投資者日記公帑並唔係咁用嘅！ -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1], 2, 3, 4 ]

[ Next Thread | Previous Thread | Next Message | Previous Message ]

Date Posted: 04:09:18 09/08/03 Mon
Author: 曹Sir
Subject: 投資者日記公帑並唔係咁用嘅！

9月3日，周三。我老曹真係好少咁感動！今午行止兄傳來一封信，原來係九十年代初期在本報做記者嘅女士所寫，信中仲夾咗一張數千蚊嘅支票；信上話佢在本報任職期間，「在交通費開支的報銷上，曾有不誠實行為；在本人所信仰的基督耶穌的光照下，謹向報社道歉及雙倍賠償！」當今之世，仲有咁誠實嘅教徒，後悔大概十年前做過之虧心事並以實際行動表示悔意歉意，可見耶穌之感召力有幾大。我老曹將呢封信畀同事睇，冇人唔對呢位舊同事肅然起敬。我老曹建議把呢筆錢捐番畀呢位前同事所屬之教會，眾皆稱善，希望呢位舊同事（未經佢同意，姓名保密）把地址擲來。

滾石點值呢個價錢

　　綠化郎民望雖升番幾點，但佢仲冇膽去公眾場所，げ日馬會請佢去頒獎，佢便怕被噓而唔制，都算佢有自知之明；げ日聽一位消息靈通友人話港府擬請「滾石」來港，包底四千萬，我老曹已嘩然，事關「滾石」之米高爵士已高壽六十幾，樂隊正在全英巡迴演出，並未引起太大轟動，點值呢個價錢？但剛剛聽新聞，竟然係四千萬嘅一倍，除非有大闊佬贊助，若要用納稅人嘅銀両，咁就唔好怪D拿綜援者要上街矣。IQT仍在蜜月期，笑得都幾可愛。

　　今天恆生指數升162.42，收11102.36兼成交創新高，達一百七十四億六千六百萬元。雖然9月期指低水，收11075點，但基於成交額走在指數之前，相信9月份個市仍然會好顛。德昌電機（179）升4.5%，見十二元七角。二線股已炒熱矣，航天通信（1185）升19.7%，見三角九點五仙，主要係恢復獲利；華人置業（127）升31%，見二元七角五仙，理由亦係恢復獲利；eKong（524）升17%，見三角五仙，理由係虧損減少90%；威新集團（535）跌7.3%，見一角九仙，理由係虧損擴大四倍。雖然係二線股，但股價升降仍以公司業績為依據，唔係亂炒。

　　呢次港股上升主力係資金流向而非乜嘢基本因素改變。照依家資金流向睇，9月份D二線股相信仍有排顛。事實上，唔少二線股今年業績有機會改善。

北水南調早已開始

　　有趣嘅現象係，今年1月至4月中上海A股反覆上升，恆生指數反覆回落；今年4月中開始上海A股反覆回落，恆生指數卻反覆上升【圖一、二】，似乎係北水南調今年4月中已開始！相信唔少機構投資者今年4月開始在國內拋售B股吸茶詏股，國內有辦法嘅大戶亦透過地下渠道拋售國內A股來港買貨！

　　周二道指收市9523點，已高出前跌市反彈50%，美股熊市係咪响去年10月結束？可參考美股專家趙正道的分析。美國十年期債券孳息見四厘六一五，三十年期債券見五厘三四九，今年6月開始出現少見的股升債跌現象，係咪格蛇的「再膨脹政策」奏效？上一次推行再膨脹政策係道指在1966年接近1000點後，到66年10月回落到750點，熊市出現，但由於越戰升級，美國政府唔容許股市出現熊市，聯儲局開始大量印刷美鈔，在貨幣供應上升下，道指68年11月又再次接近1000點，其後又再回落；70年5月道指回落到640點，政府又加印鈔票，道指又再上升，71年5月見950點；同年8月尼克遜總統索性取消美元兌黃金承諾，71年8月開始美元進入浮動匯率期，道指便在700至1000點之間上上落落，直到1973年出現水門事件及73年11月宣布石油禁運，道指由73年1月1050點回落到74年12月580點，熊市才結束。

　　假設冇水門事件令尼克遜總統聲譽大降，假設冇73年11月的石油危機，唔?响ㄨD指在聯儲局貨幣政策下响700至1000點之間上上落落；不過，美元購買力（因供應量大增）卻不斷下降，此乃「再膨脹政策」。

入市變成表現英雄氣概

　　2000年1月至今道指由11750點回落到去年10月7197點，如再膨脹政策成功，美股後市會否便在此一範圍內上上落落，重演66年至82年美國情況？當時債券價格下跌，樓價及金價上升；股價係上落市，美元匯價及購買力不斷下跌……。

　　講完美股，又講番港股。恆生指數由2000年3月18397點至今年4月8331點，跌幅54.7%，無論時間及幅度都有條件完成一個熊市；不過，最基本要求「一浪高於一浪」前高浪係去年5月份12021點。換言之，在恆生指數未高出12021點前，未能肯定什麽，暫時仍當熊市中反彈去分析，直到股市本身有進一步指示為止。作為分析員，淡市莫估低，旺市莫估頂，而係不斷分析大市方向（暫時仍反覆向上），不肯定什麽，亦不否定什麽。

　　股票市場如開Party，愈夜愈瘋狂。道指自1952年至今五十一個9月中有三十個月係回落；標普五百指數自今年3月至今已上升26%，踏入9月係咪進入跌市前的瘋狂？今時今日炒股票一如過澳門葡京酒店玩輪盤，買中げ個號碼一賠三十五，買唔中下次再買過。股市投資已變成表現英雄氣概而非縝密周詳的策略，需要勇氣多於智慧。唔少股份一天之內上升20%、40%甚至60%，而毋須任何理由。「人人都係投資專家」呢個好耐冇見嘅場面又再出現，唔係失業率下降，而係銀行存款利息低，人人從銀行提款出來「博一博」（生意淡薄不離賭博），形成失業率與恆生指數齊升的局面。在衰退期，一般人變得較為貧窮，無論手上資產（大部分係住宅）及收入皆回落，但受存款利率極低驅使，唔少人把心一橫，自然興起入市博一鋪嘅念頭……。97年7月至今香港主權回歸六年有多，唯一保持上升嘅係失業率，今時今日一旦失業（尤其係白領階級），通常要十九個星期才搵到另一份新工作，係73年石油危機後過去三十年人均搵工期最長的日子；如過去二十六個星期仍未搵到另一份新工作，擔心閣下好易變成永久失業，再搵到另一份工作的機會隨時間過去變得愈來愈微。

經濟周期愈來愈短

　　香港人並唔懶惰，今年的香港人同73年港人基本上冇分別，而係國內勞工成本較我地便宜80%，所以我地嘅職位、工序去咗國內，初期我地擁有技術（skills）及Know-how，經過二十五年改革開放政策，港人所懂的技術及Know-how國內人皆懂，但佢地嘅工資只及我地五分一……。今年第三季相信GDP再次恢復增長，此乃97年7月以來第三次，過去一個經濟循環周期長達九年半到十一年，一旦衰退過後，繁榮期將極長，例如75年至81年（長達七年）及84年至97年（長達十三年），但97年至今六年內卻經歷三個衰退，平均每兩年一個經濟盛衰循環，經濟周期變得如此短，有幾多人可以適應？

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.