VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

[ Next Thread | Previous Thread | Next Message | Previous Message ]

Date Posted: 07:41:10 06/30/03 Mon
Author: x
Subject: 投資者日記 特區政府變成教父

6月29日，周日。香港回歸祖國快六周年，我老曹好想敲鑼打鼓去慶祝，但實在冇心情！

　　回歸六年香港衰炟u係一波未平一波又起，八萬五與亞洲金融風暴雙鬼拍門，樓價與股市齊跌，經濟不景通縮持續，而沙士之後又有廿三條，既有天災又有人禍，亦有人禍加深天災禍害；今年5月失業率達8.3％，雖然政府用七億一千五百萬元創造三萬二千個職位，希望日後在失業數字上冇咁唔好睇，但通縮壓力自98年至今已令CPI下跌14％，再加上第廿三條令社會分化，人民對政府咁嚘A度條氣唔順，今年下半年香港經濟點會好番？


沙士易掂廿三難搞


　　英國大東唔再持有電盈（008）、英國Stagecoach以一億七千六百萬英鎊出售城巴，在在反映外資正從香港撤走。香港愈來愈似中國大城市，但香港營運成本較中國其他大城市貴八倍至十一倍半，既然如此，外資點解唔投資內地大城市而投資香港？廿三條通過後，外資一樣會來港投資，但唔肯畀依家呢個價，而畀等同北京、上海同廣州嚜钂。沙士易搞掂，廿三條難搞，一旦通過，必加快令香港經濟同國內大城市經濟接近，包括樓價同薪金。

　　7月9日將通過廿三條，特區政府話只係「備而不用」，咁我地點解唔可以藏械，我地一樣備而不用；市民唔可以咁做，係政府唔敢擔保市民唔會濫用槍械，依家市民一樣擔心政府會濫用廿三條，點解，已有前科也—比如以前放過仙姑，依家唔追究赤松。如此漠視法制，你叫人民點信你？

　　香港戰後點會繁榮？專家話我香港有三大國內城市冇黚S質—一、法治精神。回歸後特區政府既有尋求人大釋法推翻最高法院判決，亦有釋放仙姑事件，香港法治精神已有損傷。二、自由。過去在香港只要唔犯法，行街見到警察都唔使驚；廿三條通過後，只要副警司簽名，警察便可入屋搜查，唔需要法庭批准，即未來執法權已凌駕審判權之上。任何獨裁統治由限制言論自由開始，當傳媒冇膽仗義執言之時，市民的自由便一點一滴失去。當然，籠中金絲雀仍可生存下去，每日有人餵，生活無憂。7月9日後我地有如香港公園內的雀鳥，有人認為只要鳥籠夠大便冇問題，但香港人嚮往的是天空海闊任鳥飛的自由，鳥籠造到大如香港公園都唔肯接受。三、企業精神。戰後至97年香港政府從來未偏幫過任何行業，成功鼣ㄚY靠香港企業家拚搏精神，因此李實發可以由做塑膠花到做房地產，近年更大搞電訊業；包蛇明明做航運，七十年代上岸收購九倉（004）同會德豐（020），改行做地產、百貨、貿易，近年搞埋有線電視……。香港從來唔使政府教路。97年之後，特區政府忽然變驉u教父」，教我地做時裝中心、航運中心、物流中心、發展中藥港、數碼港、乜港物港……，然後又話扶助新高科技而成立科學園，近年冇キ搞，甚至連大笪地亦搞埋一份！香港人變成人人企係度等政府教路。


立會無代表性令市民上街

　　香港過去三大成功因素雖然仍存在，但已遍體鱗傷，今天立法會已無法代表民意，因為官守議員加上保皇黨已有足夠票，人民只有上街表示不滿。有位議員質問民主派點解要去外國叩頭，請人支持反對廿三條？呢個問題問得好ろ，D民主派人士畀佢窒到口啞啞，唉，佢地應該咁反駁—我地想上京跪稟北大人，但同你地唔同，我地D回鄉證被沒收晒，去唔度，即係冇你地咁好彩，你地可以上去叩頭，我地唯有向海外尋求公義。

　　84年至97年香港樓價上升由三大因素推動。甲、土地供應受限制。乙、中國由計劃經濟走向市場經濟令本港經濟受惠，港人收入大幅上升後，樓房需求自然上升。丙、90年起美國經濟平安著陸、減息，香港因聯匯制度進入負利率期。

　　如冇上述三大巧合，香港樓價冇可能由84年每方呎六百元升到97年7月每方呎一萬二千三百二十五元！促使97年8月樓價回落的理由有三—A、供應土地方面限制取消，改由八萬五政策取代，土地由供應不足走向供應過剩。B、中國走市場經濟路線證明成功，不但吸引港資，更吸引台灣、東南亞、南韓、日本資金到中國設廠，香港資金面對強大競爭對手，已不能獨佔利益，2001年年底中國加入WTO後競爭者更來自全世界，香港資金鄐什糗N優勢。C、98年起本港進入通縮期，甚至利率跌至零，實質利率仍超過二厘。D、去年住宅單位貨尾（唔計居屋）已達七萬四千二百個，今年落成三萬零五百個，未來如何消化十萬四千七百個供應量？

　　作為香港中產階級，如唔了解聯繫匯率威力，包括90年聯匯制度下炮製出來麰t利率環境，可以蠶食閣下銀行存款50％以上購買力；97年第三季至今實質利率高企，又令樓價失去70％市值，鄐@上一落中，四分一中產階級被消滅了。

　　聯匯制度製造了暴升暴漲的股市同樓市，大部分人在一上一落中失去所有。

　　金錢的重要不單只係交易媒介，同時係社會上衡量我地工作回報甚至決定我地麊懋|身份地位！聯匯制度下90年至97年一味獎賞投機分子（雖然政府口口聲聲打擊炒樓行為，但炒樓人士90年至97年的確飛黃騰達！）懲罰克勤克儉者。鉡p匯制度之下，97年上半年真係上帝也瘋狂！然後一百八十度改變，所有炒樓者如不及時離場，代價係破產或負資產！對少數投機分子而言，這是罪有應得，但有幾多中產階級被聯匯制度逼瘋了，而且更受政府鼓勵，最後不顧一切將畢生儲蓄或向政府借六十萬用於買樓付首期，然後變成負資產？結果點？整個中產階級對政府的信心動搖。


銀行息差利潤下降

　　今年10月聯匯制度已存在二十年，整個社會已因應聯匯制度而出現改變，一如吸食髐G十年白粉的人，如何從此一制度中一步步走番出薄H呢方面需更高的技巧。由於香港經濟中毒甚深，戒毒亦可以ヴ命。

　　去年中國GDP仍高速增長由兩大因素帶動—▁中國政府透過國企大量投資基建，估計GDP增長率42％來自政府投資國企，由於唔少投資不按經濟規率辦事，所產生呆壞賬已到達危險水平，未來政府不得不減縮呢方面投資。▂2001年年底加入WTO，外國直接投資（FDI）去年四百四十二億元，估計今年五百五十億元，刺激出口大增；去年GDP增長率40％來自呢方面，今年6月美國財長已開聲話人民幣匯價偏低，明年FDI會否超越今年？即中國GDP增長率明年放緩機會甚大。換言之，香港因中國出口興旺而佔到的便宜，明年增長率亦放緩。

　　美國第十三次減息，香港銀行已pass唔跟，即香港除鰶U款利率可以回落外，存款利率已減無可減。銀行下半年來自息差的利潤下降，5月份息差二厘六一，估計6月份進一步下降；呆壞賬撥備卻上升（去年11月至今樓價又跌多10％），貸款數字5月份較去年減少2％，即舉債的人亦在減少中。今年上半年銀行股的升勢下半年可以持續咩？


負資產窮過無產階級

　　聯邦基金利率減至一厘並未能說服投資者，佢地仍嫌標普五百指數?狺T十三倍太貴！反之，十年期政府債券三厘半，代表債券投資者相信未來十年都係低通脹。上述情況反映我地重返上世紀五、六十年代的經濟環境，當年物價穩定、人浮於事，但五、六十年代港人雖然窮卻冇負資產，二十一世紀香港有四分一中產階層係負資產，表面上生活過得去，實際上較無產階級更窮更無助。

　　香港83年10月實施聯匯制度，90年經濟開始進入過熱期，如當年取消聯匯制度，九十年代炒樓狂潮一定冇咁瘋狂，97年7月後樓價跌幅亦冇依家咁大（雖然綠化郎又再關心樓價，但在可見將來，阻止樓價回落方面仍然冇計）。94年1月人民幣同美元掛せ，至今為止中國經濟仍享受8％ GDP年增長率，但今天北京、上海房地產係咪已到髐E十年代初期香港情況？尤其係去年起美元匯價大幅貶值，中國地大物博，加上冇每年賣地五十公頃限制，政府對銀行信貸控制能力十分強；九十年代港式房地產爆炸性上升然後又大幅回落鄍_京同上海唔會出現，即使重演，幅度亦不及香港。不過，要避免港式房地產事件鄍_京、上海重演，最好方法係明年起人民幣有秩序地升值，以免十年後的北京變成今日東京，十年後的上海變成今日大阪。

　　中國政府面對人民幣升值訴求可說兩難。a、人民幣匯價偏低令中國今年5月出口較去年同期升37％，6月16日美國財長已開聲……。別國係唔會長期容忍人民幣匯價企於依家水平。b、國企改革令大量員工下崗，估計中國失業率真正數字係15％，為此政府大量投資國企去拉動經濟，造成愈來愈多呆壞賬。中銀香港（2388）相信係國內銀行中最好一間，其他四大銀行呆壞賬未經清理，情況可以好嚇人，一旦人民幣升值，四大銀行呆壞賬浮現，可令中國經濟一如九十年代的日本，即使今天開始清理，相信亦要二十年時間才能將呆壞賬降至5％的香港銀行水平！未來中國既係處處機會，亦係處處危險。

　　今年日圓兌美元只升1％（同期歐羅升10％），日經平均指數4月份起已開始上升，代表3月18日日本央行行長換人後日圓拒絕再升（係咪貶值係另一回事）！日本最大希望係人民幣升值以減少對日本出口壓力。

　　去年10月我老曹提出「如何在美元貶值下獲利」，因此全力推介工業股；今年下半年思維將改為如何在「人民幣升值壓力下獲利」，開始留意以中國市場為對象的零售股，同時避開因人民幣升值而受損的紅籌、國企股。

　　上周六提及耀科業績，該公司澄清半年錄得虧損應為五千二百七十六萬六千元，合此更正，並致歉意。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.