VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, [4] ]

[ Next Thread | Previous Thread | Next Message | Previous Message ]

Date Posted: 02:08:50 06/07/03 Sat
Author: PW
Subject: 唔好再玩港人啦

　　5月25日，周日。「旅警」一除，果然到處人山人海，「豬欄效應」威力仍在，可喜可賀。經過沙士一疫，香港醫護人員揚名四海，連美國國家健康研究所傳染部門主管接受《金融時報》訪問時，亦猛讚香港醫生認真醒目（but the people in HK......are real smart），佢話，若非港醫斷症明確，世人仍唔知發生乜事也。美中不足者係，呢位掌管傳染病研究十幾年之醫師，冇話が綠化郎暨炮仗楊領導香港醫生才有此突破，中外不同之處在此。醫生威則威矣，但在官辦醫療機構服務者，據一項未經證實之估計，約百分之四十七點八屬負資產族，此幾年前政府引誘公營部門僱員買樓有以致之，亦與沙士之役中冇人辭職多少有關。

　　今早行山，幾乎同王阿平率領的你的公僕大軍相撞，稍後睇電視，方知佢行山後又去開大食會，以示支持本土經濟云云；你的高薪公僕暨官太們如果真的能天天在港消費，把北上做大爺之優良傳統糾正，則香港通縮必然失色而本土經濟必有起色。


周圍去蒲以為親民


　　港大阿勇又有新發現，話沙士病毒來自果子狸，行友甲話佢入冬必食此獸，以其肥肉甘腴無匹也，佢食之經年，已有抗體，冇話就此唔食，如果唔食，可能仲有害，事關身體已習慣驉A便如飲酒之人一旦戒酒可能誘發諸種無名病痛也。思之亦唔係冇道理。行友乙問眾人有冇睇電視播出蛇皮下布滿細蟲之恐怖鏡頭？眾人話冇。佢於是話雖然好得人驚，但冇人食史匿殺死咪者，遵古法製之蛇羹蛇肉蛇膽，國人食之數千年，從來冇事，今天又何須自禁。其實現今之蛇羹，多取冷藏蛇肉，絕對符合Э生標準。乙話以蛇羹讌客仔之某大華資銀行，去年購進越南凍蛇肉凡八千一百二十四磅餘，食之者數千人，有乜事隉H我地千祈勿太驚青。總之一切要講Э生，對非殺死咪之食物要煮透煮熟，何事之有也。

　　行友甲又話，冇耐前有個小朋友鷊M人節在網上散布香港係疫區消息，搞出了滿天神佛，幾乎要拉要鎖，事關特府唔肯承認當時日有數十新病例的香港為疫埠也！點知世Э一早當正香港為疫區，特府未提抗議，更加不動聲息，若非呢次世Э宣布解除香港「旅警」之外，「但仍保持疫區地位」，相信冇幾多個港人知道我地係疫區。香港既為疫區，港人外遊必受諸多限制，咁對本土經濟亦係有益之事也。

　　台灣沙士疫情在惡化，新感染個案達二十三宗，總數五百七十人，死亡人數達七十二人，成為世界上排名第三僅次於中國大陸及香港（人均仍以香港第一）；中國大陸疫情亦未受控制，新感染個案達三十四宗，新死亡人數五名，令總數達五千三百零九宗及三百零八人死亡。擔心多倫多例子在港重演？上周世Э組織解除加拿大旅遊警告後，上周五已出現新個案二十五宗，上周六再上升至三十三宗，另有五百人被隔離。美國已恢復向國民發「旅警」，睇ワ加拿大旅遊又一次陷入不景氣。所謂出入境探熱措施其實係心理遊戲，而且存心欺騙者只要過關前兩小時啪 一粒退燒餅，便保證所有儀器探唔到熱而順利過關。港人如太早解除警戒令沙士反撲，到時信心打擊更大。綠化郎之表現係「憂得太遲，樂得太早」，好似細路哥咁，唔似領袖，今午眾行友畀佢齔分係「唔合格！」；反觀廣東省官員於歡迎世Э組織取消旅警之後，仲話唔會放鬆任何措施，繼續全力抗炎，唔似香港D高官你的政客及公僕立即周圍去蒲！或者有人以為咁就係親民，當香港市民係幼稚園BB班學生咩？今天香港有二十七萬人失業十多萬家庭負資產，部分前線作戰醫護人員屍骨未寒，有些仍在深切治療室內同死神搏鬥，生死未卜，何樂之有？失業、半失業及醫護人員及佢地之家人が電視機上睇見D高官咁快好烚皮咁去蒲，唔知有何感想？高官們請唔好再玩啦，你的子民已經被你地玩死矣！


錢果老同二少有得揮

　　積蘇仍然妾身未明，丙話好快拍板，蘇公為爭取本身最大利益遲遲唔肯簽約也；另一方面，蘇公一去，其職一分為二，地鐵又要請主席又要CEO，獵頭公司生意興隆，唔在講矣。前者聽講為錢果老所得，後者正在狩獵之中。果如係，好戲在後頭，事關如此一來，未來兩鐵合併後之主席便唔一定係田二少之袋中物；錢果老歷任上市公司主席，又曾任行政局同行政會議成員，兼且が科網潮中大大地賺了一筆，家財巨億，專門做冇薪工作，因此同二少有得揮也。有一點必須說明麉Y，我老曹口中之錢果老，唔係話佢已老，而係話佢辦事老練老到咁解。

　　道指5月份初已略高於二百天移動平均線，加上3月12日道指低企7416點較去年10月10日低點7197點為高，呢次反彈能否高出去年12月2日高點9043點？道指要高出9043點，才確認一浪高於一浪！上周末阿殊減稅方案獲國會通過，能否令經濟復甦？未來美國經濟表現再不能將責任推畀克仔或「九．一一慘劇」，由呢個禮拜開始，道指方向將決定阿殊及美國經濟未來命運。9043點係重要分水嶺，如道指後市高於此點，證明熊市或者が去年10月結束，淡市不超過三年；反之，如無法打破9043點而掉頭回落，道指出現連續四年回落，此乃1929-32年以來第一次，擔心道指將步日經平均指數後塵。至今為止，今年道指升3.11%，標普上升6.07%，納指上升13.07%，情況唔太差，未來七個月又點？85-87年列根為鬙O美國經濟保持活力，聯儲局主席老伏令美元兌馬克回落50%；格蛇87年4月上任後一再加息捍Э美元匯價，間接引發87年10月股災。2001年起呢次輪到格蛇去推跌美元以保持美國經濟活力，佢有冇老伏一樣功力，令美元匯價回落50%阻止經濟衰退出現？木宰羊。


恆指仍一浪低於一浪


　　恆生指數今年表現較道指差，4月25日見8331點，連去年10月10日低點8772點亦跌破，繼續一浪低於一浪。4月份恆生指數同RSI出現三浪背馳後才反彈，至於能否破二百五十天移動平均線？機會存在，事關道指早已企於二百天移動平均線之上很久矣。不過，能否挑戰前浪高點10246點，便較道指渺茫。が熊市中，最常見的行為係空手入白刃，捕捉那把下跌中的利刃，有人成功，但更多人因此而損手爛腳。上述遊戲不但危險，同時意義唔大。賺大錢唯一方法係趁大方向正確，而非捕捉熊市中的反彈浪。事實上，股市三分二時間係上落市，只有三分一時間係上升或回落，但決定成功或失敗便是那三分一時間。我老曹只知道，一旦趨勢形成，通常以年為單位……。我地心理上可以同情受害者，但思想上必須同受害者保持距離，成為受害者理由係擁有受害者心態，正是酒不醉人人自醉，花不迷人人自迷。

　　聯想（992）本周三公布第四季業績，今年1月至3月國內受沙士影響，估計業績仍不俗，但分析界注意力集中が公司對今年4月至6月展望，擔心呢段日子沙士が國內情況惡化，對個人電腦及手機銷售有不良影響。

　　唔同時段唔同地方關心唔同事物，2000年係科網股，2001年係「九．一一慘劇」；去年係外匯；今年會否係黃金？1945-70年呢二十五年係金本位時代，全世界貨幣供應只上升55%，1971年老尼關掉「黃金兌現窗」，至今凡三十三年，全世界貨幣供應上升2000%！其中大部分更が87年格蛇上任聯儲局主席後才開始。美國新印刷的貨幣大部分由亞洲區各央行買去，佢地加起來共持有一萬五千億美元作為儲備，未來美元匯價很大程度由亞洲各央行決定，一旦佢地有一天對美元失去興趣美元匯價肯定大跌！亞洲人辛辛苦苦生產貨物運到美國，供美國人消費賺取美元然後保存下來，但70年日本先經歷惡性通脹，然後95年起又進入通縮。九十年代美國成功之處係令亞洲人賺了美元後唔兌現為外幣匯走，而係投資美元資產如股票、債券、物業，結果美股美債券同物業皆出現大牛市（雖然股票牛市2000年結束，但債券及地產牛市仍未完）；另一方面，亞洲各國紛紛為產品出口美國而過度投資生產力，結果引發消費品價格進入通縮期，並由日本開始向其他地區擴散，日本95年開始，香港98年10月開始，由於ン現金至今跑贏大部分投資，結果愈來愈少人投資；消費品一年較一年便宜，結果人人學曉延遲消費，令社會陷入流動資金陷阱而無法自拔。通縮正由亞洲入侵歐洲，威脅北美洲，美國已築起防禦工程（將美元一再貶值）；反之歐洲央行卻冇採取行動，が過去一年讓歐羅兌美元升值24.04%，今年德國CPI只微升少於1%，歐羅區CPI升幅少於2%，估計好快加入通縮行列，最後只有美國獨力頑強對抗通縮。


睇翵牧Q有乜符弗

　　年輕人著重創造財富，年老人著重保留財富。今年日本六十五歲以上人口佔19.04%，十五歲以下人口只佔13.72%，政府策略著重保留財富。美國六十五歲以上人口佔13.11%，十五歲以下人口仍佔21.31%，政府策略著重創造財富。香港過去人口大部分來自中國大陸的非法移民，如非年輕力壯如何偷渡來港？形成香港人口經常係年輕人佔多數。80年10月政府制訂「合法移民」政策，每天來港人數由一百改為一百五十，減少大陸人透過偷渡來港，變成港人回國娶妻申請來港為主。81年起年輕力壯的生力軍已唔使來港，以在內地亦搵到啖食也，到髐E十年代香港一如其他城市，人口老化問題漸現。97年7月1日特區政府成立，整個策略更由創造財富改為保留財富，97年起香港走上日本老路。過去六年進取投資者一而再、再而三、三而四受到懲罰；反之，保守投資者穩坐釣魚船，經過六年時間，持有債券者、存外幣者、買保本基金者甚至定期存款者之財富或多或少增加。此趨勢已形成，除非有巨大外力才能改變，不然未來投資方向仍以保守為主導。如此一來，如何振興經濟？且睇赤松又有乜符弗？

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.