投資者日記有得揀捱死無怨 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 05:42:12 07/22/03 Tue
Author: 曹 Sir
Subject: 投資者日記有得揀捱死無怨

7月20日，周日。恆生指數3、4月份同RSI形成三浪背馳而反彈；6月份起至今恆生指數同RSI形成二浪背馳【圖一】，會否形成三浪背馳才回落？响熊市二期，任何事都可以發生。我地皆喜歡熊市反彈，但响熊市中，經濟在一步步惡化而非改善，不如意事十常八九，因此响熊市中投資策略是得些好意須回手，千萬不可希望賺盡，因為形勢改變得太快。科網泡沫2000年爆破，整個經濟在洩氣中，2001年起格蛇開盡所有氣泵，為呢個已穿洞的泡沫打氣，某些日子裏泵入的空氣較洩出的空氣多一D，這個已洩氣的泡沫又突然窗A但泡沫已始終破裂，最後結果仍是洩氣！阿殊繼續為入侵伊拉克辯護。時移世易，美國開國總統華盛頓強調「誠實係最好策略」，今天在貪念及強大軍事力量支援下，阿殊早已忘記得一乾二淨，唔通連美國總統亦相信「有強權，冇公理」?𠄘^國武器專家凱利外傳在受壓力下自殺，到底背後隱藏咗D乜？令人迷惑。侯總施行暴政，別國係咪有權將佢推翻？美國係咪國際警察？阿殊所指大殺傷力武器响邊？

香港只見人造曙光

　　綠化郎北上述職，再一次獲中央高層支持，一早估到啦！過去六年綠化郎以一個毫無政治理念的商人，管治一個高度自由的社會；再加上亞洲金融風暴，搞到今年7月1日五十萬人上街。其實大家都辛苦，綠化郎係好人、老實人，呢點毫無疑問，佢出任特首背後理由可能為咗感恩，正式勉為其難。香港人不滿意的最大理由係盲婚啞嫁—母親一輩常說佢地一代離婚率冇我地呢代自由戀愛者咁多！咁又點。民主制度未必較依家八百人選舉團選特首為佳，分別只在「我願意」便鹹魚白菜都同你捱；反之「父母之命、媒妁之言」，任你天仙化人或才高八斗又點，此乃自由戀愛精神！過去六年經濟低迷，係市民怨聲載道之部分理由（其他亞太區國家經濟何嘗唔係？），真正理由係市民冇投票選綠化郎所以有權怨，如果老公（或老婆）係自己揀捱死冇得怨，怨亦只有怨自己冇眼光。中央政府唔好誤會單單係經濟令五十萬港人上街，真正理由係民主訴求。「父母之命」時代已過去（雖然父母係為我地好），自由戀愛時代來臨（雖然美國離婚率高達30％）。

　　呢幾年做香港人其實幾慘。98年8月起我地便開始等待黎明，一次又一次發覺光明只係政府射上天空的照明彈，閃一閃之後又係漆黑一片。98年起政府多次努力—包括停售添馬艦地皮、推出首置自置居所計劃、暫停出售居屋、暫停賣地，每次我地都以為見到曙光，事後證明係另一顆照明彈。97年8月至今六年香港人仍然在等，唔通好似日本政府似模似樣努力阻止衰退出現，結果並冇帶來似模似樣的復甦？1984年至1997年十三年內部消費所產生的繁榮，是否已把港人畢生儲蓄用盡？今時今日失業率8.6％，加上就業不足率4.3％，即十個香港人有一個失業或開工不足。企業純利只有非本土經濟者仍然上升，依賴本土經濟者皆在回落，尤其今年第二季沙士疫情影響下，情況更令人擔心。今年7月最惡劣日子或者過去，但黎明卻冇來到！人到洛陽花似錦，我到洛陽嘆奈何。綠化郎成世人都係好命唔好運，好命成為船王之子，但接手東方海外（316）卻面對航運危機，好不容易捱掂番又獲授命接手特區政府，上台唔夠一個月便面對亞洲金融風暴；今年連祖國亦放人落嚟香港旅遊幫佢一把，結果卻爆發沙士；邀得赤松搞財赤，又惹上買車風波……。三分努力七分天意，有時真係問句天。99年搞數碼港2000年科網股泡沫爆破，去年12月林森池兄教路發債，赤松卻話發債等於碌卡；依家赤松求去，政府又重新研究發債（因房委會面臨破產威脅）；今年6月債券市場泡沫爆破……かか遇著剛剛。

日熊已薨僅欠死亡證

　　格蛇為阻止通縮响美國出現，不惜一切放寬銀根，去年10月起股市終於有反應。聯儲局理事貝南克在去年11月21日華盛頓National Economists Club發表文章，話美國政府技術上而言擁有印刷機（或今天叫電子設施），容許美國印刷希望要的美鈔，冇理由不能阻止通縮出現嘅！換言之，去年10月美國經濟進入「再膨脹期」。曾經歷七十年代的投資者，便明白乜ぞ麽叫做「再膨脹」。聯儲局努力阻止美國進入九十年代日式經濟，更加不接受出現三十年代式美國經濟，可以接受的只是七十年代美國式經濟，即美元疲弱、股市牛皮、樓價（指美國）及金價上升、債券出現熊市。「呢次唔同嘅」通常係解釋藉口，但呢一次衰退與復甦，的確與第二次世界大戰後任何一次都唔同，呢次在衰退期消費者並冇減少消費；復甦期失業率繼續上升未見改善，可能與聯儲局大量供應貨幣有關，亦可能與白宮提供大量財政開支刺激有關。聯儲局首次以股市升降作為貨幣政策決定，政府同時推出減免股息稅及減免資本升值稅，以刺激股市、削減高收入階層入息稅以鼓勵投資而非消費，整個策略係阻止股市進一步回落，希望股市上升帶動經濟。

　　今年3月18日日本央行行長換人，新行長福井俊彥係再膨脹理論信徒，乃我老曹認為日股熊市今年4月份結束之理由；不過，能否產生日圓弱勢仍係疑問（因美國正在玩美元弱勢政策）。今年6月日本貨幣供應以年率20.3％速度上升，令日本債券價格6月至今大幅回落！日本資金4月份起由債市流向股市，唔少人質疑我老曹嘅日股牛市論，佢地話久病的熊雖然已斷咗氣，但一天未獲死亡證，法律上便未獲確認……嗚呼，批評者分析水平實在太差，佢地唔通忘記咗股市走在經濟之前三至九個月咩？又或者忘記咗牛市在憂慮中上升，熊市在樂極忘形時出現？我老曹再強調一次，日本熊市可能在今年4月死亡但未獲發死亡證（例如一浪高於一浪或升幅大於熊市跌幅50％，由於熊市長達十三年半，此訊號出現才入市已太遲）。不過，購買日本基金仍不要忘記以止蝕盤保護。

　　歐洲央行受制於《馬城條約》，無法玩「再膨脹」政策。不過，歐羅已大幅上升，願意以1.2美元流向歐羅的資金大減，估計歐羅後市在1.1至1.2美元上落。雖然皇帝冇著衫，但人人不敢說出真相，形成美元短暫仍企得住，直到「皇帝的新衣」呢個謊言被打破為止！此乃第三季美元匯價短期轉強之理由。事實永遠係事實，到底哪一天投資者才說出「皇帝冇著衫」呢個真相，非我老曹能力可預知。債券泡沫已在日本爆破，美國債券泡沫亦步上後塵，投資者手上債券宜獲利回吐。今年第二季我老曹已指出債券投資已成強弩之末，第三季已確認債市泡沫爆破，各位千祈唔好幾年後又問我老曹點睇債券，因為依家唔行動，到時你已經變咗大閘蟹！

股市漸入鞏固期

　　在聯儲局悉心炮製下，道指出現一浪高於一浪。今年3月12日低點7416點較去年10月10日低點7197點略高，今年6月17日高點9352點又較去年12月2日高點9043點為高【圖二】，此乃形成牛市的最低要求。至於50％原則（9504點能否打破），仍然有待。即使打破9504點，我老曹相信亦只係夏日鞏固期，而非夏日反彈（Summer Rally），因為呢隻牛係人造そ，擔心生命十分短。股市只係經濟晴雨計，改變晴雨計改變不了天氣。98年9月特區政府入市干預令恆生指數重返97年水平，人人以為牛市重臨，但99年經濟已非97年之貌！聯儲局雖然透過貨幣政策令道指出現一浪高於一浪，但美國經濟又如何？股市水平最終由經濟因素決定。

　　道指反彈，亦令恆生指數自4月25日8331點起反彈；6月17日起道指在9352點進入鞏固期，恆生指數7月份亦在10000點水平爭持炒個別發展。香港股市無法擺脫美股牽引。對初哥而言，有時須重溫投資理論︰投資策略係乜？一、保本為上；二、增值次之。換言之，响資金安全受保障後才考慮增值，不然便唔係投資而係投機或賭博。孫子曰：知己知彼，百戰百勝。你了解自己嗎？你了解所投資項目嗎？知己不知彼，十戰尚有五勝，不了解產品內容但了解自己可承擔幾多風險者，仍有50％機會；至於盲頭烏蠅一味靠撞，極其量係十戰一勝！我老曹咁多年投資經驗，已學曉唔打無把握そ仗，只有十拿九穩之下才出兵；缺乏經驗的新進起碼要了解自己性格才可入市，這樣起碼十戰五勝，只曉打電話問功課者，唯有冀望幸運之神與你常在！我老曹冇ぞ講。

加元可待入市機會

　　外匯方面，今年首選加元！加元由去年12月31日1.58兌1美元，升至今年6月16日1.33兌1美元，升幅15.8％。一旦調整升幅三分一，可見1.413加元；調整升幅二分一，可見1.455加元。我老曹意見係，加元1月至6月升幅只係整個升幅的一半，6月16日起的調整，令加元回落到1.413至1.455之間，係年初入市者獲利回吐的結果。任何升市都唔係直線進行，而係以N字運行；加元正在1.413至1.455之間重建基礎！未買加元者，可在此水平等候機會吸納。至於歐羅，我老曹已講過1.2美元已係滿意過滿意，展望後市在1.10至1.20美元之間上落。

　　日圓合理水平係140兌1美元。但日本人有錢，一旦日圓匯價偏弱，便大把錢回流日本干擾正常走勢，少玩為佳。

　　澳元過去兩年（2001年下半年至今）升幅太勁，現水平有排搞；英鎊情況同澳元差唔多。換言之，ケ加元者可繼續ケ，未ケ加元者留意7、8月份的入市機會。

　　至於黃金，因為仍處牛市一期，大部分人唔會認同（牛市在憂慮中上升）；經過兩年大升市後（2000年3月到今年3月）進入消化期，尤其6月份美元短期轉強，暫時可買入後持有，如未來日子利率低於一厘，黃金勢必復活。另一因素係前面提及「皇帝的新衣」因素，一旦市場有人講真話「美元係赤條條」，黃金又再起步走。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.