02/02/03 Sun 無報紙報導證實唔到俾你睇.......... 不過係真既.......

Subject: 原本今年唔去拜年架啦~~

Author:
小珊子
[ Edit | View ]

Date Posted: 23:04:55 02/01/03 Sat

因為我姑婆入左醫院,以往我地一家人都會年初二去佢屋企既~~今年我阿婆打算唔去架啦~~因為老人家覺得新年去醫院不太好.....
但係我又覺得新年唔拜年好似唔似新年咁~~所以都有D失望.....
但係後來我阿婆又決定明天上佢屋企,再去醫院探佢....因為好難搵到一日可以我地成家人都放假咁齊人.....所以明天又一大班人出去啦~~
在此希望姑婆快D出院,新一年大家都身體健康啦~~

Subject: 終於在12點前整好個forum啦~~
Author: 小珊子 [ Edit \| View ]	Date Posted: 23:01:36 01/31/03 Fri (\~~/)(\~~/) (~'.'~)(='.'=) (_^_)( _ _ )~@ 新年快樂~~

Subject: 今日終於正式上到網啦~~
Author: 小珊子 [ Edit \| View ]	Date Posted: 17:39:24 01/29/03 Wed 前排冇網上真係悶到死,有時有野想留都唔得,昨日上到又開唔到ICQ同forum,依家先叫係正式上到網!!

Subject: 新年唔再灰！~

Author:
佳佳
[ Edit | View ]

Date Posted: 20:50:35 01/28/03 Tue

我今日先至狠狠咁將自己做左個月既model 打爛佢！
雖然我果時係笑，不過係苦笑。
不過好彩有幾個fd 走落黎幫我手，
如果唔係我今日真係會發爛渣將所有野打爛哂佢，
一件不留，咁我個final year project就真係實fail 囉

我要係呢兩日趕起佢過年，所以好鬼忙，
仲有兩日。

我相信，過左年大家都唔會再灰！~
一定！

[> Subject: 呢排睇你個留言板.......
Author: 小珊子 [ Edit \| View ]	Date Posted: 17:36:41 01/29/03 Wed 見你成日都整緊D水泥既野,好搞笑...... 不過都希望你整到好既成績啦~~ 過年你係咪派利是比我先??你派比我就一定唔會灰啦~~嘿嘿~~

Subject: 唉~~

Author:
小珊子
[ Edit | View ]

Date Posted: 13:10:17 01/16/03 Thu

昨晚仲要返馬會,平時行十五分鐘的路程,都痛不欲生.......明明平時只係左腳痛,昨晚連右腳都痛埋......呢兩日我都唔出街架啦~~要好好休息~~

自小已經知道自己身體唔多好,成日發高燒要入醫院......細個那時一發燒就起風籟,隻手年年都甩皮.....

大個左風籟無那那又發作,隻手依舊冇好過,一到秋天就甩皮......又成日傷風發燒腸胃炎.....真係冇停過,睇返留言板,我上個月先腸胃炎去左急証室,一個月後既我隻腳又有事......屋企成日都要花好多醫藥費,有時都好憎自己成日病!!

[> Subject: 生病唔係你0既錯
Author: 玉林 [ Edit \| View ]	Date Posted: 00:36:10 01/18/03 Sat 你只係受苦0個個，大家都唔想嘛

[> [> Subject: 都係前排唔多開心"呻"下啫..........
Author: 小珊子 [ Edit \| View ]	Date Posted: 17:32:32 01/29/03 Wed 依家好左好多啦~~

[> Subject: Re: 唉~~
Author: walter [ Edit \| View ]	Date Posted: 23:36:42 01/21/03 Tue 所以都話買醫療保險係好有用ga!~~ 我諗唔會有事ge 放心啦我等緊妳餐飯ga!!!

[> [> Subject: Re: Walter
Author: 小珊子 [ Edit \| View ]	Date Posted: 17:31:02 01/29/03 Wed 上次我阿媽先問我阿爸有冇幫我買醫療保險......仲話叫我去醫院驗野,一定要住一晚先有保險賠.....我同老豆都一齊罵我阿媽痴線,無那那貪利是入院咩~~

Subject: 不用擔心啦~
Author: Sunny [ Edit \| View ]	Date Posted: 15:28:36 01/16/03 Thu 我信你冇事既~ 有時好多野都唔係你可以控制架嘛~ 希望你隻腳快D好番,可以出來請我食飯啦~

[> Subject: Re: 不用擔心啦~
Author: 小珊子 [ Edit \| View ]	Date Posted: 17:28:01 01/29/03 Wed 多謝你既關心,依家好左好多啦~~

Subject: 今日出左報告..........

Author:
小珊子
[ Edit | View ]

Date Posted: 12:49:10 01/15/03 Wed

又驗唔出有咩唔正常喎~~連醫生都說要觀察下.....

其實我都冇解釋過比你地知究竟我咩事,只係有幾個朋友打電話來問我那些先知,依家我簡單說明一下吧!

我星期四考完試覺得兩隻腳勁痛,星期五都痛,晚上返到屋企,兩隻腳都腫起來.....第二日我去左睇醫生

醫生說我可能是關節炎,但係要驗下血,睇下係咪類風濕性關節炎,呢種病勁長手尾,而且會影響埋內臟,而呢種病往往是六星期先出現一種病徵.....而驗血也可以check 下係咪紅斑狼瘡,呢種病就更加大件事,係身體裡面既抗體自己打自己,會損害到內臟功能....

於是我咪去驗血囉,今日出報告,冇咩事,類風濕性關節炎因子係negative,但醫生說唔代表係冇,只係依家冇事,因為類風濕係要六星期先一個病徵,可能我是初期也不定,所以依家只能食住藥先,都冇咩方法,但係佢唔會再叫我深一步驗其他,除非我有其他病徵,而且她說驗其他好貴,如紅斑狼瘡要驗埋DNA,但係佢唔會因為我只係腳痛同腫就會叫我驗咁多野,所以都係要睇我將來既情況.....

總括來說,到依家都唔知咩事,只有食住藥睇下點先囉~~

Subject: 真的很擔心!!
Author: 小珊子 [ Edit \| View ]	Date Posted: 15:48:42 01/11/03 Sat 依家隻腳腫左又痛,行路都有問題.....今日返唔到馬會要請urgent leave,明天連琴都學唔到,睇怕下星期既term break 都唔洗旨意出街啦~~ 真的擔心得很......因為醫生說有可能係兩種病,一種係手尾好長既,有排醫,另一種係冇得醫.......希望兩種都唔係啦~~

[> Subject: Re: 真的很擔心!!
Author: 佳 [ Edit \| View ]	Date Posted: 00:57:34 01/12/03 Sun 嘩！攪乜攪到咁呀？

[> [> Subject: 就係唔知咩事先擔心!!
Author: 小珊子 [ Edit \| View ]	Date Posted: 17:31:43 01/13/03 Mon 依家只有等報告出左,先話比大家知係咩事~~ 多謝各朋友的關心!

[> Subject: 咁誇???
Author: 玉林 [ Edit \| View ]	Date Posted: 07:36:23 01/14/03 Tue 嘩~~!!! 上次見你都冇事喎!!

[> [> Subject: Re: 咁誇???
Author: 小珊子 [ Edit \| View ]	Date Posted: 12:29:55 01/15/03 Wed 那晚見你已經同你講我隻腳好痛,其實係見你之前一日已經開始痛......同你行完那一晚,返到屋企就隻腳就腫啦~~第二日咪去睇醫生囉~~

[> Subject: Re: 真的很擔心!!
Author: walter [ Edit \| View ]	Date Posted: 09:09:42 01/14/03 Tue 唔係咁嚴重下化??? 做咩忽然會咁ge 真係小心d好wor e?? 咁遲先term breack ge???

[> [> Subject: Re:Walter
Author: 小珊子 [ Edit \| View ]	Date Posted: 12:31:45 01/15/03 Wed 好多病都係冇原因架啦~~依家都唔知咩事,連醫生都唔知....... 考完試先term-break 架嘛~~不過都係要留在家休息!!

Subject: Ad master v2.3 - professional banner advertisement package

Author:
John
[ Edit | View ]

Date Posted: 07:29:49 01/12/03 Sun

Hello,
Ad Master is a professional banner advertisement package which helps you to optimize your banner and campaigns. It provides the comprehensive and convenient way to control banner and campaigns. Ad Master is the best solution for site owners, who would like to make money by selling banner place on their web sites. Also this package is developed for webmasters, who pay for advertising campaigns. Multiple campaigns can be created. This allows you to organize your banners rotations with ease. Multiply users system allows give an access to another webmasters! It will count every banner you show!

please, visit http://www.hotcgiscripts.com for more information

www.hotcgiscripts.com

Have a good day

kbqa84oxhfjdzj3y3ptw

Subject: To 所有朋友,
Author: 小珊子 [ Edit \| View ]	Date Posted: 11:09:12 12/24/02 Tue 聖誕快樂!!!!!玩得開心D~~~~~~

[> Subject: Re: To 所有朋友,
Author: kaikai [ Edit \| View ]	Date Posted: 15:25:06 12/26/02 Thu >聖誕快樂!!!!

Subject: 這次是我自幼稚園以來..........
Author: 小珊子 [ Edit \| View ]	Date Posted: 20:01:02 12/16/02 Mon 再一次要訓在醫院的床上...... 對面有個男仔同我差唔多咁大,見佢喘晒氣,狂吸氧氣筒,就覺得好恐......直至我走時佢仲吸緊......

[> Subject: 嘩!
Author: 玉林 [ Edit \| View ]	Date Posted: 12:45:51 12/17/02 Tue 你冇事呀嘛?????

[> [> Subject: Re: 嘩!
Author: 小珊子 [ Edit \| View ]	Date Posted: 17:23:48 12/20/02 Fri 依家冇事啦~~ 我都估唔到咁誇張架~~

[> Subject: Re: 這次是我自幼稚園以來..........
Author: KAIKAI [ Edit \| View ]	Date Posted: 23:46:24 12/22/02 Sun 我都好耐無入過去訓囉~ 好翻就好啦~

[> [> Subject: 你講到你好似好懷念咁........
Author: 小珊子 [ Edit \| View ]	Date Posted: 11:07:10 12/24/02 Tue 你好想入去訓咩?!

[ Main index ] [ Archives: 1, 2, [3], 4 ]

Forum timezone: GMT+7
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.