投資者日記 CEPA令弱者愈弱 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 03:56:05 10/02/03 Thu
Author: 曹Sir
Subject: 投資者日記 CEPA令弱者愈弱

10月1日，周三。被渲染為香港經濟救星嘅十．一黃金周，來港旅行團反較去年減三成；至於自由行，因為無得比較，所以木宰羊。近期金價上升唔少，今天連金舖都唔旺、茶樓亦唔見人頭湧湧，最多來港同胞購買嘅反而係藥油。有咗自由行，內地同胞來港較以前容易，因此毋須集中⑹十．一黃金周一齊湧港住貴酒店、食貴嘢……。此乃十分理性選擇，只係事前港人（尤其股市內嘅炒家）將十．一黃金周影響誇大，擔心周四港股重開，自由行概念股面對獲利回吐壓力。

納指RSI出現背馳

　　Never try to predict！我老曹畀咗好多代價才明白此道理。唔好以為自己比大市聰明，因為人有情緒，但分析工具冇。以9月為例，股市唔止一次掌摑大部分分析員，因為佢地不守本份，唔係分析大市而係預測大市；擔心10月份亦係咁。走勢上睇キ，走在其他指數之先的納指上升軌仍未失守，雖然RSI已出現背馳【圖】，9月納指見頂機會甚高，但一天上升軌（1750點）未破，則仍未確認。值得注意嘅係，四年半循環周期今年10月、11月及12月初係向下，即美股從今年3月中開始（香港4月底開始）向上的反彈極有可能が9月（香港極有可能が10月）結束。熊市二期令投資者陷入有時睇好有時睇淡的矛盾心情，今年4月在太多淡友下反彈，今年9月會否在太多好友中回落？熊市二期會否在10月畀各位一記熊掌？雖然未知答案，各位宜做好心理準備，尤其道指已在五十天移動平均線之下。

　　が熊市中，強而有力的反彈的確令人困擾，它不但狠狠地教訓拋空者（此乃我老曹一直唔主張散戶參加拋空行列，因為拋空乃極之專業行為），同時令人擔心錯過低位入市機會，萬一真係牛市怎辦？我老曹一直主張一旦恆生指數低於二百五十天移動平均線15％，不妨入市博反彈，因為此一水平低風險高回報；反之，如今年9月恆生指數大部分日子已高出二百五十天線15％，不妨減持再減持，因為即使が牛市，此水平亦面對獲利回吐。我老曹最怕係嗰D保守投資者4、5月份唔肯入市，等咗四、五個月，到今年8、9月才入市作中長線投資，買入後又唔用止蝕盤保護，一旦證明大市係反彈唔係牛市，呢批保守投資者便從此被困，有排冇法翻身！

美國人將可透過ETF買金

　　90年至今日經平均指數走勢嘅教訓係，が熊市第二期任何事都可以發生，甚至出現「一浪高於一浪」亦可以，只係每一次反彈完成後，未來低點必較前低點更低！換言之，呢次恆生指數由4月25日8332點上升，如證明係反彈而唔係牛市，在未來歲月閣下將有機會見到恆生指數再次低於8332點！如各位在過去五個月股市反彈中嘗到甜頭，得些好意須回手，千萬不可希望賺盡每一反彈浪每一分錢，呢點係冇人可以做得到。

　　反彈市何時結束？對唔住，我老曹が呢方面只有做事後孔明，因為美國白宮同聯儲局利用政策及貨幣，將經濟同股市搞到幾混亂，真係唔易睇；不過，每一次睇唔通之時，便應返回最基本因素，例如香港經濟轉型已完成嗎？香港未來往哪裏去？在不斷面對挑戰的今天，香港本身仍有何優勢？最後策略係寧可「錯過」不可「做錯」。錯過一次機會只係賺少一次錢，但做錯一次可以失去一生所有！

　　至於黃金，以美元計仍然上升，但以日圓及歐羅計9月份在回落，即黃金仍在收集期，9月金價新高只反映美元弱勢而非黃金強勢，未能作準。年底ETF（Gold Exchange Traded Funds）落實，美國人可透過持有ETF間接持有黃金，到時可能係金價一展身手嘅時候，因為直接購買黃金目前⑹美國並唔普遍。

考慮不周好事變壞事

　　9月瑞典的投票結果是反對加入歐盟，令人反思！到底加入歐羅區好處多抑或壞處多？德國、法國、意大利等加入，呢D國家嘅經濟增長率同就業情況唔見得好起來；反之，英國、丹麥、瑞典選擇唔加入，呢幾年經濟增長率及就業情況反較歐盟國家好！再睇北美自由貿易區協議，墨西哥加入後反較未加入前經濟差，加拿大加入後過去幾年經濟及就業情況亦唔見得好（值得一提係九十年代美國經濟欣欣向榮）。香港明年1月1日落實CEPA，省港兩地經濟更緊密合作真正影響如何？會否如特區政府所言「一定更好」？兩地生活水平唔同，經濟互異，各有政治制度，一旦融合，必產生強者愈強、弱者愈弱情況，港元匯價偏高此一因素已在九十年代令香港競爭力漸失，省港兩地經濟進一步融合，強者愈強弱者愈弱，本港人才外流可進一步提升內地競爭力，中國產品更易進入香港，令本港CPI負增長持續。任何事物一如銀幣必有兩面，97年7月特區政府只睇到樓價回落帶來的益處，而唔考慮樓價回落產生的害處，貿貿然推出「八萬五」，依家已證明害多於利。CEPA如小心處理，可令優點盡顯、缺點減少，但如考慮不夠周詳，可能又係另一件好事變壞事！過去類似例子實在太多，例如數碼港依家已變成豪宅區，又係特區政府另一考慮不周之典例。但願CEPA真係一如官方所言，而非部分人擔心般CEPA落實後加快兩地薪金調整，進一步令香港內部消費轉弱！香港同廣東省唔係紐約同費城，在同一政治制度同一福利政策下，紐約教育水平低者移到費城居住，因當地生活水平較紐約低，收入少D生活仍十分愉快；反之，有野心的美國人便移到紐約呢個鬥獸場一爭天下，結果紐約人才薈萃，成為北美洲金融中心。香港同廣東省政治制度唔同福利政策互異，香港低收入者或正在領取綜援家庭會否移入廣東省？移入廣東省後，低收入家庭子女在廣東省冇法享受免費教育、免費（或極低收費）醫療、公屋等香港福利，綜援家庭更失去領取綜援資格。換言之，CEPA落實唔會令本港教育水平較低者移入廣東省；反之，如專業資格獲得互相承認，由於本港入口專才政策阻力重重，國內專才來港未因CEPA落實而變得容易，本港專業人士卻更容易回國內搵食，未來香港同廣東省情況係紐約同費城相反，人家係低收入者外移、有野心者移入紐約，造成人才匯聚紐約；香港CEPA落實，低收入者不能走或唔會走，高收入者卻雞咁腳走，結果香港人才流失政府稅收減少，本港人口素質下降。呢方面點樣糾正？

港股近年追隨美股

　　10月股市展望，請扣好你的安全帶，10月股市波幅絕不較9月份細。2000、2001及2002年有幾多個別投資者能夠在股市打和離場？過去三年參與股票投資的人輸多贏少，今年結果又如何？

　　至今為止，恆生指數較去年12月30日9323點高20％，呢20％升幅在第四季能保住幾多？美元匯價回落，油價保持高位，第四季股市表現如何？請注意10月美股表現，因為呢幾年港股表現追隨美股。

[ Next Thread | Previous Thread | Next Message | Previous Message ]