投資資者日記小董作文 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 03:13:28 07/10/03 Thu
Author: 曹Sir
Subject: 投資資者日記小董作文

7月8日，星期二。今午茶座，茶客甲好神秘咁話，繼飛哥退黨以後，IQ唐又話唔制，咁即係話，行政會議已冇晒自由黨黨徒，民建聯成一枝獨秀之局，可以話晒事矣。茶客乙話聽阿成嘅口氣，佢好似已敲響退堂鼓，但後尾又轉軚，大熱天時跳草裙舞，都幾合適嘅。不過，無論點，睇嚟綠化郎對行政會議進行大翻修之日已不在遠矣；甲此時搭口曰，北京仍未搵到信得過之人選，若非咁連綠化郎都會一齊革掉也。眾人對華府立立亂，都有D憂心，但睇個市之表現，則似對七一大示威投以信任票，即投資者認定上街者乃愛港愛國，希望團結一致搞好香港政治同經濟之熱血（D日頭咁猛，連血都晒熱咗咁解）港人也。不過，千祈唔好再嚟一次，事關人多聲雜分分鐘生意外也。

BT同RI職位應對調

　　茶客丙話，如果綠化郎大洗牌，BT同RI職位應對調，以後者有掃把頭之美名，而掃把者，乃清潔之象徵也，因此應由伊人負責BT依家做緊之清潔香港大行動，以收駕輕就熟之效；而BT之細佬乃ケ槍之一哥，BT做護衞總指揮，昆仲拍硬檔，香港仲有乜社會問題？子曰，上陣不離父子兵，平亂不離親兄弟。照咁睇嚟，BT同RI對調，豈非甚合何尺。諗落都唔係冇道理，就咁定案啦！

　　茶客丁話，既然大家有心情講笑，佢啱啱响網上睇到一個千年舊笑話，不過，依家代入新名詞，仍然好好笑，問眾人要唔要聽，眾人皆曰講嚟聽啦，使乜咁囉囌。丁於是講古。話說老師叫同學返屋企作一篇有關「國家」、「黨」、「香港特別行政區」和「人民」的文章。小董唔理解這些名詞的含義，去請老豆解釋。

　　老豆同佢話：「國家是最大的，就像你奶奶；黨是最有權利的，是一家之主，就像你老爸；香港特別行政區就是為黨和國家辦事，但一定得聽黨的話辦事，咁即係話，就像你媽咪。人民就是最小的，說什麽亦冇人聽，好似你。」

　　晚飯後，小董想作文，可是仍搞唔清楚老豆講話之微言大義，想去問奶奶，奶奶已經睡了；小董去搵老爸，老爸和阿媽正忙著「床上運動」，爸爸一看他來，就兜巴星刮過去，小董痛得大叫救命，但冇人來救，只好抹抹眼淚，回房間作文了。

　　過咗幾日，爸爸接到老師電話：「你是小董的父親老董嗎？」

　　「是啊，什麽事？」；「關於小董的作文？」；「是寫的不好嗎？」；「不，是寫的太好了，我懷疑不是他自己寫的。」

　　爸爸急問小董的文章寫D乜，老師在電話中曰：「國家已沉睡，黨在搞特區，特區在呻吟，人民在流淚！」

　　今天恆生指數升100.47，收9992.87；成交一百二十六億七千七百萬元。期指高水，收10080點。近兩天股市變成投票機器，後市難測。新鴻基地產（016）今天再升3.7％，見四十二元五角；港交所（388）升4.2％，見十二元四角；但永亨銀行（302）跌3.8％，見二十七元八角，大市繼續個別發展。

　　78年中國實施改革，開放經濟，引入西方的市場經濟，但人民別有所求演變成89年六四事件。

　　89年6月以後，中國經濟一樣改革開放，但政治至今仍冇乜變化，連累香港亦有個三不像之政府。先天因素加上後天特區政府管治能力不足，引發今年7月1日五十六萬四千二百幾人上街大遊行。呢幾天事件發展太戲劇化了，香港人重燃西方式民主制度的期望，但如果事情係咁簡單，根本唔會出現六四機槍亂射事件。

政治最高境界見好即收

　　呢次二十三條立法，過去幾天特區政府已一再讓步，我地係咪漸漸變得貪勝不知輸？得一又想二，此所謂「軟土深滑」也，會否逼到對手老羞成怒？政治最高境界係互探對方底線，一旦對手已退到底線，便應見好即收；不然，好事變壞事，各位不妨諗一諗。我老曹對政治認識唔多，如果係投資策略，應該獲利回吐了。

　　似乎係馬克吐溫講「歷史不斷重複，但每次劇本唔同」。其實經濟又何嘗唔係咁。艾智仁83年的書《交易及生產》已指出，生產力提交令極為稀有的勞動力再次獲得解放出來做更高增值產品，將引發另一次經濟增長期，咁簡單嘅道理當年居然大部分經濟分析家冇留意，因而錯過整整十八年的大牛市。香港情況亦一樣，82、83年因製造業工序內移，解放更多稀有勞動力去從事服務業，開始引發另一次繁榮期，但82及83年中英就香港前途問題談判令當時的投資情緒極為悲觀。

　　97年下半年開始，服務業後勤基地內移，引發香港失業率上升，短期錯配只要香港本質不變（即自由、法治及企業家精神），或遲或早香港人必可搵到另一條經濟繁榮公式，進入另一次大繁榮期；反之，由政府創造大量不切實際的工作職位，即係令稀有資源（勞動力）浪費，只會阻慢而非加快另一繁榮期出現。

新舊交替六年仲未完成

　　八十年代的新舊交替係受過教育的新一代取代低收入勞工階級，97年開始係高增值服務業取代低增值服務業。八十年代新舊交替只花咗三年時間（81年7月至84年7月）便完成；但呢一次由97年8月起計快六年了，新舊交替仲未完成！

　　90年開始，日本利用減息刺激經濟，結果利率減至零點一厘（差唔多零利率），但日本經濟未見好轉；今年3月日本央行改變貨幣政策後，日股由4月至今升幅不俗，係咪熊市結束有待確認，但至今為止，日股表現幾好。

　　根據奧國經濟學派Ludwig von Mises 1912年出版《The Theory of Money and Credit》一書中指出，利率如偏離自然利率，可產生威力無窮效應，上述理論漸漸發展成為奧國經濟商業周期理論。香港由於實施聯繫匯率制度，令香港對利率失去控制權，九十年代初期美國減息，我地被迫追隨，但本港通脹率較美國高，因此出現「負利率」，造成資金不斷流向股市及房地產，引發虛假繁榮。97年7月亞洲金融風暴爆發，為捍衞聯匯制度而挾息，高息令資金從房地產及股市回流金融體系，雖然98年8月政府動用逾千億元買股票，一度將情況扭轉，但隨之而來98年10月CPI出現負數，即無論利率如何大減，實質利率仍然高企，繼續破壞本港樓市（恆生指數自97年後加入大量與本土經濟無關的成分股，因此另作別論）。此乃繼阿當史密斯在十八世紀《原富》論指利息係金錢經運用後衍生出來的利潤，因此利息高低受商業環境投資回報率影響後另一精闢見解。

樓價要到明年才見底

　　90年本報已一再提出奧國經濟學派理論而游說政府放棄聯匯制度，但可惜失敗，代價係香港樓市經歷七年半（90年至97年上半年）以飈升及至今六年的大瀉。技術上睇，香港樓價要在未來十二個月到十八個月才真正見底，土地政策係其中一個因素，但更重要影響係貨幣政策，此乃實施聯匯制度必然結果（如各位相信奧國經濟學派利率的威力理論）；亦係美國自2001年起利率大跌經濟未肯復甦的理由，因為到咗去年11月，美國才出現負利率（利率低於CPI升幅），美國聯儲局較日本央行聰明之處係今年起任由美元貶值以阻止CPI出現負數，至今尚算成功，此乃為何2001年同樣係減息，美國房地產仍有通脹而上升，香港房地產卻因通縮而回落，甚至去年11月有孫九招，本欄早已指出停止賣地一樣冇效（係根據奧國經濟學派）理由，最近綠化郎責成孫公亦冇用，因為房地產價格主要受貨幣政策影響；其次才係房地產政策。

　　Mises理論係人為性利率所產生偏差，最終不敵利率自然方向，即最後利率仍一如阿當史密斯所言利息係金錢經運用後衍生出來的利潤，任何制度不能永久性地支配利率，最終利率係反映金錢在當地運用後獲得的回報率。The rate of profit is the natural determinant of the rate of interest, not the other way around！利率最後由金錢運用後所獲回報率決定，而非相反；政府不能以改變利率去改變金錢運用回報率。例如依家銀行存款利率普遍不足一厘，但買樓收租回報率普遍有五厘，仍不能迫使資金去買樓收租，理由係本港CPI仍係負數，人們擔心樓價回落的預期心理已抵銷五厘回報率的吸引力。

　　明白利率的威力便可了解我老曹97年7月後睇淡本港房地產嘅真正理由，亦明白點解2001年減息我老曹依然睇淡港股。到咗今天美國再膨脹政策係咪收效？主要睇美國透過壓低美元令CPI保持上升速度能否長期高於聯儲局利率之上而定（當然理論上聯儲局仍有四次減息機會）。

弱美元製造繁榮存疑

　　另一問題係利用破壞美元價值去製造出來的經濟繁榮，到底可維持幾耐？要知道令CPI上升1%，美元必須貶值20%或以上，即每1%CPI上升响今時今日得來不易。

　　今天有關利率的討論比較上學術性一D，希望冇悶死各位。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.