Author:
過氣芳濟人
[ Edit | View ]
|
Date Posted: 23:45:20 07/04/04 Sun
我只想回應一下Richard既問題
1)冇錯,高官問責制我亦認為是需要的,但不是每個人都知道該如何正確運用....冇錯 ,有問題要追究,但是否所有問題亦應立即嚴加追究?
即使因此而會損失更多?你似馬時亨為例,我似SARS為例.無可否認,SARS一事政府出現一個重大錯誤,但正當政府忘於善後時,不知你有否留意,有一批人(好像是淘大住戶),已經立即要求政府賠償,和楊永強下台.可是當時政府表示於妥善處理SARS問題過後才接手處理時,他們立刻責難董生護短.請問,實際情況是楊永強正全力處理SARS問題,我們應立刻拉佢落台,另找人選 ,或是於SRAS過後再行處理?
我只想話,你能夠有如此深入既睇法 ,但不是所有人亦有能力.我只認為,不少香港人沒有事分輕重既能力.
2)你擺森美小儀上黎..我都唔知點講...鄭生話人身受威脅..請問政據lei ?講真,唔係話串人 ,佢地講個幾日,你有冇見佢地提出證據ar ?你話恐嚇係刑事罪案之一,咁都要"證據"ga....唔知你有冇聽新聞,李鵬飛封咪時話佢冇受壓力,到兩日後就話受到人身威脅...咁佢有冇受威脅sin ?如有點解兩日前唔講?唔通佢講個日就冇威脅?
3)你成日話提出抗議無問題...無錯,有不滿提出抗議好正常,但唔該你用呢點反駁前睇清實際情況...亞視新聞於7.1當日訪問一個女人上街既理由,佢既理由係政府唔俾工佢做!聽清楚,唔係政府無改善經濟情況,而係佢見工人地唔請佢 ,佢去社處要人地直接俾份工佢,人地拒絕,佢又去上街遊行...例2,我住個屋村當日亦有組隊去7.1.當時有一大班長者.我媽去問佢地不滿d乜 ,似下係佢地既回答(一字不留) "冇呀,其實係呀xx太 同xx叫我去ga ja ~" xx太"hey ,人地呀xxx(我個區既民主黨議員)話我地唔去既話,遲d我地講乜都唔得ga la ! ,飲茶都會有人偷聽ga ~ (!)" xx "係呀係呀,妳去la ,去左都有人同妳傾計,唔悶ga !" 跟住,一大班長者 就走過黎附和....
你講ga係你想像既情況,根本考慮到有幾多人抱持住上述既態度!
4)冇錯!只識投訴同要求更多,就係我近日見到既香港人 ...天水圍慘案,我睇報紙只係見到d人話政府資源不足,警方失誤,冇足夠輔導...咁但係個直正原因lei ?係唔係個d家庭要負一部份責任呢?香港男子往內地搵老婆,既冇透露真實情況,女方又冇查問清楚,就貿然來港, 導致慘劇發生,就把責任完完全全地推給別人...仲有大量例子,是否需要我一一例出?唔係所有人都係咁,但無可否認香港有大量人"只識投訴同要求更多"!!
最後,你有聯想,我亦有 ,就是一班議員,拿起一大堆透過別人搜集回來既數據,把當中既數百個意見當成數百萬人既意見,既冇親身查問,又冇長時間觀察,就大大聲講" 根據市民既意願...."
|