VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Main index ] [ Post a new message ] [ Search | Check update time | Archives: [1], 2, 3, 4 ]

小珊子的安樂窩
新年快樂~~
長洲Camp照片(Last updated 9/1/06)
Subject: 好黑呀~~


Author:
小珊子
[ Edit | View ]
Date Posted: 18:25:18 03/18/04 Thu
今日返到家,關門的時候,不知怎的被門"挖"到隻腳,痛到嘔,大叫了一聲,跟住即刻飛埋去chair坐下,發現隻腳被削去了一塊皮!!(註:我是穿著鞋和襪的,如果無著後果更加.......)
[> Subject: ...


Author:
mc
[ Edit | View ]
Date Posted: 21:30:30 03/18/04 Thu
哈哈
原來"襪"字的作用在此~~~
妳果然當黑
Subject: 健康報告


Author:
小珊子
[ Edit | View ]
Date Posted: 17:39:18 03/18/04 Thu
星期二去左QE睇外科醫生,醫生說普通人既上顎既骨都會有條裂縫既,即係睇出來都會突左少少出來,而我就比較深些,比平常人多生了些"骨既組織",他說外科都無咩可以做,所以轉介我去睇"口腔外科",睇下那邊既醫生點講,排左期下星期二再去睇

跟住佢叫我排埋期做電腦掃瞄,要四月中先做,不過佢比定D藥我,由於電腦掃瞄要打些"顯影劑",可能會令身體敏感,所以我照之前那晚要飲10ml胃藥,再食8粒防敏感藥,跟住照既那天前兩小時要再食胃藥同8粒藥丸....另外五月中出左報告又睇完口腔外科之後,要返番去外科覆診,今次真係有排攪!!!
Subject: 上星期去照左X-ray


Author:
小珊子
[ Edit | View ]
Date Posted: 13:03:12 03/15/04 Mon
照肺,照背脊就照過,照口真係第一次,原來唔洗放野入個口到,只係企o係度照一張,另一張要扒o係張勁硬既床度打開個口,由下面照上來,照那個人出左去未照住又唔話我知,等我"扒"左好耐keep住同一個post,累死!

後來出左報告,醫生說照得不太清楚,要準確些就要照電腦掃瞄,但因為要千幾二千蚊,她說都係等我去睇外科醫生時,睇下洗唔洗照先去照.....X-ray照出來,說是應係"良性既骨瘤",醫生說好多年輕既人都會無那那有骨瘤,尤其在頭既部份......她說骨有分好多層,如果生在表面係良性既瘤,如果穿過幾層生出來就係骨癌.....聽到都覺得好可怕.....佢說骨瘤多數都唔洗理佢喎~~

而我今次去QE排期就勁快有得睇,只係等一星期,即係其實明早我就要去睇,到時睇下醫生點講先再算
[> Subject: .....


Author:
MC
[ Edit | View ]
Date Posted: 17:29:50 03/15/04 Mon
講到咁都幾得人驚啦~
就算冇事都要白白擔心害怕呢
有事就仲慘
希望係良性
多休息休息
妳最近臉色很差呢
[> [> Subject: 講比個個朋友聽,大家都好驚~~


Author:
小珊子
[ Edit | View ]
Date Posted: 17:21:16 03/18/04 Thu
可能個醫生講得太恐怖啦~~不過我明白她只是有話直說,她說多數是良性,但單憑X光睇唔清楚,要照電腦掃瞄先夠準確
我都明白如果係惡性就係cancer,唔洗佢講我都知,不過我諗唔會真係咁不幸掛>o<

最近臉色不太好最主要係傷風咳喉嚨發炎,食左藥好累,好眼訓,加上早起身返學,所以不太精神,唔關舊野事,不過傷風咳依家已經好返,已經漸漸回復元氣!
[> Subject: 你無事架？


Author:
佳
[ Edit | View ]
Date Posted: 17:24:50 03/17/04 Wed
好得人驚喎......
不過聽你咁講又好似無乜野.....
不過我都覺得你体弱多病既人，好好調理身子啦
[> [> Subject: 我都知我比人感覺係"體弱多病"


Author:
小珊子
[ Edit | View ]
Date Posted: 17:26:28 03/18/04 Thu
不過呢排又真係黑仔左D,由新年開始差唔多無間斷地傷風咳傷風咳.....好番又再黎,所以我隔兩星期之後會去打流感針~~

其實舊野我就覺得冇咩事,又冇阻到我食野講野,不過都係去照清楚會放心D啦~~
Subject: 減壓


Author:
小珊子
[ Edit | View ]
Date Posted: 13:58:54 03/15/04 Mon
最近很想去睇一套笑片,希望可以開懷大笑一番
"孖住你",我想是不錯的選擇.......

這幾個星期六放學之後和教琴前有一段時間空出來,經常獨個兒走去北角,銅鑼灣消費一番,食下野,行下街,買下衫.....別人可能會覺得浪費,我卻樂在其中,如果花一點錢而可以換到一刻的快樂,何樂而不為?!
Subject: 梳子的宿命


Author:
小珊子
[ Edit | View ]
Date Posted: 13:01:08 03/08/04 Mon
好細個媽咪就送左把黃色無公仔軟膠質地既梳比我,一直用到中六,點知有次去唱K遺下了,唯有買過另一把梳,但現在的梳全是硬膠的,想搵把軟的都沒有

自從唔見左那黃色的梳子後,我買的梳都不會有好下場,就像是宿命一般.....大部份都爛了,有一把更加沖左落洗手間......

我本以為平時買十元八塊的梳子質地唔好,所以成日爛,於是花了三十幾蚊買把Muffy的,但用得耐都一樣爛.....想想下,我好似都換左成十幾把.....

最近的梳子又爛了,今次我見到把pork chop既豬仔梳好似D質地好些,希望今次唔會咁易爛,不過我仍然會繼續搜尋一把軟膠的梳,如果大家見到記住話我知!(其實我有想過買把木的,但會梳到好痛!)
Subject: 今日係三月啦~~


Author:
小珊子
[ Edit | View ]
Date Posted: 13:35:12 03/01/04 Mon
媽咪失左業踏入第三個星期......
最近有朋友們問起我屋企既事,奇怪我點解平日都會返屋企同媽咪食lunch,因為以往佢要返工,我要星期日先見到佢......
老實說,如果唔熟的,我都唔想多作解釋,單是說:佢冇做份工了
知道詳細情形的,就只有幾個要好的朋友,因為我唔想同一番說話對幾十人說一次

佢呢排都有見工,但總是唔岩,有時係地點太遠,有些是人工低佢唔肯做,10K佢都唔肯接受,因為以前係Shipping Supervisor,有的是多年的經驗,一下子要佢接受一個shipping clerk的價錢,佢梗係唔肯....

其實我發現佢一D都唔急,反而係我仲焦急過佢,佢成日覺得要搵份工唔難,差在自己肯唔肯做,但我心想佢已經有返咁上下年紀,其實一D都唔易,大把侯生既一畢業就搵工,人工只係幾千蚊,D老闆真係寧願請個年青平既都好過請個經驗多但人工貴成倍的.....我唔算太擔心佢既情況,但係就有D隱憂囉~~

其實依家既情況,我屋企既經濟環境絕對未出現問題(放心,嘿嘿~~)話晒我知道我媽平時係個幾慳既人,唔似我同老豆,所以佢應該有筆幾大既積蓄既,加上佢走時個老闆都補返一個月糧比佢,而且出埋03年既雙糧.....不過如果只係靠我老豆養我地真係死梗,佢一出糧就會狂洗錢,冇乜儲蓄.....好彩我都有些儲蓄,所以依家買野都盡量自己買....其實我自從做左part-time 之後,已經好少叫佢買野,衫,零食,鞋,袋等都係我自己攪掂,佢都係間唔中先會同我出街買野.....

不過佢都幾大開支,我地成日出街食飯,加上佢每個月比零用錢我,比錢我婆,仲有學琴,小提琴既錢,不過我依家轉左琴行,兩樣野學晒都係等於我以前間琴行只係學琴既價錢,已經平左好多......仲有佢自己學日文,跳健康舞既學費........

其實我都唔想比好大壓力佢,所以都唔會問佢搵工搵成點既事,只係佢有時會自己講,朋友叫我多D鼓勵佢,不過我又唔識點做,我諗唯一可以做既事,就係多D陪下佢囉~~
[> Subject: 有時0的0野同朋友講反而易開口，對住阿媽就口啞啞。


Author:
玉林
[ Edit | View ]
Date Posted: 15:59:08 03/01/04 Mon
[> [> Subject: 絕對同意!!!


Author:
小珊子
[ Edit | View ]
Date Posted: 12:05:56 03/03/04 Wed
其實平時如果我有唔開心,或者有心事,都會同朋友講,多過同阿媽講.....雖然阿媽先係最親的人,但始終覺得她會唔明白我地呢一代既人既諗法
Subject: 最近發現自己有幾樣野極不尋常.......


Author:
小珊子
[ Edit | View ]
Date Posted: 23:20:31 02/28/04 Sat
1. 晚晚都會發夢,發到半夜醒左
2. 做野勁心急,但又勁懶
3. 有時會想自己一個玩孤獨,咩人都唔想見
4. 有時又會好有mood同朋友出街
5. 妒忌別人的幸福,幸運,即使是好朋友也不例外

唔知係咪太大壓力,搞到心理不平衡,睇黎都要調節下
Subject: 冬天過去了


Author:
小珊子
[ Edit | View ]
Date Posted: 22:39:13 02/28/04 Sat
在街上看見櫥窗裡盡是色彩鮮艷的春裝,很吸引女孩子的眼光.....

每一季總是會添置新衣,即使屋企多到無位擺,即使有些衫買回去可能一年只是著一次,或是幾年都唔著一次,但一轉季,女孩子總會忍唔住手要買......

或者這是一種定律,普遍適合在全世界的女仔身上
Subject: 幾年冇見既朋友


Author:
小珊子
[ Edit | View ]
Date Posted: 13:09:50 02/25/04 Wed
講起先發現我地原來中六時食過飯,影過貼紙相,之後都冇見過~~成5年時間!!!
睇返佢依家既近照,真係改變左好多,嚇我一跳呢~~
希望星期六見面時我仲認得佢啦!!!
Subject: 我決定左轉琴行!!


Author:
小珊子
[ Edit | View ]
Date Posted: 12:49:37 02/18/04 Wed
是一間很細很細既琴行,在我牛牛家留下,我以前細個都學過,不過後來無學,直至最近在那兒學小提琴
也是跟同一個Miss,只不過改埋都係星期二學,咁以後星期日我不單止唔洗去九龍城,而且學費仲平幾百蚊!!夠我學埋小提琴,真係一舉兩得,雖然那間琴行既琴舊好多,環境又冇咁好.......

其實今次Miss 係收平左我,唔收我dip既價錢而收八級,佢知道我媽依家無野做,所以特登唔加我價,真係好!

最近真係發生左太多事,媽咪又被無良僱主炒尤魚,表姨又要入醫院做小手術,朋友又分手,我就由新年病到依家,仲要多左舊唔知乜鬼o係個上顎到......一時間真係覺得世事無常,百感交集!
Subject: 多災多難


Author:
小珊子
[ Edit | View ]
Date Posted: 10:20:52 02/17/04 Tue
今日因為傷風未清,所以又要去睇留下等好耐既女醫生
個醫生照我既喉嚨,發現我上顎有舊野突左出來,問我係唔係不嬲都係咁,我都唔知.....完全發現唔到,佢說要我隔一星期左右再留意下,睇下有冇變大,因為如果變大,便會阻住我飲食同埋發音....如果太大就要call外科醫生割左佢.....聽完之後勁驚,真係從來無留意到原來自己有舊咁既野,返到屋企照下塊鏡先知真係有,不過佢說係良性既,叫我都唔洗太擔心......唔擔心就假,如果要做手術,真係會嚇死我....
[> Subject: 嘩........


Author:
玉林
[ Edit | View ]
Date Posted: 10:56:25 02/17/04 Tue
真係一波未平一波又起......good luck my friend!
Subject: 好激氣!!


Author:
小珊子
[ Edit | View ]
Date Posted: 00:20:39 02/13/04 Fri
點解呢個世上會有D咁變態既老闆娘?!仲要狂屈我媽?明明無做過既事可以亂講一通,對其他同事既行為真係過晒火,走左既人又苦,留o係公司既人就更苦,佢既行為真係講出來都冇人信會咁變態!!咁仲成世界既?!聽完媽咪說她的行為後,真的很激氣!!!鄧佢唔抵之餘,真係好贊成我媽既決定,告到佢甩肺!!!!唔可以比無良僱主得呈!!!
Subject: 心情跌落低點


Author:
小珊子
[ Edit | View ]
Date Posted: 22:17:14 02/10/04 Tue
今日下午見到母親,大約已經知道有D唔妥,估唔到我心中所想的答案果然發生了.....聽著她的控訴,我也感到很生氣,我知道她心裡面其實也有一點難過的,我也感到有點兒難過,身為她的女兒,我什麼也幫不上忙,唯一可做到的,就是替她分擔一點憂愁

接著收到鋼琴Miss的電話,說今天的課不上了,她好唔開心,糾纏了很久,她終於和六年的男友分手了,哭了幾天,心情非常唔好,我聽了也替她難過......

為什麼這一排身邊的人發生咁多事?好朋友為感情事終日愁眉苦臉,現在又有這麼多事發生,就算是身邊的人唔開心,一樣會影響到我,更何況家人的事更加是和我息息相關的.....周圍的氣氛唔好,令到我的情緒一樣會低落

要控制眼淚是一件非常困難的事,它總會在不適當的時候掉下來
Subject: upload左六張新相


Author:
小珊子
[ Edit | View ]
Date Posted: 16:00:14 02/09/04 Mon
原本仲有好多相影左O係另一部相機度,不過那部相機無左個程式,暫時放唔到入電腦內,要等我姨燒隻碟比我先得,所以暫時只得這六張
Subject: 很喜歡將生活瑣碎的事記低


Author:
小珊子
[ Edit | View ]
Date Posted: 14:25:07 02/05/04 Thu
因為將來睇返,會覺得好有趣,呀~~原來當時做過那些傻事,又或者原來那時唔開心等等,回憶,無論開心定唔開心,有時也值得回味的

也很喜歡看別人寫的東西,如網上的日記,留言板等,某程度上可能是八卦,但更重要的是,我覺得睇人寫野可以更加了解人,就算平時幾熟,原來很多事大家平時也不會說出來,但就會用文字去表達,好多別人心裡的想法,真的要看到才知道......而且就算兩個朋友好耐唔見,但只要佢有記低生活上的一點一滴,我起碼都知道佢近況如何,生活發生咩事,有困難便會看看有什麼幫得上忙,有開心野都會替人高興......

但係我最近發現好多人都不再寫野了,有些是忙到唔想寫,有些是留言板壞了,有些是自己突然唔想寫.......

最近有個問題成日在我腦海裡浮現:點解別人了解我會咁易,但我了解別人會咁難?!
[> Subject: 這是一種幸福


Author:
walter
[ Edit | View ]
Date Posted: 23:11:35 02/05/04 Thu
我時時都覺得
一個易被人了解的人先至會有好多朋友
如果一個人難以了解就難找到朋友ga la
別常把自己的優點想成缺點
[> [> Subject: 我又唔覺得易唔易被人了解既人同朋友多唔多有實際關係喎~~


Author:
小珊子
[ Edit | View ]
Date Posted: 22:16:23 02/07/04 Sat
好似你咁,你好多朋友,但係就好難被人了解一樣,有點兒.......高深莫測呢~~嘿嘿~~~~
Subject: 會唔會有一日你唔再成日病呢?


Author:
玉林
[ Edit | View ]
Date Posted: 12:47:46 02/05/04 Thu
學0下養生嘛!
[> Subject: 梗有呢一日架~~


Author:
小珊子
[ Edit | View ]
Date Posted: 13:34:03 02/05/04 Thu
我死左咪唔會再病囉~~
[> [> Subject: ......


Author:
mc
[ Edit | View ]
Date Posted: 17:41:01 02/05/04 Thu
妳傻架?
講埋d咁既野?
[> [> [> Subject: 咁呢個係事實嘛~~


Author:
小珊子
[ Edit | View ]
Date Posted: 22:12:17 02/07/04 Sat
雖然說出來唔係太吉利.......
不過都係講下隈~嘿嘿~~你唔知我不嬲傻架咩?!
Subject: 今日又去睇醫生啦~~


Author:
小珊子
[ Edit | View ]
Date Posted: 13:47:14 02/05/04 Thu
把聲好左好多,不過都仲係沙,咳差唔多無好過,昨晚咳到好夜先訓得著~~
頂唔順,轉左睇第二個醫生,今次已經係第三次睇,也是第三個醫生,
呢個醫生我細細個兩個月大就去睇佢,佢不嬲睇咳幾好,因為佢知道我細細個已經有些氣管敏感,所以咳好耐都唔好......不過睇佢要等勁耐,有次九點半打去登記,要十二點先到我睇!!
今日原本打算下午先去旺角睇佢,佢開三點半,我打算睇完都五點幾,突然醒起她在何文田既診所開到十二點半,於是我一放學即刻打去登記,好彩佢都仲肯登記,我去到已經十二點十,不過佢成日都睇症睇到過晒鐘,我去到都仲有三個人未睇,我已經係最後一個病人,睇完一點半多些

佢今次比左咳丸我(好搞笑,咳都有丸仔食),再比埋支加左氣管藥既藥水我,應該得啦掛!!
Subject: 失聲了


Author:
小珊子
[ Edit | View ]
Date Posted: 18:20:03 02/02/04 Mon
把聲沙到無倫,仲衰過昨天
今日搭小巴返屋企都唔敢坐太後,驚個司機聽唔到我要落車,好彩有其他乘客落車,唔洗我出聲
Subject: 又要食藥了!!


Author:
小珊子
[ Edit | View ]
Date Posted: 22:35:59 01/31/04 Sat
星期一先腸胃炎,那時已經有少少傷風,不過食晒藥之後,就冇再睇醫生,昨晚舅舅新屋入伙不久叫我地全家人去打邊壚,食完之後今日傷風嚴重了,又喉嚨痛和狂咳,但係今日要返學又要返工無去睇醫生.....明天睇開既醫生唔開,但因為咳得太勁費事等到星期一,所以明早就要去牛牛好耐冇睇既醫生睇住先......又要食藥了,呢排真黑仔
Subject: 終於... 終於買左新電話啦~~


Author:
小珊子
[ Edit | View ]
Date Posted: 22:32:32 01/31/04 Sat
以後唔洗個screen無那那黑左.....
以後打電話比人唔洗在電話薄逐個逐個按個名!!
原本係星期日同老豆諗住睇下先既,後來發現Smartone如果係客戶價最平,咁我阿姨係客戶,所以那天打算搵佢一齊去買機,點知第二間Smartone無晒貨,淘大那間得一千零一部,又費事叫我姨特登過來,所以那天無買到
之後打左去好多間門市問,原來都冇貨,唯有訂一部,不過佢話要兩星期先有,點知星期一訂左,星期三已經有貨,於是我星期四就去買左部機啦~~好鐘意,因為好細部好靚,雖然無得影相既,不過我唔介意,覺得鐘意就得~~不過部機要我比晒錢先,我爸答應過資助我千三蚊,希望佢月頭真係會比返我就好!
Subject: 嘔到七彩


Author:
小珊子
[ Edit | View ]
Date Posted: 17:28:20 01/26/04 Mon
昨晚臨訓前已經覺得個胃好似頂住咁,有點兒作嘔既感覺,跟住嘔左一次,都唔係嘔到好多野出來,後來上床訓左,點幾又起身,又嘔,之後過左一陣又起身嘔,嘔左成四次,將胃裡面所有野都嘔晒出來,但係之後仲係頂住,仲要起身多兩次,嘔D空氣出來,又肚痛.....如是者,成晚都冇覺好訓.....

今日晨早起身打電話去登記睇醫生,點知樓下睇開既醫生唔開,再打去尖咀另一個醫生,又係唔開......但因為又有少少傷風,唔睇都唔得,於是去左樓下另一個只係細個睇過一次既醫生到睇.....收費很貴啊~~不過都冇計

查實我都唔知點解又會病,昨晚發夢,夢見之前星期六既本地遊團友都腸胃炎.....不過食物中毒機會唔大,因為我屋企人都冇事.....可能真係新年食得太多肥野

今日全日都係食白粥,食到口淡淡又四肢無力.....原本打算今日都寫D論文,不過太累,訓左大半日,星期四就開學,開左學得一星期又到我地組present,但我地做都未做....諗起都覺得好煩!
Subject: 我真係唔明白


Author:
小珊子
[ Edit | View ]
Date Posted: 22:20:48 01/24/04 Sat
點解有人可以咁硬頸既呢?!
今晚朋友和我說起,令到我諗返好多唔開心既野......我到依家都好唔明白,一份工係咪真係咁重要?!重要到別人認為更加重要的事反而要放棄?!

做朋友既,你盡力勸左佢,佢唔聽,已經唔係你既錯,係佢有問題,真係無計,唔洗內疚

呢排覺得自己變了,變得無咁在乎,無咁計較,或者是時間令人變得無情,又或者真係現實令人變得心死
Subject: 本地遊


Author:
小珊子
[ Edit | View ]
Date Posted: 20:54:05 01/24/04 Sat
在九度的低溫下,晨早起身去旅行,著左好厚既棉褸加樽領衫,再帶埋頸巾,去到都係覺得勁凍,加上勁大風,真係吹到.......
第一站去磨菇場同紅樹林,勁大風.....不過有野生菇試食,個負責人即場炒,D火高過佢個頭,勁呀!!!而且仲有動物睇,見到些黑色既羊,仲有兔仔、鵝等等

跟住去左許願樹,果然是有兩棵,其中一棵在以前燒過,所以勁瘦弱.....另一棵就大好多,不過早兩日都差點兒燒著呢~~原本都打算扔下玩下,不過那些寶碟貴左成5倍,加上屋企人唔信既,所以都冇扔.....但係勁多人扔,分分鐘中頭獎,我就被個橙扔中了件衫!!有少少橙汁飛左落去,好彩唔係扔中個頭!!

之後去流浮山食鮑魚海鮮宴,我細個時都去過,不過好似唔同左好多~~其中街邊有炸生蠔賣,$10蚊四隻,勁好食,皮脆內熱,隻蠔又大又多汁!!

食完飯就去左米埔外圍既觀鳥軒,得好少鳥飛過,又係有動物睇,仲見到些黑羊同牛勁肚餓,見到佢地餓到連D膠袋都食,我姨比樹葉佢地都食......對面就係大陸,因為太近,好搞笑,我部手提去到o個度變左寫住"China Network"!!!

之後去左昆蟲館,都冇咩好睇,得D勁大既蜥蝪.....

最後一站就係去黃金海岸酒店食buffet dinner,原本都預左佢無咩好野食,點知真係無咩好食,係一樣海鮮都冇.....而且勁早食,5點開始,食到6點幾就走,7點幾就出到九龍,因為早起身,加上前幾日玩得太多,所以返到屋企勁累!!
Subject: 初二的煙花


Author:
小珊子
[ Edit | View ]
Date Posted: 20:51:38 01/24/04 Sat
上次同屋企去會展旁邊睇,無上年既位置咁響咁大,所以今年去返去年既同一位置睇,即係會展另一邊近碼頭那邊,果然砰砰聲勁大聲,不過有些低既睇唔清楚,加上初頭有雨,有點兒掃興

不過今次朋友們都沒有甩底,8個人全部到齊,真係好熱鬧,同場加映朋友同男友sweet sweet睇煙花,睇到我地都有點兒骨脾....不過都幾好既,能夠同心愛既人一齊睇煙花,又真係幾浪漫既,嘿嘿嘿~~

希望下一年大家都一齊再去睇煙花!!
Subject: 年宵


Author:
小珊子
[ Edit | View ]
Date Posted: 22:41:04 01/21/04 Wed
昨天去維園行年宵,都唔算太多人,不過就冇咩好買.....今年我只係買左兩樣野,一個蛋壽司既電話繩,另一樣係Post Pet 既Momo 毛毛拖鞋,好得意架~~可以在新年著......我地仲係維園食左"炸雪糕",出面係芋頭,裡面係雪糕,外熱內冷,不過唔係咁好食....

昨晚地鐵沒有延長時間,荃灣線最後一班車係12:49分,我地在天后走時都差唔多時間,職員說仲有一分鐘,我地即刻入閘之後狂跑,仲要係跑兩層,去到班車都未黎......去到金鐘又要轉車,幾驚去到已經冇晒荃灣線,好彩有尾班車等埋我地....跟住又跑去對面,成功上到尾班車!!!

去到旺角,人頭湧湧,好多店鋪都未關門,唔知係咪跑得太勁,勁肚餓,於是去左食米線,飲珍珠奶茶,兩點幾先返到屋企,3點幾沖完涼,之後訓又訓唔著,搞搞下成5點先訓!!!!
Subject: 樂富那間琴行我唔做啦!!


Author:
小珊子
[ Edit | View ]
Date Posted: 00:22:26 01/19/04 Mon
其實係三月頭就會約滿,所以星期五我就比左辭職信佢.....比佢之前個心好驚,驚佢唔比我走或者罵我,好彩佢都冇咩野,只係問我做咩咁遲先講,其實我已經早成個半月通知,已經人致義盡啦~~

佢話星期五會搵人代我,但星期六會難搵些,所以如果佢三月仍未搵到人,佢希望我會幫下手做耐些,不過唔洗再簽約,咁我幫下佢都冇問題既,但如果佢搵到人,我二月尾就可以走啦~~

雖然走左之後收入會少左一半,不過臨畢業搵少些,多D時間讀書都好既~~所以依家仍然要努力做野,儲定多些錢留返之後用
Subject: 有朋自遠方來.......


Author:
小珊子
[ Edit | View ]
Date Posted: 00:14:56 01/19/04 Mon
今晚同開平既好友們食飯,Vivian由美國回來,前幾日已經見過佢,佢除左高左之外(第三期發育?!),都冇咩點變,買野一樣係咁捨得.....Maggie由上海回來,仲帶埋新bf出來,真好~~大家一樣係咁多野講,成晚既氣氛都好好,講返好多以前中學既人和事,原來好多人既名字已經在我腦海內消失,佢地講返我先記得......

下次再聚將會是一年後,Maggie更要2006年既新年先返來.....希望到時我地依然係咁friend,friendship forever!!
Subject: 大出血


Author:
小珊子
[ Edit | View ]
Date Posted: 14:45:58 01/15/04 Thu
財散人安樂!!!
如果老豆唔肯資助我買電話,就要洗二千幾.....很心痛呢~~
[> Subject: 二千幾


Author:
mc
[ Edit | View ]
Date Posted: 16:38:42 01/17/04 Sat
二千幾對妳來講唔係大問題啦
妳返咁多工~
我現在很有可能把補習全都停了
所以最近比較努力上班
好存點錢在往後的兩個月用
[> [> Subject: 大家千萬唔好有錯覺


Author:
小珊子
[ Edit | View ]
Date Posted: 23:56:12 01/18/04 Sun
以為我返好多日工有好多錢
一來我其中一間琴行每個鐘得70蚊,係勁少
二來我其他兩間雖然人工多些,但返好少時間,只係日子多,所以其實加埋都係搵好少.....

二千幾蚊唔係冇,不過一次過拎咁大筆錢出來,就有些心痛.....而且都要得老豆同媽咪睇過部機OK先可以買......
Subject: 美味推介


Author:
小珊子
[ Edit | View ]
Date Posted: 15:46:51 01/15/04 Thu
昨晚同美國回來既朋友在旺角金聲附近食飯,那間野叫鮮果園,有D煲仔套餐,我食左個海鮮煲,有一碗米線,再加一杯台式飲品都係$42
另外我朋友食左個砵酒雞煲,$45,D雞好滑又入味,勁香酒味!!!而且只係食個煲既送已經夠晒,因為好大煲,我地D米線都係食左好少~~真係又好味又抵食!!
Subject: 考試


Author:
mc
[ Edit | View ]
Date Posted: 14:54:14 01/09/04 Fri
今次考試戰情真係由第一科先秦諸子開始直線下降
一科慘烈過一科
直到今日考完文化史後，整個人就快虛脫。
太累了。
[> Subject: 我也超累呢~~


Author:
小珊子
[ Edit | View ]
Date Posted: 22:49:41 01/10/04 Sat
文化那科我考得唔好,答完第一題之後,又覺得自己答得唔太好,好似有D野混淆了,所以又轉答第二題,好彩都夠時間,不過每一條都唔係答左好多野,真係最差係呢科......

我昨日十二點幾就訓,訓到今日十一點,真係太累了~~連續兩星期多都係三四點先訓,訓幾個鐘又彈起身.....覺得自己都幾似超人!!
[> [> Subject: 我唔可以訓得太少


Author:
阿強
[ Edit | View ]
Date Posted: 23:07:11 01/10/04 Sat
如果連續三日訓唔夠5個鍾
我就會好唔舒服
Subject: 昨日考完試


Author:
小珊子
[ Edit | View ]
Date Posted: 23:02:45 01/10/04 Sat
同同學們去了銅鑼灣既和民食野,其實一早想試,不過間間分店都勁多人,次次都大排長龍,今次我地有心機等都算好....

食左個鍋燒雜錦麵,好特別,首先要自己攪熟D材料同埋麵,是靠個鍋去燒熱佢地,跟住再自己倒湯落去.....好食就幾好食,不過佢冇寫明係辣既,食到我地........而且得勁少麵,食完都唔知痴左去邊......

最邪既係一望去隔離牆既少少的隙,竟然撞到同班的另一批同學....

食完之後周圍行,其實我地都勁累,而且又拎住好多由圖書館借黎做論文既書,不過唔relax下真係對唔住自己~~行到差唔多五點,又要去返工,真係累到嘔~~所以夜晚十二點左右就訓了....係咁多日最早訓既一日!!!
Subject: 災難


Author:
小珊子
[ Edit | View ]
Date Posted: 19:09:02 01/05/04 Mon
好彩今日既考試時間係下午,如果平時早上考,九點幾那段時間,我搭緊地鐵,又係荃灣線過金鐘,話唔定成為了今日拼命走難的一份子
[> Subject: ........


Author:
kai
[ Edit | View ]
Date Posted: 22:17:15 01/08/04 Thu
hey ~
how is yr exam ?
[> [> Subject: 唔知呀~~


Author:
小珊子
[ Edit | View ]
Date Posted: 22:41:25 01/10/04 Sat
不過有些科自己都知道考得唔係咁好......要等成績表出左先知
Subject: 好辛苦呀!!!!!!!!!!!!!!


Author:
小珊子
[ Edit | View ]
Date Posted: 14:58:58 01/01/04 Thu
昨晚又四點先訓.....今日十一點幾先起身,個黑眼圈勁大呀~~
星期六開始考第一科,好似都冇咩入過腦咁,勁抽象,勁難讀呀~~睇睇下D notes 真係會無晒心機同勁頹,希望快D挨埋下個星期
Subject: 去左睇醫生


Author:
小珊子
[ Edit | View ]
Date Posted: 12:39:34 12/30/03 Tue
原本打算唔睇既,不過痛左幾日,而且近呢兩日隻腳有少少腫起來,怕又好似上次咁勁長手尾,又唔知係咪關內科既事,所以今日去左睇醫生

那個醫生在我家留下,不過次次睇佢都要等勁耐,一來多人睇,二來佢話就話開九點半,事實上醫生十點半先會來.....今日九點半打去登記,在家等電話,等到十二點半先叫我落去,睇完一點鐘.......

好彩今次醫生說只是我行得太多或者勞損了而引致組織或腳根發炎,叫我唔可以著平底鞋,反而要著些有一寸左右高既鞋,或者著波鞋,再要買一個勁厚既腳墊墊住,爽健那些都唔夠厚......跟住要食胃藥打底,再食D骨科藥......我又順便睇埋仲有少少手尾既傷風,又順便睇埋我隻手甩皮,於是她又比左傷風藥同藥膏我搽......唉~~真係禍不單行,希望所有病都快D好返晒~~

今朝知道阿梅既消息,真係令人感慨,知道佢情況都唔係太樂觀,不過真係想唔到咁快......聽到都覺得有D憂傷,人就係咁化學!!
[> Subject: ^ ^


Author:
walter
[ Edit | View ]
Date Posted: 01:58:30 12/31/03 Wed
咁妳真係要小心身體呀!!!
唔好咁大細路
令人擔心ga la
hehe
[> [> Subject: 我幾時有"大細路"呀?!


Author:
小珊子
[ Edit | View ]
Date Posted: 14:56:47 01/01/04 Thu
我又冇跳來跳去,其實,我都唔知今次點解會整親,或者真係聖誕節行得太多.....不過事實上又唔係行左好多,行下又食下飲下.....可能真係以前積積埋埋的
Subject: 聖誕節


Author:
小珊子
[ Edit | View ]
Date Posted: 13:34:19 12/26/03 Fri
24號去左睇無間道3,真係唔太好睇,時間跳來跳去,睇完都唔係好明佢講咩,到依家我連邊個係奸定忠都唔知.....

昨晚聖誕節,同預科同學去尖咀睇燈飾,勁多人甩底,最後得六個人出來......行行下又去食下野,跟住又行.....都唔係好多燈飾睇,有些好早就熄左....

一點鐘原本想走,不過有朋友提出去飲野,見他就快離開香港,而且又係Christmas,咪又去囉~~

又係去左鸚鵡吧,不過唔同上次海港城那間,係另一邊,今次我地冇玩,只係坐低傾計,我好乖呀~~無飲酒,飲左杯pussy foot.....傾傾下兩點幾,就返屋企啦~~同上次飲野一樣,都係兩點半返到家,不過今次同上次唔同,上次屋企無人,今次有.....返到去仲要沖涼,成三點幾先訓.....之前同家人說了夜返,佢地都答應了,昨晚婆婆起身去toilet見到我,都冇話我一句,証明屋企對我又寬鬆了一步,真係好!!

今日11點半鐘響都唔想起身,十二點幾先起,真係勁累,玩埋昨天,係時候要開始溫書了,不過仲要成日返工....唉~~不過打算玩埋今日就唔上網住,要考完試先再上,一月九號之後先再見啦~~
Subject: 生病了


Author:
小珊子
[ Edit | View ]
Date Posted: 18:05:58 12/22/03 Mon
聖誕節先黎病,真係慘到震.....
今日去睇醫生,個護士問我咩事,我一話傷風,佢即刻幫我探熱,以前係會問我洗唔洗探熱既,依家就嚇到即刻幫我探,驚死我係Sars咁......
[> Subject: be careful la ~


Author:
kai
[ Edit | View ]
Date Posted: 13:07:45 12/25/03 Thu
小心身体啦！~
你傷風發燒我都當你沙士病人岐視你架！~
[> [> Subject: 死啦你~~


Author:
小珊子
[ Edit | View ]
Date Posted: 13:21:22 12/26/03 Fri
我係傷風,無發燒,唔係感冒,更加唔係Sars啦~~
你下次傷風我都要歧視下你先!
Subject: 心理小測


Author:
小珊子
[ Edit | View ]
Date Posted: 15:57:57 12/15/03 Mon
你是第三種. 你很可愛而且每個你認識的人都喜歡你. 你是能夠成為別人最好朋友的人所以沒有人會嘗試做任何事而引致失去你. 你從不傷害別人的感覺和很少傷到自己的感覺的. 生活對你來說是輕而易舉的. 你經常表現可愛和平靜的. 你只要避開金手指就能夠無憂無累了.

http://members.lycos.co.uk/xray/question2.htm
[> Subject: me


Author:
walter
[ Edit | View ]
Date Posted: 21:56:52 12/15/03 Mon
你是第二種. 你是個很有趣, 友善和出眾的人. 你是個真正的會開解別人的人. 你經常會走去市中心與朋友分享你的時間, 之後你會帶一些你媽媽教你的東西回家. 當你快樂過之後才會覺得婚姻與孩子對你重要. 不要讓令你快樂的人使你迷失.
[> [> Subject: 嘿嘿嘿~~


Author:
小珊子
[ Edit | View ]
Date Posted: 20:21:10 12/16/03 Tue
它說婚姻和孩子對你重要呢~~
[> [> [> Subject: 都唔係ge


Author:
walter
[ Edit | View ]
Date Posted: 02:13:16 12/17/03 Wed
所以我覺得唔準lo
我記得我上次做左係第三種ga
哈
Subject: 放肆的一天


Author:
小珊子
[ Edit | View ]
Date Posted: 20:46:03 12/16/03 Tue
昨日婆婆,阿姨同我老豆媽咪一齊去大陸玩兩日一夜,得返我一個在家,所以成日都勁free!!!

返完學食完飯回來,訓左兩個鐘,就出左去尖咀搵Da da 行街食飯,之後阿佳都黎埋一齊食....夜晚Da da 要走,唔可以陪我地飲野,得返我同"新民四秀"(獸)去飲野.....

去左一間bar,我記得中學時曾經同佢地去過,不過已經係好多年前既事了....

那時已經十一點幾,佢地叫左十二支啤酒飲,其實我唔鐘意飲啤酒,覺得好苦,不過既然佢地叫左,我都飲返杯,斷斷續續都飲左一杯幾,朋友們都驚我會醉.....你地唔好以為我真係咁水皮先得架,飲咁少點會醉呀?!我都冇面紅又冇發熱,又冇語無倫次(雖然你地梗係覺得我成日語無倫次.....)不過今次真係我飲得最多的一次,平時真係飲一啖或者唔飲架~~幾比面你地呀~~

原本打算出來係傾下計既,點知佢地狂玩大話"識",後來悶得滯,狂玩鋤D,玩玩下攪到成兩點先走....返到屋企都成2點半,沖完涼成3點,仲同朋友傾電話傾到四點幾先訓,一訓就好似昏迷左咁,7點幾起身去洗手間,好似完全冇訓過咁,於是再訓訓到十一點先起身.....不過訓完都係好累,以前捱通頂都係咁,依家真係唔得啦~~今日成日都非常累,做咩都冇精神,黑眼圈大過隻眼......

平時屋企怕危險,所以出街都唔比我去咁夜,一係就要我早返,一係就要我玩通頂第二朝先返....咁耐以來同朋友出街最夜都係十二點幾返到屋企,最早就係通宵之後7點幾先返屋企,真係冇試過兩點幾搭的士回家....好彩有猛男肯送我返去......

其實有時都覺得呢D地方好似唔係好適合自己去咁,昨晚那間bar全部人都係返完工落黎玩既,全場最年輕就係我地五個,見到後面有些女人
o係度好大聲咁猜枚,一方面覺得佢地好"爛",另一方面聽到又覺得幾好笑咁....而又有D人出去唱歌,又或者好大聲咁講粗口,食煙,連我地既衫都一大陣煙味.....某程度上酒吧都係一個幾雜既地方,我覺得如果間唔中來見識下都幾好,不過如果好似某些人沉迷了在飲酒上,就唔好啦~~所以做任何事都要適可而止呢~~
Subject: 開了新的mail address!!


Author:
小珊子
[ Edit | View ]
Date Posted: 17:22:42 12/10/03 Wed
因為之前那個實在太多垃圾郵件,真係頂唔順,次次上去都要狂delete,唔上去一星期成三百幾封......所以唯有開個新的,用唔返katie_meow呢個名好可惜,試左好多個名先開到....
以前有50MB,依家得6MB,真係天與地之分......
Subject: 舊相簿update 了九張上次的唱K相


Author:
小珊子
[ Edit | View ]
Date Posted: 19:35:49 12/09/03 Tue
有空可以去睇下!!
Subject: 無憂無慮，頑皮，愉快的人


Author:
小珊子
[ Edit | View ]
Date Posted: 22:43:30 11/27/03 Thu
你喜歡自由自在，無拘無束的生活。

你的座右銘是：生命只能活一次，因此你盡量享受每一刻。

你好奇心旺盛，對新事物抱有開放的態度；你嚮往改變，討厭束縛。

你覺得身邊的環境都不斷在變，而且經常為你帶來驚喜。

http://www.cantong.com/ptest.htm

　
[> Subject: 我的


Author:
walter
[ Edit | View ]
Date Posted: 09:15:53 11/29/03 Sat
你追求自由及不受拘束，自我的生活。

你的工作及消閒活動都與藝術有關。

你對於自由的渴求有時候會使你做出令人出人意表的事。

你的生活方式極具個人色彩；你永遠不會盲目追逐潮流。

相反地，你會根據自己的意思和信念去生活，就算是逆流而上也在所不惜
[> [> Subject: 真係岩晒你!!


Author:
小珊子
[ Edit | View ]
Date Posted: 15:00:44 12/01/03 Mon
至少在我眼中我覺得你是這樣的人
你覺得我是"無憂無慮，頑皮，愉快的人"嗎?!嘿嘿~~
[> Subject: 這是我的


Author:
mc
[ Edit | View ]
Date Posted: 17:16:41 11/29/03 Sat
時常自我反省,敏感的思想家



你對於自己及四周的環境能夠比一般人控制得更好更徹底。

你討厭表面化及膚淺的東西；

你寧願獨自一人也不願跟別人閒談，但你跟朋友的關係卻非常深入，這令你的心境保持和諧安逸。

你不介意長時間獨自一人，而且絕少會覺得沉悶。
[> [> Subject: 我知你選了那幅圖!!


Author:
小珊子
[ Edit | View ]
Date Posted: 15:04:50 12/01/03 Mon
你那幅是紫色黑色底那幅嘛~~原本我都想選那張,不過最後還是選了好colourful黃色那張......畢竟沒有選錯,因為你那個答案好似唔係好岩形容我
Subject: 昨天看完"忘不了"!!


Author:
小珊子
[ Edit | View ]
Date Posted: 22:22:41 11/27/03 Thu
戲中做得最好的,不是柏芝,也不是青雲,而係個細路!!
套戲無我想像中咁慘,不過有幾幕都幾感人.....朋友在隔離睇到流晒眼淚,我在旁冷血地笑她,很奇怪,今次我睇戲唔係喊左好多,只係有幾幕眼濕濕隈~
隔幾個位既絲奶差唔多由開場喊到落尾,睇見佢都覺得好笑,洗唔洗咁誇呀?!
Subject: 今晚返工


Author:
小珊子
[ Edit | View ]
Date Posted: 22:32:43 11/20/03 Thu
有個學生得六歲,好頑皮,今日仲周圍走唔肯彈,我叫佢乖乖地坐返埋去,佢竟然愈叫愈走,差一點就走左出去走廊......感覺上好似玩緊捉迷藏咁,不過我真係無乜氣話佢....佢竟然仲o係度大笑,說我個樣好搞笑!!真係痴線!!我諗點都唔夠佢攪笑掛~~
對得細路仔多,唔知我既忍耐力係會大左,定係我會愈來愈憎恨細路仔呢?!
Subject: 畢業相


Author:
小珊子
[ Edit | View ]
Date Posted: 22:16:36 11/20/03 Thu
昨天去City 同Da Da 影畢業相,最衰唔齊人,要等到星期六先得~~
夜晚開平聚會都係得我地三個人,早知一早上次在沙田食完就算啦~~
去左雅蘭下面既Lei Cafe,六間店也是利園集團的,很特別,坐一間可以叫埋其他五間鋪既野食,而我地食既Lei Cafe就食西餐既~~叫左隔離鋪一碟菜,好唔掂,勁多油.....其他食物都幾好食,最好食係西班牙海鮮炒飯,推介係朱古力雪糕芭芙,$28,勁大杯,好飽,由於係九點過後,所以所有野仲有八五折,埋單每人80大元

可惜食完十點幾我就要走,因為今朝一早要返學,點知返到去上一堂老師要開會又唔上,真係返去都晒氣.......

個Winnie the Pooh飯壺夠晒實用掛~~畢業公仔你又有,都唔洗買啦~~有諗過買音樂盒比你,不過突然見到個飯壺,想起你上次去西田想買一個,又係你鐘意既Pooh Pooh,我諗你實岩用掛~~係唔係好知你心意呢~~嘿嘿~~
Subject: "向左走向右走"人物心理test


Author:
小珊子
[ Edit | View ]
Date Posted: 23:46:47 11/11/03 Tue
代表人物:小紅
性格分析:依賴家人,熱愛朋友

"你是個鄰家型的人,非常容易接近人群,總是在朋友需要關懷時給予最大的鼓勵,所以有不少的異性好友.你非常依戀家裡帶給你的安全感,而且對於未來有很完美的理想,是個嚮往家庭,喜歡溫馨的好好先生與完美小姐.你比較缺乏有條理的管理概念,有時一忙火氣會大,也喜歡對旁邊的人嚕唆個不停,但你的目的都是為對方好.

適合你的朋友都喜歡熱鬧,樂於助人,愛去KTV唱歌,或是打打電動,性格偏向活潑開朗.

你的愛情遺忘在同事之間,他常與你一起做同樣的事,有時會跟你小吵一架,喜歡吃喝玩樂,有點熱愛購物粗枝大葉型同事."

最準那句:"有時一忙火氣會大"
最唔準:"有不少的異性好友"

http://friend.kuro.com.tw/fateasia/left_right/main.php
Subject: 我不知怎樣說.........


Author:
小珊子
[ Edit | View ]
Date Posted: 23:11:54 11/11/03 Tue
總覺得自己開始用工作去麻醉自己.....
明晚要去見新老闆,不久的將來連星期三同日都要返工了
其實我返咁多日工唔係因為好等錢洗,只係唔想白白浪費了機會,為未來鋪定路,但有時心裡面想,會唔會有另外一個原因?!會唔會係唔想有時間比自己得閒o係度亂諗野?!
Subject: 終於有新相睇啦~~


Author:
小珊子
[ Edit | View ]
Date Posted: 16:28:11 11/10/03 Mon
相簿update 左十月二十九日的唱K照片,得閒入去睇下啦~~
Subject: 奇蹟!!!


Author:
小珊子
[ Edit | View ]
Date Posted: 22:27:14 11/08/03 Sat
今日出十月份既糧,老闆竟然加我人工,每個鐘加十蚊!!!簡直係奇蹟!!!我都覺得佢呢排對我好左,成日笑笑口"爛"和善咁,好恐怖!
不過佢今日安排失當,搞到兩個學生同一時間來到,結果要搞到搵人替工......
Subject: 鐵人耐力賽


Author:
小珊子
[ Edit | View ]
Date Posted: 10:47:18 11/07/03 Fri
Da Da 難得星期三夜晚唔洗返part-time,而我星期三又off,所以相約去沙田行街,諗住夜晚約開平既同學一齊聚舊,點知有兩個下午打來說來唔到,咁我地見唔齊人,不如改期,所以繼續留守沙田直至夜晚,點知o係沙田又撞到個開平舊同學!!真係好邪,之前出火車之後已經同Da Da講唔知會唔會撞到人,點知真係!!我已經幾次在沙田撞到熟人,真係邪!!

由2:30入到去開始行,差唔多九點先走,仲要出到去再行聯合行到十點先走!!成日除左tea 同dinner之外無停過咁行,勁呀~~不過返到屋企就好累......同個fd講返,佢都話我地係痴線既!!

終於買左個袋,不過唔係斜,係側嶼J~~因為斜嶸u係睇唔岩款.....買袋時發生了一件好搞笑既事!!因為我冇咁多cash,所以比EPS,碌完之後佢比返張單我,平時我係唔會睇張單既,諗住佢出左張單即係過左數,點知那一刻我突然望下張單,發現佢寫住"接線不通,請重試",跟住我問個店員,佢先知要碌多次!!Da Da說如果我唔提佢,個sales又咁大朦,真係以為已經過左數拎埋個袋走左!!好彩小珊子是一個誠實既人(嘿嘿嘿~~要讚揚下),又或者好彩我都睇下張單,如果我唔睇,我都會在不知情既情況下拎走個袋!!

Da Da 食完tea之後不停說好飽,連夜晚飯都食唔到....點呀你?返到屋企無事嘛?!下次你都係唔好跟我食芝士牛油果煙火雞飛碟啦~~可能真係太肥膩
Subject: 今日放學後,


Author:
小珊子
[ Edit | View ]
Date Posted: 16:42:49 11/03/03 Mon
去左銅鑼灣食"別府",第一次去炸~~食左個set lunch,$46,有三文魚扒拉麵,芝麻雞翼,同埋一杯凍檸蜜!!
既然個個都要加辣,咁我又加埋一份囉~~一度隈都唔係好辣,頂得住!!D麵幾好食,三文魚扒就.....一般,無咩味又硬!!

食完行左一陣,乜都冇買,睇黎我有排都未會買到個袋.....D款實在.....同學們都趕住補習,難得我今日空閒呢~~跟住自己出左太子拎返上星期買既褲,再行左一陣旺中,好耐冇行旺中啦~~不過都係冇咩野睇,黎黎去去都係那些,真係悶死人,搞搞下搞到四點就返家休息啦~
[> Subject: 你幾時得閒？


Author:
佳
[ Edit | View ]
Date Posted: 00:47:01 11/07/03 Fri
我想比翻本書你
[> [> Subject: 應該係我問你幾時得閒就真........


Author:
小珊子
[ Edit | View ]
Date Posted: 10:25:12 11/07/03 Fri
你仲忙過我啦~~如果約夜晚,我星期一,三,六晚都得既~~
如果你得閒出來,不如約埋佢地,可以一次過比返D相我地....(你搵返未呀?!)
Subject: 理想


Author:
mc
[ Edit | View ]
Date Posted: 19:12:50 10/31/03 Fri
我終於向目標邁出一小步。
[> Subject: 咩理想?!


Author:
小珊子
[ Edit | View ]
Date Posted: 16:31:14 11/03/03 Mon
學整蛋糕?!
Subject: 第一天返工


Author:
小珊子
[ Edit | View ]
Date Posted: 22:19:13 10/30/03 Thu
今晚第一天返青年中心,要教四個學生,原定係由7時教到10時,原來中間有45分鐘break,都唔知拎黎做乜,第一個學生係個男仔,另外三個係三姊妹,分別係初級,一級同四級,不過佢地今日都請左假,佢地已經交左學費,如果臨時先請假,我係唔洗補堂仲有錢收!!所以今日教一個就有四個既錢!!!

不過好勞氣,教咁耐都未試過有學生係從未學過既,點知個o靚仔就係,得六歲,仲要係勁唔留心,講黎講去都唔聽,自己掛住亂彈,今次真係有排煩,攪到我束手無策......
[> Subject: 為左D小事煩惱掂~~


Author:
小珊子
[ Edit | View ]
Date Posted: 22:53:07 10/30/03 Thu
那三姊妹冇來,雖然中心說佢臨時請假不用補,不過佢都說由miss決定返補唔補,我覺得唔上堂又收人地三個錢好似唔係咁好咁,但如果要補比佢地又要煩D時間,所以都唔知點好......真矛盾!
Subject: 竟然又有新工作的機會了!!


Author:
小珊子
[ Edit | View ]
Date Posted: 20:50:08 10/29/03 Wed
其實之前個fd已經同我傾過下,佢朋友在土瓜灣一間琴行教兩個學生,一星期要教兩天,但佢朋友唔得閒再教,所以想搵人頂替

昨晚同阿姨說起這事,佢知道青年中心已經請左我,而我可能又要去另一間琴行教,就同我訓話了一倫,說錢係搵唔晒既,我接咁多job會變左讀書係part-time......跟住我唯有說呢邊都未成事,到時先算...

點知今日個fd覆返我,說OK左,星期三教一個鐘三個字,星期日就教九個字,人工方面非常好,大約有$150一個鐘,咁即係我以後一星期要連續教五日琴,不過其實除左星期五同六時間長些外,其他三日都係去個幾兩個鐘左右,我諗我都可以分配到工作同學業既.......其實我接呢份工最主要唔係為左搵多些錢,只係我唔想放棄任何機會,既然依家機會來到面前,我唔洗in就可以入到去,我認為無理由白白放棄,我怕自己將來諗返會後悔.....希望我既決定無錯,而我一定要promise 自己仍要好好注意在學業上
[> Subject: 錢雖然係搵唔哂


Author:
佳
[ Edit | View ]
Date Posted: 22:22:29 10/29/03 Wed
無錯，錢係搵唔哂，但係我覺得應該係年青既時候就努力d 去搵錢

不過我覺得積極去搵錢都唔係最重要，
最重要係你要有一個清晰既理財理念
[> [> Subject: 咁都係既~~


Author:
小珊子
[ Edit | View ]
Date Posted: 22:07:18 10/30/03 Thu
我都覺得年青時真係要努力些搵錢,以備不時之需.....不過,搵錢還搵錢,都要清楚自己依家最重要要做的事情

理財概念,我不嬲都好清晰架啦~~雖然有時會用左D錢買野,不過我都會好好儲好一畢錢既,只要不是太過份的放縱,我就覺得無問題
Subject: 很幸運呢!!


Author:
小珊子
[ Edit | View ]
Date Posted: 19:33:29 10/29/03 Wed
昨晚突然收到電話,係之前我去黃埔interview既一間青年中心,佢地要請一個鋼琴老師在星期四夜晚教2小時,剛剛我星期四晚又得閒,所以佢地請左我啦~~仲叫我明天即刻返工!!
其實都覺得自己幾好彩,去in時佢已經同我講有好多人來in,我諗住咁多人搶都唔會有我份,而且事隔咁耐,我差D都唔記得左,估唔到佢無那那打返比我,所以都幾開心~~
人工方面都幾好,我佔六成,雖然佢地既學費係比出面既琴行低,其實係等於我在出面既琴行同琴行分賬五成既價錢,即係大約$50半小時一堂,不過已經比我依家做緊那間好好多,又唔洗簽約,所以都好開心!
Subject: 好耐冇唱K啦~~


Author:
小珊子
[ Edit | View ]
Date Posted: 19:24:50 10/29/03 Wed
今日去左尖咀唱K,都幾開心~~真係要讚下阿邦既歌喉,都算係我識既男仔當中最好的一個,真係有少少哥哥既影子!!勁呀~~不過因為佢太投入,所以攪到我地有D驚掂.......

之後行左一陣,就即刻有收獲啦~~很可惜仲未買到我想買既野.....最近很想買一個Agnes b 既斜咩袋獎勵下自己咁努力工作,今日去專門店睇到一個size都幾岩我的,個款都OK,但係條帶既色就怪怪地,所以都係睇定D先~~
Subject: 心血來潮


Author:
小珊子
[ Edit | View ]
Date Posted: 15:12:31 10/27/03 Mon
今日突然好想行街,最主要係想買下野放鬆下心情,呢排掛住攪學校既野都已經夠晒煩,個present原本諗住攪好,點知個老師又要我地改野,真係煩死人,都未做完呢份,另一份又要交題目.....邊做得咁多野呀?!

放左學之後冇食飯就去左太子行,行左好耐,原本想買返幾件秋天既衫,點知完全睇唔岩款,依家D衫件件都差唔多,真係好唔掂......聯合既鋪頭又未開晒,想睇都睇唔到.....結果在Bauhaus買左條牛仔褲,又洗左一大畢.....不過算啦~~偶爾放縱下自己都好應該,難得我今個月做野做得咁辛苦~~

返到屋企三點幾,行街時唔覺肚餓,返到來就好餓....在麥噹噹買野食,我已經勁耐冇食過麥噹噹,雖然熱氣,不過都係算啦~~真係要得閒恕U自己開心先得!
[> Subject: 我又想去街tim


Author:
walter
[ Edit | View ]
Date Posted: 23:50:55 10/27/03 Mon
去街都唔叫我........
[> [> Subject: 行街你都岩?!


Author:
小珊子
[ Edit | View ]
Date Posted: 19:16:22 10/29/03 Wed
我諗住行街買野係女仔既興趣多D嘛~~咁下次我想買野叫你囉~~
原本星期日都想叫你出來飲野,不過你又好似好忙咁,你都係好好搞好你自己既project先啦~~

其實我有時都想打電話比D好耐冇見既朋友,叫佢地食下飯,陪下我咁,不過我驚人地忙,有野做,唔得閒理我,如果你地得閒既,就搵下我啦~
Subject: 維港群星匯


Author:
小珊子
[ Edit | View ]
Date Posted: 19:14:26 10/23/03 Thu
其實我都唔明點解星期五那場要免費派飛,其實一隊組合唔來,其他人來都可以繼續賣飛,最多買左飛既人可以退返,唔洗將整場既飛都送出去......依家又造成混亂
那場表演有t.A.T.u呀~~我都想去睇啊,不過無理由通頂去排隊架~~
今次政府真係大獲,依家貼一千萬都未必得,又吸引唔到外國遊客來睇,又浪費晒香港人既錢~~真係賠了夫人又折兵
[> Subject: 唔係貼一千萬


Author:
佳
[ Edit | View ]
Date Posted: 01:12:23 10/24/03 Fri
係要貼一億呀！.........

我覺得派飛係因為佢地想減低個 show 既負面，雖然係混亂左d ，
但係派飛都總算係眾樂樂，係一個正面d 既沖擊，而且混亂呢d 野好快就會被遺忘，只要當晚可以攪到個氣氛好正，一致好評就得啦
[> [> Subject: 寫錯左一千萬掂~~嘿嘿嘿~~


Author:
小珊子
[ Edit | View ]
Date Posted: 14:58:02 10/27/03 Mon
一億,依家都唔知得唔得
只係那場派飛就冇左四百萬.....
其實,我唔係唔贊成政府洗錢在振興旅遊業上,只不過我覺得錢要洗在適合的地方,其實佢唔一定要老遠請咁多外國歌手來,只係請香港既,已經有勁多東南亞同大陸既遊客來,我又唔覺得今次會吸引好多外國人來喎~~
Subject: 趕功課


Author:
小珊子
[ Edit | View ]
Date Posted: 20:00:34 10/22/03 Wed
呢幾日都冇上網,因為就快要present,呢幾日都o係度趕緊份野,經過昨晚同今日整個下午既努力,終於完成了自己負責那part,不過成組既野肯定有排攪......
10月24號係我姨生日,我細姨提早幫佢慶祝,所以今晚將會請我們全家人去新世紀既"金牛苑"食越南菜,上次佢已經請左我地去奧海城食野,真係好!!之前聽媽咪講金牛苑既野好好食,而且我最鐘意食越南菜,真係岩晒我~~嘿嘿~~不過我生日既阿姨要OT到九點,所以今晚要九點後先去食!!我諗食完都好夜下,明天一早就要返學啦~~真慘~~今晚一返來就要趕住訓,呢排覺得唔夠訓真係好辛苦,所以最近都盡量早訓一點,唔會上網上到咁夜,嘿嘿~~乖左好多呢~~
Subject: 呢個世界真多痴線既人!!!


Author:
小珊子
[ Edit | View ]
Date Posted: 19:52:34 10/22/03 Wed
上次在美食展撞到幾個痴線絲奶,星期一就在圖書館遇到一個痴線既大叔,以為我地無按lift制,其實係個制未到已經會熄左燈,佢狂罵我地唔按制,原本打算咁小事唔出聲,不過真係忍唔住,要駁返兩嘴,佢仲死唔信,仲狂罵我地......之後又怒bear我地,我都要怒bear返佢!!哼!!真係好嬲好激氣,明明唔係我地唔岩都比人罵一餐!!

事後先講到天下無敵有鬼用咩~~有事那陣唔幫拖,咁怕事點得架?!以前我都好怕事,打算乜都息事寧人,但係遇得多痴線既人,真係覺得無理由比人恰到過晒火都唔出聲......

今日彈琴miss 又同我講上星期有個中年男人撞到佢,我Miss當時講緊電話,同電話中既人講左一聲"頂你個肺",點知那男人唔講sorry仲反而狂罵她,猛叫她"頂啦~~頂我個肺啦",在街上大聲狂罵我Miss,攪到佢事後喊了出來......呢個世界真係多痴線既人!!明明自己唔岩反而狂罵人,真係顛既!!
Subject: 恐怖的經歷


Author:
小珊子
[ Edit | View ]
Date Posted: 00:02:20 10/19/03 Sun
今日返完學後,極唔舒服,仲要頂硬上返工,唔返又唔得.......我諗我既面色真係嚇親了店務員同埋個學生,行路都差點行唔到直線,個頭出晒冷汗,面色蒼白,又頭暈又肚痛,差一點兒暈倒在街上........幸好吃了特效藥便沒事了

痛苦的一天
[> Subject: oo....all right ?


Author:
kai
[ Edit | View ]
Date Posted: 15:40:15 10/19/03 Sun
take care ar !!
u know
u r very weak , pay more concern to ur health
[> [> Subject: 依家無事,多謝關心


Author:
小珊子
[ Edit | View ]
Date Posted: 19:41:41 10/22/03 Wed
大佬呀~~唔好講到我真係好虛弱先得架~~我身體已經比以前少左好多小毛病架啦~~
Subject: 一首令人感動又感慨的歌


Author:
小珊子
[ Edit | View ]
Date Posted: 01:26:48 10/19/03 Sun
溫柔眼淚
作曲：YOON SARAH YOON IL-SANG
填詞：林夕

曾經在你指頭　嘗過一口奶油
直到現在我還在感受
曾經在我門口　你忍不住回頭
問我想睡了沒有

＃想起這點滴溫柔
我已經找不到　恨你的理由＃

＊情人變成朋友　不會一無所有
忘了以前還想像以後　我們變成朋友
因為愛情不能夠承受　總可以保留＊
因此淚水　才忍住不流

感激那次分手　你都不置可否
只是沉默的點頭

Ｒepeat　＃＊

既然不能回頭　不如放在心頭
我還是你最好的朋友　沒有什麼要求
只想你是第一個問我　你哭了沒有
讓我明白　眼淚的溫柔
Subject: 今日去左City U


Author:
小珊子
[ Edit | View ]
Date Posted: 19:08:24 10/15/03 Wed
今日Ada叫我去City打波,同佢兩個fd人人同埋阿邦雙打,今朝早十點幾準備搭地時在旺角見到個同班同學,前兩日去灣仔睇煙花又見到另一同學,呢個世界真係細.....
去到City,由於我地兩個無証,所以借人地那些混入去,個場地都幾好,好大冷氣,打完都無流汗....人人既球技好勁,殺波殺死人,真係一個都打死我地三個.......
打完之後去左canteen食野,平就平,不過唔係咁好食......大家由十二點幾吹水吹到兩點幾,佢地兩個都幾好人,人人就"疾"Ada"疾"得好勁,兩個好似歡喜冤家咁,睇見都好好笑!

之後佢地去上堂,我地就出左旺角買野,經過花園街,見到津味排晒隊,再返轉頭見到少左人,忍唔住都要食一串辣魚旦,以前中學時都係4蚊7粒,咁耐都冇加價真好~~食咁多檔既魚旦,都係津味既最好食,又辣又入味,真係食到流晒眼水都抵~~
Subject: 昨日食早餐


Author:
小珊子
[ Edit | View ]
Date Posted: 23:52:50 10/13/03 Mon
講左比媽咪知我骨質有問題,嚇到佢死,即刻話自己都要立即去驗......
下午陪佢入左將軍澳屈臣氏驗,我上次係驗手,今次佢部機係驗腳,我媽驗左都係-1點幾,仲高過我,我咪打算驗多次睇下有冇唔同,點知佢說我不用驗,說25歲前D骨未發育完成,唔準,所以唔肯幫我驗.....搞到我都唔知好唔好再出去驗......

夜晚去左灣仔睇煙花,今次唔係去碼頭,而係去金紫荊,都睇得好清楚,不過就幾多人,又勁熱....

今日叫阿姨幫我打去中大那個驗骨質的問下,對方說通常過左三十歲先要照,除非係遺傳,否則好少咁細個就會咁.....跟住我姨對他說我驗左負2點幾,那人說出面既機未必準,叫我唔洗太擔心住.....依家我可能唔花錢去照住,因為中大那個係照晒全身,我舅父說佢做護士,有時護理人員協會有些免費照腳,如果有佢可以比個位我去照下,照左如果都係差,先去中大照,唯有等下囉~~不過我都會多飲奶同埋食多些奶類食品以防萬一!!
Subject: 困擾


Author:
小珊子
[ Edit | View ]
Date Posted: 23:09:14 10/11/03 Sat
呢幾日最困擾我既就係健康問題,真係咩煩惱都唔夠自己身體最緊要,依家食親野都諗下邊樣野多些鈣.....唉~~
知道中大有得照晒全身,兩人一齊去就$900一次,即$450一個人,貴都無計,不過都要同媽咪傾下,我到依家都未話佢知.........

以前就成日傷風,腸胃炎,呢一年真係好左好多,少左好多,點知原來係有其他大問題潛藏在身體裡面,真係比以前一個朋友批中,說我年紀愈大會愈多病,真係多得佢把烏鴉口!!
[> Subject: 我批自己


Author:
阿強
[ Edit | View ]
Date Posted: 01:22:47 10/12/03 Sun
無30歲命
唔知中唔中呢???

我真係每個禮拜都要傷風一次
今次咳到收唔到手

不過愉快既心境, 對健康一定有幫助既
[> [> Subject: 我又唔信呀!!


Author:
小珊子
[ Edit | View ]
Date Posted: 23:26:42 10/13/03 Mon
我唔信你三十歲會死!!大家一齊放長雙眼囉~~除非你比人謀殺又另計.....不過邊有人咁得閒殺你呀?!
呢排勁多人咳好耐都唔好番,我媽又係,我姨又係,我爸又係,翠又係,你又係.....可能天氣轉,大家要留心身體啊!!
Subject: 哈姆太郎重臨香港:


Author:
阿強
[ Edit | View ]
Date Posted: 22:54:56 10/11/03 Sat
哈姆太郎將於二零零三年十月十二日(星期日)始

逢星期六, 日, 下午17:25, 於無線電視翡翠台播影

記住睇丫
哈哈哈哈哈哈~~~~~
[> Subject: 我唔鐘意睇!!


Author:
小珊子
[ Edit | View ]
Date Posted: 23:01:14 10/11/03 Sat
我唔鐘意哈姆太郎!!而且我星期六要返工,星期日Family Day出左街一定睇唔到!!
如果美少女戰士重播,我諗我會開心D!!
[> [> Subject: 有真人版


Author:
阿強
[ Edit | View ]
Date Posted: 01:19:04 10/12/03 Sun
你又睇唔睇??

日本係前幾日開始播真人版
剛剛播左第一集
唔知香港會唔會買番黎播呢?

詳情可以去呢個網睇
http://www.sailormoon.jp/~chibiusa/bansen/index.htm
[> [> [> Subject: 唔睇!!!


Author:
小珊子
[ Edit | View ]
Date Posted: 23:23:44 10/13/03 Mon
真人版咁核突!!!真人一定唔會靚得過畫既公仔!!而且肯定無咁神似!!完全無興趣!!
Subject: 工作


Author:
ＭＣ
[ Edit | View ]
Date Posted: 22:34:04 10/13/03 Mon
這次的工作有點累
好久沒試過連續做這麼多小時了
錢真的不容易賺呢
[> Subject: 唔辛苦點得世間財呢?!


Author:
小珊子
[ Edit | View ]
Date Posted: 23:36:04 10/13/03 Mon
有時連續教幾個鐘琴,一個接一個non-stop,有時都會覺得有些頭痛.....不過,有工作便好,辛苦完又有錢了,靠自己勞動搵錢,總好過某些人成日等運到,好唔鐘意D人成日諗住中六合彩,中馬仔,真係不切實際,諗住天會跌舊錢比佢,世上邊有不勞而獲既事?!怪不得馬會年年都賺到笑~~
Subject: 慘啦~~


Author:
小珊子
[ Edit | View ]
Date Posted: 23:21:50 10/09/03 Thu
昨日同朋友去左尖沙咀既屈人錢驗野,初初打算去係因為驚自己膽固醇過高,好彩血壓,血糖,膽固醇,脂肪比例都係正常.....

不過最估唔到既係,測完骨質密度之後最令我驚訝,平時自己食咁多芝士,飲咁多鮮奶,諗住實無事......點知.......原來我有骨質疏鬆,仲要係屬於嚴重既水平......紅色危險線係-2.5,而我係-2.4,即係踩界,要-0.1 先係正常,而且我得22歲更應該高很多先得.....如果唔係真係唔知幾時捱到老......聽完之後真係好驚同埋唔開心,完全估唔到自己咁唔健康,打算要再出去驗多次,準確知道自己差幾多,之後就要醫生介紹,睇下食咩類型既鈣片......依家我只有食多些乳酪,芝士,鮮奶......希望可以盡快回復返正常水平,如果唔係老左都唔知點算,實骨折......
[> Subject: 蜁S


Author:
槽
[ Edit | View ]
Date Posted: 21:52:16 10/10/03 Fri
鄸蜳S猁妘嗣d 徽ㄐ
蝜蜁S斕綎嗣袎篨K........

礗＿蓇興耽趠皉騷ㄛ敁絃妘皏尪ㄛ絃絃飲妘橉眢黮蟜.......
[> Subject: 2 bad......


Author:
kai
[ Edit | View ]
Date Posted: 21:53:25 10/10/03 Fri
鄸蜳S猁妘嗣d 徽ㄐ
蝜蜁S斕綎嗣袎篨K........

礗＿蓇興耽趠皉騷ㄛ敁絃妘皏尪ㄛ絃絃飲妘橉眢黮蟜.......
[> [> Subject: 你咪發傻啦~~


Author:
小珊子
[ Edit | View ]
Date Posted: 22:57:35 10/11/03 Sat
我依家已經日日飲高鈣奶,不過吸唔吸收又係一個問題......
日日食芝士做lunch?!我諗我未醫返好已經腸胃炎入院,我唔可以一次過食太多芝士,試過有次食左半個cheese cake,另一次用左芝士煲湯.....結果,兩次都腸胃炎.......
Subject: 看別人永遠愉快


Author:
小珊子
[ Edit | View ]
Date Posted: 15:48:50 10/06/03 Mon
自己卻.........
有時真係覺得呢個世界都幾唔公平,有些人生出來已經不用憂柴憂米,永遠是高高在上.....有些卻要捱到死死下.....有些人生活無憂無慮,有些人卻活在苦難中

近排令到我覺得麻煩既事,就係個個星期都見到阿爸阿媽因小事吵鬧,真係覺得好煩,煩到唔想理佢地,佢有佢地嘈,我有我食飯.....

我想,其實我已經算幸福的一類,起碼生活穩定,又有能力養活自己,不過,如果你話我依家好滿足好開心又唔係,又唔係唔開心,但又唔係特別開心,唉~~總覺得生活好似冇左份刺激,日日為返學而返學,為搵錢而返工,好似缺少左一份衝勁......我都唔知自己想點......

或者真係人睇我好,我睇人好
[> Subject: 刺激?


Author:
阿強
[ Edit | View ]
Date Posted: 23:06:51 10/08/03 Wed
世界一路都係到
係你自己唔去發掘0者

要搵有趣既野, 日日都可以搵到
只係睇你肯唔肯去搵

你唔使同你父母住埋一齊你都嫌煩
如果要住埋一齊, 你咪會死?
哈~
[> [> Subject: 就係發掘唔到D咩新奇既野


Author:
小珊子
[ Edit | View ]
Date Posted: 23:10:53 10/09/03 Thu
所以先覺得生活枯燥無味......
唔洗同佢地住,但一星期見佢地一次,都見到佢地嗌交.....真係好明白點解有朋友寧願住hall都唔返屋企,原來有D野逃避左真係少左好多麻煩
[> [> [> Subject: 有D人係日日


Author:
阿強
[ Edit | View ]
Date Posted: 23:51:33 10/10/03 Fri
都要睇住屋企人嘈交, 仲要獲獲都係大野
你一個禮拜先一次, 而且有時可能唔會嘈
變左兩個, 甚至幾個禮拜一次
如果你咁諗, 係咪開心好多呢?


其實開心未必要好大規模既~~~
我前日坐巴士入機場, 行青馬下層都開心左兩日
哈哈哈~~~

人大左, 將身邊所有事物都視為平常, 然後話呢個世界再無驚喜
其實, 係個人失去左對世界既探求意欲而已
試下留心睇下你既四周, 係咪真係每樣野都咁平常呢?
其實可以透過一條幼幼既電話線, 用ICQ同朋友傾計
都係一樣好神奇既事黎架~~
唔係嗎?? ^_^
[> [> [> [> Subject: 我唔鐘意成日自我安慰


Author:
小珊子
[ Edit | View ]
Date Posted: 22:53:00 10/11/03 Sat
比人發下嚕囌都得掛~~咁如果人地既家庭鬼咁幸福,永遠都唔會嗌交,咁同我相比,又點計先?!
係你先會坐巴士開心!!我一定唔會,開唔開心,又真係因人而異.....
我唔覺得打電話同ICQ好神奇,有幾呀?!
Subject: Adidas Colours 測驗


Author:
小珊子
[ Edit | View ]
Date Posted: 15:43:23 10/07/03 Tue
你擁有豁達樂觀的性格,和諧絕對是你的生活目標
你思想清晰,給人一種自然舒服的感覺,中性顏色會較適合你的性格,所以不妨考慮一下白配紅,一定會給你意想不到的效果

http://www.adidas.com/tw/campaigns/colourspsytest/content/index.html

但係白色同紅色我都唔鐘意喎~~
Subject: 昨天星期日Family Day


Author:
小珊子
[ Edit | View ]
Date Posted: 15:07:30 10/06/03 Mon
充實的一天!!
學完琴同爸媽在九龍城食飯,食完就去左奧海城interview,早左成個鐘去到,所以行左一個鐘左右~~去完打比媽咪,叫佢出旺角食飯,後來想起有煙花睇,於是就約左佢去尖咀睇啦~~

出到尖咀,去左Tom Lee 幫學生買書,點知見到同我同一間琴行做既中學同學,原來佢又係來買書,而且佢都係在奧運出來!!真橋!!

之後食完飯7:15分左右,就去左尖東,佢開左條比車行既天橋比人睇,(未通車既),我地坐o係度等,這時我爸出來join 埋我地,一家人一齊睇!!可惜放既時候比新世界中心擋住左D,而意大利那些又比個路牌擋左D,比上次年初二在灣仔睇差好遠,那次睇得好清楚又大,今次就比較遠......不過意大利那些都幾靚,D人睇到拍晒手掌.......

下星期媽咪會在坪洲出來,佢叫我到時去灣仔再睇美國同日本既煙花~

今日同同學講返昨晚一家人去睇煙花,個個都說我們咁有興致,咁溫馨!!!
Subject: 多謝晒,MC!!


Author:
小珊子
[ Edit | View ]
Date Posted: 23:37:56 10/02/03 Thu
多謝晒你煲那支川貝雪梨水,你真係好好人啊~~
不過其實我昨天已經飲左碗二十四味,個喉嚨已經好左好多,我諗都係熱氣,連智慧齒附近既牙肉都腫了,又有"痱知"......唉~~依家無發病已經算好~~

不過我今日未得閒飲,未知有冇效......不過我會聽你話,明晚煲熱佢先飲,Anyway,萬分感謝!!
[> Subject: 好人？


Author:
ＭＣ
[ Edit | View ]
Date Posted: 23:41:49 10/05/03 Sun
我都係睇對咩人囉
老實講我覺得自己都幾哀架
之前都係我屋企人煲給我喝的
所以才學會
因為以前我成日咳
其實要醫喉痛最好就係休息
[> [> Subject: 咁好唔好人都要睇情況既~~


Author:
小珊子
[ Edit | View ]
Date Posted: 14:58:13 10/06/03 Mon
我有時都會對人好衰架~~不過,大部份時間我都會對人好好~~嘿嘿~~
總之唔該晒你啦~~依家我已經好返啦~~
Subject: 十月份我要好努力工作!!


Author:
小珊子
[ Edit | View ]
Date Posted: 23:01:31 10/04/03 Sat
昨晚係我正式第一次星期五去教,放學4:30,即刻飛地鐵去到,5:30剛好趕得切教第一個學生.....由5:30教到8:30,non-stop,六個人每人半小時,返到屋企九點五,我已經在巴士上打電話返家叫婆婆煮定雲吞麵比我食,十二點食完lunch之後就冇食過野.....真係餓死我!!食完仲要食餅同飲野先夠飽!!

今日星期六再去教,原本之前得好少學生,依家十月份我下午唔洗上堂,可以教返下午,由1點教到7點,不過好慘,今日剛巧有個新既學生學埋今堂唔學,攪到原本半小時既break加多半小時!!攪到下次會有三次break,一次十五分鐘,一次半小時,一次一小時!!叫琴行叫後面的人掉上來,那女人又唔肯,仲叫我帶書帶功課返來打發時間!!真痴線!!

明天會去奧海城interview,希望可以平時教多日就perfect啦~~
[> Subject: 其實


Author:
ＭＣ
[ Edit | View ]
Date Posted: 13:54:13 10/05/03 Sun
有需要這麼拼命工作嗎？（指現階段）
我今年也把工作量減少了
過多的工作會令身體變得虛弱
再說今年是最後一年
要用心寫畢業論文
個人還是覺得不必把過多的時間放在工作上
[> [> Subject: 其實又唔係真係好忙既~~


Author:
小珊子
[ Edit | View ]
Date Posted: 14:55:49 10/06/03 Mon
我都係星期五,六博D隈~平時一至四都仲有好多時間.....咁都仲有大把時間可以研究畢業論文既野.....只因九月份開工太少了,入不敷支,洗費仲多過收入好多,所以要開始努力D,儲返好D儲蓄.....我唔想見到戶口既錢一日少過一日,會覺得好心痛!!
Subject: 我都未問你


Author:
玉林
[ Edit | View ]
Date Posted: 20:41:22 10/03/03 Fri
小提琴好唔好玩呀?
其實我都有諗過學0架，又可以將佢拎0黎拎去，唔係好似鋼琴咁唔郁得。
不過我諗會唔會我已經太老學同埋好唔好玩係一個問題。
[> Subject: 好唔好玩?!


Author:
小珊子
[ Edit | View ]
Date Posted: 22:42:57 10/04/03 Sat
其實我都係學左兩堂,所以好唔好玩都唔係太知,不過自己就幾鐘意囉~~但係就比想像中難學....識睇譜係一個好大既優勢,但係原來要拉都幾易會走音.....
我覺得年紀不是問題,想做就去做,如果到第二時中年既時候再諗返依家唔學,我諗我會好後悔!!你都學啦~~反正你都識睇譜....
我都覺得幾方便我練,我可以拎返去婆婆家,唔洗好似練琴咁,成日返去牛牛......不過拎去學時都幾煩,因為搭巴士多人,而且個琴都幾大
Subject: 很忙碌的一天


Author:
小珊子
[ Edit | View ]
Date Posted: 23:26:58 10/02/03 Thu
今日很多野做,朝早返完學,放學約左畢業論文既指導老師傾大綱既野,終於完成了大綱,可以正式開始寫了(雖然我冇咁快會做.....)
跟住同同學出左去旺角買書,行左足足十一間書店!!!仲要係十間都係樓上鋪,行樓梯都行死!!結果,都係要o係學律先有......好多間書店我都係第一次去,我地見到個招牌就上去,其中有一間大陸書店專賣大陸書,仲要係人民幣一對一仲有九折,真係好抵!!不過睇唔岩.....

買完之後就返左去牛牛練琴同小提琴,同埋整部腦.....六點半就搭車去奧海城同家人食飯,去左金滿庭,是食上海菜的,八個人點左十三個菜,鍋貼,小籠包,清炒蝦仁,沙鍋雲吞雞......計埋都係$700左右,我地有百幾蚊coupon,即係$500幾,好飽!
Subject: 今日去左QE睇醫生.........


Author:
小珊子
[ Edit | View ]
Date Posted: 19:26:42 09/29/03 Mon
我諗大家都唔記得左我去醫院睇乜......話說我一月份時兩隻腳突然腫起來,而且非常痛,行都有困難.....攪左一大倫,又以為係唔知咩病,所以醫生寫了信我去內科睇,等到九月.....終於有得睇啦~~
近排隻腳行路都有少少痛,我驚又有事,今日話左比醫生聽,佢幫我睇下腳同手既關節,又按下我個肚,仲叫我除左口罩睇下我個臉.....結果,佢說我應該無咩事,上次係關節炎,有時都係原因不明.....如果有事先再打返來約睇醫生.......

今日最細既阿姨專登請假陪我去,仲請左我去佐敦既"銀菱"食日本野,好多款又唔貴,三文魚壽司同手卷都係$5而已,定食$30,兩個人都係食左八十幾蚊~~睇完醫生好口渴,佢又請我食許留山既重量級芒果西米撈~~真好!
[> Subject: 沒事就好


Author:
ＭＣ
[ Edit | View ]
Date Posted: 20:26:35 09/29/03 Mon
聽說關節炎愈來愈年輕化了
自己要小心身體啊
我過幾日都要去醫院
要打破傷風針
遲Ｄ還要去打預防肝炎針
[> [> Subject: 其實我都唔知係唔係關節炎架~~


Author:
小珊子
[ Edit | View ]
Date Posted: 23:02:24 09/29/03 Mon
其實個醫生都唔肯定.....因為好多其他病都會有腳痛同腳腫既病徵,好彩事隔咁多個月我總算冇咩事,那時以為自己真係可能有其他病,又驚類風濕關節炎,又驚紅斑狼瘡.....都幾擔心~~所以,咩都唔緊要,身體真係好緊要!

點解你無那那要打破傷風?傷了嗎?定係上次那件事?
[> Subject: 保重呀......


Author:
Kimmy
[ Edit | View ]
Date Posted: 23:31:23 09/30/03 Tue
一見有d咩事就好去睇醫生喇,宜家咩病都可以發生o係自己身上,好難講~~所以要小心,我自己都係~~
銀菱唔係限定每人消費$100咩?
你地下午去?
我o係許留山食過芒果神冰,都好正架,試下啦~
[> [> Subject: 好彩依家無咩事炸~~


Author:
小珊子
[ Edit | View ]
Date Posted: 15:15:41 10/01/03 Wed
個醫生話如果我隻腳痛得好勁或者腫就要去睇......
那間野我地係lunch 去食，而且佢寫住下午九龍區分店不設最低消費的
我都見到有芒果神冰，但係我地問過，裡面得布甸而已，咁我地口渴想飲野，所以無試
Subject: 誤解


Author:
小珊子
[ Edit | View ]
Date Posted: 01:13:57 09/30/03 Tue
我媽既朋友,知道我讀中文系既,又彈琴又學埋小提琴,同我媽講我份人一定好斯文,好文藝,好靜.....而D同我唔熟既朋友,都以為係咁
喎~~
我諗除左熟人之外,都無人諗到我原來咁active,咁貪玩,口部會咁活躍,講野同行為會咁粗魯(我認架~~)!!!嘿嘿嘿~~
其實我諗我都算雙重性格,雙子座嘛~~有時我會好靜,唔多出聲,人地睇見就以為我好斯文,個樣都呃得下人,但係有時我就好多野講,Be le ba la ,好爛玩,玩到天黑都仲想玩,精力旺盛.......

其實讀文學既人唔一定好靜既,我地個系都有些好文靜既人,不過好多其實都好活潑好動,唔係人地眼中咁悶蛋既~~唔好再對"中文人"產生誤解啦~~
Subject: 星期日返工補堂比學生


Author:
小珊子
[ Edit | View ]
Date Posted: 23:12:59 09/29/03 Mon
其中一個學生十月考試,但係呢幾堂都好唔聽話,我叫佢做咩佢都同我作對,於是放學時我話左比佢麻麻聽,佢麻麻問佢做咩上堂咁多野講,唔聽miss 話.....呢個時候我老闆出來,又叫那麻麻唔好咁惡對佢,那麻麻罵完那學生後,個老闆又說佢用錯左方法,咩破壞左小孩既自專心....扮晒好識教細路咁,扮晒好人,攪到我話個細路好似我做衰人咁,而佢幫個細路就係好人.....真係頂唔順D人在家長面前咁鬼假!!

後來個細路比佢麻麻罵到眼紅紅,我睇見都唔係咁好受,都有D心酸既,不過佢上堂真係好唔聽話,叫佢用左手,佢就用右手,叫佢呢度要細聲,佢就特登大聲彈.....如果唔係佢咁衰,我都唔會投訴佢既,而且教琴唔同補習,因為是興趣而已,所以我都唔會迫得佢地太多....不過佢十月考試,咁我梗係緊張架啦~~唉~~做人老師真係好矛盾!
Subject: 大方去面對,是我的格言!


Author:
小珊子
[ Edit | View ]
Date Posted: 01:07:20 09/28/03 Sun
Subject: 蛋蛋flash


Author:
阿強
[ Edit | View ]
Date Posted: 23:58:41 09/27/03 Sat
http://www.iloveegg.com/winopen_ani/ani08.htm
Subject: 在學校遇上了開平的同學!!


Author:
小珊子
[ Edit | View ]
Date Posted: 23:12:30 09/27/03 Sat
其實舊年我小息時望落去下面那層既班房,已經見到一個人勁熟面口,諗緊會唔會係佢,但我心想無理由第三年先見到佢第一次.....點知昨日行緊樓梯正面見到佢,一時間我都講唔出說話,佢就已經好大聲叫我既中文名,而且表現得好熱情......之後傾左幾句,原來佢repeat左三次A-level(真係勁有恆心),所以依家係Year 2,怪不得我去年先見到佢....

之後我比左ICQ佢,原來我地自F5後都冇聯絡過,記得佢中學時對女仔好口花花,估唔到依家都係咁.....不過佢份人幾搞笑既~~今日開機authorize左佢,但自己就唔記得左add佢,即係....依家個list都係冇佢個名同number....
[> Subject: 他鄉遇故知


Author:
阿強
[ Edit | View ]
Date Posted: 23:42:04 09/27/03 Sat
值得慶賀
Subject: 呢個世界真係好多變態人


Author:
小珊子
[ Edit | View ]
Date Posted: 01:13:52 09/26/03 Fri
朋友告訴我佢朋友的一個恐怖經歷,我們聽上來就覺得好好笑,尤其是那句"Love at first sight",不過當時人就會覺得好恐怖....
D人都無腦既,咁既舉動反而會嚇親人,適得其反....
所以說,呢個世界真係無奇不有,變態既更加多不勝數!!!
Subject: 果然和我預期中的一樣


Author:
小珊子
[ Edit | View ]
Date Posted: 15:54:08 09/25/03 Thu
更加肯定自己的直覺有番咁上下．．．．
慶幸還能夠及時逃脫！
Subject: 老豆部電腦整返好啦∼∼


Author:
小珊子
[ Edit | View ]
Date Posted: 15:38:11 09/25/03 Thu
比想像中容易，我初初怕download唔夠佢快就會關機，於是打定個網址去internet explorer到，一連左線即刻去download，點知一秒已經download完，佢都未出現倒數字眼，咪即刻offline等佢掃毒囉∼∼掃完就冇事啦∼∼

依家部電腦終於打到中文，好開心∼∼
Subject: 口頭蟬


Author:
小珊子
[ Edit | View ]
Date Posted: 19:05:53 09/24/03 Wed
我都有好多口頭蟬,有時我講左自己都唔覺,例如我成日都講"白痴"兩個字,有時不經意都話埋老豆,佢就好唔滿意,說佢係白痴咁我就係白痴女......其實有時我講唔係真係話人白痴,只是純粹係一個口頭蟬,即係無心話佢既,又好似佢都會成日叫我同我媽"亞炳"一樣,我阿媽聽到都好唔鐘意.....但我知道佢都係習慣左,唔係有心話我地既~~

一個白痴,一個阿炳,怪不得我們是兩父女
[> Subject: 咁多口頭禪


Author:
佳
[ Edit | View ]
Date Posted: 20:43:50 09/24/03 Wed
亞炳都好過白痴~
咁你係咪阿茂？
[> [> Subject: 我爸話我阿炳


Author:
小珊子
[ Edit | View ]
Date Posted: 15:31:41 09/25/03 Thu
我話佢白痴....但我都係覺得白痴好聽D喎∼∼
Subject: 奇怪的人


Author:
小珊子
[ Edit | View ]
Date Posted: 19:21:39 09/24/03 Wed
朋友們都說我會在小事上緊張,反而大事就相反......我都覺得....我諗我都係一個幾奇怪既人
在小事上我可能會好緊張,例如唔見左野呀~~或者為左D"別人眼中是小事"的事而唔開心.....反而到左D比較重要既事,又或者"別人眼中是大事"的事,我就會無咁執著,一切都take it easy,好快又放得低,唔知咁樣係好定壞呢?!

不過如果我樣樣事無論大小都好care,我諗我有一日真係會顛左.....
Subject: 各左走向右走


Author:
小珊子
[ Edit | View ]
Date Posted: 18:58:59 09/24/03 Wed
今日終於看了!!經過了兩次改期先睇到,睇2點4場,計埋我同個fd都係得十個人!!個市真係淡.......
比我想像中好看,因之前睇過原著,覺得個故事好文藝又簡單,但變成了電影後內容豐富好多,都有唔少笑料.....個結局又真係好出人意表喎~~不過如果呢個故事,我覺得真係無可能在現實發生,就算幾有緣,都唔會連講野同所有情景都一樣掛~~套戲有太多的巧合,太多的偶遇,所以睇起上來投入唔到,因為太唔現實,真係睇戲咁睇囉~~

睇完之後勁餓,去左Delifrance食Tea,又係Blueberry cheese cake+ hot coffee,真係人生一大享受!!朋友都說無介紹錯,真係估唔到Delifrance 都整到咁好食既cheese cake!!
Subject: 昨天星期日原本係Family Day,


Author:
小珊子
[ Edit | View ]
Date Posted: 23:11:42 09/22/03 Mon
我下午仍然要開工,補堂比學生.....
返到屋企5點鐘收到老豆電話,叫我出來旺角食飯,佢同媽去了旺角買波鞋,於是我出左去太子
出到去,我老豆原本幫我媽拎緊對鞋,點知後來又說隻手抽筋唔肯拎,攪到我媽勁嬲,兩個人在始創差點大打出手,我企左o係出面,一面無奈,途人們望住,我真係覺得好瘀......
去左食日本野,成餐飯我地三個都冇出一粒聲........
食完野我老豆死死氣幫返我媽拎波鞋同袋返屋企.....
今日講返比個好友知,連好友都說我老豆唔抵幫.....條友又係,咁無風度,點做男人呀?
Subject: 很同情死黨的遭遇........


Author:
小珊子
[ Edit | View ]
Date Posted: 01:39:48 09/21/03 Sun
知道後很驚訝,知道妳好唔開心.....不過,真係無計,唯有買過部新的啦~~不過不要瞞她了.....

好可怕,因估唔到我地部"情侶機"咁舊款都有人偷!!見到你都係用呢款機時感覺很攪笑,因兩個好朋友無甲定都會買埋同色同款...很可惜....那些人真無人性!!

其實我都好驚,因我咩既袋有時無拉鍊,其實係勁易比人偷野,所以我行多人既地方都好小心......有時都怕比人偷銀包,最驚比佢碌爆張信用卡同拎晒戶口既錢~~所以我依家都將儲蓄分開兩間銀行,一間無拎卡的,就算真係唔好彩比人拎晒D錢,都仲有一個戶口有儲備,唔會渣都冇......不過有時行得太開心,真係可能大意左自己都唔知~~大家都係引以為戒好d.....
Subject: 今晚說了很多話,別人都是認同的!


Author:
小珊子
[ Edit | View ]
Date Posted: 01:03:15 09/21/03 Sun
好開心,唔~~証明我真的分析得沒錯......
原來經一事真係會長一智,現在的我應是長了幾智吧~~嘿嘿~~

***********************************************************

遇上了"too serious"既人,真恐怖......Relax啦~~如果唔係真係人都顛!!
Subject: 死啦~~唔知係咪攪壞左老豆部電腦!


Author:
小珊子
[ Edit | View ]
Date Posted: 18:40:12 09/18/03 Thu
前排有病毒那排我用佢部電腦上網,上上下說要倒數關閉,我咪驚到即刻offline熄機囉~~
隔左好耐,我最近又用佢上網,點知又係咁,倒數幾十秒後就自己熄左機又開返.....兩次都係咁.....上網上一陣就會咁.....死啦~~九成九真係我上次上網中左野.....
唔敢同老豆講部電腦壞壞地,佢好耐都冇上網,唔知佢幾時先發現........大劑啦~~~~((*o*))
[> Subject: 呢個唔係壞.......


Author:
阿強
[ Edit | View ]
Date Posted: 02:08:12 09/20/03 Sat
係中毒......
而且係一個無乜殺傷力既毒.......
只係會令你不停咁boot機, 一個好煩好無聊既毒.......

果陣問使唔使教你, 你又話你識搞.........
[> [> Subject: 我都估係中左架啦~~


Author:
小珊子
[ Edit | View ]
Date Posted: 23:05:54 09/20/03 Sat
那時你教我都冇用,因我本身部機係win 98,所以其實根本唔關我事....估唔到係我老豆部機中左嘛~~不過我諗我應該攪得掂掛~~只要我同佢鬥快download到個破解程式下來,希望唔會down down下又要關機啦~~

今獲真係拎黎衰......本身有病毒那幾天我唔夠膽用佢部腦上網,不過過左一排冇咩事,咪用來上下囉~~點知上左一陣就說關機,我已經諗緊係咪中左,不過冇理佢,直到幾個月後既近排,再上先發現又係咁,咁即係"賴左野"啦~~好彩我老豆同媽都冇在這期間上網.....下星期我要偷偷整返好!!
[> [> [> Subject: 有指令可以關左佢的


Author:
阿強
[ Edit | View ]
Date Posted: 00:59:24 09/21/03 Sun
同佢鬥快一定唔夠快
不過可以打個command停左佢個倒數
然後再del左個 "病毒" file佢

之後再慢慢單撈個update都未遲
Subject: 後悔


Author:
小珊子
[ Edit | View ]
Date Posted: 19:17:20 09/18/03 Thu
我諗每個人都會試過做完一件事或者決定後,會覺得後悔......
曾經有人對我的決定產生質疑,說:"我怕你將來會後悔...."
我堅決說:我不會後悔的!
事實上,我到現在都無後悔過當天的決定

我很少對自己做的決定感到後悔,或者其實我心底裡會閃過"有少少後悔"呢幾隻字,不過我會不去想,不去想自己是否做了不妥當的事,只會想"做左先算",有咩後果點都要做左先知,有時可能有D野我唔知我做唔做到,又或者我已經覺得我會失敗,但我唔想放棄了做一件事既機會,而事後才懂得後悔,那時就真的後悔莫及了

講完一大倫,我都唔知自己講緊乜,唔知你地明唔明我既想法,我只是想說,現階段我決定左做既事或者決定,我會繼續去做,可能我將來會發現自己其實好失敗,又或者做完先知都係冇結果,但我唔想錯過任何機會,以免自己將來想返便真的會後悔了!
[> Subject: 酕!!!


Author:
walter
[ Edit | View ]
Date Posted: 00:56:52 09/19/03 Fri
C珨必遠
筍扂rr飲坳蕦餫la
筍C淩腔湴洇ga
砑憩皿闤a
憩呾嶒蛷渣lo
毀淏嶒腕れ
筍蜁酕憩淩S摽際
[> [> Subject: 攪咩用簡體打呀?


Author:
小珊子
[ Edit | View ]
Date Posted: 22:55:54 09/20/03 Sat
又話人地鬼祟用簡體,自己咪又係咁......
Subject: 今日乘巴士回家


Author:
小珊子
[ Edit | View ]
Date Posted: 18:47:37 09/18/03 Thu
一坐低無耐,就聞到從某人身上傳來煙味.....
我初初以為是左邊的男仔發出來的,後來那男仔走左,那陣煙味都依然存在,係那些"長期吸煙"的煙味,原來是坐我右邊的女孩子發出來的,睇佢個樣都係20歲鬆D.....

我唔鐘意人地食煙,覺得煙味好臭,而且危害健康,令到他人都吸埋二手煙,真係害人害己,食煙真係一種好自私既行為,我更加討厭女仔食煙,覺得印象分真係大打折扣,比人感覺很壞很唔斯文,所以,我覺得就算個女仔有幾靚都好,一食煙已經扣晒分.....

或者這只是我主觀的意見,不過如果我係男仔,都唔會鐘意女仔食煙
Subject: 開心?!唔開心?!


Author:
小珊子
[ Edit | View ]
Date Posted: 14:44:21 09/17/03 Wed
識得有朋友永遠樂天,真係好少見佢唔開心,自己都有D羨慕佢.....
識得有朋友成日都諗野好灰,好似唔係好開心咁.....
如果你問我依家究竟係開心定唔開心?我諗我會答:唔知!!

我可以因為好小事而感到好開心,可能在別人眼中會覺得這是一件不值得太開心的事,可能我行街買左好多野,可能我睇左一場好好睇既戲,可能人地對我好好,我都會覺得好開心,相反,我都會為一些別人眼中看似小事的事而唔開心,人地會覺得我想得太多囉~~

我諗我的心情會很受人影響,可以說,有時人地開心感染左我,我都會開心,人地唔開心,都會影響左我當天的心情......又或者,如果一件事達不到我預期效果的,我都會因此而唔開心......

唉~~心情呢樣野,真係好複雜
[> Subject: 要識發洩


Author:
阿強
[ Edit | View ]
Date Posted: 01:36:05 09/18/03 Thu
琴日發洩左一日, 今日無曬事
你話我阿Q又好, 盎居又好, 我就係咁
由細到大一個人, 自己傻笑, 自己發自己脾氣
唔係點, 唔係可以點?
根本就無辦法

唔好諗咁多, 開心又好, 唔開心又好
都係你自己, 做翻你自己, 咪夠囉
[> Subject: 講到樂天


Author:
阿強
[ Edit | View ]
Date Posted: 01:46:04 09/18/03 Thu
真係你睇我好, 我睇你好
有D人HEHE HAHA, 佢係咪真係開心呢?
你見唔到佢唔開心, 係咪真係代表佢唔會唔開心呢?

其實識得欺騙下自己, 有時都會幾開心
阿Q咪阿Q囉, 阿Q覺得自己開心, 又有乜所謂呢
[> [> Subject: 開唔開心真係見仁見智


Author:
小珊子
[ Edit | View ]
Date Posted: 18:30:48 09/18/03 Thu
咁我都知有D人會唔開心都扮開心既,好假......好彩我唔係識好多呢類人,大部份既朋友開唔開心都好易睇到出來
人總是有情緒,有時屈埋在心裡會好辛苦,我既解決方法係同人傾訴,雖然人地可能會覺得我煩......不過,講完之後我會開心好多,就算真係仲係唔開心,都好快會冇事,我諗某程度上我都係一個算幾樂天既人.....
其實,開唔開心,應是由自己選擇的!!
Subject: 信錯左自己


Author:
阿強
[ Edit | View ]
Date Posted: 01:17:49 09/16/03 Tue
信我會死
我係一個極不可靠既人...................
絕對不可信任..........
連我自己都害死左, 更何況其他人
唔好信我, 信我會死........
[> Subject: 攪乜呀?!


Author:
小珊子
[ Edit | View ]
Date Posted: 20:50:33 09/16/03 Tue
做咩無那那發脾四?!
[> [> Subject: 發洩下0者........


Author:
阿強
[ Edit | View ]
Date Posted: 01:51:52 09/18/03 Thu
有時對自己既行為真係好唔滿意........
Subject: 唉...


Author:
熱帶企鵝
[ Edit | View ]
Date Posted: 22:17:57 09/16/03 Tue
我怕我無藥可救.....
[> Subject: 睇完你比我既ICQ messages,


Author:
小珊子
[ Edit | View ]
Date Posted: 14:24:53 09/17/03 Wed
我都仲係好唔明,因為你冇將你煩緊既事直接講出來.......我諗你都係直接同我傾會好D......任性?係人都會,我有時都好任性架~~不是一件大不了的事,尤其女仔更加啦~~
不過,有時值得煩惱既事,過了一陣子再回想起來,又會覺得是一件很少的事,其實煩惱,想通了又不再是煩惱,只是一時想唔通隈~

最近朋友們都好似各懷心事,希望你地都快D開心返啦~~
Subject: 今晚上左第一堂Violin啦~~


Author:
小珊子
[ Edit | View ]
Date Posted: 21:32:23 09/16/03 Tue
去學那間琴行,是在牛牛家的留下,好耐之前我初級時在那兒學過琴.....咁多年後個老闆娘竟然仲記得我曾經在這兒學過!!

今日去到,仲見到我教琴Miss(因為佢都有在這兒教),最攪笑既係,教我Violin既阿sir係佢琴既學生,而阿sir就教我Miss Violin既!!而個阿sir聽Miss講係細過我既,睇個樣,大約20歲左右.....

個Violin我星期日報名時已經買左,今日拎貨,原來都幾大個.....未買書,點知琴行無初級既書,下堂先有,阿sir唯有口頭教我,他說書都係初初教拉這些,今日第一堂我都幾緊張,隻手好似唔多聽話硬晒咁....可能始終唔太習慣係男老師教我樂器,仲要係同我差唔多大,感覺上唔係太似"老師",氣氛好似好拘謹咁,我諗遲些熟絡左可能會好D....其實佢今日只係教左我兩個音,用唔同拍子拉隈~拉都不算難,最難係拎琴同支弓既手勢,我成日都錯......睇黎返屋企真係要練習下~~

學完之後左邊膊頭勁累,我諗遲些連頸都會痛埋.....希望將來我學有所成,可以教埋Violin咁就理想啦~~
Subject: 都怪我不好..........


Author:
小珊子
[ Edit | View ]
Date Posted: 21:07:44 09/16/03 Tue
件事今日先正式完結,原本個家長又說可以補一,三,四.....但最後我都係推左......
其實今次我真係覺得勁唔好意思,一早應允左,依家又推左,難為了朋友幫我推.....如果我一早考慮清楚先答人,咁就會好D.....
不過,我真係唔想迫自己做D唔願意做既事,我想過之後始終過唔到自己那關.....所以,我唯有說清楚啦~~勞煩了你,真真不好意思!
Subject: 我唔鐘意成人比人話我傻呀!!!!


Author:
小珊子
[ Edit | View ]
Date Posted: 00:53:45 09/16/03 Tue
雖然有人說傻人是福,雖然有人說傻人是好人......但係,我真係唔鐘意自己成日都咁傻!我都想變得聰明D,但.......

或者有一日,當我變得很聰明,又或者我變得很有機心,不再是我的時候,你地會寧願對著現在的我
[> Subject: 你一 d 都唔傻


Author:
佳
[ Edit | View ]
Date Posted: 18:57:25 09/16/03 Tue
只係你個人簡單 d 姐~
同傻係兩回事
[> [> Subject: 我知你想話我乜..........


Author:
小珊子
[ Edit | View ]
Date Posted: 20:51:48 09/16/03 Tue
你想說我頭腦簡單嘛!!
哼~~
Subject: 今晚


Author:
mc
[ Edit | View ]
Date Posted: 19:52:19 09/16/03 Tue
今晚同屋企人講畢業後想做西餅師傅
結果被人罵
說甚麼和我讀的不相稱
講真又有幾多人真係搵到與所讀科目相關的工作呢？
如果不是有負擔我真係會唔理佢地一畢業就去學做西餅同甜品
不過如果我真的要做佢地都冇我"符“
呵呵
[> Subject: 做咩無那那又想做整餅呢?


Author:
小珊子
[ Edit | View ]
Date Posted: 21:00:17 09/16/03 Tue
怪不得你上次問我整蛋糕既野......我以為你想整來送比人
其實我覺得讀那個系真不一定要做那樣,份工最緊要係有興趣去做,先會做得開心.....講真我地那科,出來真係唔知可以做D乜,依家老師又cut人喎~~報館就更加唔係成日請人.....

其實我媽都想我搵份文職,她說如果間公司係同大陸有生意關係既,可能我個系會著數D(其實我覺得一樣).....但係我真係唔鐘意做文職,依家最想做既,依然係教琴老師,不過,畢業後我諗我都會樣樣工都試下,但最終都係可能去左教琴......學似你話,你做左,佢地都冇你乎架~~努力向自己既理想進發吧!
[ Main index ] [ Archives: [1], 2, 3, 4 ]
Forum timezone: GMT+7
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.