Author:
無我
[ Edit | View ]
|
Date Posted: 06:14:09 06/03/03 Tue
其實我所針對亦只不過係各位既看法及進步兄既果句「我理得你有冇熱誠~~總知對學生有利就行了」呢一句,但我卻十分同意進步兄「連最基本既教學熱誠都無,何來有效率可言」。
不過係我地追求效率及結果中,會唔會忽略左呢個過程呢?就以讀書為例,我地係咪就係因為成績,為左將來而讀書呢?讀書既過程難道係無值得人享受既野咩?與其係咁,倒不如將人類改造成機械人,只須放資料入電腦便明白所有東西,不好嗎?
進步兄,我可能係第一篇既留言過激,亦係因為我才疏學淺而曲解進步兄之意,但我卻覺得熱誠係必須的,既然佢地已經盡左力,我地係咪真係須要有成果先算成功呢?
若然係咁,我想問問小人物,舊生同黃藥師三位朋友,屈原對我地有咩貢獻,有咩成果,我地大概不必再紀念佢,聽日大家唔返學?
再問,文天祥又有貢獻,諸葛亮又有何貢獻,關雲長對我地又有咩貢獻,點解我地都紀念佢地。佢地三個,一,不能助其國家稱霸;二,經常打仗,苟延殘喘,拖長國祚,令戰禍連連,民不聊生。但係點解,點解我地今日仍有不少人紀念佢地,因為佢地既忠心,義氣同埋對民族既熱誠。
唉...同學,「己所不欲,勿施於人」,你地大概唔想比人「一次不忠,百次不用」卦,將心比心,人地有教學熱誠但係可能呢一年教得唔好,何不得饒人處且饒人,比多次機會人呢........
言盡於此,小弟不欲引起罵戰,惟望進步兄多多包涵.............
哈哈哈,一笑而過吧..............................
|