VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1], 2, 3, 4 ]

[ Next Thread | Previous Thread | Next Message | Previous Message ]

Date Posted: 08:25:23 09/01/03 Mon
Author: 曹Sir
Subject: 投資者日記 來港蘇啤啤成潮流

8月24日，周日。雖然一早掛出一號風球，但蓋頂的係白雲而非烏雲，想氣象預測之準確性同股票預測差唔多，眾行友遂毅然決然，決定出發。香港近日多雨，涼爽驉A但積水滋生蚊蟲，登革之疫又令人提心吊膽。

　　今早行山，所談者何？無非東拉西扯評事論人而已。甲話佢在美利堅之探子回報，花木蘭依家Ь其愛女住於三藩市國際機場附近之皇冠廣場酒店（Crown Plaza Hotel），至於住幾號房，講得唔寫得；可以一提者係，佢地二母女曾在酒店咖啡室食洁A食乜洃S無謂寫得咁詳細，不過，第日佢地再去，見座上有四五名港人，眼金金咁望住佢地，花木蘭諗髐T秒半鐘，遂Ь女去第二度搵食。消息來源話花木蘭蓄短髮，已非掃把頭，ァ日佢著黑穫鶩m，便好似在空氣中見小陳咁模樣。


民主派黃金月短癮


　　甲又話香港民主派黃金月已過，此黃金月，據佢之分析，乃7月是也。點解黃金期咁短癮？事關呢班良心一族個個都係個人主義信徒同實行者，暗中爭功爭出頭爭選票皆無可避免，到ホ上周港大民調一出，由於排名大兜亂，民望急墜甚至名落孫山者，便有DD Bitter而在背後對新星有所非議矣；甲話遲巀v選時一定有好戲睇，佢地一定分為好多派，互篤背脊固唔在講，互投以匕首亦非不可能也。總之，佢話民主派團結對外呢支歌仔快成絕響。眾人默然，但諗落亦都唔係冇道理，總之唔好做得太過分便算當係文明民主社會應有之象啦。行友乙轉話題，話依國法國內同胞只能帶六千蚊人民幣來港自由行，唯依家佢地在港唔淨止買表買金買化菻~，仲買車兼掃樓添，Ｄ錢何來？大家心知眼明，當局亦眼開眼閉，但港府搞到要利用呢D大豪客之消費行為來刺激經濟，會令內地有關當局好難做也。乙又話，到今日為止傳媒冇賣麉Y，大肚婆來港生啤啤者數以百計，搞到產房醫護人員好唔得閑。事關地方要落實中央政策救董，遂求其咁批，似乎批得愈多愈快愈與中央保持一致，唔少大腹便便者混在其中亦冇人聞問，眾大肚婆遂得以來港生番個有特區身份之仔仔女女，佢地在內地生產，若為第二胎，需要罰款三五萬人民幣也，依家蟈鞂為鈰遄A又平又安全又有身份又話可以搞活香港經濟，真係何樂不為？乙話呢Ｄ大肚婆仲有若干只交定金，生ホ啤啤趁親友探望人多嘈雜之際未找尾數便偷偷出院，如何追番呢條數，醫院都幾頭赤。睇蟀藀p其來的自由行漏洞都幾多，唯兩地政府依家之單一目標係搞旺個場，一切遂側側膊當冇發生矣。

　　回府之後，果然三號風球高掛，風唔係大，但足以令消費市場又再沉靜—自由人諸人則仍努力搞好本土經濟。呢幾個月股票市場唔係在上升咩？我地唔係從第二季沙士疫情中復甦咩？點解7月份失業率不跌反升，7月份CPI更出現年率負4％。好多人在購買自己唔需要洁A用緊自己未有嚙，結局唔係簽爆卡就係變成負資產。由於銀行存款冇法畀一個合理回報，資金湧入股市亂炒，上周五恆生指數最高見10769點，已拋離二百五十天線9526點13％【圖】，甚至超過去年5月17日恆指12021點ァ日拋離二百五十天11427點5.2％。在熊市二期，任何時間高於二百五十天移動平均線之上入貨者，中長線而言都係損手離場，各位係咪被眼前小利吸引而忘記中長期風險？大部分散戶在熊市中損手理由係在最不應入市時刻入市！雖然美元短暫強勢或可延長呢次熊市反彈多兩星期到三個半星期，究竟幾多個星期，呢方面我老曹冇預測能力，只知道在熊市中一旦指數拋離二百五十天移動平均線之上5至15％，都係出貨而非入貨時刻。呢次反彈在8月底抑或9月中結束，我老曹便木宰羊，但在恆生指數10500點以上入市追求蠅頭小利者乃刀鋒舐血行為。

　　雖然聯儲局拚命增加貨幣供應，但起碼香港未感覺到，7月份CPI仍回落4％，通縮壓力仍未消除。在通縮期投資股票及房地產，較通脹期風險大，因為賤物鬥窮人！今年晚春開始的反彈會否在中秋來臨前結束？戳爆的泡沫任你如何努力，亦冇法再吹漲它，日本股市如此，香港樓市如此，美國科網股亦如此。6月17日投資者由債券市場將資金轉向股票市場，可能係另一次錯誤行為都唔奇。債券可能只係由極度超買出現的正常回落，事關至今為止債券價格未重返二十天EMA之上，更加唔好話五十天EMA，美國長債孳息率由1946年的五厘多D，升到1981年十五厘多D，今年6月由於重新見五厘多而出現拋售，雖然RSI顯示嚴重超買，最終如聯儲局無法令經濟出現再膨脹，利率可能再次向下，到時拋售債券買股票者可能吃一記悶棍，因為聯儲局只能控制貨幣供應量，卻無法控制貨幣流速。


美元強勢對金價無效

　　2000年科網股泡沫爆破和過去熊市唔同，投資者每年皆熱切期待牛市重臨，例如2001年第一季、2002年第二季及2003年第三季，在低利率環境下，股市每隔六到九個月便來一次小陽春，一如深夜怨婦每次聽到腳步聲便以為丈夫回來，興奮一陣，但隨著腳步聲遠去發現係陌路人—2001年如此，2002年如此，恐怕2003年亦如此。每一次反彈事後只會令更多投資者出現損失，而非把各位的痛苦減除。情況有如98年起特區政府的挽救樓市方案，每次結果只為社會製造更多負資產階級而已，而非改變樓價方向。

　　呢次美元強勢，只對歐羅發生作用，對黃金作用唔大，金價在一片憂慮中上升，此乃典型牛市第一期現象，情況有點似1971年8月尼克遜關掉黃金兌現窗後初期股市同金價齊升，到1973年後上升的是黃金而非股票！當然，有人認為ァ次同水門事件有關，而唔承認鄏A膨脹政策下上升的只有黃金，唔係股票更加唔係債券，忘記在再膨脹政策下政府增加貨幣供應，金價自然水漲船高。三十年後今天會否重演七十年代光景？一位投資者1970年買入三十年期美國政府債券，2000年收回的美元仍可買幾多黃金？（1970年黃金三十五美元一盎斯；2000年黃金是三百五十美元一盎斯）答案是十分一！上述情況會否在二十一世紀重演？事實上，2000年第一季投資科網股者，唔少已損失90％本金！71年尼克遜關掉黃金兌現窗之時，道指係1000點，今時今日道指仍不足10000點，甚至美股出現十八年牛市，黃金經過二十年熊市，以三十年計，美股仍無法跑贏金價！更加唔好講七十年代黃金大大拋離美股期。理由係人類有史以來僅從地底掘出五萬八千噸黃金，至於所印鈔票不知凡幾，全世界鈔票正以每年一萬五千億美元的速度增加！


高官又戴上粉紅色眼鏡

　　熊市中有熊腳，每次恆生指數低於二百五十天移動平均線10至5％，便是捉熊腳的日子。今天恆生指數已高出二百五十天移動平均線13％，最好玩細細注大大聲遊戲，尤其大經紀行及高官又再戴上粉紅色眼鏡睇世界，完全漠視失業率持續上升的事實，自由行被傳媒誇大為「掃樓團」，而忘記內地人均收入不足每月二千蚊人民幣的事實，內地A股及B股市場更已進入熊市兩年有多！假話、大話、空話，好聽但不可信！每一個負資產人士事前都因誤信假話、大話及空話而付出代價，如果事前量力而為，又點會變成負資產？如果肯行使止蝕，又點會成為負資產？今天的假話係經濟又再復甦，忘記ホ高官係冇預測能力ガ；各位仍記得BT做財爺之時預測聖誕節復甦而獲「聖誕權」稱號咩？依家距離BT預測已過ホ五個聖誕，復甦仍未出現，唔知BT所指聖誕復甦係邊一年聖誕呢？人們忘記經濟繁榮的動力來自收入上升，今天服務業工序仍大量外流，港人收入如何上升？至於減息及政府入市干預，只能產生短暫效應，最終經濟係咪繁榮，仍由收入能否上升去決定。


退休是奢侈的負擔

　　將來係無法預測（世上無先知），但有趨勢可遵從（有智慧不如趁勢），股市無論牛熊市，皆有偏低日子，例如低於二百五十天線10-20％；亦有偏高日子，例如高出二百五十天線5-15％。泡沫期人人瘋狂，但泡沫過後人人頭痛，例如國企紅籌股97年水平至今無法再接近，相信科網股2000年的水平未來十年亦難接近，日經平均指數89年的水平，至今仍無法接近……。把利率壓至不合理水平，只能令經濟產生波動而非繁榮！

　　後市展望，股市內充滿投機機會，但心臟有問題者最好少參與，輸唔起者最好睇人玩！我老曹比較保守，常記心中的話是「賺唔到唔緊要，留得青山在，那怕冇柴燒」！但蝕本唔好搞我，因為年紀大ホ輸唔起。戰後嬰兒2000年後愈來愈多步入退休年齡，每年都有大批戰後嬰兒進入退休期，而戰後嬰兒佔人口大多數，即2000年起，全世界退休人數在急速上升。不幸的消息係，美國戰後嬰兒退休之時，53％只有十萬美元身家，而非足以安享晚年的一百萬美元，結果唔少人延遲到六十歲甚至六十五歲才退休。隨著2001年利率大幅回落，被迫延遲退休的戰後嬰兒愈來愈多，此亦失業率不斷上升之另一理由。退休已成一項奢侈的負擔。

　　為對抗人民幣升值的壓力，估計未來六個月中央政府將鼓勵資金外流，包括減少對出口產品退稅，以及國企紅籌股可將賺得資金留在海外（例如香港）；明年將放寬人民幣與美元匯價上下波幅到3％至5％；估計到2005年才一步步讓人民幣升值，2006年或以後才讓人民幣匯價真正浮動。

　　94年1月1日起，人民幣以八點二八兌一美元同美元掛せ，初期用於避免89年至93年人民幣貶值引發惡性通脹，其後利用人民幣匯價偏低刺激出口，結果亞太區製造業紛紛移入中國，這是引發97年7月亞洲金融風暴之部分理由。亞洲金融風暴後，其他國家貨幣紛紛貶值，希望爭取部分製造業訂單，97年8月後中國政府並冇進一步將人民幣貶值，獲得各國稱讚；不過中國政府一步步轄免出口貨交增值稅（最高達貨價17％），中國出口97年後不但冇減少，反而更加強勁，去年收支盈餘更超過三百億美元！到ホ今年，要求人民幣升值之聲此起彼落，由於中國已成為WTO成員，不能控制貨幣匯價以求一己利益，美國製造業商會估計，人民幣最低限度被低估40％，世界銀行根據三P（Purchasing Power Parity，購買力平價）認為人民幣被低估80％！去年2月美元兌其他貨幣回落17.2％人民幣追隨，各國要求人民幣最低限度應升值15％！不過，相信今年及明年中國政府仍會抵抗上述提議，理由係中國隱藏失業率十分高，必須利用刺激出口去解決失業問題；加上日本九○年同意日圓升值後，至今日本GDP陷入停滯不前，嚇親中國政府。

　　OECD估計，83年至98年流入中國外資87.8％集中在沿海省市，只有8.9％流入中部，3.3％流入大西北；中國政府希望更多資金流入中部及大西北，以平衡外資過分集中在沿海省市，呢方面需要穩定貨幣匯價，人民幣如升值，將不利資金流向中部及大西北。


資源股成未來投資對象

　　從種種因素睇，人民幣升值唔會係短期內的事，為調節資金唔再集中沿海省市改為流向中部及大西北政策，可能不利香港在沿海地方開設的工廠投資。未來投資策略應是在製造業股份身上獲利回吐，改為投資中部及大西北地方國企ァD俗稱資源股的公司。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.