VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1], 2, 3, 4 ]

[ Next Thread | Previous Thread | Next Message | Previous Message ]

Date Posted: 04:07:47 09/08/03 Mon
Author: 曹Sir
Subject: 投資者日記 冇癮之位有人吼

9月1日，周一。市面的確旺ホ好多，若非長期客仔有張固定燽^，飲午茶都難搵位矣。今午茶座，眾茶客又口沫橫飛，茶友甲話陳公退休在即，炮轟官員不合作，「當局不重視，立法會不支持」，審計署呢個位都幾惡做，此乃事實，但唔係咁就冇人吼住呢個位。甲話陳公之繼任人選為馬田鶡黺Q親方大俠，聽講佢知道吃力不討好，心大心細，但佢夫人則極力慫恿，勸佢犧牲自我，勉為其難，獻身社會，為人民服務，卸任時保證有水蓋一枚；成晚хх哦哦，搞到佢腦交戰無心睡眠凡數夜之久。其實，甲話回歸後所有同你的公僕「作對」者都冇好下場，佛老稱你的公僕為建制中之暴君，非無因也；不過，甲又話，如果最高當局大力支持，冇癮之中都有幾分成就感，弊在依家之領導人冇晒規矩，連起碼之禮貌都冇。茶客乙話對此佢有同感，好似華哥咁，做ホ五年冇牌國師，雖然冇へ半文人工，但葉公好龍（銀龍之龍也），財來自有方，傳說任內所得之蚊年比佢老細多得多，不過佢籌措咁多銀O，都係要為香港經濟繁榮盡點力隉A豈可如此便連一封多謝信都冇就無形「解僱」？咁就太過矣，其實呢D信有格式鵅A改頭換名又一封，真係舉手之勞，但綠化郎就係要畀你難堪。佢點做中央都會挺佢，吹咩？

　　今天恆生指數最高見11039點，其後有獲利回吐，收市10903點，倒跌5.59；成交一百四十二億六千八百萬元。9月期指高水，收10921點。


唔好同央行搞對抗


　　近期爭秋奪暑，天氣瞬息萬變，小心駛得萬年船，請記住訂下止蝕盤，萬一有咩事就係咁先，事關大市已由低於二百五十天線15%到今天高於二百五十天線15%，由一個極端走向另一個極端。4月25日至今過去四個半月最特殊現象便是國企股、紅籌股同二線股，由過去表現遜於大市變成過去四個半月表現優於大市；反之，國內A股同B股這四個半月表現認真差，不?逽有機構投資者過去四個半月在國內拋售A股同B股，將資金轉投本港H股同紅籌！不過，唔好同中央銀行搞對抗，最近收緊銀行信貸，或遲或早影響國內經濟，亦代表中央政府曚貌k—經濟的確有D過熱。展望後市短期即未來兩、三星期仍會反覆向上，但中期甚至長期應該得些好意須回手。


9月係二線股天下


　　香港第二季負增長3.7%，連續兩季GDP負增長，確認97年7月香港主權回歸以來第三次出現衰退（第一次98年亞洲金融風暴，第二次科網股泡沫爆破，第三次沙士疫情），復甦力量一次不如一次。98年因政府入市干預股市，引發V型反彈；2001年因為減息亦好了一段日子；呢次靠中央政府提早批准自由行……。

　　上海實業（363）半年純利升1%，全年純利估計十一億七千萬元，升4%，每股獲利一元二角六仙，?狺Q點二倍，不過不失。近期上實發展物流，或者對未來前景有幫助。

　　電盈（008）跌1.7%，見四元四角五仙，花旗銀行下調對全年純利估計，建議減持，又睇蘇公有乜符弗。東瑞製葯（2348）跌3.4%，見八角五仙；佐丹奴（709）升4.6%，見三元四角；Joyce（647）升58%，見三角八仙；莎莎（178）升13%，見一元八角一仙；中遠太平洋（1199）升8.1%，見九元四角；龍記（255）升4.6%，見三元四角。個別股份因應公司業績及前景展望而調整，睇謙蒤9月份大市方向仍是個別發展。

　　中原物業顧問公布，8月份房地產銷售較去年同期升25%，達一百六十七億元；交易數目升31%，至七千九百二十九宗，較7月份再升3.5%。相信係沙士疫情過後正常反彈。 　　熊市二期大市習慣在二百五十天線穿梭。以日經平均指數為例，95年7月3日最低見14296點，較二百五十天線18372點低22.18%，出現強力反彈；96年6月26日見22750點，較二百五十天線19390點高出17.32%；事後日經平均指數並沒有出現牛市，由96年6月26日起再次回落，最後連95年7月3日低點亦跌穿【圖一】。

　　同樣情況今年4月25日在本港出現，受沙士疫情影響，當時恆生指數8331點，較二百五十天線9889點低15.75%；9月1日恆指最高見11039點，較二百五十天線9539點高出15.72%【圖二】！唔怕一萬最怕萬一，香港會否重演日股走勢？吳起兵法：三戰三勝應鳴金收兵，因為四戰四勝的話便變成驕兵，驕兵必敗；如五戰五勝，便連軍紀亦無法執行，遲早一敗塗地。

　　2000年至2002年連續三年都係3月至5月見頂，9月至10月見底；2003年會否變成3月至5月見底，9月至10月見頂？如以量度升幅計，最大阻力在11500點。4月25日8331點至6月18日見10067點，升20.83%；7月2日由9512點起步上升20.83%，在11493點遇上重大阻力。由於近日唔少股份除息影響恆指計算，總之11000點以上大市將遇強大阻力。

　　藍籌股上升幅度極之有限，估計9月份係二線股天下，二線股在9月份將炒個不亦樂乎。請記住玩二線股口訣：「細細注，大大聲」！


貴金屬交易再度活躍


　　上周紐約貴重金屬交易所會員牌以二十二萬美元易手，係一項新紀錄，代表貴重金屬交易又活躍起來。事實上，今年貴金屬首八個月交投較去年同期上升29%，白金價已升至二十三年新高，見七百一十二美元一盎斯；黃金未平倉合約相等於全年產量40%。最大改變係今年6月資金從債券市場流向商品市場，在美元匯價上升的過去三個月，金價不跌反升至三百七十六美元，亦是少見，目前已十分接近六年高位三百八十八點五美元。

　　拋售美元行動9月份又開始，唔係一天之內大跌，而係每天回落些少。過去期望伊拉克戰爭後油價大幅回落的情況並冇出現；反之，伊拉克局勢卻漸漸令人擔心，伊拉克會否變成另一個黎巴嫩？如美軍無法維持安定局面，如何吸引外來投資者？另一方面，如伊斯蘭恐怖活動只局限在伊拉克境內，那洎^美為何出兵？上述疑問已令貝理雅民望大跌，至於明年美國總統大選……。基於人道立場，我老曹當然唔希望伊拉克變成另一個黎巴嫩，派系之間互相仇殺，令大量無辜平民受害，最後令黎巴嫩變成一個廢墟；尤其伊拉克油藏豐富。

　　漫長暑假結束了，馬季開鑼，6月18日開始在恆生指數10000點以上炒個別發展的資金，會否同時結束夏日戀情？


股市並非銀行提款機

　　事關大市已由4月份沙士疫情嚴重超賣區進入今天嚴重超買區，值得投資的股份愈來愈少，經過兩個半月活動，恆生指數只升10%，個別二線股卻上升100%甚至200%，在恆指11000點附近，投資戒心自然較10000點大，呢個上落市到底可維持幾耐？木宰羊。請記住，股票市場唔係銀行櫃員提款機，許多時甚至係消滅財富最快的工具。冇人事先知道大市何時見頂，但當恆指拋離二百五十天線15%的今天，都係小心一D為佳。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.