VoyForums
[ Show ]
Support VoyForums
[ Shrink ]
VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 04:55:08 08/06/03 Wed
Author: 曹 Sir
Subject: 投資者日記 IQT唔住赤松觀？

8月5日，星期二。IQT局而優則司，有人歡喜有人愁，最歡喜者係邊個？佢媽咪乎？非也。茶客甲曰，歡喜得幾乎要開香檳者，乃任新郎也。點解佢會咁高興？深慶綠化郎得人乎？認為香港經濟從此可脫苦海乎？通通非也；佢所以如此雀躍，據甲的明查暗訪，乃佢知道IQT對佢劗炡s略識之無都講唔上也，即係MCC，乜都唔識，咁即係話，赤松處心積慮欲對金管部門進行大掃除並把之納入政軌之工作，將無從做起，等於任新郎又有幾年安樂公可做；早排有個哲學家話佢娘子有一品夫人格，等於佢仲有排歎，如今め星赤松灰頭土臉而去，IQT又以烏蛇蛇聞名於你的高薪公僕圈，佢仲有唔飲得杯落？


以身作則救財赤


　　茶客甲話，IQT可能唔想搬入赤松觀，唔係佢扭計，而係佢依家間屋風水甚佳，出入方便，D細蚊仔返學又相當就腳；加上佢老頂有住自置物業先例，因此佢便有一動不如一靜之思。至於政府會唔會把官邸租值折現畀佢，甲話即使會，呢層IQT一定唔會收，唔係佢有大把，事關蚊年愈多愈好，乃人之天性，而係依家乃係慳得便慳之年代，佢想以身作則救財赤也。茶客乙話，如果真係咁，華府內幕客近日已在討論之「房屋政策」便有落實之機會，此政策乃係政務司司長搬去赤松觀，維宮作為行長之官邸。乙話綠化郎在七．一前曾為官邸事諗到頭都大晒，以佢若未能搵到官邸，第三任行政長官便唔知住鈱銦A事關未必個個行長都有自置大屋也；唯七．一後佢已冇晒心機。

　　講起IQT，甲話佢在電視上笑到見牙肉唔見眼之稚態，展露甚乃依芙之良性面；乙插口曰，佢的確甚乃依芙，七．一後有日佢同班老死飲宴，問眾人曰：「經過此役，你地估我老細硬魕w軟驉H」此硬此軟，指的當然係對「良心一派」的態度，唯座上有半邊天二名，則冇法唔面紅紅陰陰而笑矣。眾茶客問硬軟之答曰為何？乙話IQT之結論係更硬！

　　今天恆生指數跌5.76，收10177.38；成交九十四億七千三百萬元。8月期指低水，收10110點。恆生指數自4月25日至今已上升超過21％，相信已完成三浪背馳，今天趁好消息出貨ガ投資者唔少。新地（016）跌1.4％，見四十七元八角；恆地（012）跌1.1％，見二十六元六角。過去地產股升幅唔細，但住宅單位供應過剩問題三五年內冇法解決，D短線客仲唔趁機獲利回吐咩！

　　地產股自4月底開始反彈，至今已完成同RSI三浪背馳【圖】，客觀因素物業市場供求最快要到2005年才平衡，地產股過去三個多月表現係咪高興得太早？睇睇以下因素—

　　一、二手樓放寬70％上限雖獲金管局同意及支持，但大部分銀行無意提供呢方面服務（除非買足保險），作用有幾大？

　　二、豪宅印花稅由依家3.75％下調，估計影響有限。

　　三、人民幣升值帶來刺激，估計係十二個月以後的事。


孫公切勿倒果為因


　　四、有分析員因7月31日孫公講話而睇好，上述情況過去幾年已多次發生，結果證明孫公ガ說話並不能改變房地產供過於求ガ現實。去年11月孫九招已證實無效，點解今年10月孫公再出招會突然生效？放寬樓宇建築期只會令供應量延長面市，一樣改變不了本港供過於求ガ現況。依家樓價跌唔係供應太多，而係過去六年需求萎縮，係經濟影響鷐蚖龤A唔係樓價影響鷒g濟，請孫公唔好倒果為因，混淆視聽，笑死經濟專家。唔搞好經濟，樓價係好不了的，知冇！

　　五、7月份交投多66％，相信只因4、5、6月份累積購買力在7月及8月發揮。

　　六、至於REITs只能增加物業公司ガ流動資金，改變不了樓價方向。呢點鈮s加坡已經證明，相信本港亦唔例外。出售收租物業畀物業基金，反而削弱鬫a產公司未來租金收入。

　　七、過去幾個月地產股升幅已十分大，建議獲利回吐，因為出現三浪背馳後，代表購買力短期已被消耗，欲更上一層樓，便必須重新累積購買力。

　　匯控（005）上半年純利升25％，達四十一億零六百萬美元，較大部分分析員估計中好，主要係買賣利潤較過去高出四億美元，係利率向下造成債券價格上升及美元向下造成的有利環境，估計全年純利升17.4％，達六百二十八億九千五百萬元或每股獲利六元零六仙，現價?狺Q六倍；明年獲利六百八十五億五千五百萬元或每股獲利六元二角三仙，增長2.8％，未來?狺Q五點五倍，以現價計，進一步上升有一定阻力。

　　恆生銀行（011）半年純利五十億二千萬元，只跌3.8％，其中一項理由係恆生推出之財富管理收入升37％，令非利息項目收入大增，鄖怌a經濟環境，上述成績得來不易，相信職員已盡力向客戶推銷，唔少客戶因存款利息收入實在太低，轉向幫襯恆生銀行推出之財富管理。雖然如此，今年純利估計仍跌8.3％，只有四元七角七點八仙，?狺Q七點六倍，吸引力一般。恆生銀行因香港本土經濟疲弱，削弱其盈利能力，可能收購一家中資銀行，並增加中國大陸投資。

　　和黃（013）佔58％股權的和記電訊澳洲公司上半年虧損一億二千九百四十萬澳元（六億五千萬港元），去年同期虧損七千三百萬澳元。今年4月鉯D洲推出3G網絡流動電話服務。

　　中電（002）半年獲利三十七億一千四百萬元，升8.2％，主要係國內業務表現不俗，估計全年獲利七十四億五千七百萬元，升5.4％，每股獲利三元一角，?狺Q一倍。不過，監管電力計劃2008年到期，未來幾年隨時開始檢討，存在威脅。

　　太古A（019）周四公布業績，受沙士疫症影響，上半年估計獲利只有十一億八千萬元，較去年同期跌57％的機會甚大，估計全年純利係三十八億一千六百萬元或每股二元五角，較去年減29.5％，?狺Q四點九倍。寫字樓租金下滑壓力及售樓利潤大幅回落（甚至可能為東涌項目撥備），都係影響太古全年純利之理由。不過，依家市價已較資產淨值低30％左右，估計後市表現追隨大市。

　　國泰航空（293）周三公布中期業績，估計出現十一億九千萬元虧損。沙士疫症影響十分短暫，長期影響係特區政府開放天空唔再實施一航線一公司政策，引入激烈競爭；另一方面，香港搭飛機較澳門或深圳搭飛機貴許多，部分人改到澳門或深圳才搭飛機，代表未來機票加價空間極之有限。

　　港機工程（044）剛公布半年營業額九億八千六百萬元，減4.08％；純利一億九千萬元，減20.83％，每股一元一角四仙，中期息每股二角八仙。今年上半年香港國際機場升降飛機平均每天只有一百六十四架，去年同期一百九十一架，部分純利包括五千二百萬元撥回；今天股價跌1.1％，見二十七元六角。

　　鉭等咫G期指數創新低，代表拋售力量完畢，大市不日上升；反之，指數略高於前浪一點點，代表購買力已用得八八九九，大市上升乏力。


政府扮演上帝註定失敗


　　97年7月香港主權回歸後，最大變化係由港英政府時代積極不干預漸漸變成積極干預，例如97年7月1日的八萬五房屋政策到依家的孫九招，政府都希望鉏蚖糷伬陘W扮演「指導角色」。金融方面，98年8月動用一千一百八十億元外匯入市買股票，到變成盈富基金（2800），亦反映連BT、任新郎呢類口口聲聲話積極不干預的高官亦入市指揮股市方向。其後迪士尼主題公園到數碼港興建，見到政府在鄔O面積極干預一面；到赤松上任財爺，假借小政府大市民策略，干預程度變本加厲，無論教育、醫療、房屋都感受到政府干預的壓力……。依家換蘳QT又如何？佢笑面迎人，一片與人為善的態度，唔少人歡迎佢，忘記鼳\鈳郱s及科技委員會之作為及在任工商及科技局局長時鄐中p型企業協會貸款上實行選擇性支持行業，已近似過去的南韓、新加坡及台灣，利用政府資金扶植佢認為有前途的行業，此一方向已在南韓證明徹底失敗，新加坡及台灣亦一再出事，因為違反「物競天擇，適者生存」原則，政府無權決定扶植哪一行業壓抑哪一行業，不然整個社會不均衡發展，最後帶來災難。今天港人的災難前因係84年中英聯合聲明每年賣地五十公頃，後果才係97年7月八萬五政策……。過去六年特區政府正漸漸遠離積極不干預政策，由政府扮演上帝，此乃香港經濟接二連三出事之真正理由，IQT出任財爺，恐怕唔會糾正過去六年呢方面錯誤，反而更加變本加厲，令香港一步步走上七、八十年代南韓之老路（由政府扮演上帝），呢點才是令人最最擔心之處。

　　我老曹呢一代六十年代出鄹祗飽A既捱過67年暴動，亦經歷過74年石油危機、82年香港主權之爭及87年股災、89年六四事件，今時今日仍能在金融圈生存者，應該都幾硬淨。但新一代鉡c榮中長大，一出身便面對97年亞洲金融風暴，2000年科網股泡沫爆破，以及「九．一一慘劇」……。能否一如我老曹呢一代人有驚無險到退休年齡？我老曹只有默默祝福佢地，雖然成長期較我地呢一代幸福，但搵食肯定較我地呢一代更困難。

　　人無遠慮必有近憂，好好諗鴭年經濟點樣，然後作適當的準備，乃是逃避災難的最好方法，大部分被淘汰者只因相信明天會更好！熊市二期係專家市，只有專業投資者才知道何時買入何時沽出，買賣何股炒哪一行業，大部分散戶通常係短期執多少，結果輸多多！六年熊市已證明股市搵食唔容易，多少英雄好漢葬身股海？唔好以為債券安全，6月13日至今三十年期債券鄐C星期內失去18％市值，亦係百年難得一見。


負資產家庭成計時炸彈


　　唔少人擔心香港走上日本之路，其實日本之路冇問題，只要過去六年唔炒樓唔炒股票便可，更令人擔心係走上阿根廷之路，即政府有一天用光外匯儲備，聯匯被迫脫せ，90％中產階級面對破產命運！理由係日本人乃天性喜儲蓄，面對經濟衰退收入大減，但仍有儲蓄可動用；香港人自認叻仔，炒樓炒股，六年工夫有幾多家庭負資產？叫負資產家庭捱落去，有工做問題唔大，一旦失業，你說怎玷魽H負資產家庭已成為香港計時炸彈，唔知何年何月引爆，連政府亦明白呢點，所以政府亦希望未來樓價穩定甚至升番DD，可惜樓價從來唔聽政府話，90年至97年政府叫佢唔好升，佢就升完又可以再升；98年起政府叫佢唔再跌，佢就係要同綠化郎拗頸。如今年10月孫公出埋第十招，樓價一樣唔聽話，將引發一次「通縮性下陷」（deflationary slump），令銀行界呆壞賬數字急升，失業率達雙位數字……。香港正進一步接近阿根廷模式，尤其債市向下，代表明年利率向上，長達二十三年半的債券牛市今年6月結束。 　　利興（068）附屬公司去年11月發行七千九百五十萬美元票據，由於未通知聯交所，聯交所保留追究權利。

[ Next Thread | Previous Thread | Next Message | Previous Message ]
[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.