投資者日記 7．9後要自求多福 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 05:24:16 07/04/03 Fri
Author: 曹Sir
Subject: 投資者日記 7．9後要自求多福

7月3日，周四。是日報慶，係《信報》成立以來最平淡嘅一次報慶，同事們訂咗個三十磅大蛋糕，大家許願未來從事傳媒工作者可以開開心心返工、快快樂樂返屋企。咁做本來係十分普通嘅要求，點解忽然變成咁感性？大家睇睇上海同業採訪周正毅事件遇到官方壓力而突然靜下來，便了解第二十三條嘅威力。《國安條例》通過後，我地採訪類似周正毅事件，算唔算危害國家安全？我地真係唔知道，但依家眼見國內同業已承受莫大壓力！今天香港仍唔驚，7月9日以後就唔知點算。傳媒工作者同普通人冇分別，我地唔係南非曼德拉，願為爭取南非獨立而坐監二十二年；我地更加唔係印度甘地，我地只想奉公守法，第二十三條立法後分分鐘自己犯法都唔知。投資學上有「止蝕」，7月9日以後自己亦應該好好思考自己的未來。

恆指向9300點進軍

　　今天恆生指數升43.48，收9646.10；成交八十九億一千四百萬元。7月期指低水，收9639點。聽講唔少投資者買保險空期指過7月9日，之後冇事才平倉云。利豐（494）升2％，見十元四角；德昌電機（179）升2.6％，見十元零五仙；聯想（992）升6.5％，見二元八角七點五仙。展望後市仍係個別發展。

　　技術上睇嚟，十天移動平均線已跌穿十八天移動平均線（9753點），出現中期出貨訊號，展望後市恆生指數將低於五十天移動平均線（目前9317點），即恆生指數正向9300點進軍。

　　2001年至今聯儲局減息十三次，隔夜錢利率由六厘半降至一厘，將來又如何？89年6月至92年4月利率由七厘半減至三厘，94年4月2日只須將利率由三厘升至三厘二五，立即引發債券同股市大幅回落。換言之，聯儲局已將利率由六厘半降至一厘，進一步減息未必刺激經濟向上，但千萬不可加息四分一厘，不然94年現象隨時响2004年重演。由此可見，美元債券泡沫亦到咗將破未破期。

有廿三條香港經濟難復興

　　81年起香港把工業生產出口到中國，當時係互惠互利；97年起香港把服務業後勤工序出口到內地，卻係此消彼長。我地不但出口資金及服務業後勤工序，同時將公司純利亦出口，換回來嘅係高失業率及通縮！日本如此，香港亦難免。2001年起香港追隨美國減息，美國樓價上升，但香港樓價仍然下跌，可見香港通縮壓力有幾大！有人以為今天取消聯匯可解決問題，對唔住，如今天取消聯匯，香港只會步上2002年1月阿根廷之路，對香港經濟將係另一次致命打擊。

　　97年回歸後，不但令香港社會兩極化，同時經濟上不公平情況愈來愈多。冇技術或半技術工人過去仍可在服務業搵餐飯食，今天失業率8.3％情況下，唔少人已依賴綜援。本來擁有一百萬美元或以上資產（唔計所住房屋）中產階級唔算乜嘢，97年7月前千萬富翁隨街走；經過六年經濟破壞，上述人口只餘下三萬五千人，佔全港家庭人數1.5％，大部分中產階級家庭過去六年被消滅，只剩下三萬五千個！其中最大威力嘅武器叫八萬五，第二種武器叫神仙股。97年後富者並冇愈富，但貧者肯定愈貧，此乃社會出現不安嘅先決條件；加上立法會未能反映民意，香港人已決定唔再用選票反映佢地嘅民憤及民怨，改為用腳去投票，於是有五十萬人上街……。香港一場沙士死嘅人數居然較美軍攻打伊拉克的死亡人數仲多，然後特區政府話我地已打勝仗……。

　　第二十三條已將香港分化，你話香港經濟點復興??

　　受沙士事件影響，香港地產銷售出現連續三個月回落，6月份營業額下降40%，至一百一十五億元，而且售價較97年第三季回落三分二。去年11月孫九招後至今樓價再跌10%，寫字樓情況亦唔見得好，證明停止賣地一年並不能改變樓價方向，樓價跌勢亦唔會因綠化郎一句說話而扭轉，真正令樓價止跌回升嘅方法係令失業率回落到3.5%或以下，其他都係花招。

再膨脹政策VS通縮

　　新加坡房地產96年第二季開始回落，由於冇聯繫匯率制度，政府亦冇八萬五政策，跌幅只有37%，較香港97年第三季至今跌幅達到68%小於接近一半！分別係香港只有七十五萬小業主，只佔全港家庭38%；新加坡90%家庭擁有物業，政府組屋（類似香港居屋）96年至今二手市場售價回落30%；私人住宅今年首季共有一萬五千七百九十間存貨，空置率7.6%，估計今年完成四千九百四十三間，明年一萬一千九百九十九間，2005年一萬二千四百九十三間；至於政府組屋亦出現一萬二千間空置，相等於兩年供應量。工資回落加上失業率上升，新加坡雖然冇負資產問題，但樓價回落產生嘅負資產效應到處可見，令人擔心未來十二至十八個月新加坡物業仍有機會跌價10-15%，即中下價樓三百五十至四百坡元（一千五百六十港元至一千八百港元）一方呎，中上價樓五百至七百坡元（二千二百三十六至三千一百二十港元）一方呎，估計到此水平才見底。為支持樓價，去年新加坡政府已停建所有公屋及大幅減少土地拍賣，不過一如香港冇乜成效。

　　過去六年比較上容易賺錢嘅方法如下：

　　一、持有債券；二、持有美元以外貨幣；三、持有英、美、澳、紐地區物業；四、ケ金；五、投資與非本土經濟相關的股份。

　　未來一年，決定性因素在於美國政府再膨脹（reflation）政策能否戰勝通縮？利率已降至一厘，能否刺激房屋以外借貸？減稅之後阿殊係咪重蹈佢老爹嘅舊路（贏咗戰爭，輸咗連任）。美國呢個資本主義最後堡壘能否成功擊退通縮，將決定二十一世紀整個世界經濟方向！如通縮响美國登陸，美國房地產泡沫便爆破，現金變成皇帝！消費信心及個人收入急跌，股市進一步滑落，日本病擴散到全世界，只有政府債券成為最安全的投資；反之，美國成功控制通縮，鈔票出現氾濫，經濟進入再膨脹，七十年代經濟二十一世紀重演，黃金將成為最值得投資的項目……。如從債券市場最近表現睇極可能係後者，即美國進入再膨脹時代機會十分大。

利率若回揚樓市升勢完結

　　81年美國三十年債券利率十五點八厘，今年6月中只有四厘二，如美國進入再膨脹，債券孳息率將向上，引發債券拋售潮；加上收支赤字佔GDP 5%，美元匯價亦進入回落潮。美國家庭負債沉重，當長期利率止跌回升，樓價上升期亦將結束，二十一世紀美國經濟進入滯脹期，黃金成為少數受惠對象。不過，响金價未高於三百八十八美元之前，一切只係猜測，未有定案。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.