投資者日記二三線股炒到發癲 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1], 2, 3, 4 ]

[ Next Thread | Previous Thread | Next Message | Previous Message ]

Date Posted: 04:08:24 09/08/03 Mon
Author: 曹Sir
Subject: 投資者日記二三線股炒到發癲

9月2日，周二。人未坐定，甲便向眾茶友鎖你，話「呢餐係我嘅」，點解咁謙兼咁闊佬，原來佢話擒日報錯料，審計署內定人選為阿正，唔係佢大佬；我老曹遂冇聲出，本來想對佢有所批評也，點知佢一嚟便自我檢討，算佢啦。甲話佢只有繼續爆料贖罪，此料乃堅嘢咁講。究竟係乜料，原來係朱古力最近專程赴曼谷為一位小輩做婚禮主禮嘉賓，地位如此重要，當然要上台講嘢啦，點知佢識開口唔識收口，從婚姻人生大事一路講到生細蚊仔，至於戀愛湊BB家和萬事興等等自不然通通地統統地ヘ口棒口冷都插在講詞之中。看官，你道朱古力講咗幾多分鐘，十分、二十一分、三十三分？冇話咁短癮，老友，佢一共講れ四十四分二秒半也。至於具體內容如何，甲之消息來源話真係對唔住，無可奉告，事關佢地夫婦睇見形勢不是小壞而是大壞，一個竄出去酒吧飲嘢，一個唔好意思跟住失蹤，但閤著れ，因此只聞耳邊嗡嗡有聲好催眠而冇句入耳也。眾茶客齊話，此事可申請入健力士紀錄大全，可惜甲之消息來源冇錄音，ゲ唔出證據也，可惜可惜，唔係香港又有一個第一矣！不過，朱古力所以講れ咁耐，乃有市場需求，據講D小輩聽到近睇如睡如眠，遠睇如癡如醉，好似全神貫注但唔知有冇嘢入耳也。

工業股宜獲利回吐

　　受颱風影響，港股半日市，恆指升36.54，收10939.94；成交七十億八千萬元。9月期指接近平水，收10938點。有時朝種樹晚𠝹板係不可能嘅，因為遇上颱風，變成朝種樹晚上棵樹已被颱風吹倒。根據美林證券研究，過去十年9月份股市大部分回落，10月更以跌市為主，尤其係股市由今年4月開始已連升五個月，呢次反彈又係2000年第一季科技股泡沫爆破以來升幅最大一次（拋離二百五十天線15.75％）。

　　美國財長見中國官員，討論人民幣升值問題，由於人民幣同美元掛丶，去年人民幣兌其他貨幣貶值8％，令中國貨出口十分強勁。依家中國經濟仍由出口帶動，佔GDP三分一，不過IMF話人民幣政策要彈性D，中國識做啦。

　　中國政府唔會响人民幣匯價上讓步，亦唔會令斯諾空手而回，例如9月1日起已放寬國人出境携帶更多外幣及在出口退稅上作調整，此舉令中國境內生產廠商產品在出口貨價上必須加價5％才可抵銷出口退稅減少，如此一來，不但減少未來中國貨出口，同時增加中國政府稅收，減少中國政府財赤。自從80年起中國對外資採開放態度，2001年加入WTO，日後亦遵守WTO原則，2005年起甚至金融及電訊業亦對外開放，2008年更接近完全開放；今時今日進入中國較外資進入日本更容易……。至於貿赤乃結構性問題，中國的低技術產品生產成本便宜，呢點甚至匯率出現大變動亦無法改變；相信人民幣匯價唔會改變，但製造業股份卻到れ應該獲利回吐嘅日子。去年10月我老曹建議大手吸納工業股，今年9月我老曹建議在工業股身上獲利回吐。

人民幣乃北京手上皇牌

　　美國財長訪問，此乃胡溫上台後美國最高級官員訪華，雖然眼前中國唔會讓人民幣升值，但相信明年年中阿殊開始競選連任時，人民幣將升值多少以示友好，好應該嘅；行止兄8月6日已話對於人民幣匯價北京「可視為一張皇牌」，睇嚟在適當時候便要用。換言之，國內工業股未來邊際利潤令人擔心，獲利回吐此其時也！

　　隨著人民幣升值（估計明年年中開始），中國人對資源需求進一步上升，展望後市利用未來回落期加強吸納資源股可也。

　　近期二線股炒得幾癲，例如位元堂（897）今天升45.83％，呢類二三線股一旦有人炒，升50-100％並非奇事。

　　散戶繼續炒賣二線股，可能佢地誤會二線股係DVD機或最新流行的手機；分別只係DVD機買入後冇再售價值，二線股買入目的係博升值，通常兩者結果都一樣（過得一排變成家裏的垃圾）。

　　鎮海煉油（1128）上半年純利升16％，理由係每桶石油可賺四點九五美元（去年同期四點一五美元），獲利五億二千四百萬元人民幣；估計全年純利十二億元人民幣或每股四角七點五仙，升23.4％，未來?狺E點二倍，料可再升10％。不過，過去三個月股價已升50％，或面對獲利回吐。

　　中國聯通（762）上半年邊際利潤由49.6％降至39％，營業額上升46.2％，至三百一十九億七千萬元人民幣；但純利只升5.1％，至二十三億八千萬元人民幣；估計全年獲利五十億八千七百萬元人民幣或每股四角，增長19.5％，?狺Q三點七倍，後市表現追隨大市。

　　中華煤氣（003）半年獲利十八億零五百萬元，開始第一階段由石腦油轉為天然氣，成效要數年後才見；估計全年獲利三十二億六千八百萬元或每股五角八仙，增長7.4％，?狺Q八點一倍，後市表現追隨大市。

黃金進入最後收集期

　　金價已升破敏感三角形上阻力【圖】，估計在三百六十七至三百八十美元之間進入最後鞏固，消化8月份至今升幅，如9月份不低於三百六十七美元，下一目標將係三百九十八至四百二十八美元。睇好者可利用9月作為最後收集期，相信9月底前金價將進一步上升，並在年底前升破三百八十八點五美元另創新高（三百九十八至四百二十八美元）。事實上，今年4月金價三百二十美元，已證明乃絕佳購入點，經過今年牛皮消化，相信明年金價表現更加令人另眼相看。

　　上周格蛇的講話內容十分空洞，但已足夠令金價升至三百七十八美元。聯儲局的反通縮陣營漸漸變成金融市場的通脹因素，令股金齊升，金價上升乃物有所值，股票亦在太昂貴的情況下一升再升。股票在上升期乃最佳的財富產生者，例如匯控（005）由91年1月的六元上升至2001年1月一百二十二元，上升二十倍，可惜呢類升幅已變成恐龍，只存於2000年前，進入二十一世紀已變成極之稀有難尋。值得注意嘅係，股票在回落期乃財富最佳破壞者，例如電盈（008）由2000年2月的二十七元六角（合併後一百三十九元）回落到今天八角八仙（合併後四元四角），所帶來的財富破壞力媲美97年7月至今過去六年樓價回落帶來的破壞。

　　7、8月份消費回升，人們解釋為自由行，其實更大影響來自政府退稅及退差餉。一個中產家庭的戶口無端端多れ六千元，一百萬家庭（三百萬人口）在7、8月份齊齊用多れ六千元（約六十億元），才是7、8月份通街都係人之真正理由（加上沙士期翳れ幾個月）。隨著9月復課，港人所獲退稅及退還差餉共六十三億元使晒，相信9月份經濟好快又靜番（雖然9月1日起多れ北京及上海居民加入自由行），到10月黃金周又會好番，因為5月份黃金周冇來港旅行團10月一併來香港。令人擔心嘅係，上述情況不能長久維持，因為事實上國內人民人均收入只及香港人十分一（即使上海亦只及港人五分一），一次自由行消費一、兩萬人民幣，可能已係數年積蓄；換言之，自由行帶來嘅唔係「經常性收入」。

小心格蛇愛你變成害你

　　經濟模式無論如何詳盡及深思熟慮，都唔可以成為一項政策，因為人類そ行為經常改變，令整個經濟模式充滿變數，所有經濟模式一旦成為政府政策，往往走了樣！此乃計劃經濟為何最終失敗之理由，亦係特區政府97年7月1日そ八萬五政策由「愛你變成害你」之理由……。今天最令人擔心そ係格蛇的「再膨脹政策」，結果會否變成另一項「愛你變成害你」政策？情況有如99年為防千年蟲而放寬貨幣供應，結果引發科技股泡沫。無論今天宏觀經濟?嚟庢L觀經濟學在電腦協助下有多精確，但相對人類思想、行為的複雜性仍差太遠，形成一切經濟模式到頭來皆走樣。此乃我老曹經常主張有智慧不如趁勢，在上升趨勢中不妨先買後賣，一旦下降趨勢形成便持盈保泰，並利用止蝕盤鎖死既得利潤。至於上升趨勢中的調整，可理可不理，反正唔係大趨勢；在下降趨勢中そ反彈亦一樣，因為捉熊腳唔容易，至於賺盡每一反彈更係難上加難。

　　許多人忘記れ歷史不一定係將來指示！尤其進入資訊科技時代，變幻才是永恆。例如買樓可以發達そ時代97年7月結束，又如減息股價上升そ時代2001年1月結束。至於淡市不出三年係咪一樣結束，依家仍未確認。97年7月香港主權回歸六年內出現三次經濟衰退（GDP連續兩季負增長），之前亦冇人經歷過。CPI連續回落五年，過去亦冇咁そ紀錄。所謂風險管理，今天連管理風險者亦對自己失去信心，我地又點可以相信基金經理真係可以協助我地趨吉避凶？呢方面好難怪佢地，因為佢地面對そ風險不但書本上冇教，佢地亦從未經歷過，又點樣處理？

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.