投資者日記三浪背馳完成 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, [2], 3, 4 ]

[ Next Thread | Previous Thread | Next Message | Previous Message ]

Date Posted: 19:25:31 08/09/03 Sat
Author: 曹 Sir
Subject: 投資者日記三浪背馳完成

8月6日，周三。今天恆生指數跌189.84，收9987.54；成交一百一十一億三千九百萬元。8月期指低水，收9865點。恆指同RSI三浪背馳【圖】，代表大部分購買力响8月5日已完成消耗，後市睇跌。印尼汽車炸彈事件令人擔心恐怖襲擊又再來臨，過去人們相信東南亞一帶的伊斯蘭教徒冇中東的咁激，因為佢地與印度教及佛教共存幾千年，但從峇里島事件到近日雅加達事件，證明上述諗法係錯嘅，宗教衝突可以令整個東南亞永無寧日，危及整個地區安全及減少外資流入。

會考生加入搵食行列

　　股市的缺點係至今仍冇GPS（人造衞星導向），令投資者只好望天打卦。唔少人相信我地從4月份沙士疫症高潮中恢復過來，恆生指數由4月25日的8331點升到8月1日的10295點，升幅達23.5％。2001年幾多人因銀行減息，以為經濟復甦喇，結果大失所望；去年恆生指數重返二百五十天移動平均線之上，好多人高唱牛市重臨，其後又點？今年4月25日開始的反彈係咪响8月1日結束，事關已形成三浪背馳。股市以外的情況並唔樂觀，今天會考放榜又多七萬幾中學生加入搵食行列，失業率未來數月進一步推高；債券市場6月13日起回落，即利率回落期告一段落。我地以為香港係九十年代日本，擔心變成二十一世紀阿根廷，貝隆上台後順應民意，最後阿根廷外匯儲備花乾花淨，政府發債度日，最後聯匯失守，引發阿根廷經濟大災難。我地會否進入貝隆夫人時代？香港咁慘情，不如我地高歌一曲「香港別為我哭泣」啦！

　　93年日經平均指數响四個月內反彈30.12％，理由係利率下降及政府刺激經濟政策，之後又點？94年利率回升多少對日股破壞力極大；2001年至今利率回落對恆指冇幫助，明年一旦利率回升一兩厘，會否一如94年利率對日股造成的破壞？响熊市二期，減息對股市刺激唔大，但加息肯定帶來傷害，尤其係對地產股同金融股。

中價股熱潮到咗完結篇

　　大新金融（440）半年獲利四億七千二百萬元，較去年同期升3.9％，表現不俗，主因係控制成本，令成本佔收入32.6％（去年同期34.5％）；其次呆壞賬減14％，因此在利率差由三厘三六減至三厘一八的情況下，純利仍然微升，估計今年純利九億一千三百萬元或每股三元七角，升10％，現價?狺Q一倍，不過不失。

　　長實（001）响新加坡發行Fortune REIT房地產投資信託，每份港幣四元七角五仙，集資九億六百萬港元，淨收益率6.5％；超額認購三點七倍，長實可增加出售多二千八百六十萬個單位；今天長實股價跌2.8％，見四十九元八角。

　　國泰（293）虧損十二億四千萬元或每股三角七點二仙，理由係沙士疫症期飛行班次減少50％，令營業額收入減少21％，只有一百二十三億元；股價只跌0.5％，至十元九角五仙（自3月15日沙士疫症爆發股價跌3.5％），相信最惡劣日子已過去。

　　會德豐（020）今天跌4.96％，見六元七角；漢登（448）跌3.7％，見二點六仙。

　　去年10月開始的炒中價股潮至今已維持十個月，中價股股價已由去年偏低到今年8月偏高，此一炒中價股熱潮是否到咗完結篇？須進一步觀察，經過十個月升市，响中價股中挑選優質股已成為高難度動作。

　　近期人們談論點解6月13日起債券市場表現咁差？2000年至今的熊市，令唔少大戶資金避難到債市，不但冇損失，反而因利率下降而受惠；但過去六星期對債券持有者而言都幾刺激，因為債券價格（通常較股票穩定許多）平均跌幅在10％至18％，愈來愈多人同意我老曹話6月起債券熊市已開始嘅講法！

　　近幾年我老曹比較成功之舉係喺97年7月一開始便反對八萬五房屋政策，並指出此政策可能引發一連串後果；另一次係2000年3月對科網股提出警告；至於第三次就係今年6月擔心債券牛市結束，要事後才知道。點解我老曹認為呢D事件重要？97年7月げ次改變咗戰後港人的傳統諗法（買樓係投資）；2000年3月那一次就算科網業前景秀麗但股價太高，一樣可帶來災難；呢一次係通脹率偏低甚至面對通縮來臨，債券一樣可以回落，因為世人對美元的信心已動搖……。每一次都係投資界新思維挑戰舊想法，如不追隨新趨勢，所付代價可能係一生所有，這亦係我老曹常常強調投資市場無對錯，問題在於時機（Timing）。八、九十年代初期買樓係絕對正確的行為，點解97年7月後變成錯誤的抉擇？根本上無從解釋，一切乃時機已改變了。許多事物一如鐘擺，永遠由一個極端走向另一個極端，例如71年尼克遜總統關掉黃金貼現窗後資金流向黃金；80年列根上台後資金回流美元；阿殊上台後資金又再流向黃金。過去兩年金價上升一百美元或40%，近期高價係今年2月首見三百八十八美元，出現獲利回吐，最低曾見三百二十美元，周一Newmont礦務公司主席預測未來十二個月金價可見四百五十美元，理由係中國市場黃金買賣自由化（今年6月開始），估計來自中國需求遲早超過印度，成為世界上最大的黃金消耗國！如果佢嘅估計正確，即金價可再升30%（佢發表講話時金價三百四十五美元）。匯豐銀行資料室比較保守，估計明年金價只能見三百七十五美元，雖然美元中期仍然睇淡；不過，响通縮壓力下，估計金價明年可見三百七十五美元，2005年見四百美元。因此，欲從金價上升中賺錢，應學習匯豐推介之Strategic Option Valuation Model，理由係二十一世紀唔同七十年代，七十年代係高通脹期，直接持有黃金便可；二十一世紀通縮壓力十分大，形成金價十分波動，例如金礦股今年1月至今跌幅接近24%，黃金變成一項商品，價格不斷波動。匯豐認為現水平吸納金礦股，未來賺錢幅度較直接持有黃金大。投資金礦股或金礦股基金係另一門學問，有興趣者可直接找匯豐投資部，我老曹唔會個別推介金礦股或金礦股基金。

格蛇論調千篇一律

　　格蛇認為今年下半年經濟將好轉，如閣下有錄影機錄低去年格蛇所言，便記得去年下半年格蛇亦講過今年上半年經濟會好轉；相信今年下半年格蛇又用相同口吻話明年美國經濟一定好轉……。佢已經減息十三次，但失業情況如何？根本上未見改善。至於股市，2001年至今都係上落市，今年6月加上債券牛市結束，相信格蛇的預測落空機會甚大。

　　1966年至1982年美國經歷一次結構性衰退而非周期性衰退，主要係越戰問題令美國資金外流，甚至越戰結束，資金外流情況未見停止，直到列根上台，世人才重新恢復對美元信心，80年起資金回流美國。今天股市醜聞加上政府巨大財赤及收支赤字，再次動搖世人對美元信心，呢次資金外流唔知要經歷幾多時間才能扭轉。今年6月債市回落，係咪代表世人唔相信美國政府嘅還錢能力，資金決定離開美國？美國收支赤字以每季二千億美元速度上升，美國人總負債八萬二千億美元，美國人收入12%用作支付利息！過去二十五年只有兩次美國人收入14%用作支付利息，但當年利率較依家高許多，唔似今年工資因高失業率壓力而無法上升，利率已近四十五年低位，上升一、二厘隨時可發生。或遲或早美國人收入再次出現14%用作支付利息的危險水平。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.