投資者日記政府泥菩薩過江 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 07:11:49 08/02/03 Sat
Author: 曹
Subject: 投資者日記政府泥菩薩過江

8月1日，周五。今天恆生指數升113.77，收10248.60；成交一百一十七億五千八百萬元。8月期指低水8點，收10240點。地產股藉孫公所言炒上，令恆生地產分類指數升2.9％；新地（016）升4.5％，見四十八元四角；恆地（012）升4.3％，見二十六元六角五仙；新世界（017）升13.9％，見三元八角七點五仙；希慎（014）升7.5％……。分析員更認為明年樓價可升30％！如果政府出招有咁巨大威力，真係一天光晒。

市建局技術上破產

　　地鐵（066）上半年純利跌93％，只有一億一千三百萬元，可以話幾令人失望。沙士疫情令機鐵大受打擊，來自地產發展利潤大跌48％，將軍澳支線利息開支入賬亦有影響！下半年國金二期出售利潤（買家係金管局）入賬，估計全年純利三十六億七千七百萬元，或每股獲利七角三仙，較去年減13％，?狺Q三倍；明年受政府房屋政策影響售樓利潤，估計純利在失去售樓利潤下回落至十三億七千二百萬元或每股二角七仙。既然政府違反與地鐵所簽合約，便必須向地鐵公司賠償因更改土地政策而帶來損失，或重新以高於招股價（另計呢幾年財務負擔）將所發行地鐵股份收回，咁至合理。

　　政府房地產政策可謂一塌糊塗。例如市建局必須以七年樓齡的價格回收舊樓，即除非地價不斷上升，不然買幾多蝕幾多，過去六年樓價有跌冇升，已令市建局技術上破產（由於係官方機構唔使破產），一早已資不抵債。房協係非牟利機構，財政一向獨立，過去由政府撥地、房協自己籌集資金起樓收租，由於免地價，所以房租特別便宜；八十年代房協亦加入興建居屋行列而賺咗一大筆錢，原本打算將屬下收租物業重建出售，反正自己大把錢，忽然之間政府唔准佢起樓出售（例如北角⑥）於是只有將幅地交回政府，如此一來，房協自然唔會再將D收租物業重建出售，變成坐擁巨資冇嘢做養懶人。又講吓過去公屋租金有上冇落，房委發展居屋亦賺咗幾百億，立法會唔知點解通過租金收入與入息掛丶法案，呢幾年港人收入回落，變成房委會要減租，未來幾年租金收入可能因此少收五百億元；由於資金用咗去起居屋，政府去年11月開始話一年內唔准賣，依家打算三年內唔准賣！幾百億資金被凍結咗，咁搞落去，房委五年內亦將出現資金周轉問題，依家打算將D停車場及商場分拆出嚟賣，估計可收回二百幾億元頂數。政府三大房地產方面的機構，一間技術上破產，一間有錢冇嘢做，一間被告不遵守立法會決定出現資金周轉困難；政府自己亦係泥菩薩過江，要求佢撑住房地產，你話得唔得？政府唔係萬能，又睇吓孫公仲有幾多招??

努力克服生產過剩

　　美國經濟仍在努力克股九十年代响高科技熱潮中所建立的過剩生產力，一如九十年代日本努力克服八十年代所建立的過剩生產力；97年下半年起香港亦正努力克服84年至97年所建立的樓宇過剩。所不同者係，美國貨幣政策2001年起進入擴張期，此舉有助減少調整期所帶來苦楚，但同時令股票?珓O持响偏高水平，令牛市無法孕育出來。响低利率期，資金在債市、樓市及股市之間游走，尤其股市更由一個行業走向另一個行業，行業性股份出現此起彼落。例如去年10月至今工業股表現良好；今年4月至今國企股又回升……。本港經濟進入好既好不了、壞也壞不了的境況，主要睇從事邊一個行業，例如房地產繼續受CPI負數及高失業率打擊。本港CPI出現負數，唔係供應增加造成價格回落，而係需求減少令價格回落，此一結構性因素相信仍需兩年時間才可消除，即本港通縮現象將維持到明年下半年。不過，從事出入口貿易者因中國GDP保持增長率8％而受惠。旅遊業同零售業受沙士疫情影響，相信今年第二季見底，未來因中國進一步放寬個人來港旅遊而受惠；出外旅遊業卻因港元追隨美元轉弱而受害，估計歐洲團、澳紐團今年生意十分難做；另一方面，銅、鋁價格上升，部分資源股今年表現出色，唔少金屬股進入回升期。

　　今年股市進入精挑細選期，過去知少少扮代表者紛紛被淘汰出局，因為投資市場已進入炒股唔炒市時刻，げD唔睇年報隨口噏當秘笈嘅分析員，衰完一鑊又一鑊。

行業之間換馬套利

　　未來經濟動力漸漸由美國轉到中國，最先係製造業，依家係基本金屬及能源（例如金、銀、銅、鐵、鋁、石油及天然氣），未來係基建及房地產，主要係戰後至90年新建房屋唔多，中國90年起進入舊樓換新樓期，但以本銷市場為主，而非外銷房。依家中國消耗全世界20％金屬，已成為決定金屬價格的重要因素，去年中國人均收入首次超過二千美元一年，情況有如六十年代日本及八十年代香港，即中國响二十一世紀開始由工業社會一步步走向消費社會。當然，因為中國冇每年賣地五十公頃嘅限制，未來二十年中國樓價升幅唔同香港過去二十年的情況，但八、九十年代在港發生過的事，未來二十年將在中國重演一次。

　　至於香港經濟全面復甦機會唔大，但行業盛衰仍然持續，例如過去一年工業股投資回報十分吸引，响滯賬壓力下，紡織股、鋁材股甚至石油股表現不俗；反之金融股（匯控〔005〕除外）、地產股備受壓力，電訊跌完可以再跌。至於近期回升的高科技股，到底係去年10月見底抑或另一次反彈，至今未明朗。

　　今年投資主力仍係中價股而非大藍籌，去年10月至今中價股表現一直較大藍籌出色，此現象估計下半年持續。成功策略係が行業內或行業與行業之間換馬！例如去年10月至今响工業股之間游走，取代買入後持有，沽出跑輸大市者、買入跑贏大市者。

港股處熊二上落市

　　根據日經平均指數嘅經驗，90至92年完成熊市一期後，92年年中至2000年共八年半時間都是熊市二期，即使出現一浪高於一浪走勢，到96年仍擺脫不了熊市，到咗2001年15000點失守。至於係咪已於今年4月完成熊三？雖未獲確認，但機會很大。如以日經平均指數印證恆生指數，我老曹認為香港股市仍處熊市二期中的上落市。

　　永亨（302）同意以四十八億元收購浙江第一銀行後，以資產計將成為本港第六大銀行，賬面值一點二二倍（中信金融〔183〕收購華人銀行代價係一點二六倍，東亞銀行〔023〕收購第一太銀係一點五倍；較昂貴係星展銀行收購道亨銀行達三點三倍），完成收購後，永亨將成為上巿銀行中第四大巿值銀行。透過收購本港銀行愈來愈大，但銀行數目愈來愈少。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.