VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

[ Next Thread | Previous Thread | Next Message | Previous Message ]

Date Posted: 19:54:16 06/26/03 Thu
Author: Hanson
Subject: 投資者日記 - 溫總冇法了解民情

投資者日記
溫總冇法了解民情
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
　　6月26日，周四。今午飲茶時茶客乙突然話佢聽到個消息，話溫總取消來港。點解？以綠化郎知道七一示威甚杰唔敢保證其安全云云。座上客人人以懷疑眼光望住佢，但佢所講亦都唔係冇理由，事關香港如冇掩雞籠，你唔知有乜壞分子混身溫總會到之處而乘機搗亂甚至……也。不過，茶客甲則話此乃華府唔想溫總深入了解民情之托詞，鄋嶀嚄廱搊j勢之領導下，香港警方冇理由冇法子擔保溫總之安全也。返寫字樓後，睇綠化郎之宣布，方知溫總不過避去大示威而已，咁做都算係二全其美之法，其實溫總有乜大場面未見過？不過，要「面聖投訴」者便冇鬫髡呇~難遇之機會，未免有DD可惜。睇綠化郎今午之表演，冇發脾氣，都算唔錯，只是所講內容十分蒼白，話係全部廢話，都唔算太過；而且問非所答，料佢細個ァ陣時考試一定成日肥佬；佢話佢英文好過司徒公，但又冇法子即時把膚淺譯出，睇蟑^文都唔係佢之強項矣。



捉垃圾蟲滅赤指日可待

　　今天落實捉垃圾蟲，可謂旗開得勝，一日便罰數十人，庫房進賬雖唔算好多，但對財赤有幫補，不在話下。我老曹聽一位跑開亞里畢道新聞之老記話，政府早有計劃，要把呢D工作外判，依家收入咁豐，必有財團爭住做也，咁政府便可再裁員，政費開支又少D，赤字變黑，指日可待矣。捉垃圾蟲咁有經濟效益，此乃赤松編制預算案時萬萬估唔到之發展也。

　　今天恆生指數跌22.88，收9606.11；成交六十九億二千八百萬元。6月期指低水收9602點；7月期指收9607點。綠化郎認為不但6月份失業率會進一步上升，連7月份失業率亦會上升（5月份失業率8.3％）。由於六年內本港樓價大跌三分二，去年11月孫九招證明無效，至今最少又再回落10％。政府希望不但要穩定樓價，同時希望樓價回升！可惜樓價係不聽話鴾p孩，你愈叫佢佢愈走。穩定樓價必須貨幣政策配合營造通脹環境，例如美國同英國，香港CPI係咁跌，無法令樓價止跌回升；其次係供求因素，今年私人住宅單位供應量（未計居屋）三萬零五百個，明年及後年同為二萬七千七百個，上述供求在繁榮期才可消化（一年需求二萬九千個），以依家環境一年需求只有二萬個，加上空置單位七萬四千二百個，你話點消化？除非政府發公債二千億元，向市民購入十萬個舊樓物業將佢地改為公共設施，讓呢十萬個舊樓居民加入買樓行列，才可消化依家新樓貨尾及今年新落成單位。只係如此一來，特區政府日後每年為二千億元債券支付一百億元利息（五厘息計），直到有一天清還為止；除魕O一招，其他方法都係只能收一時之效。以新加坡政府為例，即使唔批新則（即再冇新樓供應，興建中除外），新加坡樓價仍然回落，因此延遲樓宇落成日子呢招只係把問題拉長去解決，治標唔治本。



綠化郎再施有形之手



　　香港政府過去一向尊重積極不干預政策，97年7月政府違反此一政策推出八萬五政策；反之，去年11月孫九招代表政府願意重新尊重積極不干預政策。今天綠化郎嬼蕈靮Y咪又代表政策有變？我地唔可以當政府壓低樓價時反對干預，依家叫政府托價時又表示歡迎干預。

　　所謂積極不干預，唔係話政府不可干預，而係到危急關頭政府才可出手，不然便必須尊重市場。今天綠化郎重提樓市，係咪本港樓市又到鰴抭怞M險關頭，政府非入市托樓價不可？

　　81年至97年香港面對製造業工序內移，尤其係89年6月後人民幣不斷貶值，香港工廠唔內移儭隉A生存機會渺茫。到髐竣恁A除髐硍q受配額制度保障的工序必須在港（紡織業配額2005年取消）及少量如設備、起板等工序仍在港，為本港提供十萬工人職位外，其餘都早已內移。製造工序內移反令香港服務業欣欣向榮，帶來84年至97年繁榮期。97年7月回歸後係服務業後勤基地內移，引發本港服務業薪金回落及失業率上升，主要係巨大的薪金差（本港服務業薪金係國內同一職級薪金的八倍），結果引發消費減少而出現通貨收縮。呢次通縮唔係因為產品供應大增而令價格下跌，而係需求減少引致價格回落！呢D並非政府限制土地供應、樓宇供應便可解決，而係必須拉近兩地工資差及物價差才可。呢段日子肯定痛苦兼漫長。今天政府（亦係服務業但無法外移）佔本港GDP 22%左右；旅遊業佔GDP 5%；工業只佔本港GDP 5%，係全世界最低；服務業佔GDP 68%。服務業後勤內移可令成本下降同時令失業率上升，上述亦係中產階級就業職位所在，服務業後勤工序內移造成大量中產階級失業同時再難搵到另一份工作（因為工作崗位因工序內移而消失！）。97年7月開始至今上述情況不但未停止，反因中港兩地經濟進一步融合而加速內移，因此唔?逽本港失業率遲D見雙位數字。

　　81年至今本港製造業工人工資接近冇上升，並冇分享過去二十年本港經濟繁榮。97年7月開始本港服務業薪金更面對下調壓力，如此推算，此一下調壓力真係有排搞。此一大氣候改變令94年至97年存錢受懲罰買樓可發達變成存錢會升值買樓受懲罰，此現實甚至港元追隨美元過去兩年半十二次減息亦改變不了。難道第十三次減息會出現奇[？



電盈市值可反映今年業績



　　政府政策一方面鼓勵中港兩地經濟融合，咁做將加大通縮壓力；另一方面又希望本港樓價回升，真係自相矛盾。 　　富豪酒店（078）依家放售沙田麗豪酒店及九龍城富豪東方酒店，外傳很快落實，估計逾十億元，較去年12月底估值十四億元略低。沙田麗豪酒店共八百三十間房，富豪東方三百九十間房。

　　電盈（008）在大東出售14.1％股權及委任積蘇做MD後，估計巿值可反映今年業績。估計電盈今年純利二十二億七千萬元或每股四角九仙，現價?狺Q倍略為偏低，相信可上升多少，有機會企穩五元以上。

　　渣打銀行（2888）公布第二季受沙士影響較估計中細，睇薑策~每股盈利七角十三美仙，較2002年升13％可以達到（即香港區上半年業績回落7％，其他地區上升15％，下半年香港區業績亦回復增長）。不過，以現價十四倍?珥p股價進一步上升有困難。

　　恆生銀行（011）由於業務集中於香港，所受沙士影響壓力較大，加上巿價已反映十七點三倍?牷A賬面價三點八倍，除魖高息支持外，其他方面吸引力唔大。呢次美國減息後，令本港銀行利率將進一步收窄。

　　金管局將關鍵利率降低四分一厘，至二厘半，本港存款利率只有零點一厘到零點二厘，減無可減，貸款利率雖然可減，但影響銀行下半年純利，最多採用「P減幾」鴽峖’茩禶|正式減低。如果減息可以創造財富，咁世界真美麗！

　　聯儲局減息四分一厘，未能令道指進一步上升，周三反而回落，理由係唔少投資者期望減息半厘（去年11月減息半厘），所以對今次減息四分一厘有D失望。美林認為減息四分一厘難以阻止通縮在美國出現。

　　今年首季外資買入證券淨買入一千三百五十五億美元，較去年第四季一千五百六十五億美元少，但已超過去年首季一千一百三十六億美元。美國證券業協會鄐@份聲明中指出，外資投資美國證券減少，導致美元兌其他貨幣出現疲弱。



聯儲局泵水美債仍跌



　　美國聯邦基金利率一厘，係四十五年內最低。日本90年的經濟表現嚇親格蛇，2001年「九．一一慘劇」後格蛇一直採用刺激經濟政策，美國GDP 2001年第四季已恢復增長，去年11月一次過減息半厘， 目的係防止通縮出現。另一個日本的教訓係利率降至絲路反而令經濟更麻煩，所以呢次只減四分一厘。

　　人同國家一樣，必須透過儲蓄、投資，然後才富有，可以大量消費。如果冇儲蓄及投資做後盾便步入大量消費，最後走向破產之路。人為地將利率壓至極低，大大打擊儲蓄意欲，亦令投資者更不謹慎（資金成本低），所產生的信貸更加容易造成金融泡沫。例如九十年代香港負利率時代；97年後聯儲局減息引發科技泡沫，2001年減息亦製造債券及地產泡沫。日本九十年代已證明甚至利率降至零亦係白費心機，美國可以例外咩？依靠債券價上升及房地產值上升的美國經濟繁榮可維持幾耐？

　　過去六星期聯儲局為金融體系注入一千二百億美元，過去一年一萬億美元注入金融體系，係聯儲局1912年成立以來最快注入資金的日子。不過，周三債巿仍大幅回落；十年期孳息率見三厘三五五；三十年期四厘四○三。呢場對抗通縮之戰聯儲局有D力不從心，如債券巿場開始回升，美國未來經濟前景令人擔心。道指十三周移動平均線已低於二十六周移動平均線，加上隨機指數6月14日起轉弱，美國股巿回落壓力增加。



通縮期金價上升重演



　　再膨脹（Reflation）並非股票的朋友！71年夏季尼克遜關掉黃金貼現窗時道指為900點，80年春季列根上台時道指759點；70年至1981年??鄐Q一年內上升三倍，GDP在七十年代每年平均上升2％，通脹率以年率6.5％上升，美元購買力鄐Q年內失去一半！呢段日子升幅最大係實物，例如黃金及房地產，債券及股票都係大輸家。四十年後去年12月19日格老決定去年11月減息的發表演說「再膨脹時代來臨」，當天金價係三百四十五美元，一如今天的金價，雖然今年首季金價一度升至三百八十八美元，未來金價從三百四十五美元此一水平何去何從？

　　技術上睇，金價由99年二百五十二美元升到今年三百八十八美元，完成牛巿第一期進入消化期，如無意外，金價鄐T百二十美元到三百八十八美元之間上落消化獲利回吐，估計今年下半年可打破三百八十八美元再創新高，繼而進入牛巿第二期！

　　今天歐羅區各個政府財赤相等於GDP 3.5％，已違反馬城條約3％上限；美國政府2002/03年9月財赤估計達GDP 4％；日本政府去年財赤係GDP 7％，三大陣營都增加鈔票對抗通縮。人人以為只有通脹才令金價上升，忘記髐T十年代通縮嚴重期金價一樣上升（人們對鈔票唔信任），二十一世紀會否出現另一次通縮期金價上升？我老曹木宰羊。

　　美國政府已陷入兩面作戰的困局，在國內要頂住樓價保持經濟繁榮，事關人口進入老化期，福利支出按年上升，稅收卻因經濟不前加上減稅而令財赤擴大；鈰磪~美國向恐怖主義宣戰，炸完阿富汗又炸伊拉克，下次唔知又炸邊個國家。為鷒悃M國內外問題，唯一方法係印銀紙！反正日後美國已經控制油價，加上中國大量供應日用品，通脹受控制，所以銀紙印多多短期都冇問題，直到有一天其他國家怕鰿鈔為止。

　　美國經濟亦面對兩面夾攻，股巿回落引發通縮壓力，過去三年半利用減息去刺激債巿及樓巿頂住，但今天已減至一厘息，即聯儲局只剩下四粒子彈（通常會留番一粒作自殺之用），即債巿及樓巿上升所產生鼣q脹力好快頂唔住股巿回落引發的通縮力量，令人擔心明年美國經濟極可能陷入通縮，咁就全世界經濟皆進入通縮期。



美國人生活素質將下降



　　日本經濟經過十四年熊巿、零利率五年，仍未知道救唔救得番，因為日本人唔再花不必要的錢，企業唔再投資，打工仔收入唔再增加，最後冇新需求，價格回落、股巿回落，無法減債者只有破產。日本央行雖然努力買壞賬，仍然阻不了銀行破產，為鰶R壞賬，日本只有印新銀紙或國家財赤狂升至佔去年日本GDP 7.5％，係OECD國家中最窮的政府！日本咁做冇問題（因政府債券由日本人持有）；美國卻不能，因太多美元資產由外國人持有，佢地近年已改持歐羅及日圓，擔心有一天改持黃金咁就大件事。過去十八個月黃金跑贏美元、日圓甚至歐羅，一旦獲利回吐期完成，擔心7月份起金價又再進入上升期，因為愈來愈多投資者同意美股反彈已於6月份完成。日本GDP負增長、歐洲GDP零增長、美國GDP今年仲有增長，但明年呢？下一次資金流向邊處？

　　去年11月聯儲局減息四分一厘引發的再膨脹反彈會否在6月25日第十三次減息而告終？呢次反彈主因係資金推動，其他因素不變，令人擔心美元匯價回落的代價會否令美國人生活素質下降。2001年年底外資持九萬二千億美元資產（2002年及03年回落，估計依家巿值八萬億美元），扣除美國人持有海外資產，美國係淨負債二萬三千億美元。去年第四季收支赤字五千四百八十億美元，相等於第四季GDP 5.2％可以話已到達危險水平。85至88年美元與馬克及日圓貶值近50％，美國貿赤亦要到88年才改變方向，呢次收支赤字較85年至88年大，但美元貶值速度卻不及85至88年，95年開始收支赤字漸擴大，同期外資自95年到2000年購入五千八百八十億美元資產，相等於收支赤字50％，形成美元不跌反升。但2001年起外資購買美元資產在減少中，理由係股票失去吸引力，債券吸引力亦在下降，但至今為止外資仍係淨流入，未出現資金淨流出。今天美國經濟依賴兩個泡沫支持，一個係樓巿泡沫，一個係債券泡沫，令人擔心去年10月美股反彈已於6月完成，或遲或早道指重返8500點水平。 　　美元走勢在減息後又再轉弱，市場對人民幣升值預期再度升溫。鈮s加坡買賣人民幣兌美元一年期不交收遠期合約較八點二人民幣高出一千九百點子，變相炒人民幣一年後有機會升值。

　　中國人民銀行宣布維持現行利率及人民幣匯價（上述公布已在估計中），但表示已注意貨幣急速增長對地產造成過熱的情況，著手調整以免日後中國走上九十年代日本房地產泡沫爆破之路（或97年7月後香港房地產泡沫爆破之路），其中包括指令國內商業銀行收回一千八百億元人民幣地產發展短期貸款，理由係今年5月中國?硈f幣增長率20.2%，超過國際水平18%，5月份貸款十五萬三千三百億元人民幣，上升21.9%！中國人民銀行已下令各商業銀行今年內減少呆壞賬3%，相信下半年透過收緊貸款有助國內房地產冷卻及令人民幣升值壓力減少，不過明年又如何？

　　89年中國外匯儲備只有五十六億美元， 人民幣貶值後94年已達二百一十二億美元，95年五百三十億美元，今年3月底已達三千一百六十億美元（過去十五個月增加一千億美元）。人民幣89年至93年貶值後，94年起中國出口以年率25％速度成長，大量外資流入，去年外貿直接投資（FDI）四百四十二億美元，已超過美國成為全球第一，估計今年FDI達五百五十億美元。



人民幣遲早升值50％

　　從前唔少公司從外貿賺鷟存放在海外（包括香港），但去年起公司從外貿賺了的錢唔少兌回人民幣匯回中國！以上述情況，人民幣升值只係時間問題（最早2004年最遲2008年）。

　　1971年日本抗拒日圓升值（三百六十日圓兌一美元），令七、八十年代日本經濟保持繁榮；1987年G7「廣場協議」逼日圓從二百八十日圓大幅升值，95年曾見八十日圓兌一美元，所造成破壞依家人人可見。今天中國出口佔中國GDP 25％，佔中國GDP增長率40％，可以話係帶動中國經濟增長的主要動力。全世界不能長期忍受人民幣八點二兌一美元！

　　我老曹認為，人民幣2004年至08年遲早升值，升幅高達50％！愈早升值愈可避免走上日本之路；高盛意見係明年起每年上升5％，上述意見應可行。

　　刀能殺人亦能醫病，任何工具有利有弊；期權亦一樣，用得好乃小本博大利，用得唔好乃擲錢落鹹水海。期權的優點係用小錢控制一百倍以上的股票，因此股價升降透過期權的影響力可放大五十倍以上，閣下最大損失係期權最後一文不值。所以，在牛皮市期權吸引力唔大，但鄐j上大落市，期權利潤可以好驚人！例如4月25日買認購期權，近期獲利回吐利潤可以係本金五倍、十倍甚至十五倍！近期買認沽期權，如後市大幅回落，利潤亦可以十分驚人，此乃期權的吸引力，亦係利用槓桿的妙處！期權市場絕對係一處「double or nothing」的地方。

　　期權的優點係輸少少（最大損失期權一文不值）贏多多（如方向正確），絕對可用幾千元博幾萬元，大不了蝕掉幾千元！你的損失絕對不會超過期權金！因此，4月份入市買股票，5月底獲利回吐後，6月份買番D認沽期權博大市第三季回落，係限制風險（最大損失期權金）卻能博很多（如第三季大市回落）的方法；絕對可以將五千元變成五萬元（我指六個月內）。股市波動愈大，愈有利期權買賣；反之，股市牛皮期權才唔好玩！

　　我老曹反對6月份拋空，因為風險很大，但唔反對6月份買D認沽期權，學銃^市中賺錢！到時各位會明白資深投資者通常都會變成淡友！如你玩髐Q年八年股票，應升級玩期權了。鄐市中投資股票仍搵到食，鉭等咫之賳磢挐憐n難搵食；反之，鄐市中或熊市中只要掌握期權技巧，一樣可以搵食！

　　期權吸引力唔係賺15-20%一年，而是賺150-200%一個月（或期權金冇晒），係可用投資資金5-10%博大的地方！

　　華潤水泥以介紹形式上市，7月27日上市。

　　文化傳信（343）以每份認股權證六仙發售四億三千萬份認股權證，6月26日開始，7月8日開始買賣。

　　南方國際（1176）撤銷清盤呈請。

　　i100（616）控股股東Landmark Profits Ltd按每股二點八仙至三點五仙在市場上出售一百萬股及八百三十二萬股，佔已發行股本0.85％，出售後仍佔i100 54.46％。

　　港基國際（636）控股股東及第二大股東中國光大（165）仍在考慮出售港基國際。

　　聯華超市（980）、味丹國際（2317）、百富國際（8272）6月27日上牌。

　　海域化工（2882）、寶業集團（2355）6月30日上牌。

　　北大青鳥環宇（8095）以每股六角配售一億四千萬股。

　　易寶（8086）以二百八十四萬元出售上海海勃30％。

　　明日國際（760）十股合併為一股，6月30日生效。

　　美域數碼（8017）2002/03年度虧損二百五十八萬四千元或每股一仙，唔派息。

　　威倫堡（8020）2002/03年度虧損二千八百八十五萬六十元或每股六點八二仙，唔派息。

　　長達科技（8026）2002/03年度虧損一億一千零五十三萬八千元或每股損失二角一點六仙，唔派息。

　　偉易達（303）2002/03年度獲利四千零八十萬美元，升264％，每股獲利十八點一美仙，末期息每股二美仙。

　　邵氏（080）2002/03年度獲利一億四千三百零四萬五千元，較上年度少1.71％，每股獲利三角六仙，末期息每股二角。

　　華索國際（8220）2002/03年度獲利二百八十八萬六千元，較上年度升260.75％，每股獲利零點六一仙，唔派息。

　　鐳射國際（8173）2002/03年度獲利三十萬一千元，較上年度少98％，每股獲利零點○八仙，唔派息。

　　英皇娛樂（8078）2002/03年度虧損一千五百九十四萬元或每股六點一三仙，唔派息。

　　■新興光學（125）、明報（685）、通達工業（526）、毅力工業（332）7月8日；百德國際（2668）、維他奶國際（345）9日；台和商事（1037）16日公布業績。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.