VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, [4] ]

[ Next Thread | Previous Thread | Next Message | Previous Message ]

Date Posted: 03:59:24 06/12/03 Thu
Author: pw
Subject: 投資者日記 發達開門七件事

月11日，周三。今早天濛光，畀老友電話嘈醒，一睇已是日上三竿之時矣，只是老天仍呈魚肚白色，以細雨霏霏兼夾間中大雨滂沱也。老友急電，所為何事？報告大才子?《蘋果》讚我老曹也，於是急忙揭被而起，開腦一睇，果然。點算好？我老曹真係受寵若驚，汗顏芒背，手足無措，昌黎公不云乎：「其榮也，茲所以為愧也」。唯舊公明我老曹講乜。其實，舊公腹笥淵博、聯想超凡、目光敏銳、新見迭出、識見高遠、文思綿密、筆法精妙、用字考究，乃我老曹之偶像，如今畀偶像一讚，其欲唔有D飄飄然，豈可得乎？我老曹話有D飄飄然，乃牛約翰之鶯得史?明，「有D」二字，宜去之才合實情也。今午茶座，我老曹面有得色，眾人皆舊公之忠實讀者，知道發生乜事，肉麻當有趣之諛詞源源不絕，我老曹照單全收，以經舊公品題，餘詞皆平淡乏味矣。我老曹乃識趣之人，眾茶客既然如此捧場，焉可冇D表示，今午雖未輪到做東亦爭住埋單也。我老曹亢奮程度有甚於遠遠望見領導人，茶客雖七嘴八舌，議論縱橫，好似香港交畀佢地打理便乜都掂晒咁，此中也許有唔少真知灼見，可惜我老曹聽而不聞，完全唔入腦，冇得寫矣。

　　今天恆生指數跌41.66；收9662.06，成交九十億七千七百萬元。6月期指仍係高水，收9694點。裕元（551）跌4％，見二十一元八角，里昂證券及金英證券建議沽售；新地（017）跌1.7％，見四十元三角，繼大摩後，JP摩根亦加入建議沽售；思捷環球（330）升3.7％，見十八元一角五仙；廖創興銀行（1111）跌6.6％，見八元五角；陽光文化（307）跌14％，見三仙。大市主要仍係個別發展。

　　證監會宣布，依家因企業及市場失當行為以及多項潛在犯罪行為進行四十九項調查及查訊，未來數月有多宗完成調查，移交法院處理。



大教授有銀?冇聲出

　　美國法庭宣布韋克薩爾（ImClone創辦人及前行政總裁）入獄七年及罰款四百三十萬美元，理由係2001年12月得知美國食物及藥物管理處唔批准該公司一種治癌藥物上市，佢老哥卻?事前拋售股票！比起美國證監會以至孟加拉證券仲有所不如之香港證監乃典型冇牙老虎也—唔講你地唔知，對香港證券彈到一戙都冇?位大教授，自從?北京東方廣場上班後，有銀?已冇聲出矣。本港上市公司行政總裁或高級行政人員、大股東利用內幕消息魚肉小投資者事件，?香港普通過普通，難怪有小投資者寫信畀我老曹話「十間上市公司CEO中，起碼有一個係賊」！證監會幾時向警方學習出動直升機、防彈衣、衝鋒槍圍剿呢班賊人，我地全港小投資者必定拍爛手掌。

　　Freddie Mac及Fannie
Mae類似本港按揭證券公司購入房地產按揭，以便銀行收回資金再做樓房按揭。周一Freddie
Mac主席、行政總裁及主要行政人員齊齊辭職，令其股價由六十美元急跌至五十美元，理由係聯邦物業投資局已委任特別調查小組調查其會計賬目，兩間公司持有或擔保美國三分一住宅樓按揭，令物業按揭利率保持低水平（情況有如本港，出現按揭證券公司後，物業按揭利率由P加二厘變成今天P減二厘半），如Freddie
Mac賬目真係有問題，將震撼美國房地產市場！依家指責佢地「造數」（把過去盈利保留?環境差時公布，以便產生純利穩定增長的假象）。新聘的會計師計劃重新整理2000、2001、2002年賬面以反映真實情況。Freddie
Mac事件會否戳破美國房地產泡沫？有待觀察。

　　Freddie
Mac?1970年由國會成立，目的?使美國人更容易置業，依家持有（或擔保）一萬二千九百多億美元物業貸款，佔物業貸款市場六萬三千億美元的五分一，主要係向銀行購入按揭，將之證券化，再推出市場，令銀行提供極低利率畀美國人置業，如冇Freddie
Mac，美國物業貸款利率冇可能咁低，美國物業市場必冇今日之旺景。


投資者開始擔心滯脹


　　通縮初期最佳投資係債券，因為利率下降，債券價格上升，例如2000年至2002年；但到?今年年中，債券上升機會又剩番幾多？加上經濟陷入衰退邊緣，政府增加貨幣供應速度達年率7.5％，有機會令經濟進入滯脹，5月初格老提及對此極感關注後，MSCI全球指數大幅上升（5月份全世界都炒二線股），5月至今美國政府十年期債券利率由三厘九降至三厘三，但高息債券指數並冇上升！即投資者5月份起由擔心通縮改為擔心滯脹！產品以美國為出口對象的股份5月份升幅十分大，因為亞洲區仍未擺脫通縮威脅。

　　大摩推介長實（001），依家長實7.3％市值來自和黃（013），理由係長實持有約50％和黃，如把和黃市值剔除，長江實業資產約每股十五元或較資產淨值低67％；加上長實考慮?新加坡發行REITs，將收租物業套現，已委託新加坡發展銀行（DBS）從事此事；該REITs項目估計約值八億坡元（三十六億港元），回報六厘八，主要係?香港的五大零售商場，依家商場租金回報率七厘至七厘半，有足夠吸引力。照咁睇，長實現價有一定吸引力。長實手上資產（唔包括和黃）65％?香港、22％?中國，其餘?新加坡及英國，假設今年內本港住宅樓價再跌15％、寫字樓價再跌30％，今年年底長實（唔包括和黃）資產淨值係十五元六仙，即使係咁，長實現價仍然略為偏低。不過，地產商認為，香港證監?發展REITs方面步伐太慢。

　　香港大學以六千三百八十萬元購入中環統一中心六樓二萬九千方呎寫字樓，平均每方呎售價二千二百元，創中區寫字樓價新低！

　　如果股票只升不跌，生活自然過得寫意，香港人人可發達。事實並非如此，股份可升可跌，尤其?熊市中，往往上升日子短回落日子長，熊市中的利潤一如暑天吃雪糕（如不及時吃掉便好快溶化）。至於所謂民營企業一如酒後去派對，以為自己認識全場最美麗的女性，第二天醒來才發現佢冇化??容貌可以嚇自己一跳！乜?超大（682）、歐亞（932）、中國稀土（769）及近日上海地產（067）……都係投資者酒後糊塗事。

　　?熊市中，選取優質股並唔容易，尤其今年流行炒細價股，唔少二線股?今年上半年股價上升一倍或兩倍。今年比較集中?工業股，因為美元弱勢對工業股有利，尤其係產品出口；有一部分往歐洲者單係賺匯水，已可令公司純利增加25％以上（主要係匯率因素）。至於表現失色者，可用止蝕盤保護及早同佢講拜拜！換言之，今年選股五隻幾出色賺100％或以上，五隻好失色蝕15％止蝕，上半年成績已可令資本升值40％；如再加入小小技巧令勝出率達60％，失敗率降至40％，今年投資成績便幾好。所謂小小技巧如下—一、只選RSI?50或以上者；二、只選股價?一元至十元者（許多股份因此唔入圍）；三、只選市值低於公司營業額者；四、只選股價唔高於賬面值一倍者；五、只選?低於恆生指數平均?者；六、只選最近一年營業額較去年同期上升者；七、只選今年純利上升者。利用七大要素，一千多間上市公司只餘下一百間左右，保證你選股方面十間有六間有出色表現，成績好的投資者每年可將資本上升100％！成績差的投資者每年亦可將資本上升20％，而且風險有限（因為有止蝕盤保護）。



發達容易搵食更艱難


　　我老曹相信差唔多任何人都可發達，發達並唔需要特別天才、家庭背景甚至學歷。我老曹曾經寫過「發達容易，搵食艱難」，即發達較搵食容易，但點解社會上咁少人發達？理由係95%?人?發達過程中犯錯，事關佢地唔記得開門七件事：

　　甲、誤信貼士。太多人唔做功課，睇報紙大標題買股票，如果D專家咁叻，點解佢地自己未發達？如G你停留?聽貼士水平，我老曹保證你冇發達！

　　乙、識乜唔重要，認識邊個才重要。請多點交朋友，我老曹係指可互相扶持的朋友，而非豬朋狗友。如果你同猴子在一起，你的思想行為遲早同猴子接近。

　　丙、做事要專心。唔少人以為別人發達係勤力，其實剛相反，世上最勤力的人通常從事低收入工作，富人工作時間並唔長但專心，一旦投入工作往往可廢寢忘餐，直到工作完成或上軌道後交畀屬下員工為止。

　　丁、誤信錢搵錢，以為自己窮係上一代冇蚊年剩落。事實上，唔少人富有的理由便是上一代貧窮，佢地立心脫離窮籍，結果錢愈賺愈多，最後富甲一方。佢地?致富之道係一旦機會來臨便利用槓桿原理（不懂借錢的人唔會發達，亂借錢的人很快破產），因此佢?財富唔只由一百萬元變成二百萬元，而係由一千萬元變成一億元。換言之，看準機會?一段時間（例如十年）內令財富高速增長，然後及時減債便可以印印腳矣。

　　戊、大富由天、小富由儉，呢個世界冇天時地利人和，你唔可能成為蓋茨、畢非德或李實發，呢類人一千萬人中少於兩個，真係一命二運三風水……。對一般人而言，一千萬元應該十分吸引，如你肯花三十年時間去達到上述數字，人人可以做到，並非白日夢。

　　己、好多人話「財富係一項負擔」，呢句話係講畀窮人聽?，唔好信。財富絕對唔係一項負擔，你可以交畀私人銀行負責或請專人負責。財富的好處係令你財政獨立，唔使為幾萬銀折腰，可從心所欲地去做自己喜歡的事。

　　庚、富有的人視賺錢為一種興趣而非一項苦差，一如我老曹每天寫呢個專欄三十年不變，有人問辛唔辛苦？答案係有時冇材料都幾辛苦，除此之外都係樂趣，希望讀者透過我老曹提供的財務意見改善自己理財方法；同時，在為讀者搜尋資料過程中，我老曹亦搵到投資機會。任何視賺錢為苦差者一定唔會發達。在此順便重溫我老曹的「投資哲學」—A、不要趁低買入，因為你唔知幾時才係最低，寧買當頭起，莫買當頭跌；B、永遠記住行使止蝕，防止小損失變成大損失；C、買賣前先做功課；D、財富係透過逐小逐小累積起來的，唔好期望一朝發達；E、冇必勝投資但有必勝投資策略。

　　中信泰富（267）將上海固定收入項目套現六十一億六千萬元，由於售價只較投資成本略高，對資產淨值影響有限。以套現六十一億六千萬元計，即每股二元八角一仙，會否用於回購？上述資金足可回購20％股份。由於中信泰富息率達六厘七五（唔計去年一元特別股息），令中信泰富下跌風險唔大；加上出售上海固定收入項目，將令今年純利增加三億五千五百萬元。如今中信泰富只可用作收息，因為同時持有國泰航空（293）及港龍，所受打擊大於太古（019）；?出售固定收入項目後，已冇?經常性收入。

　　上海實業（363）亦面對失去道路項目，收回四十八億元，用於向母公司收購國內A股及?創業板上市之上實醫藥（8018），加重?藥物及生物科技方面投資而失去經常性收入，估計令今年及明年純利減少，建議減持。

　　華創（291）?中國發展超市及零售亦受挫折，受沙士影響，第一季超市出現一千八百五十萬元虧損，去年同期獲利五百萬元；深圳超市營業額亦下降5-10％，導致2003年及2004年純利展望欠佳，建議減持。

　　太古雖然亦受國泰航空盈利下降影響，但因為租金收入所佔比重較大，抗跌能力較強，仍有上升空間，估計仍可上升三、四元。



國泰今年純利睇淡已成定局


　　國泰航空4月份乘客減66％，令載客系數由去年4月的79％，跌至今年4月的40％，睇?要恢復沙士疫症前水平，仍有待努力，因為今年夏季北美洲及歐洲客早已安?鉦期，多在沙士區以外，甚至7月1日起香港政府大大提供著數，亦很難改變北美洲及歐洲客的取向。換言之，國泰航空今年純利無法睇好已成定局，雖然七十九架飛機中，有二十二架已停飛，十八個董事合共減薪二百一十六萬元，另要求職員放無薪假期而節省三億元，5月25日香港機場減停泊費50％亦冇幫助，估計國泰今年能收支平衡已萬幸，明年估計每股獲利八角四仙，?十四點一一倍，即使咁，亦只可?明年見十二元，現價冇吸引力。

　　東方航空（670）受沙士影響，5月份載客量只有26.7％，去年同期65.7％，共運載十六萬二千五百四十人，較去年同期減84％；貨運率74.2％，較去年同期51％明顯增加。

　　十一個OPEC成員國開會後，宣布維持產油量不變，下一次開會日期今年9月。

　　新萬泰（433）繼續停牌，公司宣布未得到有關錢永偉被調查的通知，公司及附屬公司亦冇受到中國及香港方面調查，只係6月3日起公司同主席失去聯絡。

　　意科控股（943）停牌。

　　中國發展（2940）建議配售新股。

　　中國燃氣（384）投資四千六百多萬港元於淮南合資公司，位於安徽省中心地帶，佔地二千一百多平方千米，共六個直轄區及一個直轄縣，人口二百零六萬人、家庭用戶六萬六千戶，其中六萬戶用液化燃氣，其餘煤氣，估計2005年用天然氣四千三百萬立方米，公司可分享利潤。公司亦因此發行六百萬美元可換股票權，換股價二港元，如發行新股，將佔擴大股本約1.89％。

　　星港地產（245）以每股一角發行六千萬股，佔擴大股本16.5H，集資五百七十萬元用作減債。

　　中國置業（170）改名為中國資本，6月12日起生效。

　　新鴻基（086）起訴阿正，要求歸還三千五百七十萬港元，上述貸款今年4月借入，阿正及阿萍係擔保人。

　　亨達（111）購入元太20％，代價六百萬元。元太係?台灣提供外匯買賣、貨幣融資及外幣檢匯經紀業務，去年獲利九十四萬三千元，資產淨值一千九百七十九萬四千元。

　　信用卡防盜（1051）配售一億九千三百九十三萬四千股，每股一點六仙，佔擴大股本3.59％，集資三百一十萬元作營運資金。

　　現代旌旗出版（8010）2002/03年度虧損三億四千三百七十三萬五千元或每股九角八仙，唔派息。

　　大中華科技（8032）半年虧損三千一百七十二萬五千多元或每股四點三二仙，唔派息。

　　■泓?應用環保科技（8143）、大誠電訊（8003）6月20日；匯創控股（8202）23日；金衛醫療科技（8180）24日宣布業績。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.