VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: [1], 2, 3, 4 ]

[ Next Thread | Previous Thread | Next Message | Previous Message ]

Date Posted: 04:17:17 09/08/03 Mon
Author: 曹Sir
Subject: 投資者日記 自由行被吹噓成救星

9月7日，周日。一年容易又中秋，有人歡喜有人愁。今年上半年國際間既有入侵伊拉克之戰，復有沙士疫情；上半年經濟乏善足陳。7月1日五十一萬六千五百餘人上街大遊行後，中央政府速速批准「自由行」計劃，本港經濟乃單料銅煲，少少洢K可以搞得好熱，股市首先在5月份出現V型反彈，到7、8月份炒國企股同二線股，令股市熱到滾瀉……。

　　踏入 9月，暑假完畢，莘莘學子返番學校，老熊係咪亦放完假，重返股市搞破壞？過去四個月老熊係咪去鰴母\？真係考起。

　　今年3月至今，道指已升28％，上周美國十個策略員齊聲同意美股在9、10月份仍可升5至10％，理由係低息及減稅；呢班策略員包括美國銀行、高盛證券、大摩、JP摩根大通花旗及兆富證券等，並認為「九．一一慘劇」兩周年並冇影響云，又話認為聯儲局最快明年年初才抽緊銀根，9月同10月股市仍會反覆向好；部分更樂觀認為未來六個月道指可見11000點。上一次道指破萬點係99年3月，當時華爾街曾為此大事慶祝一番；今年9、10月份油價回落，能否刺激道指重見萬點（上周五道指回落，可能影響周一恆指）。華爾街策略員係咪擁有水晶球，抑或入飽貨等回吐？我地不妨留心觀察—我老曹所以咁犬儒，皆因呢批專家都係私利排帥之輩也。


睇淡分析員少得可憐

　　傳統「買入後持有」策略踏入2000年已不管用，過去三年半時間股市大上大落，買入後持有者不但一再失去獲利機會，同時唔少股份更是愈ン愈傷心！

　　唔知大市方向，點樣投資？好多人話可利用分析工具捕捉上落市，你估係神仙咩？2000年第一季至今有幾多人能捕捉上落市中的獲利機會？答案係冇乜。捕捉時機並非想像中容易，因為最佳入市時機往往係客觀因素，最惡劣日子如今年4月，但一百八十億元大成交額卻在「自由行」被吹噓成為香港經濟救星的9月出現，令人擔心反而係老熊已休息四個多月，會否在中秋前後又再出山搵食？過去三年來的大熊市，有幾多走勢派真正搵到蚊年？如我地唔知大市方向，一味依賴分析工具而能賺大錢的話，此乃世界上最空洞的大話！同鐆透過睇水晶球便話自己能知過去未來者差唔多。初初接觸走勢的人信心爆棚，以為找到發達之門，因為有D工具的確幾有幫助，但隨著年齡漸長、經驗漸豐，發覺所有分析工具準確性只有55.23％，而且在牛市中有效的工具，在熊市中出錯率往往極高，反之亦然，如不辨方向，在熊市中仍採用牛市態度去睇那些分析工具，真係死得人多。過去三年，唔好話只有成半熟的講股佬就算有「國際聲譽」的證券行策略員，亦一樣仆直！幾多人因過去預測牛市重臨一次又一次失敗，部分已因此收到大信封；ァD傾向保守者，至今成績都算有得交代。

　　我老曹認為，熊市第一期在2001年完成，2001年10月起進入熊市二期，熊市二期有效分析工具係擺動指數（Swing Index）。恆生指數已過11000點，能否突破去年5月高點12021點，天曉得。11000點之上我老曹認為應該少玩，因為老熊往往用盡一切方法消滅閣下手上的現金（熊市二期任何事都可以發生）。今年6月份只有16.1％分析員睇淡，此乃87年4月以來最低數字；到9月，睇淡分析員更少到令人擔心。

　　至於?珩z論更加荒謬，自1996年起天天聽見分析員話?狺荌炕A96、97、98、99年股市在一片?狺荌祀n中上升，2000、2001及2002年在?狺荌炊中j市有上有落，睇?狾茩鱞誑禶~前景者，乃分析界另類垃圾！


9-10月係股市轉向月份

　　投資理論極簡單—在人人心灰之時，不妨作最高希望；在人人睇好之時卻要為未來作壞打算。至今港股已踏入第五個月上升，通常升市只能維持六至九個月，係時候開始為未來作壞打算。9月同10月通常係股市改變方向的月份，唔知今年會否重演一次？

　　至於恆生指?鄋點鈱銦A便更加難測。當恆指高出二百五十天移動平均線之上15％，只宜以零用錢入市，因為刀鋒上舐血，唔知幾時有損傷；今年4月恆指同RSI出現三浪背馳，乃大市短期內可反彈訊號，但唔知邊一天會來臨；今天可說的話係大市極度超買，但邊一日回落便木宰羊。投資冇必勝之法，但有成功的策略，今年成功策略係4月入市9月減持，玩細細注大大聲遊戲，4月入市理由係低風險（極度超賣）高回報，如今股市已高風險低回報！

　　外匯方面，今天支持美元匯價者係日本央行、中國人民銀行及歐洲央行，佢地鴾H民努力儲蓄及工作，以便把產品低價出口到美國；美國人則努力消費及印刷鈔票支付入口，中、日、歐賺鷟又到美國買債券或股票……。這是否雙贏之局面？日本人八十年代將賺得的外匯到美國炒賣地產，夏威夷市區土地約三分一畀謋J買去，結果點？中國人民銀行拚命買美元債券，但今年6月18日起債券出現熊市，中國人民銀行如何處理手上堆積如山的美債（仲有日本、台灣、南韓央行及香港金管局都面臨如何處理手上美債的問題），呢D央行行長係如此無助，或者佢地需要的唔再係美債而係一個枕頭，可以攬住喊餐飽！另一可能係或遲或早唔再吸納美金改為吸納黃金，咁就大件事了。除驉m信報》讀者外，其他人手上只有二線股，ン黃金者只極少數；二線股係買謗鵅A黃金才可買豳迭C


金價建立上升平台

　　雖然金價連續上升二十多個月，但相信黃金已進入牛市的投資者仍少之又少（牛市在憂慮中上升！），情況有D似94年債券市場，當年債券走勢打破敏感三角形上阻力，但冇人相信債券仍可上升（因94年美股回落，唔少人以為經濟高潮在93年出現）；事後債市維持多九年牛市，到今年6月才結束。今天黃金是否重演94年債市走勢，即一個大牛市已在眼前但人人視而不見？

　　有智慧不如趁勢，如金價非如估計方向行走的話，便在三百四十美元止蝕離場，但各位不要期望我老曹捕捉到每一個高、低點，此乃不可能的事；今年2月5日三百八十八點五美元出現「天線」走勢帶來獲利回吐，稍懂走勢都知獲利回吐已在眼前，結果金價在三百二十美元重建基礎；至於今年高點係咪三百八十八點五美元？要日後方知。

　　CRB商品價格指數2001年10月見底，世界開始由「非實物」（intangilble assets）走向實物投資；CRB指數已結束二十二年的下降趨勢，2001年10月起止跌回升，此亦係今年6月債券牛市結束之理由。技術上睇，97年黃金開始進入收集期，金價與RSI出現三浪背馳，至2001年已完成收集，今年打破下降軌才出現獲利回吐，現階段在建立上升平台【圖】。在牛市初升期，唔少人所犯錯誤乃太早獲利回吐，結果錯過大升浪；在熊市中，唔少人最大損失乃趁低吸納，結果買入後卻跌穿支持位。我地太計較眼前得失而錯過大趨勢，此乃散戶常犯毛病。


人民幣升值將刺破國內樓市泡沫

　　周一阿殊U洁A大家小心聽住。依家政治玩家大都把注意力集中在加州，因為該州自科網股泡沫爆破後收入大降，今年財赤達三百八十億美元。加州唔同聯邦政府，冇印刷鈔票機，因此非常唔掂。加州中產階級在科網股泡沫爆破後傷亡慘重，樓房再按揭百分比全國排名第二，加州人呢幾年靠借債度日，令加州生產的紅酒在超級市場只賣二美元一瓶，葡萄種植者今年已荒棄三分一葡萄園，以減少日後紅酒產量，藉之維持紅酒零售價唔再下跌！加州財政狀況將影響阿殊能否連任。另一方面，阿殊希望歐洲人幫手維持伊拉克秩序，佢終於知道「平天下易，治天下難」。趕走侯賽因話咁易，但治好伊拉克極難；法國、德國對「新伊拉克計劃」冇興趣，俄羅斯態度暖昧！如歐洲佬唔肯幫手，阿殊只有向國會要求再撥款六百億到七百億美元去重建伊拉克，擔心伊拉克將變成另一個黎巴嫩。加州同伊拉克問題令上周五金價一度接近三百八十美元，今年內能否破三百八十八點五美元？等大市話畀各位知。

　　85年只有二十億美元外資直接投資中國（大部分來自香港），2001年數字達五百億美元，大升二十五倍。中國加入WTO後，2002年及2003年進入中國直接投資的外資數字更大幅增加。中國呢幾年GDP增長率平均達8％，美國只有2％；2002年美國GDP十一萬億美元，中國一萬億美元，不及美國十分一，但今年上半年中國對美國出口上升40％！假以時日，兩者GDP可漸漸拉近，因中國GDP增長率四倍於美國！中國人把收入四分一用於儲蓄，美國人卻只把收入3％用於儲蓄！不過，中國要小心地產泡沫，根據《國際先驅論壇報》報道，中國很多大城市高樓大廈林立，但17％空置，中國唔少大城市房地產其實已有泡沫，只係利率偏低令泡沫尚未爆破，中國政府正努力挽救，以免類似97年至2003年香港的情況在中國其他大城市重演！ァD睇好中國房地產前景者請留意《國際先驅論壇報》的警告，一旦人民幣升值，擔心國內樓市泡沫可能一如九十年代日本被刺破；若明年美國開始進入加息潮，中國房地產前景令人擔心。在中國賺錢最易仍係開廠搞出口賺老外的錢，想賺中國人錢，唔係咁易也。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.