人牆鐵馬圍維園 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

[ Next Thread | Previous Thread | Next Message | Previous Message ]

Date Posted: 03:29:40 06/26/03 Thu
Author: x
Subject: 人牆鐵馬圍維園

6月25日，周三。今午茶座，眾茶客所傾內容不外係立法會內外官、民對著幹之局，但官方中若干面目不可愛者令市民厭惡政府之心愈甚，本已蕩然的政府威信更加跌到唔知喺邊矣；咁嘅民情，從D市井之徒口出惡言穢語問候你的特首同高薪部長及高薪公僕可見。茶客甲話，佢嘅消息來源話佢知，呢幾日華府最頭痛之事乃是如何做到唔好畀溫總睇見太多負面嘅醜陋嘢，只係依家政府高層冇法子上下一心，班大帝亦度唔出乜好計，有之者都係組織D老左街坊迎溫總而已，連要號召一班一百幾十名之愛國大學生都冇法子齊人—中小學生則要幾多便有幾多—真係非常論盡。不過，茶客乙話，喺部長親自過問下，警方將在維園周圍架起防禦工事，好似打仗咁，遲吓仲會築起人肉長城添，等維園唔好太熱鬧，亦是令進入維園之人數唔會咁高之絕招—示威人數之點算，主要靠入園人數之head count也，D人入唔到，就算塞到通街—多數畀警方以影響交通等理由趕入橫街窄巷，即溫總見唔到之處—都係，官方所計之人數仍甚有限，咁報出來都冇咁失威。但乙話，有批絕食派將會廿四小時前入園賴死唔走，雖然絕食者唔多，但後援人數則以千計，睇落到時真係會幾熱鬧。

綠化郎拍枱敲咪問你驚未

　　不過，甲話，就算全部港人上街示威，綠化郎之意既定，佢唔會改變主意，以免又落得畀上面話佢「決而不行」；佢又聽見話周四立法會答問大會，綠化郎會有比花木蘭更令人誤會之言詞，事關佢做咗冧巴溫之後仲未公開發過脾氣，呢次如板起面孔兼拍枱敲咪，睇吓你地班反二十三條之愛國分子同電視機前打算上街之觀眾驚唔驚，就算D後生仔女唔識驚，佢地之家長都會勸諭班馬騮七一留响屋企或者去政府指定地方食餐飽，就係唔畀佢地去行街。不過，眾人都話阿甲唔嗅米氣，事關依家反綠反花最力者乃家長而唔係班唔理世事嘅未來主人翁也。

　　眾人又傾到げ間唔鼓勵員工上街之傳媒，咁做其實冇乜唔か，但D伙記要上街亦係娘要嫁人之事，响裁員減薪風頭火勢之下，佢地人人都會戴個超大口罩先至上街也。茶客丙話，華府已使橫手叫D電子傳媒要識do，希望佢地集中影政府搞嘅同溫總嘅活動多D，唔知又會有乜結果，只是茶客丙知道D鬼子佬電視會集中全力從各方面跟住遊行隊伍，由於知道呢鑊甚杰，起碼有四五間海外電視採訪隊臨時招聘咗廿幾個本地臨時工。回歸六年香港仍咁熱鬧，即港人仍有自由上街，呢D確係綠化郎之治績也。

　　今天恆生指數微跌0.36，收9628.99；成交六十三億五千一百萬元。6月期指低水，收9610點；7月期指收9611點，後市看跌。

　　中石油（857）升3.4％，見二元三角；香港中旅（308）升2.5％，見一元二角二仙；神州數碼（861）跌7.8％，見二元零七點五仙；莎莎（178）升5.6％，見九角五仙，公司恢復獲利。

　　利豐（494）後市點睇？很大程度視閣下點睇下半年美國消費市場而定，估計利豐今年獲利十二億六千九百萬元或每股四角四仙，純利升幅20％，?狺G十三點四倍，貴D噃。

　　中國聯通（762）出現人事調動，十分正常。中聯通估計今年獲利四十八億四千八百萬元，較去年升13.9％，每股獲利三角八點六仙，?狺Q三點九倍，不過不失。

拋離五十天線反彈完結

　　6月18日恆生指數10067點，拋離五十天線9116.88達10.4％，甚至超過2002年5月17日げ次，當天恆生指數12021點，只拋離當天五十天線11231.3僅7.04％。在熊市二期內，恆生指數通常响五十天移動平均線之間上上落落，例如去年10月10日恆生指數最低見8772點，較當天五十天線低9.78，大市出現反彈。在一般情況下，恆生指數很少拋離五十天線10％，除非好似「九．一一」慘劇咁震撼。2001年9月24日恆生指數最低見8971點，較五十天線11268點低20％，當天我老曹認為係博反彈最佳日子，因為熊市二期的特性係喺五十天線穿梭，亦因此絕對有理由相信6月28日的10667點係呢次反彈高潮！

　　熊市反彈正常只有二、三個月壽命，亦有例外，例如2001年9月受「九．一一慘劇」影響，股市插得太深，反彈可維持六個月（去年3月）甚至勉強推到九個月（去年5月）；呢方面要睇資金流向而定。例如「九．一一慘劇」後聯儲局急急減息，令債券急升，D錢响債市賺完又流入股市，呢次又點？如以美國反彈市計，去年10月開始至今已進入第八個月，擔心已經差唔多，令人擔心嘅係美國債券泡沫亦快將爆破！事關利率已跌至近九年內低點，資金正從美國流出！80年開始的債券牛市已達二十三年，捱唔到幾耐矣！

　　通常只有牛市末期才出現二線股跑贏藍籌股；但今年上半年整整半年二線股都跑贏藍籌股……。睇嚟銀行存款戶已被低利率逼瘋了，佢地為追求較高回報率，已忘記咗二線股嘅風險！當貓狗股升幅大於藍籌，一旦調整，可以好嚇人！上周五睇好分析佔60.2％，睇淡分析只佔16.2％，但股市係最唔民主嘅地方—因群眾常常睇錯市。全港六百多萬人口擁有一百萬美元以上（唔計自置物業）只有二萬五千三百二十四人，有錢佬永遠係少數中少數，窮人永遠係大多數！如你的思想行為係大多數，對唔住，响股市中你通常係輸家！

鋼鐵股升勢與鋼價背馳

　　去年中國取代美國成為最大鋼鐵入口國，共入口二千五百萬噸，其中85%係未加工產品。去年中國本身生產鋼鐵一億八千萬噸，消費二億一千萬噸，入口二千五百萬噸；估計今年生產二億噸，消耗二億二千五百萬噸，入口二千五百萬噸和去年接近。依家中國鋼鐵產量佔全球20%，由於大搞基建，估計未來需求量仍大。因為原油跌價，鋼鐵售價已由2月份三百六十三美元一噸，回落到6月初二百四十五美元一噸，跌幅32.4%。5月份中國鋼鐵入口已較4月份減少9.9%，但較去年同期上升45.8%，達三百一十萬噸（4月份三百四十萬噸）。鋼鐵價2月份起回落，唔係中國需求下降，而係世界經濟不景，上述對國企鋼鐵股股價影響如何？仍係未知數，事關近期鋼鐵股一度炒起，同鋼鐵價格方向相反。

　　港人內地置業共購入七千一百至八千二百個住宅，較去年同期減少16%，係2000年以來首次出現跌幅，涉及金額三十八億元人民幣；置業國際主席蔡涯棉話主要受沙士影響。

　　2001年1月至去年11月聯儲局減息十二次，九十天期利率由六厘降至一厘二五，結果2001年、2002年經濟點樣？銀行資金用嚟買債券，美國家庭借錢買樓，令美國債市及樓市出現泡沫，第十三次減息可產生乜ぞ影響？「十三」係咪幸運號碼？

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.