投資者日記打麻將刺激經濟 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 21:29:49 09/30/03 Tue
Author: 曹Sir
Subject: 投資者日記打麻將刺激經濟

9月26日，周五。今天恆生指數升3.63，收11290.15；成交一百三十九億八千九百萬元。9月期指微微高水，收11297點，開始恢復正常。9月結後大市如何？第三季股市可能係近四年內升幅最大的一季，7月1日至今已上升18％（前一次升幅最大係99年第四季，共升33％），只要未來兩個交易天恆生指數仍保持，便可創四年內升幅最大一季的紀錄。

　　新地（016）2002╱03年度獲利六十五億八千四百萬元，減23％，理由係為物業發展項目減值十一億元，估計2003╱04年度純利可保持六十五億八千萬元，每股獲利二元七角四仙，?狺G十三倍，後市表現追隨大市。至於資產淨值每股約六十一元七角，依家股價亦充分反映，建議獲利回吐。

炒股炒樓唔會增加社會財富

　　美國2000年的衰退（官方說法係已於2001年11月結束）與戰後每一次衰退不同的地方係，過去每次經濟衰退美國人便減債，但呢一次經濟衰退美國人卻增加負債！2000年年底至今兩年半時間，美國非金融業增加三萬三千億美元負債，金融業二萬三千億美元負債，合共五萬六千億美元負債；同期GDP只增加四千一百六十億美元，其中一千八百五十億美元來自政府開支上升，一千億美元來自物業再按揭消費。依家美國負債增長率三倍於收入增幅，最後點樣？黃金自2001年1月至今已升值50％，資金正由美元流向黃金，弱勢美元強勢黃金已十分明顯，正如希臘悲劇—人類往往無意間走上自己極力避免的厄運！有如伊底帕斯的命運，由於他實在太愛自己母親，結果殺咗自己父親，將母親逼瘋了！美國人係咪太愛經濟繁榮而將美元逼瘋了？《紐約時報》報道，今天外國人（包括外國政府）已持有38％美國政府債券，較十年前倍增，第二季新發行的政府債券80％由外國人（包括外國政府）買去，假如有一天外國（例如日本或中國）暫停購入美國債券對美元匯價的影響如何，真係木宰羊甚至唔敢想像。四個人一起打麻將，一樣可令GDP有增長，但我地明白只係財富轉移咗，四個人加起來嘅財富唔會因此上升。炒股票炒樓唔會增加社會財富，只會產生財富效應，一如打麻將贏咗錢者必增加消費道理一樣（咁輸咗錢會唔會減少消費，你話哩！）。

　　過去兩年金價已升值50％，但中國外匯儲備中只有2％係黃金、小量歐羅，其餘大部分係美元。依家感到不安的應係中國人民銀行而非美國聯儲局，中國人辛辛苦苦工作賺回來的金錢購買力卻在不斷下降（兌黃金計），或者有一天中國人民銀行行長周小川同美國財長斯諾講：請幫幫忙，美元唔好再貶值好唔好！

　　另一方面，明年人民幣升值已被視為最大的投資機會，由於外匯管制，人民幣冇法炒，呢幾天大量外資來港炒股票，因為香港係中國唯一冇外匯管制嘅地方。上述想法犯咗邏輯上錯誤，不過資金癲癲地，好難用理性分析（股市有三分一時間係理性，另三分二時間非理性，不然點會產生偏高、偏低現象？）。

炒港元志在港股

　　美國今年大企業羅素一千指數上升22.8％，中價股羅素二千指數上升33.6％，細價股羅素二千指數上升42.5％係80年5月至10月以來首次細價股連續六個月表現較大價股出色的一年，到底炒細價股熱潮能否維持到10月？

　　近期資金正從美國股市移向東南亞股市，理由係炒美元貶值及東南亞（包括人民幣）升值，連港元亦在被炒之列（唔係炒港元升值而係炒爆港股，情況同98年相反，當年唔係炒港元貶值而係炒港股回落拋空期指搵食），大量美元兌為港元，唔係嚟香港存款，而係嚟香港炒股！好似72年到74年（先嚟一個Boom然後嚟一個Bust），或者好似93、94年咁先炒升後炒跌，各位要小心，後市展望如坐過山車！

　　道指已轉弱，納指跌幅更大，成交額更明顯上升，除咗OPEC宣布減產外，並冇明顯利淡消息。股市由今年3、4月份反彈，8、9月份高價牛皮後，10月如何？真係可好可淡，以我地呢D膽小投資者，8、9月份早已減持，睇超級大戶在股市表演空中飛人，佢地藝高人膽大，可以表演得天花龍鳳，我地D散戶除咗拍爛手掌外，最好細細注、大大聲！3、4月份入市屬高回報低風險期（恆指低於二百五十天移動平均線15％），8、9月份入市屬低回報高風險期（恆指已高出二百五十天線15％），暫時上升通道仍然幾好，短期未能睇淡，如上升通道下支持失守就係咁先。我老曹再提醒散戶一次，8、9月份在股市場只宜細細注大大聲，贏咗得啖笑輸咗唔使㷫。

　　歷史上10月都係危險月，例如87年10月股災，唔少大轉角市都在10月份發生（例如去年10月美股止跌回升，不過恆生指數要到今年4月才止跌回升）。至於大成交額，通常代表大市短期內（例如四星期內）見頂，唔係好ぞ。

走勢陷阱大量湧現

　　貴重金屬尤其黃金通常反股市方向而行，金價見三百九十三點三美元後又回落，到底代表乜？我老曹亦未搞清楚，太多資金在金融市場搵食，走勢陷阱大量湧現。一旦技術分析亂七八糟，便應重返基礎分析，大前提係股市熊市二期（有反彈冇上升）。黃金進入牛市一期（收集期），因為伊拉克戰爭令美國財赤愈來愈大，上述情況90-91年亦出現兩年半衰退期，美軍收回科威特後油田大火迅速撲滅，油價回落後美國經濟又再繁榮，呢段日子叫做軟著陸，之後又再起飛；呢一次美軍侵佔伊拉克，但未能令油價迅速回落，反之失業率一升再升，擔心呢次唔係軟著陸，只係大熊市（2000年開始）後一次極之有力的反彈！

　　金價が四百美元關前害羞，但相信四百美元唔係阻力。金價由80年1月21日八百六十美元回落到99年7月7日二百五十二美元，必須回升跌幅50％才確認牛市，即金價必須打破五百五十六美元，才係另一牛市，即99年7月開始的牛市最低限度要升到六百美元以上，才有資格叫牛市。換言之，未來金價仍有力上升50％或以上，日後金價接近六百美元才考慮獲利回吐未遲。金價最近回落，相信與10月期金合約本周五結算有關。

　　我老曹係東方興起學說信徒（1951年由Raymond H. Wheeler 博士提出，基於地球地軸傾斜而產生氣候循環，影響人類行為，產生社會及經濟變化，再加上東西方文化差異而產生五百年東、五百年西的經濟大循環。佢認為第二次世界大戰結束，正是西方經濟盛極而衰期，東方經濟衰極而盛期，最先由日本開始，然後東南亞，最後中國加入，未來五百年雄霸天下そ唔係美國而係中國）。五十多年後回顧Wheeler博士真係真知灼見，今天愈來愈多人同意二十一世紀係中國的！外國人要分杯羹，最好今天教佢地そ子女或孫子歙蛚通話，而唔係我地中國人學英文，五十年後世界最大經濟體系唔再係美國而係中國！今天投資中國往往帶來不愉快經驗，情況有如二百五十一年前投資美國一樣，當時美國剛獨立不久，一切未上軌道，只適宜進取投資者。值得注意そ係，近五年中國GDP增長率係美國的七倍，中國人口係美國五倍，中國改革開放至今只有二十五年已成為全世界第四大工業國（僅次美國、日本同德國），相信二十五年後，中國將成為全球第二大工業國。今天全世界50％照相機、35％電視、30％空調、25％洗衣機及20％雪櫃が中國生產，中國輕工業的競爭力有幾大？以DVD機為例，三年前賣三千八百六十元一部，今天六百蚊已可買到三年前同樣功能者，至於新型號DVD機亦不外千多元一部。今天沃爾瑪每年が中國購貨量達一百億美元，通用電氣每年向中國購買零件五十億美元，福特汽車及通用汽車每年向中國購買汽車零件十億美元……。中國購買力有幾強？去年向通用汽車買入二十六萬四千部房車，較2001年上升325％，相信明年通用汽車可在中國售出一百萬部房車一年！今年中國汽車銷量估計首次超過全德國，而且好快超過全日本！隨著巿場開放，中國不但係出口國，同時係入口國！

　　有宗教信仰的人習慣每周禁食一天，其實禁食對我地身體非常好，可以話身心健康。何謂禁食？即除清水外不進食任何食物，包括果汁、水果甚至茶！

禁食令人身心健康

　　禁食的好處係，訓練我地そ紀律，控制自己的食欲，一旦禁食，身體便會把平日用作消化食物的能量用於其他方面，情況有D似「自我潔淨」，但禁食唔係捱餓，捱餓之後反而會進食更多食品，禁食目的係燃燒體內脂肪及清除體內積聚物，通常維持二十四小時便足夠，第一次禁食可能感覺唔太好，主要係身體未能適應冇食物供應，尤其係空著肚子睡覺，所以第一次禁食可以改為禁止熟食，即只食生果及冇煮過そ東西（例如植物），但不可加鹽及加糖，如此吃法係無法滿足食欲，只係作為過渡期，到習慣（通常需要四個星期）便漸漸可達到每星期禁食一天，以及見到禁食的效果，例如人變得健康許多、精神許多，身形亦漸漸合適（唔肥唔瘦），最後變成習慣，到時大家或會明白點解唔少宗教信仰都主張禁食（通常が每周五早上開始，有些在晚上結束（例如回教），有些要求餓著肚子去睡覺到第二天早上為止，如要早點見功效，以二十四小時禁食最快；反之十二小時禁食（上午六時至下午六時）比較上容易接受。或者各位本周可以開始試吓每星期有十二小時禁食！

　　太平協和（438）停牌、建星環保科技（8011）停牌。

　　威華達（622）停牌，公布配售新股。

　　信佳（912）收購信佳網絡15％，代價四百五十萬元，以發行新股支付。

　　奮發國際（1130）以每股四點八仙配售一億七千萬股，佔擴大股本15.02％，集資八百一十六萬元作為營運資金。

　　輝影國際（630）發行二百三十萬元可換股債券，換股價五角五仙，最後日期明年1月3日。

　　惠記（610）向房委會賠償八千萬元，作為沙田第14B區第二期合約工程D座及E座樁柱不符標準問題的賠償，惠記已撥備六千萬元，額外虧損二千萬元。

[ Next Thread | Previous Thread | Next Message | Previous Message ]