投資者日記飛哥退黨 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 17:49:18 07/04/03 Fri
Author: 曹 Sir
Subject: 投資者日記飛哥退黨

7月4日，周五。今天恆生指數跌9.29，收9636.81；成交五十七億九千七百萬元。即月期指略略高一D，收9640點。呢幾日畀廿三條搞到腦交戰兼無心睡眠！7月1日遊行顯示香港人極之理性，响呢方面我地已達OECD國家水平，甚至有過之而無不及（我地嘅示威秩序井然，歐美國家踢波贏輸都可以引起騷動），我老曹為香港人感到光榮；但北京政府係咪亦咁理性？聽講田老細上京已被說服到時要投贊成票，睇佢又點轉軚？佢最近轉軚太急，急到連自由黨開山元老李阿飛都唔認得，因此一於退黨了事？

7．9係最政治化的一天

　　7月9日將係香港最政治化的一天，立法會議員面對7月1日五十萬港人上街遊行後點取態？傳媒工作者在執行例行工作時會否因無知而犯法？作為傳媒企業股東，會否因員工無意觸犯法律而個人財產被政府無端端凍結？我老曹愛傳媒工作，同時愛我的家人，過去三十年生活得幾愉快。忽然之間面對第廿三條，來自投資方面的經驗話畀我老曹知，一切風險必須事前計算，然後作出相應措施，唔好承擔自己承擔唔起的風險，此乃不敗之道。忽然之間報道周正毅事件可能有問題（各位請睇睇近日上海發生的事）；好啦，學吓做寒蟬，冇事啩，但一樣唔得，因為《信報》唔少作者太多嘴，經常說三道四，如果佢地講講吓講過界，警察有權不經法庭批准便入屋搜查兼無限期凍結個人財產，你說怎麽辦？

　　政府話唔使怕，廿三條通過後一切如常，唔會影響言論自由！98年政府夠話大家唔使怕，信我啦，我個仔都買樓啦。今天唔係一樣負資產?𢦀琣拲鉽曮Y民主鬥士，亦唔希望努力的成果面對有一天被政府凍結。

　　如果五十萬人上街遊行都無法令政府延期及修改第廿三條，減少傳媒人的擔憂及傳媒擁有者的疑慮，我老曹不禁要問，呢個政府係咪仍理性そ？就當我地被誤導，政府有責任向我地解釋，而非在立法會內「修甲」！

有懷疑即止蝕乃理性決定

　　香港電台的訪問當時係晨早九點，可能我老曹講得過火！一、《信報》董事局從未為此事開會，呢點要澄清，但董事同D老編傾偈間交換意見就有！二、7月9日廿三條未有定案前冇任何決定。三、如廿三條原封不動通過，我地會諮詢法律意見，評估風險，如發現無法保障員工的安全及個人財產面對隨時被政府凍結的憂慮，到時我地將有所決定。有懷疑揸現金行使止蝕盤乃我老曹一向作風，上述只係理性決定。好喇，咁長篇幅浪費咗大家太多時間，有關第廿三條的討論到此為止，一切看命運安排。食有時、睡有時，時間一到乜嘢都可以變。

　　上周末American Association of Individual Investors報道，會員睇好者佔71.4%，睇淡者佔8.6%，此乃2000年1月6日以來最多人睇好そ一刻。可惜股票市場定律係多數人輸錢少數人賺錢そ地方。有時通脹威脅經濟，有時通縮威脅經濟，都有方法應付；不過呢次玩再膨脹（Reflation），即通脹通縮同時出現，都幾難應付，因為教科書冇教（過去兩年半時間美元供應量高速上升，此因素可引發通脹，過去三年半時間股市反覆回落，此因素可引發通縮，最後係貨幣供應力量大，令股市出現牛市抑或股市回落力量大，吃掉新增貨幣？木宰羊），只有走著瞧。

　　90年日經平均數指回落60%後，93年3月至6月反彈30%，唔少人以為牛市重臨，結果93年7月起日經平均指數又再反覆回落多十年。2000年道指回落後，今年3月至6月反彈，係咪日股翻版？鎖你，我老曹木宰羊。

經濟奇迹背後係廉價貨幣

　　澳元、紐元及加元兌美元已大幅上升，過去三年除人民幣及港元外，仲有乜嘢貨幣兌美元未升值？97年7月亞洲金融風暴出現至今，亞洲四小龍表現如何？所謂經濟奇迹，唔少係由貨幣匯價偏低製造出來。94年1月起人民幣同美元掛丶，為中國經濟製造奇迹，經過日本及亞洲四小龍過去表現，大家都知道奇迹背後係乜嘢。

　　98年10月起香港經濟染上通縮病，通縮病そ痛苦處係企業必須減價去競爭市場，結果往往引發減薪及削減人手，令整個社會需求下降；企業賺錢能力下降又令股價回落企業投資減少，創造就業能力下降。如果咁簡單，揸債券及定期存款咪搞掂？但當美國面對此問題，壓低利率增加美元供應，令美元匯價下跌，拖累港元匯價回落，令情況變得複雜。此乃2001年所面對問題，三言兩語好難講得清楚。

　　許多時我地只顧賺錢，忘記咗理財，結果發現自己辛苦賺番嚟そ錢無法一代一代傳下去。通常十三歲開始便應教子女理財之道，教佢地儲蓄，十八歲開始教佢地投資，把財富的種子埋入佢地小小心靈，讓佢地慢慢長大……。讓子女學曉儲蓄及理財，便一生生活無憂；當一個人四十歲才開始儲蓄及理財，往往事倍功半。

　　十三歲開始每天儲蓄四元，然後精明地處理它，到十八歲時約有八千元，只要好好運用及平均每年升值10%，即使每天繼續只儲四元，到六十五歲退休之時已可超過一百萬元。

　　十三歲前建立儲蓄習慣，十八歲後學曉理財，令你的子女學曉金錢的價值及管理金錢的技巧，不但生活可以富足，同時令佢地明白何時可利用信貸產生槓桿效用，何時不用信貸以免陷自己加入負資產行列。在財政上獨立，可令子女加添一份自信及滿足感，令佢地明白係為自己而工作，佢地そ所有乃經自己努力工作及良好財務計劃，老老實實地一分一毫積聚下來。

邁向小康須兩條腿走路

　　我老曹再一次反對「富爸爸窮爸爸」理論，只要子女十三歲前每天為佢地儲蓄四元，十八歲後學曉每年賺取10%投資回報，六十五歲時肯定超過一百萬元（如每天四十元便是一千萬元）。要做到小康，必須兩條腿走路！▁、持久不變的儲蓄計劃，即使少至每天四元。▂、每年投資回報達10%或以上，須知每年升值10%，每七年半資本升值一倍，三十歲那年有五十萬元，三十七歲那年便有一百萬元，四十五歲那年二百萬元，五十二歲那年四百萬元，五十九歲那年八百萬元，六十七歲那年一千六百萬元。一切由小時候每天四元開始，十八歲那年每年投資升值10%開始，閣下唔需要係富爸爸，任何窮爸爸都可令下一代富足！

　　至於買樓買股票可以發達時代，我老曹回顧是67年開始出嚟社會做事，剛好遇上本港房地產的黃金三十年，股巿的黃金三十三年。不過，97年後才出來社會做事者一樣有機會，例如債券97年至今仍在牛巿，又如外匯及黃金2001年起進入牛巿。不同時代有不同機會，只有唔肯搵機會者才真正冇機會。

　　即使閣下今天已四十歲、四十五歲甚至五十歲，仍然大把機會，當然辛苦係必須的，因為要令資金每年上升20%，因此承擔較大風險，有心唔怕遲例如去年投資歐羅回報率達33%真係事前未諗過；去年投資黃金回報率更高達40%，連自己亦唔信。致富之道：甲、儲蓄；乙、精明投資（例如天天睇《信報》）；丙、時間。發達可以好簡單。　　慶屋國際（193）7月7日起改名冠中地產。

　　創科實業（669）旗下一間附屬公司發行一億四千五百萬美元票據，清還現有十三億港元貸款，其中二千五百萬美元2010年6月到期，年息四厘○九；一億二千萬美元2013年6月到期，年息四厘七。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.