投資者日記提防香港又再黐線 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 08:23:43 09/26/03 Fri
Author: 曹Sir
Subject: 投資者日記提防香港又再黐線

9月25日，周四。今天恆生指數跌9.37，收11286.52；成交額高達二百一十三億五千五百萬元。9月期指高水，收11357點。原油價格升4.1％，見二十八點二四美元一桶，令部分股份回落，但永恩國際（210）升11％，見三角，主要係半年純利升十一倍；御泰金融（555）升12％，見七角四仙，公司轉虧為盈。

暫不可用常理分析股票

　　美林證券認為，美元回落依家只係開始，估計最終下跌8％，在美元弱勢下，資金繼續湧向亞太區股市，短期股價由供求因素決定，所以各位暫時唔好用常理去分析股票！我老曹記得1973、74年一隻名為「均隆驅風油」嘅股票股價由六毫子升到二十三蚊，升三十八倍，結果連擦鞋仔亦買股票，牛頭角順嫂將買彐錢用嚟買股票；73年高峰期「香港天線」一蚊上市，一上市便升到五十元，搞到股民黐晒線，故該股又叫「香港黐線」；當時政府為冷卻股市，出動到消防隊進駐華人行（當年股票交易所所在地），以防火條例禁止股民進入華人行炒股票。當年在英資湧入香港股市的情況下，真係全民皆股，人人魚翅撈飯，鮑魚用嚟煲粥，老鼠斑用嚟打魚蛋！當年出市代表乃天之驕子，每月賺幾萬銀，上舞廳用大牛點煙……。最後股市狂瀉，74年唔少人跳樓（當年未識燒炭），各位小心另一場Boom & Bust隨時重演。

　　OPEC令人意外地每天減產九十萬桶，佔OPEC總產量3.5％，令石油股再次被睇好，金價亦因此升破三百八十八點五美元，出現一浪高於一浪，再次確認黃金牛市已於99年開始，依家運行正常。展望第四季油價可在OPEC目標二十二至二十八美元一桶（WTI原油二十四至三十美元一桶），令阿殊希望利用廉價原油支持美國明年經濟嘅如意算盤打唔響，因為OPEC決定12月4日召開特別會議，如伊拉克增產石油，OPEC便減產。

　　中石油（857）因俄羅斯總統同意現存合約建一條原油管由西伯利亞到大連而受惠，該油管全長一千五百里（三分二が俄羅斯，三分一が中國），第一期每日運油量四億桶，第二期每日運油量六億桶，費用二十五億美元，大大提升中國石油前景。

　　日本新財長谷垣禎一再次表示，將入市干預阻止日圓上升，因日圓匯價並冇正確反映日本基本因素！睇嚟110.95日圓已係極限，日本唔希望日圓低於110日圓。今年首七個月日本政府動用八百億美元入市干預，阻止日圓升穿115水平，相信未來日本政府亦唔願見到日圓升穿110水平；至於110日圓能否穩定？因素太多，最好唔好估！

　　日經平均指數今年5月上升，我老曹係當時少數認為日股熊市可能已死嘅分析員之一，到日經平均指數9月見11000點，我老曹反而唔敢再咁肯定，因為日本改革至今仍係有姿勢冇實際。所有牛市出現都有原因，例如84年香港主權之爭取得共識，但日本今天對銀行NPL（不再產生收益貸款）雖然減少，但仍不徹底，令人擔心只係披著牛皮的熊，因此我老曹主張日股獲利回吐。

鬥平鬥賤驅逐優良產品

　　日本經濟問題在於冇效率（工業除外），不但金融業冇效率，零售業亦冇效率，佢地過分著重營業額而唔著重純利（薄利多銷）；九十年代香港八佰伴百貨做三十億元生意賺只得三千萬元純利（1%），一旦遇上經濟衰退，做二十五億元生意便變成蝕三千萬元一年！大部分日本企業資產回報率（return on assets）不高，九十年代只有3%，一旦遇上衰退便變成負回報率（Negative return on assets），同樣情況97年後在香港出現，愈來愈多企業採用薄利多銷策略，鬥平鬥賤，結果唔夠平唔夠賤嘅產品反而受淘汰！劣幣驅逐良幣的情況正在香港社會出現，整個社會唔再追求好與美，反而鬥平鬥賤，此乃香港經濟出現衰退之理由（企業無法獲利便裁員，員工薪金一再下降而減少消費，最後連薄利亦冇法多銷，整個社會受害）。

　　中國有十三億人口，78年實施改革開放政策，加上一孩政策，改革開放政策後的新一代已二十五歲，唔少已係大學生，再唔係八十年代一腳牛屎之輩；佢地不但為全世界提供廉價勞動力，同時提供廉價高科技，中國產品已由過去生產布娃絓，到今天生產電子手賬、超薄電視機等，日本可生產的產品，中國皆可生產兼價廉物美！此一基本性改變90年開始威脅日本，十三年後今天日本仍無妥善辦法應付來自中國的競爭！今天中國貨不但在美國、歐洲搶走日本貨市場（唔少更係日本品牌中國生產），並開始入侵日本！

　　仲有一點，俄羅斯央行希望外匯儲備中有10%係黃金，已令歐洲十五國央行將明年9月以後係咪再賣金的會議，押後到明年春季才展開；中國人民銀行外匯儲備中只有2%係黃金，中國人儲蓄率更高達30%（超過日本），如中國人民銀行同俄羅斯中央銀行睇齊，計劃將外匯儲備其中10%轉為黃金，咁就大件事。响44年Ρ布列敦森林協議Σ，黃金、美元及英鎊訂為外匯儲備，但到69年英鎊已唔再係外匯儲備貨幣，71年美國亦廢除黃金作為儲備地位，令美元獨大至今三十二年，但各央行仍然保存唔少黃金作為儲備，並冇沽清手上黃金！點解？

　　上周末G7會議希望人民幣匯價浮動，如中國政府願意嘅話，中國將暫停購入美元債券，美債下跌，美元長期利率便上升，影響明年美國經濟。68年法國總統戴高樂最先將美元兌回黃金，動搖咗全世界對美元兌黃金的能力；如果中國人民銀行停止購買美國政府債券，會否動搖全世界對美債信心？戴高樂68年知道美元無能力全部兌現黃金，搞壞個party，呢一次又由誰去話畀美國知一味印銀紙去找數係唔得嘅！

美元跌影響太多既得利益者

　　92年9月22日索羅斯話畀英倫銀行聽，「你係冇權決定英鎊匯價嘅！」結果英國政府宣布退出ERM制度，索羅斯獲得十億美元利潤。將來到底係人民幣升值抑或係是美元貶值（兩者結果一樣，只係講法唔同）？誰是第一位向美元債券擲石頭者？美元回落影響太多既得利益者，因此叫人買金者皆被各國央行視為叛徒，各國央行皆力保美元價值；不過，在美國赤字唔受控制下，可以咩？美國人無止境地消費，浪費全球有限資源，最終必受到懲罰（代價是美元的國際儲備地位有一天被取代！）。

　　亞洲經濟增長有賴美國人瘋狂消費，冇美國人消費，亞洲產品如何出口？所以日本、中國及東南亞各國廠方借錢畀美國，支持美國人繼續消費，上述情況可以長久維持咩？毛潤之話，債總有被清算的一天！

　　黃金已成為美元危機下的最後避難所，我老曹向各讀友大力推介黃金已有兩年了，希望各讀友視自己係黃金擁有者（owners）而唔係金價炒家（traders），金價甚至見三百九十美元仍然值得持有，情況有如84年中英聯合聲明草簽後到89年六四事件整整五年，都係應該持有物業期（當年金句係，飯可以唔食，因為可以捱麵包，但樓不可不供，因為遲D更貴；另一金句係中國、英國同香港三個政府逼我地買樓發達）。牛市一期仍是收集期，牛市二期係炒賣期，牛市三期係派貨期，至今為止黃金仍在牛市一期，金價必須見四百三十美元才出現一浪高於一浪，四百三十美元代表牛市一期完成，進入牛市二期，即公眾人士開始相信黃金將繼續上升（牛市一期好多人仍半信半疑）。

　　雖然6、7、8 月份失業率微跌，但响CEPA落實的2004年，對失業率下降幫助唔大，因為呢次經濟復甦來自生產效率的提升（包括將工序內移及以電腦代替人手），政府創造低薪職位能力亦漸漸到咗極限，未來失業的威脅仍十分大。由經濟衰退於2001年11月結束至今二十個月的今年，失業率上升一倍有多，真實世界裏每十個打工仔中早已有一個失業，另有一個正在擔心失業！點解6、7、8月份失業率微跌？因為好多人唔再搵工做，所以佢地唔計算在失業行列，只叫無業游民！另外，政府創造咗三萬至五萬個職位去降低失業率，第一種叫做「副學士」或「展翅計劃」；第二種叫做「再培訓計劃」；第三種叫做清潔隊（負責掃街及到沙灘執垃圾！）。自97年起政府財赤按年上升，以2003年度計，估計相等於GDP 7%！新財爺笑住話我地聽，2007年度財政預算案要收支平衡嘅目標已唔存在喇，我地居然大叫「好嘢」，並期望明天會更好！

朝種樹晚𨦪板經紀發達你破產

　　股聖畢非德話，不要分散投資，應集中火力只買四到五隻你充分了解嘅股份，然後牛咁眼目及實佢，不要經常賣出買入，好股票係買嚟ケ嘅！去年納指股票投資者平均ケ幾耐？答案係六個月；去年紐約交易所上巿股票投資者平均ケ幾耐？答案係一年；畢非德手上股票平均ケ幾耐？答案係二十年！如何成為股票經紀最佳朋友？朝種樹晚𨦪板，最後經紀發達你破產（The broker makes you broke！）；如何成為千萬富翁？有錢賺嘅投資項目死ケ唔放，蝕本嘅投資項目速速結束（止蝕唔止賺）。

公司應鼓勵員工減肥keep fit

　　許多人對減肥keep fit仍有錯誤觀念，以為浪費金錢同時間，或者係貪靚，其實完全唔係呢回事。研究證明，注重健康及身形的員工係負責任嘅員工，生產力較高，佢地為咗保持健康及身形，必須養成良好習慣，例如唔吸煙、少飲酒、早睡早起及多運動，通常因此有良好的家庭生活，能更有效完成公司交下來的使命，因此公司不但不應阻止員工減肥keep fit ，反而應該協助及鼓勵，這往往係留下良好員工的最佳辦法，但公司不應過分介入員工的私人生活（例如舉行集體減肥班或過分關心減肥進度），必須恰到好處，令員工明白公司關心佢地健康但冇介入佢地嘅私人生活。公司咁做，不但提升員工健康，減少公司醫療支出及員工請病假數目，更可建立公司注意健康的形象，有助公司推廣品牌。

　　美國最先咁做嘅係強生公司，強生向參加減肥keep fit嘅員工每年提供五百美元津貼，在過去九年，強生公司發現公司每年的保健支出因為上述措施反而少咗八百五十萬美元，因為員工低膽固醇、血壓正常、唔吸煙、做多咗運動及吃得更健康。

　　美國另一間公司Flanders Electric Motor Services Inc.更進一步，不但每年津貼參加減肥keep fit嘅員工五百美元，同時吸煙及體重過胖者每年扣五百美元作為懲罰，有獎有罰（吸煙及體重過胖員工同時負擔部分津貼）！上述方法香港各公司可參考甚至推廣，值得鼓勵與支持，此舉不但為公司節省醫療保險開支，亦令員工活得更健康。

　　神州數碼（861）與別人合組公司共二百萬美元，提供軟件開發、應用軟件外包、IT支援及其他相關專業服務。

　　大凌（211）、新怡環球（1094）停牌；奮發國際（1130）停牌，公布配售新股。

　　金衛醫療科技（8180）大股東兼主席甘源以每股一元六角二點五仙出售四千五百萬股，佔公司已發行股本8.57%，所佔比重由45.5%降至36.9%。

　　■數字地球（109）9月29日公布業績。

[ Next Thread | Previous Thread | Next Message | Previous Message ]